« عزّ الله إنّي في ظبي نجد مغروم .. راعي العيون الّلي مع الزّين خجّله »

«4»

«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
‏«اللهم لاتجعل روايتي تُلهي عبدك عن عبادتك»

وقف وراح معها برا ، وقفو شوي بعيد عن الغرفه ، سلطان بخوف:بنتي فيها شي!
هزت راسها بنفي بابتسامه :لا ماحبيت اتكلم جوا واربكها ، ألونَا رافضه العِلاج الطبيعي بعد لاجل ان في احتمالات فقط وظنون ياتصيب ياتخيب
سلطان بتوتر:وش الاحتمالات؟
غند :اذا رجعت الفقره لمكانها الأساسي مُمكن يُعقب عليها بعدين اثار مثلًا لو تزوجت مُستقبلًا وحملت بيكون حملها بخطر بسبب هالفقرات لانها بتاثر عليها وبتصعب الحمل والولاده والى اخره ، وغيره مُمكن يُشكل عندها كسر بالفقره وتُظطر تركب حدايد
تنهد بخوف:والحل؟؟
غند:نهائيًا العِلاج الطبيعي و العمليه مافي غيرهم
سلطان:كلها احتمالات متاكده؟
هزت راسها بالايجاب :جميع الحالات السابقه تم شفائهم بس ألونَا رافضه
سلطان:بحاول اقنعها
هزت راسها بالايجاب واستئذنت وراحت ، راح سلطان ودخل بابتسامه طالع فعياله:اطلعو وخلونا لحالنا
إلياس وقف بهمس عنده:في شي؟
هز راسه بنفي بهمس:موضوع خاص اطلعو
إلياس لف:امشو نشوف فِراس
أنس نقز:بشوف اذا هو ميت عليك ولا لا وسوف اوافيك بالاخبار واذا ماخاف عليك بكرشه!
وضحكو الموجودين وطلعو وابتسمت بهدوء ، جلس جنبها وسند راسها على صدره وهو يمسح على شعرها بحنيه وهو يطالع الجدار :تدرين وش اكثر شي تحمست له يوم شلتك بين يديني؟
ألونَا باستغراب: وش
سلطان بابتسامه وهو يمسح على شعرها بحنيه الارض كلّها :قلت اليوم اشيلها وبكرا اشيل عيالها أحفادي ويملون لي بيتي بهجه وفرح اشوف بنتِ عروس وبالابيض وبعدها اشيل عيالها بحضني كانت بس خيالات وكنت مبسوط وبدت تتحق هالخيالات بشوفك قريب بالابيض وبعدها يمكن اشيل عيالك بالمُستقبل ، ابوي ألونَا قالت لي الدكتوره ليش متردده بالعلاج الطبيعي ، تعرفين ان كل شي بيد الله سُبحانه وتعالى وتعرفين ان مافي شي صعب على الله
ألونَا وهي تلعب باظافرها:فكرت آني مابصير أم مو حلوه وفكرت كثيييير واذا بسويها بفصخ خطبتي انا وفِراس
عقد حواجبه باستغراب:ليه؟
ألونَا بتردد:سبق و اجهضت
انصدم وطالعها بصدمه:ألونَا!!!!!
ألونَا وهي تلعب باظافرها:صالح قبل نتطلق
انصدم وهو يطالعها رفع وجهها له:متى وليه ماقلتي لنا! لي على الاقل!
ألونَا وهي تطالعه وماسكه دموعها:أول ماعرفت كنت جايه لك كان جاي وشافني بطلع ومسكني ضربني كذا بدون سبب ونزفت وصحيت بالمستشفى وقتها قالو اجهضتي ومادري ايش وكانو بيفتحون تحقيق معاي لان واضح فعل فاعل وجلس يهددني فيكم وخُفت وقلت طحت من الدور الثالث مع الدرج وراحو شافو انه ثلاث ادوار وينطبق كلامي المهم وقال لك تذكر يوم قال مسافرين ماكن يبي احد يعرف ولايبيني اقول لكم
انصدم سلطان وجالس يلوم نفسه كيف ماحس ببنته وتعبها ومُعاناتها ، حضنها ودمع بحسره وندم وعلى استعجاله ببنته وحيدته :اسسف اسسف يابوي اسف ليت الله خذاني ولاعطيتك ايااه !
حضنته وبكت:مالي غيرك لاتدعيي!!!
شد عليها ودمع:ااسف يابابا اسف ياعيوني أنتِ
حاوطت رقبته وهي تبكي:لاتعتذر مالك ذنب انت انخدعت نفس مانخدعت انا! امسحها بابا لاتكسرني!
بعد ومسح دمعته وطالعها :فِراس؟ يدري؟
هزت راسها بنفي وهي تلعب باظافرها:ماقلت له-طالعت فيه-تحس اقول ولا لا؟
حاوط خدوها بابتسامه حنيه:مهما كان بيصير زوجك وشي زي كذا مايتخبى وحتى لو فتحو الباقين موضوع الاجهاض وذا قولي لهم الي صار معاك خلينا نمشي ونتكلم عنه عشان محد يزوجه ويغلط غلطتي
هزت راسها بالايجاب بابتسامه هاديه:عادي توديني اشوف فِراس ؟
ابتسم:اقدر اخليك تكلمينه دكتور رافض تطلعين
ولفو على الباب الي انفتح وكان فِراس متكى على إلياس ، إلياس تافف:ذا الحبيبه صجونا!!! جيل داشر!
