« عزّ الله إنّي في ظبي نجد مغروم .. راعي العيون الّلي مع الزّين خجّله »

«2»

«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
‏«اللهم لاتجعل روايتي تُلهي عبدك عن عبادتك»

فز فِراس بخوف:كيفها؟
وقفو البقيه بخوف ، الدكتور :البت بئ الها تلات سنين بتجي عياده القلب بتراجع معئ بالقلب والي واضح لي انو افرطت في شرب الكافين وكترت عن الحد المسموح ليها وجالها ارتافع بضربات القلب وهبوط بالضغط
انصدمو وكانت الصدمه الاكبر لـ فِراس ، تكلم بتلعثم وخوف:طيب وش بيصير لها ؟؟
الدكتور:هدي بالك ومابختفش هيا كلت الدواء بتعها وان شاءالله بتبقى بصحه احسن بعد نص ساعه ، هز راسه بالايجاب بخوف وراح الدكتور ، طالعهم بخوف عليها:معها قلب!
انصدم مساعد:الحين كلكم ببيت واحد ولاتدرون!
هز راسه بنفي بصدمه:مانتبهنا عليها ابدًاااا!
ولفو على الباب الي انفتح وكانت هي ، تاففت وطالعت فِراس ورفعت اصبعها بتهديد:والله يافِراس لو احد يدري بلعنك والله!!
فِراس بصدمه:ممنوع المفروض تجلسين اكثر!
هزت راسها بنفي:اعرف لنفسي شُكرًا
طالعها :ليه محد يعرف؟ عمي على الاقل
ألونَا :مايحتاج أقول وانت تعرفهم اكثر مني
فِراس تنهد:الحمدالله على سلامتك
مساعد:ماتشوفين شر واذا تبين ناجل شغل اليوم كله مافي مانع
خلف ومترك؛الحمدالله على السلامه
ابتسمت برضى:الله يسلمكم ، لاعادي بروح لمحكمه الحين واجي نخلص كل الأوراق-طالعت فِراس بابتسامه -شُكرًا -طالعتهم كلهم- استئذن
ومشت وهي تجاهد تعبها ، مشو بضيق عليها وليه ماتتكلم ، ركبت سيارتها ومسكت الدركسون ورفعت عيونها لفوق تمنع دموعها وتنهد وحركت مشت كل ذا تحت أنظار فِراس الواقف ، ومشو راجعين لمركزهم
مشى كل شي على وتيره هاديه وتم كل شي وانجزت كل شي ، ارتاحت يوم كلموها وخبروها ان المحكمه تأجلت لبعد اسبوعين ، وقت ماترجع ورجعت وماكان في احد وحسهم بصاله الطعام تنهدت ورقت فوق وبدلت وانسدحت بتنام ونامت من تعبهت فعلًا ، طلعو بيجلسون برا، سلطان:ألونَا رجعت؟
إلياس:يمكن
ولف سلطان ورقى فوق ، فتح ألباب وكانت تتحلم ومعرق وجهها رُغم برودت الغُرفه ، وفزت وهي تمسك رقبتها وتلهث بخوف ، قفل الباب وفز عنها حضنها يهديها:هدي يابابا مافي احد
ولازالت تلهث ، بدت تهدي نفسها وهدت ، طالعها ومسح على شعرها بخوف:وش شفتي
هزت راسها بنفي بتعب:ولاشي ، امرني
سلطان تنهد بضيق:نامي يابابا وبعدين نتكلم
وتمددت تغطت وتكورت على نفسها وطفى الاضاءه وطلع ، حطت يدها على قلبها وهي تقرا إيات تبي الرعب الي بادخلها يهدى والخوف يروح ولاقدرت وقامت كلت منوم وغبته ورجعت تمددت وارسلت لـ إلياس 'اذا جت الساعه8 وانا نايمه صحيني بليز' وقفلت جوالها وغطت بالنوم ، عدى الوقت ، الساعه 8 دخل يصحيها :ألونَا لولي ألونَا عيوني وروحي قومي يالله
وصحت بعد أصرار من إلياس ولاكان يدري انها ماكله منوم وعلى باله نومة تعب ، وقف:يالله العشاء
هزت راسها بنفي:مابكل
إلياس:بتاكلين! حتى غدا وفطور ماكلتي! عشاني
هزت راسها بالايجاب :ببدل واصلي واجي
وفعلًا بدلت وصلت ونزلت سلمت على جدانها وابوها وجلست تقلب بصحنها ولاكلت شي وكلت لقمتين وقامت راحت فوق غرفتها ولبست عبايتها وخذت شنطتها وجوالها ونزلت مشت ماعطت احد مجال ، لف سلطان لابوه بهمس:يبه الله يخليك لعد تفتح الموضوع معها خلها بكيفها !
