« عزّ الله إنّي في ظبي نجد مغروم .. راعي العيون الّلي مع الزّين خجّله »

«9»

«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
‏«اللهم لاتجعل روايتي تُلهي عبدك عن عبادتك»

ميلا :طبعًا كذبه بيضاء كذبتين مابتضر
ضحك خالد بصدمه:سوال طالعه على مين أنتِ ؟
ميلا بلعانه:بخُبثِ عليكم يالاثنين وشطارتي بتغير المواضيع وكذبي الغير مكشوف طبعًا على الفريق خالد ودلعيي على حَرم الفريق خالد الباقي اجتهاد شخصي
وانهارو الموجودين ضحك ، ليلاس انهارت ضحك واشرت على سُندس:ذي للحين تتخيل!
وانهارو الموجودين ضحك ، سُندس بحماس:الله تخيلت اني افحط بالبر بشاص!!!
نرجس بحماس:اوووف ومطر وغيووم والبريكي يالبييييييه صدق!!
الجد إبراهيم وهو يضحك:لله مابكم طب
وانهارو الموجودين ضحك ، سُندس بترجي :تكفووون احد يشررري شاااص!!!
انس وهو يفصفص:كنت بشري عشان الكشتات والحين هونت
نرجس:لانك كررريه! اسمعي ابيع الدوج وتبيعين التشارجر ونقط نشري شاص والي يبقى نجمعه على بعض ونجيب صينيه تمشيينا لين مانتمكن منهم ونرجع الدوج والتشارجر!
سُندس:يوم معتس يوم معي ولامن شاف ولامن درا تم!
نرجس:تم انفداش!!
اليأس وهو يضحك وموسع عيونه بصدمه:كيف قلبو ذولي!!
وانهارو ضحك ، سهم وهو يضحك بصدمه:يقلع بليس وعارفين الاسعار ووش الرخيص
سُندس:هونا عن الصينيه الباقي مايجيبها فورد ولا اكسنت
نرجس:يالبييييه يالاكسنت!تم!
سُندس:تم نبيع بالحراج!
وانهارو الموجودين ضحك ، هتَان وهو يضحك:لحظه متاكدين انكم بنات؟؟
سهم وهو يضحك:ولا ومخططات وين يبعن!
إلياس وهو منهار ضحك:ونبيع بالحراج طالعه من قلب!
وانهارو الموجودين ضحك
خالد وهو منهار ضحك:اموت واعرف كيف تفهمن بالسيارات اكثر مننا؟؟
سلطان وهو يضحك:ولاا يدرن بالصيني والفورد والاكسنت اعترفو تفحطون من ورانا
سُندس ميلت شفايفها باسى:اي ماتشوف شوشو ممخشه!
نرجس ميلت شفايفها باسى:ودودو برضو
ضحك خالد بصدمه:اسااالك بالله تفحطون!
ضحكت سُندس بوهقه:اي وكمشنا وليد وتهزئنا
ضحكت نرجس:تبنا قبل يكمشنا تمشخت سيارتنا وكلينا تبن وكلنا تبن ثاني من وليدوه
انس بصدمه:لحظه انتم الي وقفنا مره ونزل لكم!
ضحكت سُندس وهزت راسها بالايجاب ، انس لف لعمه بصدمه :انت لو شفت الشارع كيف!!!!
سهم بصدمه:السيارات ماينشافن من الغبره
هتَان بصدمه:ووليد نزل عساس يلقمهم مخالفه وطلعو هم!!
ضحكت نرجس:ابووك يالواسطاات ماعطانا
ضحك خالد بصدمه:محد حس عليكم!
ضحكت سُندس وغمزت؛افا علييك تبيني افحط افحط لعيووونك
نرجس وقفت:خربانه خربانه
وكل وحده راحت لسيارتها ، نرجس بصوت:بعدو سيارتكم من الساحه ذي مابنطلع برا وليدوه مب في يتوسط لنا ومطفرات!
ضحكو وبعدو سيارتهم وانس كان راكب سيارته وناويهم ، وفعلًا شغلو وبسرعه بلمحه بصر صارو يتفاوتون ويفحطون ، ولفو على سياره انس الي شغل الضو الي قدام ، سلطان بصدمه:بيدخل ذا المجنون!
ضحك الياس بصدمه:تفحيط ولاتبيه يخش ؟
وفجاه دخل ونرجس توترت وطلعت ، وبقت سُندس تحمست اكثر وبدت تتفاوت معه ، لين ماطلع انس ووقفت سُندس وهي تضحك بحماس:يالبييييه يوووونس!!
سلطان بصدمه :صاحي انت!
ضحك انس ونزل بحماس:مقدرت يحمس!!!
خالد وهو يضحك بصدمه:بنغير اسمك خلاص!
ضحكت وجلست وهي تفصفص :اساسا اسمي ابو خلود
وانهارو الموجودين ضحك ، هتَان وهو يضحك:مب صاحيات
نرجس وهي تفصفص وتتامل المدى:الصدق عزمت ابي شاص !!
سُندس تكت على كتفها تطالع الغيوم وتلعب بخصل شعرها بتخيل:الله ومعنا شاهي حبق ومشغلين البريكي وامسكي خط يونس الصدق!
نرجس وهي تتامل المدى وتفصفص:لو يكون في نياق بعد!
سُندس بتخيل:وامسكها محتوى تيك واطير بالاكسبلور ونشتهر
نرجس وهي تفصفص وتتامل المدى:يالبيه ونبدا نعلن ونجيب هيلكس!
سُندس وهي تتامل الغيوم بتخيل وترفع وتحرك يدها بالهوا تشوف اظافرها :وبعديين نشري نمر!
نرجس وهي تفصفص وتتخيل:ونسميه بارق
سُندس وهي تتخيل وتشوف اظافرها:لا بارق الحصان! نسميه أدهم
نرجس وهي تفصفص وتتامل المدى:يالبييه ياسوسو دخلت الفكره براسي!!
سُندس تعدلت طالعتها بجديه:ترا منجدي اتكلم!!
نرجس طالعتها وهي تفصفص بجديه:وانا من جدي بعد!!!
عم الصمت ، وطالعوهم نرجس وسُندس وانهارو ضحك ، إلياس وهو منهار ضحك:تكفون ههههههههههههههههههههههههههههههه
هتَان وهو يضحك:يمه وين الدلع الي نشوفه ماتوقعت ذي شخصيتكم الحقيقه!
خالد وهو يضحك:ياربي بكرا يتهاوشن على الاكسنت
وعد وهي تضحك:ارتاحو لنا كثير شخصيتهم الحقيقيه طلعت!
طالعت سُندس إلياس بجديه:بما إنك تعرف بالسيارات تتوقع سيارتي كم تجيب والوحه لحالها كم تجيب؟
اليأس باستغراب:وشي لوحتك؟
ابتسمت:ش م ر شمر
ضحك:تجيب لك مبلغ سعر شاصين!
ضحكت:يالبييييه وتبقى دودو عندي!!
نرجس:صدق وشوشو تبقى بالحفظ والصون!
ضحكو العيال ، ميلت سُندس شفايفها باسى وهي تطالعهم:ترا جد لو تجيب مبلغ ببيعها واخذ اي لوحه رخيصه ابي دودو !
