« عزّ الله إنّي في ظبي نجد مغروم .. راعي العيون الّلي مع الزّين خجّله »

«26»

«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
‏«اللهم لاتجعل روايتي تُلهي عبدك عن عبادتك»

الونَا:وش حببك فيه ياخلودي وربي كريه ومستقعد لنا على الطلعه والنزله ووقت البريك يكرهنا بعيشتنا ويقول فجاءه اجتماع مُغلق واذا حضرنا يا يسحب
فِراس وهو يلعب بخصله من شعر الونَا:تخيل او اذا ماحضرنا يكتب فينا محضر ولا توقيف ولاخصم راتب عجزنا عنه
ايناس وهي تاكل تشوكلت:جد بابا مره لولو فالمستشفى وحنا معها زين ؟ زين يكذبنا ومنقص من رواتبنا وكاتب فينا محضر وحاطنا بقضايا ماندري عنها وموهقنا مع الموكلين
انصدمو ، خالد بصدمه اعتدل وهو يلعب بالسبحه:لاعاد! ماخبره هلون
تُقى:اغديكم مسويين شين وناسين؟
فِراس:لو غلطانين عليه قلنا معه حق ولونا ماكلين من حلاله قلنا معه حق بس لعانه وخبث
الونَا:ولا برضو يوم اخر مره رحتو كلكم وهددتوه وكذا استلعن اكثر وبس يصرخ ويزعق ويسب
هتَان بصدمه:لاعاد كذا ماله حق!
بتال بصدمه:خييير يابوي وين حنا عايشيين به!
ايناس طالعتهم:والله جد وكل مارفعنا فيه التغى طلبنا وكل ماكلمنا المسؤولين والي مناصبهم كبيره مايصير شي وينكر قدامهم ويستلعن يخلينا نعصب ونهزئ فالسااحه قدام العسكر
الونَا:عكسه يتهجم على مكاتبنا ويسب ويزعق
فِراس:والله عاد وصلت معيّ لاتكلم ماني راد برد بكف وخله ياكل تبن عاد ساكتين وحاشمينه عشان عمره
خالد بستغراب:معليكم انا اشوف حل بس ماهو بهلون هو صدقوني به شي قالبه
ايناس لفت على الونَا:على طاري قالبه الموكلين رافعين علينا قضيه وقالبين ادلتنا للمدعى عليه لصالحهم علينا
انصدمو ،الونَا باستغراب:اياتهم؟
ايناس:مدري من الشركه جايين عصام مدري عاصم وواحد اسمه محمد ووحده اسمها مرام
الونَا بتذكر:ذاك وانكرش ومرفوعه قضيتي عليه لها ثمن شهور معلق الطلب محمد محامي عصام بس انه موظف بشركتي ويعمل لصالحي كيف كذا ومرام اول مره اسمع فيها
ايناس بتذكر:تذكرين ذيك الي جاتنا بكوفي وطلبت نصير محاميتها ضد اخوها؟
الونَا بتذكر:اي ذكرتها هيّ! طيب وين الادله
تمارا بصدمه:بتجلطوني!
بتال بصدمه:عليكم ثلاث قضايا وتتكلمون ببرود!!!!
ايناس شربت قهوه:لاننا مظلومات
الونَا كلت فطاير:والله عادل ويوقف مع المظلوم ليه نشقى ونتعب انفسنا وننهار اوه علينا قضايا
ايناس:هالدرب كلنا عارفينه ولادخلنا القانون وحنا جالهين الظلم الي بيجينا بس
الونَا غمزت:حنا بنات الراشد قول وفعل
هتان:حي عييينكم!
الياس:ششت!!!!
سُندس:يالبييه صدق
ضحكت تمارا:برودكم بيقتلني
تُقى ووعد:كلنا كلنا
وانهارو ضحك الموجودين ، ليلاس:اصبرو خلونا ناخذ شاليه؟
سُندس تعدلت:جد خل نغير شوي مليت من البييت ونبي الشاليه بس حنا يعني واهل يبه حمد وارين واهلها
ليلاس:اي صدق مانبي عزايم نبي حنا بس نبي بريك شوي قبل العزايم ونخطط وش نسوي فالتمايم
ابتسم ابراهيم:بس؟ تامرن امر ولو تبون نسافر سافرنا بعد سمو بس بعد التمايم واذا حليتو قضايكم فكرو بالسفر
سلطان ابتسم:اجل تم دورو الشاليه الي تبونه وعطوني خبر
سُندس نقزت عنده وورته:هاذا هو بشمال الرياض ب4الاف يومين وفيه قسمين وبرضو فعاليات هديه من صاحب الشاليه
سهم:مخططه اثريها
انهارو ضحك ودفعها سلطان وتموو الحجز ووقفو البنات دخلو يجهزون ، بقسم الونَا ، سوت وعد لـ ألونَا حَزام النفاس وربطته:لولو لاتطولين فيه ولاشديت عليك عشانك قيصريه ولادري يضرك ولا لا واذا عورك فكيه على طول
جلست الونَا بأبتسامه:جد خفف عليّ مايعور!
ابتسم فِراس:الحمدلله
وعد:كيف خفف؟
الونَا:اول أحس بثقل واحس يعني بجسمي مقطع وامشي بشويش عشان مايعورني الحين احس ثابت اقدر امشي واتحرك براحه!
