« عزّ الله إنّي في ظبي نجد مغروم .. راعي العيون الّلي مع الزّين خجّله »

«11»

«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
‏«اللهم لاتجعل روايتي تُلهي عبدك عن عبادتك»

بعد ثلاث ساعات ، سمع خالد حس بغرفه فِراس وطق الباب ، فِراس تنحنح عشان التعب مايبان بصوته:تعال
ودخل خالد بطيف ابتسامه:كيفك يابوي؟
فِراس وهو يطلع لبسه على السرير بطيف ابتسامه:على ماتحب
ابتسم خالد وجلس على الكرسي:الاسبوع الجاي ملكتك
فِراس جلس على السرير بطيف ابتسامه:قالت لي
ضحك خالد:وشو انعكست الادوار؟
وضحكو، خالد بابتسامة وقف وربت على كتفه:لو تبيها اليله تجيك كلنا ماعندنا مانع ابدٍ الي تبيه بيصير يابوي بس لاتضغط على نفسك وتجهد نفسك
ابتسم:ماتقصر
خالد رفع اصبعه:واي شي تحس به قل لي اي تعب قل لي ولا لأي احد
ابتسم:ساكن القلب ادرى يابو فِراس
ابتسم خالد وحط يدينه بجيبه:عاد تدري اول مادخلنا طلعت وقفلت الباب وبكت وجلست امك تهديها وتقول انك تعبان
فِراس تنهد بضيق:وينها؟
خالد عقد حواجبه:وش تبي بها؟؟؟
فِراس بابتسامه:افا يابو فِراس تهقاني هلون؟ مادني دمعتها تنزل وينها؟
ابتسم خالد:رجال من ظهر رجال بس قلت احتياط ، ظني نايمه ماطلعت لنا ولاتقهوت قهوه العصر معنى
وقف :بروح اشوفها
ابتسم خالد وغمز:اخص اخص طحت على وجهك؟؟
فِراس وهو يفتح الباب ضحك:انشهد
وضحك خالد بعلو صوته وطلع ، وقفت وعد بحنيه وحضنته وحاوطت خدوده بين كفوفها:كيفك ياروحيّ؟
ابتسم فِراس وقبل راسها:بخير يالدنيّا
وعد تغيير للمود تكتفت بتمثيل للزعل:خير مدري انا امك ولا انت!!! قصر نفسك!!!
وانهارو ضحك ووقف جنبها هتَان وهو يضحك:ياوسي تبين حلاوه يابابا بس خلي ماما تفتحه زين؟؟؟
وعد ضربت كتفه بضحكه:وجع!
وانهارو ضحك،حاوط اكتافها خالد وقبل خدها:اقول الى وعدّي ماتجونها!!!
شهقت ميلا:يمه تخوفون ليه كلكم عمالقه!!
وانهارو ضحك، خالد وهو يضحك:وينهي شبيهتنا!
جت وهي مسويه بالشماغ عصابه:جييييت!!!
وانهارو ضحك على شكلها وكانت لابسه ثوب وقدها بالضبط، انهار هتَان ضحك:ثوب من ذا طولك بالضبط!!!!
انهارت ضحك:زرفت حق سهم! طلع طولي ذا النتفه!
انهارو الموجودين ضحك، خالد وهو يمسح وجهه من الضحك:حسبي الله على بليستس وين لقيتيه
ضحكت:كنت بالحديقه وجابه الحارس يقول كويناه قلت ذا لمن قال لسهم الصدق كنت ناويه اكتب عليه واخربه بس القافه حلوه وطلع قدي!!!!
هتَان انهار ضحك:وهو منجن يدوره من اليوم!
انهاروا كلهم ضحك ، وقفت بحماس ورفعت طرف الثوب:بروح اطقطق عليه!
وطلعو كلهم ، سهم وهو بينجن:وين بيروح يمه يعني ووييين كلمني الحارس يقول جبناه!!
ضحكو من شافو سُندس ، سُندس بحماس:يالبيييه لو معي شاص وافحط اوف!
وانهارو الموجودين ضحك، ضحكت نرجس:من الي قدك كلهم اطول منك اعترفي مفصله!
انهارت ضحك وهزت راسها بنفي، هتَان انهار ضحك:ثوب سهم الجديد!
سهم شهق:ياحيواااااانه!!!!! جيبييي ثوووبييي يالنطووول!!!
وانهارو الموجودين ضحك اكثر واكثر ، ضحكت بنذاله وقربت عند المسبح:عطيني اللف ولا بنططط!!!!
سهم بقهر:ياتبببن بروح العزيمه جيبيه سُندس شدعوه ولد عمتك ترااني!!!
سُندس بنذاله قربت شوي للمسبح:بنط ترا!!! سررريع القرار لك الف ولا انطط؟؟؟؟؟
سهم بقهر طلع فلوس:امسكييي لعنبو المذله جيبييه لايتعفط
ضحكت وتقدمت خذت الفلوس:لاطلعت نتفه طولي مابيتعفط!
وضحكو الموجودين ، دخلت بدلت وعطته ، جلست بحماس:ثوب يدفعون عليه ميتين جبت دبله!!
وانهاروا ضحك، لبسه سهم عالسريع وخذا الشماغ:تاخرت والسبه انتِ اصبري خليني ارجع والله لاكسر العود حقكك!
شهقت:وربي لو تجيه اتلك مع اذوووونك!!!!
وسحب عليها ومشى مسرع ، وضحكو الموجودين ، فِراس بهمس لعمه:عم
سلطان بهمس لف عليه:سم
فِراس بطيف ابتسامه:وين ألونَا
ابتسم سلطان بهمس:بغرفتها
فِراس بهمس:بروح عادي؟
ابتسم سلطان بهمس:شدعوه واي صح ترا لو تبيها تجيك البيت من اليله قبل الحفل براحتك يابوك بس لاتخفي تعبك علينا
ابتسم وهز راسه بالايجاب:ابشر
وقف راح لها، دخل قسم عمه وطق الباب ، الونا كانت نايمه بسبب تعبها ماصحت من الطقه،خاف فِراس فيها شي ودخل وقفل الباب جلس قريب عندها وهو يصحيها بخوف:ألونَا لولو حبيبي
ألونَا بانزعاج:همم
ارتاح وابتسم وهو يبعد خُصل شعرها عن عيونها:اذن العصر ماودك تقومين
فتحت عيونها ومن شافته فِراس فزت بخوف:فيك شي! تعبان ؟ اوديك مستشفى؟؟؟؟
ابتسم من حنيتها وبلع ريقه من لبسها ، حاوطت نفسها بالبطانيه بخجل:فِراس شرايك تطلع ببدل!
فِراس قفل الباب بمفتاح ورجع اعتلاها قُبل ، ضحكت بخجل:فِراااس بعد مو وقتك لو جا احد !
سند جبينه على جبينها وخلل يدينه بين خصرها وبلوزتها القصيره بهيام:شسويتي فيني!!
ألونَا بخجل اقشعرت من لمساته وبعدت يده تكلمت بهدوء:فِراس مُمكن تطلع ؟ ببدل !
فِراس بهيام قبّلها:أحبّك
ألونَا بخجل:طيب مُمكن تبعد؟
فِراس بذوبان :اويييلي يالدلع! شرايك نستقر من اليوم بالبيت؟؟
ضربته على كتفه بخجل:قليل ادب انقلع برا!
ضحك من خجلها وبعد خصل شعرها:زوجتي؟حلالي؟محد له دخل
ألونَا بخجل:طيب خلاص بعدين قوم عني ياهو!!! لو جاء احد بيفهمو غلط بعددد
فِراس:زوجتي ترا!
ألونَا بخجل همست عند اذنه:ولو زوّجتك وحلالك ماحُب أحد يفكر ولو تفكير ، وشي بيني وبينك حيضل بيني وبينك!
فِراس بذوبان:لعنبو غيرك اهوااتس يابنت !
ابتسمت بخجل وقبلت دقنه من بعد ووقفت:وانا أحُبّك! سيو بيبي حبدل واطلع!
فِراس بذوبان حاوظ خصرها:بيبي؟ وأحوبك؟ وتتدلعين؟ وتبيني افكك؟
ضحكت وحاوطت رقبته مُتناسيه لبسها الي كانت بجامه هيلوكيتي شورت:أحُبّك كِذا ايوا فُكني كلها اسبوع وانا عندك شدعوا؟
ابتسم وبعد:بروح اصلي شُكر لله عليك!!
