« عزّ الله إنّي في ظبي نجد مغروم .. راعي العيون الّلي مع الزّين خجّله »

«28»

«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
‏«اللهم لاتجعل روايتي تُلهي عبدك عن عبادتك»

ابتسم وطالعها:لبيه
إيلاف بابتسامة:تمارا موافقه والله يكتب الي فيه الخير
ابتسم سلطان:اللهم امين
وليد باستغراب:وش؟
سلطان ابتسم:خطبت تمارا لبتال
ابتسم خالد:الف مبروك والله يتمم على خير
:امين
ابتسم وليد:وصلت السياره للمكان لوفه
ابتسمت:كلشي اكتمل عاد يارب يطلع نفس مابغى
ابتسم خالد وحاوط اكتافها:متاكد بيكون كلشي حلو
ابتسمت:يارب
ابتسم وليد وهو يشوف حماسها وحُبها لعيالها ، جا سهم وطل براسه مع الباب:ادخل ولا اروح بكرامتي؟
وضحكو عليه ، خالد وهو يضحك:تعال تعال
ضحك وجلس بين امه وخالد وطالع خالد:معليش ولونك خالي بعد بس!
وانهاروا ضحك عليه ، ضحك وليد:منتهي والله
ضحك:انا! ماهقيتها منك افااا!
ضحكت ايلاف وضربت كتفه:بسك !
ضحك وطالعها:المهم في مجموعه برا يبونك ماعرفتهم
استغربو ، استغربت ايلاف:مجموعت شنو ؟ ماقالو لك اسم شي؟
سهم:مدري رجال وعيال عجزت اعرفهم هو كني شايفهم بس ماعرفتهم
وطل وليد مع الشباك:لوفه ذولي مو اخوان عبدالله؟
سهم:مدري الصدق كني شايفهم بس ماعرفهم
وطلعو معها ، لبست عبايتها وطلعت ، عيسى'اخ عبدالله ':اخبارك يم سهم
ايلاف بذرابه:بخير الحمدالله
عايد'اخ عبدالله':سمعنى انك بتعرسين؟
خالد تقدم:هالله هالله امرني؟
عايد:مايمر عليك عدو بس بناخذ عيال اخوي معنا ولايجلسون مع غريب
ايلاف بصدمه وانفعال:مع نفسك تاخذهم مالك حق!!!
وليد مسك يدها:هدي مابياخذونهم
عايد برفعه حاجب:بناخذهم يعني بناخذهم
سهم بحده:أحترم نفسك ولاجيت تكلم ام سهم تنزل عيووونك وصوتك لايرتفع!
ايلاف مسكت يده:سهم
عايد:انت سهم؟
سهم بحده:ايه
عايد:اجل جب اختك ومعنى يالله
سهم بحده:ولاحنا بجايين وهاذا بيتنا ومحلنا
عايد:سهم لاتعاند ترضى اختك تعيش مع غرييب!
سهم بحده تقدم وهو حاط يدينه بجيبه:اول شي هاشم مب غريبب ولد عمنا وزوج امنا ذا اولًا والغريب يحل لختي سامع! وغيره مالكم كلمه علينا وتمارا سوا جلست عند هاشم ولا عندي ولاعند زوجها محدٍ له دخل فيها !!
انصدمو عمامها ويحسبونها مو متزوجه ، عيسى بصدمه:وليه ماندري؟؟؟؟
سهم بحده:وهذاك دريت ليه من انت عشان ناخذ بشورك ورايك؟
عيسى بحده:عمك وتحترمنني غصب عنك!!
سهم بحده وصوت عالي:هذااك اول يومن ابوي عايش رحمه الله عليه ينقال لك عم عمنا الوحيد سائر ولاغيره احد وانت الي قطعت القرابه وبالي مايحفظكم. لاكن!-تقدم بعصبيه ورفع اصبعه بتهديد-والله ثم والله ان شفتكم حول امي ولاختي انا اول من ينهيكم سامع!!! ولرجعت لكم عقولكم عودو غيره بيت جدي يتعذرك انت وياه!
طلعو بعصبيه والدم يفور فيهم ، لف سهم بعصبيه وجا بيدخل ، مسك يده وليد:سـ..
نفض سهم يده منه بعصبيه:وليد ابعدد عنييي احسن لك!!
وراح بعصبييه ودخل قسمهم ، كلهم ماكانوا فاهمين سبب كره سهم وتمارا لعمامهم ، تنهدت ايلاف بضيق:عجززت اعرف ليه يكرهونهم عجزت!
خالد:ماقالو لك شي؟
سلطان:متعرضينهم هم؟
ايلاف رفعت كتافها بعدم معرفه:مادري ماقالو لي شي ابدًا
كانو كلهم من بنات وعيال مصدومين من عصبيه سهم ، الونَا بصدمه:ذا سهم متاكدين؟
سُندس بصدمه:اشك الصراحه
وانهارو ضحك كلهم ، هتَان ضحك:انصدمت الصدق
ضحك بتال:يحليلكم ماشفتو شي من عصبيه ذا ولاشي منها
الونَا بصدمه:وين الهادي والي ماله حس وصوت؟
انهارو ضحك ، دخّلت إيلاف للقسم على طلعت سهم كان لابس لبس النادي ونزل للنادي ولحقته ايلاف ، كان يتمرن عشان عصبيته ماتطلع على اهله ، ايلاف تكت على احدى الات الرياضه:سهم شفيك؟
سهم وهو يشيل حديد:ولاشي!
ايلاف:سهم انا امك!-تقدمت قدامه وحاوطت خدوده بين كفوفها بحنيه الارض كلها-يصير تقول لي ليه تكرهونهم انت وتمارا ؟ ليه ياماما؟عمامكم ذولي والا قطع صله الارحام
سهم تنهد وقبل راسها:هم الي قطعوها يمه حنا ماقطعناها
تكو خواله عندهم ، وليد:طيب ليه تكرهونهم لهدرجه تقولون بس سائر عمكم ولاباقين لا
سهم طالعهم ببرود:لانهم مو عمامنا
استغربو،سلطان باستغراب:سهم ابوي فهمنا كيف مو عمامكم!
سهم نزل الحديد بهدوء:لان بختصار ابوي مو اخوهم
انصدمو كلهم ، خالد بصدمه:سهم صاحي؟ ابوك اخوهم الكبير!
سهم بهدوء جلس بالارض :لا مو اخوهم ولد عمهم ويومنه درا جته الجلطه وتوفى الله يرحمه
انصدمو كلهم ،ايلاف بصدمه:كيف مو اخوهم محد قاال شييي!!!
