« عزّ الله إنّي في ظبي نجد مغروم .. راعي العيون الّلي مع الزّين خجّله »

«10»

«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
‏«اللهم لاتجعل روايتي تُلهي عبدك عن عبادتك»

سلطان باستغراب:وش يابوي؟
ألونَا وهي فحمانه هدت: لغز وفككناه تو ، ماتطول لك سماء لاترفع راسك لها ، رفعت راسك لها انبتر راسك ولاعدت للحياه
ايناس بشرح:يعني الي فهمناه بس طبعًا نحتاج امن سبراني بكم شغله ، فيّ شي وانتو تسعون له بس مدري وشو ولاترفعون سقف امالكم وتوقعاتكم واحلامكم للسماء لانكم لو رفعتوها ارتفع راسكم معها وان ارتفع انبتر يعني تهديد واضحح للقت^ل
انصدمو ، حمد بصدمه وقف:امش ننكس يم سعدى
ألونَا هزت راسها بنفي:لاا يبه لاتروحون خلو كل شي نحله الحين وهنا ولايطلع برا
جلس بتوتر:ومن الي بيبتر ومن الي بينبتر
إيناس وقفت:لحظه كلكم قد احد اخذ جوالكم ؟؟
عبدالعزيز:اي
وليد؛اي
ألونَا:واضحه صبر عطوني كل اجهزتكم بطلعها
استغرب سلطان:ليه؟
ألونَا:مُمكن احد يتنصت!
وفعلًا عطوها وراحت ودتهم غرفتها ، رجعت وقفلت الباب ، ألونَا بصوت خافت وقفت بالنص:الحين يبه حمد يبه ابراهيم تكفون فكرو زين وش هالشي الي تسعون له وكل الناس تدري به ونعرف من الي بيبتر
إيناس بتفكير:يبه انتم خذتو الورث ولا للحينكم؟
هز راسه بنفي ابراهيم:سعد معيي لان التوزيع مب مرضيه وعند الشيخ للحينه
ألونَا بتفكير:يعني ورث جدي متعب الله يرحمه له سنتين عند الشيخ كم ؟
حمد بتذكر:ان ماخاب ظني اربع عمارات و حول العشرين مليون
ألونَا بتفكير:بس بتكون ماما سعدى تاخذ اقل منكم بالشرع
إيناس بتفكير:سعد بيكون مساوي لكم ماما سعدى شقالت؟
ابراهيم:راضيه تقول مايهمني ابيه لعلاج بنيتي
ألونَا بتفكير:طيب ابيكم تسوون عزيمه وتعزمونهم
حمد:سميّ وين
وليد:كل ذا لوش الحين؟؟
ألونَا :امي تُقى تلقطها وهي طايره ماشاءالله وأمي إنفال تعرف من الوجهه
حمد:فراسه يابوي
ألونَا:هي ذي ابيكم تسوون عزيمه وعذركم مشتاقين للمه وبنتفق معهم امي تُقى وامي إنفال عليهم ماما سعدى ونوره وانا ونونوي علينا بنات جد سعد وبنات ماما سعدى
إيناس بتكفير:وليد ابيك تطفي طبلون الكهرب وقت العزيمه
استغرب:ليه؟
ألونَا فهمتها:عشان بنات جد سعد مايصبرون بدون جوال وعندنا سلك شاحن يسحب معلومات
إيناس:وبتعمد اخذ جوالهم واحطه بطاريتي عشان بسرعه اسحب معلومات من كل جوالتهم
خالد؛بس يابابا يعتبر اختلاس واختراق لو درو بتروحين فيها لا
إيناس:كيف بيدرون وحنا بنجدول عليهم؟
غمزت ألونَا لعمها:افا عليك بنات الراشد قول وفعل ياعمو!
ابتسم؛الله واعلم وش ببالكم بس بنخليها عليكم
ابراهيم بابتسامه:وش بعد ؟
ألونَا بتفكير:ابيكم تتعمدون تجيبون موضوع خُطبه إلياس وعبدالعزيز وابيك يبه حمد تتعمد تحن على جدو تساله متى زواج فِراس وجد أبيك تسوي نفسك معصب وتعطيه رد مختصر
ابتسمت إيناس :وياعمو سلطان وبابا ووليدوه وعزوزه عليكم تشوفون من الملقوف الي بيتدخل ويزيد بالاسئله وتحشرونه
عبدالعزيز بابتسامه:لعبتي!
شمقت له:لانك ملقوف
وضحكو الرجال ، ابراهيم بابتسامه: تعجبني الصدق
ابتسمت الونَا وغمزت له:افا عليك ، ولاشفتو جنان ولا جد سعد لاتبينون لهم شي ابدااا
خالد ودمه يفور:اذا ماصفقناها هي واخوانها حنا قبل ابوي وعمي يحصل خير
ألونَا بتهديد:والله ياخلود لو تخرب وتجيب العيد بخرب عليك الي ببالك !!
ضحك:سميّ الشكوى لله
وضحكو الرجال ، سلطان بابتسامه:وبعدين نهايه العزيمه لاروحو؟؟
إيناس بابتسامه:بيبدا فلمنا
ضحكت ألونَا:احسه بيكون اكشن؟
وليد ضحك:فلمكم المعلومات الي سحبتوها؟
هزو روسهم بالايجاب وضحكو كلهم ، اندق الباب ودخلت نرجس وهي ممسحه دموعها بس واضحه من عيونها الذبلانه:جولاتكم تدق
ألونَا:مين
جابت جوال ألونَا وإيناس وليد:كلكم مكتوب المركز
فزو خذوها ، تقدمت سلمت على عمها وطلعت ، سكت عبدالعزيز بضيق وخوف عليها وكيف مايخاف عليها ، رجعو ، سلطان بخوف:هايبوي؟
قبل وليد راس ابوه:دعواتكم
فهمو انه بينزل مهمه وودعوه وطلع ، ابراهيم بتوتر:وانتن؟؟
ألونَا بابتسامه قبلت راسه هو وعمامها وابوها:بجلس قُرابه اليومين فالمركز اجلو العزيمه كم يوم
انصدم سلطان؛ليه!
ألونَا :بينزلون كلهم وبمسك مكتب مساعد
إيناس جت:بتجلسين فيه؟
هزت راسها بالايجاب:وانتِ؟
إيناس:يس بمسك مكتب خلف
وقبلت روسهم:يالله سيو ياويلكم تستمتعون ب الوليمه بدوننا ورع امسك
ورمت جوال عبدالعزيز ، عبدالعزيز:ماش ماتحترمين الي اكبر منك؟
هزت راسها بنفي:تعقب
وضحكو وطلعو ألونَا وإيناس بعد ماودعوهم ، دخلت ألونَا غرفتها تاخذ لها كم شي ، دخل فِراس بتعب قسم سلطان:بروح لـ ألونَا
إلياس بعد:حياك
ودخل ، انس بهمس لالياس؛تعبان بالحيل!
