« عزّ الله إنّي في ظبي نجد مغروم .. راعي العيون الّلي مع الزّين خجّله »

«46»

«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
‏«اللهم لاتجعل روايتي تُلهي عبدك عن عبادتك»

وبعد يومين مشو كُل اللي مقررين يسافرون ورجعو الباقين للرياض ، ونرجس رجعت مع خالد وكانت بالسياره سانده راسها على الشباك وتفكر لفت للي يناديها:هلا؟
وليد:ابغا انام
نرجس عدلت بطانيته:لاتحُط رجولك على سُندس اوكيه؟
سُندس مسكتهم وحطتهم:حطهم ونام ماعليك
ابتسمت لها ولفت تفكر وتهوجس ، جميع من بالسياره لاحظوها فعلًا ، خالد بتغير لجوها:نرجس زعلانه؟
طالعته:لا ليه
خالد:اذا عشان السفره تكنسلت سميّ وامري وين ودّك؟
ابتسمت:لاوالله مو زعلانه وعادي ماهمتني بس مواصله عشان كذا
خالد ابتسم وماحب يضغط عليها:نامي اسدحي المرتبه
ابتسمت بتضييع:امداك تنسى؟ ماحب انام بالسياره
ضحك:سميّ
وعد ارسلت له(لاتضغط عليها)
رد وهو منزل جواله لركبته(طيب واضح متضايقه)
وعد(برضو خليها براحتها احس ماودها احد يعرف)
خالد(ابشري قالت لكم وين بتجلس؟)
وعد(لا بسالها) ونزلت جوالها:نرجوس وين بتجلسين؟
نرجس بهدوء:بيتي
وعد بتضييع:اها حلو مايطول عزوز؟
نرجس بهدوء:الا بس وليد متعود عليه
وهزو روسهم بالايجاب بصمت ، سُندس ارسلت لنرجس(متهاوشه معه؟)
ردت(لا)
نرجس نهائيًا ماتبي احد يعرف باللي حاصل
سُندس(نرجس! عليّ واضح متضايقه مره ومن شي بس ماتبين تقولين قولي!)
نرجس(سُندس مافيه شي خلاص)
سُندس ماحبت تضغط عليها زود وسكتت وهي تطالعها تهوجس ، وصلو الرياض جميع بنفس الوقت واتجهه خالد لبيت نرجس ونزلت ودخل شنطها بالصاله ، مسك يدها بحنيه:ادري متضايقه ولاتبين تقولين لاحد وماتقدرين تخفين ضيقتك عشان كذا بتجلسين ببيتك اعرفك زين بس متى ماودّك تتكلمين انا فيه
ابتسمت:مو متضايقه خلود ارتاح بس وليد متعود على نظام صعبه اخربه فجاءه عليه
ابتسم خالد وتفهم ولاوده يضغط عليها قبل راسها:الي تبينه بلغيني
ابتسمت:ابشر
وطلع وقفل الباب ، اتجهت واغلقته بالمفتاح وتنهدت تنهيده عميقه ، امينه:نرجس رتبت الاغراض وحطيت وليد بسريرك
ابتسمت:شُكرًا باخذ شور. بالله اذا صحى وانا ماطلعت انتبهي له
اتجهت نرجس لفوق وخذت روبها ودخلت البانيو
بالبيت ، استغرب ابراهيم:نرجس ماعودت؟
خالد:لا معيه تقول مابي اخرب نظام وليد فجاءه
حاولو يصدقون، سلطان:معليه بيتها قريب وبتجي اكيد واذا ماجت حنا نجيبها ريح انت
تنهدت سُندس بملل:راحو جدولي
وضحكو الموجودين ، الساعه1 اليل عند نرجس كانت لابسه بجامه شورت عاديه وتسوي لها شاهي اخضر واستغربت الباب اللي ينطق خذت روبها ولفته ولبست عبايتها ووقفت خلف الباب:مين؟
عبدالعزيز:انا عبدالعزيز
استغربت وفتحته:مهمه؟
عبدالعزيز دخل ببرود وجلس على الكنب يدلك حواجبه:مافيه بس مالي خلق اسافر
نرجس استغربت وجلست:طيب كان قلت مو تتحجج ولو شافوك اهلك واهلنا وسيارتك؟
عبدالعزيز تافف ووقف:خلاص لاتكثرين اسئله نرجس خليهم يدرون طقاق
ورقى للغرفه ونزل:كم مره قلت وليد لاينام بفراشنا!
وقفت باستغراب منه:شفيك ولدك ترا وعساس انت مو فيه بخلي الولد وحده وابقيها بخاطره؟
عبدالعزيز بانفعال:والله لو تتكرر يانرجس..