ابتسمت وعد ووقفت:الحمدلله بس مثل ماقلت اذا عورك فكيه
ابتسمت:تمام ياعيوني
وطلعت،سندت الونَا راسها على صدر فِراس: تبي نطلع وياهم ولانجلس؟
عقد حواجبه باستغراب:تبين نجلس نجلس
ابتسمت وطالعت عيونه:انت وش ودّك؟تعبان؟ولاتبي نروح
ابتسم وقبل عيونها:لا نروح عشان تنبسطين وتغيرين جو والحمدالله ياعيوني ماني تعبان
ابتسمت وشالت جِوان وطالعت فِراس:وش شعورك؟
تنهد بحُب وابتسامه:اشكر ربي ليلي ونهاري عليك وعليها وادعي تدومون ليّ
ابتسمت:أحبّك فروسي
قبلها بابتسامه:اعشششقك!
بقسم سلطان كانت ميلا وهي تجهز اغراضها تحس بدوخه وطلعت جلست بالصاله ، سلطان بحنيه مسك يدها:ميلا ابوي تعبانه؟
هزت راسها بنفي:دوخه بس
عطاها بتال حلى:كليّ يمكن ماكلتي شي
خذته بابتسامه:الحديد ناقص عندي عشان كذا ومعي فقر دم
تنهد سلطان:ليه يابوي مايصير كليّ ادويتك
ابتسمت بتصريف:كلتها ياعيوني بس لسا الدوخه ومالي اسبوعين اكل الفيتامين تو لسا
ابتسم سلطان:ماتشوفين شر يابوي
وقف بتال يجهز اغراضه ، انتهى اليوم بسعاده وراحه
ثاني يوم ، بالشاليه ، كانو لابسين فساتين ريفيه ومبسوطين وجلسو الرجال برا ، ميلا بصداع:معكم بنادول؟
مدت لها تُقى شنطه علاجاتها:ظني بها شوفي
وعد:شفيك؟
ميلا طلعت بندول اكسترا وكلت حبه:مدري من امس صدااع عجزت
ايلاف:يمكن عشان نومك ملخبط
ميلا:مو يمكن اكيد اسهر كل يومي ولا انام الا ساعتين
وكانو يضحكون ويسولفون ، ميلا وقفت رايحه لدوره المياه ، سُندس:ميمي
لفت:شنو؟
نرجس:لبسك انعدم عليك الدوره؟
هزت راسها بنفي:وش لا مو وقتها
سُندس:جتك شكل بدلي قبل يجون العيال!
ودخلت عساس تبدل واغمى عليها ، سمعو طيحه وفزو ، وعد بخوف:نادو لي خااالد بس ساامعييين!!!!!
وراحت سُندس نادته بخوف وفزو بس محد دخل ، دخل خالد وقفل الباب بخوف :شفيييها!!!
وعد بهمس وخوف:خالد احس ميلا حااامل!
خالد وهو مو قادر يستوعب:قالت لك شي؟!؟ شفيها دم!!!!!!!
وعد بخوف وهمس:شلها بس لاتقول لحد وكلت بندول اكسترا خالد يمكن حامل ونزييف موو وقت دورررتها عشان كذا اتوقع بس لاحد يدري !!!
شالها بعد مالبستها عبايه سودا وبسرعه ركض فيها وفز هتَان يسوق فيهم طاير للمستشفى ومحد يدري شالسالفه ، رتبت وعد المكان وطلعت جلست
ارسلت الونَا لها'شفيها ميمي '
وعد بخوف تخفيه قالت لها وهي مو قادره من خوفها
الونَا بخوف' لا معليك انشاءالله لا هدي انتِ رجفتك باينه '
بالمستشفى ، على طول عرفو الممرضات انه نزيف ، بعد ساعتين طلع الدكتور:دنتو اهل ميلا؟
فز خالد بخوف:بنتي طمنني عنها!
هتَان بخوف:شفيها!
فِراس بتوتر:انطق!
الدكتور:هدو دا البنت قالها نزيف بسبب دوا كلته وقدرنا نسيطر على الوضع وحالتها هيّا والبيبي مستقره
فِراس بصدمه فرحه:حامل!
الدكتور:مابتعرفوش؟ ايوا حامل وماكله دوا او ايا حاقه سببت لها نزيف بس ماكان ائوي دنتو قبتوها بوقت مناسب وهيّا دالوئتي بخير هيّا والبيبي
خالد بفرحه لف عليهم:قالتها وعد!
وحضنو بعض من فرحتهم ، دخلو عندها وكانت مستلقيه نايمه بتعب بسسب المخدر الي حطوه لها
فِراس بهمس:شدراها امي ميمي قالت شي؟
خالد بهمس:لا حست بس
هتَان بهمس:اقول لهم؟
خالد:لا نشوف ميمي اول
ولفو عليها من عقدت حواحبها بالم صحها ، تكورت على نفسها بالم وهي تون من شدت الالم ، فزو عندها وكانو خاييفييين وجدًا ونادو الدكتور وحط لها مُسكن:دا طبيعي عشان في جُسميات بتحارب الجنين للان بس مابتضر
خالد بخوف:بتطلع اليوم؟
الدكتور:اءه بس تصحى ونديها ادويه وتقينا بكرا عشان نسوي لها السونار
هزو روسهم بالايجاب وبالشاليه وعد مو يمهم وعلى اعصابها هيّ والونَا ، صحت ميلا بعد نص ساعه:بابا؟
فز لها:سميّ يابوي يوجعتس شين؟
هزت راسها بنفي وعدم استيعاب:شجايبني انا ؟ ماذكر شي شصاير ؟ -وطالعت يدينها كلها اجهزه وعند قلبها انصدمت من حست ان في اسلاك على بطنها ومن طالعته فعلًا في اسلاك-لوش ذا! ليه كلي اسلاك
خالد بفرحه حضنها:بابا ميمي انتِ حامل
انصدمت وهي تطالع المدى وتتردد على بالها كلمه'انتِ حامل ' وفكرت بانس على طول ، خالد بتوتر من شك انها ماتبي بعد:ميلا ابوي شفيك؟
هزت راسها بنفي ودمعت، كانو متجمدين مايدرون شفيها ليه تبكي ، حضنها خالد بخوف:شفيك باابا!