الياس تنهد:الله يكون بعونه يارب
وطق الباب،ألونَا:تعال
ودخل قفل الباب ، تقدم وارتمى بحضنها ودفن وجه بنحرها وتنهد تنهيده عميقه ، خافت وصارت تمسح على شعره:فِراس حبيبي فيك شي يعورك شي ياعيوني؟
فِراس شد عليها:لملمي شتاتي
شدت عليه بخوف:فروس شفيك!
فِراس وهو دافن وجه بنحرها بصوت مكتوم:ابيك ألونَا ابي الوصل
ارتعشت خلايها وهي تمسح على شعره: فِراس لاتخلي الملائكه تغضب عليّ!! مو الحين فِراس بعدنا ماسوينا حفله!
طالعها وهو محاوط خدودها بين كفوفه بتعب:ابي منك ضنى تستندين عليه وتقوين فيه من بعدي ألونَا يادنيتي مادري وش ينتظرني بكرا اخاف اخليك لحالك لآني اعرفك!
نزلت دموعها بخوف:فِراس مابيصير شي باذن الله لاتخاف وتخوفني والله مابيصير شي صدقني وبتتعافى-بهمس وهي تدمع-فِراس مقدر لاتجبرني على شي مابيه وضعي مايسمح لي احمل نهائيًااا فِراس!!
حضنها ودفن وجهه بنحرها:لاتنسيني من دعواتك
انقبض قلبها وشدت عليه:فروس لاتخوفني فيك شي تعبان ؟ يعورك شي؟
فِراس وهو دافن وجهه بنحرها:مافيني شي ياعيوني
شدت عليه بخوف ونزلت دمعتها:طيب ليش تقول كذا!
حس بدمعتها وبعد حاوط خدودها بين كفوفه:ليه البكي يابوي ليه؟؟
ألونَا بخوف وهي تدمع:ليه تقول كذا يعورك شي تعبان قول الصدق فروس!
هز راسه بنفي:افكار بس
ألونَا بخوف حطت يدينها على كفوفه الي على خدودها:طيب لاتفكر كذا مو زين لاتسمع للشيطان! صل ركعتين وادعي فيها وصل الوتر وادعي فيها عُمري ماراح انساك من دُعائي والله
ابتسم بحُب وقبلها:الله لايحرمني منك
حضنته :ولايحرمني منك
ابتسم :بتروحين المركز؟
هزت راسها بالايجاب ومسحت دموعها:اي بمسك مكتب مساعد
حاوط خدوها بين كفوفه بابتسامه:انتبهي اوكيه واذا حسيتي في شي اتصلي علي واجيك زين؟
ابتسمت وهزت راسها بالايجاب:من عيوني وانت لاتفكر كذا مره ثانيه وحتى لو فكرت تعال وقول لي طيب؟
ابتسم :ابشري بخليك تجهزين واذا احتجتي شي بلغيني
ابتسمت وقبلت خده بحنيه وخجل:تصبح على خير
ابتسم وتنهد بحُب:أحبّك
ابتسمت بخجل وهي تلهي نفسها:فروس روح نام
حضنها وهو يضحك بخفه:فروس وتتدلعين وتبين اخليك !
ابتسمت بخجل:بس الحين يجي بابا ترا مايعرف انك هِنا
ابتسم:الياس يعرف إني هِنا
وسمعو صوت البتال، تنهدت ، مسك يدها بخوف:لاياذيك مو واعي ترا
ابتسمت:اعرف تعال
وطلعو وكان بتال بيصفق أنس ، ألونَا بحده وصوت عالي:بتاااال!
وجمد محله ونزل يده وهو يطالع الارض ، انس بعصبيه:انجن علينا
صرخت بحده:انس !
بلع العافيه:سميّ
ألونَا بحده:غرفتك وسلم اجهزتك الياس !
انس بصدمه:ولييييه ماسويييت شي
سلطان بحده دخل:اسمع كلام اختك!
سلم اجهزته ودخل وهو مغبون ، بتال لف لـ ألونَا وهو شبه واعي وشبه مو واعي :ألونَا
فهمته ومسكت يده بحنيه:شرايك تنام؟؟
هز راسه بالايجاب وهو يبغى يقمع رغبته :إبي قهوه
ابتسمت من شافته يتكلم زي قبل ، ارتاحو من بدا يستجيب ، ابتسمت وسحبته للطاوله:الحين اسوي لك احلى قهوه تبي بلااك ولا تركي ولا فرنسي؟
ابتسم وهو يحس بطمانينة انها معه وندم على فعلته الي ادركها :تركي
ابتسمت واشرت على عيونها وهي تطلع البن لفت لابوها وفِراس والياس الواقفين بابتسامه:تبون؟؟
سلطان جلس وهو يربت على كتف بتال بابتسامه:نبي ليه مانبي؟
وجلسو وسوتها وحطتها لهم ، وجلست وهي تشرب قهوتها:القهوه الوحيده الي اتقبلها مُره بعد البلاك!
سلطان ضحك وهو يشرب:لاتحاولين مب لانك بتجلسين يومين بالمركز تشربييين وتستغلينها!
تنهدت:يعني انكشفت!
ضحك فِراس:بتمسك مكتب مساعد ومساعد مايداني القهوه تطبه به كورنر شاهي
ألونَا وهي تشرب بابتسامه وصمت ، فِراس رفع حواجبه بابتسامه:عررفت ناويه مكتب مين بس مانزل مهمه وبيستقعد لك
ألونَا بقهر:وراه ماينزل ذا ؟!!!
وضحكو الموجودين ، وكان بتال يسمعهم بصمت وهو جالس يقاوم ويحاول مايفكر بشي طالع ألونَا:ابي الابتوب
ألونَا بابتسامه وهي عارفته وفاهمته وكيف يقاوم وواضح من عروق رقبته البارزه: تدري ابراهيم فتح النادي؟؟
ابتسم وهو فاهمها وهز راسه بالايجاب:ابشري
ابتسمو كيف بتفاهمون بهدوء ، وقفت وطقت بأب أنس ، انس بقهر:مابي احد
فتحت الباب ودخلت وقفلته،انس وهو ماسك اعصابه:ألونَا مابي ازعق عليك اطلعي مابي احد!
ألونَا تكت بظهرها على طرف السرير وسحبته وحطت راسه على رجولها وهي تمسح على شعره وتقرا عليه ، ابتسم وحس بطمانينة:اسف مو قصدي اعلي صوتي عليك
ابتسمت وهي تمسح على شعره:وانا اسفه مو قصدي ابدي بتال عليك او اني ازعق عليك بس بتال مايهدى الى كِذا وأنت زدت الطين بله يوم قلت انجن وهو يحاول يرجع زي قبل ويقاوم
انس بابتسامه:أعرف بس تنرفزت
ابتسمت وهي تقبل راسه:توعدني؟
ابتسم:اوعدك
قبلت خده وقومته بابتسامه:يالله بروح
استغرب:وين
ألونَا بابتسامه :مساعد نازل مهمه وانا الي امسك مكتبه بمسكه يومين
انصدم:لاعاد مابتجين هنا وتنامين وتاكللين معنا!!
ابتسمت وهزت راسها بالايجاب:بجلس يومين ماطلع منه
تنهد بضيق:تمام انتبهي لنفسك واذا بغيتي شي بلغيني وبجيك كل يوم ترا ها!
