« عزّ الله إنّي في ظبي نجد مغروم .. راعي العيون الّلي مع الزّين خجّله »

«17»

«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
‏«اللهم لاتجعل روايتي تُلهي عبدك عن عبادتك»

اللهُم لا تجعل القدرات عائق بيني وبين حُلمي ووفقني وأرزقني سرعة الحفظ والفهم، وبشرني برؤيه حلمي وقبولي بأحسن الجامعات ، ربيّ إن كان هناك ذنبًا يحول بيني وبين توفيقي وتيسير أموري وإستجابة دُعائي فأغفره ليّ وطهرني من كل الذنوب ، اللهُم لاتدع لنا ذنبًا إلا غفرته يارب إني مُقبله على مُستقبل لا أعلم خفاياه ولكني أعلم إنك خير مُدبر ، ربيّ استودعتك مستقبلي وحلم بات يكبر في قلبي ، اللهُم لاتحرمني من طموح أسعى إليه ، دعواتكم ليّ تجيب100بالقدرات❤️❤️

بعد مرور شهرين ونص فعلًا ، المستشفى، انطق الباب ودخلت دكتوره الونَا بابتسامة:ازيك يالونَا اليوم؟
الونَا بابتسامة:الحمدلله بخير
الدكتوره بأبتسامه:بئ عندي ليكي بشاره دانتي الحمدالله دخلتي شهرك التالت وسبت الحمل بتاعك ولله الحمد ازا حابه نخرقك اليوم؟
ابتسمو بواسع ثغرهم ، الونَا بابتسامة وفرحه:ايوا اذا مافي اي ضرر على البيبي !
ابتسمت وجت ممرضه تفك الابر،الدكتوره:الحمدلله عدت بخير وسهوله باذن الله والله يتمم ليكي ويفرحك بطلفك وزي منتي عارفه يالونَا دانتي كُل اسبوع بتجي لينا اوكيه؟
ابتسمت ووقفت:مشكوره وابشري باذن الله بحرص على المواعيد
واستئذنت وطلعت ، حضنت فِراس بفرحه:واخيرًاا!
ابتسم بفرحه:يالله يامي تعالي
وساعدها تلبس عبايتها وشال الاغراض ومشى ، وهي شوي شوي تمشي ومحاوطه يده ، ركبت وتنهدت براحه:وحشوني !
ابتسم وركب جنبها:يالله كلها كم دقيقه اربطي الحزام ياروحي
وربطته بابتسامة، شابك يده بيدها ، مرور امام مطب وافلت يده من يدها و حطها امام بطنها ، ابتسمت بحُب ومن عدو المطب رجع وشبك يده بيدها ، وصلو ودخلو وكانو كلهم جالسين بالحديقه الخلفيه بعد صلاه المغرب ، نزلو الونَا وفِراس وحاوطت يده بشعور جميل وفرحه ، مشو ، طلع فِراس وواقف عند باب المطبخ الي يودي الحديقه وتكلم بابتسامة:دوم جمعتكم
ابتسم خالد:هلا ابوي نورت
ايناس بضيق:متى تطلع لولو !
طلعت وحاوطت يد فِراس بفرحه:اشتقتو لي اعترفو ولابرجع!!
صرخت ايناس:لوووولووو!!!!!!
وراحو يحضنونها وهي تضحك ، حضنت ابوها ودمعت وشد عليها ، سلطان براحه :الحمدلله على سلامتك يابوي ليه؟
ألونَا دفنت وجهها بصدره وهي تدمع:وحشتني وحشتني!
وجلس يهديها وهم مُبتسمين بحُب لجمال علاقتهم ، بعد وحضنت الياس ، الياس بفرحه:الحمدلله على سلامتك يادنيتي نوررر البييت
ابتسمت بمشاعر جياشه:لوسي!
قبل كتفها بهمس:طالبك لاتنزل
وحضنت بتال :وحشتني نص ونص
ضحك :لابلاه؟؟؟؟؟؟؟
ضحك هتَان:تراك مقابلها اربع وعشرين ساعه ماندري تطبق ولا مراقب على ألونَا الحمدلله على سلامتك
وانهارو ضحك من تعليقه ، ابتسمت:الله يسلمك
ويين نووسه!
طلع انس :خير تصايحون وتقولون لولو جت-ووسع عيونه من شافها-لووووولوووو!!!
وركض يحضنها ، وطال حُضنهم بصمت ، الونَا بهمس:تكفى؟
وكان معطيهم ظهره وبس فِراس يشوفه ومسح دمعته:وحشتينييي ااخ الحمدالله على سلامتك ياامي!
ابتسمت :يسلمك ياعيووني
ابتسم فِراس من جمال علاقتهم وسندها انس وجلست بين اخوانها وفِراس قريب لها ، ابتسمو وهم يسولفون ويضحكون براحه، تُقى بابتسامة :بخير يامي ؟
ابتسمت ألونَا:ايوا ياعيوني
بتال حاوط اكتافها:اعترفي مهددتهم؟؟
غمزت:يعني شوي
ضحكو الموجودين،بتال بابتسامة:لاصدق اسمع دكتورتك تقول ماتطلعونها ومدري وش
الونَا بكره:اي يع جلست بين أربع جدران حتى حديقه المستشفى ماخلوني انزل لها وع كرهت نفسي صدق !
وضحكو الموجودين، خالد بحنيه:ليه يابوي غريبه؟
ألونَا بابتسامة وهقه:اي لان كان قلبي فجاءه ترتفع دقاته وفجاه تهبط
سلطان بخوف:وتبين تطلعين بعد!
خالد بخوف:لولو الدكتوره سمحت لك تطلعين ولا؟؟؟
ابتسمت:شفيكم شدعوا! لا قلبي مؤدب له اسبوع ثابت وقالت اطلعي لاتجين طفشتينا
وضحكو الموجودين ، فِراس بابتسامة:لامعليكم ماهربت
وعد:اكيد؟
الونَا:والله! بس انتو شكلكم ماتبغوني وعجبكم الجو بدوني برجع على الاقل لقيت لي محتوى ستريك ولوكيت وستوري!