إبراهيم بهمس:اوين لها ولاترضى القاصي والداني ينادونها بالمطلقه؟؟؟
سلطان بهمس:وقلعه تقلعهم خلها يبه! خلها
هز راسه بالايجاب بصمت وكملو اكل ، لاحظهم فِراس ووده يسمع عشان يبلغها بس ماقدر ، خلصو عشاء وراحو للحوش الامامي يجلسون فيه ، ليلاس وهي تصب شاهي وتعطيهم :سلطان كم ملعقه سكر؟
سلطان تنهد وهو يبي يرسل لـ ألونَا ومتردد:اربع
أنس:لا ثنتين !
ضحكت :من فيكم الاب!!
وضحكو الموجودين ، أنس بابتسامه:تو السكر مرتفع حطي ثنتين
هزت راسها بالايجاب ومدت البياله لـ سلطان الي واضح باله مشغول ورجعت تصب لها وتجلس ، إلياس :صبي لي
ليلاس جلست وحطت رجل على رجل:ورينا عرض اكتافك وصب لنفسك
إلياس ضحك ووقف يصب له هو وفِراس:محد مقدرنا
فِراس مسك بيالته وهو يضحك:مايعرفون قيمتنا للحين
نرجس وهي تشرب شاهي:اما بدا الحراج؟
فِراس باستغراب:وش حراجه؟
نرجس:انتو قلتو مايعرفون قيمتنا امشو نسعركم راسين بالف مايسوى اكثر
وانهارو ضحك ، فِراس وهو يضحك:الله يساامحك الحين انا تسوميني!
إلياس وهو يضحك:طول بعرض والاشناب بوجيهنا!
نرجس وهي تحرك رجلها:كلها شعرتين كذا ماتدري وانت نايم نثبتك وبالمكينه صفررر!
ضحك هتَان:ينتحرون والله
إلياس وهو يمسك شنبه ويلفه:لابحدد آنا
بتال:اقول اهجد وتجي واحد قصير وواحد طويل
ضحكو الموجودين ، إلياس وهو يضحك:وش فيك انت ونرجس علينا اليوم ؟
سُندس وهي تضحك:لانكم اغبياء
إيناس وهي تضحك:خلونا نراعي مشاعرهم شوي يمكن يطلعون حساسين
فِراس وهو يضحك:الله يسلمك مارعيتنا بمقدار ذره تقول يمكن يطلعون حساسين
وانهارو الموجودين ضحك ، سفطت ألونَا وجلست ، سلطان بابتسامه:وينك يابابا
ألونَا:شُغل-طالعت فِراس-مسعد مدري مسعاد مدري مساعد
ضحك فِراس:مساعد
ألونَا خذت بياله الشاهي من سُندس:الي هو يقول إنك ماترد وبتنزلون مهمه بكرا
فِراس طلع جواله ولقاه طافي:قال لك الوقت؟
هزت راسها بنفي:يقول بلغيه يرد علينا
خالد بابتسامه:مع بعض شغلكم؟
ألونَا:اشتركنا بقضيه ونشبو لي اصير محاميتهم الرسميه
فِراس:اما!
ألونَا:والله تو وقعت العقد احس عندكم أكشن
وضحكو الموجودين ، فِراس:أكشن أكشن بس يصدع والله
خالد بابتسامه:مبروك والله يعينك عليهم
ألونَا:يبارك فيك لا ماعندي كذا انا اذا صجوني بلعنهم معليش اهم شي روقاني!
ضحكو الموجودين ، ووقفت ، بتال بصدمه:لاتقولين بتنامين!
ابتسمت وهزت راسها بالايجاب:لازم اصحي الصُبح
إلياس بابتسامه:نامي ونصحيك معليك
ابتسمت ودخلت لقسمهم ، بتال:احسها تعبانه
سلطان بخوف:وشفيها!
