خلف الضلام

بارت 5

بارت جديد اكتبولي رايكم وصوتو حتة انزل بارت جديد

***
هاجر:::
ومرت الايام عادية صح بيهة خباثة ونكد بس اكدر اتخطة واصيطر ع الامور وماخلي السالفة تكبر واكثر الاوقات ابقة ساكتة اشكال والوان يحجن ويسمعني ويغثنة بس اتحمل واسكت حتة ماحاجيهن كلمة وحدة ومن يجي ماشكي الة واكلة هيج سون وهيج حجن وليش هيج يسون

..  صارت بية حالة اي احد يحاجيني ابقة كاتمة وبس دمي يفور بودي اصيح واعيط وارادد وادفع عن نفسي بس كل مرة وكل مشكلة افكر الف حساب قبل ماحجي واحطة هوة كدامي وافكر شون يشتغل ويجي تعبان ماريد ازيدهة عليه

.. حولن شغل اللبيت كلة علية وابد مايمدن اديهن كامن يكعدن ياكلن ويشمرن ع سنكي واني انضف ومن اغلس تبقة عمتي تحجي علية وتصيح وتخليني اشتغل ادري بيهن استغلني لان ساكتة عبالهن اخاف منهن لو ماعرف ارادد بس مادرن اجفة الشر واسكت
وابقة كاتمة بداخلي

..  افرغ كل همومي وشكواي بل دموع من اصلي وابقة ساعات اقرة قران وبس ابجي واندتي تتيسر اموري

اول بداي اشهر الحمل صارت عندي هواي ارعاض حرق بل معدة ولعبان نفس وغير الوجع الي يصير عندي بليل احس مصارين بطني تتكطع واتحمل واسكت مابين الة حتة ماينقهر ويبقة يفكر بل دكاترة والمصاريف

وبشهر الثاني يصادف بيهة عيد الحب

جنت منتضرة هاذ اليوم بفارغ الصبر ومحضرة ومجهزة كلشي بس منتضرتة يطلع حتة ارتب الغرفة

صار اليل وهوة اجة تعشة وبقة كاعد يم اهلة اني عيني عليه اريدة بس يطلع حتة ارتب الغرفة براحتي

ردت اكل العمتي دزة شو وين بس بعدين بطلت كلت هسة تلوصهة لوص علية ادري بيهو مسوين شي يفرحني ابد وراح تخربهة

..  كاعدة وصافنة يمهم الحد مادخل عمي وتعارك ويا علمود المصرف مال البيت جان معوز مامنطيها كلة وكبت العيطة بينهم خلا يرجع ويطلع للشغل حتة يكملة المصرف

صح ضجت ونقهرت كلش عليه بس كمت بسرعة للغرفة ركض دخلت وسديت الباب نتجيت ع باب واخذت نفس مغمضة عيوني

رجعت فتحت واني اباوع للغرفة وحايرة منين ابدي اكيد راح يفرح من يشوفني هيج مسوية وخصة هسة اذا اجة كلش منقهر وضايج اغيرلة جوو

اول ماوسيت نزلت فرشة العرس البيضة وفرشتهة
ونوب طلعت الشموع وحطيتهن ع ميز وزعتهة وع جرباية وبل كاع ونوب طلعت الورد الاحمر وترست الفرشة بي ووسويت مثل الطريق من الباب للجرباية ونزلت النشرات من ع ميز حطيتهن فوك الورد

.. وكفت ع ميز وطلعت مكياجي وكفت اتمكيج حطيت مكياج ماروني وحمرة مارونية وحطيت الجسمي كلة بوطرة عطر وغير العطورة العندي رشيت منهن وحليت شعري هوة طويل واني من صبح سبحت وسويتة ضفاير ناعمات من فوك ونزلت بيهن حتة يصير كيرلي حلو