« عزّ الله إنّي في ظبي نجد مغروم .. راعي العيون الّلي مع الزّين خجّله »

«41»

«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
‏«اللهم لاتجعل روايتي تُلهي عبدك عن عبادتك»

عم الهدوء ، هتَان:يعني تذكرين التهديد الي جا يوم مهددين نرجس اذا وافقت على عزوز وبعدها بمُده جا تهديد باسمك واسم نرجس واضافو اسم ميلا ، نقول خطوه واحد خطفو ميلا بس رجعت لنا بخير ، يعني انتِ ونرجس الخطوه الثانيه والثالثه لاكن مربط الفرس سُندس وش دخلها بذا كله
إيناس بربط وهي تقرا الاوراق:نفس الاوراق اللي لقيتهم يوم اخترقت جوال صالح
ألونَا بهدوء بعد مافهمت:خطوه ثنين وثالثه مو حنا
لفو يستمعون ، الونَا بربط وهدوء:خطوه ثالثه وثنين يبه حمد ويبه ابراهيم
انصدمو ، موج:شلون؟
الونَا بتذكر:يوم صالح يهددني كان داايم يجيب طاري يبه ابراهيم وابوي دااايم حتى وهو متعاطي بعدها سعد كان دايم يتحلف بيبه حمد هو وجِنان سعد مات ذراعه اليمين بنته جِنان يعني جِنان هي الي بتكمل كل شي خطوه بخطوه وتحتاج احد يساعدها عشان يطيحون يبه حمد ويبه ابراهيم-وسعت عيونها بذهول وطالعتهم-مُهاب!
فِراس بصدمه:لاعد
وليد بصدمه:قولي غيرها!
خالد:لحظه تراي عازمه!
ألونَا وقفت بتفكير:زين يبه وقف الشركه هاليومين وحول كل الشغل اونلاين ونوني انا وياك نمسك الاوراق ورقه ورقه اي شي نلقاه نحطه على جنب لو حسبو الحسابات خطا بعد نحطها على جنب هتَان وسهم افرزو اسامي الموظفين كامله وطلعو لي بيناتهم اماكن عملهم السابقه فِراس والياس وموج بهالعزيمه خلو عيونكم مفتوحه ركزو على كل كبيره وصغيره لاتقهوون لاتطلعون ولاشي اثبتو بامكنكم بالمجلس كله عمو خالد خلك مع مُهاب وحاول قد ماتقدر تسحب منه كلام وتخليه يزل غصبً عنه ولا ينتبه عمو نَواف غالبًا غالبًا بيحضر ذاك شسمه عصام مدري عاصم المهم ركز عليه وعلى تصرفاته شيسوي شيقول بكل شي بابا هنا لعبتك تعمد تتكلم زي دايم بالصفقات والشركات وجب طاري انكم بتحولون الشغل لـ اونلاين عساس ترموون الشركه ووقتها انا وايناس وسهم وهتَان بنكون بالشركه بعد العزيمه طبعًا موج بتتنكر بشكل الحارس بما انهم اول مره يشوفونك عشان كذا ماراح يحفظون ملامحك على طول انوس لحظه انوس وينه؟
سهم؛ راح المركز
الونَا بتكمله:معلينا اذا جا اقول له بتال اذا قهويت ركز لي على مُهاب ركز عليه وحاول حاول قد ماتقدر تاخذ جواله او اكسره او كب مويا عليه اي شي ياخي وبعدين قل ابشر بالعوض وقتها نعطيه واحد مُراقب يبه ابراهيم كلم المحامي يجي بعد العزيمه زين ونشوف احصاء الورث بعد سعد كم يصير وقتها بنقول أحصوه ونشوف رد فعل جِنان
إيناس:اوكيه كذا بيرفكت بس ماتحسين مُهاب بيحس؟ خصوصًا انه ملعون؟
ضحك خالد:بذي صدقتي
وضحكو الرجال ، الونَا:اجل ركز راعي خثاريدز اذا طلع وكلم تعمد تكون برا وقريب تسمع
العيال:تم!
ضحك ابراهيم:وللمره الثانيه بنات العشرين يمشونا برايهن
وانهارو ضحك الرجال ، وسحبت ليلاس الونَا:اعند من بنتك مافيه تعالي حطي لها مناكير خربت مناكيري
ايناس:العالم الموازي بحد ذاته
سُندس عقدت حواجبها باستغراب:هي شوفي
استغربت وهي تشوف معها:وش مافهمت
خالد باستغراب:وشو
عطته الجوال:مدري بالانستا حساب وهمي
شاف خالد وانصدم:ذا صك الورث يبه حققكم!
