« عزّ الله إنّي في ظبي نجد مغروم .. راعي العيون الّلي مع الزّين خجّله »

«35»

«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
‏«اللهم لاتجعل روايتي تُلهي عبدك عن عبادتك»

وقفت ايناس ودخلت قسمها ونزلت الشال وكانت لابسه فستان احمر ريفي طويل ساتر وشعرها كيرلي وشغلت هيفا وهبي وجلست تهز وهي تسوي ماتشا ، ابتسم الياس وتكى على رُخام المطبخ
حست بوجوده وسوت نفسها مادرت رُغم خجلها وكملت تهز بجراءه ولفت ومثلت الشهقه وخجلها باين بتاتاءه:الياس
قرب وحاوط خصرها:كملي ليه وقفتي ؟
ايناس بخجل وتاتاءه:تبي ماتشا؟
ضحك بعلو صوته وقبل نحرها:كملي رقص
ايناس بخجل طفت الجوال وسفهته كملت تسوي الماتشا ، الياس حاوطها من الخلف بهيام:بتكلم وياك يصير
لفت:تع..
وشالها جلسها على الرُخام:كذا جايز لي
ابتسمت بخجل وهي تشرب ماتشا:شنو
ابتسم وهو يبعد خصل الكيرلي عن عيونها:
كان شعرها الاسود القصير مكوما إلى جانب رأسها
وقد غطت بعضِ خُصلاته خدِها ألايمن
كأنه يحرس-ملاكي-الحارس
وكانت عيناها تبترني بِـ مُجرد النظرِ إليها
فكانت عيناك الحقيقة الوحيدة
والباقي ، أوهاام!!!
تشبهين كُل تلكِ الأشياء الجميلة عيناك؟
بالاساس كُل تلكٍ الاشياء
الجميله!
يا كاملة الأوصاف والحُسنٍ
والدلال
قولي ماذا فعلتي بي!
ابتسمت بخجل ودلع وقبلت دقنه:قبلتُك فقط
ابتسم بحُب مسك شعرها وشم رائحه المسك والبخور:شعركِ القصير يُموتني
-ومسك شامتها الي كانت تحت شفتها وقبلها-شامتكِ المرسومة تُبعثرتي
-شد على خصرها وهو يطالع عيونها-طولكِ القصير يأخذني
-حاوط خدها وهو يتحسس شامتها بابهامه-إبتسامتكِ الجميله تُهديني
وعيناكِ؟
سأحتاج مِن كِتابات محمود درويش و نزار وقيس لكيّ أجمع بعضًا مِن الكلمات لوصفِها!
ابتسمت بخجل ودلع:لوسييي!
تنهد بحُب:لوسي؟
ابتسمت بدلع وخجل:وحبيبي وبيبي وعُمري ودُنياايّ
تنهد بحُب:
مُغرم بِها
مُغرم بِشعرها البُني  القصير
وضحكتِها المُبهِر
وحضنِها الدفئ يملئُه الحنَان
وأبتِسامتُها الجذابه!
مُغرم بِعيناها ورسمة عِينها كم أني
مُغرمً بِها
أنهِا جمِيله ! لحد الجنون! مُبهِره كم أنني أحُبّها
ومُغرمً بِها
جمِيله ، فأن رائها كافرّ يقول أمنتٌ بِمن خلق هذه الفتاه الجميله!
المُبهِره ، تضِيع كلمات العالم بأسره عند رؤيتها
أنها ليست مُجرد فتاه جمِيله
أنها روحّ جمِيله أنها ملاااك!! جمالهِا مُبهِر لو كانت مشاعّر ستبقى مشاعّر الحُب
والافراحِ والسرورِ
رؤيتها فقط سبب الافراحِ والسرورِ!!
عندها أراها أبتسمٌ لا أراديً
مسكه يداها الحنونه
بِها أرى حنان العالم
ابتسمت بخجل ودلع:حبيبي خلاص!
ابتسم وشد على خصرها:احب خجللك جدًا بس ابي اتغزل كيفي حلالي وزوجتي وحبيبتي مُبهره
ابتسمت بخجل وتردد:بعد شوي
قربها :مابي
ابتسمت بخجل:اجل مابرقص
بعد ، وسعت عيونها بذهول وخجل:قليل ادب!
ضحك :يالله نوني !
