خلف الضلام

بارت 26

بارت جديد
-------------
هاجر::::

... باوعت الة صفح وهزيت براسي اي

ادم..  شبيج ترة اني مالي علاقة هوة تدرين بي كلشي يسوي المصلحتة وبس عليمن ذبين الصوج بية

...  لا ابد مالك علاقة

ادم.. يعني شاكة بية اني الكلت الخلدون عليك

..  باوعت الةبصعبية ادري الحجي ويا مايفيد

.. ممكن جيبلي ماي

..  صفن بوجهي شوية مثل اليريد يحجي شي وبطل عافني وطلع ركع الباب ورا بعصبية مبين عليه ضاج

ادري بي اني مالة علاقة هوة بس هاي فرصتي حتة اخلي يندم ويستحسف ع كلشي سوا بية

..  بقيت شوية بل مستشفة ماطولت وطلع لان مابية شي بس الضغط هبط اجت نيران ورجعنة للبيت

تلكتني خالتي من الباب تسال علية اريد الح اجاوبهة ماكدر عبالك شو شبية مو ضغط هبط
بلكوة قنعتهة نيران مابية شي يالله هدت وكعدت

.. مرن يومين بقيت بل بيت مالي واهس اطلع وخليت شادي يتكفل بل شغل
ادن ع مرتين اجة وراد يشوفني بس كلت الخالتي ماريد اشوفة ويروح كل ما افتح الشباك بليل اشوفة كاعد بل باب الفندق ويدخن وعيونة حمر

مرات اشفق عليه ومرات اكول خلي حيل بي مو شوية السوا بية هوة

قررت ثالث يوم اروح للشغل وشواف الوضع شنو بعد السالفة الصارت

.. نزلت من التكسي اول مافتحت الباب صار ادم كدامي واكف وحاط اديه بجيوبة بس شافني دار وجهة ودخل جوة

ستغربت من تصرفة البارد كل مرة بس يشوفني يجي يريد بس يحجي وياي

ماهتميت الة عفتة ودخلت للمطعم
لكيت ست ريتا هناك وبقت تتعذر مني خطية كالت خلدون درة والله وشكد حاولت امنعة ماكدرت راح واتفق وية الصحافة وغيرو الكتابات مال المجلة والحد مانشرت يالله دريت بي وتعاركت ويا بس ميفيد

..  ماحجيت شي اني عذرتهة لان ادري بي شكد حقير وهية حبابة تحب الخير الغيرهة اعرفهة مسوي هيج

..  الشغل مو تمام ولا زبائن هواي واكثرية الحجوزات الغت من انتشر الخبر

جنت واكفة ع صفحة يم الشباك وسارحة صافنة ع شارع فززني صوت شادي

شادي..  هاااي كايز

.. التفتت الة بكل برود ورجعت اباوع ع شارع

.. هلة

شادي.   تدرين  شنو الخبر الجديد

..  شنو

شادي..  المجلة نلغت

..  لتفتت الة مستغربة

.. شنو يعني

شادي.  ماعرف بس اكو واحد لاغي بيعهة وشرائهة ودافع هواي فلوس مبين لان اليلغلي مجلة مو شوية