ميلت نرجس شفايفها باسى:وانا ابي شوشو!
سلطان بابتسامه:والشاص والهيلكس والنمر والشهره؟
سُندس تنهدت وهي تطالع سيارتها الدوج:مااش كلهم مايسوون دودو دودو أفضل!
نرجس وهي تطالع التشارجر وتهوجس تنهدت:الصدق شوشو افضل من كل شي !
إبراهيم بابتسامه :مانتن بايعات؟
مع بعض نطقو:مايطاوعني قلبي !
وانهارو الموجودين ضحك ، سُندس ابتسمت:الصدق مابي ابيع مقدر بدون دودو انا متت وحييت لين جبتها
نرجس بابتسامه:وربي بالعله جتني شوشو تبيني ابيعها مبي خل الشاص للي يبيه
ابتسم ابراهيم:والي يقول لكم ان عنده شاص؟
ابتسمت نرجس بواسع ثغرها:احلللللللف!!
ابتسم الجد أبراهيم:مب لي لـ وليد كلمنه وان وافق سلمتكن المفتاح
نرجس وقفت وهي تشمر اكمامها:ماينفع معه الى ورق عنب ذا!!!!
سُندس وقفت:لا مايكفي لاتنسيييييين اذان الشايب بعد(اذان الشايب مُسمى عندنا فقط هههههه زي الشيش برك اذا تعرفونها طبق الاصل باختلاف المُسميات)
ضحك خالد:واثقات؟
نرجس طالعتها:كلكم بطينين والمقووووله تقوول اوللى ماعلى الرجال كرشته!
سُندس:وذا يموت ويحيا عشان يسوون له اذان شايب وورق عنب كيف لو جوه على طبق من ذهب؟
ابتسمت وعد:تعرفين تسوين ورق عنب؟
ضحكت نرجس بوهقه:لا
طالعت وعد بضحكه لـ سُندس:تعرفين تسوين اذان شايب؟
ضحكت سُندس بوهقه:زين اعرف اصب مويا
وانهارو الموجودين ضحك ، ضحك سلطان:وكيف بتدبرنهن!
سُندس تربعت على الكنب:الورق عنب لولو بس اذان الشايب؟
ضحكت نرجس بدلع:اشتقت لمشاعل تصدقين؟؟
وقفت وهي تضحك بدلع:يمامي وحشتني من زمان ماسولفنا!
هتان:الحين اقتنعت انهم بناتنا
وراحو ركض داخل ، وضحكت ايلاف:يعزتي لهن بينكرشن
وخمس دقايق وهم طالعات ويتحلطمون ، وضحكو الموجودين ، نرجس طالعت امها:شوفيها معيه!
ضحكت تُقى:احسن تستاهلون
راحت سُندس عند عمتها ايلاف:فوفو تسوينه صح؟؟؟
ضحكت وهزت راسها بنفي:روحي لمك!
تحلطمت وتكفت:لاذي تسوي لخلودها بس حتى حنا سكبت علينا تبينها تسوي لاخو زوجها؟؟؟؟
وانهارو الموجودين ضحك ، ضحكت وعد:قد كلتو الي اسوي؟؟
ضحك هتان:لا دايم نسحب
ضحكت سُندس بوهقه:نكون شبعانين!!!!
ضحك خالد:احسن فاتتكم اصنااف تستاهلون خلوكم على المطاعم لين ماتطفرون وتهلكون تدلون اكل البيت!
ضحكت ميلا:الله يعزك ياشوشو بس تشوفني ترحمني وتسوي لي اكل وخذتها حلى كل ساعه مخليتها تطبخ
وانهارو الموجودين ضحك ، دخلت سياره ألونَا وصوت الاغاني واضح شوي وقفت وطفت السياره ونزلت هي وإيناس وهم يدندنون ، وعلى نزولهم وقفو وليد وفِراس وهم يمشون وماسكين اعصابهم ، جلسو إيناس وألونَا وهم يغنون ومبتسمات ، جلس وليد وهو يطالع باخوانه بعصبيه:وربي لو ماتمسكوووون بناااتكم عني بلعننهم!!!!
سلطان بابتسامه:شمسويات؟
خالد بابتسامه:شفهم بريئات مايسون شين
فِراس بنرفزه وعصبيه:لاوااضحه البرائه تقطرر منهم امحق والله أبليس اشوا منهن!
ضحك إلياس:وراك معصب ترا ناخذ بنتنا!
فِراس بعصبيه طالعه:البخ!
ضحك:سم
وضحكو الموجودين ، ألونَا بابتسامه طالعتهم:شسوينا حرام عليكم!
إيناس طالعتهم وهي مبتسمه كابحه الضحكه :ترا الظلم ظلمات يوم القيامه حرام عليكم
ألونَا وهي تنهار ضحك وتنهار إيناس وراها ويطيحون على بعض من الضحك ، وليد بعصبيه:وتضوحكنن هااا!!! نشوف هالضحكه وقت ماتنسجن!!
فِراس بعصبيه:احر ماعندنا ابرد ماعندهن!
سلطان بصدمه؛وش سجنه!
طالعهم خالد بصدمه:هي وش مسويااات!!!!!!
والباقين مصدومين يطالعون بصمت وصدمه كبيره ، ألونَا وهي تتنهد من الضحك ابتسمت:لحول ماسوينا شي يااا اوادم!!
سلطان بحده:انطقي!
إيناس بابتسامه طالعتهم :ماش افا يارجال الراشد ماعندكم ثقه ببنات الراشد؟؟ ماهقيتها منكم!
وليد بعصبيه:لعنه الله على بليستس وقت مهايطتس !!
ضحكت ورجعت شعرها على ورا بغرور:إيناس بنت خالد بن إبراهيم الراشد وتبيني ما اهايط؟
فِراس بعصبيه:سؤوال ؟؟ ورا مانتن خايفات انطقو!!
ألونَا رجعت شعرها على ورا بغرور:ألونَا بنت سلطان بن أبراهيم الراشد ماتخاف الى من ربها يعقب من يخوفني!
إيناس وقفت بغرور:عن أذنكم بروح اخذ لي غفوه
وقفت ألونَا بغرور وطالعت الياس:اذا جا الصالون بلغني اوكيه؟ امشي يابيبي ننام وناخذ غفوه
وهم يمشون،إيناس:شرايك اسوي مناكيري احمر ولاعنابي؟
ألونَا:سوي عنابي انا بسوي احمر
ودخلو وهم يتشارون، طالع وليد فِراس بصدمه:صدقني وراهم شي!!!!!
فِراس المصدوم:بينسجنون 20سنه وعاااادي عندهم!!!!!
شهقت تُقى بصدمه:ياولي عن بنياتس ياتُقى!!!
وعد بصدمه؛وش سجنه!
سلطان بصدمه:وشهن مسوياااات!!!
خالد بصدمه:انطقو!
وليد مسح على وجهه:حادث مفتعل وماتو شخصين فيه وبصماتهم على السياره واغراض الموتى رحمه الله عليهم والثلاث الباقين بالعنايه وانرفعت بهم قضيه للنيابه العامه
شهقو بصدمه ، ابراهيم بثبات دق على ألونَا:عودي أنتِ والي معتس!