ابتسمت بحُب وفتحت الباب ودفته برا ، ضحك بتال ورفع نظره من الابتوب عليه:انطردت؟
ضحك بوهقه وجلس:كنّه
وضحكو ، بتال بابتسامه :كيفك؟
فِراس بابتسامه:بخير جعلك بخير طمني شوقعك؟ يوجعك شي؟
ابتسم:ألونَا عندي وتبيني اتعب؟ ماتعطيني فرصه!
لبست ألونَا تانك ابيض تبين شوي بطنها من قصرها وتنوره مكسره بدرجات الازرق وربطت شعرها بشباصه وطلعت بابتسامة:نو ياحلويني ماعطيك فرصه تتعبو وانا في!
ابتسم فِراس:الله يخيلك لي!
بتال ضحك:لابلاه؟؟؟
وضحكو الياس وانس وسلطان الي دخلو، وجلسو،الونَا وهي تطلع الركوه والبُن:منو يبي قهوه تركيه؟؟؟؟
أنس:يالبييييه ومن يدك؟؟
بتال:وتبييينا نقول لا؟؟
فِراس:معصي!كلنا نبي!
ألياس:اشتغل الدفاع
وضحكو الموجودين، وحطت الصينيه فيها الاكواب على الطاوله وخذت كوبها وصحنها وجلست:خذو حقينكم متعيجزه
وخذوه، سلطان وهو يشرب بابتسامه:ايبااااه على كيف كيفك!
فِراس بابتسامه:يمنى ماتمسها النار
:امين
بتال بابتسامه:لزيزه قدًا
ألونَا بابتسامة:تحت امر حطردتك
وضحكو ، سلطان تكى بظهره بابتسامه:ايوه وش عندكم ماعندكم؟
ألونَا بابتسامه:لاهذي ولاهذيك على قل سنع على قول توتي
الياس بأبتسامه:ماجهزتي للمخيم؟؟
ألونَا:افاا علييك الى
ابتسم انس:وشش بتسوووين فعاليات مخيم وبدون فعالياتك مايجي!
ابتسمت:للحين ماببالي شي بس مُمكن الخيول وشوي
ابتسم بتال:عاد من زمان عن الخيول
ألونَا بأبتسامه:بكُرااا تجييك احلى خيوول
ابتسم سلطان؛من وين؟
ابتسمت:صحبتي آرين عند اخوها سطبل بقول لها
الياس ضحك:ذي الي خق عليها وليد؟؟
انهارت ضحك وهزت راسها بالإيجاب:عمك خاروف!!!
وضحكو الموجودين ،ألونَا:الصدق يابابا لازم تربونه من جديد عيونه زايغه قليل ادب
ضحك سلطان:النسونجي عشان كذا ماتزوج للحين
انس:تكفون زوجوه وحده حيه تربييه!!!
وانهارو ضحك، الونَا:وتصير عندنا فعاليات بعد يالبيه!
ضحك الياس:لا شكله ناوي صحبتك
ألونَا:اشك اشك الصدق بس مافيه بقول له ديور وبكب عفشه عندهم اذا راح يخطب
سلطان:وراتس خليه يفلح ونفتك
هزت راسك بنفي:لابلاه؟ وصحبتي تتورط فذا الثلاثيني؟؟؟؟؟؟
وانهارو الموجودين ضحك،سلطان وهو يضحك:الله يقطع بليسك يالولو
ضحكت:اساسا هي سنه وتصير ثلاثينه خل نفتك من اثنيناتهم اصبرو بخلي يجيه هبوووط تعالو معيي
وخذت شالها وركضت برا وهم يضحكون على شكلها ، جلست جنب تُقى وكلهم كانو موجودين:الى توتو
تُقى بأبتسامه:سميّ؟
ألونَا بادراما:الحين يعنّي انتِ تبيييين تشوفين احفادك قبل ماتموتيين بعد طوله عمر صح؟
ضحكت:شفتكم هذاكم قدامي
ألونَا رفعه حواجبها:للاا نص خالد ونص سلطان ونص ايلاف  ووليد وين؟؟؟؟
شرق بالقهوه:حسبي الله !
وانهارو الموجودين ضحك، تُقى بابتسامة:هو لونه يعقل نزوجه بس ماش
وليد:اشوا لاتزوجيني راضي
ألونَا:فيي وحده ببالك؟؟؟
تُقى بابتسامة:اي جنان بنت عمتس سعد
شرقت بالشاهي:لااااعااااع ذي على جثتي ياخذها خلك من بدون عيال لاتجيب لاتعرس !!!
وانهارو الموجودين ضحك اكثر واكثر ، وليد وهو يمسح دموع الضحك:انتِ الي جبتيها لنفسك!
تُقى باستغراب:وراتس عليها؟ وش زينها
ألونَا بقرف:وع ! عنددددي لك وحدده فلقه القمر مزيونه تهبل وروحهاا حلوه والله انها كثيره على وليد بس الشكوى لله
وطاحو على بعضهم من الضحك ، وليد بصدمه:لابلاه؟؟
ألونَا بلعانه وهي تطالعه وماسكه يد تُقى:تدريين ياتوتو انها تجننن وعسوله وفلقه من القمر لو تشوفينها بتقولين انتِ انس ولاجن من زينها
إيناس بتهاويل:اويييلي ياجده لوني ولد تزوجتها!!!
ألونَا:تعرفينها؟
إيناس:لا من وصفك بس
وانهاروا الموجودين ضحك ، طلعت صوره ألونَا وررتها تُقى:شوفي بعد عيونها زرق مب عدسات يالله تكفين اخطبيها للغبي ذااا!!!!!
تُقى بابتسامه اعجاب:ماشاءالله تبارك الرحمن لا اله الا الله بدرٍ مصور بس-طالعت ألونَا وميلت شفايفها باسى بتمثيل من شافت غمزت الونَا-بس يمتس تستاهل احسن من وليد ولا؟؟؟
ألونَا ميلت شفايفها باسى:وانا بعد اقول هلون بس ودّي اتاملها كل يوم عشان كذا اخطبيها له والله والذي نفسي بيده ان ولدتس بيعقل
وانهارو الموجودين على تعابير وليد ، تُقى بابتسامه:تهقينه ؟ زين اعطيني رقم امها بس وش عرفتس بها؟؟
ألونَا وهي تطالع وليد وشمقت طالعت جدتها:صحبتتتتي وعشيرتيي ولو على كيفيي ياتوتو خذتها لواحد من ذا السلق الي عندي بس ماش الاول وعلى قولتس افلح والثانين بزران
وانهارو الموجودين ضحك ، وليد بلعانه:اذا تبوني اعرس تخطبون الي ابيها!
ألونَا شمقت:ومنهي الي تبيها؟؟؟
وليد:سكرتيرتك بالشركه
انهارت ضحك وكلهم مستغربين ، وليد:وشبتس!
ضحكت:هيييي الي بنخطبهاااا لك!!!
وليد بحماس:صدق متى يمه تبين نروح؟؟؟؟؟
الونَا وهي تضحك بصدمه:اح!طلع خفيف!!!!
وانهارو الموجودين ضحك ، تُقى وهي تضحك:الله يقلع بليستس يالونَا الصدز ماينلام ماشاءالله تبارك الرحمن بس كم عمرها؟؟؟
ألونَا بلعانه وقررت تمقلب:مااش تذكرت صغيره عليك بالحيل!
تُقى:كم بينهم؟؟؟
ألونَا:9 ، 10 سنين حولها!
وليد:عادي هاذا ابوي اكبر من امي بثمن سنين!!!
ألونَا وهي تضحك بصدمه:يمه ذا ليه خفيف كذا!!!!
وضحكو الموجودين ، الونَا بابتسامة:امزح امزح اربع سنوات عمرها29
ليلاس:اكبر منتس شلون خويتس؟؟
ألونَا:ياحبيبتي انا العجز وهم عجز مسويه معهم ستريك افا عليتس بس!!!