جت تمارا وجلست:مو اخوهم وتراهم مرضعيني مع سائر ومرضعيين سهم مع رودينا؟
انصدمو كلهم ، ايلاف بصدمه:من قال هالكلام محد رضعكم مع احد؟
تمارا بهدوء:تذكرين وقت وفاه مدري مين وقت ولدتيني؟ خذتني الي ينقال لها زوجه ابو بابا ورضعتني مع سائر ووقت سهم وروديينا خذته مرضعه سهم وبدلت الحليب الي فيها وانتِ رضعتي سهم منها وقت ما ابوي الله يرحمه درا جته جلطه وتوفى وسائر ورودينا بلغونا على طول وحنا مانعرف اساسا اننا اخوان ويوم امهم بالعنايه بتموت علمت سائر
كانو مصدومين وبشكل كبير ، سهم بهدوء:عرفتو ليه نكرههم؟؟؟ لنهم ذلونا على الورث ذل وجالسين يذلونا عبالهم مانعرف الحقيقه ويبون بختصار ياخذون الي ورانا ودوونا ويرمونا بالشارع
تمارا بهدوء:وكانت الخطه عساس يزوجوني بذاك ولدهم ويجلسون يهددون امي وجدي
سهم بهدوء وقف:ولالي عم وعمه غير سائر ورودينا ولونهم اخواني بعد عمامي
وقفت تمارا بهدوء وطلعت معه ، كانو مصدومين صدمه ، ايلاف وهي تطالعهم بصدمه وتاتاءه:متى كيف شلون ماحسسييت!
حضنها خالد بصدمه:كلنا ماندري كلنا هديي
وليد بحنيه:خلاص ايلاف طنشي ولعد تهتمييين امشي نجهز اغراضك وحفلت تمارا امشي!
ومشت معهم وهي مصدومه وجدًا مو قادره تستوعب وقررت تتناسى وبعدين تفكر ، دخلت ايلاف ولقت تمارا جالسه على الكنب:مانمتي؟
تمارا طالعتها بابتسامة:ساعه كفتني بساعدك باغراضك
ابتسمت ايلاف:تعالي يالله
ابتسموا وراحو يجهزون ، طلعت ايلاف فُستان لونه بيبي بينك ماسك وفيه طيات وكسرات وشك فصوص سوارفسكي المُربعه ومدته لتمارا بابتسامه:ابيك تلبسينه اليوم
استغربت وخذته:لايش؟
ايلاف مثلت:نسيتي! زوج بنت صحبتي اليوم وابيك معاي
تمارا:تمام ابشري
وحطته على جنب وكملت تساعدها ، الساعه 9 دخلت سُندس عندهم:ماجهزتو؟
تماارا:بتحضرين انتِ بعد؟
سُندس بعدم فهم:احضر وش؟
ايلاف بترقيع وتاشر لسُندس من بعيد:زواج بنت صحبتي سُندس شفيك نسيتي-طالعت تمارا-اي ماما كلنا بنحضره
استغربت بس ماعلقت:متى نروح عشان اجهز؟
ايلاف:الحين ماما ابدي اجهزي الساعه3بنروح المكان
هزت راسها بالايجاب وخذت فستانها والكعب وراحت لغرفتها ، سُندس بهمس:بغيت اجيب العيد
ايلاف ضحكت بهمس:والله نفسسك يالله اجهزو عشان نمشي بدري ترا عزمت صحباتها واقاربنا حنا مو واجد بس اهل ارين واهل يبه حمد
وراحت سُندس بلغتهم وكملو تجهيزات، بعد ساعتين ، ابتسمت الونَا برِضى تام عن شكّلها ووقّفت تعطرت ولبست كعبها الاسود وكان فُستانها تايقر جميل جدًا ماسك على جسمها ومبين تفاصيلها ونحُوت خصرها بشكل جميل جدًا وشعرها ويفي فيه فوليوم جميل جدًا ولابسه اكسسورات ذهب ناعمه تعطرت وطلعت بابتسامة،وقف فِراس بابتسامه تامل ومسك يدها دورها:بسم الله ماشاءالله استودعتك اياه بعينه التي لاتنام
ابتسمت بخجل ولفت بدلع واناقه:شكلي حلو فروس؟
ابتسم وحاوط خصرها:تجذبين مُبهره وجميله وانيقه كالعاده ياحبيبي
وقبلها بحُب ، ابتسمت بخجل:فروس بابا واخواني حيجو الحين! روح مسح الروج!
فِراس بهيام شد على خصرها:اويلي بس لولا الهيبه وكلمة الرجال كان طلعت قدام العالم كلهم هلّون
حاوطت رقبته بدلع:وانا مارضى ياحبيبي تطلع كِذا
ابتسم وقبلها وراح يمسح من انطق الباب ، فتحت بابتسامة، وابتسمو اخوانها وابوها ودخلو وحصنوها ، الونَا بابتسامة خجل:جد جد بدون مجاملات ياهو!
انس تنهد:نقول تيس تقول حلبوه!
فِراس تنهد:ماتقتنع !
وضحكو ، ابتسمت بخجل:نوني وميمي جهزو؟
الياس:نصيحه يالولو لاتروحين نصيحه
انس:صحيح ولابيطلع لك صعروره بجبهتك
فِراس:عاشو!
وانهارو ضحك ، ضحك فِراس:من واقع تجربه يالولو وكلنا كلينا هوا ماله داعي تلقمين معنى
انس:وين نتفتي؟
الونَا:ماش يانوسه
ودخلت وجابتها بابتسامة وكانت ملبستها فُستان احمر فيه فيونكه بالنص ، انس بتمثيل:اويل حااااالييي
فِراس بتمثيل:لحظه كثير عليّ كذا!
سلطان بأبتسامه:استودعتكم الله
الياس:وسووو دا!!
بتال قبل يدها:اكل يدتس ولاشسوي فييتس انا!
انس :اويلي وحاطه احمر ولابسه احمر؟!!!!!
فِراس:والله كثير على قلبيي!
الونَا ابتسمت:صراعات لين ماحطيت المناكير وخلصت
سلطان بتذكير:بابا لولو لاتنسيين!
الونَا بتمثيل جلست:انسى شنو؟
بتال:وابوي يحفظك من الصبح وش؟
ضحكت:شدعوا انسى لامعلييك واساسا ميتا بتجي عشان تجلس وياها
انس باستغراب:وشو؟
سلطان بتذكير:انتبهي يالولو! وأي احد قال شي ولامسكها حرصي تسمعين ذكر ربي منه!
ابتسمت:ابشر ابشر
بتال طالع انس:يقول لها ماتطلع جوجو كثير للضيوف ولاتخليها وياهم لحالها عشان العين والحسد
انس ضم جِوان لصدره:لابسم الله عليها شدعوه يبه!
سلطان:الحيطه والحذر افضل وين ميلا؟
انس:تتجهز
وانفتح الباب وكانت لابسه عبايتها عشان فستانها ، اشر سلطان لجنبه:تعالي جنبي
وجلست ، وجلس يقرا الأذكار ويمسح عليها بتذكير:ابوي ميلا اي احد يساالك انفي وقولي مو حامل زين؟
ميلا:ليه
سلطان بتحذير:ولاترقصين وتتحركين كثييير!
بتال طالعها:انتِ وزوجتس فاهيين عشان العين والحسسد
ميلا:اها لامعليك توتو من اليوم تعطيني محاضرات ماتشوفني منحاشه
وضحكو الموجودين ، دخلت ايناس وهي لابسه عبايتها:خيانه خيانه خيانه!
