خلف الضلام

بارت 6

بارت جديد
اتمنة يعجبكم

****

هاجر::::

عدلت الفرشة وافتر بل غرفة واعزل بدون واهس اريد بس الهي روحي عن البجي

جريت دوشك من ع كنتور وفرشتة بل كاع وحطيت مخدة وبطانية لان مايقبل انام يمة سمعت حجية وهوة يصيح علية بل صالة ويكلي ماريد اشوف وجهج ماكوو مكان اروحلة وابتعد عنة غير افرش بل كاع

.. لبست تراك ورشيت عطر مسحت وجهي وطفيت الاضوية وكعدت منتجية ع حايط ورافعة راسي خشمي احمر وعيوني صارن دم من كد مابجيت

.. اذكرت من كالي رايح للزيارة وية اصدقائي بتسمت رغم حزني واحجي بصوت ناصي وكوة يطلع صوتي بي شخطة.

.. ههه رايح للزيارة
جايك جايك يا ابا عبد الله جايك يزورك وهيج يسوي بية جايك اريدك انتة تهدي والله ماكو شي يسوة ليش هيج يعاملني بهل قسوة بشنو قصرت اني وياا كلولي شنو الشي الي لازم اسوي واخلي مايهيني ويحبني شلوون شلون

.. حجيت ومسحن دموعي النزلن بسرعة

.. هدي انتة هدي طالبتة منك يابا الفضل هدوو وبعدو العصبية عنة والله ماتحمل اني والله بساع انغث صارت بية حالة نفسية من ورا ورة امة واهلة متحملة اهلة اني الخاطرة بس ماريد يخليني اندم لان تحملت كل هاي الفترة

....  واني احجي حسيت ريكي يبس وعطشت كمت اريد اشرب ماي شفت الدولكة مابيهة مخلص والاضوية مال البيت كلهة مطفية اكدر اباوت من جوة الباب عرفتهم نامو ماكدرت افتح الباب واطلع اخاف بعدهم كاعدين

.. تذكرت اكو بوري مال ماي يم المبردة بل شباك رحت يم الشباك وفتحتة مديت ايدي بل شارع وفتحت البوري وحطيت بل دولكة شوي مي وسديتة  وسديت الشباك وشربت منة صح هوة مو طيب بس احسن من ما ابقة عطشانة وغير الجوع بطني كامت تمغصني مغص

عفت الوجع ومانطيتة اهمية رجعت لفراشي وتمددت بي وجريت الحاف وتغطيت دايرة وجهي ع حايط وادية ترجع كامشة بيهن طرف الحاف

.. ماجاني نوم الحد ماتاخر الوكت وصارت ب ١ ونص واني من ال ٧ بلغرفة ملل وروحي طلعت سمعت صوت باب الصالة نفتحت ع سريع غمضت عيوني قوي وسويت روحي نايمة ماتحرك من سمعت نوب باب الغرفة انفتح بلعت ريك وبقيت مغمضة عيوني

..  نسد الباب وتسرقة حسيت بخطواتة مشة وكف يم الجرباية حط السويج ع ميز وكف شوية ونوب حسيتة كعد وراي واني حتة النفس كطعتة فزيت من حط ايدة ع متني

ادم..  نايمة

..  بقيت ساكتة ماحجيت شي جر الحاف وخرة عن جسمي وحط ايدة ع متني هزة

ادم..  كومي نامي ع جرباية ليش فارشة هنا

... دفعت ايدة من متني ومالتفتت الة