بتال:هد اقول احسها احسها تخمين بس
تنهد براحه:ماعمرها جابت طاري
فِراس بداخله(لاتلومونها اذا ماجابت لكم طاري)
ميلا:مدري الصراحه حتى انا ملاحظة ونومها كثير ومتاكل زين
فِراس بتضييع:احس عشان داوم جديد وصجه ودوخه بسس
إلياس بتأيدد:وانا احس عشان دوامها لاكثر ولا اقل لاتتفاولون عليها
ليلاس:جد ولو فيها شي لاسمح الله بلغتنا
إيلاف:الله يحفظها من كل شر يارب
:امين
ضحكت تمارا:واو كُلنا نحبها؟
وانهارو ضحك ، سهم وهو يضحك:والله من الفهاوه ياخوك
فوق كانت جالسه على البلكونه تطالعهم بدون لاتبين نفسها تسمع كلامهم وانرسمت عليها ابتسامه خفيفه ، صلت الوتر بحكم ان الساعه11 ونامت لانها ماتقدر تتنظر لمنتصف اليل ، حس فِراس بنظرات موجهه عليه وطالع فوق وقت ماكنت تسكر الستاره وابتسم بخفه ، ووقف يروح ينام ، تُقى بابتسامه لفت لـ إيلاف:والله إني مشتهيه كيكتس
ابتسمت إيلاف:من عيونيي تامرين آمر
تُقى بابتسامه:خليه بكرا الحين خلونا نمسي مابقى شين على الفجر
ووقفو كل منهم يتجه لقسمه ، الصباح ، نزلت ألونَا بابتسامه :صبااح الخير
:صباح النور
إيلاف بابتسامه:احط لك كيك؟؟
ألونَا بابتسامه رفعه حواجبها:تبيني اقول لفوفي لا؟؟ مُستحييل
وحطت لها بابتسامه ، خذت صحنها ونزلته باستغراب وخذت منديل ووقفت أتجهت لـ الأشجار تحت استغرابهم ، خذت السلا^ح الي بالارض وتقدمت عند عمها:عمو حقك؟
خالد باستغراب:لاياعيوني
استغربت:حق مين مافي الى انت ووليد وفِراس حقه؟
خالد:ماظني
إلياس باستغراب:وين لقيتيه؟
ألونَا باستغراب:عند الشجر
بتال باستغراب:ليش ماسكته بفاين؟
ألونَا:عشان بصماتي مُمكن يكون سلا^ح جريم^ه
-طالعت بـ فِراس الي تقدم ورفعته-حقك؟
مسك سلاحه على خصره:لا حقي هاذا هو
ألونَا راحت وحطته بسيارتها ورجعت ، سلطان :وش بتسوين فيه!
ألونَا وهي تآكل كيك:بوديه التحقيق الجنائي يشوفون البصمات لمنو
فِراس باستغراب:وين لقيتيه؟
ألونَا:شُفته مرمي تحت الشجر
لف باستغراب:لمين يعني ؟ -ومن تذكر طالعها وهو موسع عيونه بذهول-ألونَا مسكتيه!!!
هزت راسها بنفي:بفاين
فِراس بشك جا بيتكلم وسمعو طق قوي على الباب الرئيسي وفتح الحارس ودخلو ضُباط ، استغرب ووقف متجه لهم ودق تحيه
ضابط اسماعيل:نقيب فِراس الراشد عندنا امر بتفتيش البيت
عقد حواجبه:وليه؟
ضابط اسماعيل وراه ورقه الامر فِراس خبرهم عن الي صار ، سهم:ألونَا فِراس يناديك
لفت باستغراب وراحت ، فِراس:ألونَا وين السلا^ح؟
ألونَا:ثواني-وراحت جابته وهي ماسكته بفاين -ذا
فتح احد العسكر كيس وحطته جواته ، ضابط إسماعيل :سهلتو علينا لاكن بيسوون معكم تحقيق لاطلعت النتايج
ألونَا:تمام
لف عليها:محاميه ألونَا الراشد؟
هزت راسها بالايجاب:اي
الضابط:زين نحتاجك بقضيه
حطت يدينها فجيبها:شمعنى آنا ؟ والقضيه تتمحور عن إيش
الضابط:تعالي المركز وباذن الله تعرفين كل شي
هزت راسها بالايجاب باستغراب ورجعت هي وفِراس من راحو ، خالد:شيبون ؟
سُندس بخوف:يخوفون كُلهم مرا وحده جو!