سلطان ضحك واشر لجنبه الثاني:تعالي بذا
وجلست وبرضو قرا عليها الاذكار بتذكير:اذكارك لاتنسييينها زين؟
ايناس:سم!
ضحك بتال:ابوي مجدول عليكم اليوم
وانهارو ضحك ، ابتسم سلطان:بنياتي لاززم! ها يابوي جهزتو ؟نمشي؟
:ايوا
وقف سلطان:اجل يالله توكلنا على الله قبل الضيوف يجون
ومشو توزعو بالسيارات ، ابتسمت الونَا:لحظه فروس تعال بنصور
ابتسم وصورو كم صوره وفديو سوا وكم صوره وفديو وجِوان معهم لوكيت واحتفظت بصور ثانيه. ولبست عبايتها ومشت جت ميتا وخذت الشنطه الي فيها لبسه لـ الونَا عشانهم بيسهرون بالشاليه واغراض جِوان ومشت معهم ، وفعلًا الكُل حرك وصلو الساعه 1للشاليه وكان شالييه كبييير اشبه بقاعه الافراح ، نزلت تمارا باستغراب:ماما واصلين قبلهم!
ايلاف حاوطت اكتافها:الحفله لك ياعيون ماما
تمارا بصدمه:حفلت شنو!
ابتسم سهم وقرص خدها:تخرُجك ياعسل
ابتسمت بواسع ثغرها وطالعت امها:تمزززحيي!
ابتسمت ايلاف وحضنتها:مبروك ياحبيبي مبروك ياعيون ماما
ابتسمت وحضنتها:يبارك فيك احُبّك ماماا!
ابتسمت ايلاف وبعدت حاوطت خدودها بين كفوفها:اعذريني ياعيوني سويتها متاخر بس عشان الهديه تاخرت برضو
تمارا وهي تمنع عيونها بعيون مُمتله دموع:مره احُبّك مره!
وحضنتها بقوه ، ضحكت ايلاف:بسك خلاص ببكي وياك الحين ويخرب الميكب
وقف هاشم سيارته ونزلو حمد وانفال وكِناز منها ، ضحكت كِناز:شنووو صاحبه الحفله تبكي ولايتهيئ ليّ؟
ضحكت تمارا وهي تمنع دموعها وبعدت من حضن امها:يهيئ لك ياحبيبي
وحضنتها انفال بابتسامة:مبروك يامي
ابتسمت:يبارك فيك حياتي
هاشم بابتسامه من بعيد:الف مبروك تخرجك
ابتسمت:يبارك فيك يارب
ودخلو العيال قسمهم والبنات قسمهم ، ابتسمت تمارا وهي تمشي وتتامل الاستقبال والهدايا الي من اهلها وحضنت امها بمشاعر:حظييي كبييير انك أُمي
ابتسمت ايلاف وحضنتها وهي تمسح على ظهرها:والله انا الي ياحظيييي فيك والله!
ابتسم وليد من برا:ايلاف في احد؟ بجي
طلعت له:هلا سم
ابتسم ومد الدفتر:العقد يابوي
ابتسمت ووقعت،قبل راسها بحنيه:الف مبروك والله يهنيكم يارب
ابتسمت:يبارك فيك اللهم امين
ابتسم:سلطان يقول متى تبون عقد بتال وتمارا؟
ايلاف:عادي والله باي وقت يبونه ماعندي مُشكله
ابتسم وقلب الصفحه:اجل ناديها
ونادتها ، جت:هلا لودي
ابتسم:اقري اذكارك! تبين بتال؟ موافقه عليه؟
هزت راسها بالايجاب تبلع خجلها،مد الدفتر بابتسامة:طيب توقعين؟
تمارا بتوتر:الحين؟
وليد:ايه
ووقعت بتردد وهي تشوف توقيع سهم تحت بانه وكيل العروس ، قبل راسها وليد بحنيه:الف مبروك ياعيوني والله يهنيكم يارب
تمارا بخجل:يبارك فيك ياروحي امين
ابتسم سهم وجا بغصه ومشاعر جياشه وواضح باكي:خلاص يعني؟ تزوجتو؟
حضنته ايلاف بصدمه:سهم ابوي باكي!!! ليه ياماما؟
ابتسم وقبل كتفها:مبروك ياروحيّ الله يوفقكم ويسعدكم يارب
ابتسمت إيلاف وحاوطت خدوده بين كفوفها وقبلت جبينه:يبارك فيك ياعيوني وعُقبالك
ابتسم:امين يادنيتي
حضن تمارا بغصه:مبروك توتته مبروك ياروحي الله يهنيكم ويسعدكم يارب
حضنته بهمس:لاتبكي سهم لاتكسرني
ابتسم وقبل كتفها:سميّ
ولف راح ورا الشاليه ولاهو بقادر يمسك دموعه من كبر فرحته بامه واخته، سُندس بتوتر:سهم صد !
فهى وسهى فيها وبطلتها، سُندس بخجل وعصبيه خفيفه:صددد يامال العمى والبرص صد لافقع عيوونك !
ضحك وصد:سميّ واعذريني مانتبهت
سُندس بخجل:حصل خير
وعضت شفتها بخجل من كلمتها ، ابتسم ومشى ، دخلت وهي محتره من الخجل بسبب فُستانها ابيض ماسك على جسمها يوصل فوق الركبه وثابت عليها بدون حبااال ، شلغو الاغاني من بدا الحضور يجي
ورقصت ايلاف ويا تمارا بحنيه وابتسامه ودلع وغنج على:
‎كل وعد وعدتهولك هوفيه لك ما تخافيش)
‎كل حلم هيجي وقته وبأوانه ما تقلقيش
‎مش هقصر يوم معاكي صدقيني
‎اجمدي ده أنا بقوى بيكي ما تضعفيش
‎أنتي نفسك كنتي حلم في يوم حلمته
‎فضلت أعافر في الحياة لغاية ما طولته
‎وأنتي زي ما كنتي واقفة في ضهري ساندة
‎هتسنديني وهعمل أكتر من اللي عملته
‎أنتي نفسك كنتي حلم في يوم حلمته
‎فضلت أعافر في الحياة لغاية ما طولته
‎وأنتي زي ما كنتي واقفة في ضهري ساندة
‎هتسنديني وهعمل أكتر من اللي عملته
‎آه
‎اوعديني إن أنتي تبقي زي ضلي ما تبعديش
‎كل صعب علي عدى وأنتي جنبي ما هزنيش
‎الوحيدة اللي في حياتي تفهميني
‎(واللي بيها وليها عمري الجي هعيش
ابتسمو وكانو يصفقون لهم بابتسامة وحُب
وشغلت ايناس أُغنيه ورقصت هيّ وتمارا وألونَا وميلا تتمايل بشويش ووياهم نرجس على:
‎بينت الحب عليا مهما احاول اخبيه)
‎واديتني حب حقيقي مابقيتش اعيش غير بيه
‎وعنيٌه خذت على صورتك .. وشفايفي خذت على سيرتك
‎والناس تهامسوا عليا .. ايه اللي تغير فيا
‎الحب بان في عيوني .. وايديه تقول خبوني
‎من شوقها للمس ايديك