ميلا بدموع وتاتاءه اثر الصدمه:مبي
هتَان بصدمه:ميلااا!!!
ميلا ببكي:مابغى بابا شيظمني انس بيرجع !! مابببغى وانس مو فيه بابا مابغى
مبدئيًا عرفو سبب بكيها ، خالد بحنيه حاوط خدودها بكفوفه وجلس جنبها:مانعلم الغيب يابابا؟ يمكن بسبب هالخبر يقللون مدت مهمته ويرجع ابكر؟ وانتِ بتقدرين لين يرجع وكلنا حولك ومعك يابوي انا!
فِراس بحنيه قبل راسها:وباذن الله بيرجع ليه تبكين؟
سند خالد راسها على صدره بحنيه:تقولين ليّ؟
ميلا وادموعها تنهمر بهدوء:مابغا بابا مانعلم الغيب ولا نعرف انس بيرجع بخير او لا ! مابغى اجيب طفل-استصعبتها ونطقتها -يتيم
خالد حضنها بحنيه الارض كلها :استهدي بالله يابنتي ولاتسمعين للشيطان ذي كلها وسوسته وذيّ سنّه الحياه تبين تعصين ربك يعني ؟ وتغضبينه ؟ شوفيهم ياكثرهم ابناء الشُهداء باعلى المناصب ويفتخرون انهم ابناء شُهداء وذا مايزيدك الا شرف وعزّ اكثر واكثر وفخر بانك زوجه شهيد وابنائك ابناء شهيد وباذن الله يرجع انس بخير تبين تكلمينه اتصل عليهم؟
ميلا الي بدت تهداء:اي
وفعلًا خالد اجرء كذا مكالمه لين ماوصل الجوال لـ انس ، وتكلم انس:هلا عميّ سم
ابتسم خالد:انتظر
وعطا ميلا الجوال واشر لهم يطلعون ، وطلعو ، ميلا بدموع:انوس
تنهد بحُب:انفدا هالصوت ليه تبكين ؟ سميّ وياهلا بدهر قلبي ورجعانه
ميلا كانت تبكي بصمت ، خاف انس:ابوي ميلا معي؟ تسمعيني؟ شفيك؟
ميلا بدموع حطت يدها على بطنها:انس صار الي تبيه
انس بعدم فهم:وشو يابوي؟
ميلا ابتسمت بغصه:انا حامل
اتسعت الابتسامه على مُحياه واشرقت شمس دنياه يوم دنيته ومحبوبته بشرته بخبر حملها ، انس بفرحه:قوليّ والله!!! مييييميي! ميلا ميااااالتي الميلا! يامي انا! مبرروووك ياسرور العمر وبهجته ، مبروك ياربيع القلب وسعااادته! مبروك يامي مبروك
ابتسمت وحست بالفرحه معه:يبارك فيك مبروك نوسي!
ابتسم بواسع ثغره:عز الله انها بشاره ترد الروح طمنيني عنك؟ كيفك كيف عرفتي؟
وحكته ، ابتسم:ابوي يناديني صاحب عمي بس اسمعي ادخلي حسابي بتويتر وغردي عنيّ زين ياميّ؟ بشري هالكون بان دنيتيي بشرتني احلى بشاره زين يامي وانتبهي لنفسك قولي لولو تعطيك الباسورد عندها ناسيه والله
ابتسمت:انتبه لنفسك ياحبيبي واذا قدرت تتصل اتصل
ابتسم:فمان ربي استودعتكم اياه
وقفل وعطا الجوال صاحب خالد وبشره وانطلق عند زُملائه ، انطق الباب،ميلا بابتسامة :تعال
ابتسم خالد من عرف انه قدر يقنعها وبنته عنيده وقبل راسها:يالله يابوي بنطلع
وكانت لابسه العبايه فوق لبسها المعدوم وشدت العبايه عليها بخجل ووقفت بدوخه ، سندها هتَان عليه بابتسامة:خليك استنديي عليّ
ابتسمت ومشت وهي سانده راسها على كتف وصدر هتَان وهو محاوط اكتافها ويمشون ، وصلو ، فزت وعد بخوف وحضنتها بهمس:وشو ياماما؟
ميلا بفرحه وهمس:انا حامل
بعدت وعد وغطت فمها بصدمه:اساااالك بالله!
ابتسمت:والله
حضنتها بفرحه ودمعت ، الونَا ابتسمت من عرفت:عسلللليّ!!!!!