وضحكو الموجودين ، الونا:كانت بجامعتي بقى لها سنتين وتتخرج وانا لسا اول سنه وقفت جامعه وقت وفاه ابوها ورجعت كملت بعد سنتين وتعرفت عليها وبعدين قلت تعالي توظفي عنديي بدال لاتجلسين كذا وكان اخوها الي يصرف عليها هيّ وامها وقت يوم توظفت عندي انسجن عشان ايقاف الخدمات وطلعته هيّ ودخل مجال العقار ومدري وش وتبارك الرحمن عايشين بخير الحين
تقى بابتسامة اعجاب:ماشاءالله تبارك الرحمن عليهم والله يحفظهم لميمتهم ويحفظها لهم
ليلاس وهي تفصفص باستغراب:وورث ابوها وينه؟؟ معقوله ماورثو شي ضمان على الاقل!
ألونَا تكت عندها وتفصفص معها:الورث نصه خذاه عمها او بالاحرى هي واخوها وامها تنازلو بربع لعمها لان وقته كان حاله ماش ويحتاج وعطوه قالو حلال ابونا حلالك والباقي تقسم لهم بس ماكفى لانها هيّ وامها خذو ورثهم وحطوه مع بعض عشان يطلع وراد مدري رواد اسمه ناسيه المهم ودفعو وطلع واشتغل على نفسه بسرع كان اول برضو يشتغل بشركتي بس بعدين جمع له مبلغ واستقال والحين ينافسني بالسوق ماشاءالله
ليلاس باستغراب وهي تفصفص:تصدقين يوم قلتي دفعو واخوها وكذا احسبك معطتها
ألونَا وهي تفصفص:قلت ادفعها كامله لو تبين قالت لا يعطيك العافيه والحمدالله بصحتي واقدر اشتغل وادفعها كلها عن اخوي استغربت قلت طيب عمك قولي له قالت دفع مبلغ بسيط ومقدر يكمل عشان عنده ولد من الاحتياجات الخاصه كانت تشتغل الصبح للعصر فالشركه وتروح بعدها تشتغل باريستا وتسلم شفتها الساعه 9اليل وتطلع تروح تشتغل بسوق ثاني لين الساعه1 وترجع البيت تساعد امها وتنام ومن6وهي بالشركه
نرجس بحزن؛ياروحي هيّ يومها كله يروح وهي تشتغل!
ألونَا وهي تفصفص بحزن؛مره ياروحي هي حتى تقول بامكاني افتح بحسان او اقول لقبيلتنا بس تقول مابي ابين ضعفنا لحد واذل اهلي لاحد بس مره ماشاءالله عليها كفو
تُقى باعجاب:والله ماتصير الى لوليد!
ليلاس شهقت:لاعز الله راحت ايامنا وولت !
وضحكو الموجودين ووليد بداخله مُتعجب من قوتها واصرارها ، خالد بابتسامة:عن الف رجال ماشاءالله عليها طيب اهلهم خوالها يعني وينهم؟
ألونَا وهي تفصفص:اي يقولون مانقدر على شي والمبلغ كثير وتقول سحبو يدهم مننا وعمها حاول يساعد بس ماقدر وتقول ماني بحاجه رخوم واذل نفسي واهلي عشان كمٍ ريال الله لايردهم واشتغلت ماشاءالله على نفسها ترا الحين غير الشركه عندها برضو متجر اونلاين وجالسه تشتغل على المحل بتفتحه واخوها من هوامير السوق وخلو امهم شييييخه بمعنى الكلمه وعزوها عن القريب والبعيد وسفرو ولد عمهم لـ المانيا يتعالج ونص ارباح الشركه تتحول على حساب عمها واهله عشانه كبير سن ولايقدر يشتغل
ابتسمو الموجودين باعجاب بهالبنت، إبراهيم بابتسامة:اي بالله انها كثيرتٍ على وليد
ليلاس حاوطت كتف وليد:لاعاد الى لودي شدعوااا!!!
سُندس وهي تفصفص:المفروض تسجد شكر لله ليل ونهار انو لودي بيتزوجهااا!
ألونَا وهي تفصفص:والله اثنيناتهم عسولين كلو تبن عاد!! الى روري ولودي!!!
ميلا:شسمها؟؟
ألونَا:آرين
سُندس بطقطقه:متى ينزل فلمهم؟؟؟؟؟
من فهمو مقصدها وضحكو ،ألونَا وهي تفصفص وتضحك:وجع عاد!! الى رورتيييي!!!
اليأس بأبتسامه:خلصت شركتك؟؟
ألونَا وهي تفصفص:بقي الدور الثالث بس وتخلص
سلطان بابتسامة:يعني كلها رممتيها؟
هزت راسها بالإيجاب:اي وسلمت الشغل غرام يارب ما اندم
ضحك سلطان:ليه؟
وقفت وخذت جوالها:والله نذله ماظمنها اخاف تعكس شي عساس انه مقلب!!
وضحكو الموجودين ، وراحت بتدخل، بتال بابتسامه :بتنامين؟
هزت راسها بنفي:ببدل واطلع
تُقى بابتسامه:لاتبطين العشاء مايطول وينزل
ابتسمت ورمت لها بوسه بالهواء:مايمديني ارجع بدري والله تعشو واسحبو علي!
سلطان باستغراب:ليه؟
ألونَا:عندي موعدين وبرضو بشوف الشركه واخلص اخر اوراق المركز في كمٍ ورقه  بقيو
إيناس وهي تفصفص:شفتي كل الملفات الي على مكتبي
ألونَا:شفيها؟
إيناس:اجدعيها بمكتب مترك وقولي له يخلصها كلها ولا بذله على مكتبه الي مسكته اسبوع!!
ضحكت:تم!
ضحك خالد:انتِ مكلوفه بالمكتب يعني اجباري هو لا وش ذنبه!
ضحكت وهي تفصفص:خل ياكل تبن تخيل مكتبه ملياااان ملفات صدعت على ماخلصتها كلها وتبوني بعد اسوي ملفاتي لا يسويها هو العدلللل والمقابل وتوبه امسك مكتب والله لعترض!!!
ضحكت ألونَا:والله يونس مساعد مخلص كل ملفاته وجلست اخلص ملفاتي
وضحكو الموجودين ودخلو ، فِراس طالع إيناس بابتسامة:والله تحلمين مترك يسويهم لك
غمزت وهي تفصفص:تراي مب هييينه يعني فهالاسبوع لقيت شي وبمسكه عليه ياينجز ملفاتي يابذله!!!
وانهارو الموجودين ضحك ، ومشت ألونَا، فِراس وهو يضحك عشان مايبين تعبه:يقلع بليسك وشو وانا لي شهر احفر وراهم مامسكت شي!!
ضحكت وهي تفصفص:نو اذا ماسوا ملفاتي بعلمك
ورجعت ألونَا ونزلت الشباك بصوت عالي:في جمهره عند شركتكككم!!
ابراهيم:حقت من يابوك؟
ألونَا بصوت عالي:حقتك واجد ياجدو وكانهم يكسرون فيها بسرعه!
وفزو ركبو سيارتهم وطلعو للشركه ، وقفو الونَا بحده خذت سلاح فِراس الي معها ورمت طلقه فالجو وسكتو وتكلمت بحده وهيبه وتقدمت:خيييير انت وياااه ناوييين تمسون بالسجن؟؟؟؟
رجل بعصبيه:وانتِ وش دخلتس اخر عمري تجيني نكره....
وانبتر كلامه من فِراس الي طاح فيه ضرب ، وتقدمو ابراهيم وعياله بعد ماسحبو فِراس ووقفو بالنص،ابراهيم بوقار وحده وهيبه:خير مانبدا به حديثنا السلام عليكم ، عسى ماشر ياخوان وش العلم؟
رجل بعصبيه:ماتقعد زود بهالحي لانت ولاشركتك!
سلطان بحده:احترم نفسك دامنا محترمينك وليه الحي باسمك وحنا ماندريي؟؟؟؟
جا حمد الي دق عليه وليد، ووقف جنب اخوه بوقار وهيبه:عسى ماشر وش الحاصل؟
رجل بهدوء:ياشيخ حمد سوات اخوك وعياله ماينسكت عنه وكلنا خاييفين على اهلنا منهم وقعده بذا مايقعدون!!!
حمد بحده:اقطع واخص!!!! ودام قدامك الشيخ إبراهيم تقصر حسك ولايعلى حسك عليه احترم فارق السن على الاقل؟؟!!!!
وليد بحده:وش سوينا لايكون ماديين يدينا على حلالك انت ويااه؟!