ايناس ابتسمت:ايوا حلوين كذا ماشين على نفس الوتيره سوسو لاتردين وخلي الحساب يرسل يرسل يرسل لين مايجي من حساب ثاني او يزل بالغلط خلي عينك على الاشعارات
سُندس وقفت:لعبتي بس تسوين لي الميكب
ضحك هتَان:والله ذي الي العالم الموازي
وانهارو ضحك وطلعو البنات يجهزون والرجال يرتبون المجلس والقهاوي ، دخل اياس قسمه وقفل الباب:نوني موجوده؟
طلعت وهي تبكي ، خاف وركض حاوط خدودها بين كفوفه:شفيك يابعديّ من مزعلك؟
ايناس وهي تبكي بفرحه ابتسمت وحطت يدها على بطنها وتلعثم:انا حامل طلعت نتيجه التحليل وارسلو ليّ
ابتسم بواسع ثغره وحضنها ودار فيها من فرحته ودمع:مبروك عليك مبروك علينا ياكليّ!! الله يتمم لك على خير يارب
ابتسمت بوسط دموعها مسحت دموعه:امين لاتبكيي!
ابتسم ومسحهم ومسح دموعها:سميّ
وانطق الباب ودخل غسل عيونه بسرع ونشفهم وطلع فتحه:حياكم
استغربو دموع ايناس، راحت بدون مقدمات وحضنت ابوها ودمعت بصوت خافت:انا حامل
ابتسم بواسع ثغره وحضنها:في ذمتس!
ابتسمت وهي تدمع:والله
ابتسم الياس لانه يشوف فرحته ، فِراس بخوف:شفيك ايناس؟-طالع الياس-شفيها؟
بعدت ومسحت دموعها بابتسامة:خمن؟
صرخت سُندس يوم شافتها حطت يدها على بطنها:كذااااابه!
ضحكو من ردت فعلها ، ايناس وهي تضحك:والله!
حضنتها سُندس ودمعت:يونس يونس اي لا صح مبروك مبروك
وانهارو ضحك ، ابتسم فِراس بواسع ثغره:نووونتي!
بعدت سُندس وحضنها ودمع من كُبر فرحته:مبروك ياروح روحيّ الله يتمم لك على خير
ابتسم خالد وحضن الياس:مبروك
ابتسم الياس وقبل راسه:يبارك فيك
سُندس بحماس:استعدو تسمعون صراخ ولا لا اصبري تعالي معي سريع!
وضحكو وراحو كلهم وكانو نصهم متربعين بالمجلس الي تحط ميكب والي تحط مناكير وقفت سُندس اصايل والونَا وتمارا جنب ايناس وجلست بحماس:خمنو من حامل؟
تمارا وهي تدمج الكونتور:شدخلني انا!
جلست ، اصايل جلست وهي تحط ايشدو:مبدوله
الونَا صرخت بفرحه وطالعت ايناس:نااااناااا!!!!
طالعتهم وعد بفرحه:ايناس!
وصرخو البنات بفرحه ، حضنت الونَا ايناس وهي تضحك وتدمع:مبروووك مبرووووك الله يتمم لك على خير
ضحكت ايناس من كم المشاعر :يباارك فيك
حضنت الياس وهي تدمع:ابي اصيييح
ضحك الياس:صحتي!
ضحكت:مبرووووك
ابتسم ومسح دموعها:يبارك فيك ياروحيّ
وعد بفرحه ودمع:مبرووك ياعيووني
ايناس ابتسمت:يبارك فيك
سَلاف ابتسمت:الله يتمم لك على خير يارب
ابتسمت:امين
تُقى بابتسامة :مبروك والله يتمم لك على خير يارب
ابتسمت:امين
تُقى:تعالي
ضحكت الونَا:القمي محاضره ساعتين مايمديك تتجهزين!
وانهارو ضحك ، ضحكت تُقى:وانتِ تعالي
الونَا خذت ميكبها:لا سيو والله ماتفكيني احب اتجهز بروقان اجيك لاخلصت
وطلعت وهي تركض وضحكو البنات ، تُقى مسكت يد ايناس بتحذير:والله لو ادري انتس معلمتن احد غريب تليت لسانتس!
ايناس:شدخلني!
تُقى بتحذير:اذا شغلن سماعه ان رقصتي لعبت هالعصى على ظهرتس
ايناس:لا بدبك بعد
تُقى:ايناسوه!
وقفت وهي تضحك:والله ياتوته بجهز مامعي وقت اوفر المحاضره بعد ماجه
وطلعت وهي تركض ، صرخت تُقى ووعد:لاتركضييييييين!
وانهارو ضحك كلهم وطلعو الرجال ، راح الياس لقسمهم ولقا ابوه يتبخر وبتال يكوي شماغه وانس الي كان توه جاي يشرب مويا بالبدله ، ابتسم ووقف وتنهد من خانته مشاعره:بصير اب
التفتو كلهم له بفرحه ، حضنه سلطان بفرحه:هاذي البشاره الزينه مبروك يابوي والله يتمم لها على خير وتقر عيونكم يارب
ابتسم وقبل راسه:يبارك فيك يارب امين
ابتسم بتال:مبروك واخيرًا!