ابتسمت ووقفت:اذا ماعندي شغل برحب فيك عندي بكرشك
ضحك:لابلاه؟
لوحت له بابتسامه وطلعت قفلت الباب ، راحت لغرفتها ومسكت التوت باق لبست كعب لويفي تون الاحمر واكسسوارات ناعمه ولبست جنز اسود طويل وتانك سودا ولبست عبايتها الرسميه السودا فوقهم وخذت ايبادها ولابتوب بتال بعد ماحطت عليه مراقبه ، ابتسمت وعطت بتال الابتوب:اذا اتصلت رد
ابتسم وخذاه:ابشري
سلطان بابتسامه:استودعتك الله واذا بغيتي شي قولي لي يابوي زين؟
ابتسمت وقبلت خده:ابشر يالله سيو
وطلعت وتنهدو بضيق وجلسو يسولفون كم موضوع وانسحب كل واحد ينام ، راحت ألونَا طقت باب قسم خالد ، طلع هتَان بابتسامه:اوووه زوجه خيو منورتنا اليوم لايكون انطردتي؟
ضحكت:ياشينك ياهتانوه!
ضحك:امري حياك
ابتسمت:حياك ربي قل لـ إيناس انتظرها بالسيااره
ابتسم:ابشري ماطلبتي شي
ابتسمت:استئذن
ولفت مشت ، ركبت السياره وحطت شنطتها فيها ورا وجلست ، طق فِراس الشباك بابتسامه:وانا مالي بوسه؟
ألونَا بخجل:ورع ! انقلع حتى يبه حمد للحين مامشى
ضحكي:يالله لولي ولا مابخليك تمشيييين! تجين معي ولا هنا ابوسك ترا ماعندي مانع!
وسعة عيونها بذهول ونزلت مسك يدها بابتسامه وراحو الغُرفه الزُجاجيه ، قفل الباب ولف عليها قبلها بحُب وسند جبينه على جبينها:ماعطيت شفايفك حقها للحين!
وسعه عيونها بخجل وضربت كتفه:انقلع قليل ادب بعد فروووس
وقبلها:شش كلمه ثانيه اقوى بتصير!
ألونَا ووجهها يحترق خجل:طيـ..
أبتسم:قلت لاتكلمتي شيصير؟
وقبلها بحُب ، بعد من جا لجوالها اتصال ، دفته وردت :هلا؟
إيناس بعصبيه:وينك يكفي ماكملت مسلسلي!
ضحكت:بجي
ايناس بعصبيه:وينك ماشوفك
فتح السبيكر فِراس:شتبين؟
إيناس حست انها جابت العيد:رجعها!
ضحك:مبي
إيناس وهي تحس نفسها غلط قفلت ، ضحك فِراس وهو يبعد خصل شعر ألونَا عن عيونها:ايوا ؟
ألونَا بخجل:فروس خلاص والله تاخرنا واخرناهم
ابتسم وقبل خدها:بجيك كل يوم وكل وقت
ابتسمت:حياك بكل وقت
وطلعت بإبتسامه وطلع تكتف يشوفها ، ركبت ، إيناس وهي مغطيه وجهها بخجل:يازق حركي حركي!!!!
ضحكت وحركت:شفيك؟
ضربتها على كتفها:كلي تبن لاتردين علي وفروس عندك!
ضحكت وهي تسوق:وش فيك عادي مارد يعيني؟
إيناس بخجل:لاكليزق يع حسيت نفسي غلط بينكم
ابتسمت وقرصت خدها:ياحلوك ياونوني
ابتسمت:وياحلوك يالولي
ابتسما وكملت تسوق :شرايك باليأس ؟ استخرتي؟
إيناس :يمه استخرت وجلست ارجف يوم تكلمت مع ابوي
وضحكت ألونَا بعلو صوتها:ليه؟
ضحكت :مدري كذا خجلت
ابتسمت ألونَا:نقول مبروك؟
ابتسم:آيوا
ألونَا وهي تسوق ضحكت،إيناس بابتسامه:شفيك؟
ضحكت وسفطت ونزلت خذت التوت باق وإيناس معها الشنطه ، حاوطت إيناس يد الونَا:قولي لي!
ألونَا بابتسامه وقفت وطالعتها:لقيت فديو لي ولك ووليد يصورنا يقول وش بتصيرون اذا كبرتو وقلت بزوج إيناس أخوي وانتِ قلتي بزوج لولو اخوي عشان نسافر ونروح سوا
ضحكت إيناس:ارسيله لي
هزت راسها بالايجاب وهي تشوف النفور بالمركز:الله يحفظهم ويرجعهم لاهلهم بخير
إيناس تنهدت:آمين
اشر لهم مساعد ووقفو جنبه ، مساعد بصوت عالي:ياعسكررررري اصطفااف!
واصفطو العسكر المُقاربين لـ أكثر من 100 شخص ، مساعد بصوت جهوري وحده وهيبه:اولًا الله يسدد رمينا ويثبت خطانا وينصرنا عليهم ويردنا لاهلنا سالمين غانمين وان مارجعنا فالله يتقبلنا شهداء عنده باذن الله الواحد الاحد وان رجعنا بسلامه فالحمدلله على ماكتبه الله ، تدرون ان الاجهزه ممنوعه معكم نص ساعه تكلمون اهاليكم بها ، اي احداثيات ومستجدات تدقون على رقم 304 وتبلغون المحاميه ألونَا الراشد بكل شين مفهوم!
العسكر بصوت :مفهوم
غمضت ألونَا من حدت الصوت واشر لها مساعد تتكلم ، ألونَا بحده وهيبه:كلنا ثقه فيكم وفالله سبحانه وتعالى هالله هالله ترجعون لنا بخير ومعكم النصر الله يسدد رميكم ويثبت خطاكم
انصدمو من حدت صوتها وعلوه وقوتها وهيبتها الي عكس مظهرها الخارجي بشكل تام ، مساعد بصوت:انصراف نص ساعه ونحرك
وتقدم وليد بابتسامه وحضن ألونَا:انتبهي لنفسك ياعيوني
ابتسمت وحضنته:استودعتك الله ياروحيّ
حضن إيناس بابتسامه:لاتسون الملكه والخطبه الى اذا رجعت وانتبهي لنفسك ياروحي وترا إلياس مطفوق اذا قال شي اهبديه بكف
ابتسمت وحضنته:ابشر يالدُنيا ، انتبه لنفسك لودي بليز ، ذي محلوله ياروحي
استغربو العسكر انه حظنهم وكانو يتهامسون ، بعد وليد بابتسامه وهو فاهم وعلى صوته شوي:هالله هالله ببنات الراشد بيضو الوجه
ضحكت الونَا بصوت شوي عالي وهي فاهمته ورجعت شعرها لورا بغرور:معك المُحاميه ألونَا بنت سلطان بن إبراهيم الراشد وبنات الراشد قول وفعل
ضحكت إيناس بغرور ورجعت شعرها على ورا وفهمتهم:احم المحاميه إيناس بنت خالد بن إبراهيم الراشد ابوي الفريق خالد بن ابراهيم بن متعب الراشد وتبيني اخاف من شي ولا ابيض الوجهه افا!
