Those Days ( ඒ දවස් )

08 කොටස

නායකත්ව පුහුණුවෙන් පස්සේ තෝරගත්තු ශිෂ්‍ය නායක ලැයිස්තුව නෝටිස් බෝඩ් එකේ දාලා තිබ්බා.... ගත්ත ලකුණු වලට ගිත්මිගේ නම තිබ්බේ ලිස්ට් එකේ දෙවෙනියට......

" ක්‍රන්ග්‍රැජුලේෂන්ස් මැණිකේ......."

ජනනි... සඳලි.... අයේෂා... තුන්දෙනාම ගිතිමිව බදාගත්තේ ..... ගිත්මි දෙවෙනියට වැඩිම ලකුණු එක්ක ශිෂ්‍ය නායක මණ්ඩලයට තේරිලා තිබුන නිසා.... ඒ වගේම දේශිකා අක්කයි.... ශෙහානි අක්කයි ශිෂ්‍ය නායක තේරිලා තිබ්බත් රොෂානි අක්කා නම් තේරිලා තිබුන්නෑ........ සඳුනි තේරිලා තිබ්බත් ශෂිනි තේරිලා තිබුන්නෑ.........

" හොඳ වැඩේ අම්මණ්ඩිට....... "

ශෂිනි නොතේරිච්ච සතුට ජනිනි පිට කරේ එහෙම......

" තේරුනා නේද??"

හවස ස්කෝලෙ ඇරිලා යද්දී ඈත ඉඳපු දේශිකා අක්කා කට විතරක් හොලවලා කියපු දේ ගිත්මිට තේරුන නිසා ගිත්මි හයියෙන්ම ඔලුව වැනුවා..... ඒත් එක්කම ඇහැක් ගහලා දේශිකා අක්කා එතනින් ගියපු නිසා ගිත්මිට ආයෙත් අර බඩේ සමනල්ලු පියාඹන ෆීලින් එක දැනුනා......

ශෂිනිට නම් දැන් දේශිකා අක්කගේ ඇඟේ එල්ලෙන්න හේතුවක් නැති නිසාත්.... දේශිකා අක්කා හිතලම එයාව මග අරින නිසාත් ගිත්මි සතුටෙන් හිටියත්.... එදා ශෂිනිව ඔඩොක්කුවේ වාඩි කරගෙන ආපු එකට ගිත්මි හිටියේ තරහින්.......

ඉක්මනින්ම ශිෂ්‍ය නායකයොන්ගේ බැජ් පලන්දන දවස ආවේ ස්කෝලෙම කාර්‍යබහුල කරලා.... Main stage එක ඉස්සරහා පුටු තියලා ශිෂ්‍ය නායකෝ පහන් අතින් අරන් ලස්සනට ප්‍රතිඥා දුන්නා. එයාලගේ දෙමව්පියො පිටිපස්සේන් ඉඳන් හිටියා... වගේම ළමයි.... ඒ වටේ තියෙන බිල්ඩින් වල බැල්කනි වල හිටියා...  ඒක බලන්න ලස්සන දර්ශනයක්.... ප්‍රතිඥා දුන්නට පස්සේ අම්මයි තාත්තයි ඇවිත් කෝට් එක අන්දනවා..... Junior prefect ලගේ කෝට් එකේ රොසපාට පොකට් එකයි... senior prefectලගේ නිල්පාට පොකට් එකයි... කෝට් ඇන්දුවට පස්සේ එකින් එක්කෙනාට ස්ටේජ් එකට නැගලා ලාංඡනය පැලැන්දුවා........ ඒක ඇත්තටම හරිම ලස්සන ceremony එකක් ......

උදේ වරුවේ උත්සවේ තියලා හවස් වරුවේ වැඩ කරත් ...... ගොඩක් වෙලාවට දවල් වරුවෙත් උගන්නන්නෑ... ඒ නිසා ශිෂ්‍ය නායකයෝ උන ළමයි එකතු වෙලා Main hall එකේ පාටි එකක් තියන එක බැජ් එකකින් බැජ් එකට ආපු සිරිතක්...........