تمارا بخوف:قلت بنسجن!
ألونَا غمزت لها وهي تاكل كيك:ليه مسويه مصيبه؟
ضحك أنس:طحتي بيد المحاميه
وضحكو الموجودين ، الجد أبراهيم:شيبون بكم؟
فِراس؛يدورون على السلا^ح
تربعت ألونَا وهي تطالع فِراس:الموضوع مُدبر نوعًا ما
فِراس وهو يتقهوى:مو نوعًا ما الى أكيد
ألونَا:طيب شدخلني ناديتني تو؟
فِراس وهو يصب قهوه:لأنهم طلبوك بالاسم وهنأ تأكدت بس-طالعهم كلهم-معقوله محد انتبه له ؟
سلطان:لابلاه مادرينا عنه الى من لولي
استغرب وطالعها:ألونَا متهاوشه مع أحد داخله بقضيه؟؟
هزت راسها بنفي:لا بس ليش آنا الوحيده الي شُفته؟ وهُم لا؟ وغيره وش قضيته الي يبوني ادخل فيها
ليلاس بصداع:صدعتو فيني انتو والغازكم
وقفت ألونَا:مقدر بروح اعرف!
ضحك سلطان:انتبهي لنفسك وللطريق
ابتسمت:من عينيا
وراحت شغلت ومشت ، طالع فِراس فالجوال ووقف:تامروني بشي؟
أبراهيم:سلامتك
خالد:انتبه لنفسك
قبل راس ابوه وامه وجدانه:فمان الله
وقبل يركض حضنوه خواته ، ابتسم وحاوطهم كلهم :شفيكم؟
سُندس طالعته وهي تحبس الغصه دايم:بتطول؟
ميلا بخوف:بيصير لك شي؟
إيناس بابتسامه:استودعتك الله لاتطول اوكيه؟وانتبه لنفسك
ابتسم وقبل روسهم :مابيصير الى الي كاتبه ربي ورجعتي بيد الله سُبحانه وتعالى ابشري من عيوني ، بطاقتي بغرفتي اوكيه؟ اذا احتجتو اي شي خذو منها بدون تردد ايً كان المبلغ
هزو روسهم بالايجاب وودعه وحرك ، ابتسم خالد على تربيته ، المركز وصل ولقاها واقفه بالسياره طق شباكها بابتسامه:ليه مادخلتي؟
ألونَا:مدري عندي احساس بيصير شي قلت انتظرك
ابتسم:يالله انزلي
ونزلت ومشت قريبه له شوي ودخلو مكتب اسماعيل ، اسماعيل:اجلسو -جلسو- بتقولين ليه ووش القضيه طليقك صالح يقول يبيك تصيرين محاميته
ألونَا بصدمه تحكمت فيها:مابصير محاميته ذا اولًا ولاتربطني فيه اي صله او اي مُسمى!-وقفت-في شي ثاني؟؟؟؟؟
هز راسه بنفي ، وطلعت وهي ترجف ، طالع فِراس:ليه رفضت؟
وقف فِراس:سبب لها عُقد ، استئذن
وطلع لقاها واقفه متصنمه وركض ناحيتها:ألونَا
ولف وشافها تطالع لـ صالح الي يبتسم بخُبث وماسكينه العسكر جايبينه لـ مكتب اسماعيل ، من قرب صالح جنبها غمز بخُبث:صيري محاميتي خل نستمتع شوي
بكسه فِراس على وجهه خلاه يطيح بالارض وهو يفور غضب مسك يد الوَنا وسحبه معه وهي متصنمه بخوف ، واتجه لـ مكتب مساعد لقاه فاضي ودخلو صك الباب :ألونَا!الونَا! اصحييي يخسييي يقرب منك وانا معك يخسيييي!!
وكانت ترجف برعب وتذكرت ضربه لها وصارت تهز راسها بنفي بخوف :لاتقربب مني لاتضرببني الله يخلييك لاتضربنيي!!!!
واستوعب انها تذكرت شكان يصير معها ولابيده حيله ولايقدر يمسكها تكلم بضعف؛ألونَا ركزي معاي ماقدر امسكك ركزي معاي يرحم والدييينك!