ابتسمت بخجل:لحظه
وراحت بدلت لبست فُستان ابيض قصير فوق الرُكبه حرير ثابت على اكتافها بحبال رفيعه وجابت حزام الرقص وربطته ، صفر وغمز:اوييلي عليك يامُزه الرقم؟
شمقت:ماش حبيبي عاجبني
حاوط خصرها بابتسامه:لعنبو غيرك ويني عنك من اول
تكتفت بدلع وتمثيل للزعل:كنت لاهي عني ولاكنت هامتك بس همك الشغل
شد على خصرها بحُب:أحبّك
تنهدت بخجل:بعد!
وجلس على الطاوله ، وشغلت أُغنيه هيفاء'رجب' وكانت تهز بابداع واحتراف ورقه ودلع وانوثه ودلال وغنج ، كان يتاملها يتامل ميلانها وحركاتها تنهد بحُب ودعاء بداخله ان الله يديمها له وشالها بحضنه:أحبّك أحبّك ولاخر يوم بحياتي ببقى أحبّك
ابتسمت بخجل وحاوطت رقبته وسندت راسها على صدّره بدلع..........
وقت العشاء ، طالعت تُقى سُندس:روحي نادي ايناس للعشاء
سُندس كانت رايحه قبل العشاء ومن سمعت صوت حزام الرقص واغنيه هيفاء رجعت ، طالعت جدتها بتصريف:بكرا عندها دوام بدري وكلت ساندوش ونامت
تُقى ماحبت تصر ووقفت:يالله
وراحو البنات وعشانهم واجد جابو طاوله ثانيه للعيال جنب الطاوله الاولى
ميلا بتعب مارحت تتعشاء وتوها جايه من المستشفى اتجهت تتمدد بالسرير الي مضبطته وعد لها بمجلس ببيت خالد عشان الضيوف الي يجونها اسهل ، جلسها انس بشويش:بسم الله عليك
تمددت بتعب:ااخ بموت
قبلها بابتسامة :بسم الله عليك يأُمي انتظري بجيب شي واجي
استغربت واتجه انس وجاب لها كماده الكترونيه ، ابتسمت بخفوت:أحُبّك نوسي
ابتسم وهو يرفع ظهرها بشويش ويلف الكماده عليها وغطاها بابتسامة:ايضًا انتظري شوي
ضحكت :شنو؟
ابتسم وراح ، ضحكت بذهول من شافته داخل ومعه صينيه كبيره وحطه على الطاوله جنبها بابتسامة:شوفي كل السناكات ومو نوتلا لا تشوكلت بلجيكي الي تحبينه بس بشرط حبيبي
ابتسمت وهي تتامل حُبه:شنو؟
انس قبلها بابتسامة:تاكلين شي يغذيّك اول دافي يخفف المك
ابتسمت وهي تبكي:أحُبّك أحُبّك أحُبّك
حضنها بابتسامة مُدرك دموعها وبعد حاوط خدودها بين كفوفه بحنيه ومسح دمعتها بـ ابهامه:اموت فيك واعششقك ياكليّ انا ليه
رفعت اكتافها بعدم معرفه وابتسامه:ماعرف بس تجنن
انس وقف:انتظريني ثوااني
ضحكت بحُب:شنو بعد
وجت وعد بابتسامة معها اكل:هلا بعيوني
ابتسمت ميلا:هلابك ياروحي
ابتسمت وعد:اووه شنو ذول؟
ابتسمت ميلا بحُب:انوس
ابتسمت وعد وقرصت خدها:الله يديمكم
أبتسمت بحُب:امين...
مامداها تتكلم ودخل انس معه اربع اكياس وبوكيه ورد كبير بابتسامة مُتجهه لها ، ميلت شفايفها بابتسامة ومحاجر مُمتلئه دموع:انوووسس!
نزل البوكيه وكان من كثر الورود يوقف على الارض ويوصل لعندها وجلس بابتسامة على طرف السرير وقدم الاكياس لها:آمري وتدللي
جت ألونَا مُبتسمه:اوووه هدايا وحركاات
ابتسمت ميلا باعجاب وهي تشوف انس فتح العقد لها :يجنن انووووس!!
ابتسم:مازان الا علييك
ميلت شفايفها بابتسامة وهي تطالعه:انوس غالي
ابتسم وطلع عقد ثاني:ارفعي شعرك
ابتسمت ورفعته وقفله لها بابتسامة:شفتي قلت لك مازان الا عليك
ابتسمت وحضنته من كم مشاعرها بصمت وهي مو قادره تعبر وفتح بوكس ثاني وكان فيه خاتم ذهب على مقاس اصبع ميّس ، ضحكت ميلا:وسوو دا!