تكتفت:عفوًا؟ بتكرر ولديّ وولدك وينام بالمكان اللي يبغاه واذا انت ماتبغاه محد ميت عليك نطلع وكثر الله هالبيوت وبيت ابوي موجود
عبدالعزيز لف يمشي:قلعتكم اريح
استغربت اكثر واكثر وانصدمت مالقت مُبررات له ولأفعاله شالت وليد وهو يطالعها بصمت شالته رُغم المها شالته ومددته بسريره وتمددت جنبه نامت وهي تفكر ، الصبح جهزته ولبست وليد لبس الروضه بابتسامة:برافو حبيب ماما حطيت لك تشوكلت ميلك وفراوله اوكيه حبيبي بس اكل الساندوش اول
ابتسم وقبل خدها:من عيوني ، مين بيوديني؟
ابتسمت:خالو خالد يقول يبغا يوديك-وسمعت طق -شفت جا تعال
ومشى معها ، ابتسمت :أنبته له
ابتسم خالد وشال سميه :انتبه له اكثر من نفسي ولايهمك-لاحظ ذبول وجهها -بجيك ونتكلم؟
ابتسمت:محتاجه اتكلم وبقوه
ابتسم:اجل انتظريني وبجيب فطور وقهوه ولا كلمه نرجس!
ابتسمت بصمت تاملتهم لين مشو وقفلو الباب ولفت لعبدالعزيز الي واقف ومتكتف:شفيه
عبدالعزيز بانفعال:خير طالعه قدامه بهالبس!
كانت لابسه بجامه شورت وواسعه بحيث ان البنطلون مغطي ركبتها ايضًا:خير عزوز؟ اخوي ترا!
عبدالعزيز بانفعال مسك يدها بقوه:اذلفي غيريه!
نفضت يدها منه بحده:اذا وعيت على نفسك تعال دورني ومالك صلاح
عبدالعزيز بانفعال:تعصين زوجك! وانتِ تدرين طاعه الزوج مقدمه على طاعه الوالديين!!! تشوفين يانرجس كيف غضب زوجك عليك ووش بيسوي عسى غضب ربي يجيك!
جمدت بصمت وهول من دعاويه وسبه وقذفه لها رقت وهي تسابق دموعها خذت قميص اسود عليه فيونكات وركضت لغرفه الضيوف قفلت الباب وبكت وبدلت وهي تفكر بضيق(شفيه متغير حيل! انا ! انا يدعي عليّ! يذلني انا؟ يسب زوجته! يقذف شرفه وعررضه!!) بدلت وللفت للي يطق وفتحت
عبدالعزيز بانفعال:ليه مقفله الباب! عندك احد؟؟؟
وقام يفتش وعفس الغرفه ، نرجس المصدومه مسكت الفازه وكسرتها بقهر وصراخ:اناااا تشككك فيييني اناااا!!!! شررررفك وعررررضك!!! لحمم وجهككك!!! ام ولددددك!!!! انا تشك فيييني!!! ماتخاف ربك يانسااان! تسب وتقذف وتدعي ومن اول ساكته! قلت معليه معصب وبيهدا! بس توصل للشك!!!!!! مابقعد عندك وورقتي تجيني ولا انا اللي بخلعك سااامع!!!!!
وطلعت تركض قفلت الباب وشالت كم غرض ونزلت الشنطه وهو يسحبها ، عبدالعزيز:نرجس وقفي قلت!
فتحت الباب لخالد:مابقعد بالبيت ذاا مابقعد!!
انصدم من بكيها:شفيك نرجس!-شاف عبدالعزيز واقف عند الدرج ومعها شنطه وطالعها-اذاك؟
نرجس مسحت دموعها:مابيه خالد خلاص مابغاااه!
خالد مسك شنطتها:تعالي
وركبت وتكتفت بصمت وهي تدمع وتطالع المدى ، ركب وطالعها:يصير اعرف؟
نرجس بانفعال ودموع:خالد قهررني خاااالد من اول بارد وبس يعصب بدون اي سبب والله بدون اسباااب يعصب تخييل معصب ليه طالعه لك ببجامه وقام يقذف ويسب ويدعيي!!! قلت اوكيه يمكن معصب من دوام شي بيهدا قلت ماله داعي تكبر عشان لبس بدلت ولا قلللت شي بشوف وين بتوصل اخرتها !!! شوي ويكسر الباب ويفتش بالغرفه يقول ليه مقفله الباب عندك احد!!!!! مابغاااه خلااص مابغاا شخص مريض وشكاك ومعتوووه مابغاااا!
خالد كان مصدوم وفار دمه نزل وصفق عبدالعزيز كف طيحه بالارض وهو يهدد:طبك ودوووواك عندي يالخسيسس اصبر بس اوصل نرجس وهين و والله لو ماتطلقها...
عبدالعزيز وقف بعصبيه:طالق اختك طااالق نرجس طااالق تقلعو عن وجهي!!
