«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
«اللهم لاتجعل روايتي تُلهي عبدك عن عبادتك»
الصبح ثاني يوم كلهم مجتمعين باللوبي عدا بتال وتمارا وميلا وانس لازالو نايمين ، ابراهيم طالع العيال والبنات جميع:متى تمشون ؟
وغالبيتهم قالو بكرا والباقي اليوم ، حمد:على خير ان شاءالله ومنغير شر
جِوان عبست وتكتفت واقفه قدام فِراس:ليه مابتاخذني!ترايا بنتك مو ذي!-اشرت على ألونَا-
وانهارو كلهم ضحك ، ضحكت وعد:وانا ماتبيني زعلت الصدق!
راحت وقبلت يدها بابتسامة:لا ابيك حلوه مو زي واحد اسمه بابا
وانهارو ضحك ، ضحك خالد وحطها بحضنه:منهي بنته؟
تكتفت:انا
خالد ضحك واشر على ألونَا:وذيك؟
جِوان صدت:مو بنته ذك ابوها اسمه سلطان فِراس ابوي انا!!! يعني حقي انا !!!
ضحك سلطان:لا بدايه خير يافِراس
لفت له:خذ بنتك معك وانا بروح مع ابويا!
ضحك سلطان:امك طيب؟
ألونَا وهي تضحك:لا مو معترفه فيني-حاوطت يد فِراس وهي تطالعها بضحكه-شفتي انا بروح معه وانتِ بترجعين البيت
جِوان بقهر:جدوووووو!!!!!
تنهد فِراس:اي فلحنا عز الله
وانهارو الباقين ضحك ، ميلا وانس الي جو من اول ، ضحكت ميلا:شفيك انتِ هي البزر مب انتِ!
ضحك خالد:لابسم الله عليك طالعه منها
ضحكت:شسويت بعد!
ضحك خالد:تشدين شعر امك وتقولين خلود حقي انا
فِراس:عرفنا طالعه على من !
وانهارو ضحك ، ضحكت ميلا وحضنته من الخلف:صحيح خلود حقي انا وبس!
جِوان:ميمي شوفيهم فِراس حقي انا وبس بس مايخذني ياخذ بنت سلطان!
سلطان ضحك وسحبها لحضنه:انتِ وش تقولين لـ ألونَا؟
جِوان:ماما
سلطان ضحك:وفِراس ؟
جِوان:بابا؟
سلطان:يعني لولو زوجه فِراس صح؟
جِوان تكتفت:مو شغلي انا بنته !
سلطان ضحك:وذييك امك المفروض تحبينها اكثر منه بعد!
فِراس:لابلاه ؟
ضحك خالد:هاذا الصدق النبي اوصى بالام ثلاث والاب وحده بس يعني مو ماتتحترم لا بس اكثر شي لولو
ألونَا تكت:لا الله يسعدها ماسحتني من حياتها مسح نهائي بس عاااادي ماعطيها البيبي وخليها تروح لفِراس!
شهقت بعصبيه:باخذ ميّس بكيفي!
ضحكت ميلا :لاا في اعضاء جُدد-حطت يدها على بطن ألونَا-هنا في بيبي
جِوان:زي نوني؟
ميلا:ايه
نقزت بفرحه عندها:صدق!
فِراس:وامس وش قلنا؟
وضحكو الموجودين ، ألونَا تكت بظهرها:اي وممنوع عليك
شهقت بصدمه:ليه!
سُندس وهي تاكل كاجو:لحول ذي تشبه ميلا بكل شي وانا ياخي
ألونَا ميلت شفايفها بضحكه:مو انا بنت سلطان وانتِ بنت فِراس خلاص روحي لفِراس وبروح لسلطان
نقزت حضنتها:والله ماتروحين!
وانهارو كلهم ضحك ، الونَا ضحكت:دوبك ماتبيني؟
بعدت بابتسامة:ابيك بس مابيك تقولين فِراس حقي
الونَا:لا فِراس حقي
عبست:حقي انااا! وروحي لسلطان انتِ والبيبي اصلا مو حلو مايسولف ولايرقص معك ولايشرب ماتشا معك زيي روحي لهم احسن
وجلست بحضن فِراس بتهديد:والله لو تروح وتخليني ازعل عليك
نومها بحضنه:ايه ان شاءالله
والباقين بحاله هستيريه من الضحك
جِوان ضحكت ببراءه ومسكت اسفل دقن فِراس:شفت انا فناااانه!
طالعها وضحك:اي فنانه على حسيّ ها؟
ضحكت وراحت تركض وجلست بحضن خالد وتمسك دقنه:امممم بسوي لك هنا باتمان او هيلوكيتي حلوين صح؟
شرق بالقهوه خالد:انا ارتحت من ميلا تجييني انتِ!!
ضحك فِراس ورفع راسه يمسك اسفل دقنه:غش لازم تصير زيي!
وانهارو الرجال ضحك ، ضحكت ميلا:تربيتي
وانهارو كلهم ضحك ، ميلا نادتها:اسمعي بعلمك كيف ماينتبه زين شوفي جيبي مقص طيب بس قصي الشعرر ياويلك تشوهين وجه اخوي!!
جِوان ببراءه وتفكير:طيب المقص مايوخر الشعر وانا ابي ارسسم! ذا الي فوجهه بابا يتكك مره ! معرف ارسسم!
ضحكت ألونَا:يس يس يس خذت ميكبي وجلست ترسم بوجه فِراس وهو نايم
وانهارو كلهم ضحك وتعالات اصوات ضحك الرجال ، هتَان وهو منهار ضحك:حي عينك والله!!
ايناس وهي تضحك:والله لو في مكينه بدو صوت شريتها عشان تبدعين بوجه فروس
تنهد:والله ياهي ماخذه وجهي كشكول اللوان!
ضحك خالد:اي ذق اللي ذقته!
ضحك ابراهيم:تعالي جوجو تعالي
وجلست بحضنه ، ضحك:الله يقطع بليستس ضحكتينا صدق بس ترا كذا غلط!
فِراس تنهد براحه:واخيرًا احد ينصفنييي!!
جِوان عبست:بس مالي خص ابغا ارسم!
ابراهيم:زين يابوي ارسمي بالدفتر باوراق حتى بايبادك!
جِوان:لا مايضبظ يصير مره بيرفكت على وجهه بابا!!