وانهارو ضحك ، وقف سلطان وطالعها بابتسامه:تكلمي اوكيه؟
هزت راسها بالايجاب ، جلس إلياس فِراس على الكنبه المُريحه الي تجي دايم للمرافق وطلع ، دمعت بخوف:يعورك شي؟
انصدم من بكيها:تكفييين لاتوجعيني فيك! لاتبكين ! شفيك ياعيوني ليه هنا ؟ شصار لك؟
وحكته ، استغرب بخوف:ليه طيب رافضه العِلاج الطبيعي؟
وحكته عن كل شي من الالف للياء،واكملت وطالعته بصوت خافت:وقال لبابا انو مسافرين وكذا واساسا كُنت توني طالعه من العمليه
انصدم وتكلم بقهر وغضب:اوريك فيه طبه عندي ماعليييييك!
ألونَا بتردد وهي تطالعه بصوت خافت:يعني بتكمل معاي؟
استغرب:ليه ماكمل معاك ؟ وش انا دونك؟
ألونَا وهي تطالع اظافرها بصوت خافت:لاني سبق وتزوجت وحملت واجهضت
فِراس وسع عيونه بذهول بصوت خافت:ألونَا! صاحيه أنتِ! وبنظرك هاذا شي بيكرهني فيك ويخليني ماكمل معاك! صااحيه! أنتِ لو معتس عشر وغادين خذتس طيب ولاغصب!
ابتسمت بحُب وراحه وهي تطالعه همست بتعب:ودّي احضنك عشان أرتاح! تعبت هالدنيّا ثقيله عليّ وعلىّ قلبي
وقف ومشى بصعوبه وحضنها وهو يهمس:اسف تكفين اسسسسف لاعد تطالعين فيني كذا والله مايهون عليّ اخطي واذنب واخليك تذنبين تكفين والله مايهون عليّ بعد اشوفك تعبانه
بكت وتشبثت ببلبس المستشفى الي لابسه ، استوعبت:فِراس بعد
وبعد وجلس وطالعها بقل حيل:تكفين والله أني اسف مقدرت اشوفك ضايقه والله ماقدرت اشوفك تبكين وانا متكتف
هزت راسها بنفي ماتبي تسمع اكثر:خلاص انسى
فِراس بابتسامه بتغيير جو:تدرين انك حلوه؟
ألونَا بخجل طالعته :فِراس اطلع برا الغلط عليّ خايفه عليك!
ابتسم؛خايفه عليّ؟ يعني تحبيني؟
سكتت بخجل وهزت راسها بنفي ، ابتسم:تحبيني ادري بس قوليها!
هزت راسها بنفي وهي تضحك:فِراس شرايك تطلع برا؟؟
ضحك:طرده؟؟
تكتفت:اي مابيك انقلع
ابتسم:والخايف عليّ؟
ألونَا وهي متكتفه وصاده ومدده رجولها تكت بظهرها على المخده وصاده تطالع الجدار:تطمن والحين مايبيك !
ضحك على دخلت خالد وسلطان، ابتسم خالد:ضحكوني
طالعه فِراس:طردتني وتقول مابيك!
خالد:اجل قم برا
ضحك بصدمه:كلكم عليّ!!تراي توي طالع من عمليات راعوني!
وسع عيونه بذهول سلطان:ابك انا نسيييييت قممم قامت عليك العااافيه قم انقلع لغرفتك!!!
ضحك ووقف:حلو الاب والبنت وابوي فوقهم يطردوني لوني ميت؟
نطقو كلهم بصدمه:وجع فال الله ولافالك!
ضحك ولف لـ ألونَا وهز راسه بالايجاب:شفتي قلت لك بس أنتِ عنيده
صدت وهي متكتفه:مارجع عن قراري انقلع برا مابيك لعد تجي!
ضحك سلطان وغمز لها ودخل يدينه بجيبه:والخايفه عليه من اليوم؟
جلس فِراس وضحك:تعبت ، شفت قلت لها تقول تطمنت لا مابيك اطلع برا يعني تحبيني للحين اعترفي
طالعته من فوق لتحت بتشميق ونقد:شف الثقه وع!
وانهاارو الموجودين والي برا ضحك ، ضحك خالد:قم وانا ابوك معد بقى لون من الكرامه
انهارو الموجودين ضحك اكثر واكثر ، ووقفو وهم يضحكون ، طالع فِراس ألونَا وشافها ماسكه ضحكتها طالع ابوه:ياخي عيب عليك تطقطق عليّ قدامها امش بطقطق عليك قدام وعد!
