ELORA

30

අද ඉතින් ඉරිදනෙ .වැඩිපුර නිදා ගන්න දවස . එහෙමයි කියලා මම නිදා ගත්ත වැඩිපුරක් නෑ
.

අධික බඩේ දැවිල්ලක් එක්ක මන් සෑහෙන වෙලාවක් තිස්සෙ ඇහැරගෙන .. මේඝයා තාම නිදිනේ ..ඇහැරන්න හිතෙන්නෙත් නෑ ..

මොනා උනත් ඌට නිදා ගන්න තියෙන දවසනේ ..

.
.
.

"උඹ නැගිටලා ගොඩක් වෙලාද ..නැගිට්ටා නම් මට ඇහැරවන්න එපැයිහරකො "

ඊට පැය දෙකකට පස්සෙ නැගිට්ට මේඝ ඇහැරවන්න එපැයි කිය කිය ඇදෙන් බැස්සා ..

"මන් දැන් නැගිට්ටෙ "

ඌ මාව වොශ් රූම් එකෙන් දාලා ගියේ කෝපි හදන්න .

.
.
.

මේඝ මල් වලට වතුර දානවා .. මම ඔහේ මිදුලට වෙලා ඉදගෙන අර කියවන්න ගත්ත පොත් වලින් එකක් අතේ තියා ගෙන ඉන්න ..

අතේ තියා ගෙන ඉන්නවා විතරයි ..කියවන්නෙ නෑ .. කියවන්න හිතෙන්නෙ නෑ .. මන් ඔහේ අහස දිහා බලන් හිටියා ..

ඇයි තවදුරටත් පොතක් අස්සෙ ජීවත් වෙනවා කියන හැගීම මට ලබන්න බැරි  ..

අවුරුදු ගානක් තිස්සෙ හරියටම කිව්වොත් අවුරුදු පහක් තිස්සෙ මම ට්‍රයි කරනවා ..ඒත් මට ආයෙ බැරි උනා ඒ කාලේ මම පොතක් කියවනකොට දැනුන හැගීම අත් විදින්නා ..

"ඣාව්... ප්.රු හ් " එක පාර කෑ ගහගෙන ආව පූසෙක් මගෙ උඩොක්කුව උඩට පැන්නම මම ඇස් දෙක ලොකු කරගෙන බලන් උන්නා ..

ඌ තනිකරම කලු පාට පූසෙක් ..  ඇස් දෙක ලා කොල පාටයි .. මම පුදුමෙන් බලන් හිටියා .. මට උගේ ඔලුව අත ගාන්න  ඕන උනත් මට ඒක කරන්න බෑ .. මොකද මගෙ ඇගිලි වෙව්ලනවා ..

මගේ හිත අවුරුදු ගානක් ආපස්සට ඇදිලා ගියා .. ඒ රූපේ ආඩම්බර කාර මූරණ්ඩු ඒත් හරි ආදරණී රූපෙ මන් ඇස් ඇරගෙන ඉන්නකොට මට මැවිලා පෙනුනා ..

විශ්වාස කරනවද මන් මේ ලෝකේ අකමැතිම සතා තමයි පූසෝ කියන්නේ .. හැබැයි කාලෙකට කලින් මම පණ ඇරලා ආදරේ කරපු එකම සතත් පූසා ..

කාලෙකට කලින් අපේ ගෙදරට ආව පූසියක් අහම්බෙන් වැස්සට ගොඩ උන බඩදරු පූසියෙක් පැටව් දැම්මා ..