بارت جديد
هاجر:::
كعدت ثاني يوم من وكت
مادري ليش كعدت شبعانة نوم وادم نايم عفتة ماكعدتة الان تعبان ومريض
.. طلعت اني لكيتهم كلهم نايمين غسلت وجهي ورحت اشوف شكو بلثلاجة اريد اسوي ريوك
فتحتهة مالكيت شي غير مخضر بس
سديت الباب ورجعت للغرفة بقيت كاعدة منتجبة ع تاج الجرباية منتضرتهم يكعدون حتة ايدزون ريوك لان ميتة من الجوع
... استرجعتني ذاكرتي للحلم ابتسمت لا اراديا
الحضة حسيت اكو شخص يحس بية واكف وياي ماراح يعوفني حسيت بل امان الاول مرة بحياتي
.. بقيت منتضرة تقريب الساعة الة كعد هوة
يفرك بعيونة التفتت الي شافني كاعدة
ادم.. من غبشة الله كاعدة شعندج
.. لا وين من غبشة الله ترة الساعة ب ١٠
ادم.. وشكو مكابلتني
.. ماعندي شي وين اروح كلهة نايمين
ادم.. هاا
.. والله
هسة اني جوعانة وريوك ماكو
ادم.. والمطلوب
.. اطيني فلوس خلي ادز
ادم.. ماعندي
.. يحجي وهوة مغمض عيونة لبست الشال وطلعت عسا وان الكاهم دازين شفتهن كلهن كاعدات وعمي ماهوة رحت للثلاجة فتحتهة نفس الشي فارغة وماليهة شي سديتهة توني واريد ارجع للغرفة بسرعة هية حجت
سحر.. تدرين ماكو شي بلثلاجة ميصير تاخذين من رجلج ودزين ريوك
.. يكول ماعندي مو اطاكم مصرف بليل مادزيتو
سحر. عمج طلع من الصبح ونسة ماخلة امشي اخذي منة وجيبي خلي ندز
.. هزيت براسي اي وفتت للغرفة شفتة ع حطيتة نايم وحاط ايدة ه عيونة تقربت منة وحجيت بصوت ناصي
.. ادم ادم
ادم.. اممم
.. عمتي تريد فلوس للريوك كالت اخذي منة
ادم.. جفينيييي شرج انتي وعمتج ماااعندي
.. حجة بعصبية عفتة وطلعت اني
.. يكول ماعندي
... باوعت الي بطرف عينهة ماعاجبهة عفتهة وفتت للمطبخ حطيت القوري ع نار بعد ماتحمل بطني كامت تمغصني من الجوع خدرت جاي وحضرت
صينية زغيرة حطيت بيهة استكان وكرصة خبز علما خدر الجاي صبيت واخذت الصينية وفتت للغرفة شفتة ماهوة طالع للحمام فتحت الضوة وكعدت بلكاع
اغمس خبز وجاي واكل فات هوة شافني كاعدة باوع للصينة وشمر المنشفة وكعد ع جرباية يكلب بمبايلة ومبين علية متوجع من شكلة كلساع يفرك معدتة
أنت تقرأ
خلف الضلام
Mystery / Thrillerقصة جديدة بقلم (رنيم كنان) تحجي القصة عن بنت باول شبابهة تزوجت وحبت بس ياترا حبهة راح يدوم اذا الهجر زار حياتنة واحتلة والحب يكدر يتحول الكره وحقد من ورة التجاهل والاهمال والمعاملة السيئة بس هية اقوة من هيج وكدرت تتخطة كلشي من بعد ماراحت الخلف الض...