خالد بحده:انطقو علامكم بلعتو لسنكم!!!!!
تقدم واحد وقبل راس ابراهيم:المعذره ياعم ابراهيم لاكن محدٍ فيهم راضي يسمعن!
ألونَا باستغراب:رواد؟ شجايبك؟
رواد بحدود:هلا استاذه الونَا مريت وشفتهم ، ياعم الي مايعرفك مايثمنك ولك الحشيمه والأحترام قلت بعطيك خبر لاني بلغت الشرطه
استغرب ابراهيم:ليه يابوك مبلغ وش الحاصل فاهمنا؟
رواد بذرابه وثقل ابتسم بحياء:ماعلم ياعم وسالتهم ولاكن
خالد:وش قل!
رواد:اعذرني الكلام باهل بيتكم ولاقدر اقوله حاولت الزمهم حدهم ولاحدٍ سمع وبلغت الشرطه عليهم
ابراهيم ربت على كتفه بابتسامة:بارك الله فيك ياولدي هاذا العشم طيب الله ثراء من رباك
ابتسم رواد:امين
ابراهيم بحده طالعهم:وذي اخرت جيرتي وخوتي لكم تمشون وتكلمون باهل بيتي هااانت الشعره عليييكم!!!!!!
حمد بحده وهو ياشر بعصاه:والله والذي نفسي بيده ان كلن منكم يمسي اليله بالسجن دامكم متكلمميييين باهلنا وربايتنا!!!
رجل باستهزاء:رح شف بنتك وش مسويه وهمٍ تعال وانطق ذكر الله على لسانك!
رمت رجله الونَا وتكتفت بابتسامة:اوبس فلتت مني -بحده وهي تطالعهم-والمره الجايه بتفلت بروسكم اذا تكلمتو علينَا!!!!!
الرجل بالم:كسر...
فِراس بكسه بعصبيييه:  والله ان ماسنعت حكيييك ان ابكي عيااالك علييك!!!
مسكه الياس :اهجد شوي!!!
جا سعد ووقف قبال ابراهيم:ولاحدٍ من الراشد يتشرف فيك!!!
تقدمت الونَا وتفلت بوجهه وهي مو قادره تتحمل:كفااايه ياحُثاااااله كفااايه دنااااءه !!
سحبها سلطان ، الونَا بحده وعصبيه:بدااال ماتطلع كلام عن اخوك واهله الي هم اهلللك رررروح ربييي بنتك وربييي نفسك وعيد تاهيللل اخلاااقك من جديد
إيناس الي مسكها هتَان تكلمت بصراخ وحده:حنا الي مانتشرررف فييييك لانت ولا اهلك يالدنييء تتكلم فاخوووك ومهمل تربيتك وبناتك وعياااالك اسمعع علمٍ ياصلك ويتعادك اذا مامسسسسكت عياااالك وبنااااتك الدنييييئيين عنننا والله والذي نفسي بيده ان انشر صوووور وافعاااال بنتك فكل مكان وكل زااااويه والله انيييي لااااخللييييك ماتقدرر ترفع راسك وتحط عيييينك بعين الشيخ ابراهيم الراشد والشيخ حمد الراشد والله والذي نفسي بيدددده ان ادمرررمكم وااحد واااحد سااامع!!!!
ألونَا بصراخ وحده:وبدااال ماتجيي وتتكلم عن تربيت ابراهيم الي هي اشرف منك ومن تربيتك الدنيئه رررروح رب عياااالك واخصهم جُمان بالذكر!!! سااامع
سعد بقهر:لاتحطططين قولن ماهو بعييااالي!!
ألونَا بصراخ وحده:لابلاااه؟؟؟ تبي اعدد لك كم واحد طلعت معه بنتتتك قلت اسكت واكف خييري وشري عنكم وعديتكم اهل بس كفاايه انا قمت اقرف من اسمكم بس!!!!
إيناس بحده وصراخ:قلنا نحلل كل شي بيننا عساس اهلل واول من لف وغدر وطعن ب يبه ابراهيم ويبه حمد انتت يالخسيييييسسسسس!!! رح رب بنتتك وشف افعااالها قبل تتكلم على الي اطهر منك ومن بنتك!!!!
هتَان بحده:بنت يكفي ترانا بالشااارع!!
سلطان مسك الونّا بحده:شهرتو فيها خلاااص!!!
ألونَا بحده وصراخ:ماقول الى الله لايبلاناا بس
ابراهيم وهو يطالع سعد وفخور ببحفيداته:جاك العلم؟ ضف وجهك ولاتشوفك عيني
حمد وفخور بفعله حفيدات اخوه الي بحسبه بناته:لانت اخونا ولاحنا بخواانن لك دامك غدرت بنا
ابراهيم بصوت عالي وحده وهيبه:والي مو عاجبه يطق راسه بالجدار وان سمعت احدٍ حاكييين فيني وفاهلي بترت لسانه ومحيته من الوجود
قامو الرجال يعتذرون منه وهو سفههم وركب ومشى وكلهم مشو ، ببيت ابراهيم سفطو وقفلو البيبان، ألونَا بقهر:ليييه تمسكووني خيررر!!!! معجبببكم كلامهم عن جدي!!!
إيناس بقهر وهي تضرب كتف هتَان:وووش دخلك اقول الي اقوله وش دخللللك رااااضي عن الكلام الي قالوه عن جديي؟؟؟
قبل روسهم ابراهيم بفخر وابتسامه:كفيتن ووفيتن
ألونَا جلست بقهر:وشو كفينا خير جدي ماخلوني اكمل!!!!
إيناس جلست بقهر:الكلام بقى فداخلي خييير ياخي !!! اف !
وانهارو الموجودين ضحك ، حمد ضحك:لله سهلتن علينا مشوارن طوييل يابوي
ألونَا وهي تطالع ابوها ومتكتفه:ليه تضحك؟؟ ليه تمسكني بابا!!!!!
سلطان وهو منهار ضحك:يابوك مانتي بصاحيه معتس سلاح وتبيني افكتس؟
فِراس اخذ سلاحه:اموت واعرف كيف اخذتيه؟؟؟
ألونَا بقهر:مايخصك وهيّن يابابا هيّن!!!!
وجت بتوقف وجلسها انس وهو يوريها الاشعار الي جاه:دقات قلبك اجلسي!
الونَا وهي تقاوم:وانت شتبي بعد لاواضح حلت لكم السالفه كل شوي مربطين يديني!!!!!
وضحكو الموجودين ، ضحك ألياس واعطها دواء:كلي وهدي خلاص!
وجلس :اي وش السالفه ووراكم قمتو على سعد؟؟
جلست نرجس بعد ماسلمت على عمها:شفيكم معصبين وصراخكم واصلني وانا بالمطبخ!
ابراهيم حكاهم كل شي من الالف للياء ، وكلهم مصدومين ويطالعون نرجس ، ابتسم حمد ومسك يد اخوه:نقول به عرس وطقطقه ولا؟
ابراهيم لف عليه:علمي علمك!
نرجس بصدمه:لاوع مابقى الى عبدالعزيز ذا النشبه!!!!!
وانهارو الموجودين ضحك ، ضحك حمد:وشفيه يابوي؟
نرجس بقهر:اوكيه عمي ولدك وتحبه بس خير يع يقهر دايم يخرب طلعاتنا وتبوني اتزوجه وع مابيه ابعدو عنيييي!!!
ضحك خالد وقال لحمد ، ضحك حمد بعلو صوته:والله يابوك حتى حنا مخرب طلعاتنا كل شوين عيال عمي ابراهيم وعيال عمي ابراهيم ماش
نرجس بميانه وهي تفصفص:شفت عشان كذا اجلده
ضحك:ابشري بس ها شرايك؟
نرجس تنهدت وهي تفصفص:يارب لاتختبر صبري ترا اروح واثور فيه مابيييه!
أبراهيم بأبتسامه:وليه؟
نرجس وهي تفصفص:مبيه ماطيقه بس
ألونَا بنذاله؛معليييييكم تستخييير وتشوفون!