ايناس مدت لها حلى:لا الصدق حللتي امه كل شوي وكل ماحلت الجلسه نزلتي شي
ضحكت وهي تاخذ حلى:والله في محتوى يعني استفدت
وضحكو الموجودين، نرجس بابتسامة:استغلييتها صح بالهديا والورود
الونَا وهي تتقهوى:يمه يروعون الصدق نصهم ماعرفهم ويرسلون لي ياحلوهم حبيتهم
وضحكو الموجودين، نرجس وهي تضحك بصدمه:كذاابه!
ضحكت الوَنا:والله-طالعت ايناس-شفتي الي اضافوها قروبنا صارت بالمركز برضو مرسله ياخي اصبري خليني اعرفك بس والله ذويقه الحلى يجنن!
وانهارو ضحك الموجودين ، فِراس ضحك بصدمه وهو يطالعها:لاصدق كم عندك انتِ! يمه بلاير وربي كل شوي مايمديني اجلس الى في مندوب الاستقبال قال بنجيبه لك رحموني
وانهارو ضحك الموجودين ، إيناس قربت كرسي وجلست قدام الونَا وهي تفصفص:اسمعي شفتي ذيك تذكرينها الي ارسلت لك دعوه حفلتها وتبينا نحضر؟
الونَا بتذكر:جند مدري نجد؟
نرجس:جند جند كم مره اعلمكم؟
وضحكو الموجودين، ايناس وهي تفصفص:معلينا المهم سوت حادث هي وزوجها تحزن وربي تخيلي وحده من يدينها صار فيها زي الشلل او الحركه الا اراديه وزوجها فالعنايه غيبوبه
انصدمو ، الونَا بحزن:يمه الله يشيفهم!
نرجس وهي تتقهوى:وربي رحمتها تخيلي وتنزل دُعاء ومدري ايش ويدها للحين ماقررو فيها ويمكن يبترونها
تُقى بحزن:لاحول ولاقوه الا بالله الله يشفيهم يارب
وعد بحزن:طيب روحو لها دامكم تعرفونها وتحمدو لها بالسلامه
ايناس:اي رحنا بس تخيلي حاجبها فالنص مقطوع كانو هي متعمده بس يجنن امزح يمه الله يشفيها وبرضو رقبتها لابسه ستاند الرقبه وتعرج مره حزنتني
نرجس بحزن:تخيلي جت ام زوجها وتقول يعني اخلعي ولدي وتزوجي وشوفي حياتك وهي رافضه تقول مستحيل
ميلا وتمارا بكو بدون سابق انذار ، خالد بخوف:شفيكم
تمارا وهي تمسح دموعها رفعت اكتافها بعدم معرفه:مدري
ميلا وهي تمسح دموعها:تحزن !
ايناس بصدمه:اما حساسات!؟
ميلا:ليه مب بشر مثلًا؟
تمارا:اتوقع تبينا نضحك ونطقطق دزي
وضحكو الموجودين، إبرآهيم بأبتسامه:بكرا عشاء سلامت بنيتي وحفيدي ولابي اي اعتراض
اختلفت الردود:ماتقصر،مايحتاج،يعطيك العافيه،الله لايحرمنا مايحتاج،لاتكلف
ابراهيم طق عصاه:البخو! العشاء صاير صاير
لفت الونَا لـ فِراس:كلمتك
فِراس ضحك:اي انا زارفها منه حقوقي وحقوقه
وانهارو ضحك الموجودين ، بعد مرور وقت وقفت ألونَا بتعب وسندها فِراس ، سلطان بحنيه:وين يابوي لاتنامين العشاء بينزل الحين
ابتسمت:رجولي عورتني بتمدد مابنام
وعد بحنيه:امي لولو فِراس ترا رتبنا قسمكم ونقلنا اغراضكم زي اول
ابتسم فِراس:يعطيك العافيه ياعيوني
وراحو وهو ساندها ، بتال:للمعلوميه ترأ ألونَا مننوع عليها الشغل والاجهاد والحركه الكثيره فلذالك لاحد يرسلها بشي واذا تحركت كثير تدوخ وماتمشي الى وهي مستنده على احد
وعد بخوف:ليه
سلطان بخوف:طيب دامها تعبانه ليه طلعوها
خالد بخوف:بيصير لها شي؟
هز رأسه بنفي:هي بخير بس الاجهاد بياثر على قلبها وتراه فجاءه مايضخ دم للجنين اذا تحركت كثير فلذالك انتبهو
ايناس بخوف:كلتبن توك تقول! ليه ماقلت لهم يخلونها اكثر
تمارا بخوف:قلنا كلنا حتى فروس قالت دكتورها انها بخير بس تجي مواعدها وتلتزم فيها وبادويه معينه اعطوها اياه ومانجهدها ولانخليها تشتغل ترا طلعوها لانها دخلت الثالث بس وثبت الحمل
تُقى بخوف:الله يحفظها ويتمم لها على خير يارب
:امين
دخلت وجلست على الكنب بتعب:اخ فروس اديني مويا
وراح مُسرع جاب واعطها:سميّ ياعيوني
وشربت:ثانكيو
جلس جنبها:تعبانه ياروحي؟
هزت راسها بالايجاب وهي ماتاكبر معه بشي ابدً:مره ظهري يعورني بتمدد فروس بس دوخه
شالها ومددها بشويش وغطاها:ثواني ببدل واجي لاتتعبين نفسك
ابتسمت على حنيته وتعامله معها وجلست تدعي بداخلها له ولطفلها ، راح فِراس وبدّل ولبس ثوب عادي مو ابيض ثوب النوم بالمُسمى العام عندنا ، وشغل المُكيف :لولو ودّك بشي ؟
هزت راسها بنفي:بس ابغى اكُل اذا خلص العشاء بلغني
جلس ، الونَا بابتسامة:فروس روح!
ابتسم:لامبي بجلس عندك
ابتسمت:فروس كفايه شهرين كُنت معايا ولا انبسطت ولاشي روح انبسط واخرُج سولف اضحك وربي بخير واذا بطلع بمشي بشويش عشان ماتعب والله
هز راسه بنفي بأبتسامه:لايامي مابيك تتعبين ولاشي اذا مشيتي بسندك واساعدك بكل شي ...
