« عزّ الله إنّي في ظبي نجد مغروم .. راعي العيون الّلي مع الزّين خجّله »

«7»

«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
‏«اللهم لاتجعل روايتي تُلهي عبدك عن عبادتك»

ابتسمت:إيناس؟
ابتسم وهز راسه بالايجاب وهو يطالع القمر ومتكي بظهره:من سنين ، تدري ، بيننا تواصل وقطعناه يوم ادركنا الي قاع نسويه
ابتسمت وهي تتامله:تقدر تقول لي كم سنه؟ وكيف قلت لها ؟ وش نوع التواصل وكيف قطعتوه؟
ابتسم وطالعها: 8سنوات انا 17 وهي16 حُب طفوله حُب مراهقه كان على بالنا يالاثنين حُب مراهقه ونزوه وبتمر وكنا نقول لبعض كذا وكيف قلت لها لانو كنا نسوي ترندات ونسوقها على الي بالتيك اننا حبيبه وكنت اعترف لها بنصوصِ وهي مو مُدركه لين ماقلت لها إيناس انا كا إلياس احبك قلت كذا لانو كنا مزيفين اسماننا ، تواصلنا كان نسوي ترندات وبس كنت اتعمد اطلع الترندت الي فيها هدايا عشان اجيب لها وتحتفظ فيهم استمرينا 7 سنوات ونص قبل نص سنه استوعبنا الي نسويه وكلنا بنفس الوقت ارسلنا ههههههه انو بنقطع التواصل واذا كتب الله بيننا نصيب فكان بِها ماكتب فهي خيره لنا وبنلقى نصيبنا بس مقدرت رجعت بعد اسبوع ارسلت لها وعشان تخليني اكرهها واقطع التواصل قالت لي انها تحب واحد ولاتبيني وكانت تلعب علي لتضييع الوقت انا احبّها بكامل قواي العقليه ومشاعرّي وجميع احساسي لأكن مو متاكد منها هيّ لإن كلمتها كسرت فيني شي كبير لي نص سنه او سنه بالاحرى احاول اشوفها زيك وانها اختِ لاكن عيوني وذكراي تخوني ولابي اقدم واخطبها لأني مادري تبيني ولافعلًا في واحد بحياتها
ابتسمت ألونَا ولمت رُكبها لها:تحبك وتعشقك إيناس ماتترك وتنسى وهي اذا تركتك تركتك عشان الذنب الي كنتو تسوونه وتبتو وان الله يغفر وباذن الله يغفر لكم ذنبكم وطيشكم الي مريتو فيه تحبك لدرجه ترسل حرفك بكُل ستريك وكُل ستوري انستا حرفك متواجد ولانه زي حرفها محد شك لأكن واضح لي وضوح الشمس ليش ماتسالها؟ اسالها او تقدم واسالها وقل لها اول ماتخطبها قل عمي اذا ماعليك امر ودّي اتكلم معها واقول لها شي واذا قال بكون معكم بتكلم وبقول انا بجلس معهم او اذا تبيني اسالها لك او اجس النبض؟ الواضح لي كُل واحد فيكم يحب الثاني لأكن يكابر ولاهو راضي يعترف
ابتسم :وَأنتِ تحبين فِراس؟
ابتسمت وهزت راسها بالايجاب بهدوء ، ابتسم:الله يخليكم لبعض يارب حاولت كثير اساليها لي قولي للحينك على مُناك ؟ وردي لي واذا قالت عني قولي لها
«معٌك اشرقتٓ شمس المحبَّه بدنياي .. صوره قصيدي لمحةٍ من خيالك »
ابتسمت وهزت راسها بالايجاب ، وقف قبل راسها بابتسامه ودخل ، ارسلت لـ إيناس تجيها وجت جلست بمكان إلياس بابتسامه:هلا قولي كُلي اذان صاغيه
ابتسمت :اعرف الي بينك وبين إلياس ووش ومتى وكيف واعرف انكم قاطعين التواصل إلياس حاول كثير ولازال يحُبك إلياس يقول للحينك على مُناك؟
طالعت القمَر:للحيني على مُناي ومُنااي لاطلته-لفت لها-هو؟
ابتسمت وكيف يعرفون بعض:رده؟
«معٌك اشرقتٓ شمس المحبَّه بدنياي .. صوره قصيدي لمحةٍ من خيالك»
ابتسمت إيناس وطالعت القمَر:يُرىٰ ليّ مُناي بِـ القمَر مُعتلي
أبتسم الياس الي طلع من غُرفته:بخطبك بكرا من عمي ، تصبحون على خير
ودخل ، ابتسمت ألونَا بحمااس:وااافقيي تهبلووون!!
إيناس جمدت مكانها ولاهي متاكده من الي سمعته هل هو صحيح ولالا وقفت بطيف ابتسامه:تصبحين على خير
وطلعت مُسرعه ، ضحكت ألونَا ومسكت جوالها:جمعت المُحبين بطريقك يالله ساعدني ، سوف التقي بمحبوبي خير!
وارسلت له 'صاحي؟'
رد بابتسامه ونفث الدخان'لو تبيني اصحى صحيت صاحي يالدُنيااا امريني '
ابتسمت'بجيك وين اقدر اجيك؟'
ابتسم بلعانه'غرفتي'
ألونَا ابتسمت بداخلها(حيوان) وكتبت ' بلى قله ادب!'
ضحك'تعالي شوفيني عند جلسه الورد اتاملك'
{جلسه الورد غُرفه زُجاجيه كُلها ورد واشجار واعشاب جميله} ، ركضت لغرفتها ضبطت شكلها وبخت عطر وحاوطت نفسها بشال عن الهبوب البارد شوي ، دخلت بابتسامه:فِراس؟
ابتسم وطالعها:يامرحبا باعذب الاصوات سميّ
ابتسمت وجلست عنده وهي تشوف كيف هو جدًا جميل والتيشيرت بارز عضلاته والزقاره بين اصابعه، طالع ابتسامتها وابتسم مِن ابتسامتها:اعترفي تحبيني صح؟
هزت راسها بنفي وطالعته بوجه شبيه لـ[🥺]:ليش تدخن
أبتسم وميل شفايفه بعدم معرفه ، ابتسمت بجمال وانوثه ودلع:تتركه؟ فِراس والله مُضر مو حلو!