ضربت ألونَا كتفها بخفه:بنات الراشد مايخفن الى من الله سبحانه
ابتسم وليد :فمان الله وسلمو لي على الباقين ألونَا ياعيوني مواعيدك أنتِ وفِراس احرصو عليها لصحتكم وانتبهي لـ فِراس تراه يكابر بتعبه ولايبين-لف لـ إيناس بابتسامه- إذا إلياس قال شي وهو عاقد حواجبه ومشمر اكمامه تراه متضايق من شي ومعصب لاتزعلين وتتضايقين منه
ابتسمت ألونَا:بعيوني
إيناس بابتسامه:من عيوني
وليد بابتسامه وهو يلوح لهم:ودعتكم الله
وراح ركب احدى السيارات ، عرفو انه عمهم وانصدمو ان ذي بنت الفريق خالد ، تقدم احد العسكر وطق لها تحيه ، استغربو ، العسكري وقف بابتسامه:سلمي لي على الفريق خالد واذا ماعليك امر اذا جيت ابي رقمه مضيعه وابي اشكره على معروف سواه لي ولا قدرت
ابتسمت بحدود وثقل:الله يسلمك ولابيننا هالحكي وان كان سوا ابوي شي سواه من طيبه وخوته لكم ولايبي شكر يبي دعوه منكم بظهر الغيب وابشر لاجيت مر مكتبي اعطيك اياه
ابتسم بثقتها بس هدا سقف اماله من الخاتم الي بيدها :استئذنك
ولف ، ألونَا بهمس لها:الخاتم لاتفصخينه تراه كان يبي يخطبك
استغربت وشافت:شفيه الخاتم اكسسوار مردي بفصخه
ألونَا بهمس:عرف انك مخطوبه من الخاتم لاتفصخينه لين لوسي يجيب لك
ضحكت:لوسي؟
ضحكت:اي شرايك بس
ودخلو المكاتب وهم يضحكون وكل وحده التفت لشغلها، الصبح ، كانو كلهم بالجلسه ، تنهد إبراهيم:ين محلهن مبين
ابتسمت ميلا بحزن:ماسوت لي لولو بان كيك اليوم اف كش من دوام!!
ضحكو الموجودين عليها، انس تنهد بحزن:ياربي كيف يبدا يومي بدون وافل لولو وقهوتها بروح لها تسوي لي هناك خيييير!!! كيف لو تزوجت وربي لنشب لها تسوي لي يوميًا!!!!
وانهارو الموجودين ضحك ، إلياس بابتسامه طالع ابوه:متى يرجعون؟
سلطان بضيق:كلمتها تقول مددو ست ايام اسبوع يعني
شهقت نرجس:خير! ومن يسوي لي مشروب الدايت!!!
ميلا بصدمه:مافي بان كيكك اسبوع!!!
أنس بصدمه:يعني ببدا يومي بتوست بدال الوااافل!!!
وانهارو الموجودين ضحك ، خالد وهو يضحك:كلن على همه سرا ، سليطين بروح تخاويني؟
سلطان وقف:الشكوى لله مقدر بدون لاشوفها امش
ضحك هتَان:اقعد يالخفاف حتى عند بناتكم ذا وهم لسا عندكم ببيوتكم كيف لو تزوجو !!!
ضحك سهم:هم وميلا وانس بيسكنون معهم
وهربو من خالد من شافوه مسك العقال ، وانهارو ضحك ، إيلاف بابتسامه:لحظه سويت اليوم بان كيك وهم يحبونه بحط لهم
ليلاس بصوت عالي:لولو حطي لهم فراوله وتوت
ضحكت:جهزتهم مبطي
وابتسمو بحب وكيف كلهم مايقدرون بدونهم ، وقفو بالمركز ، ابتسم سلطان من شاف ألونَا تقرا اوراق ووقعتها وعطتها العسكريين ودقو لها تحيه ابتسمت بلطف ولفت جلست عند إيناس بكراسي فوقهم مظله ، ابتسم خالد:هلا بعيونا ونور البيت
سلطان بابتسامه:ربيع دنيتي ياهلا
ابتسمو ووقفو يحضنونهم ، وجلسو ، حط خالد التوت باق على الطاوله:ايلاف مسويه بان كيك لكم وحطت مطاره قهوه عربيه مهيله
ابتسمت إيناس وطلعتهم:ع الجرح مافطرنا
ضحكت ألونَا:عشاء ذا مانمت
سلطان بابتسامه حنيه:ليه يابوي؟
ابتسمت:كل شوي يتصلون وغيره في اوراق للمركز ومعاملات لموكليني
ابتسم سلطان:الله يوفقكم يارب
خالد تنهد:البيت مايسوى بدونكم وميلا وانس ونرجس انصدمو يوم قلنا بتجلسون اسبوع
ضحكت ألونَا وهي تصب لهم قهوه؛اكيد عشان الاكل
ضحك سلطان وخذا الفنجان:اي بالله
ابتسم خالد:ها يحلوات متى تبون الملكه والعرس
ألونَا بجديه طالعتهم:قد قلت واقول من جديد مابغى عرس ملكه تكفيني
سلطان بابتسامه حنيه:ليه يابوي؟
ألونَا بغصه:فِراس عنده مواعيد كثير كيماوي ويتعب حيل ولابي اسوي زواج واخليه ياجل موعد من مواعيده عشاني ومابغى اسافر الى اذا تشافى فِراس
ابتسمو الاباء بحُب لهم ، خالد بابتسامه حنيه:بس؟ ابشري يابوي ونسوي لك ملكه كلن يتكلم فيها وقسمك جاهز باقي كم غرفه فِراس يقول ابيها بذوقها
ابتسمت بخجل:اي قال لي
لف سلطان بابتسامه لـ إيناس الي تلهي نفسها وضحك:تراك واضح واضح
وضحكو من فهمو مقصده،سلطان بابتسامه حنيه:هايبوي متى تبين الملكه والعرس
إيناس وهي تطالعهم كذا[🥺]:طيب لو اقول مابغى عرس؟
خالد بحنيه:ليه؟
هزت راسها بنفي وهي تلعب باظافرها بضيق:مقدر اشوف فروس يتعب برضو وانا اعرفه زين يكابر بتعبه ولابيبين لنا شي وبيكذب اذا قلنا موعد للعرس ويقول ماعندي شي وانا بخير عشان مازعل بس مابزعل انا ولا ابغى عرس بيتعب فيه اخوي
ابتسمو بحُب لهم ، تنهد سلطان وطالع خالد:شقولك؟
خالد بابتسامه:ودّي بعرس بس دامهم يبونها كِذا تصير كِذا
ابتسم سلطان:ابد يابوك قسمك جاهز وكامل مكمل وناقصه تنورينه
ابتسمت بخجل وصمت ، ألونَا سندت راسها على كتف ابوها بتفكير:اذا تزوج الياس وانوس وبتالي وين بتروح؟
ابتسم وهو يمسح على شعرها : وين يابوي بروح بقعد ببيتي
ألونَا طالعته كِذا[🥺]:بابا شرايك تتزوج؟
انصدمو ، سلطان بضيق:مابيه يابوك
ألونَا بتفكير:وتقعد لوحدك وبتتجن من البيت فاضي بس انت فيه ! يكفي ضحيت بشبابك وحيااتك عشاننا وعشان تربينا براحتنا وتسعدنا انت قول تم وابشر
هز راسه بنفي بابتسامه ضيق:القلب بِه ساكنه يابوك
ابتسمت بحزن من عرفت مقصده قبلت يده :طيب سوري جبت الموضوع لاتتضايق
ابتسم وقبل راسها:ماني متضايق يابوك كتبت ربي
خالد بابتسامه:ها سليطن؟
سلطان ضحك:يامسلم شجاك علي؟
ضحك ووقف:مدري معجبني هلّون
طلع خلف وهو يقرا اوراق:ألونَا وين إيناس-وطالعهم بابتسامه وسلم-كيفكم انشاءالله بخير
سلطان بابتسامه:بخير شوقعك انت؟
ابتسم:على ماتحب
خالد بابتسامه:اجل نتركم تكملون شغلكم
خلف ابتسم وازاح لهم ومد على الطاوله لـ إيناس ملف:ذا ملف مشترك بين مترك ومساعد لزم تتعاون به وتوقيعكم كلكم
ابتسمو خالد وسلطان وهم يشوفون الكل يحترم بناتهم، خالد:وكبرن البنيات ياسلطان؟
ابتسم سلطان:ياولد راسي بينفجر من قو الفخر بهن هن وهياطهن ذا!