وليد بخوف:وشو ميمي سلامتك شفيك؟
ميلا وهي لازالت حاضنه وعد تهدي مشاعر امها الجياشه:انا حامل
صرخو البنات بفرحه وغطرفو وغطرفو العيال بمزح معهم وضحكو وهم يباركون لها ، دخلت تبدل ولبست بدلتها الي عساس تلبسها بعد المسبح وطلعت جلست جنب الونَا بصوت خافت:لولو
لفت بابتسامه:سميّ؟
ميلا بابتسامة وصوت خافت:ابي يوزر وباسورد انوس حقين توتر بغرد عنه
ابتسمت الونَا وهي عارفه جمييع مشاعر اخوها ، ودخلت الملاحظات وعطتها ، دخلت ميلا الحساب بجولها الثاني وغردت
' وديّ اوزع هالفرحه الي بداخلي عليك يالدنيّا
وداريّ بيبقى بجوفيّ من هالفرحه شكثر
يالكووون ويااعالم وتحقق مُنايّ وحلميّ
          يالدُنيااا - مَـ -
          أبصير أب !❤️
اتمنى مِنكُم خالص الدعوات والحُب '
وغردتها بابتسامه وراحت كتبت بحسابها ايضًا
' يوم الهنّا والسعد يومني بصير أُم لعيالك ❤️
             الدُنيااا - أَ -
           أبصير أُم !❤️
اتمنى مِنكُم خالص الدعوات والحُب '
استغرب بتال وهو جالس على جواله وتجيه اشعارات بان حساب أنس غرد ودخل وارسل له خاص تويتر
" أنس جوالك معك؟"
انتبهت ميلا للاشعار وكتبت"انا ميلا"
بتال"استغربت يغرد وجواله مب معه تمام"
ماردت ميلا وشد انتباهها رساله وصلت قبل رساله بتال بدقيقتين محتواها من الخارج"انس اذا مارديت الان بيصير...."
وفتحتها لان مو كامله الجُمله وقرتها
"انس اذا مارديت الان بيصير لزوجتك شي تكفى رد"
ارتعشت خلايها بتوتر ونغزت ألونَا بهمس:شوفيّ
ولفت قرته وتوترت وهمست:عطيني بروح للي برا واشوف وش السالفه اذا جاهم احد ولا لا
هزت راسها بتوتر وعطتها وجلست ، راحت الونَا وجلست جنب فِراس بتوتر:احم اسمعوني شوي
لفو كلهم يستمعون لها ، الونَا :جات رساله لحساب آنس بتويتر
بتال:اي ميلا داخلته
الونَا:ادري اصبر ، المهم مكتوب فيها انس اذا مارديت الان بيصير لزوجتك شي تكفى رد
ارتعبو كلهم ، خالد بتوتر:شي مثل وش؟
فِراس بتوتر:اشوف
وعطته:ذي اول رساله من هالحساب وواضح وهمي
بتال اعتدل:يعني تقولين يوم راعي الحساب شاف التغريده ارسل؟؟؟
الونَا:توو قبل رسالتك بدقيقه بس
ابراهيم بخوف:وش بيصيير طيب
الياس:هدو لاتتوترون طيب ايناس تطلع كل شي يخص هالحساب
وفعلًا ارسلت لها الونَا وجت وحكوها وتوترت،وقفت:بجيب الابتوب
وجابت وجلست:أعطيني الجوال
وعطتها الونَا ، شبكته ايناس بكيبل موصول بالابتوب وتكت بيدها على دقنها ولبست نظارتها عساس تركز اكثر واكثر ، قدرت تخترق الحساب بسهوله ، الونَا وهي جنبها:ادخلي الحساب ذا
دخلته وهي تقرا : لؤي عليّ محمد الخالدي مسوي الحساب من 2018 من الرياض غير موظف جامعي بس مافي شي ثاني واضح
الونَا باستغراب:اساسا اول مره نسمع بهالاسم ادخلي قائمه الفلورز
دخلتها وهيّ تتفتل اعتدلت:عصام عادل!
سلطان بصدمه:الونَا ذا!
الونَا:شيبي فوق مانه رافع قضيه بغير وجه حق اخترقي حسابه
ايناس:اي اخترقت تعاليّ شوفيّ لحظه-وطلعت جوالها دخلت حسابها تكتب احدى اليوزرات-احس اعرف هالحساب صبر
الونَا بعدم تذكر:اذكر الافتار واليوزر بس منو مدري ناسيه
ايناس بصدمه:حساب جِنان
ابراهيم:وش هالعقوبه ذيّ!
هتَان:اويطي اتحدها تسوي شيء بزره
ايناس ابتسمت:يالبيه علووم اقربي !
وقربت وهي تشوف ميلت شفايفها بابتسامة:يعني يعني
ايناس باشمئزاز:وع حتى ماتعرف تختار صحبات
ضحكت الونَا:ذي اختها ههههه
ايناس بصدمه:يمه يع شينه!
سهم:قلبوها حش وتقيم ذولي
وانهارو ضحك ، ابتسمت الونَا من طرت لها فكره وطالعت ابوها وعمها:الحييين لو نقول لقيادت انس عن التهديد وكذا مايخلوه يجي بسرعه!
وليد ابتسم:الى والله وواسطه من هنا وهناك اسبوع شهر محضر عندك !