ضحكت وعد:نتفه وين لقيته!
ضحك:طلب خاص مالقيت قدها
وانهارو ضحك ، ولبسها وقبل يدها:وعنوووني اناا
الونَا ضحكت:انوس وصل اعلى مراحل الخرفنه من هالكلمه
ضحك:مانلام الصدق!
ضحكت سُندس وصفرت:اخص اخص اخص اشك ان ذا انسوه ولد عمي اشك!!
ضحكت الونَا:لا هو بشحمه ولحمه مع ابديت الاب الحديث
انهارو ضحك ، ضحكت سُندس وجلست:يالله انس برا بس
انس:اقول دزي بس
سُندس. بلعانه طالعت ميلا:شفتي بيجون حريم ومعيي يطلع!
طالعها:ابليس صح؟ شدراني انا بعدين من يجي 8اليل!
ميلا بتافف:ويع ويع ويع ريه وسكينه صح؟؟
انهارو كلهم ضحك ، انس وهو يضحك:منو ميمي منو؟
ضحكت سُندس:والله هم شوفيهم عند جده بيجون
ميلا بتافف:صرفوهم مابيهم
انس تربع:خل يدزون ميمي ماتبيهم
ممداه يخلص كلمته الى هاذا هم داخلات ، ميلا بهمس لانس:اطلع
انس بهمس:بجيك اذا راحو بلغيني بجلس بمجلس عمي خالد
هزت راسها بالايجاب وطلع وهو صاد ، وسلمو وباركو لها ، ام فالح ضحكت بأستهزاء:هو ! وراه مالبستس الذهب ملبستس حديدً عادي
انس وهو طالع سمعهم:يزهاه المحل بكبره لو تبي ولاهو بقدرها ذهب ولو القاء اغلى من اللماس جبته لها
ومشى ، ابتسمو برضى من رده ، شهقت ام فالح:الماس!
الونَا:بسم الله عليهم الله يحفظهم
سُندس:خمس بوجه العدو
ميلا بتسليك:ليه ياعيوني مو جديده علينا اللماس ولا اول مره تشوفينه؟
ام فالح بغيره:واضح حديثين النعمه مشكله طول اعماركن حديد عادي
أبتسمت ميلا:الماس حُر الماس خالص وذهب عيار24 و18 وازود للامهات وذهب ابيض شتبين تبين اعدد لك زود الماركت الي نلبسها ماعندي مانع ترا وواضح حديث النعمه مين
تُقى بتصريف:انهَار وينهي ؟
ام فالح بشفايه:منهي انهَار؟
تُقى ابتسمت:بنت ولدي
شهقت:منهو ماخبر لكم بنات هلون!
ابتسمت سُندس ووقفت:بنات عمي نَواف ارتحتي؟
ام فالح بصدمه:ماتبريتو منه!
تُقى بحده:احشمي نفستس ولديّ لحمي ودميّ طالع يدرس برا وعياله يدرسون برا وتوهم راجعين
دخلت سَلاف بابتسامه وسلمت وقدمت هديتها لميلا بابتسامه:ألف الحمدلله على سلامتك وتتربا بعزك يارب وذي لاحلى ميّس
ابتسمت ميلا:ماتقصرين ياروحيّ ليه تكلفين على نفسك؟
ابتسمت سَلاف:ولو مابيننا ياقلبي
وجلست ، راحت نرجس دخلت قسم نَواف ، انهَار لفت:في احد؟
نرجس وهي تاكل كاجو:في عجوزتين كريهات تعالى بيفوتكم التسفيل الي بيصير
ضحكت اصايل:جووووي!
ضحكت نرجس:والله ماطيقهم واسفل والبنات معي وهم يطنقرن ويمشن ويجن ثاني يوم كرامه زيرووو
وانهاروا ضحك ،موج وهو يضحك:واصله معك!
نقزت تربعت بينه وبين اصايل:يمه كريهه ذيك الي اسمها ام سعد اظن تخيلو مره ناسيه وش المناسبه طيب بس كان اول فِراس فيه سرطان بالرئه
نَواف بصدمه:اساالك بالله!