وليد ضحك:انتِ شناويه عليه تبين تزوجينا كلنا؟؟؟
الونَا وهي تفصفص:اي طقت تسبدي منكم وحتى ليلاس اصبرو بصير ام عباس واجيب لها واحد
وانهارو الموجودين ضحك، لف ابراهيم بابتسامه لها:هو الي قبل شوين اخو آرين؟
هزت راسها بالإيجاب:اي هو
لف ابراهيم لحمد:بنخطب لوليد خويه الونَا تجي ؟
حمد بابتسامه:الله يوفقه يارب ويكتب الي به الخير اكيد وليه اخلي وليدي بهاليوم؟؟
ابتسمت تُقى بذرابه:كلمت امها والله ان السوالف ترد الروح معها وحددنا وقت بكرا المغرب باذن الله
ألونَا وهي تفصفص بحماس:توته شرايك نزوجهم كلهم جمله
وضحكو الموجودين ، ألونَا وهي تفصفص بحماس وتعدد:والله ياتوتي احس يونس شوفي كم لاصبرو الوراعين صفو على جنب لحظه كلهم وراعين!!!!! خيررر!!!!!
وانهارو الموجودين ضحك ، انس وهو يفصفص:لا زوجيني انا
ألونَا وهي تفصفص:اول يوم عند ابوي بالصاله ليه تاكل اكلي!!
وانهارو الموجودين ضحك اكثر واكثر ، ضحك وهو ياكل فصفص:وانا صادق اكلي اسمه اكلي شتبي فيه!!!!
ميلا وهي تفصفص:لانك مشفوح!
ليلاس وهي تشرب شاهي:لقيتهاااا !
ألونَا وهي تفصفص:وشو
ليلاس بحماس:زوووجه نوسه!
انس تنهد وهو يفصفص:اذا سمعوك تقولين لي نوسه محد بيزوجني بنته!
وضحكو الموجودين ، ألونَا بحماس:منو!
ليلاس بحماس:ميلا!
ميلا وهي تفصفص:ها
ألونَا غصت بالفصفص وانهارو الموجودين ضحك من استوعبو عدا ميلا وانس ، ميلا وسعت عيونها وشهقت وهي تفصفص من استوعبت: لو مايبقى من جنس ادااام الى هو ماخذيته!!!!!!!!!!
انس وهو مصدوم ويفصفص:ليييه باااايعن عمري ودراهمي انااا عشاان اخذها!!!!!!!!!
وانهارو الموجودين ضحك ، الونَا وهي تضحك:والله بيصيييير اكشششن يالبييه تزوجووو!
لفو ميلا وانس عليها وهم يفصفصون:البخيي!!!!
وضحكو الموجودين ، فِراس:كلمتي!
سُندس وهي تضحك:لاشوفو سبحان الله لبعضكم وااضح نفس الحركات والكلام
ضحكت ألونَا بحماس وطالعت عمها:يالبييييه ياخلودي زوجهم تكفى تكفى واطلب الي تبي بس قول تمممم!!!!!!!!
سلطان ضحك ولف لاخوه:تقل المصاريف علينا ياخوك غدّينا مب كل اسبوع نتقضى!!
انهار خالد ضحك:عز الله جيت على الجرح!! تم!
ضحكت ألونَا بحماس:يالبيييه افتكينا من ورعين ليسو الباقيييي؟؟؟؟؟؟
ليلاس وهي تفصفص:ماش مايلبقون لبعض
ميلا وانس مع بعض:وحنا مانلبق لبعض وع ذا الي ناقص اخذه / وع ذا الي ناقص اخذها
ليلاس وهي تفصفص:مكتوبين لبعض
وانهارو الموجودين ضحك ، رمت ميلا الفاين على انس:وانت كلزق وانقلع ضف وجهك!!!!!!!
انس رماه عليها:كليزززق انتِ وانقلعييي انتِ بجييحه!!!!
فِراس لف لـ ألونَا وهو يضحك:اي شرايك متى يسوون عرسهم؟؟؟
ألونَا بدون تفكير :مايحتاج تفكير خلصوني سريع سريع قللو عدد السُكان الي هنا طقت تسبدي!!
وانهارو الموجودين ضحك ، نرجس وهي تفصفص:لاعز الله عيّنا خير دامكم بتزوجونهم
ميلا وانس لفو عليها بحده:معصيي!!!!!
لفت ميلا على انس وانس لف على ميلا بحده مع بعض:كلمتي البخي!!!!
وانهارو الموجودين ضحك اكثر واكثر ، الياس وهو منهار ضحك:ماش لاتحاولون مكتوبين لبعض
سلطان وهو منهار ضحك:ياربيي اشكالهم!
وضحكو الموجودين، ضحكت وعد وهي تفصفص:لا ماش مايصلحون لبعض
ميلا وانس مع بعض براحه عكس داخلهم:شفتوووو!!!!!!!
لفو لبعض بحده ونفس الوقت:خييررررر بلا تقليييد!!!
وعد انهارت ضحك:لاهونت تصلحون لبعض
وضحكو الموجودين ، ضحك حمد:الله يقلع بليسكم لله خلاص ميلا لـ انس وانس لـ ميلا مافيها نقاش
ميلا بعصبيه:يبببه!! خير لا وع مبيه علني ماتزوجت!!!!!!
ووقفت خذت فصفصها ودخلت داخل ، انس بعصبيه:مابقى الى ذا البزره!! معصييييي
وخذا فصفصه ودخل ، وضحكو الموجودين ، هدو شوين ، إبرآهيم بأبتسامه:خلونا من الضحك والمزح ورا ماتزوجونهم صدز؟؟
سلطان ضحك:انت ماشفتهم تو بغو يتذابحون!
ضحك خالد:ولاعندي مشكله بس نفداك يبه مانبي ندخل بموضوع الديه وماديه
وضحكو الموجودين ، ارسل فِراس لـ الونَا'ودّك نروح الحين نختار اثاث؟'
ابتسمت وردت'اذا مو تعبان اوكيه'
ابتسم ورد ' لايعيوني مو تعبان '
كتبت براحه'بشوف بابا '
وطلعت من شاته ودخلت الشات حق ابوها 'بابا'
لف لجواله ورد'عيونه هلا'
ألونَا بابتسامه 'بروح مع فِراس نختار أثاث الغُرف الباقيه '
ردّ بابتسامة 'براحتك ياروحيّ 🌷 '
ابتسمت ' أحُبّك🩶'
ابتسم وارسل قلب وطلع ، كتبت لـ فِراس'فروسي بجهز واجي'
ابتسم'عيون وروح فروس خذي راحتك ياكلي'
ابتسمت ووقفت دخلت داخل ولبست عبايتها وسوت جدولتين جُزء من فوق وتعطرت ولبست خاتمها وكعبها لويفيتون الاحمر وطلعت ركبت سيارت فِراس ، وقف وخذا جواله وركب وحركو والبقيه ابدً ماتدخلو ولاسئلو بشيء ، ابتسم وشبك جواله يبي يشغل اغنيه ودق مساعد ورد وكان سبيكر
مساعد بابتسامة:هلا ابو معاذ
استغربت وطالعت فِراس:مُعاذ؟؟؟
ضحك فِراس:يقلع بليسك يامساعد!!!
ضحك مساعد:هلا السموحه ام مُعاذ
شمقت لـ فِراس وتكتفت ، ضحك فِراس:امرني
مساعد بابتسامة:مايمر عليك عدو حبيت اتطمن عليك
ابتسم:على ماتحب اخبارك؟مامن شين منا مناك؟
ضحك مساعد:بارك!
فِراس بابتسامة:على؟
مساعد ضحك:زياد بالطريق
ضحك بفرحه:مبرررووك الله يتمم على خير ويقر عيونكم!
مساعد بفرحه:ياولد بداخلي فرحه لو اوزعها على اهل الرياض كلهم بتزود!!
ضحك فِراس:دوم ياحبيبي دووم
مساعد بابتسامة:ابد قلت اشوفك وابشرك والحين استئذن
ابتسم فِراس:تدوم يارب اذنك معك ياحبيبي
وقفل ، لف لـ ألونَا باستغراب وقبل يدها:لولتي شفيك؟
لفت :منو مُعاذ؟؟؟
ضحك من غيرتها:غرتي؟ ولديّ
وسعه عيونها بذهول:من ويييين لككك كذااب!!!
ضحك وقبل يدها:تصدقين فيني ولا لا؟؟
هزت راسها بنفي بصدمه:لا بس
ابتسم:مُعاذ ولدّي وولدّك مُستقبلًا ياحبيبه قلبيّ
ابتسمت بخجل ولفت :انقلع بايخ!