‎والدنيا تبقى انا وانته .. ولا بسأل فين او امتى
‎طول ماانا في حظن عينيك
‎وعنيٌه خذت على صورتك .. وشفايفي خذت على سيرتك
‎والناس تهامسوا عليا .. ايه اللي تغير فيا
‎بينت الحب عليا مهما احاول اخبيه
‎واديتني حب حقيقي مابقيتش اعيش غير بيه
‎وعنيٌه خذت على صورتك .. وشفايفي خذت على سيرتك
‎والناس تهامسوا عليا .. ايه اللي تغير فيا
((وغنو بحُب سوا على هالبارت))
‎الحب بان في عيوني .. وايديه تقول خبوني
‎من شوقها للمس ايديك
‎والدنيا تبقى انا وانته .. ولا بسأل فين او امتى
‎طول ماانا في حظن عينيك
‎وعنيٌه خذت على صورتك .. وشفايفي خذت على سيرتك
‎والناس تهامسوا عليا .. ايه اللي تغير فيا لسه بيهمس قدامي
‎اتريه الهمس الباقي .. جوايا من اشواقي
‎بعد كلامك وكلامي
‎وعنيٌه خذت على صورتك .. وشفايفي خذت على سيرتك
‎والناس تهامسوا عليا .. ايه اللي تغير فيا
‎لسه بيهمس قدامي
‎اتريه الهمس الباقي .. جوايا من اشواقي
‎بعد كلامك وكلامي
‎وعنيٌه خذت على صورتك .. وشفايفي خذت على سيرتك
‎(والناس تهامسوا عليا .. ايه اللي تغير فيا
وابتسمو وصفقو لهم الحضور وكان ايضًا منهم اقارب تمارا نشبو لرودينا وسائر الي عازمتهم ايلاف وسهم وجو ، شغلت سُندس أُغنيه ورقصت ألونَا بنعومه وذرابه ورقه ودلع وانضمت لها تمارا بدلع وغنج وبعدها انضمو سُندس وايناس وميلا وليلاس ونرجس
(لا مشى يمشي على ضلوع صدري ولاني طايل
لا سما ولا أرض ربي عساه يوفقه
قيد إحساسي بقيده وسوا بي الهوايل
أما ياخذ عقلي كله، كله ولا يطلقه
لا مشى يمشي على ضلوع صدري ولاني طايل
لا سما ولا أرض ربي عساه يوفقه
قيد إحساسي بقيده وسوا بي الهوايل
لا سما ولا أرض ربي عساه يوفقه
أما ياخذ عقلي كله، كله ولا يطلقه
أما ياخذ عقلي كله، كله ولا يطلقه
فزي له يا أرض لا جاك بشويش يتمايل
هو مو قصده ولكن كذا ربي خلقه
ربي خلقه
‏ماله حل وغيره ما أبغى ولا أرضى له بدايل
ما أبي غيره وغيره يبيني أعشقه
جيت وفي الخاطر كلام ورجعت وماني قايل
كل ما شفته يضيع الكلام ومنطقه
‏ماله حل وغيره ما أبغى ولا أرضى له بدايل
ما أبي غيره وغيره يبيني أعشقه
جيت وفي الخاطر كلام ورجعت وماني قايل
ما أبي غيره وغيره يبيني أعشقه
كل ما شفته يضيع الكلام ومنطقه
كل ما شفته يضيع الكلام ومنطقه
فزي له يا أرض لا جاك بشويش يتمايل
هو مو قصده ولكن كذا ربي خلقه
(ربي خلقه (ربي خلقه
لا مشى يمشي على ضلوع صدري ولاني طايل
لا سما ولا أرض ربي عساه يوفقه
قيد إحساسي بقيده وسوا بي الهوايل
أما ياخذ عقلي كله، كله ولا يطلقه) وكانت الونَا ماخذه الجو والانظار بلبسها وجسمها ورقتها ودلعها وفُستانها فيه زي الرِباط شدته وربطته من تحت لين ماوصل طول فُستانها لين ركبتها اليُمنى مكشوفه واليُسرى مُغطاه بالفُستان وشكله زي الطيات والكسرات ،انسحبو البنات بالتدريج بشويش وكملت الونَا لين مانتهت الاُغنيه ،
ونزلت مُتجهه عساس رايحه لجدتها وتمسكها عجوز من اقارب تمارا ، العجوز بابتسامة:شمستس يابنتي؟
الونَا بدلع وذرابه:ألونَا الونَا سلطان الراشد سميّ ياخاله
العجوز وهي تذكر الله:ماشاءالله ماشاءلله معرسه؟
الونَا بدلع وابتسامه:اي ياخاله
ماصدقت العجوز:منهو رجلتس؟
الونَا بدلع وذرابه:فِراس خالد الراشد ولد عمي
العجوز بعدم تصديق:لا يقولون حرمه تو والد وانتِ مالتس بطين
الونَا ضحكت بدلع:رجع جسمي زي أولّ ياخاله بعد الولاده
ماصدقت العجوز:وينهو ضناس؟
ألونَا بأبتسامه:بنتي جِوان نايمه جوا
ايست العجوز:زين الله يستر عليتس
ومشت ، جلست الونَا على الطاوله:ذي مين؟
ضحكت تُقى:تصير اخت عبدالله الكبيره من ابوه
الونَا وهي تشرب عصير:علقت عليّ نشفت ريقي وربيي!
ضحكت نرجس وجلست بتعب:العجوز صامله ان لولو مو متزوجه ولولو تقول متزوجه
ضحكت:ماصدقتتتني اني زوجه فِراس تقول لا حرمه تو والد وانتِ ولاهو مبين عليتس ولالتس بطين قلت نحفت وتقول وينهو ضناس قلت نايمه جوا شوي وتاكلني
ضحكو الموجودين بانهيار على تقليد الونَا ، تُقى مسكت يد نرجس:لاترقصييين توك والد صاحيه انتِ!
انفال:جد يمه نرجس توك نفاس مايصير اجلسي ولا ادخلي جوا تمددي وتدفي اريح
نرجس:شفيكم علي ابي ارقص ياخي!
ايلاف جلست:نرجس والله مايصلح أهجدي خلاص كفايه بعدين ترقصين
نرجس بحلطمه:اف خلاص طيب!
وعد عطتها شال:لبسك مره مايدفي خذي ذا ويناسب فستانك
خذته لانها فعلًا بردانه بابتسامه ورمت لها قبله بالهواء:تعلمو كذا !
ايناس طالعت الونَا:امداك غيرتي فستانك!
ضحكت:لا ماغيرته بس ربطته وبس
سُندس غمزت:بس لولو ستل جسمك يجنن مره ماشاءالله مالوم العجوز يوم ماصدقت ههههه
وضحكو ، ضحكت وهي تطالع خصرها:جد زي اولل؟
ميلا بابتسامة:واحلى بعد انتِ حلوه بكل حالاااتك
إيناس بابتسامة:لاصدق نحفتي بعد اكثر !