أبتسم ومرى الزقاره يطفيها:بحاول لعيونك
وعضت شفتها بخجل،مسك قلبه:يرحم والديينك لاتخليني الي اعضها!
وسعت عيونها بذهول وخجل حمرت خدودها:فِرااس!
ضحك وحضنه:اسف اسف اصير داشر اذا مسكت دخان
تشجعت:أحبّك
بعدها وحاوط خدودها بكفوفه بابتسامه:عيدي!
ابتسمت بخجل:وش ماقلت شي!
ابتسم:يالله لاتخلينها بخاطري!
تجرأت وقبلته بابتسامه خجل ودلع:أحبّك أحبّك أحبّك وأموت فييك!
قبلها بحُب كبييير صعب وصفها وحضنها بابتسامه:احس تو تفتح بَدُنيااي الورود
ابتسمت بخجل:بروح انام فُك
ابتسم وجلس جنبها:متى تبين الزواج؟
رفعه اكتافها بعدم معرفه :معرف
أبتسم:متى تبينه أنتِ ؟
رفعه عيونها بتفكير وطالعته:فين بنسكن؟
أبتسم وهو يقبل يدها:في قسم لنا هِنا
ابتسمت :جد وين! اي دور؟
ابتسم من ابتسامتها:الثالث وفيه مدخل خلفي بعد اذا مالك خلق تشوفين البنات
وضحكت:كبيرة المساحه ولا لا؟ يعني زي اقسام بابا وعمو؟
هز راسه بنفي بابتسامه:في ثلاث غُرف ومطبخ ومستودع وثلاث مجالس ومطبخين تقريبًا اصغر بشوي
ابتسمت وسندت راسها على كتفه:بكون أسعد وحده
ابتسم وهو يلعب بشعرها:وبكون أحظظ وأحد لإني كسبتك
ابتسمت بخجل وبعدت تطالعه:مُأثث ولا لا؟
ابتسم:خلصت الأثاث قبل اروح المُهمه ونفس الديكور الي تحبينه بقي بس مجلسين وغرفتنا والمطبخ الاساسي قلت ناثثها سوا
ابتسمت بحُب:بتكون أفضل ذُكريات صدقني! اذا كذا أنت خلصت كُل شي بقي بس أنا !
ضحك:وش تبين اشري وأمري وتدللي
ابتسمت بخجل:أبيك دايم جنبي
قبل يدها بابتسامه:وطول عُمري بكون جنبك ولابخليك
وش ناقصصك للزواج ولك؟
ابتسمت :لسا ماجهزت بروح بكرا مع البنات ووعد وإيلاف بنبدا نجهز وريحتني وعد وإيلاف ياحلوهم خذو كُل تجهيزات القاعه من ضيافه وإلى آخره وكل يوم يوروني شكل عشان اختار بقي بس فُستاني واغراضي
أبتسم وهو يمسك خدها:كم شهر وأنتِ بحضني وببيتي! يامُنااي ومُنا عيونيي لاشفتك ببيتي
ابتسمت بخجل ووقفت:اخاف مايلقوني ويخافو -قبلت خده بابتسامه-تُصبح على خير
فِراس بهِيام:آآخ لونها بمكان ثاني بس يجمااالك!
ابتسمت بخجل وجت بتروح ، مسكها وقبل خدها قريب لمبسمها بابتسامه :تُصبحين على خير ياكُل الخير
وابتسمت وطلعو سوا وافترقت طُرقهم عند الاقسام ، دخلت بابتسامه وحاولت تقفل الباب بشويش ، سلطان براحه:وينك يابابا خوفتيني عليك
ابتسمت وحضنته وبعدت:كُنت اسولف مع إيناس ورحت سولفت مع فِراس شوي وجيت
أبتسم وحاوط اكتافها:زين ياعيوني أنتِ يالله تعالي اغطيك
ابتسمت بحُب وتمددت وغطاها وقبل راسها وقفل الاضاءه وطلع شافت جوالها اهتز ورفعته ودخلت محادثتها هي وفِراس وكان كاتب
'عزّ الله إنّي في ظبي نجد مغروم .. راعي العيون الّلي مع الزّين خجّله ❤️ '
ابتسمت بواسع ثغرها وماعرفت ترد تفاعلت بقلب وقفلت جوالها ونامت ، ضحكت بخفه:كيف بقدر انام؟ آآخ افضل يوم
وحاولت تنام لين مانامت ، الصبَاح ، دخل أنس بابتسامه وهو يصحيها:لولو لولووو
ألونَا بهمهما:همم
أنس بابتسامه:يالله قومي جداني يسالون عنك
هزت راسها بالايجاب وتغطت:خمس دقايق
ابتسم:يالله شفتي فِراس؟
استغربت وطلعت راسها:شفيه فِراس؟
انهار ضحك بالارض:مافيه شي بس ذي الطريقه الوحيده الي تخليك تصحصين هههههه
ابتسمت وجلست:حيوان ها شتبي
وقف بابتسامه:جداني يبونك
وقفت وهي ترفع شعرها لفوق:بجي
وراح وقفل الباب ودخلت وغسلت وطلعت طلعت لها فُستان صيفي ريفي ناعم وخفيف وقماشه بارد لونه بيبي بينك ومن الجنبين حزامين مُختلفين ينربطون لحال ولبست كعب جدًا جدًا جدًا واطي فقط رافع كعب رجلها وحطت مسكرا وقلوس وبلشر خفيف لبست اساورها وعقدها وخاتمها الي من فِراس تعطرت وخذت جوالها وطلعت وهي تغني مُتجهه لمطبخهم ، ابتسم إلياس وطلع من غرفته:دوم الرواقان
ابتسمت:أمين
قبل خدها:يالله ياعيوني بروح الشركه واذا بغيتي شي بلغيني
ابتسمت ورمت له قُبله بالهوا:سلاامتك ياعيني
وطلع ، دخل بتال بابتسامه:هلا بعيوني صباح الخير
ابتسمت وحضنته:صباح النور ياروحي عندك دوام؟
ابتسم :اي بلبس واطلع تبين شي؟
هزت راسها بنفي:نو سلامتك ياعيني
أبتسم ودخل يبدل ، غسلت الكوب وخذت جوالها وطلعت ، ابتسمت وقبلت راس جدها وجدتها وجلست جنب تُقى ، ابتسمت تُقى وهي تحضنها من الجنب:ياهلااا ومرحباا بلولو
ابتسمت :حبيبتي جده
ابتسمت وبعدت تُقى عنها:في فطور بالمطبخ اذا تبين
هزت راسها بنفي ، الجد إبراهيم بابتسامه:توك صاحيه لازم تاكلين عشان تنشطين
وقفت اتجهت للكورنر تسوي لها اسبرسو:جدي الاسبرسو يكفي ويوفي
سلطان بابتسامه:ألونَا اتركي القهوه ولا
ابتسمت وتكفت تطالعه:ولا شنو استاذ سلطان؟؟
فِراس بابتسامه:نصادر جميع القهاوي فالبيت
سلطان بابتسامه : وتنحرمين منها اسبوعين
وسعه عيونها بذهول:ليشش!!