نرجس وهي تاكل كاجو:اي والله وكانت لولو حامل طيب وفي عندنا عشاء بس ناسيه ايي لاا صح ملكه الياس وانس طيب وبعد العشاء بدو يمشون شوي شوي الضيوف وجا موعد ترقيد فروس يرتقد قبل الجرعه بليله عشان الاكسجين عنده يقل طيب وراحت لولو بدلت الفستان والحوسه عشان بترافق معه وحاولو فيها وعد وسُندس يرافقون بدالها وحلفت وعجزو عنها طيب وكانت طالعه من باب النساء عشان فروس موقف هناك وتجيك ذيك العجوزه الملسونه وتنغز وتقط على لولو انو لولو اخت المعاريس وطالعه ومخليه الضيوف وانها مو وجهه تعزم ولا وجهه توجب وتوقف لك الساطيه لولو تقول الي ماتعرفينه ياروحي هالبيت بيت ابراهيم وتُقى وهم اصحاب الشان وراعين الكلمه والكلمه الي تمشي علي وعليك وطلعت وتسب العجوز لولو ووصلت مع وعد وقامت ترد عليها وتنغزها ان لولو تسوي الي تبي وانتِ مالك دخل انتِ الي طولتي ومن هالكلام وتحول علي عاد كنت توني داريه انو حامل بلودي وتشمق وتقول وانتِ وراتس لس سبع شهور معرسه ماحملتي عاد عجزو عني كلهم واجلس اسفل واسب واتكلم ويحول فوفه تنغزني تبيني اسكت وانا ماش محد قادر يسكتني واكل ورق عنب واغمز لها قلت ليه يعني عادتكم الوحده تحمل قبل تطلع من بيت ابوها والمعازيم منبطه تسبودهم منها وضحكو عليها وتفشلت وتجلس تسب وتنغز ان كم راتب عزوز ووش وضيفته ومدري وش قلت ريحي مب ملتفت لذريتس وتقوم تشيل عباته وتمشي وعاد وسيعت وجه جت ثاني يوم مدرعمه
انهارو كلهم ضحك بصدمه ، اصايل غمزت لها:فيني طاقه ضرب
ضحكت نرجس ووقفت:يالبيه تحمسسست لك اللحم ولي العظظم
وقفت اصايل:تمم!
وطلعو يركضون ، وضحكت انهَار:مو صاحيات
ضحك موج:عندهم فعاليات وافينا بالاحداث
ضحكت :بلحق على البدايه
وركضت لحقتهم وضحكو ، ودخلو وسلمو وجلسو ، ام سعد بنغز:منهن بنياته هاذيلن؟
تُقى:بنات نَواف ولدي
ام فالح لفت لـ ألونَا بنغز:وراتس ماتخطبين
ألونَا باستغراب:لمن؟
ام فالح بلعانه:هالبنات لالياس وانس
ضحكت اصايل:ويع وش هالنظام خبري فيه بالستنيات؟ شكلك تسعينيه؟
ضحكت نرجس:الظاهرر
ابتسمت اصايل:حياتي الياس وانس اخواننا ريحي بس لايطق لك عرق ونبتلش
الونَا ابتسمت:والي تعرفينه حياتي اخوااني يحبون حريمهم ليه اروح اتدخل؟ واساسًا ابتر لسان الي ينطق بهالموضوع يكفي انهم يموتووون اذا بعدو عنهم دقيقه
ام سعد:واضح شفناه من دخلنا طلع
اصايل:شيبي يجلس عندك ليه تبينه يقهويك ربي خلق لك يدين
ام فالح بقهر:وانتِ شدخلك؟!!!!
اصايل ابتسمت:وايه صح مع الاسف انس يموت اذا بعد عن ميلا لو دقيقه والياس مايقدر يصبر بدون ايناس فلذالك ريحي لايطق لك عرق
ام سعد بنغزات على ايناس طالعتها:وانتِ وراتس ماحملتي هالي ادون منتس وحملت كملتي السنه !
استوجعت ايناس الكلمه بس مابينت وابتسمت:عليها ذكر ربي ومالك دخّل ياحياتي ليه تحسبيني زيتس اجيب ورع عشان معد يبعد؟ شهالتفكير المريض
ابتسمت الونَا وغمزت لام سعد:ولونها حامل شدخلك؟ واساسًا من قال بنجي ونبشرك ونعلمك لمي نفسك بس
وانضغطن وطلعن ، ضحكت اصايل:الله فعاليات كل يوم اعزموهم؟
ضحكت نرجس؛افا علييك تم!