اتصل سلطان عليه ورد:سم
سلطان بابتسامة:سم الله عدوك العشاء نزل تبون ارسل لكم ولا تجون؟
ابتسم:لامشكور نجي
ابتسم سلطان:اذا تعبانين صدق ارسل لكم
فِراس بأبتسامه:لاوالله الحمدلله بنجي يعطيك العافيه
ابتسم وقفل ، فِراس بابتسامة:العشاء يامي
ووقفت بشويش واتسندت عليه ، وكان يمشي بشويش وهي مستنده عليه وجلست وجلس جنبها واعطاها مويا ، الياس بحنيه:لولو تعبانه؟
سلطان بحنيه:لو قلتي مرسلين لك يابابا اكل ولاتتعبين
ابتسمت:لاعادي
واكلو وهم يتناقشون بكم موضوع ، بدت تفضى صاله الاكل ، وعد بحنيه وهي تاكل وتطالع الونَا:لولو ياعيوني ميتا بتكون عندك دايم اذا بغيتي شي وفروس مو فيّ ناديها زين؟؟
ابتسمت :ابشري ياعيوني
وكملو اكل وطلعو ، وقفت ألونَا بهمس لـ فِراس:فروس ببدل
فِراس بهمس:ابشري
واتجهو للقسم ودخلت طلعت قميص مُشجر بورود التوليب اسود وواسع عشان تقدر تطلع امام العيال وساعدها فِراس وطلعت ، وقفت ميتا كانت جالسه بالصاله:الحمدلله على سلامتك مدام ألونَا
الونَا بابتسامة:الله يسلمك ، قولي لي لولو ولا ألونَا!
ابتسمت:ابشري بكون موجوده هنا ومعاك بكل مكان واي شي تبغينه قولي لي وابشري
ابتسمت الونَا:ماتقصري ياعيوني أنتِ وابشري اذا بغيت شي ببلغك
ابتسمت واستئذنت دخلت غرفتها ، مشت ألونَا وهي شوي تستند على فِراس وشوي لا ، وجلست بالصاله عندهم ، سلطان بحنيه:نامي يابوي اكيد مانمتي زين بالمستشفى
ابتسمت:مافيني نوم ياروحي وبنام اسااسا كذا 12
ابتسم ولف يكمل سالفته ، تنهد فِراس وهو من اليوم يحاول بمُهاب ان الونَا ماتقدر تجي ومُهاب رافض طالبها هي وإيناس ، لفت إيناس وطلعت تكلم رجعت بعد نص ساعه واتجهت لابوها بعصبيه:شف لك حل مع ذاك الشايب اقول لولو ماتقدر تداوم يقول تجي عندها قضيه كره هالنفسيه!!!!!
وضحكو الموجودين، خالد باستغراب:مين؟
فِراس :مُهاب الزفت
هتَان:لا الواضح الكل يكره
فِراس:كرييه ونشبه
خالد جا بيتكلم ، ألونَا:عادي معليك بروح متى الحين؟
فِراس:اقول معليك منه واسحبي بس
الياس:صدق لولو خير تجهدين نفسك عشان اوامر زفت؟
ألونَا:لامشتهيه اتهاوش!
سهم:ابلش بتطلع براس البيبي صعروره على قولتها!
وانهارو ضحك ، ضحكت:صح صح
فِراس تنهد:لولو مايصير والله
ألونَا:خمس دقايق ترا !
خالد:مانبي توقيف
ألونَا وقفت:على حسب اذا ماجا له كف كفين يمكن يصير تحقيق مو توقيف
سلطان:لولو!!!
وضحكت:ابشرو ابشرو
واستندت على فِراس ، ودخلت لبست لها بنطلون واسع وبلوزه بيضاء عاديه وعبايتها الرسميه بمُساعده فِراس وطلعو ، وقفت إيناس:بوثق لكم بس ادعوا يصير اكشن! يالبيه يالولو تكفين سفلي فيه بخاطري اشوفه يتفشل!
ألونَا:بصفقه بعد ازهليني!
سلطان بوعيد:لولو !
ضحكت:ابشر ابشر
وطلعو ركبو بسياره وحده ، وصلو المركز والساعه8:30 ، نزلو واستغربو الموجودين وعبالهم انهم مُستقيلين ، استندت الونَا بتعب على فِراس واستغربو تعبها ولمحو بروز بطنها الواضح من خلف العبايه وبدو يعرفون سبب غبيتهم ، تقدمو خلف ومترك ومساعد وباركو وتحمدو لهم بالسلامه ، مترك:ياولد شجايبكم ؟
ألونَا وهي تحاول تخفي تعبها:وين الشايب؟
مساعد:مُهاب؟ داخل ليه
ايناس:ابد والله بنسفل فيه ونمشي
فِراس:طالبكم!
مساعد وخلف ومترك بحميا:ابشر حي عينك!
فِراس بابتسامة:تبشرون بالخير يارجال ارفعو فيه طلب باسمي !
مساعد بصدمه:قضيه !
ألونَا تنهدت:فِراس
فِراس:شنو ؟ يعني يكذبنا ويكذب الاعذار الرسميه وتبيني اسكت بعد عن كلامه اول ؟ معصي
ايناس:فروس طيب هد؟ فكر بلولو والبيبي؟؟؟
وطلع مُهاب بحده:مابغيتو تجون؟ تراه دوام ماهو باستراحتك انت وياه!
وارتعبو العسكر من صوته ووقفو يشوفون وش بيصير ، تنهد الونَا بتعب وقرف:خلصني وش تبي ؟
مُهاب بحده:الزمي حدك
ألونَا بقرف وتعب:شف تراها واصله ولالي خلقك ولا لك كلمه عليّ وذا مب وقت دوامي وجايه غصب خلصني وش تبي من الاخر ؟
مُهاب بحده:واضح التعب طالعن من عيونك
الونَا برفعه حاجب وتعب وقرف:لاتكفى صدق اني تعبانه تبي اموت وانهار اني تعبانه؟ دز بس فروس خل نمشي
مُهاب بحده:تمشين يطلع ملفك معك
لفت بقرف وتعب بااين وبشده:ماني ميته عليك انت ووظيفتك وذي من الحكومه مهي منك
فِراس بخوف:امشي لولو اجلسي!
