خلف الضلام

بارت37

بارت جديد
--------------
هاجر:::::

.. بين الفاقدة والصاحية عيوني ع الدم البلكاع ومنتضرة باي لحضة اكو شي راح يوجعني او مكان الطلقة خدر

. خلدون بساعتهة اخذ جماعتة وشرد التفتت ع ادم الي واكف يباوعلي مصدوم وعيونة حمر بلعت ريك وابتسمت بوجهة احجي ويا مثل المخبلة

..  ههه شبيك مااكو شي اصلا ماكو شي. يوجعني والله لاتخاف

..  بحركة سريعة اجاني يركض اخذ فطوم من ايدي وطلع بيهة

ايدية ترجف اريد اجر نفس بعد ماكدر
رفعت ايدية وشوفهن متروسات دم يرجفن
مجرد تفكير ماكدر افكر بعد انهد حيلي وكعدت بلكاع
عيوني مغوشات واباوع ع مكان الطلع منة ادم

.. للا لا لالا

..  حجيت ودنكت ع ادية متروسات دم والكاع هم كلهة دم صيحت بعلوو صوتي حسيت حتة حنجرتي اشنخطت

.. لااااااااا
جذب جذذذذب اي هية سكتت لان خاف من صوت السلاااح مابهةةة شييي مابيهة شي اي اي
هاذ الدم منييي منييي

..  احجي واتلمس بجسمس مثل المخبلة ادور المكان التصاوبت بي بس ماكو اي اشي ولا اي وجع

.. كمت وكفت كوة رجلية مايعينني ونفس كوة اجرة كمت منتضرة ادم يفوت وبيدة فطوم الي حتة شكلهة ماشفتة من اخذة توني خطيت اول وخطوة

وحسيت بدوخة مو طبيعية بسرعة كمشت راسي وجع مو طبيعي صار بدت عيوني تغوش شوية شوية واني اخطي خطوات بطيئة اريد اطلع وكفت يم الباب

.. وستندت عليه وصار سواد كدامي وضلام بعد ماحسيت بشيء

..  فتحت عيوني حلكي مر وراسي يري ينفجر يغوشن وارجع اغمض تلحد ماستقرن بسرعة تذكرت الصار كمزت من فراشي نيران وخالتي يمي جانن كاعادت التفتت الهن واني اخاف اسالهن ويكولن الي خايفة منة بقيت ساكتة خالتي عيونهة مورمات هية. ونيران

غفران..  اسم الله يمة. شتحسين اكو شي يوجعج

.. وووينهة

..  باوعت النيران ونيران دارت وجهة عرفتهة تبجي

.. ووينهة خالة

غفران..  يمة رتاحي موزين عليج ضغطج كلش هابط وعندج انهيار عصبي

..  ماريدت عليهو بسرعة وخرت الحاف وكمت شلعت الكانونة من ايدي بنتر حتة طكت دم ماهتميت الهة اجتي بسرعة خالتي هية ونيران كمشني مايردني اروح

..  وخرررن والله مااابيهة شي مااابيهة خافت من سلاح خالةة والله تخاااف شبيييكم

..  احجي واصرخ وابجي املخ بروحي اريد بس يهدني وهنة مكمشات بية يردني اكعد

جايبين الممرضة للبيت مشكلتلي الكناونة وحاطة المغذي ورايحة

نيران..  هاجر اهدي وكعدي فدوة باعي وجهج شون صار