فِراس بابتسامه هز راسه بالايجاب:عشان قلبك على ذا الصبح اسبرسو!
سلطان بابتسامه هز راسه بالايجاب ؛ولادبل بعد
ابتسمت ومسكت الكوب تشرب ووجها مثل كذا[🥺]: سوال الحين شسويت آنا ؟؟ امم لذيذ كثرو من هالنوع
وشمقت لابوها ولفِراس وجلست باحدى الكنب ، ضحكو الموجودين ، إيناس وهي تضحك:يعجبني الي يمشي على رايه بس كلنا بنصفقكك ترا
نرجس وهي تضحك:صحيح لاتخليني اصادر الاله!
وليد بابتسامه:واخذ الاتك ولاتدرين وينها فيه
شهقت:خير خير مُعتقل ذا شسويت انا!!
ضحك خالد:ابدًا ماسويتي شي
سُندس وهي جنبها:لا لولو ماسوت شي اتركوها بحالها
وسعت عيونها بذهول ولفت لها وهي متكتفه:ايوا استاذه سُندس؟
سُندس ضحكت بوهقه:وش ماتبين احد يدافع معك؟
حطت رجل على رجل بابتسامه وهي متكتفه:تهيأنا نفسيًا هاتي الي عندك
وعد بابتسامه:في ادويه الضغط والقلب فلذالك انطقي بسرع
سُندس ضحكت بوهقه:جت عجوز وطردتها
طالعوها بصدمه،الجده تُقى بصدمه:ليه!
وعد بصدمه:وش دخلتس!
ألونَا عقدت حواجبها وطالعتها:ليش طردتيها؟
سُندس براحه:اي افهموني زيها ياربي كذا ورا بعض ؟!!
خالد باستغراب:وليه طرديتها؟؟
سُندس تعدلت تشرح:كنت امشي بعد الصلاه طيب بالحوش الامامي وجتني تسألني عن غرفه إلياس وعن غرفه فِراس وعن غرفه إيناس وعن غرفه لولو الصراحه أستغربت قلت شتبي ذي وليه تسال عن غرفهم قلت معليش اذا مُمكن تطلعين برا وبدت تزعق حتى اسالو سهم كان بالمجلس وطلع مصدوم من الصوت وطلعنها بالغصب معليش الصراحه شدخلها وين غرفهم!!
انصدمو كلهم ، ألونَا بصدمه:من ذي!
الجده تُقى بصدمه:عقوبتٍ جتنا منهي؟؟؟؟؟
وعد بصدمه:ياروحي عنكم اشواا طلعتوها
سهم تعدل:الصدق صوتها يروع وطووويل
سُندس:صوت رجال مو صوت عجوزه ثقيل اول عبالي انس يسوي مقلب من مقالبه هو وسهم بس يوم شفت سهم جاي من المجلس عرفت مالهم دخل
خالد اخفى خوفه:طيب تعرفونها قد شفتوها بمكان؟؟
هزو روسهم بنفي ، وليد وقف:اصبرو اجيب تسجيلات الكميرا اي باب؟؟
سهم: مو باينه بالكميرات ذا الي يجلط رجعنا للكميرات بنشوف ندقق يمكن نعرفها مو باينه
سُندس:بس صوتها باين ويوم طلعت مع الباب الرئيسي كميره الباب الرئيسي ولاهي باينه مغطيه وجهها بيدينها
سهم:للعلم يومنها عندنا مو مغطيته بس يوم طلعت عشان الكميرات
راح وليد وجلس يشغلها بالتلفزيون الي بنص الصاله وكلهم يشوفون باستغراب ورجعو إلياس من دوامه ، شغلوها
كلام العجوز (يابنت)
صوت سُندس وكانت سُندس واضحه بالكميرا لفت( هلا خاله امريني ؟ )
العجوز بحده ( انتِ منهم ! )
سُندس باستغراب نزلت سماعتها ( اي ليه ؟ )
العجوز بحده وصوت ثقيل ( وين غرفه الياس والونا ؟ )
استغربت سُندس ( شتبين فيهم اناديهم لك )
العجوز بحده ( انا قلت وين غرفهم وغرفت وفِراس وإيناس )
سُندس برفعه حاجب ( خير ؟؟ معليش مُمكن تطلعين براا)
وعلى جيت سهم دخلت شي بيدها ، سهم باستغراب ( سُندس شالسالفه ؟ )
سُندس ( شدراني عنها مُمكن تطلعين برا ؟)
العجوز بحده جت بتدخل ، دفتها سُندس بحده ( خير وين حنا فيه برا قلت ! )
سهم باستغراب(شتبين ؟ )
العجوز بحده ( وين غرفه الونَا واليأس وإيناس وفِراس؟)
سهم باستغراب ورفعه حاجب(تبينهم بناديهم لك هنا )
العجوز بحده تكلمت بصوت ثقيل(وين غرفهم قلت!!!)
سهم برفعه حاجب (وانتِ شدخلك برا خلصيني ) ونادا سهم الحارس(سعدد طلعها )
ولين ماطلعت ، سهم بحده(مو كل احد تدخله ! )
سعد(ابشر )
لفو باستغراب ودخلو ، انتهى ، سهم باستغراب:الي مستغربه ليه هالاربع بالذات وملزمه عليهم!
سُندس باستغراب:سالنها كذا مرا واذا تبينهم ناديهم لك وكانت تزعق علينا بصوت مدري غريب أساسا مو صوت عجوز إبدأ
فِراس طالع بالونَا:في احد ببالك؟؟
ألونَا بعدم تذكر:الصوت سامعته فمكان بس مين ووين مدري
اليأس باستغراب:الصوت مو غريب علي
ايناس باستغراب:سامعته بمكان بس وووين ميين ذي مدري!