وطالعته وهي تدمع ، حضنها بخوف عليها وهو يمسح على شعرها ويسمي:بسم الله عليك اهدي طالبك تهدين!
وبعد من هدت وحس انها استوعبت:اسف والله اسف بس مابيدي حل غيره! يخسي يلمسك ويقرب منك والله يخسييي هو واشكاااله انا معك ! جنبك وحولك دايم
ألونَا بخوف: فِراس والله تععبببت تدريي لسا يطلع فمنامي!! تدري اثر الضرب معلمه لساا على ظهرري!
انصدم بس مايبي يبن صدمته،تكلمت بخوف وهمس:والله تعببت والله تعبت
فِراس:قولي لعمي
هزت راسها بنفي:تدرري يوم قلت له اول مافصخت الزواج انه جاني شقال لي قال لازم نزوجك!! هو وجدي عبالهم اذا تزوجت بفتك وهم بلشوني بمريض نفسيي اهله قالوها بفمهم ترا مريض نفسي
هز راسه بنفي:بكون معاك مابيجيك والله!!
وجلسو على الكنب ويوم جا يتكلم دخل مساعد وسكت من شاف الخوف على ألونَا ، شافه فِراس هز راسه بالايجاب مساعد وجلس بصمت ، لف فِراس لـ ألونَا:والله مايقدر يجييك انا معااك ألونَا!! وكلنا معاااك انا وإلياس وبتال وأنس وهتَان وسهم وعمي وابوي كلنا معك مانخليييك!
هزت راسها بنفي وحطت راسها بين يدينها:ذا مريض نفسيي فِراس مريض نفسي!
فِراس:طيب ولو مريض نفسي مايقدر يجيك والله!!
مساعد:اسف على التدخل بس وش العلم بالضبط؟
واختصر فِراس وماقال اغلبيه الي صار لها ، مساعد بصدمه:معليك ألونَا والله مايجيك وحنا حولك ومعك
فِراس شاف جواله يدق باسم عمه:ألونَا ردي بدالي وقولي له
وقفت :لا مسُتحيلل انا قُلت اخيرًا افتكيت وسكتو عنيي تبيني اقول لهم بعد!
هز راسه بالايجاب وسكتت رد:هلا عمي
سلطان وهو يسوق بتوتر:ألونَا عندك؟
فِراس:اي بس تشتغل ليه
سلطان بتوتر:ولاشي بجي اكلمها
وقفل ، لف فِراس لمساعد واشر له بعيونه ، فهمه مساعد وطلع ، فِراس لف لـ ألونَا بهمس:ألونَا عمي بيجي واحس صاير شي
ألونَا:كالعاده اكيد بيقول لي في خطاب
فِراس بغيره تفور وعصبيه بدمه همس:بقتلهم سامعه!!
عقدت حواجبها باستغراب وطالعته،حس وتنهد مسح على وجهه وطالعها بهمس:افهمي خلاص!
عقدت حواجبها:ايش بالضبط!
اشر على نفسه وهو يشوف مامعه وقت بهمس:أحبّك يامجنونه ارتحتييي!! واذا احد خطبك ووافقتي اعرفي انه بيكون موته !
انصدمت وواضحه صدمتها على ملامحها وجت بتتكلم ، فِراس بهمس:بخطبك والله بس انتظر رد ابوي لي ذا اولًا وثانيًا محد بييجيك والله والذي نفسي بيده محد بيجيك ولابيقرب منك انا بمشي الان لمهمتي ولادري ارجع بخير ولا استشهد اعرفي إني احبّك وأبيك بحلاله من زمااان بس ماجتني الفرصه أقول لابوي وامي وقلت لهم امس واول مارجع ابوي بيكلم ابوك ماكنت ابيك تعرفين بالطريقه ذي بس ذي الطريقه الوحيده الي تخلييك تهدين شوي ولو انك مصدومه لأكنِ مقدر والله وأبيك وأحبّك مو عشان اي شي والله آنا بروح الان فمان الله ودعتك الله
وقفت بصدمه ولف هو بيطلع ، كانت مصدومه وجدًااا ماتُنكر أن فيّ شي بداخلها تحرك ، تحس فراشات ببطنها من أعترافه ، هي مو متأكده من مشاعرها نهائيًا لأكن الي تعرفه أنها ترتاح له كثير تكلمت بتلعثم وصدمه وخجل وجراءه:لاتخليني
جمد مكانه ويده على مُقبض الباب ولف ورجع وقف قبالها:ماخليك ولا انساك نساك موتك مانسيتك طول عُمري وأنا افكر فيك وكل ماجوك خطاب إيست وسودت الدنيّا وترجع تنور دنياي لاقول محبوبتك رفضت تدرين ان نصهم يدرون بحُبي لك من تصرافتي آبيك تفكرين وتستخيرين تكفين
ألونَا بخجل وجراءه وتلعثم وصدمه:لاقال لي بابا
وبعد من انطق الباب ، دخل مساعد:ألونَا في واحد يقول انه ابوك برا يبيك
طلعت مُسرعه بخجل ، مسح فِراس على وجهه بابتسامه وضحك لف لـ مساعد:قلت لها!