ضحك وحرك ، مر الاسبوع بخيره وشره واحداث لاتُذكر ، وقت وصول العسكر ، تقدم مساعد بحزن وخوف:ألونَا
ألونَا وهي تدور وليد :وين وليد؟
وسرعان مانزلو العسكر بنقاله فيها وليد متمد،ألونَا بخوف وصوت عالي:ولييييد!!!!
شهقت إيناس وفزو عنده ، إيناس بخوف:شفيييه!!
احد العسكر :طاحت صخره على رجله
ألونَا بخوف وهي تحاول تصحيه:ولييد وليد تسمعني!
إيناس بخوف:وليد انا إيناااسك! لودييي!!!
ألونَا بخوف طالعتهم:ليه مايصحى!!!
العسكري:مخدرينه وماصحى
ألونَا بخوف:الاااان انقلوه مستشفى ^^ الاااانن!!!
العسكري:مانقدر ماله...
ألونَا بحده وصوت:تنقلووونه وولا حرررف سااامع!!!!!!-لفت لـ إيناس-بلغي بابا سريع بكلم مدير المستشفى سرييع-وبعدت تكلم-هلا وعليكم السلام...اايي بنت سلطان بن ابراهيم الراشد....عمي متصاوب وبنجيبه لكم رجاءً جهزو كل شي.... وووحدات دم زياده ايي ... اايي Ab ... معنى متبرعين
وقفلت ، إيناس بتوتر:ألونَا مقدر اكلمهم
ألونَا بحده دقت على إلياس:إلياس ؟
اليأس بابتسامه:هلا ياعيوني
ألونَا بتوتر:سريع تعالو مستشفى ^^ وليد متصاوب اصابه خفيفه بس ولاتخوف جداني طيب
الياس بصدمه:ززين!
ولفت على العسكر وصرخت بحده:للييييه واقفيييين تنتظرررون يصير فيه شي!!
عسكري بحده:قلت مانقدر ننقله لسريه....
علت صوتها بحده ورفعت اصبعها بتهديد:لاتكلمت معييي تنزل عيوونك وصوتك لايعلى على صوتييي سااامع وان كااانك ماتعرف الراشد اوريك وش يسوون الراشد هيا قسمًا بالله ان مانقلتوه تعودون لاهلكم بدون وظييييفهه
مساعد:ألونَا هدي
ألونَا بحده:شهدي انت الثاني بعد عمي متصاوب وتقول لي هديي؟؟
مساعد بحده:مانقدر ننقله الموضوع بسريه وكلكم بخطر
ألونَا بحده:ولعنه!! زين خطر نحمي نفوسناا ونعرف نتعامل محنا بزرااانن عندك مساعد! لاتختبر صبري وانت تعرف وش ممكن اسوي
ايناس فزت لوليد بخوف:وليد تسمعني!!
وليد بصوت متقطع:ألونَا
فزت عنده:وليد بخيرر؟؟
وليد بصوت متقطع:الونَا سعد لايدري عن شي ألونَا إيناس إيناس قولو لعبدالعزيز ينتبه
ألونَا بخوف:بيصير شي؟؟ انطق !
وليد بصوت متقطع:نرجس وعبدالعزيز بينقتل^ونن ألونَا
ألونَا بصدمه وحده:يعقب من يجيهم!!! عطني اسم !!
وليد بصوت متقطع:سعد واهله سعد واهله ألونَا
إيناس بخوف:وليد يعورك شي؟؟
وليد هز راسه بنفي:معليكم مافيني شي بس انتبهو!
ألونَا بحده:كلتبن زززين!!؟
وليد ضحك بتعب:ألونَا مو وقت تهزيئك والله!
شاف الدموع متجمعه بعيونها بس ماسكتها:ألونَا طالبك!
هزت راسها بالايجاب وفهمت:كلتبن وقم خلصني! مخليني اكلم ناصر العله
ضحك وهو يستند على مساعد:وش دخل ناصر!
ألونَا بعصبيه:منصرع هنا وش نسوي بك بلاه؟؟؟ نغطيك؟ دقيت بنقلك مستشفى ^^ وذولي عيو إيناس دقي على إلياس قولي صحى التبن
ايناس بعصبيه:خليه ياكل تبن وينقلع يدق هو واضح التمثيل للحين يمشي بعروقه
جلسه مساعد على الجلسه الي برا وضحك:ووين الي يهددون من اليوم وخايفات عليه؟
ألونَا بعصبيه:ولعنه ياوليد ولعنه !
إيناس شافت الونَا سندت راسها بدوخه وقفت عندها بخوف:لولو فيك شي؟؟
ألونَا بتعب:جيبي الدواء بنشطتي
وليد بخوف جا بيقوم ماقدر:ألونَا شفييك!
ألونَا والدموع متجمعه بوجهها:كلتبن ياوليد كل تبن!!
جبر نفسه وجلس جنبها وسند راسها على صدره وبكت بخوف ، وليد بخوف:ألونَا والله مافيني الى العافيه وتوني صحيت من المخدر اسف ياعيوني اسف
ألونَا ببكي بصوت مكتوم وتحس قلبها شوي وينفجر:كلتبن فجعتني جننتني
ابتسم وقبل راسها:اسف ياعيونه اسف
وجابت إيناس دواها بخوف:لولو كليه
وكلت ووجها محمر ، قبل راسها وليد ومسح دموعها بيده بابتسامه:اسف ياعيوني مو بيدي والله
صدت بعتَاب:انقلع لاتكلمني زعلانه!