فِراس باستغراب:مقد سمعته ولااعرفها
استغربو اكثر واكثر ، ايناس باستغراب وتخمين : شمعنى حنآ الاربعه وليه ملزمه علينا
ألونَا باستغراب وتخمين:وليه بس حنا الثلاث قد سمعنا هالصوت بس ناسين وين!
الياس باستغراب:مدري
خالد شابك يدينه ببعض وهو يطالعهم:الغريب من ذا كله انها ملزمه عليكم يالاربع وبس الي تعرفونها ثلاث فكرو حاولو تتذكرون
سلطان عقد حواجبه وهو يطالعهم:عندكم عداوه مع احد؟؟
هزو روسهم بـنفي ، سلطان باستغراب: ألونَا وإيناس مُمكن هالصوت مار عليكم بوحده من القضايا بس إلياس وفِراس مايعرف؟
طالعو إيناس والونَا بعض بنفس الوقت وهم موسعين عيونهم بذهول:هوو!!!!
استغربو الموجودين ، الياس باستغراب:يعني ولد؟؟
وفزو ألونَا وإيناس جوا مُسرعات لبسو عبايتهم بَاسراع بدلت ألونَا ولبست جنز واسع ابيض وبلوزه بيضا وعبايتها الكُحليه وركضت خذت شنطتها وطلعو بيمشون ، رجعت ألونَا باسراع:الياس فِراس تعالو!
وراحو باستغراب وكلهم حركو بسياره إيناس ، الباقين مصدومين ولايعرفون شي ، سُندس طالعه سهم:شفت قلت لك صوت ولد يالله جيب!
وليد ضحك:متراهنين!
هزو روسهم بالايجاب ، وانهارو الموجودين ضحك ، بالسياره لفت ألونَا لهم:كا تخمين مبدأي
إيناس وهي تسوق:صالح
انصدمو ، فِراس بصدمه:شييييبييي !!!
اليأس بصدمه مسك يده:لحظه ستنى الي صدق شيبي فيني انا وإيناس!!!
انصدم فِراس:شعرفه فيكم اساسا!!!
ألونَا وهي تخفي خوفها:تخمين بس
إلياس:كيف جا فبالكم؟
إيناس وهي تسوق : امس كنا نراجع الملفات وكانو جايبينه قدامنا ودخلوه مدري وين وكان يزعق ويوم سمعنا الصوت تو نفس صوته يوم زعق
مد فِراس يده من تحت لـ ألونَا ومسك يدها يطمنها طالعت فيه وابتسمت بحُب وراحه واعتدلت ، نزلو وجلسو بالجلسات وجو خلف ومترك ومساعد ودام النِقاش لفتره طويله ، بعد ساعتين جا لـ فِراس اتصال ورد :هلا
بتال بالجامعه:ألونَا عندك؟
فِراس:اي ليه؟
بتال : افتح السبيكر
فتحه :تسمعك
بتال:لولو الحقير عنده خوات اقارب شي فالجامعه؟
ألونَا:ماعرفهم
بتال وهو ياكل ساندوش:جت وحده تو وتقول انتبهو لـ ألونَا من صالح لانه دنيء ومريض نفسيًا
استغرب إلياس:قالت شي ثاني؟
بتال وهو ياكل ساندوش:لا بس من اليوم مع مجموعه يطالعون
إلياس:طيب ارجع البيت
بتال وقفت:عندي اخر مُحاضره وبرجع
فِراس:بتال أنتبه!
بتال:معليكم يالله مع السلامه
وقفل ، خلف وهو يشوف ملف اقارب صالح:كل اقاربه فوق الثلاثين مستحيل احد ثلاثيني بالجامعه
فِراس:طيب امشو خلونا نرجع ونشوف جدي وعمامي وابوي يمكن يذكرون شي
ووقفو ، وركبو ، وسحب فِراس ألونَا تركب ورا ، لفت عليهم إيناس:بالله عليكم؟ قولو والله؟ سواق عندكم!!! خلصوني احد يجي قدام ولا والله ماتحرك!!!
فِراس حاوط اكتاف ألونَا:ابي محبوبتي عندي ورع انقز قدام!
الياس نزل وركب قدام:محبوبتي وع
فِراس بتقليد : يُرىٰ ليّ مُناي بِـ القمَر مُعتلي
ألونَا بتقليد : معٌك اشرقتٓ شمس المحبَّه بدنياي .. صوره قصيدي لمحةٍ من خيالك
فِراس بابتسامه:اي واضح الوع وينها تراكم واضحين واضحين وأنت ياتخطب ياتعقل!
بلعت ريقها إيناس وحركت ، انهارت ضحك ألونَا:قمطو قمطو ههههههههه
ضحك فِراس:محنا بمتكلمين بس خلصني أقدم!
إلياس وهو يطالع الشباك:بجي اليوم ومكلم عمي
فِراس طالع ألونَا:ماش محد زينا صح؟
ألونَا سندت راسها على كتفه:طبعًاا حنا مُمِزيين
إيناس وإلياس سوا:أمحق
وطالعو ببعض ، انهارو ألونَا وفِراس ضحك ، فِراس وهو يضحك:لا واضح الحب
وكملو سواليف لين وصلو ، قبل لاينزلون رد إلياس على اتصال بتال:هلا بتال
بتال بتعب:تجي تاخذني ماني قادر اسوق
إلياس بخوف:شفيك؟
بتال بتعب:مدري مدري شي يمشي بجسمي كله نمل جسمي كله مقدر اتحرك تعال بسرعه تكفى
الياس بخوف :خمس دقايق وانا عندك
ألونَا:فيه شي؟
قفل ونزل :لالا مافيه شي بس لاتقولين لابوي شي
ومشى ركب سيارته وحرك بسرع وطلع
وصل فعلًا بغضون ربع ساعه للجامعه ، ونزل اتصل:وينك؟
بتال بتعب:بالمواقف عند سيارتي
ولف لين شاف سيارته وراح له بخوف ، مسكه بخوف:بتال بسم الله عليك وشفيك!