سحبه خالد وهو يضحك:امش امش الله يخلف
لف عليه:ليه ناوي بعد؟؟؟
وانهارو الموجودين ضحك بزيااده لدرجه كُل من بالممرين يسمعون ضحكهم ، دفه خالد وهو يضحك:وشدخلك امش بس الله يصبرني
انهاار سلطان ضحك:والله يافِراس كنه ناوي؟
طالعه فِراس وهو يضحك:اندري عنه مايعقل قلنا يكبر ويعقل ولاعقل
أنس وهو منهار ضحك:تكفون ذا وش فيه ذبات لانهائيه
ليلاس وهي منهاره ضحك:ضربت الإعدادات بشكل غير متوقع
ضحك هتَان وغمز:منفس علينا من اليوم ويووم كحل عيوونه صار يذب ويطقطق
سهم ضحك وغمز:الله لنا الطقطقه ذي عشان نضحك ولا لضحك غيرنا؟ اعترف
غمز بابتسامه:اكيييد لغيركم مو لكم يالهطوف
انهارو ضحك ، ضحكت إيناس بنهيار:تكفون فِراس طايح على وجهه!
بتال وهو منهار ضحك:لاتنسين الثانيه مثله هههههههه
وانهارو الموجودين ضحك ، وليد وهو يضحك:اقول الى لولي عاد!
ضحكت بصوت عالي:لامعليك ماتحسست الظاهر يقصد بعض الناس
شهق انس:ميين!!
غمزت له من بعيد وتكتفت:سرررر
سُندس بصدمه:اعترفو مين منكممم!!!
إلياس:ويع حب وخرابيط يازين العزابيه بس بس اشك وبقوه بوليد
ضحك خالد:يارجال ذا طايح عند خويه ألونَا
ضحك أنس لف لسُندس:سالت لولي طيب منهي كذا فضول بغى ياكلني حي!
انهارت نرجس ضحك:العببب انتهى اخوي!
وانهارو ضحك ، جا دكتور سيف بابتسامه:بتال!
بتال وهو منهار ضحك:مقدر ههههههههههه
ابتسم ودخل لـ ألونَا وهو يفك الابر:تقدرين تطلعين
ابتسمت براحه وهدو شوي ، جا إلياس سندها عليه بابتسامه:وين تبين تروحين؟
ألونَا بتعب:البيت بس عطني انا بسوق
إلياس بابتسامه:لولي؟
ابتسمت:والله مافيني الى العافيه اكره المستشفيات بروح البيت
ابتسم وطلع مفتاحه ، خذته بابتسامه وبعد محاولات قدرت تقنع الباقين وحركت مشت ، كلهم كانو عند فِراس ، بعد نص ساعه بدون مُقدمات ، جا لـ سلطان اتصال رقم غريب:اسكتو
ورد :هلا من معي؟
بخبث:عرفتني؟
وسع عيونه بذهول:شتبي!
صالح بخُبث:وافق على الكميرا
ووافق باستغراب وانصدم من شاف ألونَا مُربطه يدينها على الخلف ورجولها وعلى فمها تيب وقف بغضب:ايا....
ضحك بخُبث:هوب لاتنسى ان بنتك معي
فزو اخوانهم ، إلياس بخوف اخفاه تكلم بغضب:والله لو تضرر شعره منها موتك على ييييدي!!!!!!
ابتسم بخُبث وجلس يمشي السكين بشكل خفيف على خدها:والله حرام كل هالجمال يروح لـ فِراس
وكان فِراس على اعصابه وارسل لمساعد يحددون موقع جوالها ، اشر له خالد يسكت وسكت بغضب والغضب يُشع من عيونه ، سلطان بحده:اتركها!
صالح بخُبث:مو قبل ماخذ الي ابيه ولا؟ نسيت كيف حرقت مكتبي وهربت بكُل بساطه انا بانتقم انتقام بسييييط ولايكلف
وليد بحده:يكفي الي جاها منك فكها لاوالله اذبحك!!
صالح لف الكميرا على وجهه بتمثيل البراءه بلعانه:شسسسويت مثلاًاا!!
فِراس تكلم بحده وعرف كيف يرجع ألونَا:أوراق الاجهاض والاثباتات تخليك بالمؤبد!
سلطان بحده:غير تقارير الضرب وتقاريرك بالنفسيه وشاهدت اهلك فلذالك اتركها لاوالله مايردني عنك شي!!!!
انصدم وضحك بخُبث:اوه قالت لكم يعني؟ ليه شي بين الزوجين المفروض مايدرون عنه الاهل ماعلموك اهلك كذا؟؟؟ عمومًاا ماهميتوني وبسببكم محد راضي يزوجني والصراحه انا ابي ولد يشيل اسمي
أنس بحده وهو ماستوعب:وع من زين هالاسم!
انصدمو كلهم من استوعبو وفهمو ، ابتسم بخُبث من شاف وجيههم:يالله لاتشغلوني عاد!
وقفل ، طلع سلطان وعياله مثل المجانين مُتجهين للمركز ، وقف فِراس بصعوبة ، مسكه وليد :اجلس!!!!!
نفض يده منه بحده:فكني لاوالله تنفك العمليييه!
وسحب ثوبه وملابسه بحده ولبس بالحمام بسرع وطلع راح وليد يفهم الدكتور وانه بيرجعه غصب وتفهم ، كلهم كانو يحاولون فيه يجلس بس ماسمع لحد فيهم ، خذا مفتاح سهم وركب سيارته وحرك بسرعه جنونيه للمركز ، وعد بخوف:ياارب!