اشر ابراهيم على البنات وهو يعدد:سُندس ونرجس وليلاس والونَا وميلا وايناس وانهَار واصايل وكِناز وارين وسَلاف ووعد كلهن ماكفنتس؟
جِوان بعدم فهم:ايش يعني؟اش اسوي فيهم؟
فِراس ضحك:الله هنا عاد يابابا شغلي فنك!
ابراهيم:ارسمي بالمكياج
سُندس صرخت:لاوالله والله ان اكسر يدينها ذي انا مجالست سنين اهتم ببشرتي عشان اوصل للنتيجه اللي ابيها تجي ذا الصوص تعدمها!
نرجس بتهديد:وقسم ياجِوان ان شفتك مقربه والله لادقكك!!
جِوان بتشميق:من قال حجيكم انتو عصبيات ونفسيات-وركضت وجلست بحضن انهَار-اروح لنونه!
ضحكت انهَار:ياشيخه كليّ فدااااك!
تركي تنهد:خفيفه
وانهارو كلهم ضحك ، اصايل:ايوا بالضبط عندك نونه بعدي عنا اوكيه!
جِوان عبست:ايوا كريهات!
سُندس بلعانه:حتى اُمك وجدااتك؟؟؟ وحنا عماااتك!!!
مدت لسانها:ايوووو انتِ سيئه جدًا اساسا ماتستحقيين لقب عمّه اوكيه تشاو!
ضحك هتَان:بنت الونَا!
وجلست سُندس تلحقها ، وركضت ودخلت بين سهم وهتَان ، سُندس تكتفت وهي مضيقه عيونها:اشوفك اشوفك اشوفك
مدت لسانها:انننن انتِ بنت انتِ؟! والله انك ولد وبزُر تحطي عقلك بعقلي وانا اصغر منك المفروض تدلعيييني!!
شهقت بصدمه:ولسانتس اطول منتس!!!!
وكانو كلهم منهارين ضحك وميلا تصورهم وتضحك ، ضحك سهم:خليها حرام عليك روعتيها!
ضحك هتَان وضمها له:والله حرام عليتس ياسُندس بزر!
نزلت من حضنه جِوان ومسكت يد سُندس ومدت لسانها له:انننن انتو البزران ماخصكم فينا سامعين!!!
سُندس قبلت خدها:اوه بردتي قلبي كفو
شمقت لها وراحت تجلس على ايبادها ، سُندس المصدومه طالعت ألونَا وفِراس المنهارين ضحك:وش توكلونها وتشربونها ذي مب طفله حشى انا الطفله! وبعدين-اشرت عليهم-ذي اشكال اب وام بالله عليكم!
ضحك فِراس:والله كفوو
ضحكت الونَا:احسن تسنعكك!
ضحكت وعد:والله صدقتي
وانهارو كلهم ضحك على ردت فعل سُندس ، جلست وتكتفت:هين هين هين مردكم ليّ تشوفووون دورو لكم احد يمسكها وانتو بالدوام تشووفين يالولو والله لاذلك !
الونَا:الي يشوفك يقول ابدًا منتبه بالاسم انها عندك ولاميتا اللي تلحقها
سُندس:اي اربضي وامسكي وغدتس!
الونَا شربت شاهي:ماهب طاير
ضحك خالد:البرود اللي عند يُدرسّ وعد يوم كانت تروح الجامعه الله وكيلك كل خمس دقايق تدق وتسال مدري كيف ماينقصونها!
لفت عليه:لابلاه؟
وضحكو الموجودين ، ميلا:الله كملتي جامعه مين معك؟؟
وعد بتذكر:تخرجت وانا حامل فسُندس بالشهر الثالث بس فِراس وايناس
ايناس تحمحت:من قدي حضرت تخرج اُمي
تمار:مستوى انا حضرت عرسها!
وانهارو كلهم ضحك ، ميلا لفت لسَلاف:وأنتِ سوسو كملتي؟
سَلاف:علم نفس كنت ناويه الدكتوراه بس تكاسلت
سُندس بصدمه اعجاب:دكتوراااه!ماشاءالله!
اصايل بفخر:ترشحت من عميد الجامعه وضمنت المقعد بس رفضت
ابتسمت ايناس باعجاب:واو وش جامعتها؟
ابتسمت سَلاف:اكسفورد
طالعوها كلهم بصدمه اعجاب ، الونَا بابتسامة اعجاب:اخ الحُلم!
ليلاس بابتسامة:اهنيك الصراحه!
بتال بأبتسامه:قدمت بس انرفضت كيّف انقبلتي
سَلاف بتذكر:ماذكر الصراحه بس عشان لُغتي على طول واذكر وقتها ماكنت حيل معروفه كثر هالحين وكان القبول فيها زي السلام عليكم قبولها بذاك الوقت زي قبول جامعة حايل
ابتسمت سُندس:واو يعني سهله ؟
سَلاف:نهائيًا مو سهله بس خلصتها
نرجس بتخيلات:الله تخيلت لو فاتحين عياده انا وانتِ!
ابتسمت اصايل بفخر:ماما عندها عياده برا ومواعيد اونلاين وكثير يراجعون عندها
نرجس بصدمه:كذاابه!
ابتسمت سَلاف:والله حتى بعد ساعه عندي اوريدي موعد
ابتسمو كلهم بفخر واعجاب ، ليلاس:بس لحظه اكسفورد ببريطانيا وانتو بالمانيا؟
نَواف:درسنا ببريطانيا وخذيت شهاده ثانيه بسويسرا بعدين استقرينا بالمانيا
وليد بابتسامه:شاهدت ايش؟
نَواف بابتسامه :هندسة طبيه
ابتسم بتال بواسع ثغره:لحظه صعبه كيف ماشاء الله ؟؟
نَواف ابتسم:هي كذا وكذا على حسب الفهم والاستيعاب احسبها صعبه بس بعدين طلعت سهله وجدًا
تمارا وقفت وقرت اذكار ومسحت على راسه ومسكت كتفه وطالعته:تاثرت؟
وانهارو كلهم ضحك ، ضحك نَواف:لا
وزاد ضحكهم ، وجلست وهي تضحك:الحين انا مستصعبه الجراحه وانت ماشاءالله هندسه طبييييه!
نَواف:منظوري احس الجراحه بشكل عام اصعب جزء بالطب
اقشعر جسدها:وجددددًا!