تفل عليه وطلع وحرك:طلقك بس بقى اثبات
كانت تطالع الشباك تمنع دموعها تضغط على يدها بصمت وصلو وبدلت ملامحها لبرود وخذت شنطتها ودخلت داخل ، العيال والبنات كانو نايمين ، إبراهيم باستغراب:نرجس؟ بتجلس لين يعود...
خالد بانفعال:خليته يطلقها هالخسيسس!
انصدمو ، سلطان بصدمه:وش تحكي انت!!!
خالد جلس وسرد الموضوع لهم وكانو مصدومين طق ابراهيم عصاه بعصبيه وركب ومشو عياله معه ، ووعد وتُقى وسَلاف اتجهو لـ نرجس ، وصلو بيت الحمد ونزلو ، ابتسم حمد وجا بيسلم ، ابراهيم بانفعال:وشنهو قايلً ولدك عن بنتي!!!
حمد بعدم فهم:وش العلم؟
وسرد له خالد ، انصدم حمد:يعلم الله مادريت عن شين
وطلع عبدالعزيز وهم يتكلمون واتجه ابراهيم وصفقه كف بعصبيه:لسااانك لايطب على لساااااني ولا اشوفك جاااي عندنا فااااهم!!!!
عبدالعزيز بعصبيه:خير تمد يدددك!
انصدموا كلهم ، حمد صفقه بعصبيه:يمد يده ويكسر راااسك بعدد هاذا حككييي تقوله عن زوجتك وام ولدددك وبنت عممممك !! بس هين طبك عندي
مشو ابراهيم وعياله بعد ماسفلو فيه وطقوه وسحب حمد كل اجهزته ومفاتيحه وحبسه بغرفه ببيت حمد ، عند نرجس ، تُقى بحنيه:لاتتضايقين...
نرجس بابتسامة زائفه مابينت شي لهم:ياهو شفيكم محسسيني بموت! قلعته شخص وكان بحياتي وذلف عادي مو هامني
سَلاف مسكت يدها:نرجس مايصلح تكتمين شي بقلبك ومشاعرك عادي تبين تبكين؟ ابكي ، تبين تصرخين؟ صرخي ، تبين تضربين ؟ اضربينا كلنا بعد!
وعد بابتسامة:كلنا معك مانخليك وربي ياخذ حقكك ويعوضك باللي احسن منه
نرجس بتفكير وتغيير للموضع:احس بغير الغرفه واجيب سرير اكبر عشان لوديّ وبسوي له مكتب بس وين تحسون مناسب؟
عرفو انها تبي تغير الموضوع ، وعد بتجاوب معها:احس بذي الغرفه الفاضيه جُزء خصصيه له
ابتسمت وهي تقايس وطلعو بشويش وجلسو عند الرجال، ابراهيم:نرجس؟
تُقى تنهدت:تقول مو هامني شخص وكان بحياتي والحين بقلعته مو هامني
سلطان:ما اقول الا الله يستر من ورا هالصمت والجمود
وقف خالد:بجيب وليد
وراح ، طبعًا سرد خالد اللي صار بقروب الراشد وخرج عبدالعزيز منه ونرجس تقرا وهي تدمع ومقفله باب الغرفه ، طلبت جوال جديد من جرير مع مُستلزماته ووصل وجابته وسوت حسابات وايميلات جديده وبلغت اللي تبي وبس وجوالها القديم طفته وجدعته بالدولاب فوق اعلى شي لفت للباب اللي ينطق وابتسمت سريع وفتحت الباب:اهلا بحبيبب ماما
أبتسم وليد:تدرين خالو خلود وداني البقاله!
ابتسمت وجلست معه على السرير:واو جد! وش جبت وريني
وبدا يوريها وهي تجاوبها وتعطيه حُب واهتمام وعلى جوه ، كانو يطالعون من بعيد وضايقين عليها ، وليد:ماما متى يجي بابا؟
نرجس ابتسمت:سااافر بعيد ومابيجي الا اذا صرت انت كبير
استغرب:شلون؟
نرجس تسوي نفسها تفكر:امم مدري يمكن انت تروح عنده وتجي؟
وليد بصدمه:مابنرجع بيتنا! مابنعيش سوا!