وانهارو ضحك ، ايناس ارسلت لـ ألونَا 'دقي على جوالي بطلع'
تفهمت الونَا وكتمت صوت جوالها بدون محد ينتبه ودقت على ايناس ، لفت ايناس لجوالها وطلعت متجهه لقسمها مانتبهت لوجود الياس بمكتبه وكان الباب مفتوح ، اتجهت للمطبخ وهي ماسكه رقبتها صبت مويا وشربت وواضح عليها منضغطه حيل ، استغرب الياس ووقف اتجه لها:نوني ؟-وماردت-ايناس؟
لفت ونزلت يدها:هلا
حاوط خدودها بين كفوفه:شنو فيك ؟
ايناس خافت تضغط عليه تكلمت بنبره حنونه وابتسامه زائفه:ولاشي صدعت بس من سوالفهم وجايه بنام تبي شي؟
ماحب يضغط عليها وابتسم قبل خدها:نوم العوافي ياروحي بخلص كم شغله للشغل واجي
هزت راسها بالايجاب بأبتسامه زائفه ودخلت الغرفه على طول دخلت بالسرير غطت راسها وكلها بالبطانيه وبكت بصمت وهدوء ، لف الياس للباب الي انطق وراح فتح:هلا لولو؟
الونَا بهدوء:ايناس هنا؟
هز راسه بالايجاب ، الونَا:قالت لك شي؟
الياس استغرب ودخلها قفل الباب:شفيها شنو تقول لي؟
الونَا:ولاشـ...
الياس:الونَا تكلمي ! شفيها اساسًا جت يالله تتنفس شربت مويا وراحت تنام وش صاير ؟
الونَا تنهدت :ام سعد قامت تقط نغزات عليها ليه ماحلمت ومدري وشو وردينا عليها سفلنا فيها ومشت طلعت منقهره وارسلت للي ايناس ادق على جوالها عشان تبي تتهرب من القعده بتطلع
اليأس انصدم:منجدك!
الونَا:والله واساسا بكل عزيمه وعشاء يصير هنا بس يضغطون عليها ويتكلمون وهي تسوي نفسها مو مهتمه بس انا اعرف ايناس
قبل راسها ولازال مصدوم:معليك انا عندها
الونَا ابتسمت:تمام
وطلعت ، قفل الباب بصدمه ودخل شافها مغطيه راسها وفتح البطانيه بشويش ، ايناس وهي مغطيه وجهها بيدينها وتدمع بصوت متحشرج:رجع البطانيه
انصدم وجلسها بحضنه:ليه تبكين ايناس مو منجدك والله مايسوى الموضوع!
ايناس بكت وتكورت بحضنه:كلامهم يعور
مدد ظهره على السرير وهي متمدده بحضنه ودافنه وجهها بصدره تبكي:تعبت من كلامهم الياس بكل مره يشوفوني فيها يتكلمون تعبت مره
الياس رفع راسها له وعيونه مُحمره اثر غضبه وخوفه ومحاجره مُمتلئه دموع:يصير توقفين بكي
طالعت عيونه بصدمه وتاتاءه:تبكي؟
حضنها ودمع:يوجعني قلبي يوم اشوف دموعك لاتبكيين طالبك!
بعدت ومسحت دموعه قبلت عيونه؛مابكي خلاص
ابتسم بهدوء وهو يشوف دموعها مُنهمره للان:للاتضايقين والي كاتبه ربي بيصير ولا ابي اطفال ايناس دام ربي ماكتب والخيره فيما اختاره الله قولي لي وش يقولون ؟
جلست ومسحت دموعها بس عيونها ممُتلئه وخدودها مُحمره وشعرها مُبعثر:كل شي
الياس :إيش بالضبط ؟
ايناس بتعداد بضيق:إني عقيم انك ماتحبني ولاقد قربت مني انك متزوجني عشان ابوك وبتطلقني قريب انك متزوج ثانيه بالسر وشارطه عليك ماتجيب اطفاال مني واني