مساعد:وش-توسعت ابتسامته ثغره من فهم-آنك تحبهاااا!!
ضحك:ااي اصبر بطلع بشوف شتقول خير كانت بتقول شي لو ماجيت والله لعرف شتبي تقول قبل امشي!
ضحك مساعد عليه ، تنفس فِراس وطلع ، اتجهه لهم استغرب من شاف سلطان حضن ألونَا:عمي صاير شي؟
سلطان وهو ماسك يدين ألونَا بخوف:أنتِ بخير!!
ألونَا باستغراب:اي ليه
سلطان بتوتر:صالح يقول بنتك جايتني برجلينها ونهايتها بتكون على يدي
انصدمو كلهم ، تلعثمت:هو ممسوك هنا مايقدر يجيني اساسا!!! طلب اكون محاميته ورفضت
حضنها براحه:انتبهي لنفسك يابابا وقدمي كل شي عندك ضده للمحكمه لايطلع!
ألونَا اخفت توترها عشان ابوها:تمام
فِراس قبل راس عمه من بعد عن ألونَا:ألونَا بوجهي وشنبي من جور الأيام لاتخاف وتشيل بجوفك ذره قلق دامي حولها ولابيمسها ادنى ضرر
ابتسم سلطان براحه:مامن خوف على بنتي دامها معك
ابتسم فِراس وطالعهم:انا ماشي تامروني على شي؟
ألونَا:موافقه -هزت راسها عساس تلخبطت-موفقين
أبتسم بخفه وهو داخله فرحه كبيييييره وفهم شتقصد ، ابتسم سلطان وربت على كتفه:الله يردكم لنا سالمين غانمين
ابتسم:اللهم امين أستئذنكم
ودخل مُسرع عند مساعد قفل الباب وحضن مساعد بفرحه:مواااااافقه!!! مواااااافقه على خطبتتتتي!!!! بتصييير لي!!
ضحك مساعد وحضنه؛مبروكين مبروكين
ضحك خلف:الولد أنهبل وين الهيبه الي برا؟؟؟
وانهارو ضحك ، وقف وطق تحيه:احمم أستئذن
ضحك مترك:ينقال لك بترقع؟
ضحك مساعد:روح الله يوفقكم ويردكم بخير ولاتخاف كلنا حولها مايجيها ذا المريض
ابتسم:ماتقصرون
وطلع ولقاها جالسه على الكراسي وقف جنبها وهمس:أحبّك يامجنونه!
عرفت همسه ولالفت ماسكه نفسها وابتسامتها وتمثل الثقل لفت بتمثيل البرود بس واضح له تمثيل:روح بيمشون
ضحك وغمز:أحبّك استودعتك الله
ولف ركب وحركو ، ابتسمت بداخلها:استودعتك الله
ووقفت ركبت سيارتها راجعه البيت ، وصلت وقفت ودخلت جلست بالصاله عندهم:مووت حر !
ضحكت ليلاس:مادري كيف تتحملون برا
حركت شعرها تهف على نفسها هوا:بموت صدق ومكيفاتهم ماتبرررد!