وراحت جلست بدوخه ، جت ايناس ومعها مويا:قلت لاتجين وتجهدين نفسك بس عنيدده
لف مُهاب بحده وصوت عالي:خيررر؟؟؟
فِراس بحده:تراك كثرت هرج سد حلقك!
مُهاب بحده:فِراس !
فِراس بحده:شتبي؟؟ بتوقفني؟ مو وقت دوامي الرسمي ومعي اجازه البخ احسن لك -لف لـ الونَا بخوف -امشي لولو المستشفى
مساعد بحده:فريق مُهاب كفايه الونَا تعبانه!
مُهاب باستهزاء:الله وهالتعب
جا بيتكلم فِراس ، وقفت الونَا بحده ووعيد:وماكون الونَا بنت سلطان وحفيده ابراهيم متعب الراشد ان ماطرحتك من منصبك وذليتك بالمحاكم صبرك علي بس صبر
وسندها فِراس من بغت تدوخ وهو يطالع مُهاب بحده:والله والذي نفسي بيده ان تنسجن وتجون تطالبون الراشد بالتنازل والله ماتشمونه وقلنا نحشمك عشان كبر سنك ولانك خوي الوالد ورائيس لاكنك منت وجه حشيمه!
وشال الونَا من اغمى عليها وطاحت يدها من حضنه وركض فيها للسياره وفزت ايناس ساقت بسرعه جنونيه ، ارتعبو الموجودين من حلفهم ومن الونَا الس طاحت ، مساعد بتهديد:والله يامُهاب ان صار لها شي ولا للجنين شي محدٍ فاكك مننني!!!!
مترك بحده:انت الي حفرت قبرك بيدك!
خلف بحده:ادع بس انها تعدي ولاتنسجن واحمد ربك ماذبحو*ك هنيا!
وفزو ركبو سيارتهم لحقوهم ، بالمستشفى صعقوها مرتين ورجع نبضها، تاكدو انها بخير وبصحه وخلص المغذي وطلعو ، كانت سادحه المرتبه بتعب ، من وقفو شالها فِراس واتجه لقسمه ، جلست ايناس بعصبيه وهي تطالع ابوها:ولاتحاول من الان القضيه وانرفعت على الشايب!
انصدموا، خالد بصدمه:وش العلم!
وعلمتهم ،إيناس:والزفت ذاك مو مصدق وكان يضحك كذا بشماته واستهزاء ووقفت لولو وهددته وقالت ماكون بنت سلطان وحفيده ابراهيم متعب الراشد ان ماطرحتك من منصبك وذليتك بالمحاكم وكانت بتدوخ ومسكها فروس وهدده وقال بالصريح ولو جيتو تطالبون الراشد بالتنازل والله ماتشمونه واغمى على لولو لانها اجهدت نفسها ولو مالحقنا-بخوف-بعيد الشر صار شي لان توقف قلبها وانعشوها جلسنا ساعتين فالطوارى وبعدين طلعوها ، فزو اخوانها وابوها لها ، خالد بخوف:وش فيها الحين؟
إيناس:معرف بس كانت دايخه ماتقدر تمشي وشالها فروس
خالد بعصبيه:هين خلو الشايب على قولتك عليّ
وراحت وعد تتطمن عليها والباقين جلسو ماحبو يضايقونها ، سلطان دخل من فتح فِراس:وين لولو؟
فِراس:جوا
الياس بتوتر:نادها باله
فِراس:ماتقدر تمشي دايخه روحو لها عادي
ودخلو لها بالغرفه، حضنها سلطان بخوف:قلت لك يابابا اجلسي كيفك؟
ألونَا بتعب سندت ظهرها على السرير:دوخه
مسك يدها الياس:لاتروحين لولو وخليه علينا معليك
غطت وجهها وبكت ، خافو ، بتال بعد يدينها بخوف:ابوي انتِ شفيك يعورك شي ؟ نوديك المستشفى
ألونَا بتعب وهي تدمع بضعف:تعبت والله تعبت خلاص مو قادره اتحملل!
حضنها سلطان وسكتو الباقين بخوف عليها،سلطان وهو يمسح على ظهرها:بتهون يابوي ولك الاجر باذن الله اصبري ولاتياسين من رحمه الله!