ضحكو على ملامحها ، ضحك سلطان:انتِ وراك متخوفه منه لهدرجه؟
وسعت عيونها بذهول:منجدك ؟ يمه ماتخيل كذا اقطع بانسان عشان اعالجه ولا احد يموت فجاءه تحت يدي يميه ولاطرت علي ادرسه يروع
وانهارو كلهم من كلامها ، بتال:والله مايخوف!
بعدت:اقول بعد احسك سايكو!
وانهارو ضحك كلهم ، ضحك وليد:عادي ترا جراحه زيها زي اي تخصص تمريض ولك اجر
تمارا:اللي يسمعكم يقول محتاره وش اقدم تخصص مادانيه مستحيل اتقبله
ضحك الياس:وتخصصك؟
تمارا ابتسمت:لاذا كيوت ماخذته لعب ماني دكتوره دكتوره بالاسم
وضحكو الموجودين، ضحك ابراهيم:ليه؟
ضحك بتال:اجي القاءها متربعه وتلعب معهم
وانهارو كلهم ضحك بصدمه ، ضحكت:والله يونسوون عندهم فعاليات تونس ياخي محد لعبنا وحنا صغار كذا!بس بعد يحزنوني نصهم اقامه دائمه بالمستشفى ونصهم مرض مُزمن يقطعون القلب
تضايقو كلهم ، تُقى بحزن:اقامه دائمه شلون؟
تمارا:عايشين على الاجهزه الطبيه ولايطلعون
بتال:اي شفت واحد اظن عمره16 17 تقريبًا من عمره10سنين بالمستشفى يقول اقامه دائمه لاني استغربت ياخي ستب وبيسي وسوني والعده كلها فيه
تمارا:فيصل صح؟
بتال:اي
تمارا بحزن:يحزني صدق الاكسجين عنده اصطناعي مايتنفس كذا زينا حتى اذا جينا نغيّر اسطوانه الاكُسجين يتوقف قلبه وننعشه على طول
ضاقت صدورهم،نرجس بحزن:يمه كيف متحمله تشوفينهم كذا كل يوم!
ابتسمت:مدري بس يحزنوني الصدق ماودي اطلع من المستشفى عشانهم تخيلي اطفال اصغار من تركي بسم الله عليه متخيله ومحد يطلعهم برا الغرفه ولاشيييي!! نهائيًا فا مدري ليه حسيت اني لازم اطلعهم اونسهم كذا ياخي يحزنوووني!
شاف بتال قروبهم وابتسم:شوفي عايد وش مرسل
فتحت القروب وميلت شفايفها بابتسامة حزن ، فديو عايد ، ابتسم عايد:وش قلتي تعيدين؟
اميره بضيق:وين دكتوره تمارا ماشفتها من خمس ايام مره طولت وحشتني حيل!
عايد بابتسامة:مسافره وبتطول شوي بس
ضاقت اميره زود وتنهدت:طيب مين يسولف معنا ويلعبنا ويجيب لنا العاب وهدايا الحين؟
عايد ابتسم:تبين تكلمينها؟
ابتسمت اميره بفرحه:ايه ايه!
ابتسم عايد:برسل لها واذا ردت جيتك اوكيه؟
ابتسمت:تمام
وانتهى ، دمعت تمارا:خير برجع!
حاوط اكتافها وليد بابتسامة:عادي عادي بعدين ترجعين
تمارا دمعت ، وليد:شفيك؟
تمارا مسحتها:مدري أوجعني قلبي
ضحك سهم:اختي حنونه بسم الله عليها بس عليّ لا!
تمارا دمعت:بكسر البيسي تشوف!
ابتسمو كلهم على حنيتها ، ابتسم ابراهيم :تعالي
وجلست جنبه، حاوط اكتافها:وين اهاليهم ؟ محدً يجيهم ؟
تمارا بضيق:نصهم من الدار مايعرفون شي عن اهاليهم ونصهم يجونهم بس مايطلعونهم ولايجيبون شي لهم يمكن ثلاث اربع ينعدون على الأصابع
لفت لجوالها الي يدق وردت بابتسامة
ابتسمت اميره:تمارا!
ابتسمت بحنيه:اهلًا كيفك؟
ابتسمت:بخير وحشتيني مره مره طولتي دكتور عايد يقول بتطولين اكثر! ارجعي بليز
تمارا ميّلت شفايفها تمنع دموعها:بجي معليك
ابتسمت:مين الي عندك؟
ابتسمت وسندت راسها عليه:جديّ
ابتسمت بتذكر:الي تكلمتي عنو مره؟
ابتسمت:ايوا
ابتسم ابراهيم:كيفك يابوي؟
ابتسمت اميره واستشعرت حنتيه:بخير تدري انتو مررره كذا محظوظين بدكتوره تمارا مره طيبه وحنونه حتى يوم تطقنا ابره ماتعورنا وتجيب لنا كثير اغراض
ابتسمو كلهم على حنيتها وشايفين دموعها اللي تحبسها ، ابتسم ابراهيم وحاوط أكتافها:تبين اقول لك سر؟
ابتسمت :ايش؟
ابراهيم بابتسامة:جايبه لكم كثير اغراض من السفره تعرفين مكه؟
ابتسمت ببراءه:ايوا تمارا تعلمنا عنها فيها بيت الله
ابتسمو كلهم بحُب لتمارا ، ابتسم ابراهيم:تدرين حنا فيها وتمارا جابت لكم كثير اشياء بتحبونها ان شاءالله
ابتسمت بفرحه:مررره شُكرًا تمارا بقول لهم عااادي؟
ابتسم ابراهيم:اي يابوي عادي
طالعت عايد ببراءه وفرحت اطفال:يصير اطلع ؟
ابتسم:بس امسكي ذي الحديده زين ؟
وابتسمت ومسكتها وطلعت ، ابتسم عايد:ماطول عليكم
ابراهيم بابتسامة:بسالك
ابتسم:سم
ابراهيم:هم كم عددهم بنات وعيال؟
عايد:تقريبًا30 بشكل اجماعي 16بنت و14ولد
ابتسم ابراهيم:زين زين
وقفل ، قبل ابراهيم راس تمارا بامتنان:ليه تبكين؟
تمارا مسحت دموعها:مدري كذا فجاءه طلعو من حيث لا اعلم
وضحكو الموجودين بحُب لها ، ابتسم ابراهيم ووقف:تعالي بنروح مشوار قريب
ابتسمت ومبدئيًا عرفت وراحت معه ، ابتسمو الباقين وخمنو وين رايحين ، ابتسمت تُقى بحنيه:الحين كلهم ايتام؟
بتال:لا مو كلهم بس في مجموعه من الدار جايين والدار كل شهر يوفرون لهم مصروف وملابس واكل واغراض وكل شي ويجون مجموعه ويتكلمون معهم بس يعني هم كل شهر مره مو دايم ونصهم قليل احد يجيهم وفي قليل والله يمكن حول12 او14 اللي معهم اهاليهم يرافقون معهم يعني نص ونص
ميلا بشطحه:اعزفو عود
هتَان ابتسم:لا طبيعي طبيعي فصلت اختي
انس ابتسم:صح صح
وضحكو الموجودين من تسليكهم ، ميلا بحلطمه:مالي دخللل اعزفو ياخي!