صحك بتال:تركتي الشركه خلاص؟
هزت راسها بنفي :نو هنا وهناك
إلياس بابتسامه :الله يوفقك ويعينك
ابتسمت من تذكرت:امين
لف خالد بابتسامه عليها:مشى فِراس؟
ألونَا وهي تاخذ ليمونادا من إيناس:ايوا من ساعه
خالد:ماعندك خبر متى يرجعون؟
ألونَا بابتسامه:لا والله لأكن اذا قالو شي ببلغك من عيوني
وعد بابتسامه:عندك دوام اليوم ولا؟
ابتسمت وهي فاهمه تصرفاتهم:العصر عندي بس
إيناس وهي جالسه حاطه رجل على رجل ولفت بـ ألونَا:لولي في مكان توظيف بشركتك؟
ألونَا بتذكر:اعتقد في مكانين شاغرين بس تمسكين الاداره عني؟
إيناس:ودّي بس ماني وجهه مسؤليات نو ثانكيو
ألونَا بابتسامه:جد والله ترا بس توقعين اوراق وتحت مكيف وبمكتب ويخدمونك !
سُندس غمزت:وراك شي صح؟
ضحكت:ايي خلاص مسكوني اربع قضايا وانا تكه وافجر فيهم وبجيب بـ فِراس العيد
وضحكو الموجودين ، ميلا:وش دخله يحول!
ضحكت:لآني ماسمع كلام احد هناك نهائيًااااا وبس ازبد لهم وهو يرقع عشان يترقى وخلف خويه اظن يطقطق على فِراس يقول فِراس يدور الترقيات وَأنتِ بتجيبين فيه العيد عشانك بنت عمه بس شدخلني اذا مابيترقى مالي دخل!!!
ضحك أنس:لابسم الله عليك ماسويتي شي!
وضحكو الموجودين ، ضحكت:بس صدق ترا ماسويت شي يعني بالعقل مابيرقونه عشاني بنت عمه ولا امشي على انظمتهم؟؟؟؟؟
وليد بابتسامه:عندهم هلّون وترا مارقوني الى عشان خالد اخوي يعني الواسطات تلعب لها دور
عقدت حواجبها:طيب في فرق انا بنت عمه وخالد ابوه ليه مايرقونه يعني اذا الوسطات لها دور
ابتسم خالد:رافض يخليني اتوسط له ومايعلم اني انا ابوه
استغربت:ليه طيب المفروض يعني يقول عشان يترقى أفضل
خالد بابتسامه:مايبي يقول اترقى بجهد غيري مابي اترقى بجهدي وتعبي افضل لي يعني تقدرين تقولين ان فِراس يحب الحق والعدل
ألونَا وهي تشرح بيدها:اوكيه كلنا نعرف انه يحب العدل والحق بس برضو مايمنع يقول انا ولد الفريق خالد ابراهيم الراشد وعمي الواء وليد ابراهيم الراشد وجدي فريق اول ابراهيم متعب الراشد مايمنع يعني شوي يمشي بوتيره غير وتيرته المُعتاده
ابتسمو من طلاقتها وفصاحتها ، وعد بابتسامه:فِراس رافض هالفكره نهائيًا غريبه ماتعرفين
ألونَا وهي تشرب ليمونادا:مو قصه ماعرف الى اعرف بس غريب الصراحه لوني بمجال العسكريه بمشي واقول عمي فريق رقووني وعمي الثاني لواء رقوني وجديي فرريق اول خلوني فريق زيهم
وانهارو ضحك الموجودين ، وليد بابتسامه حاوط اكتافها:تدرين عندك مُعجب سري ؟
عقد حواجبها واشرت علي :انا ؟ ومُعجب ؟ انا من اشوفهم اكرشهم وتبي يصير عندي ؟؟؟؟؟
انهارو الموجودين ضحك ، ضحك إلياس:الصدق الى في بوكيه جالك بس بدون اسم
استغربت وهي تشرب ليمونادا:محد بلغني مين يعني؟؟
ليلاس:مُمكن من مُراجعينك؟؟ موكلين موكلات؟
استغربت:يرسلون للشركه ماعندهم عنوان البيت والغالبيه للشركه يعني
جابه أنس :امسكي
ومسكته باستغراب وهي تقرأ الكرت وبس في مكتوب
' 🎬 the and of your story '
وقرته بصوت عالي واستغربت اكثر واكثر:نهايه قصتي؟؟؟
إلياس باستغراب:لغز ذا!
وسعه عيونها بذهول ونطقت:الشركه!!!!!
__________________________
رميت الكروت من ثاني بارت ماعندي وقت ههههههه
قِراءه مُمتعه ياحلواتي ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل والاقتباس 🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