الونَا بدموع:والله تعبت حتى صلاتيي مو قادره اصلي زي اول مو قادره اتحرك وامشي زي اول تعبت وألله
جلس سلطان يصبرها بايات واحاديث وبكلام يريحها ويقرا قُران والباقين كانو ساكتين بحزن ولابيدهم شي يسوونه وخايفين عليها ، قبل كتفها سلطان بحنيه ومددها بشويش:نامي يابوي وتعوذي من الشيطان وكلنا حولك ونشيلك فوق ظهورنا لو بغيتي زين يابوي ؟
هزت راسه بالايجاب وهي هدت شوي بس لازلت تدمع ، استئذنو وطلعو وهم يتوعدون بـ مُهاب ، تمدد جنبها فِراس وسندت راسها بتعب وهي تدمع:اخ فروس
فِراس بخوف وهو يمسح على راسها ويقرا قُران بصوت جهوري وترتيل جميل لين ماحس بثقلها وانتظام انفاسها غطاها زين ولازال حاضنها وهو يفكر لين مانام ، الصبح الساعه 8 صحت ألونَا ولفت اخذت جوالها تشوف الاشعارات والوقت ، صحى فِراس وابتسم وحاوطها من الخلف لانها كانت متمدده على جنبها:صباح الخير
ابتسمت:صباح النور صحيتك؟
ابتسم وجلس:لايامي صحيت كم الوقت؟
ألونَا:8:45
ابتسم ووقف:زين قومي وضي وصلي
ووقفت سندت نفسها وساعدها توضي بدون تعب وصلت وهي جالسه على كرسي وهو صلى امامها ، وسلم وابعد ، سلمت وابتسمت له ومسحت على راسها وراسه وبطنها وهي تدعي ، ابتسم وقبل يدها:تقبل الله
ابتسمت ألونَا:اجمعين ، ببدل فروس تساعدني؟
ابتسم وسندها عليه:اطلبي عيوني ولاتغلى عليك يادنيتي
ألونَا بأبتسامه:أحبّك
ابتسم وقبل خدها:اموت فييك
ابتسمت ووقف يطلع الي تاشر عليه ، ولبست فُستان ريفي بيبي بينك اكمامه توصل عند الكوع بشوي وطويل مقاسها ولبست كوكرس ابيض فيه كمٍ بروش وجلست على كرسي التسريحه تسوي السكن كير وشعرها راح فِراس ولبس شورت ازرق لفوق الركبه بشوي وقميص ابيض شمر اكمامه ولبس بوته ووقف بابتسامة خلف الونَا ، لفت بابتسامة وعطرته ابتسم وقبل خدها:جميلتي
وشعرها كان كيرلي ماسوت فيه شي فقط سوت جدولتين من فوق للنص بس والباقي مفلوت براحته ولبست اكسسوارتها الناعمه وقفت وحاوط فِراس خصرها بدون لاتمسكه،ابتسمت:بحاول امشي بشويش لوحدي ؟
ابتسم:بكون وراك على طول واشري لي بيدك
ابتسمت وبعد وبدت تمشي بشوي بابتسامة وشوي شوي تمشي طبيعي بمشيها وسُرعتها الطبيعيه ابتسمت وقبلت رؤوس جدانها وابوها وعمها ووخالتها'وعد' وجلست ، ابتسم ابراهيم:كيفك يابوي؟
ابتسمت:افضل من أي يوم
ابتسمت تُقى براحه:الحمدلله يارب دايمه
:امين
وحطت ميلا امامهم طاوله وحطت أنواع الحلويات وقهوتهم وحطت الدفايه عندهم وجلست ، وقفو جميع عيال الراشد وحتى ابراهيم معهم وطلعوا ، فِراس مسك يد ألونَا بحنيه وقبلها:ساعه وراجع اذا بغيتي شي بلغيني وانتبهي لنفسك
هزت راسها بالإيجاب بأبتسامه وطلع بدل ولحقهم ، ميلا رمت نفسها بحضن نرجس:ااخ اذا كذا الزواج والحُب ابييييهم!
ايلاف:معليك انس حنون
جلست وتنهدت:ماش طلع ذا بيصير زوجي؟
ضحكت ألونَا ومددت رجولها :لامعليك والله حنون مره ويجنن عسولي ومايعصب ابدًاااااا ومايقول لا والله ويوم يناقرك مزح وكذا لو قلتي تبين عيونه عطاك إياهم ياشيخه
ميلا وهي تاكل غمزت:اخوك اكيد بتمدحينه وبعدين انتِ الوحيده اكيد مابيعصب ومابيقول لا
ضحكت ألونَا:عند الجد والحق معرف قريب ولابعيد فعلًاا اول يوم بتجين وتقولين يجنن احبه!
وضحكو الموجودين ، سُندس:ياشيخه تذكرين سالفه الطلب رجعت والابتسامه شاقه وجهها اكيد اكيد بتقول احبه يجنن اصبري بس
ميلا بخجل اخفته:انقلعو وع مابقى الى هو
غمزت الونَا،ضحكت ايناس:اقعد ميمي وش قايله لولو اعترفي تحبينه صح ولا ليه غمزت لك؟؟؟؟
ميلا وقفت واخفت خجلها:كلوزق وع مابقى الى هو
وطلعت،وضحكو الموجودين ، المركز نزلو الراشد كلهم ، متوسطهم ابراهيم وعياله ووراه احفاده واقل مايُقال عنهم هيبه ، طق عصاه ابراهيم واشر لاحدى العسكر:ناد لي مُهاب
العسكري:ماظنتي يجي ياعم بس ابشر
وراح ، بعد نص ساعه طلع ووسع عيونه بذهول وتحمحم وقف امام ابراهيم ودق تحيه بصوت عالي :فريق مُهاب الـحمد آمرني
أبراهيم بحده:وش قايلن عن بنتي؟؟؟
وقفو العسكر بذهول من ذا وليه يطقون له تحيه الي رتبتهم فريق ولواء ، بلع ريقه مُهاب وهو داق تحيه :مافهمت
أبراهيم دق بعصاه:افهمك بطريقه ثانيه لوبغيييت!! المحاميه ألونَا الراشد حفيدتي تدري انت وش صايرن لها ولا عشان تكذبها؟؟؟؟ تدري وش تعاني منه ولا لا ؟؟ باي حق تتطاول عليها وتكذبها امام الملاء؟؟؟؟؟؟
بلع ريقه مُهاب ، سلطان:ولااقاطعك يبه-لف لمُهاب بحده-وحلف بنتِ وولد اخوي مايننكس وبيننا المحاكم يبن الحمد
بلع ريقه بتوتر:اعذرني ماكنت على درايه بالموضوع
وقف فِراس بحده:تكذبنا عيني عينك؟؟ كل المحادثات موجوده شئت ولا ابيت الادله والإثباتات موجوده وتقارير رسميه من أطباء ودكاتره تجي انت تنفيه تدري ولا ماتدررري امس متوقف قلبها بسبببتك لانها تعبت وتعنت وجت والنهايه واحد يكذبها!!!!!
ابراهيم بهدوء:ابوي فِراس هد -ورفع بعصاه وطق كتف مُهاب بخفه فيه-وعلم الحمد من الحين يتولمون ولو يركعون عند رجول الراشد محنا بمتنازلين
مساعد حس انه توهق وفعلًا سلم على ابراهيم:العفو ولا لك لواء ياعم-بصوت خافت-حلوها بينكم ولاتاصل هلّون
أبراهيم ربت على كتفه بابتسامة:جزء من ربك الجنه يارب
:امين
إبرآهيم بأبتسامه:ولدي مساعد انت وخلف ومترك واهلكم بلغوهم العشاء اليله عندي باذن الله لسلامت بنيتي وحياكم الله
قبل راسه مساعد بابتسامة:كثر الله خيركم والله يغنيكم سم وابشر ان كتبها ربي حنا معكم
ابتسم ابراهيم وربت على كتفه برضى ومشى هو وعياله واحفاده ، مترك:ياعيال جتني ام الركب يروعون!