فِراس:وش ناويه عليه انتِ
الياس:تبينا ننام برا الفندق الظاهر!
وقف انس بحماس:يقلع بليسك تحمست مالي دخل !
وراح السياره يجيب عوده والباقين يضحكون بصدمه ، وجابه وضحك هتَان وهمس له باغنيه:بشوف رد ميلا
ابتسم بلعانه ومسك العود وبدا يدق :
يابنت قلبي غدا قسمين قسم معاك
وقسم مات
يابنت رايح وقولي وين بروح لعالم
الكسرات!
وضحكو العيال يترقبون ردت ميلا ، وميلا بدون تفاهم وهي ماسكه سكين الفندق الحديد بهدوء حطتها عند رقبته وغمزت:وين راح القسم الثاني؟
وانهارو كلهم ضحك ، ضحكت الونَا:الله العالم!
سُندس بخبث:قسم معك وقسم مات يعني راح مع بنت ثانيه مع كامل الاسف والحزن اخلعيه
نرجس بلعانه:اي اجل ليه يقول القسم الثاني مات اكيد وراه بلا!
انس قمط العافيه من نظراتها وضحك:شدعوا مع ميّس!
هتَان بلعانه:عاش مصرف يصرفك ترضين! ها ترضين! حنا مانررررضى!
ضحك فِراس:ترا هتان عطاه الاغنيه يعني البلا ورا هتان مب انس
انس بوهقه:شدعوه ميلا
شمقت ونزلت السكين:ماتستاهل اوصخ يديني بدم عشانك
هتان بحماس:اخيرًا قبعت!
سُندس تحمست:ترا في تطبيق اسمه ناجز ترفعين طلب خلع فيه
نرجس بلعانه:لاتخلعينه وعيفيه حياته!
ايلاف حطت رجل على رجل:لا تاكدت سُندس ونرجس ماخذين كورسات عند ام سعد
ضحكت وعد:وام فالح لاتنسين
وضحكو كلهم ، انس رمى فاين على سُندس ونرجس وعلبه مويا على هتَان:ذا اسمه تخبيب وتخريب بيوت انا اللي برفع فيكم طلب
ضحكت الونَا:هوبا والحين الكوره بملعب انس
ضحك فِراس:ماظن اظن نص مع انس والنص الثاني مات
ميلا شمقت لانس:اكيد
وضحكو الموجودين بانهيار وجا ابراهيم وتمارا ونزلو اكياس لاتعُد ولاتُحصى ، ابتسم وجلس:فرقوهن بالأكياس عشان نرسلهن شحن
سُندس بكسل:ماني مكسله
هتَان جلس يسوي معهم:قومي قومي بس كسوله
ضحكت وبدت تغني:اصل الكسل طبع الحلوين وانا طالعه حلوه وكُسليه!
ايناس ضحكت وكملت معها:وقبل ماخدك عشت سنين ماعرفش اطبخ ملوخيه
كملت الونَا وهي تضحك:ولايوم غسلت صحون ولا حتى براد شاي
تمارا بصوت شجي:ولا اعـــرف الكــــــمون بيغربلــــــوه ازاي
وضحكو وصفقو ، ضحكت تُقى:ماهب كسليه رفاله ووين الحلا
شهقت بصدمه ومسكت قلبها:احيه! توجع
وضحكو كلهم ، بتال وهو يرتب بالاكياس:لحظه مانحط بكلهم نفس الشي؟
تمارا مسكت كيس وهي تطلع وتحط اضافتها:لا مو كلهم يحبون نفس الشي وفي اشياء يتحسسون منها انتم حطو من كلشي وعطوني اعدل
وكتبت الاسم وعطته موج يدبس ، ارين ابتسمت:الله ذي سميتي لازم توريييني اياها!
ابتسمت تمارا وهي تحط يد سوني فايف وسماعه:وشقرا زيك تمم!
سهم بصدمه:يد وسماعه وانا يوم قلت ابيهم صرفتيني!
تمارا:واقولها دزهاااااا!
وضحكو الموجودين ، موج وهو يدبس:بس وين يلعبون تمارا؟
تمارا وهي تحط اكسسوارات:فيصل عنده ستب كامل بالمستشفى
بتال وهو يحط حلويات:ايه عرفته بس بيسي مو سوني
ابتسمت:جبنا سوني
شهق سهم:لا كذا كثير عاد!
وانهارو ضحك على حلطمته ، وفي كيس كبت كل الي فيه وبخت مُعقم فيه والاغراض عقمتها ودخلتها وبخت معقم بكيس اكبر وحطت الكيس الي فيه اغراض داخله ودبسته زين ، استغرب موج:ليه وش الي بخيتي مويا؟
تمارا:نو معقم ذا لدياز معها مرض مناعي ماتختلط معنا ولا تتواصل بشكل مُباشر معنى عشان ماتصير لها مُضاعفات
ميلا بحزن:ياروحي هي كل وقتها بالغرفه! ولا احد معقوله!!!
تمارا:ياخي ذاك المرض معرف اسمه الي يخلي الجلد فيه زي الفقاعات كنو محروق
بتال وهو يدخل بالاكياس:مرض الجلد الفقاعي نقول الاطفال عنه مرّض الفراشة عشان شوي شوي يتقبلونه
تمارا:اي ذا كل شي حالتها متقدمه او شي زي كذا حتى الملابس اللي تلبسها تتالم منها ودايم مُسكنات وحالتها حاله
نرجس رجدتها بمخده وهي ضايقه حيل:خلاص مُمكن تنطمين!
ايناس بضيق:اي رجاءً تمارا يعني ميوت!
ضحكت وهي ترتب:شدخلني انتو سالتو!