وصلو اخوانه وهم يركضون له ، فِراس شاف عيون ألونَا وسحب على وليد راح لها بخوف:لولو
وسندت راسها على صدره وغطت وجهها وهي تبكي بصمت انفجعو كلهم بخوف ، وليد بخوف:لولو والله اسف مالي دخل !
ألونَا ببكي :انقلع مابيييك!
سلطان بخوف:لولو بابا شفيك؟
إيناس بعصبيه:ذا التبن منصرع وفجعنا ولولو قلبها يعورها
سلطان بخوف وصدمه:لولو بابا امي انتِ أمشي المستشفى!
وهي تبكي:مبي اقلعو ذا عني !
فِراس بخوف وهو يمسح على شعرها:ألونَا خل نروح المستشفى مابتخسرين شي يالله ياعيوني!
خالد بخوف:يالله ألونَا بابا
فِراس حس بثقلها رفع راسها بخوف وهو يصحيها:الونَاا لولو ألونَا!!
وشالها بخوف وركض للسياره وركضو وراه والباقين متوترين ، ركض لهم مساعد بخوف:شفيها ألونَا!
إيناس:قلبها
وراحت،وليد بصوت عالي:إينااس
لفت،وليد بصوت عالي:طمنيني وقولي انها خذت الدواء لايعطونها زياده
هزت راسها بالايجاب بتوتر وركضت خوفًا من انهم يعطونها جرعه زياده، بعد ساعتين بالمستشفى طلع سيف،سلطان بخوف:بشر!
تنهد سيف:بخير ياعم بس ركبنا لها جهاز يوضح لكم دقات قلبها اذا نزلت ولا ارتفعت ، اذا مانفع الجهاز مضطرين نركب لها بطاريه للقلب
تمارا بخوف:خير صاحي تسمع شتقول وش بطاريه!!
سيف:قلبها مايتحمل أكثر سبق وقلت ابعدوها عن اي بيئه متوتره ابعدوها عن اي شي يسبب لها قلق وتوتر
فِراس بتوتر:طيب حالتها كيف؟
انس بتوتر:كم بتجلس على الجهاز؟
سيف:اسبوع كاحد اقصى لين تنتظم دقات قلبها وتجينا نشيله لها وحالتها بتحسن الان الحمدالله تقدرون تدخلون عندها بس لاتضغطون عليها ، استئذن
ودخلو عندها ، حضنتها تُقى بخوف:استودعتس واستودعت قلبتس الله الله يحفظتس لنا يارب
ابتسمت وحضنتها بشويش ، طالعت أنس الي واضح القلق بعيونه والخوف فتحت يدنيها له بابتسامه وحضنها ، دمع وهو يعَاتب بخوف:معجبك ذالمستشفى واااضح !!
ابتسمت وحست بدمعته:شفيك؟شسويت انا!
انس مسح دمعته من نغزته وبعد:لاسلامتس ماسويتي شين!
ضحكو الموجودين ، ضحك هتَان:متحور جده ، الحمدالله على سلامتك
ألونَا:الله يسلمك
إيناس كانت واقفه وتدمع بصمت ، سلطان بابتسامه حاوط اكتاف إيناس :ليه يابوي؟
إيناس مسحت دموعها:خلها تاكل تبن هي والحيوان ذاك!!حيوانات اقطعوها!!!
وطلعت جلست على الكراسي تبكي بخوف،طلع هتَان وحضنها بابتسامه وهو يمسح على شعرها:ياروحي والله مافيهم شي هدي
إيناس بدموع وخوف:خرعووني !
هتَان بابتسامه رفع وجهها ومسح دموعها:مافيهم شي يالله قومي وألونَا بتطلع الحين لاتبكين وتضايقينها
هزت راسها بالايجاب بطيف ابتسامه على خرجت ألونَا وحضنتها بخوف:بصفقك مره ثانيه اذا زعقتي!
ألونَا بابتسامه:شدعوا ذي هوايتي!
وضحكو الموجودين ورجعو البيت ووليد الي سوو له رجله وخذا اجازه واغراض البنات ووصله مساعد ، سنده خالد ودخل، سلمو عليه وتحمدو له بالسلامه ،
قفت ألونَا بابتسامه وهي تدندن وراحت الغُرفه الزُجاجيه ، وشغلت بالسماعه أُغنيه
' نقي لي احلى زهره يافراشه نقيلي
زهرة تلبق للشقرة على شعرا تشكيلي
يا فراشة نقيلي
زهرة تلبق للشقرة على شعرا تشكيلي
نقيها حلوه أحلى من ضحكه أطفال
وخلي الزنبق يصرخلها من قلبه موال
والعصفور يترغلا ويترجم شو قال
وشق الفجر ينغملا عوتارو تهديلي
نقي لي احلى زهره يافراشه نقيلي
زهرة تلبق للشقرة على شعرا تشكيلي'
وكانت لابسه فُستان ريفي بيبي بينك ثابت عليها بحبال محاوطه رقبتها ويوم كانت عندهم لابسه شال اسود عشان ظهرها وشعرها الذهبي الحرير كيرلي ناعم مثبتته بشباصه ورد صفراء جُزئين على ورا ولابسه اكسسوارات ناعمه وسليبر ابيض ، وتميل اكتافها وهي تسقي الورد وتقص الذبلان ، ابتسمت تُقى واعتدلت:لو ماهي بنتن لولدي قلت وش هالبنانيه الزينه
ضحكو الموجودين ، إيناس بابتسامه:وربيي مع شعرها الاشقر اووووف!!!
ميلا باستغراب وهي تاكل شبس:الحين لولو صابغه؟
الياس بابتسامه:ماتحب الصبغات
ميلا باستغراب وهي تتدقق فيهم:طيب ليه بس هي اشقر وانتو لا؟ حتى عمو!
سلطان بابتسامه:كلهم انولدو شقر ومن حلقنا شعورهم وتصدقنا بوزن شعرهم عنهم معد طلع الاشقر وثبت شعرهم اسود
شهق انس ونزل الكيك:وليه تقصون بدون اذني!
وانهارو ضحك ، آنس بندم وهو ياكل:يخساره لوني اشقر الحين !
ضربه وليد على راسه من ورا وهو يضحك:احمد ربك عندك حسنات!
انس هز راسه بنفي وندم وهو ياكل:ياحسافه لا حسنات ولا شقار استغفر الله بس طارت الحسنات !
وانهارو الموجودين ضحك اكثر واكثر ، خالد وهو يضحك:يقطع بليسك يانس!
سهم وهو يضحك:اصبغ!
انس بحده:اعقب!
نرجس ضحكت وذي اول مره تضحك براحه من اخر سالفه صارت:وراك؟ لايكون بعد تشوفون المرجله بلون الشعر لحول
انس وهو ياكل:شدخلني لو بصبغ صبغت ولاعلي من احد بس ماداني الصبغات وع
إيلاف بابتسامه:على كثر ما لولو تحط حنا معنى الى شعرها للحين اشقر
ضحكت ليلاس:لولتي ذكيه ماتبي تغير لونه تبي الحنا عنايييه ليه تسوي لها لحال؟ تحط ليمون اليمون يخلي الشعر اشقر ولايغير لونه
تمارا:اما وانا دايم اقول وراها تسوي لحالها!