خلف بصدمه:جدها وعمامها وابوها واخونها وزوجها واخوان زوجها وعيال عمها كلهم جو! يميه يروعون لحدٍ يقرب لهم !
وضحكو ودخلو ،شد مُهاب على يده وبداخله(اقول احمد ربك مارجدك بذا وتنحل ولاتوصل المحاكم باذن الله)
ولف دخل ، بلعو العافيه العسكر بتوتر
عسكري1:يمه يخوفون هذولي اخوانها كلهم!!
عسكري2:لا عيال عمانها واخوانها وابوها وجدها وزوجها واخوان زوجها اقول احمد ربك ماحضرو الراشد كلهم هنيا كلهم فرق وفرق اولى ومتقاعدين مبطي بس لهم صيتهم بالمحل
عسكري3:صدق من قال لاتقرب الراشد من كان ولابتشوف نجوم الظهر
عسكري4:يارجال هجد مُهاب الي يهجدنا شفت لواء مترك حسيته متوتر
عسكري1:ذولي متعودين ودايم لواء فِراس يساعدهم ويعزمهم هو ولواء وليد
عسكري2:اي شفت مساعد شلون رد على الفريق وسلم عليه بابتسامة والفريق واضح راضين عليه
عسكري1:اقول ابلعو العافيه واهرجو بالاستراحه
وانسحب كلن منهم ، وصلو البيت وبلغوهم بالي صار،سُندس بحماس:يالبيييه شتتت ليتكم مصفقينه بعد!
وانهارو ضحك الموجودين ، وجلسو يسولفون ويضحكون والوضع طبيعي تقريبًا العصر ، قسم ألونَا تنهدت من انس الي يلعب على بطنها ويسالها:نوسه وربي بصفقك !
ضحكو الموجودين ، سلطان وهو يضحك:انس خلاص عاد
انس طنقر :وش فيكم عليّ!
الياس وهو يضحك:جننتها صدق وش درها هي
بتال بابتسامة:الى في حال تدري وماقلت لنا
ألونَا تكت بيدها:اي وش بعد؟
سلطان انهار ضحك:فكوها كيفها
بتال :بنشب لك بموعدك وتشوفين
انس نقز عندها:شي ثاني
ألونَا:شنو؟
انس تكى بيده:سولفي لي عن زوجتي المستقبليه؟
فِراس الي جالس جنبه نغزه بصبعه وغمز:شرايك اسولف لك بطريقتي ؟
انس نقز عند ابوه:لحول نسينا انك اخوها عذّه وبعدين شتبي كيفي خطيبتي ترا بعرف شدخلك!!!!
ألونَا قوصت عيونها عليه:انس
انس بتوتر:لبيه؟
ألونَا غمزت:اعترف وش مهبب؟؟
فِراس:تراك واضح يعني
انس بوهقه:شتبون ؟ ماسويت شي ! تجيك التهايم وانت نايم
ألونَا:اجل ضف وجهك تبي تعرف هذيك هي طس سولف معها صجيتني
سلطان لف عليه:حنا نسينا منكم اصلاً! تكلمتو وحددتو العقد الزواج؟؟؟؟؟؟
انس وهو ياكل:لا ليه المفروض نتكلم حنا؟
الياس:سبيكه ياحددو واتفقو انتو ولا ابوي وعمي يفكرون وبعدها ابلشو يحطون لكم كل شي ورا بعض
انس غص:وش تبون الفكه اعترفو ! بس بنشب لكم بنشب لكم وتشوفون
وقف ومشى برا وهم يضحكون، طق باب قسم خالد ، طلع خالد بأبتسامه:هلا انس حياك
أنس بأبتسامه قبل راسه:يحيك ربي ، بعد اذنك بتكلم مع ميلا بخصوص العقد والزواج والترتيبات
ابتسم وبعد:ابد حياك مابه الى بيتك وبناديها لك
جلس انس بتوتر من الموقف وهو ماتعود يتعامل برسميه مع شي ، طق غرفه ميلا ،ميلا:تفضل
ودخل خالد:ابوي انس برا تكلمو وحددو الزواج والعقد وكل شي واتفقو على كل شي
ميلا بتوتر:تمام
خالد بأبتسامه:زين يابوي بروح الدوانيه حقت جدك اذا بغيتيني تلقيني
هزت رأسها بالايجاب بصمت وطلع قفل الباب ، بدلت لبسها ولبست فستان ازرق ريفي ناعم اكمامه فوق الكوع ويُربط من عند الرقبه وطلعت جلست:هلا
أنس بأبتسامه:لحظه تراي مابصير رسمي يمه يوتر الجو
ابتسمت بخجل اخفته:الصدق مره
ابتسم وتكى بميانه:اي امري متى تبين العقد والزواج
جلست عادي وتخفي خجلها:ماعرف مافكرت لاكن ودّي الزواج عائلي ولابيه كبير
ابتسم:سميّ
ابتسمت وبدا خجلها يتلاشى مدت له فنجان:الملكه احس كلها واحد شرايك الاسبوع الجاي ؟
ابتسم واخذ الفنجان:يمنى ماتمسها النار ، ليه الأسبوع الجاي يعني
ابتسمت بخجل:لان كِذا ولاكِذا مملكين مملكين وفوقه الاسبوع ذا فروس عنده كيماوي والاسبوع مو الجاي لا الي بعده عنده فالاسبوع الجاي انسب وفروس مابيكون تعبان مره
ابتسم على حنيتها:سميّ المواضيع الصدق ذي معرف من المفروض يتكلم فيها ويحدد بس قولي لي كم تبين المهر ووقت مايتكلمون ابوي وابوك أقول المبلغ الي يرضيك وسميّ بالي تبينه
ابتسمت بخجل :الصدق ولا ولد عمه؟
ابتسم:على الاول صح ؟ 100؟
هزت راسه بالايجاب بخجل:بس عادي اذا ماتقد....