ميلا طلعت صوره لوحده فيها هالمرض:زي ذا المرض؟
ابتسمت تمارا:هي ذي البنت بنفسها
ميلا وهي تشوفها:تجنن بس حرام!
وضحكو الموجودين من كل قلبهم على هالكلمه ، وفعلًا قفلو اكياس وشحنوها وبلغو عايد يستلمها ، نرجس:ايه؟
وليد:ايه ايه ؟ وش؟
نرجس تافتت بملل:طفش !
هتَان:ودّك بضربه شمس تفضلي اطلعي برا
نرجس:شمس شمس بس خل نطلع ياخي مليت !
الونَا:صدق مقابلينكم لافايده ولا عايده ولا فعاليات!
ضحك نَواف:والله اذا تبون ضربت شمس حياكم اطلعو معكم سيارات
ضحك خالد:لاننا مو مستعدين لصقعتها
سلطان ضحك:همن يالله نطيح كلنا لا لا لا
ليلاس:جبت الجاكرو والاونو....
الونَا:فريق نرجس!
ضحكت نرجس وطقت يدها بيدها:حي عينك على طرف لساني!
تمارا تكتفت:لا غشاشات مابلعب
ميلا تكت:اكبر غشاشات ماني لاعبه
ليلاس ضحكت:لاتطالعوني ماعرف لها
انهَار ضحكت هي واصايل:معك معك!
ايناس ضحكت:ولا لي خلّق صراخكم
نرجس:كئيبات!
ميلا:فروس يعرف
فِراس ضحك:يالله تم من معي ؟
كِناز:عزوز!
عبدالعزيز:يالله جيبوها
وراحت جابتها وجابت الكور وجلسو تربعو على الفرشه اللي بالنص والكل يراقب ، مر الوقت ، وضحكت الونَا وهي تمشي حجرها:1 2 3 4 5 6 7 8 9 10 11 فزنننننا!!
ضحكت نرجس وطقت كفها بكفها:حييي عينك!
ضحكت ميلا:شفتو غشاشات!
عبدالعزيز:غشش!!
فِراس:شفتك تمررين ورقه لها غش! عيدو!
الونَا ضحكت:لا ماغشينا
ضحكت نرجس ورجعت شعرها لورا:واذا مصرين اننا غشينا جيبو دليل
وانهارو ضحك الباقين ، عبدالعزيز:لا نرجس قابليني والونَا وفِراس يالله!
ضحكت تمارا بحماس:يالله الحين يكشفون انفسهم!
وتحمسو كلهم ، وايضًا فازت نرجس بجوله والونَا بجوله ، ضحكت نرجس:ياخي انتم ماتعرفون تلعبون!
ضحكت الونَا:وجدًا!
ضحك موج وجلس محل فِراس:يالله تحمست!
ضحك انس وجلس محل عبدالعزيز:نفسك!
الونَا:هنا نقول ستوب
دفت نرجس موج وجلست:وهنا نقول ستارت!
ضحك موج وجلس:نشوف!
وفعلًا ايضًا هزموهم ، ضحكت الونَا:ااخ انصارات واجد والله
ضحكت نرجس:يالبيه والله حماس
انس بقهر:غشاااااااشااااات كيف تمشييين11!!!
نرجس ضحكت:ذا القنانون ياحلو
موج بقهر:لابلاه غش!!
الونَا:طيب طيب نحسم انتم صورو وحنا نلعب يالله
واعادو وفازو ، ضحكت نرجس:شفتو؟
نقزت تمارا وهي تشوف الفديو:لااا غمزت غمزت!
الونَا ببرود:غمزت لوش ؟ ممرت ورق ؟ بينت اوراق؟
ضحك خالد:والله ماهب باين بس واضح تغشن بس مب باين
جلسو ، نرجس ضحكت:اعترفو يالضُعفاء!
موج:انزلي بلوت ونشوف!
الونَا شمرت اكمام عبايتها:تم!
ضحك انس:هي تراها ربت بين اربع رجال!
ضحك الياس:اقول انسحب
وجلسو نرجس والونَا هتَان وموج ، ضحكت الونَا:بشرط
ضحك بتال:ماتعلب الا ب احكام
موج ابتسم:حلوين وانا مالعب الا ب احكام!
ابتسمت نرجس بملعنه:زين زين اذا فزنا ساعتين جوالتكم معنا!
الونَا ابتسمت بملعنه:وجميع الباسوردات معنا وبدون كلام وحرف زايد واذا رفضتو
نرجس ابتسمت بملعنه:يعني وراكم بلا ولا بلاوي
نزل موج جواله:تم ولافزنا حنا نقرر الحكم!
نرجس:تم ابدو وانتم صورو
بنص العب ابتسمت الونَا ورمت اوراقها:موج ليه تمرر؟
موج بنكران:وش امرر؟
هتَان بنكران:وش مرر؟
ابتسمت نرجس وخذت الورقه من تحت رجلين هتَان:تمرر ذا ياحلو!
ابتسمت الونَا ومدت يدها:الجوالات؟
ضحك الياس:انا بلغتكم
وانهارو كلهم ضحك واعطوهم الجولات بدون تردد ، ضحكت الونَا:اووه هتَان؟
نقز:وشو؟
ضحكت واشرت بالجوال وهي تطالع عيونه ، كتب لها (لا بقول لك بس اسكتي)
ضحكت وطالعته:وش يثبت لي؟
ضحك بوهقه:معليك
ضحكت ميلا؛وشو!
الونَا ابتسمت وغمزت:كل شي بوقته حلو!
بالعالم الموازي ، عالم كِناز وسُندس ، كِناز وهي تشوف معها بالجوال:نسكب على اللمانين والسويسرين؟
سُندس طالعتها:هي غناتيه منو يطالعهم؟
وانهارو ضحك ولفو لهم بصمت ، طالعتهم وهي تضحك:شبيكم؟
ضحكت نرجس:اي دام اللهجه صارت امارتيه فجاءه
ضحكت ميلا:اخف ثنتين على وجه الارض
ضحك انس:وربك ماخلو احد الى وعجبهم
سُندس ضحكت بتصريف:شو يرمس ها؟
كِناز طالعتها:هب طايع ذا؟
سُندس:شرايك نسير الامارت غايته؟
كِناز:هي تم
والباقين انهارو ضحك بصدمه ، ضحك حمد بصدمه:اصبرن وش تهرجن به انتن؟
ضحك ابراهيم بصدمه:يعني انتن من الفديو تتحولن؟
سُندس جلست تقلد لعبهم بيدها:هي يابويا
وانهارو ضحك ، تمارا طالعت جوال تمارا بتفكير:اممم نو سيء 6/10
سُندس مسكتها:اقولج ايلسي شو تحيدين انتِ!