ضحك وقبل يدها:ياحلوك يالولو
ابتسمت ولفت بتضييع:منو زياد؟
ضحك:تضييعين؟؟ ولد مساعد
انصدما:اما متزوج! ماتوقعت
ضحك:الى متزوج من سنه
ابتسمت:يتربا بعزهم يارب
فِراس:مابعد جا
استغربت:يعني حامل؟؟؟
هز راسه بالإيجاب:اي
ابتسمت بحماس:خللله يعررفني على زوجته احسها كتكوته!!!
ضحك:سميّ بقول له
ابتسمت :تدري احبّك؟
تنهد بحُب:ياكبببر الحُب يالولو بتخليني اسوي حاادث!!
شهقت:لابسم الله عليك بسد حلقي!
ضحك:شدعوه ماصبر!
ابتسم ووقف عند احدى محلات الاثاث :يالله حبيبي
ونزلو وشابكت يدها بيده ، ابتسم وشد عليها ودخلو يشوفون الغُرف المعروضه ، بعد ساعه تقريبًا ، ابتسمت ألونَا وهمست:فِراس
ولا انتبه ، ألونَا عرفت كيف ينتبه :بيبي!!
وسع عيونه بذهول وشد على يدها بابتسامة لان صوتها شويه عالي:لولتي مو من صالحك!!
ضحكت بخفه:شسوي لك ماتسمع!
ضحك:سميّ
ابتسمت واشرت على احدى الغُرف:شرايك فيها؟
ابتسم:حلوه ياعيوني تعالي شوفي التفاصيل
وراحو وشافوها ، فِراس بابتسامة من تقدم لهم احدى الموظفين:بسالك بكم هالغرفه كامله؟
الموظف بابتسامه:26الف
الونَا :فروس احس اوفر على غُرفه
ابتسم:عجبتك؟
هزت راسها بالإيجاب بابتسامة، ابتسم ولف لـ للموظف:كم مده الشحن والتركيب؟
الموظف بابتسامه:عندنا حاليًا طلب على هالغرفه وتكنسل اذا ودّكم فيه
ابتسم :ليش لا اذا كان جديد للان
الموظف بابتسامه:نزلناه المستودع حياكم شوفوه
وراحو معه وفعلًا كان بقراطيسه على قولتهم ، لف لـ ألونَا:ها حبيبي ودّك فيه ولابلون ثاني أو ديزاين ثاني؟
همست له بابتسامه:عاجبك انت؟
ابتسم بهمس:وجودك يكفي
هزت رأسها بنفي:ابي رايك!
ابتسم:عاجبني ياعيوني
ابتسمت:خلاص تم!
الموظف قدم لهم اوراق:خلاص عبوها والموقع وبيتم التوصيل والتركيب اليله
ابتسم فِراس ووقع ودفع ، وقفو بنص المحل ، ابتسمت:شنو باقي؟
ابتسم:مطبخ ومجلس الضيوف وغُرفه ضيوف
ابتسمت وحاوطت يده:اذا ودّك الحين واذا ماودّك عادي وقت ثاني
ابتسم:نشوف ليش لا واذا ماعجبك شي نمر محلات غيرها
ابتسمت وبدو يشوفون، ألونَا:فروس احس نو ماعجبتني ديزاين المطابخ هِنا نروح ثاني؟
ابتسم:تمام وحق الضيوف ااكد؟
ابتسمت:ايوا
ودفع برضو غرفه الضيوف وعبا البينات وطلعو للمحل الثاني وكان جنبه ، ابتسمت من طاحت عينها على مطبخ جميل جدًا بدرجات الون الرصاصي والكُحلي،ابتسم من شاف ابتسامتها:تم
ابتسمت:احببك!
ابتسم:اعشقتس عاجبتس؟
ابتسمت وهي تشوفه؛مرره!!
تقدم الموظف:كيف حابين اخدمكم؟
فِراس بابتسامه:نبي هالمطبخ
ابتسم:حياك معي عب البيانات والمقاس والملاحظات والموقع
هزو روسهم بالايجاب وتقدمو ودفعو ووعبو كل شي وركب السياره، ابتسمت:فعلًا ماتوقعت نُنجز بوقت قصير!
ابتسم وقبل يدها:اهم شي يادنيتي عاجبينك؟
ابتسمت:ايوا احبك مره فروس!
ابتسم وهو يسوق:اعشقككك!!!! بعزمك على عشاء
ابتسمت:فروس سوري لاني احس اوفرت باختياري واسعار الاثاث
ابتسم ووقف عشان الاشاره:اول شي كل مالي وعندي حلالك ولاسمعك تعتذرين على اشياء زي كذا!! واجبي واقل شي ممكن اسويه غير ذالك اي شي تبينه وبخاطرك قولي لي وتبشرين بالي يرضيك يادنيتي
ابتسمت بخجل:أحبّك
حرك وتكلم بذوباان:اهييم فيتس واعشقتس!
ابتسمت بخجل ، بعد خمس دقايق لفت لفِراس من حست فيه شي:فِراس؟
فِراس بتعب يحاول يخفيه:سميّ
ألونَا مسكت يده بخوف:فروس وقف تعبان انت!
فِراس وقف على جنب وسند راسه على ورا:دوخه
ألونَا بخوف :انزل اكمل عنك!
وبعد اصرار نزل وجلس سدح المرتبه ، ألونَا وهي تلف:بنرجع للبيت !
فِراس:لولو
ألونَا بخوف:خلاص فروس مره اجهدت نفسك مافييه!! مابغى شي والله ابغى اشوفك بخير!
سكت بتعب وضيق ، سفطت، فِراس بهمس:لاتقولين لحد
هزت راسها بالإيجاب بخوف:روح جوا طيب اسندك؟
هز راسه بنفي:بقدر امشي بس لاتقولين شي تكفين !
ألونَا:بجي وراك بقول لهم بنام
هز راسه بالايجاب ودخل شبه مُسرع عشان مايدوخ قدامهم نزلت الونَا ولفت لـ مُنادى خالد وتقدمت:هلا خلود؟
خالد بتوتر:شفيه فِراس؟
هزت راسها بنفي بتمثيل:مافيه شي ليه؟
وعد بخوف:اكيد؟ مو تعبان؟
ابتسمت:لا مو تعبان بس صدع شوي من الطريق وكملت عنه لان رحنا محل بالشمال
هزو روسهم بالايجاب بتصديق لان محلات الشمال بعيده حيل عنهم ، إيناس بابتسامه:اخترتو كُل شي؟
هزت راسها بالإيجاب؛ايوا واذا جو بلغيني
ابتسمت وهزت راسها بالإيجاب، انس:بتنامين؟
هزت راسها بالإيجاب:صاحيه من الفجر صحوني بدري اوكيه؟
الياس:ابشري
ودخلت داخل متجهه لغرفتها عساس تنزل عبايتها وتروح غرفه فِراس وخافت من شافته مُستلقي على سريرها بتعب ، تقدمت عنده بخوف تاركه الباب مفتوح:فِراس فيك شي؟ يعورك شي؟
هز راسه بنفي بعدم وعي ، خافت وقاست حرارته وكانت 39 وقفت بخوف وجابت مُسكن قوي وعطته ، دخل بتال بخوف من شافه؛شفيه فِراس!
ألونَا بتوتر:حرراره لاتقول لحد !
بتال بخوف قفل الباب:خل نوديه المستشفى
هزت راسها بخوف:رافض مايبي احد يدري
بتال بتوتر:زين بخليكم وبقول لابوي والعيال لاجو
هزت راسها بالإيجاب، طلع وقفل الباب على دخولهم وتوترو بس سكتو عشانها ، بعد ساعه ، بدا يصحصح:ألونَا؟ شجابني؟
ألونَا كانت جالسه وتمسح على شعره وتقرا بخوف:يعورك شي لحظه!
وقاسته وارتاحت من شافتها نزلت ، جلس بصداع ودوخه:شجابني
حضنته بخوف :روعتني! عليك حراره واديتك مُسكن
ابتسم ودفن وجهه بنحرها:يالبييه والحراره تخليني انام ساعه بحضنك؟ علها دايمه
شهقت:فروس!!
وبدا يقبل نحرها قُبل عشوائيه، ابتسمت بخجل:فروسي خلاص!-ولارد مُمكمل وابتسمت-يابيبي!