انس بأبتسامه:ميلا مابغى هالكلمه ولا ابغى اذا تقدر اذا ماتقدر انتِ سميّ وامري بالي تبينه واشري ولا قولي ابيه وبيجيتس بوقته مابي بيننا رسميات وخجل انا ابيك انتِ ميلا مابغى الرسميّات والتردد الي تبينه أنا حاضر
ابتسمت بحُب له اخفته وخجل برضو اخفته:تمام
ابتسم:وانتِ؟ وش ودّك؟ ووش ودّك بعد نغير بالبيت ؟ ووش ودّك بالاثاث ترا ابوي رافض وانا رافض ماتدخلين البيت الى باثاث جديد ويناسبك
ابتسمت بخجل:لاجد عادي وحلو الاثاث وتو جديد مايحتاج تغيرو شي
ابتسم وبصوت خافت:بوسع الغرفه عشانك وبدور اثاث يرضيك وبصور لك واختاري الي يعجبك واذا ودّك نخرج بعد الملكه ونضبط
ابتسمت بخجل:ايوا عادي يناسبني
ابتسم ووقف:تامريني على شي؟
ابتسمت ووقفت:سلامتك
ابتسم ولف من وعى على نفسه وطلع ، ركضت ودخلت غرفتها قفلت الباب وهي تهوي على نفسها من خجلها ، دخل قسم ألونَا ولقاهم فيّ ولقى خالد بعد وبلغهم موعد الملكه واسباب استعجالهم عارض فِراس وحلف آنس عليه ، ألونَا سرحت وهي تطالع المدى بصمت ، خالد بأبتسامه:لولو؟
لفت:هلا؟
ابتسم خالد:ودّك بشي ؟
هزت راسها بالإيجاب بأبتسامه ، ابتسم سلطان:سميّ؟
ألونَا بوهقه رفعه اكتافها بعدم معرفه:معرف الصدق
ضحك خالد:وصف؟
سلطان ضحك:اي اوصفي وش ببالك يعني
ألونَا:مدري ابغى ستيك بطريقه شيش برك كيف معرف الصدق ويكون ذايب
غص انس:لحظه انا وهو انا معرفت وش تبين بالضبط
بتال ضحك:طيب شيش برك مايمشي؟
هزت راسها بنفي:ياخي مالي صلاح ابي كذا عاد!!!
انس :ابد تم بس في اغراض الستيك؟
هزت راسها بالايجاب ، شمر ووقف:ملعبي ذا عاد ان شاءالله يضبط
وضحكو عليه ، راح ولبس المريله وطلع الحمه ونقعها بمويا حاره وطلع البهارات على جنب ، راح وطلع طحين وعجنه لخُبز الشيش برك وكوره صغار بحيث ينجض بسرعه ، صب لبن وحط الحليب البودره ذوبه بمويا وحطه مع البن على نار هاديه ويحركه بشويش لين مابدا يطبخ بدا ينزل الخُبز المدور الصغار بشويش لين ماخلص كل قِطع الخُبز وقصر النار وغطاه ، جاب الحمه وحط عليها بهارات مشكله وريحان وكمون وزيت زيتون وحطهم على تاوه حاره وبدا يقلب ، ألونَا:ااخ الريحه تجننننن!!!!
بتال:يالبيه يانوسه طباااخ فنااااان !
فِراس:اطبخ دايم هِنا ابشر بالي تبي
وضحكو الموجودين ، ابتسم انس وقطع الستيك شرايح وحطه بصحن وحط جنبه خمس الى عشر قطع خُبز وصب فُوقهم من مرقه الخُبز وحط قطعه اكليل جبل وريحان فوق للزينه واعطاء الونَا وخالد وسلطان والباقين جلس يضبط حقهم ، ألونَا وهي تتلذذ:ام يمممي ااخ يجننن
جاب انس صحون الباقين واعطاهم وهو واقف:ها لولو ؟
ألونَا وهي تتلذذ:بيرفكت ددن
خالد بأبتسامه:الريحان طلع له طعمه فرق بشكل
سلطان بأبتسامه:الصدق حلو ماشاءالله
بتال تربع:ااخ يالبيييه يانوستي
فِراس وهو يتلذذ :لذيذ لذيذ لذيذذذ
الياس وهو يتلذذ:غني عن التعريف لذيذ
ابتسم برضى وراح رتب حوسته وحطهم بغساله الصحون ومسك صحن ونادا ميتا وعطاها وجلس عندهم ياكل ، ألونَا:يالييه نوسه سوي مطعم
انس بأبتسامه:يبي له شغل وحوسه وانتظام وطباخين حوسه والله
سلطان بأبتسامه:احسك بتبدع
انس بأبتسامه:اجل تم بفكر فالموضوع وادور مكان ان لقيت تم
سلطان بأبتسامه:ابدٍ وحنا معك
ألونَا:والله لو تخليني ادفع ببلغ عليك !
انس :لا اخسي
وضحكو الموجودين، وانسحبو لغرفهم ، ألونَا بابتسامة:فروس تحس ابدل ولا أخرُج بفستاني ذا ؟
ابتسم وحاوط خصرها:تجننين بكل حالاتك ياكليّ والي يريحك سويه ودّي اجلس معتس بس حريم شسوي
ألونَا شمقت:اساسا تحلم تعتب باب المقلططط وفيّ ضيوف سامع!
ضحك :سميّ
ابتسمت:ودّي انام واصحي العصر اذا تبي تروح روح فروس بليز اتبسط
ابتسم وقبل يدها:اي معليك بحط مُنبه الساعه ثلاث امشي ننام
ابتسمت:يعني تصرف؟
ضحك:اتوقع
ووقف وبدت تمشي زي قبل باريحيه وبدت شوي شوي لاكن لازم تستند على شي اذا المسافه بعيده وسندها فِراس وتمددت ونامت ، وقت الغداء ، ابراهيم وهو يتغدا:وين لولو وفِراس ماعلمتوهم؟
سلطان وهو ياكل:الساعه9طبخ انس وقالو مايبون يتغدون وخذو لهم غفوه
سُندس:غش يعني الريحه الحلوه من عندكم !!!! وانت خير ليه ماعطيتني الريحه تشهي!
بتال:يافاااتك سوا ستيك مع شيش برك
ميلا:وش ذا اول مره اسمع فيه!