تمارا رفعت يدها بتمثيل:ماسويت شي!
وانهارو ضحك ، ضحكت تمارا:يابوي دزي حطي ترجمه تحت وتعالي اهرجي معي
ضحكت:يعني اجلسي وش تقولين انتِ !
كِناز شمقت:فاغره
تمارا:ماغيرتس!
كِناز شمقت لها:ميدي اختلعت؟
سُندس:ميدك من؟
كِناز:تمارا
سُندس:تيه هويه مخنفره؟
كِناز ضحكت بوهقه:بريك شوي شوي علي خليني استوعب باي لهجه؟
سُندس شمقت:اهيه!
ضحك خالد بصدمه:ذي بنتي!
ضحكت:اي اي
وانهارو ضحك ، كِناز:عفوًا اعاده وترجمه؟
وانهارو ضحك ، ضحكت:بلهجه غامد
فِراس وهو يضحك:اويلي صدعت!
ضحكت:شفيكم وربي عادي سهله
كِناز بتفكير وتذكر:تيه هويه مخنفره يعني ذي ليش زعلانه؟
ضحكت:اي حي عييينك
كِناز:ايش قومك
لفت سُندس:ميدي؟
كِناز اشرت:لا ميدي ذي
ضحكت تمارا بوهقه ولفت للرجال:هلب مي بليز ذا سحر ولا ايش بالضبط؟
ضحكت سُندس:لا سحرنا متطور حنا ذا كلام بس استدراج
ضحك وليد:كيف تعرفون اكثر من لهجه!
تربعت كِناز وهي تشرب اسبرسو:والله نلقط منا ومناك
ضحكت سُندس:هيّ
ضحكت كِناز؛مسكت اللهجه!
سُندس تنهدت:والله حلوه ياخي اخ والله يوم اكلم شموخ اذوب
ضحكت الونَا بصدمه:شموخ ذي وش؟
ضحكت بوهقه لان اول مره تجيب طاريها:نص اماراتي نص جنوبي عدتني عدوه!
كِناز:الله مكس حلو!
عبدالعزيز:كِناز مو مهيتو ترا
وانهارو كلهم ضحك ، وعد باستغراب:ماقد جبتي طاريها
سُندس ضحكت بوهقه:هههي
ضحكت ميلا:توهقت
ضحك خالد:صدق
سُندس بتبرير سريع:تهاوشنا وصرنا صحبات
وعد:وش هوشته بعد! جننتيييني متى تعقلين!!
سُندس ببرود وهي تشرب اسبرسو كِناز:اذا حجت البقر على قرونها واذا صرت مليارديره
وعد تنهدت وطالعت خالد:بشيل يدي بنتك ذي مالها حل!
سُندس:واخيرًا اقتنعتو! انا راضيه لالي حل ولا لي طيب فكوني
انفال غمزت لتُقى:لا لا حلّها عندي ودوها لشيخ
تُقى فهمت:او بالمره زوجوها
غصت بالكاجو:والله ماتزوج!!!
نرجس ضحكت:ذي للحين مالقت الفُل اوبشن تبعها ياتوتي وفوفي
انفال مصره تمثل:لا لا يقول لتس المثل زوجوه ويعقل!
سُندس برفعه حاجب:لابلاه؟ وينهم شوفيهم كلهم متزوجين انهبلو زود وزود واكبر مثال خالد ووعد انا احس واخمن قبل عاقلين وهادين الحين والله ياجده اني اعقل منهم مدري مين فينا المراهق انا ولا هم
هتَان:اتفق معك بذي بس
سُندس وهي تاكل كاجو وتتخيل:انا انتظر القبيله تموت ولا ليه انتظرها تموت ماطقيت خبر لها اسافر سويسرا واسكن بالريف وكل جمعه انزل للمُدن واصير بائعه ازهار انا وورد وكتب والريف يالبيييه
كِناز تنهدت وهي تاكل كاجو معها وتتخيل:حياتنا بتكون حلوه صدقيني كذا-بدت تشرح بيدها-اشجار وجبال ويكون عندنا جيران عجوز وعجوزه والعجوزه عليها طبخ اوووف ودايم تقسم ليّ لاني مو وجه طبخ اعيش على الطاقه الشمسيه اذا مالقيت اكل
تُقى باصرار تمثيل:اي اي لاتزوجتن تروحون!
سُندس برفعه حاجب:ههههههي انا سُندس بنت خالد تبيني ادخل ذكر بحياتي! ويع!
ليلاس بتأييد:كذا حلوين خلوكم كذا
انهَار:قريت معلومه بس مو متاكده من صحتها انو اذا ماتت بنت بدون تتزوج تدخل الجنه كذا لانو ماكان عندها زوج
ابراهيم:والله يابوك اسمعها من وانا وغيد بس مثلي مثلك صح ماهي صح مادري بها ولابحثت سنه رسولنا تكفي
سُندس:شفتي انا شبي بذكر متخلف؟
بتال وتمارا كبحو ضحكتهم وهم يدرون انها تدق سهم بالكلام ، كانت عين خالد وحده على سهم ووحده على سُندس ، انفال:وانتِ وش يدريتس؟
سُندس اقشعر جسدها بتمثيل:ويع يعني تخيلي تخيلي اتزوج شخص غبي معتوه مختل مايقرا كُتب مايشرب قهوه واسبرسو ولايسمع لمحمد عبده
كِناز:لا كلها تهون اذا كان مايقرا رواياااات
سُندس وهي تاكل كاجو:يعني شبي فيه بالله فلوس؟ وعندي واحد مبتلش فيني ويصرف عليّ ! بيت ؟ وماشاءالله اثنين صابرين ومتحمليني غصبً ، يعني شبي فيه بالله عليك ؟؟
تُقى ضحكت:اقنعتني!
ضحكت ايلاف:يتحايلون يتحايلون لين مايتمكنون
كِناز اشرت عليهم:انتو ايو الصدق -ولفت لسُندس-انا بتزوج سُندس خلاص نفس تفكيري ومزاجي
حاوطت اكتافها بتمثيل الغيره:غطي شعرك يابنت!