سند جبينه على جبينها بهيام:اهيم بتس!
حاوطت رقبته بابتسامة خجل:معد بناديك باسمك بقولك بيبي ترد اسرع!
ابتسم بهيام وقبلها:طالبك لاتقولينها قدام العيال وابائنا!!
ضحكت بخجل:اعرف والله
ودقت ايناس:هلا نوني؟
إيناس بابتسامة:حلوتي العُمال جو ودليتهم لقسمكم بس مقفل
ابتسمت:بنجي الحين ثانكيو
وقفلت :يابيبي بعد العُمال جو خل نشوفهم
ابتسم ووقف :اللهم الثبات!
ابتسمت:لحظه!
ووقفت تشوف رقبتها وحاوطت يده:ايه عبالي بعد كنت بدققك!!!
ضحك وطلعو وكان مافي الى انس ، انس بابتسامة:هلا فِراس طمني؟
فِراس بابتسامه:بخير الحمدالله
ابتسم:دوم يارب
ودخل اليأس بابتسامة:إيناس تدوركم
غمزت ألونَا بخبث:وش دراك؟
غمز فِراس:اعقل مابعد صرت زوجها!
وضحكو عليه وطلعوا، اتجه للقسم وفتحه ، ابتسمت وهي تتجول فيه وتشوف الاثاث والغرف الباقيه وكيف مساحته حلوه ولاحست بالوقت وهي تطالع مع البلكونه ، حاوطها فِراس من الخلف وتكى بدقنه على كتفها بابتسامة:شنو فيك ياروحي؟
ابتسمت ومسكت يدينه على محاوطه خصرها:ولاشي جلست اتخيل
ابتسم ولفها له:خلصو المطبخ
ابتسمت:بسرعه!!
ابتسم:ياعيوني لك ساعتين
انصدمت وضحكت:محد قدي بالهواجيس!
ضحك ومسك يدها:يالله
ابتسمت:لحظه ذي غُرفه منو؟
همس باذنها:مُعاذ
ابتسمت بخجل وطلعت سحبت عليه ، حط يدينه بجيبه وضحك وطلع معها ، ابتسمت وهي تشوف المطبخ الي كان بزاويه امام الصاله العائليه مفتوح وهي تشوف الوانه وكيف مُناسب ، دخلو وعد وإيناس وسُندس وميلا ومعهم مُنظفات وعامله ، ابتسمت وعد:منزل مبارك
ابتسم فِراس وقبل راسها:بوجودك
ابتسمت ميلا وهي تشوفه بدون لاتدخل الغُرف:مره حلو ماشاءالله وشرح يجنن!
ألونَا بابتسامة:مو مُهييئ لاستقبالكم ياعسولاتي بشكل لائق
قرصت خدها إيناس بابتسامه :وسو دا كبرتي وبتتزوجيين وصرتي تعرفين تقولين كلام حلو!
غىزت:شرايك؟
وضحكو الموجودين، وعد بابتسامة:ذي ميتا عاملتك من اليوم بإذن الله وجايين نساعدك فترتيبه وتنظيفه!
ابتسمت وقبلت راسها:ياروحيّ انتو مايحتاج تتعبون كلها كم غُرفه وصلى الله وسلم وبارك!
سُندس:يعني لو ماتشوفين ترا فيه قسمين وغرف داخليه وغرف خارجيه وبلكونتين ومطبخين وماشاءالله شرح وتقولين كم غرفه؟؟
ابتسمت:طبعًا!
ميلا وهي تاكل كاجو:لا بنساعدك عشان تصير العلاقه بيني وبينك مره كويسه لدرجه كل يوم صبح امر بيت اخوي واكل صنف جديد!
غمزت ألونَا:مو لله يعني؟
ميلا؛اكيد
ألونَا:اي حلو عرفت اجل بس سوستي الي بعطيها وانتِ تقلعي برا
وضحكو الموجودين ، وبدو يساعدونها فالتنظيف، وعد بحنيه:شرايك تروحين وتسوين اغراضك وحنا نسوي هنا عشان لاتنكتمين؟
ابتسمت:لاوالله عادي بكمل
وعد بحنيه:وعشان خاطري؟
قبلت راسها بابتسامة:اسوي الي تبينه لـ خاطرك
ابتسمت وعد:روحي وتساعدك إيناس
ابتسمت وطلعت معها ابتسم فِراس وهو يشوف كيف علاقتهم ، تقدمت وعد وهي ترتب بعثره شعر فِراس بحنيه وهمس:وين نمت مالقيتك بغرفتك؟
ابتسم بهمس:جتني حراره خفيفه وصحيت لقيتني عند لولو
ابتسمت بخوف:وكيفك الحين؟
فِراس بأبتسامه:باسعد وافضل حال
ابتسمت وعد:دوم ياعيوني روح ترا شايله لكم بيتزا وشاورما سخنها وخذها مع العصير وروح للولو ترا ماطلعت تعشت
ابتسم:من جد؟ ابشري
وطلع ، دخلو قسم سلطان ، سلطان بابتسامة:لولتي ونوني؟وينك يالولو مالقيتك؟
ابتسمت:نرتب القسم
حاوطت اكتافها إيناس بابتسامة:وبنخطفها قريب
ألونَا عضت يد إيناس:ترا حتى هم بيخطفونك قريب
وضحك سلطان:ايي
ابتسمت بخجل ودخلت وضحكت الونَا عليها ولحقتها
إيناس رفعت شعرها لفوق:شنسوي بالبدايه؟ غُرفتكم جهزت؟؟
ألونَا بابتسامة وهي تتخيل حياتها باكملها مع فِراس:ايوا ركبوها وقضيو
انطق الباب حق القسم وكلهم التفو والبنات برضو لان الباب مفتوح ، انس :هلا ميتا شبغيتي؟؟
ميتا:مدام ألونَا هِنا؟
هز راسه بالإيجاب:اي داخل ادخلي
ودخلت ، سلطان:هلا ميتا
ميتا : هلا بابا سلطان وين مدام ألونَا
تقدمت ألونَا:هلا
ميتا:مدام وعد تقول اساعدك
ألونَا بابتسامة:تمام تعالي
ودخلو ابتسمو وهم يشوفون بنتهم تتدلل وهي لازالت ببيت ابوها ، استلمت ميتا نقل الفساتين وتسفيط الملابس ، استلمت إيناس التسريحه باكملها ، وألونَا تنقل باقي اغراضها ، طق الباب انس، تقدمت ألونَا بابتسامه:هلا ياعيوني؟
آنس بأبتسامه:اودّي شي اساعدكم؟
ألونَا بأبتسامه:اي بالله الوح ذي ثقيله ماقدرت لها
ابتسم وقبل راسها:لو من البدايه قلتي زين بس تعالي دليني ماعرف قسمك من قسم هتان كلهم جنب بعضهم
ابتسمت:ابشر بس ثواني
وخذت شنطه تسحبها وهي حاطه الكعوب بس فيها ، ومشت ، آنس بأبتسامه:وين احطهم؟
ابتسمت وفتحت له احدى الغُرف :هِنا ياعيوني
ابتسم ونزلهم:زين بروح واجيب الي خلصو منه
رمت له قُبله بالهوا:ثانكيو
ومشى بابتسامه ، فتحت باب غرفتها وابتسمت ولفت دخلت مع الباب المتوسط الغرفه وهو لغرفه الملابس وشافت الدواليب جمييعها شفافه من الامام والباقي اطار اسود وكُل دُرج ورف ودُولاب داخله اضاءه بيضاء هاديه وفالنص توسط الغُرفه زي الطاوله مع جميع الجوانب ادراج ومن فوق شفاف للاكسسوارات، ابتسمت وفتحت رفوف الكعب وبدت تبي تمسحهم بمُنظف ومنشفه ، ميتا بالقسم:مدام ألونَا
طلعت بابتسامة:عيوني
ابتسمت ميتا بخجل على تعامل ألونَا الجميل:وين احط ذولي ؟
الونَا بابتسامه:تعالي
وراحت معها دخلت الشنط فغرفه الملابس ومن شافت المنشفه والمُنظف بدات تمسح، ابتسمت ألونَا:بروح اشوف إيناس
وراحت لقسمهم ، ودخلت بابتسامة:هاي نوني
إيناس بأبتسامه وقفت:دن خلصت!