ضحك:يبارك فيك
انس بصرخت انتصار:يسس واخيرًاا ورع جديد مبروووك
ضحك:يبارك فيك يارب
ميلا دخلت وحطت ميّس بحضن انس:قبل الورع الجديد امسك ورعك!
ودخلت الغرفه قفلت الباب ، دق تحيه بتال:حي عينك يابنت العم!
ضحك سلطان:ايه امسسك بنتك اول
ضحك وتربع وهو يلعبها:يويسي اشتقت لها عادي امسكها لو تبين عند الرجال بعد
ضحك سلطان:لا اصبر العين حق توها صغيره حرام
ابتسم انس:كبير ولاصغير مافرقت بوديها يبه حمد
ابتسم سلطان:دام مابه احدً غريب براحتك بس جبها اول
مسكها سلطان وقرا المعوذات والاذكار باذنها وقبلها وعطاه بابتسامه:واقرا عليها بعد
ابتسم بحُب على ابوه وحنيته:سمّ
ابتسم الياس:بروح ابدل
سلطان:اصبر تعال اجلس
جلس جنبه ، سلطان ربت على رجله:اسمع يالياس التسع شهور ذيّ ماهيّ زي الايام الاوله لاتضغط على ايناس خير شر لاتخليها تشيل شي ثقيل حتى شنطتها انت شلها لاتهتم بكلام الناس اهتم بزوجتك وضناك انتبه لها حتى لو ماتحضر للشركه عشان تنتبه لها لاتحضر وانتبه لها جب اشياء. مفيده فواكه فيتامينات ووحامها كله لبيه لونها تطلب شي باقصى الدنيا رح وجبه عشان زوجتك وضناك سو الي مايتسوى يابوك شلها على كفوف الراحه اهتم فيها وداريها وداري مشاعرها خصوصًا الشهور الاولى بتكون تغير هرمونات وتتغير مشاعرها ومزاجها كل شوي بمود جديد اذا عصبت قل لها سميّ وامري واطلع اتركها براحتها شوي خذ لها اجازه من الدوام لاتخليها تشتغل بالبيت خير شر البيت متروس خدم لو تحط عندها عشر حط اهم شي راحتها النبي صلى الله عليه وسلم أوصانا بالنساء محارمك فكيف لو كانت زوجتك وام عيالك؟ اوصانا بهم وقال عنهم قوارير قلوبهم رهيفه يابوك وحساسه البنت مو مثل الرجل عادي يتقبل كل شي وصلب وجلف لا البنت انثى تحب تتدلع وترتاح وحساسه لو مابينت لك كل انثى على وجهه هالارض حساسه ذي فطره فيهم هالله هالله يابوك انا عارفك وخابرك زين ولا احب اتدخل بس حرصً شوي مايضر
كانو بتال والياس مبتسمين بحُب لابوهم الحنوون وجدًا على البنات "محارمه"وصلب بمجالس الرجال ، ميلا ابتسمت من درت انه بيقول له وصورت كلامه وارسلته لـ ايناس ، ابتسم الياس بحُب على حنيت ابوه وقبل راسه:سمّ وابشر
ابتسم سلطان:يالله ننتظرك بالمجلس
ابتسم ووقف طلع وراح هو وبتال للمجلس ، دخل القسم بابتسامة ولقاها حاطه هيفاء وهبي وتتدلع امام المرايه وهي تحط ميكبها وكانت لابسه بجامه شورت عشان ترتاح
ابتسمت وهي تتمايل بخفه وهي تحط روج :
طب مش هقولك إن روحيّ يا حبيبي معاك
قربه شوية من عينيه تحس بناري
يا حياة قلبي وكل منى معاك عُمري
ما قلت الآه ولا ليله هواك بنساه
انا كلي كده ملك هواك حياة قلبي
وابتسمت وهي ماسكه يد الياس وتتدلع وتتغنج عليه ، ابتسم بحُب ووقف الاغنيه وحاوطها من الخلف وهو يقبل نحرها :اويلي عليك انتِ ودلعك الي جايبيني من اقصاي!
ابتسمت وهي تقبله وضحكت بدلع:شكل الروج على دقنك!
ابتسم وهو ضايع بعيونها:لولا العيب والمراجل كان طلعت هلّون قدامهم
ابتسمت وهي تقبل كامل وجهه وصار مطبع قُبلها ، ضحك بحُب وحاوط خصرها:بس يابنت!
ابتسمت بدلع:لحظه بصورك
الياس:لا ماتفقنا على كذا!