خالد:عندي عندي
هتَان طالع سهم:وذولي قلبوها هياط
وانهارو ضحك ، ورفعو تحقيق سريّ وكلم خالد كذا شخص عشان انس يطلع بدري وفعلًا بعد مُده قصيره مجهوله بيطلع ، الساعه 1:00am
~المسبح الداخلي~ ، خالد مِن برا:بنات بجي؟
الونَا ابتسمت:تعال عمو
ودخل بابتسامه وكانو يسبحون ومايوهاتم طويله للاحتياط ، ابتسم وقبل خد الونَا:ياحلوك يالولو
ابتسمت:وعيوووني انا!
طالع ميلا بابتسامة:شفيك بابا ماتسبحين ؟ تعبانه ؟
هزت راسها بالايجاب بلوعه كبد:كبدي حايمه
ابتسم وجلس جنبها:عادي يابوي اول الشهور كذا وبيخف مع الوقت ودّك اطلب لك شي ؟ بخاطرك شي؟
ابتسمت وسندت راسها على صدره وكتفه:لايعيوني وجوودك يكفيي
ضحك وطالع نرجس:يامهبوله بشويش!
وكانت هيّ وسُندس مسوين سباق من اول المسبح لـ اخره ، جلست على طرف المسبح تشرب عصير:اخ سندسسسوه اورييك ياحيوانه رجولي تنفخو
ضحكت ليلاس:بلاه عليك؟ شذنبها
نرجس:مخليتيني اتسابق؟
تمارا:محد طقكك على يدك غبيه اول مره اشوف وحده بالشهر السابع وتسبح! ولا تتسابق برضو
ابتسم خالد:عيوني نرجس شوي شوي زين يابوي؟
ابتسمت ورمت له قبله:كلشي لعيونك زين
وليد من برا:بجي
نرجس:تعال لوديّ
ودخل جلس جنب نرجس:شفيك ماتسبحين؟
نرجس:تعبت
وليد:طيب تراك بالشهر السابع هديّ شوي شوي !! اساسا اظن السباحه ماتصلح لك ولا؟
نرجس وهي تاكل توت:دكتورتنا
ابتسمت تمارا:لاعادي لوديّ لانها رياضه وبرضو افضل لها لانو كِذا ولاكِذا لازم تسوي مجهود وحركه والسباحه افضل لانها ماتتمرن زي لولو فاخليها افضل
ابتسم وليد:انت ادرى ياعيوني اي صح ترا الملكه بتصير هنا بكرا محفوفه
تمارا برفعه حاجب:خير؟ من قال؟
ضحك وليد:امك معيه
تمارا طلعت من المسبح ولبست الروب فوق المايوه:الحبّ الي براسها يبي له طحن!
خالد ضحك:انقعيها يالله
وضحكو على تمارا وهي معصبه ، ابتسم وليد وقبل خد الونَا الساهيه:شفيك؟
ابتسمت وهي تحرك رجولها فالمويا:ولاشي ياعيوني
وليد:عليّ لولو؟ اعرفك زين
ابتسمت ورفعت اكتافها بعدم معرفه:سعيده
ابتسم خالد:دوم
وليد بابتسامة :ما سرها؟
ابتسمت الونَا:مدري والله
جت ميتا:لولو مدام وعد تبيك
هزت راسها بالايجاب ووقفت لبست سلبرها وطلعت
ابتسمت ميلا وطالعت ابوها وهي سانده راسها عليه:دخلت تو عليها لقيتها تبكي
استغربو ، استغرب خالد:ليه تعبانه؟
هزت راسها بنفي وابتسامه:لا مدري كيف بس مساعد اتصل عليها وكلمها انس من جواله وتبكي ومبتسمه
ابتسمو كلهم على حنيته ومشاعرها ، برا ، وعد بهمس لـ الونَا:ترضعينها؟
خذتها بهمس:جوعانه؟
وعد بهمس:تبكي فاخمنت خليها اول شهور على الطبيعي
هزت راسها بالايجاب وخذتها دخلت الغرفه وقفلت الباب وجلست على السرير ترضع جِوان ، انطق الباب ،الونَا وهي ترضعها:منو؟
نرجس:انا نرجس و وياي ايناس
الونَا وقفت غطت صدرها بشال ولازالت جِوان بحضنها وفتحت ورجعت تجلس ودخلو قفلو الباب عشان العيال مايدرعمون ، ليلاس تمددت بابتسامة:لولو كيف الشعور؟
استغربت:اي شعور؟
ابتسمت نرجس وتربعت:الامومه وان بنتك بحضنك وشعور الولاده وبرضو مشاعرك يوم عرفتي ان انس بيصير اب
ابتسمت وتنهدت بحُب:شوفيّ الامومه شي مره حلو ويجننن حييل وفكره انو معايا قطعه منيّ بحضني شعور صعب وصفه بس مُبهر الولاده من وحده لوحده تفرق انا كانت سهله ويسرّها ربيّ ليّ صحيح كانت فيّ صعوبات شوي بس كنت اردد سوره مريم وادعي وقت الولاده لان على حد علمي يستجاب الدعاء وقت الولاده ومن جاني الطلق وتحت البنج كنت ادعي بكل شي وصايره اشوف اشياء بدت تتستجاب الحمدلله وشفتي شعورك يوم تكونين سعييييده واسعد يوم فحياتك وفيك مشاعر مانتي عارفه تطلعينها وفرحه تكمن بداخلك ذا شعوري يوم ميمي بلغتني وشعور الام وقت لقاها بولدها يوم كلمت انس وباركت له