نرجس:اي
رجعو ايناس والياس اللي قررو مايكملون سفر بسبب تعب ايناس وموضوع نرجس ، جلست إيناس بابتسامة جنب وليد:الحين بيكون في رجاال كبير مرا اوكيه؟
وليد باستغراب:مين هو؟
ايناس ابتسمت:اذا كبرت تعرفه اوكيه بيقول لك تروح بعيد مع بابا ولا تجلس قريب هنا عند ماما وجدانو
وليد بحزن اطفال:طيب انا ابغا ماما وبابا سوا ليه مايصير؟
ايناس:شفت جدو حمد قال لبابا يروح يجيب شي مره بعيد مره بيطول تمام وبتصير ماما لحال هنا وبابا لحاال بعيد مره وانت اذا قال لك الرجاال الكبير تبغا ماما ولا بابا قول الي تحبه قول مين ترتاح معه مين تحبه اكثر تمام؟
وليد ضاق:تمام
طالعت نرجس:ترا رفع على طول دعوه ودخلت صرت محاميتك ويقول انك انتِ اللي طالبته ولازم تتنازلين عن حقوقك
نرجس ضحكت:الله والحقوق مالت بس
ايناس:ونص المهر
نرجس ابتسمت:يحلم متى؟
ايناس:بعد ثلاث ايان
نرجس ابتسمت بتفكير:زين
وطلعت حبت تخليها لحالها ، جلست نرجس على الابتوب بعد مانام وليد وبدت شغلها بشويش وصمت
بغضون ثلاث ايام كلهم رجعو حبو يكونون مع نرجس بهالوقت ، وقت المحكمه خصوصًا كانو جالسين ينتظرو دورهم ، جت اخصائيه اجتماعيه بلُطف عند وليد:انت وليد؟
وليد ببراءه:ايوا
ابتسمت:تمام شرايك تجي نلعب سوا العاب حلوه مره؟
طالع نرجس:اقدر اروح؟
ابتسمت نرجس:ايوا عادي وقول اي شي تبغاه تمام؟
مسك يد الموظفه واتجه معها وسُرعان ماندو دورهم ودخلو ، وبعد كلام كثير ، الشيخ طالع نرجس:ليه يابنتي طلبتي الطلاق
وقفت الونَا وكانت مع ايناس:الاسباب مذكوره عندك مع ادله ايضًا
استغربو ادله ؟ ادله ايش ، الشيخ كان يقرا ويشوف طالعها:عبدالعزيز بن حمد طالب التنازل عن جميع حقوقك
ابتسمت نرجس وهي جالسه:قلتها حقوق ماني متنازله
عبدالعزيز بانفعال:بس هي اللي طلبت الطلاق!
الشيخ لف له:لاتتكلم قبل دورك! واحترم المكان الي انت فيه-طالع نرجس-تعرفين توابع الطلاق يابنتي؟
نرجس:اي
الشيخ:المذكور عندكم ولد متفقين مع مين بيكون ؟
عبدالعزيز:طبعًا معي ماني مخليه مع...
الشيخ بعصبيه:لاتتكلم قبل يجي دووورك!!!-وطالع نرجس-المعروف الحضانه تكون مع الام على طول لاكن اذا قررتي الزواج مُستقبلًا بشخص اخر تُسقط الحضانه عنك
نرجس بهدوء:اللي كاتبه ربي بيصير ومحد يعلم الغيب
الشيخ:طيب نسمع كلام ولدكم
وشغلو العرض بث كميرا لوليد بين مجموعه اخصائيات اجتماعيات
اخصائيه1 وهي تلعب معه:مين تبغا يكون معك ويلعب معك ابوك ولا امك؟
وليد وهو يركب:ابغا ماما عشانها تعرف تسوي معي اهرامات وتونسني
اخصائيه 2:طيب ليه ماتبي ابوك؟
وليد طالعها ببراءه:اساسًا بابا سيء سمعته يزعق على ماما مره وانا رايح الدوام مع خالو خالد جدًا سيء انا كرهت بابا مابيه لانه يزعق على ماما
اخصائيه3: امم طيب وليد لو بابا مازعق على ماما بتختاره؟
وليد كمل لعب:لا بابا دايم يروح دوام ويطول واذا جا مايلعب كثير معي بس ماما تلعب معي وتوديني البقاله وتونسني حتى الملاهي تدرين مره قلت لها باليل الوقت جدًا متاخر وودتني ! ماما مره حلوه ماتقول لي لا ولا تعصب علي وتحبني اكثر من بابا
اخصائيه2:طيب وانت مين تحب اكثر بابا ولا ماما؟
وليد ابتسم:احب ماما اكثر مررره كثير كذا
ووقفو العرض ابتسمو الي بالقاعه من براءته ، عبدالعزيز بانفعال وقف:له ثلاث ايام عندها وش يثبت لي انها ماحفظته الكلام طفل بيقول اي شي ينقال له!
ألونَا لفت للقاضي:الكلام من اخصائيات جديرات باعمالهم وتحت اشراف دكتوره نفسيه تفهم اكثر مننا كلنا بنفسيات الاطفال
كانو الباقين مستغربين عبدالعزيز وانفعاله ، بعد ماتم الطلاق ولا رجع لعبدالعزيز ولاشي ، وقفت نرجس وهي تطالعه:لاتعلب مع الشخص الصح مره ثانيه يوم معك ويوم عليك تشاو!