واستصعبت الكلمه ولانطقتها ، كان مصدوم وجلس قدامها بحنيه:ايش كملي؟
ايناس باستصعاب:اني مسويه العيبه وانت عايفني
حضنها بصدمه من هول الكلام الي يقولونه لها وهو جاهل تمامًا ولايدري بشي لانها ماقلت له ، حاوط خدودها بين كفوفه بحنيه الارض كلها:طالعيني-طالعته-والله وبالله وتالله راضي بالي كاتبه ربي ليّ ولك وانا مصيري معك وبيبقى معك وبموت وانتِ زوجتي وحليلتي وحلالي الوحيد وبس ومن وقعت على عقد قراننا كنت حالف اذا وقعت طلاقنا اذا ربي راده ثاني يوم تصلون عليّ انا ماقدر بدونك ايناس استوعبي ماقدر ابدًا ولابتزوج ابدًااا أنا تزوجتك عشاني احبّك واهواك وامووووت فيييك
طالعته بصوت متحشرج:ليه ماحملت فيني شي؟
اوجعه قلبه انها متاثره من كلامهم وتكلم بحنيه الارض كلها:نهائيًا مافيك شي باذن ربي والحمل ياُمي رزق من الله واذا منّ ربي علي وعليك ورزقنا بها الحمدلله واذا مارزقنا بيرزقنا بالجنه باذنه
بكت:طيب كلامهم يعور مره الياس دايم يتكلمون تعببت
الياس حضنها:اذا تكلمو ناديني ولاعليك خلي الباقي علي
طالعته:شبتسوي؟
الياس بغضب واضح:بنحرهم
خافت لانه فعلًا يسويها حاوطت رقبته بخوف:مافيه شيلها من بالك
الياس تنهد:ويقولون كلام ويزعلونك يضايقونك عادي؟
بعدت :لا مو عادي بس مابغاك تتاذا
قبلها بحُب ومددها يبعد خُصل شعرها عن عيونها يغير الموضوع:شرايك نسافر؟اذربيجان؟النرويج؟لبنان؟ايطاليا؟
حضنته بتعب:ابغاك معايّ يكفيني
تمدد وحضنها لصدره بابتسامة لاحظ فيها نوم:نامي يأُمي وانا مُستحيل اخلييك ياكليّ
توسطت حضنه زود وتشبثت بتيشيرته بحُب ونامت ، تمم الحجز على اذربيجان تذاكر ذهاب وعودتهم مجهوله وقبل راسها بحنيه:باذن ربي انسيك كلامهم كله واريحك منه يالدنيا -وجلس يدعي-يارب تحفظها ليّ وتديمها لي يارب تريح بالها وتسرّ خاطرها وتفرج كربها وتفرح قلبها اسالك العلي العظيم ان تمدها بالعُمر المديد والسعاده الدائمه يارب
سمعت دُعاءه ونطقت بصوت خافت فيه نوم:أحُبّك
ابتسم بحُب وطالعها وقت انتظام انفسها دليل نومها ونام معها ، رجعو القسم ، انهَار واصايل وسَلاف كانو يحطون ماسك ، اصايل بقهر وهي تبرد اظفرها:قهرتني ياخي قهرتني مالها حق!
سَلاف:مين؟
اصايل:ذيك الي تقول لايناس ليه ماتحملين وتقول للولو زوجيهم كرييه شتبي فيهم خير!
انهَار:وربي قهرتني تبي توجع قلوبهم شفتي ايناس يومنها طلعت ترا واضح كانت يالله تتنفس اختنقت من هالقعده
جلسو نَواف وموج:وش
اصايل بتقليد وكره:ليه ماتخطبين لالياس وانس-اقشعر جسمها- ويع كريهااا!
ضحك موج:وش دخلك
اصايل :كرييييييها خليييها تجي والله لانتف شوشتها ذا العجوز
جت نرجس تربعت بقهر:وع واضح نوني تضايقت من كلامها كريييها
اصايل:اصبري خليها تجي وربي لالعنها ذا المنتهيه!
نَواف ضحك؛فهمونا!