මේ වෙනකොට දේශිකා අක්කට නම් තේරිලා තිබ්බේ ගිත්මි තරහා වෙලා ඉන්නේ ශෂිනිව ඔඩොක්කුවේ තියන් ආපු නිසා කියලා ....... ශිෂ්‍ය නායක සෙට් එකේ ගිත්මිගේ යාලුවා උනේ සඳුනි.....

ළමයි පොඩ්ඩක් එහාට මෙහාට වෙනකම් ඉඳල දේශිකා අක්කා ඇස් දෙකෙන් ගිත්මිට එයා ගාවට කතා කරා.... ගිත්මිට කොච්චර තරහා වෙලා හිටියත් දේශිකා අක්කා කතා කරාම එතෙන්ට නොගිහින් බැරි උනා.....

දේශිකා අක්කා හිටියේ පුටුවක ඉඳගෙන ...... එතකොට ෂෙහානි අක්කා හිටියේ හිටගෙන ......

" ඇයි??"

" ඉඳගන්න........"

ගිත්මි වටපිට බැලුවේ එතන ඉදගන්න තව පුටුවක් පේන්න නොතිබ්බ නිසා...

" කොහෙද??"

ගිත්මි එහෙම අහද්දි හිනාවුන දේශිකා අක්කා ගිත්මිගෙ අතින් ඇදලා අරන් තමන්ගේ ඔඩොක්කුවේ ඉන්දවගත්තා.... එකපාරටම උන දේ නිසා භය උන ගිත්මි නැගිටින්න හැදුවත් ...... ගිත්මිගේ බඳවටේ අත් දාපු දේශිකා අක්කා එයාගේ අතේ තිබ්බ කේක් කෑලයි.... බිබී හිටපු බීම එකයි ගිත්මිගේ අතින් තිබ්බා.......

" ඕක කාලා...... මේක බීලා මිසක් නැගිටින්න හිතන්නවත් එපා......"

ගිත්මි තේරෙනවා දැන් නම් එයාගේ මූණට ලේ බැහැලා රතු වෙනවා.... බය වෙලා ඉන්න ගිත්මිගේ මූණ දැක්කාම ෂෙහානිට හිනා යන්න ආවත් එයා තද කරගෙන හිටියේ තවත් ගිත්මිව අපහසුතාවෙට පත් කරන්න ඕනි නැති නිසයි.....

ගිත්මිට වචනයක් කතා කරගන්න බැරි තරමට උගුර හිරවෙලා තිබ්බ නිසා... ගිත්මි කිසිම කතාවක් නැතුව ඉක්මනින් කේක් කෑල්ල කන්න පටන් ගත්තා .....

දේශිකා ඇස්පිල්ලමක්වත් ගහන්නේ නැතුව බලාගෙන හිටියේ... තමන්ගේ ඔඩොක්කුවට වෙලා ඇස් දෙකත් පොල්ගෙඩි සයිස් කරගෙන ඉක්මනින් කේක් කන ගිත්මි දිහා.....

" හිමීට කන්න.... කවුරුත් ඕක ඉල්ලන්නෑ ඔයාට තමා දුන්නේ........."

දේශිකා අක්කා එහෙම කිව්වත් ගිත්මි තමන්ට පුලුවන් ඉක්මනින් කේක් කෑල්ල කෑවේ ගතවෙන මිනිත්තුවක් ගානේ... එයාව දියවෙනවා කියලා එයාට තේරුන නිසා...... දේශිකා අක්කට නම් ගිත්මිව පෙනුනේ හාවෙක් වගේ.......

කටට දෙකට කේක් කෑල්ල කාපු ගිත්මි ඒ ගමන්ම ෆැන්ටා ටිකත් කටට හලාගෙන කටත් පුරෝගෙන දේශිකා අක්කගේ ඔඩොක්කුවේන් බැහැලා දුවගෙන ගියා....... ගිත්මිගේ හදවත තාමත් හයියෙන් ගැහෙනවා....

🦋🦋🦋🦋🦋🦋🦋🦋🦋🦋🦋🦋🦋🦋

දේශිකා අක්කා ගිත්මිට කැමති ඇතිද?????