عبست بدلع:لي بس بسوي ترند وارسله لك والستريك بس ستريك بناتنا
ابتسم وقبل خدها:كليّ فداك بس البنات؟
ابتسمت:لوسي يالله بس هم ومابخليهم يصورون ماعليك بس بسوي الترند بخاطري من اول
ابتسم وشالها جلسها على طاوله التسريح وجلس يصور شكله وشكلها ، ضحكت بدلع :أحُبّك
ابتسم:خلصتي؟
ابتسمت بدلع:بس ميكبي ووببدل الحين ليه؟
ابتسم:ابي اتكلم معك قبل نطلع
ابتسمت بدلع:عادي قول الحين اسمعك
ابتسم وهو يفكك لها شعرها من شافها تبي تفكه:الفه كذا؟
ابتسمت بدلع من انه حافطها:ايوا
ابتسم وهو يفككه:حبيبي لاتقولين لاحد عن حملك لين مايثبت يعني صحباتك او الناس الي عندك وحتى ضيوف اليله لو تكلمو زي العاده فشليهم بس لاتعلمين بحملك ولاترقصين وتتحركين كثير عشاني وعشان البيبي
ابتسمت وقبلت دقنه بدلع:من عيوني
ابتسم من انتهى:تمام خلص
ابتسمت وهي تحركه وصار فيه فوليوم:لحظه لوسي
وكان مُتجهه بيغسله:بغسل الروج واجي
ابتسمت:لا بعدين يثبت مايروح تعاال بمُزيل الميكب
ابتسم:سميّ
ابتسمت بدلع ووهقه:قصر نفسك
ضحك وجلس على الكرسي وهي فوق التسريحه وبدت تمسحه ولاحظت:توني انتبه ماحطيت مناكيري
ابتسم:معليك انا احط لك
ابتسمت بدلع:أحُبّك-وفكرت حواجبه ودقنه بالقُطنه عشان يطلع الروج-واو مره ماشاءالله لوسي حواجبك ودقنك كثيفين تبارك الرحمن ورموشك اخ يارب بنتي تصير زيك
ابتسم بحُب:تبينها بنت؟
ابتسمت بدلع :ايوا احس وديّ بنوته كذا تشبهك بالعيون والابتسامه
ابتسم بحُب:ماتبينها تشبهك؟
ابتسمت بدلع ووقفت حاوطت رقبته:ابا نُسخه ثانيه منك
ابتسم وقبل خدها:باذن ربي ويارب صحه كامله
ابتسمت:امين يارب شوف يالله نبدل عشان تحط لي مناكير انت وهقت نفسك
ضحك:افا واخليك سميّ بنتظرك
وراحت تبدل وراح يبدل ، وطلع برا يشغل البخور وهي تلبس كعبها واكسسوارتها وخلصت طلعت، ابتسم وهو يتاملها:تبارك الرحمن لا اله الا الله اللهم اني استودعتك اياهم
ابتسمت بدلع:حبيبي وعيوني
ابتسم:يالله تعالي ياروحيّ
وجلست بدلع جنبه وعطته مناكير احمر ، عض شفته:اويلي واحمر بعد!
ابتسمت بدلع وصورت:شوف بنزلها تويتر وانستا وتيك حلوه؟
ابتسم بغيره:لا ركبك وساقك باينين مافيه!
ابتسمت:طيب ذي
تعدل:لا لحظه
ولصق رُكبه بركبها وحط يدها على ثوبه وهو يحط مناكير ، ابتسمت:انتبه على ثوبك
ابتسم:ماعليك
صورت وورته:كذا؟
ابتسم:انتِ محليتها والله
ابتسمت وكتبت عليها :
أحبُّك❤️
ولا تأنسّ هَذه الرُوح
إلا معك يا كلَّ رُوحِي
ونزلتها بعشوائيات بالتيك وتغريده وايضًا ستوري انستا وسناب وحاله واتس وهي براسها شي
طالعته:لوسي بقول انك زوجي وحبيبي ودُنياي
ابتسم وهو يحط بتركيز:كيفك ياكليّ
ابتسمت وكتبت تغريده تحت كلام وحده معلقه عن الياس:
أحّبُه وجدًا !
ردت عليها بنفس الثانيه:مين انتِ!
إيناس ثبتت التغريده بابتسامة:
زوجته الاولى والثانيه والثالثه والرابعه محبوبته الاولى والاخيره معشوقته وحبيبة احلامه وحليلته وام عياله ودُنياه وكلّه إي نعم انا زوجه رجل الاعمل إلياس بن سلطان بن ابراهيم الراشد واقُر واعترف وكلُ حساب اخر كاتب هالكلام يجيب دليل واثبات لكم مو ليّ لاني ماصدق بزوجي❤️
وبخمس دقايق حساب البنت انحذف وضحكت ، ابتسم من خلص:شنو
ابتسمت بغيره:مره ثانيه يالياس ولد سلطان تلبس دبلتك وتفقع عين من تقرب سامع!
ضحك:سميّ بس اقدر اعرف؟
جلست تهف على المناكير:في ثنتين كاتبين انهم زوجاتك ومدري شنو ويوم تكلمت الحسابات انحذفت
ضحك:حي عينك يابعدي وب اعيد نشر تغريدتك اثبات
ابتسمت بدلع:ياكليّ انت
ابتسم ووقف:يالله حبيبي ننزل
ابتسمت بدلع:بنصور اول
وراح وصور معها  ، ابتسمت :لحظه!