ابتسمو على مشاعرها ، ابتسمت إيناس وهي تلعب بخصله من شعرها وتطالع المدى:بيننا بنات؟
نرجس:سميّ؟
ايناس تعدلت:يأخي خايفه
الونَا بابتسامه:من وش؟
ايناس:فكرت الحمل وفكرت الولاده وفكرت التربيه وفكرت الالم
نرجس بابتسامة:خلي الي جربت تجاوبك
ابتسمت الونَا:كلها نعم من الله والحمدلله عليها يارب ويدومها لنا كل شي بيكون صُدف ومكتوب لنا باقدرنا نعيشه يانوني وكلها ارزاق الولاده من وحده لوحده تفرق والله بيكون معك بكل شي ويهون عليك وييسر لك ويسهل لك باذن الواحد الاحد التربيه جدًا عظيمه مالي اسبوعين اظن ماربيت للحين صح بس فكرت اني بابني جيل واسس اشخاص بيكون لهم مكانه ومنصب كبير باذن ربي شعور حللو والالم يامي انتِ لك الاجر يارب اجل ليش تحت اقدام الامهات الجنه؟ وطبعًا مو كل ام ام لازم تخافين ربك بضناك وتحسنين له ويحسن لك تحترمينه وتقدرينه وتكبرينه على السنه والدين
ابتسمت نرجس:ريحتيني يالولو كنت خايفه من الولاده
ايناس ابتسمت:وانا كنت بركب شريحه مانع
ابتسمت الونَا:ربي بييسرها ويسهلها عليك يارب ونوني ترا بتلخبط هرموناتك وتحوسك لاتركبينها ووكليّ امرك لربك
ايناس:مابغا الحين لولو
ابتسمت:كلي حبوب لاكن لاتركبين المانع ترا يلخبط ومن وحده لوحده يفرق اعرف وحده حملت وهي مركبته
ايناس:تمام
انطق الباب،الونَا عدلت صدرها وبلوزتها وحطت جِوان على كتفها تترعها ، فتحت نرجس:هلا اريين
ابتسمت وحضنتها:كيفك؟
ابتسمت:بخير
وسلمت على البنات وجلست عندهم، جت تمارا بعد مابدلت ونشفت شعرها سحبت طاوله صغيره حطتها قدام ايلاف وجلست تربعت عليها:سؤال بس انتِ ليه راسك يابس ؟ لو كلمت جدار سمع الكلام وانتِ لا!!!!!
انهارو ضحك من عتابها ، ضحكت ايلاف:شفيك عليّ؟
تمارا:خير ماتبيييييين نسويي حفله كبيره!
ايلاف:كذا مبي كيفي شدخلك؟
تمارا رفعت اصبعها بتهديد:الا لي دخل والله يا ايلافوه بنت ابراهيموه اذا ماسويييتي حفله كبيييره ان اطلعها من عيوونتس سامعه!
وكانو منهارين ضحك من عصبيتها الطيفه،ضحكت ايلاف وربتت على ارنبت انفها:ياحلوك ياتوتو
تنهدت بخفه:ياخي تراي خفيفه خير!
انهارو ضحك اكثر واكثر ، ضحكت وجلست جنبها:بتسوين ياخي خير لاتبعصين!
ميلا لفت لوعد:برجع البيت ترا
استغربت وعد:ليه؟
ميلا:ابي اكون لحالي لو يوم تعبت مو قادره اركز بشي وبرضو مساعد يبغى كذا ملف من حقات انس بوديهم
وعد بحنيه:زين يامي انتبهي لنفسك وبلغيني وطمنيني عنك اول باول زين ياماما؟ ولاتهملين اكلك المغرب بكرا راجعين
هزت راسها بالايجاب وطلعت بلغت ابوها وحركت للبيت وهي ضاااااايقه فيها الوسيعه وودها بانس وياها ، بدون احداث تُذكر ومُهمه بعد مرور شهرين ، الساعه5 الفجر ، كانت ميلا جالسه بالغرفه تطالع بروز بطنها الخفيف وتبتسم ، ابتسم سلطان هو وبتال وطلعو من القسم بكبره وراحو يجلسون برا ، ميلا سمعت خربشه وهي متاكده ان عمها وبتال طلعو تو جالسه تسمع اشياء واغراض تتنزل على الارض ، استغربت ولفت روبها وطلعت شهقت وهي تطالع المُرتز بالمُنتصف ، تنهد انس بشوق وابتسامه وهو مشتاق لها حيييل فتح يدينه:الشوق ذبحني ياميااالتي
دمعت وركضت حضنته وحاوطت رقبته ، شد عليها ودفن وجهه بنحرها وشالها وهو حاضنها ودخل الغرفه ، اتسند على الباب وهو يُقبل نحرها بعشوائية:وحشتييني ياميمي وحشتيييني ياكليّ
ميلا بشوق ووله وابتسامه ودموع دفنت وجهها بصدره:وحشتني مرا! اشتقت لك انوس!