وانهارو كلهم ضحك على تمثيلهم ،ضحكت كِناز:شرايك صدق يعني جد ماستعبط نروح سويسرا؟
طالعت سُندس خالد بوجه شبيه لـ[🥺]وهي تاكل كاجو بشويش:يعني يرضيك كلهم يصيفون وينبسطون ويسافرون وانا بنتك عنقووودك ....
ميلا:دددددن انا العنقود!
سُندس:دزي اسمك مو بالكرت فلذالك انا العنقود-ولفت لخالد-يرضيك يجيني اكتئاب وحزن لاني بجلس بين اربع طوف بدون حس ولا احد!
هتَان:لالا مانخليك اختي العزيزه في انا في سهم في موج في انهار في مين بعد في ليلاس مانخليك
كِناز جلست عند ابوها وحضنته:يعني انا وحيدتك والنبي صلى الله عليه وسلم وش قال وصيته ايش؟
ضحك حمد:القوارير
كِناز:عليك نور تدري ليه قال لنا قوارير لانو نتضايق بسرعه ونزعل وينكسر
سُندس جلست جنب خالد وحضنت يده:شبه النبي الكريم النساء بالقوارير كناية ضعف بنيتهن ورقتهن ولطفهن ، يعني انتو اذا قلتو لا بتضايقونا وتزعلونا
كِناز ميلت شفايفها بتمثيل الزعل:وماتطبقون كلام النبي صلى الله عليه وسلم
هاشم:سوال سوال هو كل بناتنا كذا يتحايلون ولايهيئ ليّ؟
ضحك خالد وعطها البطاقه:اي والله
حمد ضحك وعطى كِناز بطاقه وحضنها:وحنا قلوبنا رهيفه على بناتنا
وضحكو الموجودين بصدمه انهم قدرو يقنعونهم ، نطو بحماس وجلسو ، سُندس وهي تاكل كاجو:بليز اكسسيوزمي ام بزن...
ضحكت كِناز:اي وجنب الشباك
وانهارو كلهم ضحك ، هتَان بقهر:بس غش والله غش كل شي يبونه تم وحنا لا!!
ابتسم ابراهيم:يابوي الأصل في تربيه الانثى تربيه الدلع والدلال الله وسبحانه وتعالى لما تكلم عن تربيه الانثى قال ... أومن ينشأ في الحلية ... وهو في الخصام غير مبين البنت تُكرم! شرعنا أمرنا بـ اكرام البنت البنت تُكرم من طفولتها .. أومن ينشأ في الحليه .. يعني تنشأ مع الذهب والمجوهرات هي الحلية والدلال والدلع ، عشان كذا النبي صلى الله عليه وسلم امرنا بالرفق مع النساء والاحسان اليهن واوصنا بهم وقال عنهم القوارير لانهم سريعات الحزن والانكسار وش تبي تخسر اذا ماوفرت الي تبيه؟ وش تبي تخسر اذا مادلعتها ؟ وش تبي اذا مادللتها ؟ انت انا الان أُحدث المتزوجين أُمرنا بالانفااق عليهم مسكن ومشرب وملبس والباقي منك انت بس هل بينقص من عمرك شين اذا بقيت عقد او اسواره بخاطرها ؟ لا انت تستلم مُرتب عالي وجدًا تكد وتكرف شهر كامل وتاخذ حق اتعابك بعدين ليه ؟ عشان تصيع ؟ عشان ترميها على فلان وعلان تحت مُسمى مراجل ؟ انا ماقول لاتكرم لضيفك وخويك وولد عمك لا اكرم واعزم خل صيتك بكل محل ومكان ومجلس يعتلى بالخير وان وطت رجلك المحل قامو لك رجال قبايل وعشاير خوفًا ومهابه منك وتقديرًا لك ، لاوطت رجلك بيتك خلهم لاقمو لك يقومون من حبهم ومعزتهم لك مو من خوفهم ابدًا ، لجتك زوجتك وقالت كذا وكذا وكذا قل لها سميّ وامريّ جتك بنتك بخاطرها شين جبه جبه لو تسلف عشان رضاها وعيونها تسلف ذي بنتك وحجابك عن النار باذن الله ذي الي بتشيلك وتنسدك لاشبت وطحت الرجال مايشقون بحد الى من رحم ربي يشقون غيرهم لا ؟ ماظني سمعتو قصة القصيده كان فيه رجال وعنده9 عيال وولدت مرته بطفلهم العاشر وكانت بنت واشتهر الرجال بكلمته ليلتها"يــالـيـلـي الاسود" اللي يقصد فيها بنته ، مرت السنين والايام وعدت بظروفها وجا يوم وانمرض الابو وانعمى ، وعياله 9 كلهم قدهم متزوجين وانشغلو باهلهم وربعهم عن ابوهم وغرتهم الدنيا ونستهم ابوهم ابوهم المريض الضرير ما عدا بنته الباره كانت تجيه دايم وتراعيه وتهتم فيه على اكمل وجهه جاء يوم ودخلت البنت على ابوها بتعطيه علاجه وسالها من انتِ؟ مستغربها قالت له "انـا لـيـلك الاسّــود يا أبوي"
ورد عليها وكله ندم وحسره وقال لها " ليت اليالي كلها سود" وقصد بها قصيده:
ليت الليّالي كلها سود
دام الهنا بسود الليّالي
لو الزمان بعمري يعود
لا احبها اول وتالي
ماغيرها يبرّني ويعود
ينشد عن سواتي وحالي
ولا ابد ماعني منشود
لولاها واعزي حالي
تسعه رجال كنهم فهود
محدٍ تعنى ليّ وجالي
كن الغلا والبر مفقود
كلٍ غدا بالدنيّا سالي
ابتسمو كلهم واستشعرو معنى كلامه بالمعنى الحرفي ، حمد ابتسم:ولاقلنا صرو ادنات الدون يهدكم والهوى يرميكم لله خلوكم سبوع وفهود عند الرياجيل وعند اهاليكم احن من القطنه عليهم
ابتسمو كلهم بحُب لهم وحُب كبير وجدًا كانت كل وحده حاضنه يد زوجها وتستمع بحُب لهم ، حمد كمل بابتسامة:اذكره كنه البارح ليله ماجلسنا بالمخزن اسبوع كامل لاكل ولاشين بس ماء
استغربت كِناز:ليه ؟