لبست عباه تسترها وصورت ووجه الياس مُبتسم واضح واقف خلفها محاوط خصرها وكتبت تغريده:
يارُوحًا تُعانق روحيّ A❤️
وورته:بكل مكان بنشرها
ابتسم من عرف سبب لبسها للعبايه:براحتك حُبي
ابتسمت بدلع ونشرتها عشوائيات تيك وستوري انستا وسناب وتغريده وحاله واتس مُتعمده ونزلت العباه ومسكت يده:لبست العبايه عشانك انت وعشان محد يتكلم عليك
ابتسم بحُب:يلوموووني فيك ياكليّ انتِ! الله يخليك لي يارب ولقلبي ويحفظك من كل شر ويتمم عليك
ابتسمت بحُب:اللهم امين يالله حبيبي؟
ابتسم:يالله
على نزلتهم ، نرجس:الياس روح من باب المطبخ في ضيوف
ابتسم وقبل خد ايناس:انتبهي لنفسك ونفس ماقلت لك
ابتسمت بدلع:تمام حبيبي
وراح ، ابتسمت نرجس بصوت خافت:الله يديمكم لبعض يارب ويتمم لك على خير
ابتسمت بحُب:امين ياعيوني
ودخلت سلمت وجلست حطت رجل على رجل برقه وانوثه وهي تتقهوى ، ام فالح قزت بطن ايناس:الا يا ايناس؟
ايناس لفت بابتسامة مجامله:هلا؟
ام فالح ضيقت عيونها وهي متكيه على يدها زي العجز :هو انتِ حامل؟ اشوف لتس بطين
ايناس ابتسمت بتسليك:ووش دخلك انتِ؟
كبحو ضحكتهم البنات ، شمقت ام فالح:هو ياحافظ جيران واهل قلت اسال ! اوله بطنتس لاصقن بظهرتس ولا شكلتس تلبسين مشد قريّ
ايناس ابتسمت وهي تتقهوى:والحمدلله جسمي يجنن وعاجبني مايحتاج مشد المشد تركته لك طالع لي بطين مو طالع لي بطين شدخلك! بالنهايه بطني مو بطنك
ام فالح باحساس:اعرف مشيت الحامل من الي مو حامل من البنت من الي مو بنت
ايناس:طيب وانتِ وش حارتس شتبين؟
ام فالح بلقافه:ابي اعرف اذا حامل ولا لا
ايناس وهي تاكل بقلاوه:مو حامل ريحي واعتقيني
ام سعد:يويلي! كم لتس معرسه وللحينتس ماحملتي لايكون ماتضنين؟
ايناس ابتسمت:زوجيّ انتِ؟ وش دخلك عذّه من القافه والشفايه
ام سعد بتشميق:مير اقول يا الونَا زوجي الياس غدي يجيه ضنى
ضحكت الونَا:وانتِ وشوله حاشرتن خشمتس؟ليه تبيني ازوجه من ذريتس؟ تعقبين جاهم ضنى ماجهم ضنى شدخلك ياخي ؟ لمي نفسك يكفي عاد ابو القافه
ضحكت نرجس وهي تاكل حلى فيه توت وسكتت ام سعد بغيض ، شغلت انهَار اغنيه:
وادلع ياكايدهم
وادلع ياكايدهم خليهم يشوفونك
خليهم يشوفونك
علمهم اصول الحسن
علمهم اصول الحسن
عطهم درس بعيونك
عطهم درس بعيونك
ابتسمت ايناس وهي تمشي وتتمايل بشويش ووعد وتُقى وايلاف وسَلاف يقرون اذاكرهم عليها بداخلهم ، وابتسمت الونَا وهي تتمايل معها بجمال ورقه
ومن خلصت جلسو وايضا حطت انهَار شيله من بدا الحضور يكثر:
وفيّ اصايل غن الحروف الابجديه
والله انّ المدح يزهى العنزيه
الفخر باخت الرجال اهل الحمية
الاصيله بالمجاني والعريبه
لـ أصايل نَواف مضامين الجزاله
الحلا والعز فيها والاصاله
في أصايل نبع الحسن يضرب مثاله
بنت عز وشامخه قدرو وهيبه
بنت زيزوم يكرم كل عاني