شد عليها بابتسامة:جعلني مابكيك ولاخلى منّك ياكليّ
ابتسمت وبعدت وهي تمسح دموعها تطالعه بظرات شوق:تغيرت انوس
ابتسم وهو يقبل بطنها وبعدين حاوط خدودها بين كفوفه بابتسامة واسعه ومحاجر مُمتله بدموع:مبروك ياحبيبي مبرورك لييّ ولك عسى مو متعبك؟
ابتسمت ودمعت وهي تحط يدها فوق يده:يبارك فيك ياروحيّ غالبًا ماينعرف له
بكى انس كـ الطفل وكله مشاعَر وفرحه ، حاوطت خدوده بين كفوفها بخوف ورفعت راسه لها:انس حبيبي شفييك! تعبان؟ احد مضايقك؟
قبلها بفرحه:فرحان ياُمي فرحان فينيي سعاده وفرحه كبييره لو وزعتها على اهل الرياض كلهم زاد وبقى بجوفي
ابتسمت ومسحت دموعه بيدها:فرحه دايمه يارب بس لاتبكي
حضنها بخوف:عرفت عن الرساله الي جت لحسابي والرسايل الي تجيك يوميًا
حضنته وتنهدت بتوتر:الفتره الي فاتت كنت على اعصابي جد
انس بخوف:معليك بجيبهم لونهم باخر هالدنيّا ولايمسكم شيّ
ابتسمت وهي ماسكه يده:مافيني خوف ولا يزورني الخوف وانت معايّ وجنبي
ابتسم وقبل خدها:ولابيجيتس باذن ربي
أبتسمت وهي تطالعه وتتامل ملامحه الحاده وجمالها وسماره الي زاد بشكل جميييل وشعره المُبعثر وكان للان لابس بنطلون وبلوزه الدوام وبدون الجكيت حاوطت خدوده بين كفوفها:روح خذ لك شور جمع طاقتك فيه وبسوي لك اكل
ابتسم وقبلها بحُب:ياحنييييتك ، لاتسوين شي وتتعبين راضي والله
ابتسمت:الا بسوي لك شي تاكله وعادي ياعيوني مو تعبانه والله اذا تعبت بقول لك تمام؟
ابتسم:تمام ياروحيّ
وفتحت الباب وطلعت قفلته اتجهت للمطبخ وانس راح يتروش ، ابتسمت وهيّ تسوي باستا ومكثره شوي عشان سلطان وبتال لو ودّهم ، بعد نص ساعه طلع انس بأبتسامه وهو لابس شورت اسود وقميص بولو الابيض وفاتح الزرين الي فوق حضن ميلا:ليه ميمي لك نص ساعه واكثر واقفه صح؟
ابتسمت:عادي ياروحيّ وشف خلصت بجلس انتظرها تستوي
ابتسم وقبل خدها ، ميلا بخجل:انوس بعد لو جو بتال وعمو
ابتسم وقرص خدها:دارين اني جاي وطالعين عشان ناخذ راحتنا
ابتسمت بخجل وصمت،ضحك:اموت على الخجلاااانيين!
ابتسمت بخجل من ضحكته:خير انس!
وضحك:أحبّك ياشيخه
ابتسمت بخجل:اموت فييك ، اجلس بحط لك
ابتسم وتنهد بحُب:ياكُبر حظي لابلاه اجلسي وانا الي بحط
ابتسمت ولاقدرت ترده وجلست على الطاوله ، ابتسم وحط له ولها وجلسو ياكلون ويسولفون، ومن انتهو وقفت تاخذ شنط إنس للغُرفه ، ابتسم وهو يرفع الصحون راح واخذ الشنطه من يدها وشبك يده بيدها بابتسامة ودخلو الغرفه سوا ، ابتسم وجلسها وجلس جنبها وهو يطلع من الشنطه شي ، ابتسم وطلع عِلبه العقد وفتحها ومدها لها بابتسامة ، ابتسمت بحُب وهي تتامل جمال العقد وطالعت انس:ليه تكلف على نفسك انوس؟
ابتسم وقبل يدها الي على خده:كليّ فدااك ياُمي ليه تقولين كذا؟
ابتسمت:لبسني اياه
ابتسم واخذ العقد ، عقد ناعم لاكنه فخمم لابعد الحدود ذهب ابيض جميل جدًا عِباره عن سلسله هاديه وناعمه يتوسطها حجر مُربعٍ مُرصع بالماس حُر والباقي ذهب ابيض ، رفعت شعرها ولبسها وقبل عُنقِها بحُب:مازان الإ عليك ياروح روحيّ
ابتسمت وحضنته:أحُبّك حييل أنس مره محظوظه فييك!
ابتسم وشد عليها:اهواك ياببنت!
ابتسمت وهي تذكرت سالفه كلمه'يابنت' :طيب بصوره لحظه
وراحت صورت العقد وهو عليها وبالعلبه مع الورد وصورت كان أنس خلفها وهي تصور بالمرايا وانس خلفها يقفل العقد لها وصورتها بابتسامة وغبشت على وجهه وجهها وكتبت على صوره ثانيه الي كانت واقفه والورد تحت من كثره وثقله واقف على الارض والعقد جنبه وكتبت عليها
' رجُل قلبيّ و حَبيبي لـ نهاية العُمر ❤️ '
ونزلتها بكل مواقع التواصل الاجتماعي ، وغردت بكذا تغريده
1 'ذلَك الرجُل هَو قلبي -أَ-❤️'
2 'جالسه اتقهوى مع الوجه اللي قالوا عنه
-وجههِ يقهويك قبل تتقهّوى- -أَ-🌷🌷❤️'
3 'أحب رقه حنانك ، مُبالغتك بي ، صبرِك لأجلي ، وأحُب إني من بين الجميع كسبتك-أَ-❤️'
4 'أنتَ رَجُلي الوحيد وأنا نِسائكَ الأربَعة وحُلم عُمركَ -أَ-🥺'
5 'انا حبيبةُ عيونهِ الإثنتين-أَ-❤️!'