ومسكت يد وليد ومشت ، وليد وقف قدام عبدالعزيز:ادله ايش؟
الونَا ببرود:مثلًا خيانه؟
انصدمو كلهم ، تجاهلهم عبدالعزيز ودخل يدينه بجيبه وهو يعلك ومشى ، حمد بصدمه:الولد به شي ماهو بولدي ذا ماهو بولدي ذا!
ومشو كلهم وابتدت عدت نرجس من هاليوم وجلست بالغرفه تشوف كُتب وليد وتبدأ تصفي باغراضها عشان كِناز جابتهم كلهم لها بطلب منها وايلاف ساعدتها ، لفت للباب اللي ينطق:ادخل
ودخلو اخوانها بابتسامة،وليد ابتسم:نبي نتكلم معك
ابتسمت وجلست:تعالو
وجلسو كلهم حوالينها ، سلطان بحنيه مسك يدها:اثباتات ايش وادلت ايش؟
نرجس:ماعرفش لقيتها بفلاش
استغربو اكثر ، خالد بحنيه:عزوز من اول يعصب ويصارخ؟
نرجس:لا
خالد بحنيه:ليه قال وليد كذا ؟
نرجس:قصده يوم جيت تاخذه انت كان يزعق وانا سفاهته مو هامني
نَواف بحنيه:اكيد؟
ابتسمت:والله شفيكم
ابتسم وليد:باخذ لودي معي ترا
ابتسمت:تمام
وقفو ماحبو يضغطون عليها زود ، خالد ابتسم:الغداء شوي وينزل لاتنامين زين؟
ابتسمت:لا معليك
وطلع وقفل الباب وتنهدت تنهيده عميقه ، برا ، نَواف بضيق:سمعتو ولا؟
خالد بضيق:خلوها لاتضغطون عليها ماتحب احد يضغط عليها
وليد بحزن:قلبي موجعن عليها ياخي!
سلطان:خلاص معليه حنا معها وبس تخلص عدّه نمشيها ونسفرها ونغير جوها
خالد:زين
وتفرقو ، ابتسمت بحُب وهي سمعتهم ورفعت شعرها لفوق وبدت ترتيب وتصفي الملابس اللي ماتبيها وكل قطعه ماتبيها تحطها ببوكس ، خلصت بغضون ساعتين ولفت للباب اللي ينطق:ادخل
ابتسم هتَان:الغداء
ابتسمت:جايه
ونزلت شنطت وليد اللي كانت بتبدا فيها وراحت معه وجلست وجلس وليد جنبها ، ابتسم وليد ببراءه وهو يسرد لها يومه وهي تتجاوب معه وتعطيه على جوه فعلًا ، ابتسم:شبّعت بنام بس شوي
ابتسمت:تمام
وقبل خدها وراح مُتجهه لغرفتها وتمدد على السرير ، ليلاس حطت يدها على قلبها بتمثيل:اخ يجننن!
سُندس حطت يدها على قلبها بتمثيل:قال لي سوسي وعطيته ايبادي يهبل!
وضحكو الموجودين ، وبدو يقلون الموجودين ، نرجس طالعت ابوها:يبه
لف عليها بابتسامة:سميّ ياخلفهم
ابتسمت على حنيته:ابغا اغير باثاث الغرفه بوسعها عشان لوديّ
ابتسم:اللي تبينه يابوي يصير سميّ وامري
ابتسمت ووقفت وقبلت خده:لاحرمني ربي من حسك!
ابتسم وقبل يدها:ولامنك يابوي
ابتسمت:بالعافيه
وطلعت ، طالع ابراهيم وليد:اذا عندك وقت رح لمحلات الاثاث وجب كل الكتالوجات وخلها تختار اللي تبي
ابتسم:ابشر
تُقى طالعت ابراهيم:انفال تقول حمد يدق عليك ولاترد
ابراهيم وهو ياكل:بعد سوات ولده ...
تُقى:ولده قلتها ماهو بهو!
سكت بتفكير ، نَواف:اي والله يبه عمي حمد ماله شغل بشي وانت شفت كيف يصارخ عليه ويضربه ومعك بكل شي
سلطان:فكر بنرجس ووليد ماتكلمو ولاقالو شي عن عمي ولايصير يبه تمنع وليد من جدانه مهمًا كان جدانه و اخوك
ابراهيم بهدوء وهو ياكل:شرايكم نسوي اليله عشانا شوي وهم معنى؟
ابتسمو من قدرو يقنعونه ، ابتسمت تُقى:شورً طيب
وفعلًا كلمت انفال وحرصت مايجي عبدالعزيز ، اتجه سهم لغرفه نرجس وطق الباب ، ابتسمت بصوت خافت وفتحت بشويش عشان وليد:هلا؟
ابتسم وفهم خفض صوتها وقصر صوته:جداني وخوالي يبونك بقسم جدي
ابتسمت:طيب تجلس عند وليد ؟ اخاف يصحى ولايلقاني ويخااف
ابتسم:ابشري
وجلس على الكرسي اللي جنبه على جواله ولبس سماعته واتجهت هي لهم ، فتح وليد الباب:حياك
ابتسمت ودخلت بهدوء وجلست:سمّ
ابتسم ابراهيم ومسك يدينها بحنيه:عزمنا حمد واهله اليله بنشوي ونغير جو من غير عبدالعزيز
نرجس:طيب؟
ابراهيم:مايضايقتس؟
نرجس ابتسمت:لا ليه يضايقني عادي ترا اخوك واهله شفيها
ابتسم نَواف:شفت قلت لك-وطالعها-زعلان على عمي ولا يبي يكلمه
انصدمت:يبه!