ابتسمت:من عيوني -وطالعت إيناس واشرت بعيونها-
وطلعو ، وقفت ألونَا بابتسامه بدايه الدكه وإيناس محاوطه يدها ، ألونَا بابتسامه:بنظركم نسويها؟
سهم وهتَان بصدمه؛نتوقع كل شي منكم!!!
إيناس بابتسامه كسره وهي تطالعهم:تصدقون فينا؟
سلطان بحده:ذااابحيييين تسمعووون انتم شتقوووولون!!!
خالد بحده:قت^لل ياتبن انتِ وياااها؟!!! شوصلكن لهالمرحله!!!
ألونَا بابتسامه كسره اعتدلت بوقفتها:جرحكم وصل
إيناس بابتسامه كسره:آجل مايحتاج نتكلم تسمعون كل شي مع القاضي
وراحو غرفه ألونَا فزو إلياس وفِراس وراهم والباقين مصدومين مو قادرين يستوعبون شي
دخلو الغرفه ، ضحكت ألونَا بقهر وهي تمسح الميكب بشده:صدقو فينا شفتي!
جلست إيناس وهي تضحك بقهر وبيدها المقص وبدت تقص بشعرها:معليه الله معنى وجرحهم وصل للعميق بعد
طق فِراس وفتح ، انصدمو فِراس وإلياس من اشكالهم ، كانت ألونَا تدمع وتمسح ميكبها بشده وصمت لدرجه جرحت بشرتها الرقيقه ، وكانت إيناس تقص بشكل عشوائي وتدمع بصمت وراح شعرها المُبهر ، فِراس حضن ألونَا وبكت ، صك إلياس الباب وهو يطالع إيناس بضعف ولاقدر يتحرك ، وعت على نفسها ورفعت راسها تشوف نظرات الخوف عليه مر طيف ابتسامه عليها تركت المقص ووقفت عند التسريحه تمسح ميكبها بهدوء:ألونَا
ألونَا بدموع يمسحهم فِراس لها:خير!
ضحكت وطالعتها بالمرايا:شفيك تبكين؟ غريبه ماتعودتي؟ انا تعودت الصراحه
ألونَا شافت شعرها وجلست تفرك اصابعها بيدينها:مقدرت اتعود
وقفتها إيناس:عدلي شعري بسرعه ببالي شي
ومسكت المقص وبدت تقص لين ماصار شعر إيناس فوق كتفها بشوي وهو الي ياصل أخر ظهرها ، إيناس رجعت خصله ورا أذنها ومسكت روج احمر تحطه بهدوء وتركيز ، جلست ألونَا تكثف مسكرتها وتغمق رموشها الجميله ، وقفو إلياس وفِراس مصدومين منهم ، حطت إيناس من الروج لـ ألونَا:فهمتي اظن؟؟
ألونَا:ولابرجع الى بالدم
انصدمو ، إلياس بصدمه:شدمه انتي وياااااهاااا!!
فِراس قفل الباب بصدمه؛مانتم طااالعات من هنا لين تقولون لنا كل شي
تنهدت إيناس وتكفتف:الله يسلمك.....
وحكته إشياء مجهوله تعرفونها قريب ، كانت علامات الصدمه تعلى اكثر واكثر ، طلعو ببرود ، انصدمو الموجودين من شعرها ووجه ألونَا الواضح مُتجرح ، وقف وليد بصدمه وتقدم؛وش صاااير!!!!
سحبت ألونَا سلا^حه بابتسامه:لاتفكر تاخذه باخذه سلف وبيرجع قريب
انصدمو كلهم وقف سلطان بحده:ألونَا رجعيييي السلاا^ااح!!!
مشت ألونَا بكل ثقه وإيناس معها رفعت السلاح لوحت لهم بالوداع وهي مطلعة راسها من الشباك:ان طلع سلا^ح بنت الراشد مايرجع الى بد^م!! ودعتكم الله
ومشت بسرعه ، انصدمو وجا وليد بيلحقهم ، مسكه فِراس بحده:ارجع
طالع خالد خصر فِراس مكان سلا^حه:وين سلا^احك!!
جلس بابتسامه : تسلفوه عرب وبيرجعونه
ابتسم الياس وطالعه:مايرجع الى بد^م ولا؟؟
فِراس بابتسامه:أكيد!
طق ابراهيم بعصاه بحده:وش حاااصل!!!
وقف فِراس بابتسامه حزن لحزن حبيبته واخته:كسرتو اختي وزوجتي وتظنوني بقول لكم وش الحاصل؟؟ تعرفون وقت المحكمه
وقف إلياس بابتسامه وطالع جده وابوه وعمه:بنات الراشد قول وفعل ولا ياجد؟
شهقت وعد وغطت فمها بصدمه، وانصدمو اكثر البقيه ، جا فِراس بيمشي ولاكن مع الآسف خارت قواه وطاح مُغمى عليه
فزو له بخوف ، خالد بخوف:فِراااس!!
وعد بكت:ولدددي!!!
وشالوه باسراع ودوه المستشفى ، بعد ساعتين من المناقشات ، طلع الدكتور بحزن من غرفه فِراس:اهل فِراس؟
فز خالد بخوف:هالله هالله ولدي وش فيه يادكتور!!
على وصول ألونَا وإيناس الي يبكون وبلغهم هتَان ، نطق الدكتور بحزن:الولد معه سرطان رئه من المرحله الثانيه
ألونَا بصدمه بصوت عالي:ايش!!!
فز الياس بخوف لها حضنها:هدي !
ألونَا ترجف بدموع وصوت مُتقطع : فـ فِراس!
وطاحت مغمى عليها بحضن الياس ، فزت وعد الي ترجف من البكي والخوف على ولدها مسكت وجه ألونَا ببكي:قووومي لاتكسرررين ظهرري فيك أنتِ بعدد قووومي!!!!
شالوها بخوف ونقلوها للسرير الي بجنب فِراس ، وكما توقعو جلسو يصعقونها يـ جهاز الإنعاش ، شاء الله ان يستقر نبضها واستقر ، سلطان بخوف:عيااالنا شفيهم تكلمم!
خالد بخوف:تسمع شتقول أنت!!!! وش يجيب السرطان لولدددي!!!!
الدكتور بحزن مسك اكتاف خالد:قل لا اله الا الله ياخوي ادري انه شين صعب لاكن شاء الله ان يبتليه بهالخبيث ، هل كان يدخن؟
خالد بتلعثم وخوف:قليل ويتركه شهور!!
الدكتور بحزن:ذا اول سبب الاسباب الثانيه مجهوله بنسوي فحوصـ...
صحى فِراس وهو يسمعهم:مايحتاج فحوصات
فز خالد بخوف له وحضنه:يوجعك شين؟؟
بادله الحضن بابتسامه:الحمدالله يارب
وعد ببكي:كنت تعرف صح !!
هز راسه بالايجاب بصمت ، انصدمو ، إيناس بخوف وبكي:ليه ماقلت لنا ليييييه!!!!
فِراس بابتسامه حزن:جعلني مابكيكم ليه البكي؟
سُندس ببكي مسكت شعره:بيطيح وبتتعب صح!