6 ' مِن فرطِ رجولته كأنه كُل الرجال-أَ-❤️'
7 ' يهديني الورد وهو ورد عُمري-أَ-😢🌷'
وختمت جميع تغريدياتها بذي التغريده مع منشن لـ انس
' ياخيرَ ما أهدتني الأيامُ حَبيب عُمري 'أنس' ❤️'
ابتسم وهو يتاملها ويتامل كِتابَاتها اليّ وصلت لاخر نُقطه بِـ عُمق قلبه وطالع الاشعارات وطالعها:صرحتي بحسابي؟
ابتسمت وحاوطت يده بغيره وعقدت حواجبها:عشان فلانه وعلانه يعرفون انك حقي وبس
غمز:تغارين؟؟
ضربته على كتفه بخفه تخفي غيرتها:لا من قااال!!
ضحك وربت على أرنبه انفها:اوييلي على الغيوريين احبببتس يابنت! تحسبيييني بطالع غيرتس؟ اخسي ياروح روحيّ لحظه بغرد
وكتب ' ياخيرَ ما أهدتني الايامَ حبيبة عُمري 'ميلا'❤️'
ونشرها ونزل الجوال بابتسامة وهو يرجع شعرها خلف اذنها:ايوا حبيبي ؟ سميّ وآمري ووش ودّك فيه ويصير بس -ارخى حواجبها بيده-لاتعقدينهم وتعصبين
صدت بنظرها:الان تقفل الريكوست ولا ترد وتقول متزوج!سامع!
ابتسم:آبشري
وراح حدد كل طلابات الرسايل وحذفها ووراها:كيف؟
ميلا وهي صاده بنظرها وتحاول تكبح ابتسامتها:اي وبعد سناب وتيك وانستا شدخلهم بعضلاتك ولا شعرك ولا ابتسامتك؟؟ شيبون؟!!!!
ابتسم وهو مُدرك غيرتها وجلس يبعد شعرها عن وجهها ويقبل وجهها قُبل عشوائيه:والله ولالي نفس ولالي حُب الا لتس يابعدهم كلهم
ابتسمت بخجل:طيب خلاص بعد!
ابتسم:مابي
ميلا بخجل ضحكت بدلع من قُبله:انوس خلاص!بتصير علامه والله!
ابتسم :وذا؟
ميلا بخجل:مقدرر اطلع قدامهم كِذا الفاونديشن مخلص!
انس وهو يبعد شعرها عن عيونها:ليه ماتطلعين ؟
ميلا بخجل ضربت كتفه:خير انوس؟
تعالات ضحكاته:امزح معتس
ابتسمت وسمعت الاذان:روح وضي وصل
ابتسم:ياويلك تتعبين نفسسك!!
ابتسمت:لا بصلي وانزل تحت معليك
ابتسم وقبل خدها:خذي جوالي معك ياعيوني
ابتسمت وخذته وراحت شغلت الفحم ، طلع بابتسامة ،تقدمت تبخره،حاوطها بشماغه وقبل جبينها:يمنى ماتمسها النار يالله حبيبي
وطلعو وافترقت طُرقهم ، سلمو وخلصو من الصلاه برا المسجد ،هتَان حضن انس بقوه:ولاتقووول!!!
ضحك وحضنه انس:سوبرااايز
هتَان بعد:اما ميلا تعدي!! اثارها!!
وانهارو ضحك من عرفو مقصده بكلمه ميلا المُعتاده'سوبرايز' ، وسلم على جده بابتسامة:كيفك ياجد؟
ابتسم ابراهيم براحه ورضى وربت على كتفه:بخير يابوي طمني عنك شوقعك؟
ابتسم:على ماتحبب
وليد:اقعد انس مسوي تان!
وضحك:شرايك بس؟
سهم:ماش محروق شوي
وانهاروا ضحك وسلم عليهم واتجهو للبيت
مجهول من بعيد وهو يشوفهم همس:اخر ضحكه بتضحكونها اوريكم!
مجهول 2بهمس:امش لاتفضحنا
ومشو ، دخل انس الصاله:ماش ماشتقتو لي الظاهر؟
الونَا بفرحه:نوووسه!!
انس:لولللله!!
وحضنها وهم يضحكون ، وسلمو على الباقين ، انس بحماس:ووووين جِواان؟؟
ابتسمت الونَا براحه وشوق لاخوها:نايمه
انس:مالي دخل صحيها!!
الونَا بتهديد:انسوه والله لو ماتهجد
انس:سميّ
وضحكو الموجودين ، سُندس باستغراب:وين نرجس؟
تُقى:بييتها
سُندس باستغراب:لا قالت لي من ساعه تقريبًا بتجي هي وكِناز ويمه انفال
__________________________
احداث لذيذه جدًا ادعو لي اجيب بالقدرات100😔❤️❤️ ، ااخ شُفنا الماما ألونَا وحنيه وعد وحُب فِراس ومحارش سُندس وليلاس ااخ ياكُبر الحُب لهم وصلو التعليقات 40+ شُفنا حُب انس لـ ميلا وشُفنا حنيه الاب والاخوان عرفنا معنى السند والعزوه🩶🩶،أعتذر على التاخير بِـ التنزيل ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل
والاقتباس ماحلل القراءه بدون تفاعل🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