بتال هز راسه بنفي بتعب:مدري مدري جسمي منمل مقدر أتحرك
إلياس سنده عليه وقفل السياره وحط مفتاحه بجيبه:اتسند علي
ومشى لين ركبه بسيارته ، راح إلياس للامن واشر له على السياره؛الله يعافيك اخوي تعبان بوديه المستشفى وذي سيارته بامنتك
الامن:ابشر ومايشوف شر
الياس:مايجيك
وركض حرك ، وده المستشفى فعلًا ، بالطوارى بتال وهو يضحك بشكل لائرادي ، الياس باستغراب مسك كتفه؛هون وجعك؟
بتال وهو يضحك وأشبه بِـ فاقد للعقل، جا الدكتور سيف:هلا سلامته بتال
اليأس رفع اكتافه بعدم معرفه ؛معدني بعرف كلمني يقول تعبان في شي يمشي بجسمي جسمي منمل مقدر اتحرك والحين يضحك
سيف وهو يسحب دم:ثبته شوي
مسك يدينه، سيف مد العينات للمرض:خلاص بنحلل دمه ومعليك بيطلع بساعتين بس انتبه له
الياس:اخذه؟
هز راسه بالايجاب:اي ومثل ماقلت لك انتبه له
وطلعو وطول الطريق بتال اشبه بِـ فاقد للعقل ، نزل وسحبه غصب ودخله بغرفته وقفل الباب عليه وطلع ، سُندس وهي تضحك:شعنده بتال انجن؟
إلياس جلس:اندري عنه انا الي بنجن منه
سلطان باستغراب:شفيه؟
اليأس:مدري مكلمني يقول تعالي تكفى تعبان مقدر امشي جسمي منمل مقدر اتحرك في شي يمشي بجسمي يوجعن عجزت اعرف له ويوم رحت له الجامعه تقل جثه بسم الله عليه طايح يالله شلته ومن وصلنا المستشفى قام يضحك تقل مجنون وعجزت افهم شيقول
شهقت تمارا:لحظه هو أكل شي فالجامعه؟
ألونَا:اي كلمته وكان ياكل ساندوش
تمارا بشك:بالكفيتيريا في مجموعه بنات اعطو العامل مبلغ مو قليل وقالو اذا جاك عطيه هالساندوش مين مدري معرفت بعدين يعني تجاهلت وجلست على الطاوله اذاكر وأشرب قهوتي وكانو بالطاوله الي جنبي وياشرون على بتال ويقولون جا أسكتوا استغربت بس مالقيت للموضوع بال لان ماتوقعت يعني هو
سلطان بصدمه:يعني تقولين حاطين باكله شي!!!
تمارا بتوتر:ذا الي سمعته وتخميني ايوا!
خالد بخوف:امش ناخذه المستشفى!
إلياس وقف بخوف:وديته وسو له تحاليل شوي وبتطلع بروح عنده
ألونَا بخوف وقفت وراحت معه ولحقهم انس ويليهم سلطان ، والباقين متوترين ، دخلو وكان يغني بصوت عالي ، إلياس فتح الباب بحده:بتتااال!!!
بتال وهو مو وأعي رمى نفسه من فوق السرير، مسكه أنس بصدمه:يامعتووه!!
سلطان بصدمه وخوف:ماينفع معه الى التربيط ربطو يدييينه!
ونقز بعد وهو مو واعي ، تقدمت ألونَا بخوف له:بتال شفيك!
وضربها طراق ، انصدمو كُلهم ، وكمل يغني ويلف لين ماطاح على السرير وسمعو شخيره ، طلعت ألونَا وهي ماسكه الدمعه وراحت لغرفتها جلست على السرير ماتبي تبين لاحد شي ، ولأكن لحقوها، سلطان بخوف مسك خدها:يعورك؟ يابابا مو مُدرك محطوطٍ له شي الله يعافيه
إنس بخوف:اجيب لك ثلج؟
إلياس بخوف:تبين كريم؟
هزت راسها بنفي:بنام مافيني شي
تفمهو وهم ودهم يجلسون بس مايبون يضغطون عليها وطلعو ، تمددت وغطت وجهها وبكت خوف على اخوها ، دق سيف على إلياس:إلياس
إلياس بتوتر:هلا
سيف بصدمه:في نسبه شب^و كبيره بدمه!
انصدم:ايش!
سيف بصدمه:ذا الي طلع لي بتحالييله ! انتبهو منه وله
اليأس بتوتر:زيين
وقفل لف لابوه:في نسبه شب^و كبيره بدمه!!!
انصدم سلطان وطلع ، وقف وهو يطالع تمارا:تعرفين البنات الي اليووم ولا لا؟؟
تمارا بتوتر:معايا
سلطان جلس وهو يهز رجله بتفكير طالعها:عطيني رقم عميد الجامعة
تمارا دورته وارسلته لك:ارسلته
خالد بتوتر:شفيه؟
اليأس بصدمه جلس وطالعه:طلعت تحاليله وفي نسبه شب^و كبيره بدمه!
انصدمو كُلهم ، وليد بصدمه وقف:الكلام لايطلع برا سامعين!!
ودخل لسلطان وقف فِراس وراح معه ، فِراس باستغراب:إلياس وين ألونَا؟
إلياس تنهد :طقها طراق المجنون وبغرفتها ماتبي احد
انصدم ، سلطان لف عليه:فِراس روح يمكن تدخلك أعرف بنتي!
هز راسه بالايجاب وراح يطق الباب ، ألونَا مسحت عيونها:مابي أحد!
فِراس بهدوء:ألونَا آنا فِراس بكلمك بس
وفتحت ودخل ، قفلت الباب وجلست على السرير ، مسك خدها المُحمر وهو يفور غضب :آآخ لو اشوفك يابتااال!!
مسكت يده بحنيه وهزت راسها بنفي وهي تدمع:لاتقول له شي!
مسح دموعها وحاوط خدودها بين كفوفه:ليه ياروحيّ؟؟ ترضين يطقكك واسكت؟
دمعت وحضنته:بتال مافي اطيب من قلبه بس مو مُدرك والله اتهبل من الي كلها!
فِراس وهو يمسح على شعرها بحنيه:سيف دق ويقول بدمه في نسبه شب^و كبيره بدمه
شهقت وبعدت تطالعه ودموعها تَنذرِف:لا!!!