ابتسم وحضنها:وين وليد؟
وليد؛هلا؟
ابراهيم :انطق من حاكاك
وضحكو الموجودين ، ضحكت نرجس:نايم...
ولفو لسهم اللي فتح الباب وهو شايل وليد:يبكي يبيك
وحطه بحضنها ومسحت دموعه:ليه تبكي!
حضنها بخوف وهو يدمع:شفت شي يخوف
استغربو وجلسو يستمعون ، جلسته بحضنها بحنيه:ايش هو؟
وليد بخوف ودمع:ماعرف
ابتسمت بذكاء:تبي نروح نرسم؟
ابتسم بس لازالل خايف:ماتخليني؟
ابتسمت وشالته بحضنها:لا ماخليك
ونزلت فيه للمرسم تحت ، تُقى بخوف:بروحي عنه ترسم ليه بدال ماتشوفه!
ابتسم نَواف الي فهم:نرجس تخصصها علم نفس وتعرف للاطفال وغالبيتهم مايجاوبون بشكل على طول لاكن من الرسم يفهمون الحاله ووضع الطفل ايش والحين خذته واول شي بيجي ببال وليد الي شافه بحلمه وبيرسمه وهي بتعرف وش مخوفه
ابتسمو كلهم من ادركو وفعلًا نزلو وجلسو بصمت عندهم بالمرسم على الجلسات ، وجت سَلاف وجلست جنب نرجس ووليد وهي ترسم:وليد وش ترسم؟
وليد وهو يرسم:ماعرف ارسم اللي شفته
سكتو يستمعون ، سَلاف وهي ترسم وتطالع ورقته:ايش اللي شفته
وليد وراها بخوف وبراءه:مادري شخص لابس اسود مره يخوف خاله سَلاف مره يخوف
مسكت ورقته وطالعت عيونه:ايش كان يسوي هالشخص؟
مسك رقبته ومثل انه يخنق نفسه بخوف:كان يسوي كذا لبابا
انصدمو وحاولو يفهمون ايش هو بالضبط ، سَلاف بتخمين:امم بابا ايش سوا؟
وليد دمع:ماعرف طاح وركضت له بس ماكان يتحرك وجا شخص لابس اسود حط هنا-اشرر فوق قلبه-سكين بابا وضربني
انصدمو كلهم ونرجس ساكته تسمع بهدوء ، سَلاف حطته بحضنها:طيب تدري انه بس حلم يعني شفته بمنامك مابيصير شي
وليد بكى:لا مره كثير اشوف كذا وانا نايم كثير
نرجس مسكت يده:كم مره شفت؟
وليد:مادري كثير مااما كثير
ابتسمت نرجس بتصريف:تدري كِناز ولوفي بيجون اليوم! شرايك نروح نسوي سوبرايز؟
ابتسم ببراءه وتناسى المنام:عادي نسوي كيك؟
ابتسمت ومسكت يده:ايوا يالله
وطلع معها ، ابراهيم بخوف:وش يعني؟
سَلاف:والله مادري بس له اكثر مِن معنى سحر او قتل او زي السحر اللي حتى وليد ماثر عليه
انصدمو كلهم بخوف ، سلطان بخوف:كيف كيف يعني ماثر عليه!
وليد بخوف:نرجس ووليد بيجيهم شي!
خالد بخوف:مافيه حل!
سَلاف:العلم عند ربي انا قلت اللي فهمته وعرفته بس مايضر انكم تتغافلون عبدالعزيز وتقرون عليه عشان نتاكد اكثر لاكن اذا مسكتو عبدالعزيز نفس الوقت نرجس ووليد بعد مانعرف هل هو لثلاث كلهم ام وليد بس او يمكن بس عبدالعزيز او يمكن بعد نرجس
تُقى بخوف:اويلي عن بنتي ! وش بيصير الحيين!!
سَلاف:نفس ماقلت تغالفو عبدالعزيز واقرو عليه الأفضل شيخ
خالد بخوف:وحنا وش يدرينا وين ارضه من سماه!