ليلاس بخوف مسكت يد وعد تهديها:مابيصير شي هدي
وركبو كلهم رجعهم للبيت ، المركز ، وصل بسرعه وقبل سلطان وعياله لدرجه يوم وقف سيارته توهم واصلين وانصدمو منه ، نزل وقفل السياره باهمال واتجه داخل والشر والعصبيه طالعه من عيونه ، انصدمو كلهم لاسلطان وعياله ولا العسكر واخوياه ، دخل مكتب مساعد بحده:تطلع المووووقع ليييي الاااان!!!!!!!
مساعد انصدم مسكه:ياولد هدددد
خلف بصدمه:توك طالع من العملياااات!!!
مترك بصدمه:هد وحنا بنرجعها بخييير
فِراس بعصبيه فك يده من مساعد:وش هددد أنت ويااااه يهدد لابوها فالشييينه وتبوني اهجد!!!!!
انصدمو كلهم وعمم مساعد على الفرق بتزويد البحث ، ودخلو سلطان وعياله ، سلطان بحده:فِرااااس شجايبك!
فِراس بعصبيه:جايبني الي جاايبك!
كان سلطان وعياله مُدركين عصبيته ولاهم لايمينه
وقف بعد مادرك كلمته وقبل راس عمه:حق...
سلطان جلسه:أجلس هالعصبيه مابتفيدك!
أنس بعصبيه وقل حيله:يبه برودك بيجلطططني!!!!
جلس سلطان وشبك يدينه ببعض ويخفي خوفه وتوتره بابداع:بنتِ واعرفها زين والحكومه قايمه بواجبها شسوي؟
إلياس دف الكرسي برجله بعصبيه ، عند ألونَا
فك التيب عن فمها ، تفلت بوجهه بحده:ياحُثاااااااله كااانك رجاااال فكك يدييينيي!
مسح وجهه وضحك بخُبث:اووه الحلو معصب؟ شفيك هدي
ضحكت بقرف:الله يقرفك ، تدري عاد لاني معصبه ولاني موتره عمري تدري ليه؟
ابتسم بخُبث:لييه؟
تفلت بوجه:لآنك حُثاااله وانا بنت حمااايل بفعلتك ذي قومت قباايل وعشايير عليك وغيره الحكومه يالرديء المُختل !
ضحك بخُبث وقرب منها:تدرين ان محد مهتم فيك؟
وقتها كانت قاطعه الحبل لانه خفيف الي بيدها بس مابينت وبحركه سريعه لفت راسه وضربت كتفه برجلها بحده ورمته وركضت مع الباب وهي داله الدرب لانه يوم اعترض طريقها كانت واعيه وتمثل الاغماء ، وركضت باسرع ماعندها واستغلت نُقطه ضعفه لان عنده هشاشه فالعظام بسبب الاهمال وضربتها كانت بالنسبه لحالته قويه ، ركضت لين ماختفى البيت عن انظارها ، طلعت على الطريق العام ووقفت سياره عائله
الاب باستغراب:خييير!
ألونَا بهلع وهي تلهث اثر ركضها:سااعدني الله يوفقكك خطفنيي طلييقيي اتصل على اهلي طليقي مجنون !
انصدمو كلهم ، فتحت البنت الباب :اركبي
وركبت بخوف :ألونَا ألونَا الراشد اذا تعرفون إبراهيم متعب الراشد
لف الرجال بسيارته واسرع بطريقه:هالله هالله نعرف اهلك يابنتي سمي دقي عليهم
وخذت الجوال كتبت رقم إلياس وهي ترجف
عند المركز ، التفت لجواله ورد:هلا؟
ألونَا وهي ترجف :إلياس انا ألونَا!
فز بخوف:ألونَا وييينك!!!
فزو الي عنده وفتح الـ سبيكر ، ألونَا بخوف :على طريق الخُبر ماعرف وين بالضبط
انصدمو كلهم ، سلطان بخوف:جوال مين ؟
ألونَا برجفه وهلع:الرجال
سلطان بخوف:اعطيني اياه يابابا
مدت الجوال ، الاب:هلا ياخوي بنتك بخير وبالحفظ والصون وهاذاني راجع لطريق الرياض
سلطان بفرحه:الله يجززاااك الف خير ياخوي ارسل لك الموقع
الاب:عرفتكم يالراشد وادل بيت كبيركم ان كانك ولده ؟
سلطان براحه:هالله هالله سلطان البكر
الاب :معليك مسافه الطريقه وبنيتك جنبك
سلطان براحه:بانتظارك
وقفل ، البنت باستغراب:كيف خطفك؟
الونَا وهي ترجف:زرت خطيبي مصاب بالمستشفى ودرى اني انخطبت وخطفني اساسا هو مريض نفسي عشان كذا قدرت اهرب منه بسرعه
مسكت يدها تهديها:هدي الحين بترجعي لاهلك
لفت الام ومدت لها قهوه بحنيه:اشربي تهديك تمدك بالطاقه
ابتسمت على حنيتهم وخذتها تشرب بشويش ، الام بابتسامه:كم عمرك؟
ألونَا بابتسامه وهي ارتاحت:24
الام بابتسامه:بنت وعد؟
ابتسمت:نِهاد الله يرحمها
ابتسمت بواسع ثغرها:عرفتها الله يرحمها يارب ويسكنها فسيح جناته
ابتسمت بغصه:امين
الام بابتسامه:اذكر قالو انك محاميه؟
ألونَا بابتسامه:اي ياخاله السنه ذي بديت بشركتي
ابتسمت البنت:تصدقين عاد شوفي امون بسرعه صدق بس تهبلييين!!!