نرجس اختصرت وقالت شوي بس ، ضحكت اصايل وهي تشوف جوال نرجس جنبها يدق:نرجس وش هالشغاله الشاطحه؟
ضحكت؛اها ذا رقم عزوز القديم
نَواف:مب معك الجديد؟
نرجس:الا -وردت-هلا؟
:هالجوال صاحبه عبدالعزيز بن حمد الراشد؟
نرجس نفت:لا مين معي الرقم غريب؟
استغربو له نفت ونكرت
:يعني مو رقم عبدالعزيز بن حمد ؟ اللواء؟
نرجس حست في شي وخذت جوال تسجل فيه وفتحت سبكر:مين عبدالعزيز مين لواء شقاعد تتكلم عنه؟
:يعني انتِ مو نرجس بنت ابراهيم ؟
نرجس نفت:مين هاذولي خلصني ببتكلم ولا؟؟
مجهول وهو يتكلم للي جنبه:مو عبدالعزيز توكدنا خلاص شكله شاري رقم جديد وبايع الولي
مجهول2 طالع إلي امامه:من مين شريت الرقم ؟
عبدالعزيز بتغير لصوته:ماعلم من محل الاتصالات
مجهول2:خلاص ادخل
مجهول 1لنرجس:غلطانين غلطانين
وقفل ، موج:ذا صوت عبدالعزيز ولا يهيئ لي ؟
ارسلت الفديو من جوال اصايل لجوالها ايردروب:الا لحظه-رد مساعد ونطقت-عزوز بمهمه؟
مساعد:اي كيف دريتي ؟
نرجس وهي تاكل كاجو:لعبتي ذي دخل المكان الي رايح له ورقمه شاريه من الاتصالات ولايعرف عزوز الي هو هو
ضحك مساعد:شكرا شكرا
وقفلت وهي تضحك:عزوز اذا نزل مهمه بتنكر ياخذ رقمه الاول معه ويدق علي منه واكمل الكذبه معه
انهارو ضحك بصدمه،ضحك نَواف بصدمه:طيب مب خطر صوتك مايعرفونه؟
نرجس وهي تاكل كاجو:لا وين خطر عادي تعودت عزوز من جهه ولودي من جهه وفروس من جهه كلهم شغالات بالساعه
وانهارو ضحك ، ضحكت اصايل بحماس وتعدلت:تحمست قولي احسكم عادي ماتخافون من تهديد وسلاح
نرجس وهي تاكل كاجو:الا عندنا خوافات ميلا وتمارا وحده ممرضه ووحده زوجها عسكري مدري ليه للحين يخافون المهم تعودنا الصدق وعادي يعني ماينزلون مره وحده كلهم واذا نزلو في ابوي مسوي غرفه فوق بقسمه الماستر مقفول بضبه اذا تعرفونها والمفتاح يكون مع كبيره الخدم نسخه وامي نسخه ابوي مايعطي مشاعل نسخه الا اذا حتى هو مظطر يطلع من البيت وعندنا ايناس تعرّف للسلاح والونَا تعرف له وانا اعرف له وسُندس تتملك معلومات بس ماقد استعملته وانا بعد ماقد بس لولو وايناس عشان عملهم ويعني ماقد جا يوم ونزلو سوأ الحمدلله
موج:مافهمت واذا نزلو عمي سلطان مايروح شغله شركه وعمي خالد متقاعد وجدي متقاعد؟
نرجس وهي تاكل كاجو:صح بس مرات يضطرون يطلعون لشغله غير شغلهم ويفضى البيت علينا وللاحتياط بس ولا في حَراس وكميرات وخدم بكل مكان اذا شاف احد غريب داخل بالبيت جو وبلغو اهل البيت للاحتياط يعني
انهَار بخوف:يمه كيف متعودين؟
نرجس حكتهم عن كل شي سواه صالح وحكت مواقف ثانيه وهي تتكلم:وأي مره راجعين من مخيم ولولو حامل واخوان طليقها المجنون لاحقين سيارت فروس ويحاولون يحدون السياره عشان تنحدر من على الطريق بس ايناس كانت بالسياره الي قدام وطلعت من فتحت السقف ورمت السياره ولولو لبست واقي الرصاص ومسكت الدركسون لفروس وهو رمى الكفر من الشباك وانقبلو ماندري عنهم
كانو مصدومين ، انهَار بصدمه:ماتوقعتتت!!
اصايل بصدمه:نهائيًا محد يجيب طاري؟
نرجس:اي لاتفتحون الموضوع اساسا للحين القاضايا الي رافعينها فروس ولولو معلقه
بعد يومين تقريبًا ، رجع عبدالعزيز وسلم وجلس ، طالعته نرجس:الرقم دق مره ثانيه
عبدالعزيز:اي للحيني بالمهمه وماسكين الجوال
وليد:ابو الوهقه ماخلصتوا للحين!!
عبدالعزيز تنهد بحيره:الشيبه طلع من تحت الارض!
فِراس بصدمه:شدخله فيك!
وليد بصدمه:عزيز صحصح تراك فريق وهو فريق الرتبه متساويه ماله حق يتدخل بمهامك وانت قسم وهو قسسسسم!
عبدالعزيز تعدل:ياولد طلع لي مب شخصيته العسكريه
الونَا:اجل وش!
ايناس بترجي:قل بنفتك منه!
ضحك عبدالعزيز:مدري بس طلع لي وكل الي بالمكان يعرفونه وكان يطالعني وينغزنيي شاااك اني عبدالعزيز
موج:طيب الوجه نفسه!