ابتسمت:اشوا ولا اسمن
ايلاف بابتسامة:اساسا اذا ولدتي تنحفيين اكثر من قبل بس مع الاهتمام يبين ولولو ماشاءالله عليها مهتمممه وماشاءالله ضبط جسمها
جت تمارا وجلست:يقلع ابو البشريه ياولد
انهارو ضحك بصدمه من فصلتها،ضحكت وهي تاكل فطاير:اقول لاتشرهون مواصله من امس ولانمت الا ساعه بس
أيلاف قربت لها حلى:كلي ماكلتي شي من الصبح
اكلت:والله من امس وأنتِ الصادقه
سُندس:كذابه مجدولين على الستريك انتِ وبتال بالكفيتريا تبلعون!
ضحكت:لحول مشي عاد!
وضحكو ،ايلاف:توته جدد اكلتي ولا لا؟؟؟
تمارا ابتسمت ومسحت يدها:الا والله اكلت ولاجالسه بمستشفى لاحسييب ولارقيب والصرافه بيدي طلبت ثلاث مطاعم !
ضحكت الونَا:وتقول ماكلت من امس
ضحكت:ولا دقيت حنك مع المرضى وكل ماجا مندوب اكل حطيت الاكل بمكتب سيف ودق بتال قال خمس دقايق ماجيتي تاكلين اكلك بوزعه على الفقراء والمساكين ورحت كلته بارد اكتشفت اني اطول بالهرج مع المرضى
وانهارو ضحك ، ضحكت تمارا:اساسا الاكل لو ماكلته تجمع عليه نمل ووقتها سيف يتوب يعطينا مفتاح المكتب
ضحكت الونَا:سيف مثل المثل الي يقول اتقي شر الحليم اذا غضب
تمارا وقفت:تعودنا عليه ياشيخه الوضع ايزيي
وراحو يكملون رقص وضحك ، وجا العشاء وتعشو الضيوف ، وبِـ تمام الساعه11:34 فضيّ الشاليه من الضيوف وبقيو اهل المحل بس، فكت الونَا ربط الفُستان وصار طويل وساتر ولفت الشال على اكتافها وبالمثل البنات ودخلو العيال ، جلس فِراس جنب الونَا بهمس:ليش مابدلتي!
الونَا بهمس حطت جِوان بحضنه:عشان جوجو ترضع هديها!
وراحت ودخلت بدلت ولبست بنطلون اسود جدًا واسع ومع ربط عند الخصر وربطته شدته على خصرها فقط ولبست بلوزته سوداء واسعه وعليها رسم وكِتابات من الخلف وطلعت جلست جنب فِراس وهمست:رضيت يالغيور!
ضحك بهمس:ولو
الونَا بهمس:اصبر يافروسي طبك عندي خلينا نرجع
همس لها:انشهد ان طبي ودواي عندك!
الونَا سفهته بخجل:ميمي اديني ورق عنب
وعطتها وجلست تاكل :بس جد ذا لذيذ من وين؟
ميلا قرت اسم المحل:^^^ شفتهم فالاكسبلور بس ماتوقعت حلو مره
الونَا:لاجد لذيذ وناطع حلو توفقت فوفه بالاختيار
تمارا:انا مُنبهره للان ومصدومه كيف مدريت وكلكم تدرون!!!
ضحك سهم:والله يالله مسكنا انفسنا مانزل قدامك بشي
سُندس ضحكت:اساسا بغيت اجيب العيد على اخر شي اليوم يوم سالت وين بتروحين
تمارا ضحكت:ولا ماما تقول شنو بنروح زواج بنت صحبتها
ايلاف:اهم شي مشت عليك؟
وانهارو ضحك ، وقفت ايلاف بابتسامة من شافت رساله وليد:تعالي بوريك شي
وراحت باستغراب وكلهم لحقوها بصمت واستغراب من اشر وليد لهم يقومون وكانو وليد وسهم وخالد وسلطان الوحيدين الي يدرون ، ايلاف غطت عيونها وفتحتها من وصلو الحوش بابتسامه:شرايك؟
تمارا بصدمه صرخت وطالعتها:كـــــــــذابه!
ضحكت ايلاف ومدت المفتاح:تتهنين
تمارا حضنتها بفرحه:أحُبّــك أحُبّـــك أحُبّـــك!
ضحك سهم:شرايك توته؟
وليد ابتسم:شوفي عاد اذا ماعجبك الون بصفقققك!
تمارا بفرحه صدمه:كذابين كلكم تدروون!
ضحك سلطان وحضنها:الله يعطيك خيرها ويكفيك شرها يابوي
ابتسمت وحضنته:اميين ياعيوونيي
وليد:تعاالي شوفيها من جوا
ابتسمت وهي تشوف كلشي نفس ماتحبه وتبيه وحضنت ايلاف مره ثانيه:اخ ماما مررره شُكرًاااااا!
ابتسمت ايلاف وقرصت خدها:تتهني ياعيون ماما
ابتسمت وتنهدت براحه وطالعت سهم:احس يبغى لك كف كفين!
سهم بصدمه:لابلاه؟؟؟ شسويت ترا انا الي معلمهم وش تحبين وش ماتحبييين يالجحود!
تخصرت:وليه ماعلمتتني؟
ضحك:عاد ذي كنت تكه واقول لك وتم القبض
انهارو ضحك وحضنها:مبروك ياعيوني وتتهنين فيها
ابتسمت:يبارك فيك وامين
ابتسم فِراس:عاد الله يعينك على بوابات الفلل بتحك فيها من تحت
تمارا بصدمه:اما عاد!
ابتسم بتال:اي والله وتعدمها لك
الياس:وقفيها بالبركنق الي برا
تمارا ميلت شفايفها وهي تطالعها:قلبي مايطاوعني!
انس ضحك:والله كلنا مايطاوعنا!
انهاروا ضحك ودخلو يكملون السهره ونرجس دخلت تنام لانها تعبت ، الونَا بتقليد:توته ركزززري معي ابي اعرف الي تكلمت كذا منهي طيب-وقفت بتقليد وغنج مقرف ومط كلام-انتِ تصيري لتوتتي؟ انيوي بلغيها تيجي عندنا ولابنذل اُميها بالمحكمه والي طول ليسانو على ماي داد حنقطعو لو اوكيه يالله تشاو -وجلست بقرف-ويع ويع ويع كرييها يمه ماتخيل تمارا تتكلم كِذا!!!
انهارو ضحك ، تمارا بتذكر:شعرها مدري كيف
الونَا بشرح:ايي قاصته مدرج غريب كانو بوي بس مو بوي وماعرف كيف وفيه خصل شقرا وحاطه بيرسنق تحت شفايفها وفحاجبها
تمارا بتذكر:مدري بس بنت ذاك الي ينقال له عمي عيسى وييييع!
سهم:اها اي اجل انا الي بينقطع لساني ؟
تمارا:وانا الي بتنذل امي بالمحاكم؟
ضحك وليد:يخسون
تمارا:اوريديي يعقبون ويخسوون ذا الهطوف
ضحكو الموجودين ، ضحكت تمارا:وربي زلاييييييب طول بعرض والاشناب خاطه وجيههم ويتراعدون من كلمه وحده من سهومي!