ابتسمت بخجل:عيونك ياروحي
ابتسمت البنت:معليش خلاص برقمك!
ابتسمت بحياء بكونه اول مره تركب معهم ولاتعرفهم:تم ماقول لا بس خل اذا رجعت اعطيك لان مو حافظه شي لي
ابتسمت: تمم
الام بابتسامه:من خطيبك؟
ألونَا بابتسامه هدوء وذرابه:فِراس بن خالد
ابتسمت:عرفته ولد وعد
ابتسمت:اي ولد وعد
الام باستغراب:شفيه متصاوب؟؟
ألونَا بابتسامه:بالحد
الام بابتسامه:عسكري ماشاءالله
اكتفت بإبتسامه وهزت راسها بالايجاب ، وصلو بعد مُده وكانو كل الراشد ينتظرون على احر من الجمر بالحوش الامامي ، إبراهيم:لزمو على الرجال عشاه اليله هنيا
سلطان بابتسامه:ولاني بفاكه
إيناس :ياروحي يالولي ماترتاح!
أنس وهو ياكل:لامعليك خل نلقاه بنذكيه
سُندس:نعييين ونعاون
ضحك هتَان:والله ان تنحاشون من تشوفونه
وضحكو الموجودين ، إيلاف تنهدت:انس بيجي الرجال!
ابتسم:شسوي ياعميمه جويع!
ميلا تاففت:انت كل وقتك جويع!
ودخلت السياره ووقفو الرجال تقدمو والبنات دخلو لمدخل الحريم ، نزلت ألونَا وركضت لحضن ابوها الي فتح ذراعينه لها ، مسح على شعرها بحنيه وهو يهمس:الحمدالله ياارب الي حفظت لي بنتي الحمدالله
وحضنوها الباقين وتحمدو لها بالسلامه ، لزم سلطان على الرجال وجلس ، دخلت ألونَا الام والبنت معها واستقبلوهم استقبال حار ، دخلت ألونَا قسمهم ، وجلست تحت الشاور وهي قرفانه من نفسها وكانت تفرك وجهها بقوه لين ماصار احمر ، طلعت ولبست تنوره مموجه بدرجات الازرق لين نص الساق وتوب ابيض محاوط رقبتها وساتر ظهرها حطت عطر وقلوس وطلعت ، جلست وسندت راسها على كتف وعد ، مسحت على راسها وعد بحنيه:الله لايوفقه يارب حسبي الله ونعم الوكيل عليه!
سُندس :لولي كيف خلاك؟
ألونَا اعتدلت وخذت القهوه من ليلاس:هربت ضربته وهربت
ضحكت إيناس:حييي عييينك كيف العيال يقولون رابطك؟
هزت راسها بالايجاب :بس قطعت الحبل الي على يدي ولا انتبه ومن ركضت انقطع الي على رجلي والصراحه لفيت رقبته اساسا مدري عنه هربت
جت ميلا وهمست لـ ألونَا:فِراس يبيك بالمقلط
هزت راسها بالايجاب ووقفت راحت ، ماقدر وحضنها:اسف بس مقدرت الحمدالله على سلامتك ياعيني
بادلته الحضن لجزء من الثانيه وبعدت:الله يسلمك ، فِراس وربي حرام!
فِراس:ادري! بكلم ابوي بخصوص متى الملكه -بهمس-اذاك؟
هزت راسها بنفي ، فِراس بهمس:لولي!
هزت راسها بنفي بابتسامه :والله ماقدر من قفل منكم ضربته وهربت
ابتسم :سلمت يمناك بكرا بنروح عشان اقوالك
هزت راسها بالايجاب:بدخل عشان الضيوف وبكلمك باليل
ابتسم وهز راسه بالايجاب وكل واحد رجع ، جلست ولفت لـ البنت ' ميّ ' : قبل انسى امسكي
وخذت سنابها ، ضحكت إيناس:يالبييييه اذا الخطف كذا ابيه امشي وارقم البنوتات!
وعد:بنت!
ضحكت:اسفه اسفه!
ضحكت نرجس:لا لولي ماتوفر صدق
ألونَا رجعت شعرها لورا بغرور بس التعب واضح عليها:ذي حبيبتي خلاص!