ضحك ابراهيم:وقتها اعمارنا ماتعدت العشرين ومسوين انه حنا الشامرين الرجال اللي ماينعلى صوتً علينا ورايحين وحاطين الشماغ على كتوفنا ناوين هوشه المهم مالكم بالطويله ابوي عارفنا زين وهو يتلنا ويجدعنا بالمخزن وعندنا ثلاث فهود قال ان طرحتوها طلعتم وحنا مانعرف شين لا بالضرب لا بالمطارح عشنا بين الحلال ولانختلط مع الاودام موليه
كمل حمد وهو يضحك:وبدال لانطرح الفهود الفهود طرحتنا
وضحكو الموجودين ، ضحك سهم وغمز:اي وجالسين فوق روسنا
ضحك هتَان وسكته:اسكت لاتجيك خمس ماعدهم اولين
وانهارو ضحك ، ضحك حمد:والله وانكسر كتفي سعد قمط بوقتها واغماء عليه وابراهيم متكي داقن حنك معهم
ضحك ابراهيم:قلت اجلسو وجلسو كنهم مربايين هم تصاوبو وانا لا ابوي تباطنا مالنا لاحس ولاصوت ولاتكلمنا بشين وفتح الباب وجلس يضحك وسحب الفهود لانها مربيه ودخل علينا ثلاث ذيابه بوقتها بهالاسبوع كان كفيل باني اعرف كيف اتطارح معهم وطرحتهم على طول وربطتهم بحبال فيه وكسرت الباب ورحت وتربعت اتقهوى مع ابوي ولاكن شين صار
ضحك حمد:وعشان اطلع نفسي منها قلت انا طارحن واحد وإبراهيم اثنين وابوي قافط الوضع مسكني ونزلني لوادي كلها ذيابه حييت انقذت نفسي بس مع كم اصابه
ابراهيم ابتسم:سحب ملفاتنا من الثانويه كنا اخر سنه بها سحبها على اخر ترم وفصلنا ومنها ربينا بين الفهود والذيابه وصارت مطارحتنا معهم روتينيه لين مجا مره سعدى جايه وتبي تجلس مع ابوي
حمد ضحك:وقتها سوينا اننا حنا الرجال اللي كلمتنا تنمشي غصب ولا طيب وقمنا ننافخ عليها وادخلي ومن هالحكي
ضحك ابراهيم:ابوي بعدها مسكنا الطبخ والنفخ وتنظيف وكلشي لمده شهر وحرمنا الطلعه من البيت ومسك سعدى كل الحلال المحلات يعني وتطلع وتجي بكيفها واذا حنا نبي نطلع نتسأذن منها وهي قالت باخذ حقي قامت تعييّ وتهاوش ومعها خيزران اذا ماضبطنا الشغل لقمنا وحده برقبتنا
ضحك حمد:من هاك الوقت كثر وقتنا وجلستنا مع سعدى وصرنا نعرفها زين مازين وصارت تعرفنا زين مازين حتى تهربنا برا البيت ونهربها معنا بعدين درينا ان ابوي داري عن هرباتنا بس ساكتن عننا
ابتسم ابراهيم:منها صرنا حنا لاسمعنا بالمجالس واحد يتفاخر بانه سليط ومتسلط على اهل بيته طرحنه بنص المجلس ولاعديناه شين
حمد ابتسم:نقضبه الباب بعد ماندبغه ونقول لاتسنعت وصرت رجال عود وصرنا حنا الاستشاريين على قولتهم بهاك الوقت تعرفون سواليف الحريم ونص العشيات الي تشتكي ولا تقول همها عاد تعلمنّا سعدى وحنا نسوي اللي علينا ندبغ الرجال بوسط الرياجيل ونطيح شعر وجهه ولا لملمه يعود
نرجس:يالبيه كفو كفو كفو!
اصايل ابتسمت:والله اني داريه اثار جدو متعب
وانهارو كلهم ضحك ، انهار:ذي لو تقولون من قدوتك بتقول متعب كل كل شي متعب متعب اساسا بالمدرسه تكتب اصايل متعب لين مسوو استدعاء وحضرنا قلنا لا جد ابونا متعب ولقمت تعهد
وانهارو كلهم ضحك ، ضحكت ورجعت شعرها لورا بغرور:طبعًا ياحياتي كلشي متعب افوه منتس يالغيوره
ضحكت تُقى:ايه بنتي عشتي
ضحكت انفال:ياتُقى عاني نظرات البنيات
ضحكت اصايل بغرور وجلست بينهن:رضيتن ولا انرضيتتتن انا الحفيده المُفضله عندهم ولا عند جدو متعب
تمارا تنهدت:معك خمس دقايق اذا مابعدتي
الونَا:يمكن يمكن والله اعلم تسافرين وانتِ متكسره
اصايل بغرور:أتحداكم
وقفت نرجس بمزح بتضربها ، اصايل طالعتها ببرود وعيونها الحاده ، تكتفت نرجس تتامل عيونها:خير عيونك حلوه!
وانهارو كلهم ضحك بصدمه ، ضحكت اصايل بغرور:اكيد ياحياتي انا اصايل المتعب شترجين؟
ضحك ابراهيم:عز الله ششت !
نرجس تنهدت وجلست:ياخي حتى مانقدر ندقها تهبل اف!
وضحكو الموجودين ومشو من اقترب موعد طائرتهم ونرجس وعبدالعزيز كنسلو السفره لان عبدالعزيز طلعت له مُهمه طارئه مُفاجاءه تضايقت نرجس بس ماحبت تبين وودعهم عبدالعزيز واتجه للرياض وبقت نرجس بترجع مع اخوانها
__________________________
احداث لذيذه جدًا ادعو لي اجيب بالقدرات100😔❤️❤️ ، الاحداث القادمه مؤلمة جدًا اعتذر عِنها ، أعتذارً لـ غيابيّ فسرته بالانستا❤️🌷 وصلو التعليقات40+،أعتذر على التاخير بِـ التنزيل لاكني تعبانه وجدًا مضغوطه هالفتره اعذروني اذا تاخرت ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل
والاقتباس ماحلل القراءه بدون تفاعل🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷
أنت تقرأ
« عزّ الله إنّي في ظبي نجد مغروم .. راعي العيون الّلي مع الزّين خجّله »
شِعر"كيف أكتب الشعر وعُيونك قصيد وكيف أوصفك وأنتِ القصايد كلها"