مسك شعره بابتسامه حزن:يطيح ياعين أخوك انتِ
ميلا ببكي:كلتبببن ليه ماقلت لنااا ومن متتى تعرف!!
حضنها بابتسامه حزن:من اسبوع ويطيح من اسبوع
طلعو الباقين يبونه يقعد مع اهله ويدخلون له بعدين ، وقفت ألونَا وسمعت صوته ومشت لجهته وهي تبكي ودخلت:فِراااس!
انصدم من الأسلاك الي عليها ، فز خالد وجلسها بخوف:ليه يابوي تتحركين قلبك!
فِراس بخوف:شفييييك!!!
هتَان سوا نفسه يستفرغ:وع وع سوالف متزووجين!!
وضحكو الموجودين ، طلعو يتركونهم براحتهم ، مقدرت تتحرك وجلسن تطالعه وتبكي بصمت، فز وحس بدوخه بس مشى لعندها وحضنها ، اندلعت شهقاتها وحضنته:لييييه ماقلت لي!!
فِراس بابتسامه حزن وهو يمسح على شعرها:واشوفك تتعبين ؟ مايصير ياروحيّ
بكت ودفنت وجهها بصدره :لاتخلييينيي فِراس مقدر بدوونك !
شد عليها ودفن وجهه بنحرها ؛ولا انا اقدر بدونك باذن الله ياروحيّ
وقفت ببدموع:ارجع تمدد أرتاح!
ابتسم:مرتاح معك
طالعته بخوف:والله خايفه عليك ارجع فِراس!
ابتسم وتمدد :اوامر ثانيه؟
ابتسمت بخوف وجلست جنبه:بتحلق شعرك عشان مابيك تتضايق وبتاخذ اجازه لاشعار اخر او افصل
وسع عيونه بذهول:مقدر افصل ولا اقدر اخذ اجازه ياعيوني اعذريني
هزت راسها بنفي بدموع:باخذ عذر من الدكتور يعطيك مده طوييله ومساعد يطولها اكثر مابيك تتعب ابييك عندي!
ابتسم وهو يمسح دموعها بيده، انطق الباب وانفتح دخلو سلطان وعياله ، سلطان بحزن:الف الحمدالله على سلامتكم وطهور ان شاءالله والله يعافيك يارب منه
فِراس بابتسامه حزن:الله يسلمك امين
اليأس مسك كتفه بحزن:الله يجعله تكفيرًا لذنوبك جميعها ويشفيك منه
ابتسم بحزن:امين
انس بعبطه المعتاد يبي يغير الجو:يالله قم بسرعه بلعب بعرسكم!
ألونَا طالعت بابوها:مبي زواج
انصدمو كلهم ،فِراس بصدمه:ألونَا!
سلطان بصدمه:ألونَا!
مسك كتفها الياس بتفهم بطيف ابتسامه:طيب بيطيب وبنسويه معلي ولايتنكسل ولانشوفك بالابيض!
هزت راسها بنفي وهي تدمع غطت وجهها وبكت مره ثانيه ، حضنها سلطان وهو فاهم جميع مشاعر بنته وجلس يطبطب على ظهرها بصمت وهدوء:ليه خايفه؟كلنا بنكون معه وبيتعالج باذن الله!
ألونَا وهي تبكي بحضن أبوها:مبي بيروح زي ماما!
سكتو بضيق مسح اليأس على وجهه بضيق ، انس جلس على احدى الكراسس ونزل راسه بصمت ، فِراس يطالعها بكسره وضيق ، شد عليها سلطان بضيق:مابيصير الى الي كاتبه ربي
تمارا وهي عند الباب بتطليف:اي معليك انا بسوي عمليته وبتال بيساعدني
طالعتها بدموع:اثق بعدوي ولا اثق فيكم!
تمارا ضحك بصدمه:اح!
انهارو الموجودين ضحك ، ابراهيم بابتسامه حزن وقف عند فِراس وحط يده على كتفه:رجااال من ظهر رجال وبينصرك ربك عليه
ابتسم وهز راسه بالايجاب بحزن، جا الدكتور وفك المغذي:فِراس!
ابتسم:ولايهمك
جا سيف وحط يدينه بجيبه:وش ناوين انت وألونَا علييه؟؟
وضحكو الموجودين ، ألونَا لفت وغطت وجهها عطت سيف ظهرها ، سيف:واضحه وضوح الشمس ايوا استاذه ألونَا ؟
لفت باستغراب:في احد ناداني اي صح-لفت لـ فِراس وهي تاشر بعيونها والباقين منهارين ضحك على تصريفاتها-مساعد يقول ضروررري نروح المركز الحين!
فِراس بوهقه وقف:اي الشغل اهم يالله؟
وقف سيف وهو متكتف بابتسامه ويهز راسه بالايجاب:بكتب لكم قسم هنا خلاص -تكلم بعصبيه-بتجنوني انت وياااهااا!!! لامواعيد تحضرون لادويه تاكلون وتبون تعافوون!!!
ألونَا شمقت وتكتفت:اخر عمري اسمع كلام احد؟؟؟
سلطان وهو يضحك:ألونَا
خالد بابتسامه ربت على كتف سيف:معليك باليوم الي عندهم موعد دق علينا ونجيبهم ولايهمك
ابتسم:مشكور ماتقصر
تاففت ألونَا وهي تمشي:اف لو ماجيت افضل لي !!!
ومشى فِراس وهو يتحلطم بضحكه:بيصير عندنا قسمين يالولو!
وضحكو الموجودين عليهم ومشو ، وصلو وجلسو بالدكه بحكم انه المغرب والجو جميل ، جابت ليلاس العود ورا ظهرها وطالعت بابوها:تغيير مود يابرهومي تغير مود !
ضحك بصدمه:ماقلعتيه!
جلست والعود بحضنها بابتسامه:لا اخسي
وضحكو الموجودين ، ليلاس بإبتسامه طالعت ألونَا وإيناس:لاهي نار؟؟؟
أيناس بابتسامه:لولي تبدااا وندخل معك !