الكرم بـ نَواف اللي له مكاني
صيت ابوها ثابتً بكل الزماني
لاوقف لصعب والكايد يجيبه
وعزوتك باخوانك اكرام السجايا
والنعم بافعالهم ماهي غريبه
والوفاء والطيب بـ امك له دلايل
نادره في طبعها بنت الحمايل
وفي بناتك يـ سَلاف حلو الخصايل
فارقات اوصافهن عزّ وطيبه
اهداء من ابراهيم الراشد لـ حفيدته أصايل بنت نَواف بن ابراهيم الراشد
كانت لابسه تايقر جميل ماسك عليها ومبين جمال جسمها وكل اهلها وقفو يصفقون ويعززون لها واهل تيّم ايضًا وابتسمت وهي تلفح بشعرها الحرير الي يوصل اخر خصرها وترقص بابتسامة ودلع ومن خلصت ، لولشت تُقى بابتسامة:عاشت بنيتي عااشت
ابتسمت وتقدمت قبلت راسها:بطولة عمرك ياقلبي
ابتسمو كلهم على دلعها ورقتها ، ابتسمت تُقى وقدمت لها هديها وحضنتها:هديتي انا وجدتس لتس ولسلامتس ياميّ
ابتسمت وقبلت يدها وراسها:لاحرمني ربي حسكم وجودكم يارب
اتبسمو العجز باعجاب من فصاحتها وطلاقتها ، احدى العجز:تعالي يمتس
ابتسمت وتقدمت عندها:سميّ ياخاله
جلستها العجوز:وينهي امتس؟
اشرت عليها:سَلاف ام تركي
لفت العجوز لـ سَلاف وهي ماسكه يد اصايل:نبي هالعنقا
ابتسمت سَلاف:متزوجه ياعيوني
حركت العجوز شفايفها حركت العجز القُداماء:ايه يالله الله يوفقها عز الله انه حظيظ بس منهو ولده؟
ابتسم سَلاف ومسكت يد ام تيّم:تيّم ولد عبدالله ذي ام تيّم عذاري
ابتسمت العجوز:اها يامشاءالله الله يوفقهم
سَلاف وعذاري:امين
شمقت اصايل ولمحوها عذاري وسَلاف والبنات وابتسمو مسكو الضحكه ووقفت وهي تمشي بجمال واناقه اشرت لـ أنهَار بعيونها تجيها وفهمتها وطلعت لحقتها للمطبخ ، انهَار ضحكت:شفيك؟
أصايل بغيره وانفجار:ماشفتي ذيك كيف تتلزق وبس تسال خاله عن تيّم!
ضحكت انهَار:غرتي؟
اصايل بغيره وقهر:خير ياخي وهذاك عادي عاجبه الوضع واقف بالحوش يتميلح!
ضحكو سَلاف وعذاري سحبت سَلاف انهَار وطلعو ، ابتسمت عذاري ومسكت يد أصايل:ياحُب
ابتسمت أصايل على عذاري الي ماكانها أُم ولاكانها اُم زوجها:عيونيي
ابتسمت عذاري:ترا تيّم كان برا يكلمني يبيني اطلعك له
خجلت:ليه؟
ضحكت:زلينا بصورتك امامه
ضحكت ليان وجت:لا تعمدت صورتك وانتِ ترقصين بعددد يالبيه شكلك اليله بتجين بيتنا
اصايل أحمرت خجل:لياان!
ضحكت عذاري بميانه:ماعليك اصفقهم عشانك؟
اصايل ابتسمت على خالتها الي تفهمها على طول:يالييت
جت عامله'ليلا':اصايل قطرتك
اصايل بتذكر:طيب تعالي حطي لي ماعرف
ابتسمت عذاري وخذتها:انا احط لك سميّ
ابتسمت بخجل وجلست رفعت راسها على فوق ، عذاري سمت بالله:كم؟
اصايل:خمس بكل عين
بدت تسمي وتعد وهي تحط ، جت انهَار وابتسمت:توني تذكرت
ابتسمت عذاري وقفلتها:لا معليك حطيتها
ليان طالعت انهَار:تيّم يقول خلي أنهَار ترد على سيّاف
انهَار:قولي له يضف وجهه
ضحكت عذاري:زي ماقالت يالله!
ضحكت ليان وكتبته:تمم!
