بارت جديد
_________
هاجر:::
.. ومر يوم واني لازمة كلبي اكول ع ساعة يجي وصدك ياخذ فطوم مني وةني روحي صارت بيهة كاعدة ومكابلتهة اخاف اغافل عنعة وتروح مني
.. دنية اليل والوكت متاخر كلهة نايمة بس اني كاعدة ماجاني نوم الان نمت الضهر
فطوم نايمة غكيتهة وكمت فتحت باب الغرفة اريد اروح للحمام
سمعت صوت بلحوش ستغربت البيت كلة اضلم وهدوء محد كاعد
تقربت من باب المطبخ شفتة مفتوح ومن فتحة الباب لمحت عمو خالد واكف بلحوش وادم واكف ويا وصاير الباب ورا
كلبي لجمني واني اباوع خايفة بلعت ريك وسديت الباب ع كيف ودنيت يمة اصنت
خالد.. تحجي صدك انتة ادم
ادم.. اي والله عمي ماعندي غير هاذ الحل وذا ماىحت باجر الشغل يروح مني
خالد.. وشنو يعني يجي ابوك باجر
ادم.. اي اني حجيت وياهم كلتلهم احجو وياهة وذا بقت معاندة ياخذون فاطمة منهة وهية هسة وحدهة ترجع
خالد.. الطفلة ترضع ادم شنو ياخذوهة
ادم.. ماراح تعوفهة هسة هية تجي وراهة ادري بيهة واني اريد اسافر ويمكن حتة ابقة هتاك فوك ال ٦ اشهر علما اسوي اقامة اذا الشغل عجبني وهاي شون تبقة هنا ماترهم
خالد.. اخذهن وياك وهناك اشتغل
ادم.. ماكدر هسة يردن مصاريف وجوازات ماعندي اروح اول اني وبعدين تصفة
خالد.. عمي لاتفكر بس بروح وبهلك خطية مرتك هم تعذبت يمهم ونشلع كلبهة فكر بيهة وبتك خطية
ادم.. شبيدي عمي هسة اني كلتلهة اصبري علما ارجع ماتقبل قافلة
... سديت الباب واني جسمي كلة يرجف من الخوف
بقيت رايحة جاية افتر بلغرفة وايدي ع كصتي حايرة شنو اسوي
شوية وسمعت الباب مال المطبخ انسد عرفتة راح وعمو فات
حطيت الشال ع راسي وفتحت الباب ع كيف مالكيت احد رحت للصالة كبل داما خالة امل تشحن موبايلهة هناك بليل
وصدك لكيتة ع شحن ع سريع فصلتة واخذتة ضميتة جوة شالي وفتت للغرفة
ماعندي غير هاذ الحل حتة اكدر اخابر بي لان اذا درت خالة امل ماراح تسكت اكيد وتخبر عمو وتوصل السالفة الادم
.. همزين حافضة رقمهة بسرعة سديت الباب وقفلتة ودخلت الرقم
اتصلت عليهة مترد واني كل ذرة بجسمي ترجف وخايفة لا صدك ياخذوهة وذا اخذوهة غصبا عني لازم ارجع يم اهلة واعيش وياهم
.. اتصلت عليهة مرة ثانية وية كل رنة اني احس كلبي راح يطلع وايدي كوة كامشة المبايل بيهة ترجف الحد مافتحت خط
أنت تقرأ
خلف الضلام
Mystery / Thrillerقصة جديدة بقلم (رنيم كنان) تحجي القصة عن بنت باول شبابهة تزوجت وحبت بس ياترا حبهة راح يدوم اذا الهجر زار حياتنة واحتلة والحب يكدر يتحول الكره وحقد من ورة التجاهل والاهمال والمعاملة السيئة بس هية اقوة من هيج وكدرت تتخطة كلشي من بعد ماراحت الخلف الض...