ضحك سهم:اشباه الاشناب والرجال يابابا زييين؟
انهارو ضحك بصدمه على استهزائهم وطقطقتهم ، ضحك حمد:الله يقلع بليسكم بس
ضحكت إيناس:هيا ورينيي كيف حياخدوكم
ضحكت الونَا:مايقدروون
ايلاف بخوف:لاجد
ايناس بصدمه:ايلاف منجدك مايقدرون اساساااا تمارا وعلى ذمه رجال وراشده بالسن القانوني وكلمتها تنسمع وسهم رجال وراشد بالسن القانوني وكلمته تنسمع
الونَا:يعني كلمه حضانه ممحيه لانهم مسؤولين عن انفسهم!!!
وليد حاوط اكتاف ايلاف:وكذا ولاكذا يحلمون يقربونهم
الونَا بهياط:حبيبي حنا الراشد مو اي احد
ايناس بهياط طقت ببيالتها بالارض بخفه:والراشد لاقالو كلمه ماتنثنى ولاتبتدل!
هتَان:اويلي هياطهم ذا بيخليني اروح واذبح قبايل!
الياس:اقول ششت جاني حماس تصفيق امش نصفق الي يطلع بوجهنا!
انهارو ضحك ، ضحكت الونَا وطالعت ايناس:بنهياط قدام الشيبه عشان يشوشون ويكسرون راسه
ضحكت ايناس:يالبيه صدق وحنا ماننفضل ولاينقص راتبنا
الونَا:والاحلى ماينكتب فينا محضر وتقرير
وانهارو ضحك الموجودين ، ضحك عبدالعزيز:وانتم متعقدين منه للحين؟ معليكم منه لاتعطونه وجه صدقوني هو بيمل ويحول على غيركم
الونَا:من قال نعطيه وجه؟
ايناس:ستيني منتهي نسلك له ونبستم نكسب من وراه صدقه
الونَا ضحكت:لا ويبلع من المويا الي ننزله شفتي المراءه الي سقت كلب ودخلت الجنه؟
انهارو الموجودين ضحك على فصلتهم، وراحو الونَا وفِراس يصورون مع جِوان امام المرايه الموجوده بحديقه الشاليه وجلسو على الكرسي الهزاز وجِوان بحضن ألونَا ، فِراس ابتسم بصوت خافت:لولو سوال وش مقصدك تبدلين بعد ماجيت؟؟
ضحكت الونَا بصدمه:فِراس؟
تنهد:ياخي التايقر عليك حلو تطلعين فيه قدامهم ليه؟
ابتسمت بخفوت:ترا كان اقصر للعلم
استغرب:شلون؟
ورته صورتها:يوم جيتو فكيت الربط
وسع عيونه بصدمه وهو يشوف:الونَا اوفر قصير معليش ماتلبسين كذا الا عندي وبسس!
الونَا خذت جوالها:بس يالغيور بس!
تنهد بحُب:والله يحق لي اغار عليك!
ضحكت من تذكرت:تخيل مسكتني عجوز تصير عمه تمارا طيب وتقول لي وش اسمس وبعدين قالت معرسه قلت ايه قالت من رجلتس وقلت عنك قالت تسذبين هماهم يقولون حرمه تو والد قالت الا انا قالت وين بطنتس وسوت تحقيق قلت نحفت وهاذي بنتي نايمه داخل وهي تكشر وتمشي
غمز:عز الله اني حظيظ فييك وجسمك يالولو ليه تلبسين فساتين ضيقه خلاص فستانك اليوم من ضمن الممنوعات والمحضورات امام الملا! خير مره مبين تفاصيل جسمك ومره قصير
همست بجراءه:شفيك ترا بلبسهم لك هدي!
تنهد بهيام:تبين تنكبيني قدامهم؟
ضحكت:امش امش ولابتجيب العيد صدق
ضحك وشال جِوان:آي بالله، بحطها داخل
وراح نزلها داخل عند ميتا وجا جلس جنّب الونَا،ليلاس طالعت ميلا:مين الي كانت تسولف وياك؟
ميلا بتذكر:ايات؟
ليلاس:اظن قلتي اسمها سُلا ؟
ميلا:اي صحبتي انا وتمارا
استغربت:اول مره اشوفها متى عرفتوها؟
تمارا:قبل لا ميمي تحولّ تخصصها كنا نشتغل سوا على بروجكت وصرنا نطلع ونروح ونجي سوا عشان هالبروجكت وفجاءه لقينا انفسنا سوا دايم
هتان:شفتي ياميمي لو كملتي الحين متخرجه
ميلا هزت راسها بنفي:اساسا اكره الطب ولما انقبلت طب وافقت عشان احول تخصصي
تمارا:ترا كان يغمى عليها بالكلاسات اذا كانت كلاسات تشريح ودم وحوسه ونتقروش فيها صدق حتى اذكر واحد دكتور رحمها وعطاها اي بلس عشان يرتفع معدلها وتقدر تحول
ضحكت ميلا:اذكر كنت مجدوله عليكم كل مازانت الجلسه اغماء عليّ
وضحكو الموجودين ، ضحك خالد:مانسا يوم يقولون ترا ودينا بنتك المستشفى اول خمس مرات ينقبض قلبي بعدين تعودت خلاص بسم الله عليتس
سهم:اما يغمى عليك ليه!
ميلا:فوبيا دم ولاحب وتخيل يعني تعرف معلومات اكثر عنك انت يانسان تجهلها يمه التشريح يروع يروع يروع لابعد الحدود كرهت نفسي يوم أحضّر غضب حتى وقت العملي يعني اشوا على روبوتات بس برضو يروع
تمارا اقشعر جسدها:خلوني اشرح جثه يمه !
بتال:والله ماعندكم سالفه عادي!
تمارا:اوكيه عندك عادي بس انا نووو اساسا مدري شدخلني يدخلوني عمليات ويخلوني جُزء منها صح مُتعه بس مهمًا كان رعببب
ميلا اقشعر جسدها:يمه ماتخيل اقطع انسان
بتال اشر بيده:هي يابو عمليه مب مجزره ومصلخ
انهارو كلهم ضحك ، ضحكت ميلا:صدق يمه يع ولايعني تخيل يموت مريض تحت يدي ولاطفلل! ولا احد تووه 15 20 سنه!!!
تمارا مسكت وجهها:اخ يمه يعور صدق سمعت سيف مره يبلغ اهل مريضه بوفاته صرت ابكي معهم
بتال :طيب اوكيه صح خبر زي كذا صعب نوصله او صعب نستوعبه حتى بس ترا بالنهايه كلشي مقدر ومكتوب!