فتحت اصايل:نونه وين نظاراتي؟
ابتسمت وعطتها:سميّ
اصايل:بروح اتمدد فيّ مجال؟
انهَار:طبعًا فيّ مجال ومعليك متى مابغيتي تجين تعالي جدتي عارفتك
ابتسمت وتمسكت بيدها ودلتها ، عذاري بضيق تنهدت:الله يجبر بقلبها ويرد لها بصرها عاجلً غير اجل
ليان بضيق:تدرين قايله لتيّم انو نفصخ الخطبه يوم طاحت بالمستشفى جاني منهار تخيلي يبكي يقول اقنعيها يوم رحت جلست تبكي تقول وش يبي بوحده عمياء ماتشوف مررره حزنتني ماما متخيله ماهدت الا يوم حطو لها مهدى ومنوم
ضاقت عذاري زود:اما! ياروحيّ هي اخ تصدقين احسها جد تحب تيّم بس ماتبي تتعبه معها
ليان:اي تيّم يوم يوديها مواعيدها يقول انا الزم فيك وطز بالدوام مرات اكون معهم وتعاتبه ليه يطلع من دوامه عشانها وهو يحاول يتجاهل اسئلتها السلبيه ويحط اغاني ويغني عشان يغير مودها
ابتسمت عذاري:امشي وذكريني اذا مشينا اساله متى العرس
ابتسمت:تم
ودخلو جلسو وقالت عذاري لسَلاف وطمنتها ، شغلت سُندس :
انتي اللي مغتره وذابحها الغرور
لو كان بالمكياج شدت حيلها
قولوا لها ممنوع بـ الزين المرور
تبطى تنافسها ومطول ليلها
هذي هي اللي رافعة قيمه ديور
كل ماشرت حاجك شلع موديلها
وهذي هي اللي تزيد نور الارض نور
ارقاب خلق الله تميل بميلها
ارقاب خلق الله تميل بميلها
كان فُستان ألونَا لين نص الساق أحمر مخصر ماسك على خصرها ومبرز جماله وجمال جسدها وتفاصيلها وثابت عليها بحبال رفيعه محاوطه نحرها ، كانت ترقص بابداع ودلع وانوثه ورقه وتلفح بشعرها وكانت لابسه عقد ومجوهرات من ديور ، رقصو البنات شوي وبعدو فضو لها الميدان ومن انتهت ابتسمت وجلست تحت تصفيقهم وتعزيزهم ، وكانو خالاتها وبناتها وجدتها حاضرين ، ابتسمت ساره وهي واقفه تصفق وقفلو البنات السماعه عشان جا وقت صلاه العشاء،ابتسمت تُقى:يمه ألونَا
ابتسمت واتجهت جلست يمينها:سميّ
ابتسمت تُقى:جدتس
ابتسمت وقفت وسلمت:اعذريني مانتبهت ولاكنت مع الاستقبال
ابتسمت ساره:عادي يامتس ماشاءالله تبارك الرحمن قريتي اذكارك؟
ابتسمت بخجل:ايوا ياعيوني انتِ
ابتسمت نجلاء:وين بنتك؟
ابتسمت:ثواني اجيبها
وطلعت وهي تمشي وتمخطر بدلع ورقه وانوثه ودقات كعبها مع ميّل جسمها وقفت عند الباب:جوجو
وكانت جِوان صاحبه الاربع سنوات تعدي لها بابتسامه عذبه على مُحياها ببراءه وغمازاتها باينه:ايوا ماما
ابتسمت ألونَا ومسكت يدها:تعالي شوفي جده ساره وخالتو
مشت وهي مستغربه:مين
ابتسمت ساره وانحنت لمستواها بلهفه:وعيوني يامشاءالله خابرتس بالمهاد كبرنا وحلوينا
ابتسمت بخجل ودلع ورجعت شعرها ورا اذنها ، ابتسمت ألونَا:سلميّ ياماما
قبلت راس ساره ببراءه:كيفك جده
ابتسمت ساره ورف قلبها من ذكرتها ببنتها'نَهاد':لبيه ياعيون جدتس بخير
عُلا ابتسمت:اويلي ماشاءالله كبرت بسررع!
ابتسمت ألونَا:الدُنيّا
سديم شمقت ، جِوان ببراءه طالعت ألونَا:ابي اروح لبابا يصير؟
ابتسمت ألونَا:تعالي معايّ
وطلعت ، نجلاء مسكت يد امها:حيل تشبهها
عُلا:مين!
ساره ابتسمت:نَهاد تشبه نَهاد نسخ لصق وبها لميحه من ألونَا
ابتسمت تُقى:صدقتي
دخلت المطبخ ولقت انس:نوسي
ابتسم:يالبيه يالولو وجوجو قريتو اذكاركم؟
ابتسمت الونَا:ايه ياعيوني فروس في؟
ابتسم انس:ايه ودّك اناديه؟
ابتسمت:لا مشغول اكيد بس ود جوجو اذا مافيه كثير
انس:تقريبًا يعني وهو جالس عندنا يالعيال برا فارشين جيبيها ماعليك
ركضت جِوان وشالها وابتسم:قريتي الي قلت لك؟
جلست تعدد براءه:ايوا الاخلاص والحمد والناس قريتهم ثلاث مرات وقلت بعد بسم الله الذي لا يضر مع اسمه شي لا في السماء ولا في الارض وهو السميع العليم
ثلاث مرات طولت كثييير لين ماخلصت
ضحكو على براءتها ، ابتسم انس:شوفي صح بس مره ثانيه قولي بسم الله الذي لايضر مع اسمه شي لا في الارض ولا في السماء وهو السميع العليم اقري وانتِ فاتحه يدك لله وبعدين امسحي كذا على راسك ويدينه زين؟
ابتسمت وقبلت خده ببراءه:من عوووني
ضحك:كبرتي وهالكلمه ماتغيرت
ضحكو وطلع اتجه لـ فِراس وميزته بين الكُل ونزلها وركضت له جلست بحضنه بتوتر من عددهم الكثير، ضحك موج:وانا نسيتيني؟
جِوان بهمس باذن فِراس:بابا يخوفو كثير!
ضحك وجلسها بحضنه:عادي
مساعد ضحك:افا ياجوجو نسيتني!