ابتسمت وبدت ليلاس بابتسامه تدق بالعود :
لاهي نار ولاهي ماء
ولاهي غيمة ولا ظماء
إن حكت غنت سنابل من رضى
والسكوت إن صار نيران الغضى
-بصوت شجيي وعذب ومهيب ايضاء مع نبره الحده بابتسامه-
إن حكت غنت سنابل من رضى
والسكوت إن صار نيران الغضى
(دخلت معها إيناس وهم يغنون باصوات عالييه حاده شجيه عذبه مهيبه جميله واقل مايُقال عنهع تجذب المسامع والانظار)
يا رضاها وقف وناظر شوي
شف غلاها إيش سوى بشخص حي
(علت صوتها ألونَا شوي عشان يطغى على نعومه صوت ايناس)
يا رضاها وقف وناظر شوي
شف غلاها إيش سوى بشخص حي
كيف حي ولا لقاها وان لقاها
ما بقى بيدينه شي
غير إنه يحتريها
(غنو بصوت واحد هادي شجي عذب )
يا رضاها وقف وناظر شوي
شف غلاها إيش سوى بشخص حي
كيف حي ولا لقاها وان لقاها
ما بقى بيدينه شي
غير إنه يحتريها
(ألونَا بجميع مشاعرها واحساسيها غنت بصوت واضحه الغصه فيه وصوت شجي عذب مُهيب وحاد ومكسور جدًا)
آه من قلبي نصحته
بس عيى ينتصح نبضه يبيها
آه منه ليه عيى ليه عزم
يترك الكون ويجيها
(سكتت إيناس بابتسامه تسمع صوت الونَا)
(غنت الونَا بصوت مسكور وجدًا وشجي وعذب)
ما عرفت القى لهذا القلب حل
الجواب اقفى بظله وارتحل
ما بقى لي غير انتي ياغريبه
يا رحيل العمر فيني يا حبيبه
(علت صوتها بصوت حزيين شجي عذب)
ما بقى لي غير انتي ياغريبه
يا رحيل العمر فيني يا حبيبه
وسكتت بابتسامه تمسك دموعها وغصتها، وقفت دق ليلاس وصفقو لها بقوه وهم مُبتسمين ومُتعجبين من صوتها الجميل ، نرجس بابتسامه:غش ليه تو نسمع صوتك!!! صجونا ليلاس وإيناس وطلعتي احلى!
حاوط اكتافها إلياس بابتسامه:اووه فاتكم الكثيييير
سُندس بحماس:وششش!!
انس بابتسامه:قبل تسكنون هنا وسهراتنا وطلعتنا يوم نكشت
ميلا طالعت ابوها:ليه سكنا هنا تو ليه ماسكنا من قبلل!!!
ضحك خالد:القدر!
وضحكو الموجودين ، سُندس بلعانه:مو تقولين بنات الراشد قول وفعل وان طلبتس ولاسووويتيي!!
ألونَا بحميه:اعقب!!
وانهارو الموجودين ضحك، هتَان وهو يضحك:ذي ثالثتهن
نرجس:اوووه فاتك كثيير هي الي معلمتنا التفحيط الكوتش
ضحك سهم:كوتش بكل شي ألونَا!!
إيناس وهي تعدد:كوتش رمايه وكوتش رياضه وكوتش طبخ
سُندس وهي تعدد:كوتش ميكب تجي؟ وووو. مدري وش
نرجس وهي تعدد:كوتش سوااقه وكوتش ردود
تمارا وهي تعدد:كوتش رسم وكوتش ازياء برضو!
انس وقف ومسح على راس ألونَا:اللهم آني استودعتك اختي من عيونهم!
وضحكو الموجودين ، هتَان بابتسامه:لا ماعندكم اثبات الاثبات الوحيد الي شفته بالحلويات
سهم:رسم وغنى بس
إيناس شمقت:ليه حنى ميتين على تصدقيكم؟عساكم ماصدقتو
هتَان:اخوك!
ألونَا وهي تشرب قهوه:في جدران واجد صك راسك بالي يعجبك واذا تبينا نصكه عنك تبشر
تنهد فِراس وحط يده تحت خده:قولي والله؟؟
تاففت وتنهدت شمقت لهم، سلطان خذا جركل البلاك حق دانكن:مافيه يعني مافيه!!!!
ألونَا بقهر:بشرب شتبون حتى بعيشتي ناشبييين ليّ!!
وجا بيتكلم طلعت احدا الخدم مُسرعه:بابا سلطان
سلطان باستغراب:هلا ستي
ستي بخوف:بـ بتال كسر باب يدور ألونَا معصب قوه
انصدم:من فتح له؟!!
ستي بخوف:كسر باب
انصدم خالد:الباب حديييد!
شهقت ألونَا:والله جدولي طلع مُفيد!!
وضحكو الموجودين ، إلياس بخوف:مو وقتك وينهو ؟؟
وطلع بتال معصب وصرخ:ألونَااااااااااا
وقفت ببرود وتقدمت عنده بهدوء وبرود:خير؟؟؟؟
بتال مسكها مع عضدها بعصبيه:الااان تجييين معااااي!!
ومسكته ولفته ببساطه وحده وهي تتكلم بصوت عالي عند اذنه:لاتنسى من مدربك ذا اولًا واحترم نفسك لاكسر لك راسك !!!! وتقلع قداااامي غرفتك!!!!
بتال بحده وهو يحاول يبعدها:فكيييينيي ولاميحصللل طيب!
فكته وهي واقفه ببرود:وش بتسوي ؟؟ بتضربني؟ اكسر لك يدك ، بتصرخ؟ ابتر لك لسانك ، وش بتسوي ؟؟؟
بتال بعصبيه مسك فكها بحده:قسمً.....
صفقته كف بحده وطاح من قوته  وهي رافعه اصبع الاشاره بوجهه:اسم الله لايطب لسانك الى اذا صحييييت على نفسسسك ساااامعع!!!! -ومسكت يده المكسوره وهي بداخلها خايفه عليه وتكلمت بنبره حاده-اشوفك يالله قوم؟
تاوه بالم بصوت عالي:الوناااا توجعييييينييي فكيي!
زادت ألونَا بضغطتها لين ماتحول لون قميصه للاحمر اثر الدم ، سهم بخوف:عمي وقفهم!!!!
سلطان بحده لف:ابن امه يتحرك!
وكملو يطالعونهم بخوف ، ألونَا بحده رفعه حاجب:تبيييني ابعد قدامي على الغرفه واي صوت والله يابتااال ان تشوف نجووم الظهرر!!!
هز راسه بالايجاب بالم وبعدت ووقف دخل داخل ، انصدمو ومشت الونَا وهي حاطه يدينها بجيبها ببرود وراه ، انصدمو ، هتَان بصدمه:يمه تروع ابعدوها مني!!!
وضحكو الموجودين ، جلس سلطان ، ابراهيم بابتسامه ؛مانت لاحقهم؟
سلطان وهو يشرب قهوه:ألونَا تعرف شغلها
تمارا وهي ترجف:يمه صوته يوم يصارخ كيف ماخافت!!
انس بابتسامه وهو يشرب قهوه:ذي لولو ماتعرفينها للحين لو جبتي لها اسد هنا روضته لتس -وضحك-روضت نمر اساسا ههههههههه
انصدمو ، إلياس بابتسامه:مايقدر عليها الى ربها
داخل ، بتال بعصبيه: شتبييين لاحقتتتنييييي لييين هناا!!
طلعت ابره وتكلمت بحده:مد يدك لالعنك!!!
مد يده وهم جميعًا يخافون منها ، وخايف منها حتى لو مو بوعيه خايفه ، ربطت قلفز ومسحت بمسحه طبيه وحقنته حطت لزقه وتكلمت بحده:لاتعتب باب المجلس ساااامع!! ولاشوف معك اجهزه بشيك بالكميرات وان شفت معك جهاز ياويلك مني يبتال !!! اضبط وضعك اكلك بيجيك
هز راسه بالايجاب وهو يحس بخمول ونام بالمجلس ، طلعت وجلست ، فِراس تنهد براحه:انا قلت ذبح زوجتي!!بسم الله عليك!
وانهارو الموجودين ضحك ، ألونَا شمقت له:كريه طلقني مابيك وع!!