الونَا اقشعر جسدها:يمامي كيف تتحملون الخبر وكيف توصلونه يعني؟
بتال تعدل بجلسته وهو يشرب شاهي:الحقيقه صعب وترا يعني تصير مناقشات مين يوصل الخبر للاهل لان صعب بجي وبقول فقدنا المريض عظم الله اجركم في ميتكم والله لو ايش لو يعطوني ملايين مابروح وابلغ اهل بوفات ولدهم ولابنتهم والله مستحيل انا خليني اتقبل وفاه هالشخص وهو غريب عشان اروح اوصله لاهله الي اقرب له مني
تمارا:صدق لولو ترا يجلسون تهاوشون شفتي هواشنا من تدخل تسلم اول؟
وضحكو على شرحها ، ضحكت تمارا:والله كذا كل الطاقم الطبي الي بالعمليه لين ماخلاص يطلع احد ويبلغهم بس سيف على طول يروح ويبلغ الاهل
بتال:اي ماعنده يمين يسار ولا يمهد الموضوع والصدق يقهر خبر زي كذا يتمهد
ابراهيم:الله يرحم موتى المسلمين ويشفي المرضى
:امين
ميلا اقشعر جسدها:شفتو يازين اداره الاعمال
تمارا ابتسمت:بس برضو دعاويهم حلوه
بتال ابتسم:اي والله زي المويا البارده الي تمسح علييك مسح
ايناس ابتسمت:والله شي ايجابي
تمارا اعتدلت بحُب للطب:والله الطب كله ايجابي بايجابي تخيلي مثلًا مثلًا احد عنده اعاقه وبفضل الله ثم فضل عمليه كنت جُزء منها وردت عافيت هالشخص تلقييينه لين مايموت يدعي لنا تخيلي توصلك دعوه بظهر الغيب؟
ابتسم بتال بحُب كبير للطب:ولاطفل يدعي لك بدون مقدمات ولاكبير سن
خالد ضحك:اوووه عيالنا راحو ملح مع هالطب!
وانهارو ضحك ، ضحكت تمارا:والله يجنن-وطالعت بتال وضحكت-على طاري ملح عندنا اربع عمليات
ضحك بصدمه:اما عاد! متى؟
انهارت ضحك:مدري
وانهارو ضحك من ضحكهم ، ايلاف وهي تمسكها منهاره ضحك:شوفي متى
تمارا وهي منهاره ضحك:ابي انام ياخي!
ضحك سهم:تمارا مانمتي من امس؟
ضحكت وهزت راسها بنفي:بفصل عليهم الله يستر بس!
ضحك بتال وهو يشوف الجوال:ورا بعض العبب وحده اربع ساعات ووحده ثلاث وحده ست ووحده ساعتين
تمارا وهي تعد انهارت ضحك بصدمه:14ساعه بكون واقفه بدون نوم!
انهارو ضحك من ضحكها ، ضحكت وهي تشوف الجوال:ابلش مايمدي انام بعد
ايلاف ابتسمت:لو نص ساعه
تمارا هدت:لا اعرف نفسي اذا كنت مواصله ادعس خليني افصل عليهم افضل ليّ عشان يتوبون يحطون اسمي مُساعد معهم
بتال وقف:والله معي ساعتين بنام لاني لو مانمت بجيب العيد فالمرضى صحوووني1:30بالضبط
الياس:اذا مانسينا
بتال:لاعاد بتوهقوني كذا!
ضحكت الونَا:روح روح
وراح ينام بمجلس الرجال ، بعد نص ساعه بس ، ضحك سهم:وتقول ماني نايمه
ابتسمت ايلاف وغطتها:خلوها ساعتين معها
وجلسو يسولفون ويطقطقون، لين ماجت الساعه1:20 ، ألونَا طالعت ايلاف:صحّي توته
ووقفت راحت تصحي بتال ، دخلت المجلس وتوجهت له:بتال بتال
بتال صحى:هلا
الونَا:يالله قوم الساعه1:25
قام بصداع:تمام بالله لولو اذا عندك بندول اعطيني
الونَا:يالله صحصح وتعال برا اعطيك
وراحت جابت البندول وجلست ، تمارا بصداع:معكم بندول؟
رمت لها الونَا العلبه ، وكلت حبتين ، سهم:هبله ليه حبتين!
تمارا:كلتبن !
سهم ضحك:سميّ
ضحكت سُندس:فعلًا اكتشفت عيال ايلاف اذا عصبو لاحد يقرب منهم
وضحكو الموجودين ، جا بتال:لولو عندك بندول؟
الونَا وهي تفصفص:مع تمارا عطيتها
مدته له وكلى ثلاث حبات ، انس ضرب رجله:صاحي ثلاث وحده تكفي تراه قوي!!!
بتال رمى عليه كرتون الحبوب بهدوء:البخ!
وطلعو بنفس الوقت هو وتمارا ، ابتسم بتال:تعالي معاي لاتسوقين وانتِ مصدعه
بعد تردد مشت ركبت معه ، شابك يده بيدها بهدوء وحرك للبيت بدلو ومشو للمستشفى وهو شابك يده بيدها ، ابتسمت بخجل وجت بتنزل،قبل يدها بتال:اذا بغيتي شي بلغيني زين؟
تمارا بخجل شديد:تمام
ونزلت مشت باسراع عشان مايمسك يدها قدامهم كلهم ، كان مُبتسم وملاحظ خجلها دخل يديهه بالبالطو ومشى وراها، بالشاليه ، كانو متجمعين سوا ، سُندس:بنات ذا كيف يترقع؟
الونَا:جيبي غيره
سُندس ضحكت بوهقه:وين يابو من باريس
الونَا وهي تفصفص:طيب اقصاه طقم !
ضحكت إيناس بوهقه:طقم طقم بس بثلاثين لولو
غصت بالفصفص:يمه ادفع ثلاثين الف على طقم صحون!!! اوكيه ادفعها على الاله قهوه اي اما صحوون!
ميلا تكت:عندي حل لك عشان يعني ماتتفشلين عندها صمغيه
سُندس:لابلاه اوديه مصمغ يبان!
ضحك انس:طيب قولي ترا كسرنا صحنك بالغلط وخلصنا يعني
سُندس:والله ان تنحرني
ضحكت ايلاف:ام سعد ماتصدق تلقى علينا المسكه ووهقتنا صدق
انس:ملزمين تصمغونه؟
سُندس:بس بيبان
انس:عندي واحد بس لايجي على يدك عشان ماتلزق بالصحن
سُندس:انس متاكد مايبان؟
انس جابه من السياره وجا:لا
ميلا:اها ذا سُندس حبيبي ذا تموتين وهو مانفك اسالييني!
ايناس ضحكت:اصحاب المقالب حلوها لك
سهم:والله تراه مايفك مره حطيناه بالغلط على بدي السياره وانعدمت
ضحك هتَان:كذابين بيمقلبون خويهم وحطوه وعلق ثوبه على البدي
انهارت ميلا ضحك:صدق العن من صمغ الجني ذا ركبيه بس لايجي اصابعك
سُندس بوهقه:معررررف!!
وخذوه انس وميلا وهم يركبونه بدقه ، ميلا بتركيز:انوس؟
انس وهو يركب بتركيز:شنو
ميلا وهي تركب:الحين اذا كلو شي وجا الصمغ عليه شيصير؟
انس وهو يركب:يفطسون ولاغسيل معده معلينا ذنبهم برقبه سُندس
شهقت سُندس:شدخلللنيي!!!