ضحكت:لا انت ابو زياد
ضحك بصدمه:يعني مانسيتني عشان زياد!
وضحكو الرجال ، ضحك خلف:مار يارجال سحبت عليّ
تكتفت:ايوا لانك تعطي ماما شُغل كثييير!
ضحك مترك:والله ياهي خانقتك العبره
طالعت ابوها باستغراب اطفال:الحين ليه في كثير؟
ضحك فِراس:عشان يبه أبراهيم دق وقال لهم تعالو تعشو عندنا شفتي حفلة الشاهي حقتك؟ زيها بس ذي فيها اكل بعد
تكتفت وعبست:بس تدري يوم انت وماما بالدوام موج ونوسي عيو يلعبون معايا!
ضحك موج:انفداك مب هنيا!
ضحك انس:يابنت اسمي انس انس!
عبست:مو حلوين!
ضحكو الرجال على لطافتها ، ابتسم فِراس وهو يحصنها:يالله تروحين جوا؟
عبست ببراءه:مابغا ملل جوا ولودي مو فيّ
ابتسم وطلع جواله وعطاها:يالله بس شوي
ابتسمت وقبلت خده:أحُبّك مررره
تنهد خلف:بكلم امي تدور لي زوجه!
مساعد:يارجال لك خمس سنين تقول هلّون ولا اعرست!
انهارو ضحك الرجال ، ضحك خلف:مابيه الصدق مسؤوليات الدوام يالله اتحملها
فِراس قبل خد جِوان:والله احلى مسؤوليات تزوج
انس وقف ، بتال:قهو
انس وهو يلبس نعوله:دز بشوف بنتي ذا خلاني اشتاق لها!
الياس:ماعتقت البنت اعتقها شوين
انس:اي نشوفك بعدين
وراح وضحكو الرجال ، ضحك فِراس:اقول والله ماينلام اول يوم اشوف ابوي كيف رهيف وعلى كل شي تم مستنكر الصدق بس ماش وقعت بالفخ وقعه!
زياد:يارجال عندنا وعندك خير بس الي عندي شوي متطور منعدي من خلف قام يعكف الشنب وهو للحين ماخط
وانهارو الرجال ضحك ، داخل ، جت ميلا:هلا حبيبي
ابتسم:عيون حبيبك ابي ميّسي
ابتسمت:عندكم احد؟
ابتسم:لا معليك خويانا وعيال عمي حمد وناسً نمون عليهم
ابتسمت ودخلت جابتها وعطته:نوسي اقرا الاذكار عليها ولاتطول بليز اخاف حتى عند الحريم ماطلعتها
ابتسم وقببل خد ميلا:سميّ ماعليك ولاتسنين اذكارك استودعتك ربيّ ياكليّ
ابتسمت بخجل من حركاته وخصوصًا قدام البنات دخلت وطلع ، انس جلس بابتسامة:والله تو الجلسه تحلى!
ضحك عبدالعزيز:خفيفين الشكوى لله
وليد الي جالس جنبه طالعه:وش تعني؟
ضحك عبدالعزيز:بعدين تعرف شوف بتموت!
وكمل لعب ببراءه وضحكو الرجال ، ميّس جلست تلعب بدقن وشنب انس ، ضحك خلف:عقوق!
ضحك انس:يارجال على قلبي زي العسّل
فِراس ضحك:فاااتك كنت بلقم زي ابوي بس اشوا صحيت قبل تحلق الشنب
ضحك خلف بصدمه:بنتك!
ضحك فِراس:لقت المكينه استغربت صوت اسمع صوت المكينه وصوتها تقول بابا نلعب قلت صوت مكينه وجوجو بديت اهلوس لين ماحسيت المكينه بوجهي وفزيت
انهارو ضحك ، ضحك الياس بصدمه:حلقت!
رفع راسه وهو يضحك ياشر على الي تحت دقنه:خفيف كانت رقم 1واشوا وصلت هلّون
ضحك انس:لبى عيينك والله
جو الشيبان وجلسو ، ابتسم حمد:وين عودكم؟
وقف بتال :سمّ
وجابه من سيارته وعطى فِراس حقه ، جلست جِوان بحضن خالد ، ابتسم ابراهيم:الله يهديكم سمعونا
ضحك انس :جدي حدد موقفك ؟
وانهارو ضحك الرجال
__________________________
احداث لذيذه جدًا ادعو لي اجيب بالقدرات100😔❤️❤️ ، غدًا ميلادي 13 . October 🪄🪄 ، الاحداث القادمه مؤلمة جدًا اعتذر عِنها ، أعتذارً لـ غيابيّ فسرته بالانستا❤️🌷 وصلو التعليقات40+،أعتذر على التاخير بِـ التنزيل لاكني تعبانه وجدًا مضغوطه هالفتره اعذروني اذا تاخرت ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل
والاقتباس ماحلل القراءه بدون تفاعل🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