ميّ طالعتهم وشمقت بميانه :غيوررين
وضحكو الموجودين وجلسو يسولفون بمواضيع مُتداخله ، خلص العشاء واستئذن لانه بيرجع الخبر وصارت بينهم صداقه ومشو ، لبست ألونَا جكت خفيف عشان التوب حقها مو مره ساترها ، ووقفت راحت لقسمهم ، جا سلطان:وين لولي؟
نرجس:بقسمكم
وراح سلطان وعياله وخالد ووليد لها ، ابتسمو من شافوها مُتمدده على الكنبه والتعب واضح بوجهها ، شالها إلياس بحنيه وفتح له إنس غرفتها وحطها بسريرها شغلو المكيف وطفو الاضاءه وخلو الباب مردود عشان يتسلل لها نور لانها ماتحب تنام بالظلمه لحالها ، جلسو بالصاله كلهم بصمت يفكرون ، التفت سلطان لـ جواله وشاف رساله فِراس
' عمي بكلم ألونَا اذا تسمح '
سلطان ' نايمه كلمها الصبح ' ، ' قالت لك شي؟ '
فِراس'لاتفكر كذا مالمسها ولاقرب منها وضربته وهربت '
سلطان تنهد براحه'زين '
وقفل جواله سلطان
التفت خالد لجواله وشاف اشعار فِراس
' يبه مليت من الوضع ذا متى الملكه! '
خالد' بتعقل ولاكيف ؟ شايف وش قاعد يصير '
فِراس ' ادري وشايف وعارف بس خلاص ياخي تعبت اليوم يوم حضنتوها كلكم خير !'
ضحك خالد من كلامه وكتب ' مجنون ولا وش وضعك؟'
ضحك فِراس' ههههههه تغبنون ياخي!'
خالد بابتسامه ' بكلم عمك ومنها يصير شي يغير جو الكائبة الي عايشين فيه '
فِراس' اي واقدر احضنها بكيفي وبلعن الي يحضنها فيكم'
ضحك خالد'هههههههههههههههههههههههههههههههههههههههههههههههههههههههههههههه
الله يعطيك العقل والثقل وانا ابوك '
فِراس' وش ضحكه الاباء ذي '
' ماش ماظنتي جابت راسي بنت سلطان'
ضحك خالد وقفل جواله ووقفو كل واحد فيهم ينسحب راح الصاله ، الى اخوانها الي خايفين عليها وهم يعرفونها بتصحي ماتلقى احد وتنفجع راحو وفرشو بغرفتها بالارض كتب إلياس بنوت ' نحبك ، اخوانج' وحطه على الكومدينا جنب المويا لو صحت وشربت تشوفه ، وتمدد بفراشه ونام ، بعد ساعتين فزت مفجوعه تمسك رقبتها ، بتال الي كان صاحي فز عندها حضنها يهديها:ششش ألونَا انا بتال!هددي
صحى إلياس من صوته وفز عندها:ألونَا!
دخل أنس وركض عندها بخوف:لولو حبيبي شفييك
ألونَا وهي مو قادره تتنفس اشرت على الدولاب بكلام مُتقطع:أكسـ...اكسجين
فز بتال وفتح الدرج انصدمو كلهم من كميه الادويه وخذها جهاز الاكسُجين وشغله واعطها ، قدرت تتنفس وارتاحت تكت براسها على صدر إلياس المُتكى على السرير، بتال وهو يطالع الدرج طالعها بخوف:ألونَا عادي اسالك؟
هزت راسها بالايجاب ، بتال بخوف مسك يدها:الادويه ذي كلها لوش؟
بعدت ماسك الاكُسجين بتعب:حقت القلب والباقي مُسكنات وكريمات لظهري-طالعت إلياس بتعب-اقرا علي
وتوسطت حضنه وصدره ، بدا يمسح على شعرها ويدها ويقرا بصوت جميل جدًا لـلمسامع ومُريح وذات ترتيل جميل بالآيات ، وقف بتال وجلس بالصاله ، راح أنس عساس يجلس عند بتال وسمع طق باب وراح يفتح :هلا فِراس
فِراس :ألونَا نايمه؟
أنس تنهد :ادخل ، فزت مفجوعه وإلياس يقرا لها قران
جلس عندهم بالصاله وكانت واضحه له لان باب الغرفه مفتوح ، نامت بحضن إلياس وكانت مُتشبثه ببلوزته ولافكته ، غطاها وماتحرك ثبت عشانها
بتال مد فنجان لـ فِراس:تقهوى
وخذاه:تسلم -تكلم بهدوء وصوت هادي عشانها نايمه- بكرا الصبح لازم تجون المركز وتقولون كل شي تعرفونه عنه وكل شي سواه لـ ألونَا
أنس تكى بظهره:في أشياء اساسا مانعرفها حنا-وعقد حواجبه من تذكر واشر لـ إلياس يجي وقام عشان مايخرب نومتها وجلس عندهم باستغراب تكلم أنس-فِراس أنت وأبوي جبتو طاري اول مره نسمعه إي اجهاض؟
إلياس باستغراب:اي حتى انا استغربت يوم جبتو طاريه
فِراس تكى بظهره بتعب وهو يطالع فنجانه:ألونَا سبق وأجهضت
انصدمو، بتال بصدمه وصوت خافت:كااانت حامل!!
إلياس بصدمه وصوت خافت:ليييه ماقلت لنا!
أنس بصدمه وصوت خافت:متى وكييف!