ضحك  الياس وحاوط اكتافها:ليه ماتبينه
نزلت يده عنها وشمقت :حتى انت كريه انقلع اطلع من حياتي!!
حاوط اكتافها انس بابتسامه:وانا؟؟
قرصت خده بابتسامه:لا انت مسموح لك
وضحكو الموجودين ، سُندس وهي تضحك:شكلها بسكوتايه
ضحكت تمارا:بس هتعورك!
وضحكو الموجودين من فهمو ، ابراهيم:مانتن ناويت تنطقن وش سالفه المحكمه؟
وقفن وتكلمو سوا:كل شي بوقته حلو تصبحون على خير
وضحكو ، طالعت ألونَا إيناس واشرت لها على فِراس وإلياس:خذيييهم جمله وبلاش بعد فكيني منهم
إيناس هزت راسها بنفي:بعرضهم بالحراج خصم 50٪ مالي خلقهم
ألونَا وهي تمشي:تسوين خير لونه ببلاش بعد
مشت إيناس وراها ، وانهارو الموجودين ضحك
جت نرجس تركض ومعها الطبله وتربعت على الكنبه وسُندس معها الصينيه تطبل عليها ،
نرجس وهي تطالع امها بضحكه وتطبل طبل جميل :
يام وليد حوشي ابنك وليد وداريه من العين
وبدت هي وسُندس يغنون مصري سوا :
يام وليد حوشي ابنك وليد وداريه من العين العين لو صابت حجرايه تقسمها اتنين خبيه وداريه يام وليد
من العين وارقيه يام وليد انا خايفه عليه يام وليد لاتصيبو العين يام وليد حوشي ابنك وليد وداريه من العين العين لو صابت حجرايه تقسما اتنين
وانهارو الموجودين ضحك ، طقت نرجس كتف وليد وهي تغمز:كيف بس نخاف عليك!
وليد وهو منهار ضحك:شتبون؟؟
نقزت سُندس جنبه بابتسامه دلع:عمو وليد
ضحك وطالعها وغمز:اغاني وعمو وتتدلعين شعندك؟؟
نرجس بدلع وهي تلعب بخصله شعرها:مو انا العنقود ؟
ضحك:الى
نرجس بوجه بيبي فيس[🥺] وهي تلعب بخصل شعرها:يعني لو اطلبك تعطيني طلبتك!
ابتسم وهز راسه بالايجاب:وعطيتك سميّ
سُندس بدلع:نبي الشاص
وسع عيونه بذهول:لابلاااه؟؟؟
نرجس بدلع ووجه بيبي فيس وبراءه:مو قلت لي عطيتك وسميّ والحين بتكسر بكلامك!!
سُندس تكتفت بدلع وهي تطالعه بلعانه:وعندكم الي يرجع عن كلامه ؟
نرجس بدلع تكتفت وهي تطالعه بلعانه:مب رجال
وسع عيونه بذهول وجا بيتكلم ، سُندس صدت بدلع ولعانه:اثبت لنا العكس
نرجس تكتفت وصدت :ولا -طالعته وغمزت وصدت-
وانهارو الموجودين ضحك ، وليد وهو يضحك:وش تبون فيه؟؟
سُندس بكذب ودلع:اول شي احلف ماتهون!
ابتسم:الله يعينا ماني بسحابه حلالكم بس وش تبون به؟
نرجس بكذب ودلع:بنغير اثاث غرفتي ولافي سياره تنقل وشركت الشحن رافضه
سُندس بدلع وكذب:ويرضيك اختك وبنت اخوك يتبهذلون عشان ينقلون دُرج؟
ضحك وطالعها:دورج؟
نرجس بدلع وكذب:وعشان كِذا قُلنا مافي حل الى اخوي وليد
انهارو ضحك اكثر واكثر ، طالعها وهو يضحك:اخوي وليد!!
سُندس بدلع وكذب وهي تلمس الباي باصبعها:ومافي الى انتا يوافق ويساعدنا البقيه مايحبونا
نرجس بدلع وكذب :الله لودي عضلاتك كبرو!
وسع عيونه فِراس وهو منهار ضحك:كيد النساء!!!!!!
وانهارو الموجودين ضحك ، وليد وهو يضحك:خذوه خذوه معني دراي مب ذا السبب بس خذوه
نرجس بحماس:هلااااااااببيي!!!
سُندس بحماس:يالبيييييه يالوددي!!
انهار ضحك:وين الدلع وعمو؟؟؟
ضحكت ووقفت:اقول امشي امشي
وركضو داخل ، خالد وهو منهار ضحك:يميه منهن!!!!!
ضحك وليد وطالعهم:وين بيروحون ؟
وقالو له وانصرعو ضحك ، هدو شوي ، الجد إبراهيم وهو يضحك:يعرفن يلعبنها صح صدق
ورجعو ورتبعو وهن يخططون ، نرجس وهي تفصفص وتطالعها؛اقول مع شقه النور؟
سُندس وهي تفصفص:قبله بنص ساعه
وليد:اجل اثاث ها؟
خالد؛وين بتروحون متى؟
سُندس وهي تفصفص :بنكشت
وانهارو الموجودين ضحك ، ابراهيم وهو يضحك:كان قلتن من اول وكشتنا
نرجس وسعه عيونها بذهول وهي تقلد كلامهم:ماني فاضي يابوك الشركه يبي لها من يمسكها
سُندس وسعه عيونها بذهول وهي تقلد ابوها:بعدين يابابا عندي دوام وامك عندها دوام مانقدر
نرجس وهي تقلد كلام البقيه:اقول مالي خلقك عندي جامعه ، ماني فاضي بروح الشركه ، كل ذي اعذاركم سخيفففه
سُندس بقهر:خذيها منييي لونه عبدالله ولا مساعد ولاحتى راجح وعبدالعزيز والله ان يتراكضون مرااكض وياجلون شغلهم كله من الالف للياء يلغونه
نرجس وهي تفصفص بقهر: حياتي هم يذبحون اعمارهم عشان راجح وعبدالعزيز ماتبينهم يكشتون ويسافرون معهم
سُندس وهي تفصفص بقهر:راجح و عبدالعزيز جو راجح وعبدالعزيز راحو راجح وعبدالعزيز كشتو راجح وعبدالعزيز سافرو عبدالله بالديوانيه مساعد بيكشت
كلكم كذابين
نرجس وهي تفصفص بقهر:لونا نهمكم وتهمكم وناستنا وراحتنا كان اجلتو كل شي عاشننا ولاكل واحد خاروف فالح يقول لمرته سميّ وامري وحنا نطلب الله
سُندس وهي تفصفص بقهر:بديت اشك اننا بناتكم اتوقع مو بناتكم وراجح وعبدالعزيز ولدكم!
وضحكو الموجودين ، خالد حاوط اكتاف سُندس:تغارين؟؟؟
سُندس وهي تقل. كلامه:بنكشت انا وراجح و عبدالعزيز والعيال يومين وراجعييين واليومين صارت أسبوع
ضحك وقبل خدها:ياحلوك
سُندس صدت بقهر:مابرضى
حاوط سلطان كتف نرجس بابتسامه:وراتس على عبدالعزيز مسيكين ماسوى شين
شمقت له بقهر:وع بهالعبدالعزيز وهالراجح على وش ميتين عليهم وتحبونه اقصاهم عيال عمانكم
هتَان ضحك:وانتي شفيك منقهره!