ميلا وهي تاكل بصدمه:صدق يخليه اشقر! ياحسافه فلوسي الي راحت للهايلات!
نرجس وهي تشرب قهوه:صحصحي نقول حنا للشعر كله مب هايليلات
ميلا وهي تاكل:اي عادي اجيب السيلكون حق خصل الهايلايات واحط
إيناس وهي تشوف أطرف شعرها:وع شعري صاير محروق!
ليلاس وهي تلفح بشعرها:ياحلو شعري مالومه شعرتس يوم يحترق وانتِ كل يوم تستشورين!
إيناس:يمه يع ماتخيل شكلي طالعه بكشتي!
ليلاس:الله واكبر!
ضحكت إيناس:صدق كشتي تخرع صح شعري كيرلي حلو يجنن بس اذا نشف كنها نخله!
وانهارو الموجودين ضحك ، جت ألونَا ومعها كمٍ ورده وكا عادتها الدائمه عطتهم كُلهم عدا اخوانها وابوها ورد الجوري الاحمر والباقي بيبي بينك وفِراس الجوري البيج سُكري كذا تقريبًا ، ليلاس وسعه عيونها بذهول:خير وردتي صارت له!!!
هزت راسها بالايجاب بابتسامه ، ليلاس :انقلعو حيوانات!
وضحكو الموجودين ، سُندس غمزت لـ ألونَا:الرقم؟؟
ألونَا بدلع رجعت شعرها ورا اذنها بمزح:050
وانهارو الموجودين ضحك ، جلست ألونَا عند ابراهيم بدلع:يبه
ابتسم:سميّي ياعيوني
ابتسمت بدلع وطالعته كِذا[🥺] والورده خلف اذنها بنفس لون ورده فِراس:شرايك نروح المخيم؟
ابراهيم بابتسامه:الشر....
ألونَا بتمثيل للزعل ودلع:يعني اهون عليك اطلبك وتقول لي الشركه!! يصييير!! وانا اول حفيده عندك ! لاتنسى اني يتميه كسرت قلبي!!!
إبراهيم بابتسامه حاوط اكتافها وقبل راسها:والله انه مايمشي علي ولاتهونين عليّ وان كانتس الكبيره عاني سنينتس بذا
تكفت بتمثيل للزعل ودلع:لو يبه حمد هِنا وقلت له وافق بس مايهمك الى شركتك وشغلك وحفيدتك وعيالك مايهمونك وضحت
وانهارو الموجودين ضحك ، قبل راسها وهو يضحك:انفدا هالوجه تامرين امر ومتى ماقلتي عودّنا عودّنا
ألونَا بحماس قبلت راسه:ياحلوووك يابرهووومي!!
سهم:اللهم قينا من كيد النساء!
وانهارو الموجودين ضحك ، ابتسم ابراهيم:بكرا نروح عشان كلن يضبط شغله اليوم وياجله
ابتسمت وهزت راسها بالايجاب بحماس وجلست بين الياس وبتال ، إلياس بابتسامه حاوط اكتافها :يعني تضحكين علينا كلنا بهالطريقه اثريك!!!
غمزت له:افاا عليييك لعبتي ذي !
وانهارو الموجودين ضحك ، بتال بابتسامه همس لها:اقدر اتكلم معك جوا؟
هزت راسها بالايجاب ووقفت حاوطت يده ودخلو ، جلسو بالصاله ، ألونَا بحنيه وهي ماسكه يده:شنو قول ياعيوني
بتال تنهد بتعب:ألونَا والله تعبت جسمي كله يحرقني راسي الصداع مايفكني تعبت والله ابي حل يريحني يرضيتس شكلي هلّون انا حتى ماقمت اهتم بنفسي وصحتي مثل قبل ودراستي اهملت كل شي وايامي كلها زي بعض انا يدي قامت ترجف لاشلت الحديد!!
حطت راسه على رجلها وهي تمسح على شعره بحنيه:باذن الله بتهون وتخف مع الايام تحمل واصبر ولك الاجر أن شاءالله لاتفكر بشي غير ذا واذا صحتك والرياضه واهتمامك انا موجوده اساعدك بالي تبي وعيوني كلها فداك !
بتال بكى كالطفل الصغير ،حطت راسه على صدرها بحزن عليه:بتال يامي انت ليه البكي؟؟
بتال بضعف:تعبت والله تعبت
قبلت راسه وهي تمسح عليه بحنيه:شنو تبيني اساعدك فيه وابشر باللي تبييه ياعيوني انت بس لاتنزل دمعتك بتال!
رفعت راسه ومسحت دموعه وابتسمت:شراايك احلق دقنك لك؟؟
بطيف ابتسامه وهو يحس براحه معها:بس لاتخربينه
ابتسمت:ومن يسويييه لكم دايم!!
ضحك:يالله
ووقفت معه وراحو عند الحمام~وانتم بالكرامه~ ضحكت بوهقه:خير اجلس ماطولك!
ضحك وجلس على الرخام:يالله نشوف
وخذت الماكينه:واحد كالعاده
ابتسم من انها حافظتهم ، بدت بتركيز تحدد له شنبه ودقنه وخففت الدقن له ، ابتسمو سلطان واليأس وآنس وهم من اول كانو متكين يسمعونهم ووقفو يشوفون تحسن بتال الي مايتكلم الى مع ألونَا ، ابتسمت وهي تحس بانتصار وتنفست براحه:بغيت اموت!
ضحك:ليه؟
ضحكت:شسوي لك خفت اتوتر واجيب العيد شف
لف وابتسم بواسع ثغره:يقلع بليسك فنانه ورا ماقلتي من اول قبل لاتروح فلوسي على الحلاق!
ضحكت:بلا كذب!
ضحك:والله حلو تسلم يدييينك يالله استلمي شعري
ابتسمت بحماس:عاد غاثني طوله!
وضحكو وجلسو يسولوفن، تقدم انس وتكتف:بديت احس بغيره!!
ألونَا بدون حركه بدون شي وهي تضبط شعره،ضحك بتال:ترا عادي تنفسي اضحكي سولفي
التزمت الصمت لين ماخلصت وهم يضحكون:اخ يمه يوتر كيف ذولي الصالونات والحلاقين يسوون بسرعه يوترر!
ضحك سلطان:ليه ؟
ضحكت:مدري اخاف اجيب العيد ويصير قرعه
ضحك بتال:خلصتي؟ الحين احلقيه صفر
انصدمو ، ألونَا بخوف:بتال!
ابتسم:والله مافيني شي بس ابي اتضامن مع فِراس
ابتسمت بحزن وحلقت له، انس :اي صح متى يحلق شعره؟
ألونَا وهي تسوي شعر بتال:اذا اخذ الكيماوي اليوم يعني
سلطان ربت على كتفها:معليه فتره ويتعافى باذن الله
هزت راسها بالايجاب بخوف وهي تسوي شعر بتال ، وجلس انس بابتسامه:يالله معهم
ابتسمت وحلقت له وخلصت ، سلطان بابتسامه شال الكاب:انا اصلع وفي شعيرتين سويهم
ابتسمت وحلقت شعورهم كلهم ، إلياس بابتسامه جلس:يالله ختامهم مسك
بتال:وجع!