فِراس وهو يطالعها بتعب:قبل تتطلق من صالح بكم شهر وكانت طالعه جايه لعمي وكان كالعاده جاي وشافها ضربها بدون سبب يوم طاحت قدامه خذها المستشفى وجلس يهددها ف عمي وجدي لان فتحو معها تحقيق واضطرت تكذب على المحققين عشان جدي وعمي مايجيهم شي بعدها حرقت المكتب وهربت لكم لانها حرقت كل الاوراق الي معه ضد عمي وجدي
انصدمو كُلهم ولاكانو يتوقعون ولا واحد بالميه ، بتال بصدمه:كييف حنا ماحسينا!! كيف مانتبهنا لتعبهااا!!
فِراس طالع فنجانه:وقتها الحقير مكلم عمي وقايل انهم مسافرين ولابيجون الى بعد شهرين واساسا لولا اخته الصاحيه كان ألونَا ميته من زمان بعيد الشر
إلياس بغضب:خلني اشوفه!!!
فِراس تنهد وطالعه:كلنا نبي نشوفه وياخذ حقه بالقانون يالياس عشان مايجيب شي يكسر ظهر ألونَا فيكم بعد
أنس بحزن نزل راسه بندم:كل الي مرت فيه بسببنا!!!
إلياس رمى راسه لورا وطالع السقف:ليتني قلت لا وقتها ووقفت بوجيهم كُلهم
بتال وهو يطالع المدى :كيف تحملت ولازالت متحمله
إلياس:اي تحمل شفها كل الي هي فيه بسبتنا كل ذا الادويه تاكلها بسبتنا
كانت صاحيه وصحت من قام إلياس عنها ، خذت البطانيه وحاوطت نفسها فيها وراحت تقدمت وتمددت على الكنبه وحطت راسها بحضن إلياس وهي تطالع المدى ، إلياس مسح على شعرها:صحيتي؟
ألونَا بهدوء:يوم قمت
فِراس وهو يطالعها بنظرات حنيه:عندك أوراق الاجهاض وظهرك؟
ألونَا بهدوء:بس ظهري
بتال بهدوء وحزن:والاجهاض؟
ألونَا بهدوء وهي تطالع المدى:سوو تحقيق مع المستشفى وتلقونه
إلياس وهو يمسح على شعرها بحنيه:بكرا قولي كل شي كل كبيره وصغيره
هزت راسها بالايجاب بهدوء وهي تطالع المدى وشوي تطالع نظرات فِراس الحنونه ، انطق الباب وراح أنس يفتح ، دخل وليد بابتسامه:وين لولتي؟؟
إلياس بابتسامه:مافيه اطلع بس!
جا وجلس على ركبه بابتسامه عندها وهو يرفع خصل شعرها عن عيونها:كيفك؟
ألونَا بهدوء:بخير
وليد بابتسامه:جيت اشوفك واقول لك بنفس الوقت خذي بريك من الشركه وشغلها انا اشوفه لك والمركز بتكلم معهم يعطونك أجازه
ألونَا بهدوء:بكمل شغلي عادي
وليد بابتسامه:طيب اسمعي شريت ماتشا جديده تجربينها معي؟
ألونَا وهي حابه تغير مودها وبقوه:اذا عندك Coconut milk تمام
ابتسم:عندي ليش ماعندي اجيبه هنا ولاتجين معي؟
جلست وطالعته:تجيبه هنا؟مالي خلق البنات
ابتسم وهز راسه بالايجاب وطلع ، وقف فِراس من شاف رساله ابوه:استئذن
هزو روسهم بالايجاب وطلع وهو وده يجلس عندها بس ابوه ناداه ، جا وليد وجلس يطلع الاغراض على الطاوله ، نزلت الباطنيه ووقفت ، إلياس عقد حواجبه من الاثر:لولو
لفت:هلا
إنس حس بقشعريرة:يعورك؟
بتال عض شفته بالم:الون قوي!
هزت راسها بالايجاب من فهمت:بس لون يعورني اذا جيت انام او اتحرك
وراحت لوليد الساكت بندم ،وجلسو حوالين الطاوله ، أنس بندم:كيف يعني ماحسينا عليك؟
إلياس بندم:ولاشفنا الاثر
بتال بندم:وخليناك وحدك
وهي تصب الحليب وتشوف الكميه بالميزان:يعني ماوضحت مرا؟ يالله حلو يجي مني ، الاثر وقت المُناسبات اقول لنوني تخفيه لي ، ماقد حسيت اني لوحدي حتى لو ماكنتو تعرفون بس دايم حواليني وجنبي
بتال باستغراب:كيف تخفيه لك؟
جلست ألونَا:كونسيلر وفاونديشن وشوي كونتور
عقدو حواجبهم باستغراب ، إلياس ضحك بوهقه:لولو حبيبي ترانا عيال مافهمنا شي
وضحكو الموجودين ، ابتسمت :ميكب
أنس بابتسامه:قولي ميييكب اي كذا اعرفه اما تعددين لي !
ضحكت:انتو سالتو!
إلياس بابتسامه:ماشاءالله عليها ولايبان أساسًا كانو ظهرك!