فِراس بضيق:وعمي والياس عنده عساس مايطلع ولايسوي بنفسه شي ووليد وعمي كلمو عميد الجامعه وتفهمو ورفعو للمكافحه بلاغ عشان يمسكونهم
هزت راسها بنفي وهي تبكي:بيتعب والله بيتعب بتال مو كِذا! حتى مُعدله بينزل!!
مسك وجهها بين كفوفه بحنيه وقبل خدها بابتسامه بحنيه الارض كلها:بنكون كلنا حوله ومعه وبنداريه لين مايرجع بتال القديم مُعدله مابينزل رفعنا للجامعه عُذر سري ولايقدرون يناقشون فيه نهائيًا ألى إشعار اخر اذا داوم خلاص بيبدون يحسبون غيابه وحضوره
حضنها، حاوطت رقبته وتنهدت بخوف:وربي خايفه عليه
ابتسم وهو يمسح على ظهرها:بيصير بخير اذا ساعدتينا برضو
بعدت ومسحت عيونها:طبعًا مابخليه نهائيًا لين يرجع مثل قبل وأفضل
أبتسم:تبين نطلع لهم؟ عمي والياس خايفين عليك ترا
وقفت وهي تطالع المرايا وتمسح اثار الدموع لين مابين شكلها طبيعي شوي :يالله؟
حاوط اكتافها وطلعو ، سلطان بابتسامه حنيه فتح يدينه لها ، تقدمت بابتسامه وحضنته ، سلطان بحنيه وهو يمسح على شعرها قبل كتفها:زعلانه؟
ألونَا بابتسامه:لا أعرف بتال زين
ابتسم وبعد حاوط خدوها بين كفوفه:عرفتي؟
هزت راسها بالايجاب:إي وبكون محاميته وبدخل بالتحقيق وبكون حوله دايم عشان يرجع مثل قبل وأحسن
ابتسم سلطان وقبل راسها ، حاوط اكتافها إلياس وهم يسولوفون، ابتسم سلطان وربت على كتف فِراس:محظوظه بك
ابتسم وهو يطالعها:لابالله العكس ياعم
ابتسم وغمز:واضح واضح
ضحك:بارك الله بجينات خالد وبنت سلطان
انهار سلطان ضحك وطلع ، جلس فِراس بابتسامه عندهم وهم يضحكون لانهم سمعو التفتو على باب بتال الي انفتح ، اليأس:وين بتروح؟
بتال بعصبيه :مو شغلك!
وقف الياس بوجهه بحده:شغلي الشاغل انت ووين بتروح !
بتال دفه بحده:مالك دخل!!
وطلع ، بالحوش الامامي مسك إلياس اكتاف بتال ولفه له بحده:قلت وين بتروح!
بتال بحده نفض يده منه:مالك دخل فاهم!!!
إلياس صفقه كف بحده:طلعه من هالبيت مافيه!!! ساامع!
الباقين كلهم مصدومين وجدًا لانهم اول مره يشوفون عيال سلطان بهالشكل لاكنهم عارفين وش السبب ، وقف سلطان بحده وهو يطالع بتال وتقدم عنده:لاقال لك اخوك شي تقول ابشر !
بتال بحده وصوت شبه عالي:ماله دخل فيييني!!
سلطان بحده وصوت شبه عالي:وانا ليي دخل فيك وطلعه من هالبيت معصي!!
بتال بعصبيه لدرجه بروز عروق رقبته:شتبوون فيني شتبوووون!!!! يااخي مالكم دخل بروح لللمكان الي ابييييه! محد له دخل فينييي!!!
ضربه كف سلطان بحده:ابوك وغصبًا عنك لي دخل فيك وطلعه من هالبيت مافيه!!
تمارا وقفت بتوتر وراه بدون لاينتبه عليها وغزت ابره برقبته ، كلهم انصدمو من فعلتها ، وطاح بتال من طوله ، الياس بصدمه مسكه:وش سووييتي!
تمارا بتوتر:مخدر لآن مستحيل تقدرون تتفاهمون معه الان هو مُدم^ن شب^و!! دام في نسبه كبيره فدمه كان له سنين يتعا^طى!
انصدمو كلهم وسندوه فِراس وإلياس على اكتافهم ودخلوه داخل وكانت ألونَا واقفه على الباب متكتفه تطالعه ببرود وهي من داخلها تفووور غضب على الي حطو له وخوف عليه تقدمت ركبت سيارتها ومشت ، تنهد سلطان :إنس رح وراها
وآنس الي يرجف خوف على اخوه ووضعهم الي انقلب فز بسرع وركب سيارته لحقها ، جلسو تمارا وسلطان وهم متوترين ، وليد بخوف طالع تمارا:كم ساعه ويصحى؟؟
تمارا وهي ترجف:كا حد اقصى خمس ساعات
وليد لف لسلطان:خلنا نحطه بالملحق ماعنده شي يضر نفسه فيه ونقفله عليه عشان مايطلع!
جلسو إلياس وفِراس ، إلياس تنهد ومسح على وجهه:حطيناه فيه
فِراس جاه اتصال ووقف يرد ، رجع بعد نص ساعه تقريبًا وطالعهم كلهم:في ابر بتجي بعد شوي كميه مُعادله لكميه الشب^و الي بـ دم بتال ضروري تحطون له مع اكله غصببًا عنه ولا نحقنه فيها عشان نقلل من نسبته بـ دمه تقريبًا لين يبدا يستوعب الوضع الي هو فيه ونستمر على الرياضه عشان ينحرق الي بدمه
تمارا :لحظه كم النسبه الي بدمه؟؟
إلياس:تقريبًا 40٪ شي زي كذا
تمارا هزت راسها بنفي:ماينفع مع الاكل بيكون مفعول الابر اضعف احقنوه فيها
هزو روسهم بالايجاب ، وليد :طيب مافي حل على طول يخليه. يوعى على نفسه؟
هزت راسها بنفي:لين ماهو يبدا يستوعب بنفسه مافي حل اذا بدا يستوعب بيبدا يقول لكم يتجاوب معكم عكس تو بيطلع -تمارا بلحظه ادراك-لحظه هو في مكان معين بيطلع له؟!
إيناس بادراك:معقوله الي حاطين له متواصليين معه ؟؟؟؟
فِراس بصدمه:تقولين استدراج!
