خلف الضلام

بارت 15

بارت جديد
________
هاجر:::

ماوصلنة للشقة لان رواحنة طالعة ومصطورين صطر لليل الساعة ب ١ ونص يالله فتنة للشقة

خطية خالتي هية بتلت ب فطوم كل ماتكعد ترضعهة وتعوفهة بحضنهة ماتقبل تطينياهة

..اول ماوصلنة سبحت هية واني وراهة
شقة زينة مو كلش زغيرة بيهة غرفتين وصالة ومطبخ وحمام واثاثهة يجنن بعد بتركيا وشون اثاث اثاثهم همة يملخ كلة نازك وحلو ومرتب

...  سوينة عشة وكعدنة تعشينة من التعب خالتي بسرعة ذبت روحهة ونامت بغرفتهة واني اخذت فطوم ورحت للغرفة طفيت اضوية اللبيت كلة بس ضوة غرفتي مشتغل مامنعسة حتة انام

فطوم كعدت رضعتهة وبقت كاعدة ماتقبل تنام حللتهة وعفتهة تلعب بديهة وتحرك بيهن

..  اباوع الشكلهة البريئ وشون تبتسم وتتلفت واني الف هم ع كلبي

مديت ايدي الايدهة الناعمة وزغيرة وهية جلبت باصبعي كمشتة
كمت احرك بصبعي ع كيف واحجي وياهة بصوت ناصي

..  هاا ماما حبيبي
كامشني حتة ماعوفج
يروحي والله ماعوفج اني ابقة يمج حبيبتي اني اصيرلج ام واب

..  حجيت اخر كلمة وصفنت ابتسمت تك خد واني الدمعة بطرف عيني

..  اب اني اصيرلج اب وماخليج تحتاجي
شنو ذنبج انتي شسويتي حتة الله يحرمج من الابو بس جوز الله يحبج وبعدة عنج الان قربة اذية مو نفع

((عٌسِـى وٌأّنِ تٌـکْرهّـوٌ شُـيِّأ وٌهّـوٌةّ خِـيِّر لَکْمً)) 

..  بس انشالله اني ماراح اقصر وياج وكلشي اوفرة الج ماخليج تحتاجين شي ولا تحسين بنقص الاب

....  احجي وياهة وكانو احسهة تسمعني وتفهمني
بس ماجان عندي غيرهة اسولف وياهة وافضفض الهة جنت محتاجة احد يسمعني واحجيلة كلشي

بداخلي وبنفس الوكت ماريد احجي احس اهيج جروح بداخلي وفور كلبي وكلشي ماراح احصل

..حسيت الغرفة صارت حارة وراسي دوة نار اصبعي من ايدهة بهدوء ودنكت بستهة وكمت فتحت الشباك

هوة بارد كام يفوت للغرفة واني واكفة ع شباك واباوع للسمة الصافية والنجوم التلمع وضوة القمر المنور كمت احجي وية روحي بدون ماحس

... وين هسة انتة
نايم كاعد اكلت شربت
منو يداريك هسة ومنو يغسل ملابس ويتلكاك من الباب اول ماتجي منو يسهرلك اليل كلة اذا مرضت ومنو يقرالك قران اذا توجعت

..  سكتت الحضة من حسيت ع روحي ودموتي كامت تنزل وخافية صوت شهكتي ماريد تطلع

.. اغصب بروحي وماريد افكر بي واحن عليه بس مادري شبية ماكدر اسوي هيج
كل مانسة روحة الكاهة تفكر بي

صح هواي اذاني وهملني بس مادري ليش لسة كلبي يدك الة ويحن عليه كم يوم بس هوة زين وياي كم يوم بس ينعدن ماعرف اكره احد اني اذا اذاني ١٠٠