وقفت بقهر:لانكم كلكم كريهين
وقفت نرجس بقهر:حتى فروس تغير اكيد عبدالعزيز ولا راجح مغيرينك الله يعين لولو بس
ودخلو مقهورات ، وضحكو الموجودين ، إبراهيم بابتسامه:وش بهن؟
فِراس بابتسامه:الحق ينقال لهن سنه يبونا نكشت ولاكشتنا الى مع عبدالعزيز وراجح
وانهارو ضحك من تذكرو ، خالد بابتسامه:نكشت ليش مانكشت
فِراس بابتسامه:وااضح مندبله تسبودهن منهم
ضحك إبراهيم بعلو صوته ، سلطان بابتسامه:دايمه يابو سلطان
الجد إبراهيم وهو يضحك:حمد خاطبن نرجس لـ عبدالعزيز
وانهارو الموجودين ضحك اكثر واكثر ، خالد وهو منهار ضحك:خذوها مني بتوافق عشان تثور به صدقونيييي
وانهارو ضحك اكثر واكثر ، ضحكت إيلاف:تكفون تخييلت شكلها وهي تقول يخسي
وضحكو الموجودين ، ابراهيم وهو مبتسم:سهم نادها لي وهتَان إلياس فِراس يالله داخل
هتَان بقهر: كنت بطقطق
وضحكو ودخلو ، جت وهي متكتفه:ايوا؟
ضحك خالد:تعالي اجلسي نبيك
جلست وشمقت: اي اكيد بتقولون اعذار نسمع
إبراهيم بابتسامه:كلموني عرب يبون يخطبونتس لولدهم
ابتسمت بكلافه بعدم تصديق : ايوا ايوا ووش بعد؟؟
سلطان بابتسامه:نرجس نكلمك جد
خالد بابتسامه :مانلعب ولانكذب
وليد حاوط اكتافها بابتسامه:والله بتتزوجين قبلي ها؟
شافت ملامحهم الجاده وطالعتهم:هي خير مبي وع!
وضحكو الموجودين ، ايلاف وهي ماسكه ضحكتها:طيب تعرفين مين؟
نرجس:شدراني
ابراهيم بابتسامه:عبدالعزيز ولد اخوي حمد
سلكت:ه ه ه ه ه بصدق يعني ؟ اكيد ذي مقدمه لعذر عشان ماتطلعونا بكرا
وليد هز اكتافها بابتسامه:والله صدق عمي حمد مكلم ابوي وخاطبتس لعبدالعزيز
وسعت عيونها بذهول:هاذااا الي باااقي يعقب !!
وضحكو بانهيار ، وقفت بكره:ذا الي باقي انا ماتحملت طاريه وتبوني اتزوجه وع مابيه قل لهم مابيه ولابروح واثور فيه صدز!! مافتك منه ذا كش باقي باحلامي بعد يجي ذا الي ناقص وع كريه وسيع وجه ذا السلحيه مابقى الاهو اتزوجه وع وع وع !!
ودخلت وهي تتحلطم والباقين منهارين ضحك عليها ، وقف وليد وهو يضحك ولحقها ، هتَان وقف ؛ها وش ردك؟
دفته وعيونها فيها دموع وصوت فيه غصه:انقلع عني !!!
ودخلت وهم مصدومين،وليد؛وين نرجس؟
هتَان بصدمه:تبكي!
انصدم:وش!
هتَان بصدمه:والله
وليد تنهد:طيب رح قل لابوي يجيني بغرفتها
وراح لمها ، طق الباب ودخل ولقاها تطلع بجامتها بصمت وهي عاضه على شفتها ، قفل الباب وحاوط خدودها بين كفوفه بحنيه:شفيك ياعيوني ماتبينه صدق والله نقول له ماعندنا بنات
نرجس وهي تمسك دموعها:ايه مابيه
وليد بحنيه:يصير اعرف ليه؟
هزت راسها بنفي ، دخل ابراهيم بابتسامه:وليد خلينا
وطلع وقفل الباب ، مسك يدها ابوها وجلسو على السرير تكلم بابتسامه وحنيه:ليه يابوي رافضه؟ ماتبينه؟ ابشري نقول له بس علميني تراه ولد اخوي علميني اعلم اخوي سبب رفضتس له
هزت راسها بنفي وطاحت دموعها،انصدم وحضنها بحنيه:ليه يابوي هالدموع لييه؟؟
نرجس وهي تبكي:مابيه يبه مابيه
استغربت رفضها التام:ليه يابوي ماتبينه ؟
طالعته وهي تبكي بخوف:كنت اعرف انه بيخطبني
استغرب:وشلون قايلن لتس ؟
هزت راسها بنفي وهي تدمع:ماعمره كلمني الى اذا محد رد عليه منكم كلكم ويكلمني بادب وغيره يسال عنكم بس ويقفل بس
بكت، رفع وجهها بحنيه:ليه يابوي قولي لي لاتحرقين قلبي عليتس
فتحت جوالها بيد راجفه ودخلت على احد الارقام بالواتس:والله مالي دخل ولا ارسلت صوري لاحد والله
انصدم وهو يقرا الكلام وشد على الجوال بغضب:من !!!
بكت:والله معرف ولاقد ارسلت صوري لحد يبه
حضنها بحنيه وجوفه يحترق:لاتبكين وتنزل دمعتس اخذ لتس حقتس بيدي ويدتس
ودق على جوال وليد:تعال انت وسلطان وخالد وإيناس والونَا خمس لايجي سادسكم!
وليد:ابشر
وراحو ، طقو الباب ودخلو ، طالع إبراهيم بـ سلطان:دق على عمك وعبدالعزيز يحضرون هنيا الحين
هز راسه بالايجاب:ابشر
طالع إيناس:جيبي لابتوبك يابوي نبي شغلتس
هزت راسها بالايجاب:ابشر
وطلعت مسرعه وجت ، خالد باستغراب مسك يد نرجس بحنيه:ليه تبكين؟ ماتبينه والله مايلمح منتس شعره
بكت بحضن ابوها ، جلس إبراهيم يمسح على ظهرها بحنيه:اطلعه لتس من تحت الارض ولاتنزل دمعتس
سلطان باستغراب:فهموني!
إبراهيم مد الجوال لـ إيناس:طلعي كل شين لهاالرقم -طالع بالونَا-خليتس جاهزه عشان تصيرين محاميه نرجس
انصدمو،سلطان بخوف: وش العلم!
إبراهيم طالع بالونَا:في احد جاين هنيا يابوتس ومصوركن؟؟
هزت راسها بنفي باستغراب:لا واذا كانو ضيوف محد يصور مستحيل
شهقت إيناس يوم شافت الصور ، وجا خالد بيشوف ونزلت الجوال:معليش
خالد باستغراب:وشبكم ياعالم فهمووونا!!