إيناس بشك:كا احتمال كبير إي-إيناس وهي تفكر وتربط المواضيع-يوم اتصل وقال انتبهو لـ ألونَا كانو مجموعه بنات محذرينه من صالح ليش مايكونون هم نفسهم الي حاطين له فالاكل وننتبه  لـ ألونَا من بتال مو صالح!! يعيني شكي يقول صالح ورا ذا كله عساس يستدرج بتال وبتال هو الي بيودي ألونَا له بسبب أنه مو واعي على نفسه؟!!!!
تمارا بشك:والبنات ذوليك مرسولين من صاالح!!
وليد بتاكيد:مؤاكد ويين جوال بتال؟؟
الياس طلعه من جيبه:هاذا هو
خذاه وليد ولف لـ إيناس:إيناس!
وقفت:ثواني بس
وراحت جاببت الابتوب واسلاك ورجعت تربعت على الكنب:عطني
سهم بحماس:صح حمااس واحدااث بس بتال الضحيه!
سُندس بحماس:الله يونس!!!
خالد بحده:وش يونس انتي وياه!
وبلعو العافيه وسكتو ، وكلهم ساكتين يترقبون إيناس ، إيناس وهي تمشي:لحظه اخترقته صبر
وجلست تدور بحسابته على رساله منهم ولقت بالرسال النصيه فزت:ذااا المووقع !
فزو كلهم ، فِراس باسراع:ارسليه لـ رقم مساعد بسرعه! وليد امش
وركبو سيارتهم بسرع وطلعو ، سُندس لفت لسهم بهمس:تراهن؟؟
سهم بهمس:اذا بتال صحى بسرع؟ لي 500!
سُندس بهمس:واذا مسكو صالح وبتال ماصحى ؟ لي 500!
سهم بهمس:تم!
ولفو يشوفون ، إيناس تعدلت بحماس:اصبرو اخترقت الموقع دقيييقه!-وصرخت بحماس-اخترررقت جوااااال صااالح!!
هتَان بحماس:ابك قلي من بقى مافتخر فيكك!!!
ابراهيم ضحك:اصبرو اصبرو شوفي لنا شي ينفعنا!!!
اليأس بابتسامه وهو يتاملها ويتامل حماسها ، طق كتفه سلطان واشر له بعيونه، ضحك وهز راسه بالايجاب ، إيناس وهي تقرا :لحظه شوفو ذا اتفاقه مع البنات يالبييه جبببت اسااميهم تمارا تعرفين فرح ودانه وجنى؟؟
تمارا بصدمه:اي! لحظه ذولي اباهم عساكر كييف!!
انصدمو ، خالد تنهد:الفلووس وابليس موجودين ابوي شوفي في شي بيضر ألونَا ؟؟؟
إيناس وسعه عيونها بذهول ونزلت الشاشه حقت الابتوب شوي :عم سلطان تعال وانتم يالمبزره ضفو وجيهكم!!
تقدم سلطان بتوتر وجلس جنبها وميلت الابتوب عليه وعليها ، انصدم:اسحبي الملفات واحذفيها من ايميله
هزت راسها بالايجاب وسحبتهم وجلست تعض اصابعها لين مانسحبت الملفات وحذفتهم تنهدت براحه:تم!
سُندس بلقافه:وووشو!
ضربت كتفها ميلا:شدخلتس!
وجلست تشوف ايميلاته وهي تشرب شاهي ، ضحك هتَان:تكفون إيناس شكلك تقل نقاله علووم!هههههه
وانهارو الموجودين ضحك ، إيناس وهي تضحك:آآخ ياحلو الشعور عندي ادله واااجد توديه اعد^ام ولا مؤبد
ابتسم الجد إبراهيم:غدي ألونَا تفتك منه مرتٍ وحده
إيناس رفعه حواجبها وميلت شفايفها بابتسامه:اووه ياجدو بتفتك ألونَا وتفتك أنت محتفظ بملفات الاكترونيه فيها اسمك انت وعمو
سلطان بصدمه:اشوف؟
لفت عليه:ذي سحبتها بحذفها
وحذفتها، سلطان براحه:سلمت يمنااك والله
ميلا بحماس:يالبيييه يانونيي احسني تحممست!!!
ضحكو الموجودين ، وجات سياره انس والونَا، اشرت إيناس لـ ألونَا تجي:تعالي وشوفي معي
وقفت وراها باستغراب:وشو؟
طالعتها إيناس:شفتي المكتب الي حرقتيه مع الاسف كل الاوراق محفوظه الاكتروني
وسعه عيونها بذهول ، غمزت إيناس بابتسامه:سحبتهم لي وحذفتهم من عنده
ألونَا:لحظه صدعت شلون؟
هتَان بفخر:الله يسلمك .....
وحكاها كل شي ، ابتسمت بواسع ثغرها:يااالبييييه يانوني صدق فخرر!!
تحمحمت إيناس ورجعت شعرها لورا بغرور:عشان تعرفون منهي إيناس خالد الراشد!
خالد ضحك:بشويش علينا يابنت!! راسي بينفجر من الفخررر!!!
هتَان وقف :قلللي من بقى مافتتخر فيكك؟؟؟
طالعته وهي تفكر وميلت شفايفها باسى:الزلايب بس
هتَان جلس وغمز:قلتيها زلاااااايب!
وضحكو الموجودين ، خذت إيناس الفلاش ومدتها لـ ألونَا:شوفيي وتخيلي انتصارك كيف بيكون جميل جدًا
خذته بابتسامه:كنت افكر ادور لي موفي اشوفه بس خلاص لقيت
وضحكو الموجودين ، وراحت ألونَا بابتسامه راحه ، وسمعت طق باب بقوه ولفت عليهم:في احد بالملحق مقفل عليه؟
سلطان تنهد:بتال لاتفتحين له حنا بنجيه بعد شوي
هزت راسها بالايجاب بخوف عليه وجلست تتجاهل مُناده باسمها ودخلت داخل مُسرعه لبست سماعتها وهي تدمع خوف عليه ، برا ، لف الجد إبراهيم على إيناس  وإلياس بابتسامه:اطلبو مابغيتو وجاكم!
شرق سهم:غش!
غصت سُندس:ظُلم!