مدت الاكواب لـ وليد المُبتسم:يبان اذا دقتت وقربت بتشوف تكتُلات الفاونديشن ولون الرقبه غير عنه
أنس:الصراحه ماكان واضح مرا ماشاءالله عليها تعرف
ابتسمت:إيناس مُبدددعه بكُل شي ماشاءالله
إلياس بابتسامه:كانت تدري؟
هزت راسها بالايجاب :شافتني لابسه توب وظهري واضح واساسا كانت بتقوم الدنيا عليكم هههههه
ضحك بتال:تجيك التهايم وانت نايم
انس بفهاوه:الحين فهمت ليش قالت ياروحي عنك ماترتاحين
انطق الباب وراح انس يفتح ، ابتسمت وهي تلعب بأصابعها:هي الي كانت تسالني اذا كليت الادويه او لا وتحُط لي الكريم وتساعدني بكُل شي حرفيييًا
حضنتها إيناس بابتسامه من الخلف:والله ياحظظظي فيك!
ابتسمت وطالعتها:تدرين انهم مصدومين كيف تغبين الاثر
ابتسمت:سهل استنوو
وجابت الكونتور البرتقالي والبيوتي بلاندر والفاونديشن والكونسيلر:بنعطيكم كلاس فالميكب شوفو
بعدت شعرها ألونَا وهي تشرب ماتشا ، حطت كونتور. اول:نحط لون برتقالي بالبدايه على الاثر الغامق عشان يخفف من الون لان لو حطينا فاونديشن دايركت عليه بيطلع رصاصي ومرا غلط وندمج فالبيوتي بلاندر
وبدت تدمج وتطبطب بخفه عشان مايعورها ومسكت الكونسيلر:طيب وبعدين اذا تاكدنا انو دمجنا زيين نحط كونسيلر
بتال بفهاوه:وليه نحط برتقالي وبعدين ابيض؟؟
وضحكو الموجودين ، إيناس ضحكت:صحصح معييي!! عشان تحط لولو بعدين اذا مب فيه انا ، تحط برتقالي بالبدايه عشان الون شوي غامق طيب وبعدين تبدا تخفف الون البرتقالي وتحط كونيسلر افتح من درجتك بشوي والحين كذا
حطت كونسيلر وبدت تدمجه مع الكونتور ومسكت الفاونديشن وحطت بدت توزعه بيدها بعدين مسحت البيوتي بلاندر على يدها وبدت تطبطب فيها وتدمج الفاونديشن:بتقولون ليش مسحتها بيدي لانها كلها الوان متعارضه وحنا الحين نبي السبيس الاساس اخر شي -وبدت تدمج لين مافعلًا اختفى-ددن!
ابتسمو بصدمه واعجاب ، إلياس بابتسامه:يمه تروعن والله!
راحت إيناس قدام المرايه:حنا بريئات! لولو عندك ماسك؟
ألونَا رجعت شعرها لورا بعد مانشف:شوفي عندي كثير انواع
إيناس خذت الحوسه الي جابتها:ابي الفيتامين؟
ألونَا شربت ماتشا:عندي ب12 وسي وفي واحد بالشمندر يورد الخدود حلو
إيناس وهي تمشي:بتنقوى غرفتك سيفورا بالنسبه لي
وضحكت:ويين
وليد وهو يشرب ماتشا:سواليف بنات مالنا دخل ! المهم ها لولو عجبتك؟
ألونَا شربت:اي وحلاوتها مُوزونه بس احس فيي كذا طعم مخرب
جت إيناس خذت كوبها تذوق:احس ضيفو عليها سيروم كراميل الخفيف تو بومب او سيروم فانلا حطو خمسه بومب بيطلع بيرفكت!
ضربتها ألونَا على كتفها:تبنه!
ضحكت:المهم في نقاش حاد برا
استغربت:وش السالفه؟
سحبت الكرسي وجلست :مدري بس يُقال في كم موضوع واحد متى بتكون ملكتك أنتِ وفِراس إثنين بيسوون عشاء لـفِراس وفِراس رافض ثلاثه متى بتزورون ذيك صحبتك الي تاذت
تاففت ألونَا:والله مراا مالي خلقهم!!
إلياس بابتسامه :معليك اكيد مطوله ويمديك تجهزين لآن مستحيل يسوونها هالفتره ويد فِراس للحين
لفت ألونَا لـ إيناس الي تشرب ماتشا:استحليتي كوبي! ، احس ودّي ارسم!
إيناس بحلطمه:حتى انا !
وليد وهو يشرب ماتشا:ارسمو من ماسكم
ضحكو سوا:الموهبه مافيه
ضحكت إيناس:لا جد لولو تعرفين اكثر مني ارسمي
ألونَا:لا كنسلت هونت مالي خلق الاوان وبعدين ارتب لالا مالي خلق
إيناس وقفت:بيكفتش بس اجهزي لأنو لو سوو عشا لـ فِراس بيكون برضو لك فلذالك بتلقمييييين
__________________________
بدا ينكشف السِتار ومِين صالح ، بارت اليوم فتح جروح ومشاعَر لـ شخصيات روايتي ومواجع ، أعتذر على التاخير بِـ التنزيل ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل
والاقتباس ماحلل القراءه بدون تفاعل🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