وضحكو الموجودين ، سلطان بابتسامه:لامفيه ملكتك قربت
ابتسم:مابيه بتحلقون لي ولا كيف؟
ابتسمت ألونَا بتردد:لوسي!
ضحك وطالعها:تكفين لاتقولين قدام إيناس كذا!
انهارت ضحك:قلت !
وانهارو ضحك معها ، إلياس:ماش سوي يالله
ضحكت وسوت شعره ، طلعو وجلسو بالصاله ، ألونَا والماكينه بيدها وقفت:الى المجزره!
ضحكو الموجودين ، سلطان بابتسامه:وين ؟
ابتسمت بحزن:بسوي شعر فِراس
ابتسمو بضيق وراحت ، دخلت قسم خالد، هتَان بضيق:جوا
دخلت بحزن غرفته وقفلت الباب ، لف عليها بابتسامه خوف:هلا بدنيتي
حضنته بخوف:بتعدي والله وبتمر وتتعافى باذن الله
ابتسم :ياحظي فيك
ابتسمت:جاهز؟
ابتسم ومسك يدها ووقف عند المرايه:يالله ياعيوني
وسمت وحلقت بحزن شعره، ابتسم من انتهت وحضنها ودفن وجهه بنحرها:أحبّك
ابتسمت وحاوطت رقبته بهمس:ملكتنا الاسبوع الجاي
ابتسم بواسع ثغره وبعد:احلفي!
ابتسمت:والله معد اتحمل اشوفك تعبان ولوحدك
ابتسم بحزن؛تجين معي الجلسه؟
هزت راسها بالايجاب وهي ماسكه الدمعه:اكيد بلبس عبايتي واجيك
وطلعت وشافت هتَان وخالد حالقين ، ابتسمت لتطيف الجو:اما كلكم صرتو بطاطس!
وانهارو الموجودين ضحك اكثر واكثر ، هتَان وهو يضحك وياشر على فِراس:ذا اولنا!
هزت راسها بنفي:نو هو سبيشللل اما انتو بطاطس!
هتَان بلعانه:وابوي؟؟؟
ضحكت:بتوهقني؟؟ نو نو بابا وعمو غير عنكم كلكم
خالد بابتسامه:يعني؟؟
هزت راسها بالايجاب:4نفر
وانهارو ضحك ، فِراس بحزن:ليه؟؟
خالد حضنه بخوف:نيو لوك على قوله سُندس
وضحكو الموجودين ، وحضنه هتَان:روحي فداك ياخوي مو بس شعري
ابتسم وهو يحس بدفئهم وبعد، ميلا وهي تاكل شبس:والله لوني مو بنت حلقت وتظامنت معكم
ضحك هتَان:المختلات سُندس ونرجس سحبنا المكينه منهم بيحلقون كانو!!!
فِراس بحزن؛ماكان ودّي انتم تحلقون ليه؟
خالد بابتسامه:اقول امش بس!
وابتسم وطلع معه شاف عمه وعيال عمه بعد ، انهار ضحك هتَان:بطاطسات ثانيه!
وانهارو الموجودين ضحك ، سلطان وهو يضحك:حسبي الله على بليسك
هتَان وهو منصرع ضحك:بنتك المصروعه تقول اما كلكم صرتو بطاطس!
ضحكت ألونَا:الخيشه بخمسه
وانهارو الموجودين ضحك اكثر واكثر ، سلطان حضن فِراس بابتسامه:طهور واجر يارب وكلها فتره وتعدي
فِراس بحزن؛ليه ياعم؟
حضنه اليأس بابتسامه حزن؛مابيننا هالحكي وكلنا فداك ياخوي مو بس شعورنا!
حضنه انس:لا مافيه عطيناه نور الدنيّا يكفي !! بعدد حنا!!!
وانهارو ضحك من فهمو ، حضنه بتال بابتسامه:فتره وتعدي وكلنا معك
فِراس بحزن:ماتقصرون
ألونَا بحزن:فِراس يالله
وطلعو والي تسوق ألونَا ، تنهد سلطان بحزن:بتمر ان شاءالله هونها تهون ياخوك
مسح دمعته خالد بطرف شماغه الي تمردت:باذن الله
سكتو بصمت وحزن وهم ادركو حجم الالم الي يعيشه خالد
بالمستشفى كانت تنتضره برا وتبكي ، طلع بتعب وحضنها:ليه ؟
حضنته وهي تبكي:مقدرت امسك دموعي اكثر!
فِراس بتعب:اعتذر
شدت عليه ومسحت دموعها:كيفك ؟
فِراس بعدم كبر معها:تعبان بالحيل
سندته عليها وساعدته يركب ، سدح المرتبه وغطى عيونه ، وصلو ونزل وسندته دخلته داخل لغرفته تحديدًا ، سكتو الباقين بضيق وراحو خالد ووعد وعيالهم ، على خروج ألونَا من غرفته وقفلت الباب ، وعد بخوف:شفيه؟
ألونَا ومحاجرها مُمتله دموع:تعبان
ايقنو هِنا انه وصل اعلى مراحل التعب لانه دايم يكابر بتعبه ، نزلت دمعت ألونَا وحضنتها وعد:ششش بيتعافى
ألونَا بدموع:باذن الله ، استئذن
خالد حط يده على كتفها بحزن:البيت بيتك متى مابغيتي تجين حياك
هزت راسها بالايجاب وطلعت بصمت ، ميلا بدموع:ليه ياخي يصير كذا ! ليه دايم يتاذون!
حضنها هتَان بصدمه من دموع ميلا الي اول مره يشوفونها:ميلا! شفيك!
جلست وهي تبكي وغطت وجهها:تعبت ياخي تعبت اشوفهم يتعبون
دخلو سلطان وعياله ينتظرون ألونَا بقسمهم ، دخلت بصمت وهي تنزل جزماتها وعبايتها بالدولايب المخصصه لهم عند الباب ، وقفت وطالعتهم بصمت ودمعت ، حضنها سلطان بخوف:شفيك يابوي؟
ألونَا وهي تبكي:بابا تعباان مره الكيماوي متعبه مره بابا!!
سلطان وهو يمسح على شعرها بضيق:بتهون يابوي بتهون وتمر ويتعافى باذن الله
ألونَا ببكي:بس مره تعبان بابا فِراس مايقول انه تعبان الى اذا التعب مره قوي بابا مايقوى يتحرك ويدوخ
تلثمو ودخل كل واحد غرفته وعادت الراشد اذا تلثمو بكو ولا نووها هوشه ، سلطان شال ألونَا الي ارتخت بحضنه وهي تبكي وحطها بسريها وقرا عليها وطلع
__________________________
بارت اليوم جِدًا حزين😢 ، تخمينكم وش بيصير البارت الجاي😋 ،أعتذر على التاخير بِـ التنزيل ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل
والاقتباس ماحلل القراءه بدون تفاعل🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