ضحك انس:كلنا كلنا وحام لولو عاد وخبصت وضبط
وضحكو الموجودين ، ابتسمت وعد الي نادت ميتا وخلتها تجيب لها حوافظ اكل وشالت لهم كمٍ صنف وقالت لها توديه قسمهم واذا صحو تدفيه لهم ، العصر نسى فِراس يحط مُنبه ، الساعه 4:40 ، جلست ايناس تزن تتصل على فِراس ، صحت ألونَا وردت :هلا نوني ؟
إيناس تنهدت:واخيرًا صحيتي؟ قومي تاخر الوقت يالله تتجهزي وتاكلي
شافت الوقت:تمام ياعيني ابشري
ايناس:صحي فروس
ابتسمت:من عينيا
وقفلت ، لفت ألونَا لـ فِراس:فروس فروس فروسي فِراس حبيبي يالله قوم
فِراس اتقلب:هممم
ألونَا بدلع:يالله يابيبي تاخر الوقت عليك
ابتسم وتكى قبالها:يعني تتدلعين وتبيني اخليك؟
ابتسمت بخجل ودلع:يالله ياعيوني مامعك وقت قوم وصلي واكل لك شي وتجهز الساعه اربعه
ابتسم:ابشري وسميّ وآمري
ابتسمت:بجهز وحدّي ابي امشي شوي كذا بدون مُساعده
ابتسم بخوف:ولو تعبتي؟
ابتسمت:ميتا برا بخليها جنبي وانت اجهز لاني اساسا ماببدل ولابسوي ميكب
ابتسم:ابشري
ووقفت عند ميتا تاكد ان عندها احد ودخل ياخذ له شور يصحصح ، بدت ألونَا تمشي بارجاء البيت ودفت الاكل بمُساعده ميتا وكوت شماغ فِراس وبخرته ، طلع وابتسم براحه:هلا يادينيتي
تقدمت تمشي لوحدها بابتسامة وحضنته:مشيت لوحدي طول مانت جوا
ابتسم بفرحه:الحمدلله ياروحيّ الحمدلله
بعدت بابتسامة:كويت شماغك الصدق ماقدرت على الثوب حسيت بدوخه وسوته ميتا وفي اكل تعال ناكل واجهز
ابتسم وراح واكل معها وهم يسولفون وطلعو على الساغه5:47 تقريبًا ، وقف عند الدرج على يسار عشان مايشوف المجلس لانه مو عارف في احد او لا وقبل يد الونَا:اي شي تبينه اي شي بلغيني
أبتسمت:من عيوني روح حبيبي
ابتسم:ادخلي واروح
ابتسمت ومشت بشويش ومن اختفت مشى وهو يستودعها ربه ، ابتسمو من شافوها اقبلت لحالها وجلست جنب تُقى ، ابتسمت وعد براحه وفرحه:تقدرين؟
ابتسمت وخدت فنجان من ايناس:يعني مو كثير مشيت تو تقريباً 25دقيقه وتعبت وجلست اقصى حد اقدر امشيه لوحدي
ايلاف بابتسامة :الحمدلله ياعيوني
وجلست تُقى تمسح على شعرها وظهرها وهي تتمتم بذكر الله وتستودعها هيّ وطفلها لله ، رمت نفسها نرجس على الكنب:وع مالي خلّق عزيمه
ليلاس:حبيبي انتِ مالك خلق لكل شي
ضحكت سُندس:نرجس طالعت عبدالعزيز بطرف عين وقالت مالي خلقك انقلع وربي مالها خلق لاي شي
نرجس بتعب تجهله:اخ وربي معد فيني طاقه وانتم تجرجوني هنا وهناك
الونَا مسكت بطن نرجس وهي تقبصه:لازم اسوي لك نظام ثاني اقوا خرجتي عن السيطره
نرجس تنهدت:لا الدوره قربت ياشيخه خمس دقايق وبيصير بطني قدامي الكل يدري انها بتجيني من كرشتي
ألونَا سوت يد ليلى سلمان:سبشل 7 شهور بريك
وعد ضحكت:اي حبيبي بعدها شهر كامل
وضحكو الموجودين ، بدو يجون الضيوف على الساعه 7 ، احدى العجز:شفيها بنيتس ياتُقى ؟
تُقى باستغراب:اياتهن يم عمار ؟
ام عمار:وحيده منهن اضيع بين الصغيرات واجد المعرسه
تُقى بتصريف:ماكلتن برا ومتسممه
ام عمار:الله يعينها ويشفيها
وقفت ليلاس وطلعت تدورها ولا لقتها ، جت لها احدى العاملات تركض بصوت خافت:ليلاس !
لفت:هلا؟
العامله:نرجس طايحه برا
ليلاس بخوف:وش !
العامله بتوتر:برا كانت تستفرغ وبعدها طاحت
ليلاس بخوف:خلاص لاتقولين لحد بتصرف
وراحت ليلاس من باب المطبخ للحوش الخلفي بخوف وهي تصحيها ودقت على عبدالعزيز ، طلع برا ورد:هلا ليلاس امري ؟
ليلاس بهمس ورعب:عبدالعزيز تعالي ورا الحديقه لحد ينتبه لك نرجس مغمى عليها !
عبدالعزيز بخوف:شفيها!
ليلاس بتوتر:مدري لقيتها طايحه لف سيارتك لبابنا وخذهااا المستشفى تكفى بس لحد يحس !
عبدالعزيز بتوتر:زين حاولي تجيبينها وبقدم
وقفل تقدم ولف لهتَان:بروح طالبني المركز
هتَان:الله يوفقك
ومشى ولف سيارته لقسم النساء ولحد حس ، مقدرت ليلاس وفتحت الباب وهي تاشر على المكان ، ركض بخوف وشالها وركبها ومشى مُسرع للمستشفى
__________________________
احداث لذيذه جدًا وسربت نص وصفاتي لكم توني انتبه ادعو لي اجيب بالقدرات100😔❤️❤️ ، اذا تبون بارت زياده بلغوني بالتعليقات😉🫦، تخمينكم وش بيصير البارت الجاي😋 ،أعتذر على التاخير بِـ التنزيل ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل
والاقتباس ماحلل القراءه بدون تفاعل🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