إبراهيم وجوفه يحترق:فيه احدٍ مرسل صور لـ نرجس ويهدد ان وافقت على عبدالعزيز
انصدمو كلهم ، وليد وهو مصدوم ويحس بقهر:من!!!
نرجس وهي تبكي:معرف
حضنها خالد المصدوم:خلاص هدي مابيصير شي
لف الجد لـ إيناس وجوفه يحترق بس مابين:هايبوي؟
إيناس وهي مصدومه وتقرأ:جنان سعد متعب الراشد!!
انصدمو كلهم ، إبراهيم بصدمه:جنان بنت اخوي ماغيره!
إيناس وهي تقرا هزت راسها بالايجاب:الرقم باسمها ثواني بس يمه لولو هلبب
وراحت وراها اشرت الونَا :بتخترقين لا ادخلي هنا
ضغطته بابتسامه :واخترقت جهازها غبيه تدخل اي رابط
وضحكو الموجودين ، الجد بابتسامه وقف:اسمعييي يابنت خالد ان جبتي علومها وطلعتي حق بنيتي لتس ماطلبتي
خالد بابتسامه غمز لابوه ، فهمه ابوه وابتسم :ويمكن عرستس انتِ والونَا بنفس اليوم
شهقت:ها !!!!!!!
وضحكو الموجودين عليها ، ابتسم الجد إبراهيم:فكري زين ويمكنتس عارفتن منهو
ألونَا وهي تعيد حركتها؛يالله يانونوي وافقيي يالله!!
إيناس بتمثيل:شوافق عليه انتو خلصتو من نرجس حولتو علي
وليد ضحك:تذكررين حركتس يوم تقولين لولو وافقي يالولولي ؟؟؟ هي تعيده الحين
خالد بابتسامه:إلياس الي خاطبتس فكري
سلطان بابتسامه غمز:ماتبينه اغمزي بس اشوته
جلست تلهي نفسها:لولو اخترقت الجهاز افرمته؟؟؟
وضحكو من تصريفها طلعو الرجال للمجلس وجلست ألونَا تواسي نرجس الي تبكي وتهديها ، إيناس شهقت وتربعت:يابناااات ذي تكلم شباب!!
انصدمت نرجس ومسحت دموعها:منجدك أنتِ!!
إيناس بصدمه:والله واجد الي تكلمهم وتلعب عليهم تاخذ فلوس وتسحب
شهقت ألونَا وهي تقرا:هييي ذي تطلع معهم!!!!
انصدمت ووقفو يروحون لهم ، شافهم الجد مقبلات وابتسم:يلاها بدهر قلبي ورجعانه
إيناس بتوتر:جد اول شي توعدني ماتسوي شي؟؟؟
إبراهيم بتوتر:وشبكن انطقن!
خالد باستغراب وتوتر؛إيناس شفيكم يابابا؟؟
ايناس عطت ابوها الابتوب يقرا ، جلس يقرا وهو مصدوم وفااار دمه:بنت^^^
إبراهيم بحده:احترم نفسك تراها بنت عمك!!!!
خالد بصدمه ودمه يفور:تخسي وتعقب هالاشكال تقرب لي !! عمي على العين والراس اما هيّ ماتستاهل يكون اخر اسمها الراشد
الجد بصدمه واستغراب:خالد أنطق!
خالد وراه وهو منقهر:حاطتن عذاريبها ذا النجسه باختيي الطااهره!
سلطان بصدمه فهم:خاالد!
خالد بحده:شخالده انت بعد تجيني بنت اليـ^^ وتطلع عن اختي حكي ماينقال وهالحكي كله بها هييّ!!!
إبراهيم ودمه يفور:طبها عندي بكرا نروح ابوي إيناس الكلام لايطلع لحد
هزت راسها بالايجاب بتوتر ، مد لها الابتوب:انسخي كلشين قبل تحذف شي
إيناس:نسخت وبفرمت جوالها
ابتسم عكس النيران الي داخله:يدين ماتمسها النار
وطلعن على دخول حمد وعبدالعزيز ، قبلت ألونَا راس حمد بابتسامه وسلمت:هلا يبه حمد كيفك؟
(يقولون يبه للجد واخوانه )
ابتسم حمد كبير سن ورجُل مُحترم وحب راسها:بخير جعلتس بخير مبروك يابوك وصلني العلم
ابتسمت بخجل:يبارك بعمرك
ابتسمت إيناس وحضنته:وحشتني يبه حييل كيفك؟؟
(وللي مايعرف حمد يكون اب وعد بالرضاعه)
ابتسم وهو يحضنها:بخير ياعونتي بخير علومتس يابوي انتِ؟
ابتسمت:بخير جعلك بخير حياك الله ينتظرونك داخل-لفت لـ عبدالعزيز بابتسامه-كيفك خال؟
(مايكون خالها لاكن من الاحترام)
ابتسم:بخير يالنتفه تراي حول عمرتس وش خال!
ضحكت:كذا مزاج حياكم الله
ودخلو وانصرفو البنات ، وقف إبراهيم بترحيب وحضن اخوه تؤامه :ياهلا بهدر قلبي ورجعانه
ضحك وليد:دوبك قايلها للبنات يبه حدد
وضحكو الرجال ، وسلمو وجلسو ، حمد بابتسامه وهو يتقهوى:سم ياخويّ
تنهد إبراهيم:اخبارن ماتسر الخاطر يابو عزيز
استغرب حمد:قل وانا اخوك اشيلها عنك
ابراهيم طالعه بضيق:في رقمن مرسل لـ نرجس ان وافقت على عبدالعزيز بينشرونن صورها وهي مالها يدن فالموضوع وتعرف بنياتنا محاميات ويعرفن بالتهكير والاختراق أرسلت إيناس للرقم رابط وقالت كانك تبين صور لي ادخل الرابط ودخل راعي هالرقم واخترقت إيناس جواله والطامه طلعت مننا
استغربت حمد بصدمه:من؟
وعبدالعزيز يرص على الفنجال ودمه يفور بس مابين ، ابراهيم:جنان ياخوي جنان بنيت سعد بنت اخوي واخوك
انصدم حمد وعبدالعزيز ، حمد بصدمه:وهي وش تبي بهم!!!
عبدالعزيز بتذكر:ياعم ان كان ماخطيت جتني رساله تهديد بالشركة ان ماكنسلت الخطبه بيصير للراشد كلهم شي وتاجهلت قلت مزح
انصدمو كلهم ، ابراهيم بصدمه:ومن الي يعرف غيييرنا يعني!!!
حمد بتذكر:جبت الطاري قدم سعد بس ما اهقى اخوي يسويها !
ابراهيم بصدمه:بروح له بكرا
حمد جا بيتكلم ودخلو إيناس وألونَا يركضون ، جلست إيناس وهي فحمانه عند جدها توريه:فرمت الجهاز وطلعت وجتني هالرساله
ألونَا وهي فحمانه:ضروري نرفع بلاغ للشرطه مانقدر نسكت اكثر من كذا!
__________________________
الصدماات ورا بعض لاتنفجعون شوي بقي قدام 🤭🫣، تخمينكم وش بيصير البارت الجاي😋 ،أعتذر على التاخير بِـ التنزيل ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل
والاقتباس ماحلل القراءه بدون تفاعل🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