انهارو ضحك الموجودين بصدمه، ضحك هتَان:ااخ شكل ميلا وانس يضحكك
وضحكو الموجودين ، ضحكت ميلا وهي تركب:والله طفش وشياطينا قامت
انس وهو يركب:احس ودي أسوي مصيبه ولا مقلب
ميلا وهي تركب:طيب تراك فاضح نفسك يعني كانك تقول تجهزو في مقلب ومصيبه بالطريق
انس وهو يركب:لامعليك سبايك
انهاروا ضحك بصدمه،جابت ميتا جِوان وعطتها الونَا:بس تبكي ومو راضيه تنام
الونَا طالعت وعد:انا شوي وانتحر !
انهارو ضحك اكثر واكثر ، وعد؛عطيني عطيني
حطتها بحضنها وجلست:شسوي ياخي جننتي ثلاث ايام معيه تنام!!!
خذتها تُقى من وعد وقلبتها خلتها منسدحه على بطنها فوق باطن يد تُقى ويدها الثانيه تمسح على ظهرها:معها مغص
الونَا ضحكت بصدمه:توته بنعطيك عين عيونك زي السونااار ماشاءالله!
انهارو ضحك وبقوه ، سلطان وهو يضحك:تكفين يالولو
ضحكت الونَا:صدق بس شافتها عرفت
ابتسمت تُقى:اعرفتس من اثر خطاتس على التراب
انصدمو ،الونَا بصدمه:منجددك!
ضحكت وعد:عرفت اني حامل بسُندس قبل لا ادري بعد
الونَا بصدمه:غششيني!
انهارو ضحك ، ضحكت تُقى وهي تمسح على ظهر جِوان:وشلون اعلمتس اياها هي فراسه بالفطره اعرفتس من خطاتس بالتراب واعرف صدقك من تسبذتس
ايناس بصدمه:جده يصير يعني تغششيينا؟ معليش ابي اعرف!
سهم بصدمه:اقواا من ام زكي!
انهارو ضحك بصدمه ، ضحكت ايلاف وطالعت الونَا وإيناس:مره مدري منهي ناسيه والله كنت نفاس بسهم ووحده جايه مدري منهي والله ناسيتها تخيلي لولو من جلستها بس جلستها امي قالت لها روحي وحللي ان مخاب ظني انتس حويمل تخيلي يوم حللت طلع بس لها اسبووووع مايبان البطن وامي عرفت
سُندس تكت عند جدتها:الحين تعرفين الكذاب من الصادق صح ولا؟
تُقى ضحكت:يمتس هي مره تصيب ومره تخيب
سُندس بلعانه:ابييييتس الحيين تسالين العيال اسئله بكتبها لك زيين؟ والكذاب عاد انا اعاقبه
هتان:غش!
سهم:وبهتان!
وليد:وافترا!
انس:ابليس وربك
انهارو ضحك كلهم ، ضحكت تُقى ومدت جِوان لالونا:لارجعنا البيت بسوي لها زيت ذكريني وانتِ عطينا نشوف
كتبت لها سُندس ، ابتسمت تُقى وقرت:فِراس
فِراس اعتدل:الله يستر من سُندس سميّ
تُقى ضحكت:لو ألونَا كأنت متضايقه كيف تعرف؟
فِراس:واضح اساسا اتحداها تكلمك اذا كانت زعلانه
تُقى ضحكت وهي تطالعه:صدقت
الياس ضحك:جده اقوا من جهاز كشف الكذب
وانهارو ضحك ، ضحكت تُقى:فِراس مرتن ثانيه شقومتس عليه
ضحك:اساليها شدراني سميّ
تُقى ضحكت:وش اكثر موقف حببك بلولو؟
الونَا كانت تمثل عدم الامُباله وهي خجلانه وجدًا
فِراس:زاد مقدارها بقلبي وانتِ الصادقه!
سُندس:انطق لا تتفلسف!
فِراس:يوم اخذ جرع الكيمواي ولاتخليني
ابتسم خالد وحاوط اكتافها بحُب وامتنان ، ابتسمو الباقين بحُب ، ابتسمت تُقى:انس
انس لف:هلا
تُقى ضحكت:وش الموقف الي كرهك بميلا؟
قوصت عيونها عليه:جاوب ليه القطو كلا لسانك؟؟
انس:اصبررري خليني اسمع السوال وشش!!
سُندس:هاا واضحه وصريحه يكرهك!
هتان:عرفت المغزى من العبه
سهم:صحيح تبي تخرب بيوت
سُندس:لاتفضحوني!
وانهارو ضحك ، انس لف:من قال اكرهها؟؟؟؟ فلذالك مافي اي موقف
ميلا كملت تركيب:عبالي بعد
وانهارو ضحك ، ضحكت تُقى:سلطان
لف:لبيه؟
تُقى ابتسمت بهدوء وودها تعرف :لو جتك الفرصه تتزوج مين بتتزوج؟
ابتسم:بتعدا الفرصه ولاني بمتزوج
سُندس بتحجير واصرار من الونَا:ولو قالت لك لولو تتزوج؟او واحد من عيالك؟ او مثلا جده؟
سلطان ابتسم:بسمع من اذن واطلع من اذن
سُندس بنرفزه:مابذذذنك ماي؟
ضحك:ابدً
تُقى ابتسمت بهدوء:خالد
لف:هلا
تُقى ابتسمت:شي تحسه بوعد يميزها عن الغير؟
ابتسم:هي غير عن الكُل اصلا
سُندس غمزت:العب تعرف تتغزل؟
ضحك خالد:اعلمك؟
ضحكت:ماقول لا
وانهارو ضحك ، ميلا خذت حبه اناناس عساس تاكلها ، مسكت يدها ايلاف قبل تاكلها:وشو
ميلا باستغراب:أناناس
ايلاف:لا مُظر لاتاكلين اناناس نهائيًا!
ميلا بصدمه:ليه لذيذ!
نرجس باستغراب:شدراني عنهم مستقعدين ماكل
وعد:ياغبيه انتِ وياها يسبب نزيف مافيه!! وبنادول اكسترا الاحمر برضو مافي مو كل شي تاكلونه!
انس ضرب يد ميلا بخفه:بحط عليك رقابه
انهارو ضحك ، نرجس:شمعنى طيب؟
ايلاف:اسئلي العلم حنا شدخلنا؟ مانعرف بس الي نعرفه من مُسببات الأجهاض والنزيف
ميلا بتذكر:اهاا طيب كلت البندول ماصار شي
وعد:اي غمضتي وفتحتي انتِ بالمستشفى ماتدرين وينك فيه
انهارو ضحك الموجودين
__________________________
احداث لذيذه جدًا ادعو لي اجيب بالقدرات100😔❤️❤️ ، عُشنا احداث العائله ولمتهم ، ااخ شُفنا الماما نرجس وحنيه بتال وحُبه الكبير لتمارا وفصلتهم وحُب انس وميلا المُبهر ولطافة فِراس وألونَا وصلو التعليقات 40+ شُفنا حُب انس لـ ميلا وشُفنا حُب بتال لـ تمارا وشُفنا حُب فِراس لـ ألونَا وشُفنا حنيه الاب والاخوان عرفنا معنى السند والعزوه🩶🩶،أعتذر على التاخير بِـ التنزيل ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل
والاقتباس ماحلل القراءه بدون تفاعل🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