بارت جديد
------------
هاجر::::
غفران... شوفي هاجر
.. التفتت الهة تباوع الي بثقة وتحجي كانهة معصبة مني ومن تصرفاتي اخر فترة وماعاجبهة
غفران... اني صارلي هواي اشتغل معلمة وكو طلاب عندي كبرو وتعلمو ونجحو وحتة اكو طلاب جابو ابنائهم عرفوهم علية واكو طلاب اذا شافني بلشارع يغير طريقة وحتة مايباوع بوجهي
الان اني جنت اصر ع الواجبات والي مايحضر واجبة يتعاقب بس المتفوقين هم حبوني والكسالة لان اعاقبهم ضاجو مني كم شخص صح ضاجو بلبداية بس من كبر وشاف وين وصل ادرك انو اني ردتهة الهنا يوصل من اعاقبة
وحبني وشكرني وداما يجي الي ويضل يشكر مني وين ميروح يمدح بية يكول صح ضربتني وعاقبتني بس كلة المصلحتي ماجنت ادري هيج راح اوصل بفضلهة
يايمة الدنية هيج صح تضربج وتعاقبج بصدمات بس بعدين راح تعرفين شنو فائدتهن وليش صارن وياج
صح هية كل ضنج صدفة لو الدنية عكست وياج بس ميصير تستسلمين وضعفين ابقي مقاومة حتة توصلين للشي التريدي الطريق صعب بس النهاية حلوة
لو كل الناس مثلج جان هسة الشوارع تصفر والمحلات وباقين بلبيت يصفنون
بس اكو ناس تكدر تتخطة وتتجاوز وماتستلم واكو يبقةن مقاومين لان عدهم شمات مايردوهم يضحكون عليهم ويشمتون ينطرون يكملون حتة مايحققون هدفهم
ونتي تعرفين كل زين منو لازم ماضعفين كدامة وتبينين الة انتي قوية وماضعفين خلي ينصدم منج ويبقة حاير بزمانة اذا شافج يذكر شنو صار وياج ويبقة حاير شلون داي تستمرين
.. هية تحجي واني اصنت الهة بكل تركيز
عدلت كعدتي وخليت كدلتي ورة اذاني والتفتت الهة
.. يعني اكدر اكمل
غفران.. اي تكدرين وحتلو عيدي من الصفر بس هاي المرة لاتشتغلين عد احد خلي شغلج الج ضمني روحج ومستقبلج
.. شلون يعني خالة
غفران.. لاتشتغلين عد احد كوني شغل الروحج لا مدير ولا احد يتامر عليج
.. هزيت براسي اي واني مقتنعة بكلامهة
احسة رجع الامل الي وصار عندي واهس
احنة نحجي ونفتحت الباب وفاتت نيران
نيران.. هااالووو
غفران.. هلة يمة تعاي تعاي كاعدين نسولف
نيران.. اي ادري
.. حجت واجتي كعدت يمة مشاركتنة بلحجي خالة بقت تحجي وياهة شلون جانت تقنع بية وهية تهز براسهة اي واي حتة هية قنعتهة الحد ماخلصت خالة ضربت ع رجلهة قوي وحجت بحماس
نيران.. وووولج جااا مانفكر مثلهة احنةة
... هههه
غفران.. انتي مطفية
خلي اكوم اني اسويلجن عصير ونتن ابقن سولفن
أنت تقرأ
خلف الضلام
Mystery / Thrillerقصة جديدة بقلم (رنيم كنان) تحجي القصة عن بنت باول شبابهة تزوجت وحبت بس ياترا حبهة راح يدوم اذا الهجر زار حياتنة واحتلة والحب يكدر يتحول الكره وحقد من ورة التجاهل والاهمال والمعاملة السيئة بس هية اقوة من هيج وكدرت تتخطة كلشي من بعد ماراحت الخلف الض...