سَلاف:بالمنام بعد ماينطعن عبدالعزيز ينضرب وليد كاتقريبًا عبدالعزيز بيجي هالفتره ياخذ وليد ووقتها امسكوه
سلطان بخوف:لازم نعلم عمي حمد وهاشم!
ابراهيم بخوف:اكيد بس انفال انتبهو لاتطرونه فجاءه عليها بس نرجس !
وليد:بناديها لحالها
وفعلًا جت وجلس وليد الصغير عند البنات
جلست باستغراب:هلا
وحكتها سَلاف ، نرجس بخوف:سَلاف!
سَلاف:هاذا تفسيير منامه الوحيد مافهمتي شي منه ؟
نرجس:لا مافهمت اي شي
سَلاف حست بشك:خلاص معليك هي احتمالات بس روحي عنده عشان مايخاف
وراحت ، سَلاف:ترا يمكن ماثر على نرجس بعد
تُقى بخوف:وشلون!
سَلاف:دكتوره علم نفس ولافهمت رسم او حالت طفل! ماتجي نهائيًا يمكن شي ماثر عليها لازم تقرون عليها او شغلو رقيه بسماعات البيت رقيه الشيخ فهد
وليد:زين بشغلها الحين
سَلاف وقفت:خلونا نكون قراب عندها اذا لاحظتو شي تصرفو على طول
وفعلًا راحو وتوزعو ، وشغل وليد ، وبنص الرقيه نرجس حست بخمول برقبتها وجلست تحركها عشان تطقطقها وهي تكور الكوكيز بيدها ، لاحظو وسكتو ركزو اكثر ، ميلا وهي تسوي حلى اخر:نرجس اذا تعبتي روحي عادي اكمله عنك
نرجس حركت رقبتها وغمضت:لا عادي مافيني شي
بس مامداها تخلص جلست على ركبها وركضو عندها بخوف ، نَواف بخوف :نرجس شفيك!
نرجس بخمول:مدري مو قادره اتحرك
حاولت توقف ولاقدرت نهائيًا ومن قرب وليد بخوف:ماما
طاحت نرجس مغمى عليها وكلهم خافو اكثر واكثر وجا حمد اللي مبلغينه ومسكها يقرا عليها لانه مطوع ، ماحصل اي تغير او حدث او اي شي بوضع نرجس ولها حوالي الساعتين مغمى عليها لين ماقررو خلاص يودونها المستشفى والباقين يلهون وليد ، وبالمستشفى صعقوها مره ومرتين وثلاث لين ماستقر نبضها والباقين عايشين بحاله رُعب لايعلم فيها الا الله ، طلع الدكتور:اهل نرجس؟
وقفو،ابراهيم بخوف وهو يرجف:بنتي بنتي شفيها!
الدكتور:هد ياعم مافيها شي حتى تحاليلها سليمه بس ضعف نبض القلب عندها شوي والحين استقر بس ماصحت للان ولابيدنا شي الا اننا ننتضر
تمارا بخوف:غيبوبه؟
خافو كلهم ، الدكتور:لا هي واعيه الحمدلله بس مافاقت للحينها
ودخلو بخوف وشافو كميه الاسلاك اللي حوالينها ، دق موج على نواف:يبه عبدالعزيز جا ومعصب ويبي ياخذ وليد
نَواف بصدمه:اسمع لايطلع من البيت ولايعتب العتبه ووليد لاتخلونه يجييه!
موج:محنا مخلينه يجي كنه سكرا^ن! اسرعو
وقفل طالعهم:عبدالعزيز رايح البيت بياخذ وليد غصب ومعصب
وفزو كل اخوانها معدا خالد وفِراس وألونَا بقو ، وراحو فِراس وخالد نزلو المصلى يصلون والونَا دخلت توضى وسمعت باب انفتح بس ماتكلمت وفتحت باب الحمام شوي شوي واتجهت خلف الستار تستمع
ضحكت:ههه تحزنين تطلقتي وحالتك متبهذله ومحد يدري شفيك غيري ولعبت بزوجك بيدي زي اللعبه....
ممداها تكمل الا وخالد وفِراس داخلين وراحت الونَا ولفت يدها ومسكتها من ورا تثبتها:شجااايبك!
انصدمو كلهم ، الونَا:نادو الشرطه هي السبب بكل شي وسجلت صوتها!
ودق خالد وبلغ ، جِنان بقهر:فكيييني!
الونَا بحده:قسمًا عظمًا لاعبي ساحات القصاص بددددمك وتشوووفيين!
ارتعبت من وعيدها وحلفها:فكييني وبفك كلللشي!!
الونَا:وش تفكين؟
جِنان بخوف:سحر عبدالعزيز ونرجس
انصدمو كلهم والشرطه اللي وصلو وسمعو وكلبشوها ، صفقتها الونَا بحده:وين مكان السحر!!
جِنان:ماني معلمتك وخليهم احسن عساهم من حال لحالً اردا!! ماخذته ماتتهنى معه!