عبدالعزيز:لا مركب لحيه ومغير بشعري وشكلي يعني طالع بشخصيه ثانيه تنكر تقريبًا
ايناس بتذكر:وانا اشوفه يسال عنك والي معك يصرفونه انك مسافر؟
عبدالعزيز:اي محد يدري لاتنكبوني انتم قليل الي يدرون بالمهمه ذيّ
وليد:اقول ادع بس ماتتوهق زود وينزلك مكان وتبتلش
عبدالعزيز وهو يتقهوى:الا الي ماخذين جوالي يبون يتاكدون وللحين مادخلوني بالموضوع اساسًا مخليني على اعتاب البدايه والدخول
ايناس  اعتدلت:تبي تدخل وتفتك بسرع؟
عبدالعزيز شال وليد:يالييت بس
ايناس ضحكت:اصبرو تحمست ابليس بدا يتكلم
ضحكت الونَا وتعدلت بلعانه:اللي بالي بالك؟
ضحكت ايناس وغمزت:نرمي الشيبه وندخل عزوز؟
ضحكت الونَا بحماس:الله فعاليات!
ضحك وليد وطالع عبدالعزيز:يومين مخلص مهمتك
وانهارو ضحك ، ضحك عبدالعزيز وطالعهم:وشلون؟
ايناس تعدلت بخبث:ابد والله بوكس بوكسين للشيبه يرميه بالمستشفى اسبوع يكفي
الونَا تعدلت بخبث:وندف خلف معك ويدخلونك ويبقون خلف على اعتاب البدايه بدالك وتسرب ل لخلف وخلف يعطينا وبوم ندرعم
ضحك عبدالعزيز:مايمدي ادخل الى بعد بصمت الشيبه
الونَا تكت وهي تشرب شاهي:اويطي هلون؟
ايناس طالعتها وغمزت يمثلون:شرايك نقطع اليد من الكتف ولا؟
الونَا فهمتها وتكلمت بخبث:ولا بوم ونقطع اصابعه؟
اصايل تعدلت:اسمعو ماوصلت لفل الاجرام ذا واحس اهجدو شوي
فِراس :لولو؟ من مضايقك؟
الياس:لا احس هواجيس بس مب ضيقه
وانهارو كلهم ضحك ، ضحكت الونَا وطالعت انهَار:صدقتي؟
ضحكت ايناس:ياحليلك حنا خلينا نقطع دجاجه عشان نقطع اصابع ادمي
وانهارو الموجودين ضحك ، الونَا ضحكت:لا خلاص اجل اذا جا ارسل لنا اشاره ونداهم. ونمسكه نازل بدون اثبات مهمه
غمزت ايناس بابتسامة:وبدون دليل مهمه وتنتهي مسيرته العسكريه
الونَا تكت بتخيل:يالبيه ونفتك من خشته
عبدالعزيز:احلام اليقضه مابتتحقق الشكوى لله
ضحك سلطان:للحينهن يتخيلن!
ايناس تنهدت:وربيي سوينا كل شي عشان نفتك من خشته بس ماطس!
الونَا تنهدت:كريه كريه كريه
ضحكو الموجودين ، عبدالعزيز بتفكير طالع فِراس:انشبو له على الطلعه والنزله زي ماينشب لكم واصرو تنزلون معه مهمه
فِراس شرق بالشاهي:ادفع ملايين عشان ارتاح دقيقه بدون خشته والحين تبيني اناشبه!
انهارو الموجودين ضحك ، عبدالعزيز وهو يضحك:عشان تطيحون على شي وتمسكون عليه شي وترفعونه بقضاياكم خلص فراس افتك وتفتك!
فِراس:لا ماش
ايناس:اساسا لعبتنا الاستقعاد!
الونَا:اي وكيلو حب ودفايه شاهي
فِراس:منجدكم مستعدين تنشبون له؟
ايناس:والله اسوي اي شي عشان افتك من خشته ذا الشيبه كره
الونَا:صدقوني لو نتصدق يمكن نفتك
وانهارو كلهم ضحك
__________________________
احداث لذيذه جدًا ادعو لي اجيب بالقدرات100😔❤️❤️ ، الاحداث القادمه مؤلمة جدًا اعتذر عِنها ، أعتذارً لـ غيابيّ فسرته بالانستا❤️🌷 وصلو التعليقات40+،أعتذر على التاخير بِـ التنزيل لاكني تعبانه وجدًا مضغوطه هالفتره اعذروني اذا تاخرت ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل
والاقتباس ماحلل القراءه بدون تفاعل🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