ميلا طالعتهم:شعندهم توم وجيري نطقو؟؟
وانهارو الموجودين ضحك ، إيناس رمت له بوسه بالهواء:سلاامتك يااروحيّ
لف لـ إلياس بابتسامه :طلبك الاول ولابتغيره؟
ابتسم:ابدٍ ماني مغيره
ابتسم إبراهيم ولف لـ خالد:مر عليّ بعد الصلاه
هز راسه بالايجاب وتقريبًا عرف من نظرات إلياس المفضوحه ، بلعت ريقها إيناس وهي عارفه وحاولت تلهي نفسها ، طلعت ألونَا وهي تلعب بشيلتها وتدندن ووقفت عندها ، ابتسم سلطان:دووم الروقان
ضحكت:اميين
غمزت نجرس:وراك بلا؟
ألونَا وهي تلعب بطرف شيلتها:يانوني لتس قو
استغربت إيناس:وين؟
ضحكت وهي تمشي وتلعب بشيلتها:مرفوعه علينا قضيه
إيناس ضحكت ووقفت:يونسس احدااث!
سلطان بصدمه:وش قضيييته!
خالد بصدمه:شمسوياات!
لفت ألونَا وهي مُبتسمه:ريلاكس! بنروح نلعب ونجي ليه ممنوع؟؟
إلياس بابتسامه وغمز لها:مو ممنوع بس وش السبب؟
ألونَا بابتسامه غمزت له:عيب يابابا عييب ماعلموك اهلك ماتدخل بشؤون الاخرين؟
وضحكو الموجودين ، لف إلياس وهو يضحك لابوه:عيالك شبلاهم علي اليوم؟؟
وضحك سلطان:الله العالم الصدق وش قضيته؟
ضحكت وهي تهز اكتافها:معرفش والله
سُندس وهي تضحك:انهبلتي مرفوعه عليك قضيه وترقصين؟
ضحكت وهي تهز اكتافها بخفه:سمعت اغنيه اردنيه وعلقت ابي ادبك!!
وانهارو الموجودين ضحك ، جت إيناس وهي ترقص وتضحك وركبت وركبت ألونَا وهي ترقص وحركت ، ضحك خالد ولف لسلطان:بناتنا انهبلو؟؟؟
سلطان وهو يضحك:الظاهر!
إبراهيم بتوتر؛وش قضيته؟
ليلاس تربعت:فخمس دقايق بيطلعون من الموضوع زي الشعره من العجين لاتقلق
وقف انس ونزل ، سلطان:انا قلت رح ورا اختك وانت ذهبت ولم تعد!
وضحكو الموجودين ، ضحك وجلس :شفتها ديورت ورجعت ومسكت خط ماك !اخ اشتهيت البيك الحين!
رمت ميلا عليه المخده:الوضع طفره وذا يخلينا نشتهييي سدد حلقكك!!!
ليلاس وهي تفصفص:الله والعالم تؤام مُختلفين فقط
سُندس وهي تفصفص:اكيد ياحبيبي ماشفت احد يحب الاكل كثرهم ياروحي يابابا يقضي للبيت يوميًا!!!
وانهارو ضحك ، ميلا وهي تتخيل:الله لو معي الحين وجبه البيك وببسي باااااارد وتحت المكيف اشوف لي فلم!!
أنس وهو يتخيل:يالبييه صدق وهدووء وكل ماخلصت الاكل الف والقى اكل جنبي!
ميلا طالعت ابوها وهي مميله شفايفها باسى:بابا حبيبي وروحيّ ودنيتي انتَ!
ضحك:ذبحتك المطااعم!
ميلا تكتفت:تاكدت انكم مو اهلي لافايده ولاعايده!!
سلطان وهو يضحك:لايش؟
وانهارو الموجودين ضحك ، دقت ميلا على فِراس وهي تاكل بسكوت، رد وهو يسوق:هلا ميمي
ميلا وهي تاكل بتمثيل:اسمع سريع حووول لي بدفع تابي وتماارا سرريع!
فِراس وهو عارفها ابتسم:كم؟
ميلا بحماس:3الاف!
ضحك:ابشري
وقفل ، ضحكت بحماس وهي تفتح موقع الطلبات:يالبيييييه صرت غنييهه!
انس :اسمعي تراي ولد عمك
ميلا شمقت له:دزهاااااااا
وانهارو ضحك ، وعد وهي تضحك:يمه منك والاعذار جاهزه
ضحكت وتممت الطلب:لاهو قافطني دايم اقول له كذا ويحول لي ياحلوه متحملني
وانهارو الموجودين ضحك ، طالعت ليلاس خالد وغمزت له:اسمع خويلد
ضحك وفهمها:هلا
ليلاس بلعانه:شرايك تزوج سُندس وميلا؟
خالد:فكره بس من يخطبهم ابتلشت والله!
ميلا شمقت بغرور وهي تاشر على نفسها وتطالع ليلاس وابوها:نعم؟ انا ميلا الراشد تبوني اتزوج حي الله ؟؟ لاياحبيبي انت وياها غلطانين لن أرضى الى بوزير ولا امير غيره بقعد على قلوبكم يعني ضبطو العلاقات
سُندس وهي تفصفص وتتخيل:يالبيييه تخيلت اتزوج واحد عنده شاص ونياق وعود اوف!!!
انهارو الموجودين ضحك ، خالد وهو منهار ضحك:فرق السماء عن الارض كل وحده يبي لها تفصال !
وانهارو ضحك ، سُندس وهي تفصفص وتضحك:والله كذا ابي غيره لا
ميلا :يس وانا برضو ولابقعد على قلوبكم اخليك يابابا حتى راتب التقاعد ذا مايبقى لك منه ولاريال اهم شي بطني !
وعد حطت رجل على رجل وهي تشرب شاهي:الي بيجي ويخطب بنوافق عشان نفتك
خالد:ذا الي بيصير
ميلا:هههههاي دا كان زماان ياحبيبي عادي اكذب على الحكومه ضدكم لمصلحتي
هتَان بصدمه:تروووعين!
سهم بصدمه:لاقاللو لك كيد النساء هاذا هوو!!!
ميلا :طبعًا كذبه بيضاء كذبتين مابتضر
ضحك خالد بصدمه:سوال طالعه على مين أنتِ ؟
__________________________
هالبارت حنوون وضح لنا معنى «العائله ، الحُب »🥺🥺، أعتذر على التاخير بِـ التنزيل ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل
والاقتباس ماحلل القراءه بدون تفاعل🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