وسحبوها الشرطه ودق خالد وعلم الباقين ، عبدالعزيز بعصبيه:مين انت تمنعننييي من ولدددي!!!!!
موج بحده:اقصررر حسسسسك!
وجا وليد وصفقه كف بعصبيه:خير خيررر جاااااااين بشرك!
عبدالعزيز وقف وجنون الارض راكبته وقام هو ووليد يتطارحون وطرحه وليد بعصبيه:اقسم بعزه الله وجلاللللللله ان انددددمك!!!!!
سلطان بصدمه:بنت الذيييينا ساحرته هو وونرجس مسكوها الشرطه!
انصدمو كلهم وثبتوه الرجال ومسكه الشيخ يقرا عليه لين ماصحى واستفرغ السحر واغمى عليه مره ثانيه وشالوه ودوه المستشفى ، نزل خالد:شصاير؟
وحكاه نَواف ، ابراهيم وصل:نرجس ؟ صحت ؟
خالد تنهد:لا حتى الدكاتره محتارين ويعطونها بالوريد مغذيات عشان تصحي ماصحت نهائيًااا
خافو واتجهو لفوق عندها ، جا سيف:ماصحت للان؟
خالد:لا
بتال طالعه:سو لها رنين
سيف:اي جايب اوراق عشان تعبونها
تمارا بخوف وقفت:اوراق ايش؟
خذتهم تقرا وخاف بتال:ليه اخلا مسؤوليه؟
انصدمو ووقفو بخوف ، ابراهيم بخوف :قل الصدق بنتي بيصير لها شين!!
سيف:اذكر الله ياعم مابيدنا شين ولانعلم شين كل شي بيد الله حنا بنسويه لها ونشوف
وفعلًا وقع ابراهيم ويده ترجف وخذو نرجس وودها وبعد ساعه رجعوها وللان ماصحت ، انتظرو الا اربع ساعات وجو مجموعه اطباء وخافو زود ووقفو كلهم بخوف ، ابراهيم بخوف:طلعت الاشعه؟
سيف بتوتر:اول شي اذكر الله
عجت الغرفه بِذكرِ الله بتوتر ، دكتور1:بنسوي لها زي الانعاش بالكهرباء
خافو زود ، بتال بخوف:للدماغ؟
دكتور 1:اي
بتاال بخوف:وين الاشعه!
عطاه سيف وجلس يشوفها ويده واضحه رجفتها ، دكتور2:عندها جلطه صغيره بالدماغ ولابتاثر بعدين باذن الله لانها صغيره جدًا بنسوي لها الإنعاش والصعق الكهربائي وباذن الله تستجيب معنى
ابراهيم طاح من طوله اثر انخفاظ حاد بالضغط وحمد ارتفع سكره بشكل مُريب وحالهم الله اعلم فيه ، وقع سلطان الاوراق نيابه عن ابوه الطايح وعلمو اللي بالبيت وتُقى ايضًا ودوها الطوارى هبوط حاد بالضغط والسكر وحالتهم حاله ، بعد مرور يوم كامل تقريبًا ، كانوا كلهم جالسين عندها بالغرفه بدون استثناء ، تمارا وقفت لاحظت العلامات الحيويه وتكلمت بتلعثم:بتال
طالع وين تطالع وارتاع ووقف جنب نرجس ينُعشها وثبت يدينه وهو يُنعش باسراع:نادوو الدكتور بسرعه بسرررررعه!!!
تصلبت رجولهم بالارض وركضت الونَا ونادت سيف والباقين جو طلعو الممرضين اهلها برا الغرفه معدا بتال اللي ينعشها ، بعد ربع ساعه طلعو وهم يدفون سرير نرجس ويركضون مُتجهين لـ-العمليات- ، طلع بتال وهو خايف على جدانه ونرجس ، ابراهيم وهو يرجف بخوف مسك يد بتال:انطق!
بتال طالعه:عندها نزيّف بالدماغ دخّلوها العمليات
جمدو كلهم بمحلهم مصدومين وجدًا ولا رمشو ولا رمشه يحاولون يستوعبون وش صاير ، طاح ابراهيم مغمى عليه
__________________________
احداث لذيذه جدًا ادعو لي اجيب بالقدرات100😔❤️❤️ ، الاحداث القادمه مؤلمة جدًا اعتذر عِنها واذا صار انفصال موت شي مالي دخل نسيت له كتبتهم اساسًا هههههههههه استرو ما واجهتو🤣🤣🫣🙏🏻، أعتذارً لـ غيابيّ فسرته بالانستا❤️🌷 وصلو التعليقات40+،أعتذر على التاخير بِـ التنزيل لاكني تعبانه وجدًا مضغوطه هالفتره اعذروني اذا تاخرت ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل
والاقتباس ماحلل القراءه بدون تفاعل🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