ابتسمت وهي تشوف غرفتها بدت تخلى من الاغراض وتكت على الباب تتاملها بصمت ، حاوط اكتافها سلطان بابتسامه :شفيك؟
ألونَا بغصه وهي تشوف الغرفه:معد بصحى والقاهم نايمين عندي فالارض ولاعد بسمع لهم ولاعد بيجون يسوون لي سوبرايز!! ياخي يع مبي!
سلطان بأبتسامه وهو يمسح على كتفها وفاهم مشاعرها:كلها تصير ليه لا؟ من بعد بيتك يابابا؟
ابتسمت:بس بيتعبو كل يوم يجو
ابتسم ألياس وقبل كتفها:نجيك باخر الدنيّا!
بتال تقدم ووقف جنبها بابتسامة:وبجيك وبفضفض لك لونك هناك وبطرد فِراس يعني معليش اسرار!!
آنس بأبتسامه تربع على السرير الي بقي عليه المفرش فقط:وبجيك كل شوي تطبخين لي
سلطان بأبتسامه:بنفقد عاده وحده لك بس
اليأس بأبتسامه:تحصينك لنا بعد كل صلاه
ابتسمت بغصه:لاذي بنشب لكم فيها! بجيكم بعد كل صلاه بشرشفي واحصنكم!
سلطان بابتسامة:شفتي يعني مامن بعد وهنِا خطوتين وحنا عندتس
سندت راسها على كتف ابوها وهي تطالع اخوانها بغصه:ترا مابيتغير شي بس المكان الي بجلس فيه! ياويلكم تغبون عني شي ولاتكتمون!!!! حتى اذا تبغون شي تعالو لي!!!
بتال بابتسامه قرص خدها:وذا الي بيصير لاتزعلين شدعوه يالولو
مسك الياس يدها وقبلها وغمز:مشاعر ملخبطه صح؟؟؟
ضحكت :صح
إيناس نزلت من على التسريحه وهي كانت جالسه عليها:خلصتو بكي ؟ يالله انت وياه شيلو الشنط ودوها وخير شتبون بزوجه اخوي بعدو بس!!!
وخذتها ومشت ، وضحكو الموجودين ، انس شال شنطه:يمه ثقيله اخاف تطيح وتنحرني لولو!!
ضحك بتال وشال ثنتين:الهمام بس !
وابتسمو وبدو يشيلون ووينقلون لقسمها ، نزلو بالصاله وابتسمو وهم يشوفون الاثاث ووسع البيت ، ألونَا بابتسامة طلعت لوحه مغلفه وفتحتها وكانت رسمه تجمعهم جميعًا ، ابتسمو الموجودين، ألونَا بابتسامه:لوسي تعلقها لي؟
إلياس تنهد:قلنا مو قدامها يالولوو!!!!
إيناس حمرت خدودها ودخلت الغرفه ترتب ، ضربته ألونَا:صييير ثقيل شوي!!؟!!!
ضحك انس:ماش اخواني كلهم طايحين على وجييههم!
شهقت:لحظه نوسه!
انس بوهقه:وشو !
قربت من عنده:اخواني ؟ جمع ؟ يعني!-واشرت على بتال-ذا ييييحب!!!! مييين اعترف سرررريع!!! يارب الي ببالي؟؟؟؟!
ضحك سلطان:من ببالك؟
بتال بوهقه:وش مابقى الى احب!
انس طاح ضحك، ألونَا بحماس:مييين!!!
انس وقف:نقول بوقت واحد انا وياك ونتاكد؟
وبدو يعدون:واحد اثنين ثلاثه تمارا!
وانهارو ضحك من وجه بتال الي تنهد ، صفقت الونَا بحماس:يالبيييه يونس كف زوجات اخواني مُززز!!!!!!
انس :لا انا سبشل لان للان ماصدفتها!
ألونَا:على بلاااطه بتاخذ ميلا!!
انس :خير !
ضحك سلطان:يابوك كلكم واضحين بس ساكتين
وانهارو ضحك ، طلعت ميتا بابتسامة:مدام ألونَا خلصت الاغراض
ألونَا بصدمه:كلها!!ماشاءالله علييك!!
إيناس طلعت بابتسامة:لاممسحه الدولايب برضو مره برافو عليييك شكرًا!
ابتسمت بخجل:واجبي ، بجيب البخور
وطلعت ، سلطان بأبتسامه:ماشاءالله عليها سنعه
انس:منهي ذي ؟
إيناس تكت على كتف ألونَا:عاملت لولو
انس وهو ياكل:اخص عامله بعد؟؟؟
إيناس برفعه حاجب:طبعًا! اجل تبي زوجه اخوي تشتغل ؟؟؟؟ معصي!
صفقو لها ، ألونَا وهي تصفق:حي عييينك!
إيناس :اي وين غرفتي؟؟؟
ألونَا :عزلنا مانبيك!
وضحكو الموجودين ، إيناس بصدمه:انا مستكثره عليّ غرفه!
ألونَا:اعطيها سُندس ولا اعطيها لك الصراحه!
إيناس بصدمه:اح ! توجع ليه!
وضحكو الموجودين، ألونَا وهي تضحك:لاجلست معك ابليس ثالثنا ارحميييني اتعب وانا اجمع حسنات وبجلسه وحده تنسف كلها سوسو على الاقل تقلد وتطقطق ماتحش!
إيناس شمقت وتكتفت:اي اي الله يهنيكم!
وجت بتطلع ، حاوط اكتافها سلطان بأبتسامه:تعالي مابيعتس انا
ابتسمت:ادري لانك سبشل مو زيي غيرك!
ألونَا ضحكت:عشنا بدينا نغزات؟؟
وضحكو الموجودين ، جت ميلا وهي تاكل نفس شبس انس:يالولتشي
ضحكت:وش ذا؟
ميلا وهي تاكل:اول اسم جا ببالي
انس غص:خييير تقلديييني بكل شي انتِ شتبييين يالنشبه!!؟
ميلا شهقت:اقولل هديها ياخر حبه!! وش هالثقه الي عندك اني اقلدك!!؟؟
وانهارو الموجودين ضحك ، ميلا شمقت له وطالعت ألونَا وتكت على الباب:عندي فكره
ألونَا:الي هيّ
ميلا وهي تاكل :بكرا المخيم صح ؟ واذا خلصتو القسم بتنقلون له باذن الله جت ببالي فكره نسوي حنه لك
إيناس:الله كذا اجوا تركيه يونس !
ألونَا:اي بس مابحط حنا وع مادنيه على يدي!
سلطان بابتسامة:ليه يابوك وش زينه
ألونَا:لا الحنا بابا يحطونه هِنا بباطن اليد ولاحب الي كذا احب النقشات الرسمات الخفيفه فوق هنا بظهر اليد اما فالباطن وع!
ميلا وهي تاكل:خليك هبله لو فباطن اليد كل الحضور يحطون لك ذهبه على حجم دائره الحنا فيدك كيفك بس شرايك؟
ألونَا رجعت شعرها لورا بغرور:ياحياتي لو اشر انا على قرام ذهب واحد يجيني المحل كله شعبالك عندي خمس على قل سنع؟
ضحك سلطان:كملي جميلك يابوك
وانهارو ضحك ، ميلا وهي تاكل شبس:معلي منك بقول لولو تم وبتحطين حنا فيدك والذهب عطيني اياه لاتاخذينه خلي هالخمس يجيبون لك غيره!!
إيناس:قلت مو لله جايه
ألونَا بلعانه:عادي بحنتك يحطون لك
إيناس بلعانه؛اي متى تبين نسويها؟
ميلا بعصبيه:كلوزق زين ومالت على الي بيحتفل ويسوي لكم اجوا كريهات!!! وع مابقى الى ذا!!!
ومشت ، وانهاروا البنات ضحك ومعهم العيال ، استئذنو سلطان وعياله وجلسو ألونَا وإيناس على كنبه ، إيناس بهمس:تخيلت يكونو مخطوبين جد!
__________________________
حبيييت شوي ابعدكم عن الاكشن والزعل واعيشكم اجواء العائله ولمتها💘، تخمينكم وش بيصير البارت الجاي😋 ،أعتذر على التاخير بِـ التنزيل ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل
والاقتباس ماحلل القراءه بدون تفاعل🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