« عزّ الله إنّي في ظبي نجد مغروم .. راعي العيون الّلي مع الزّين خجّله »

«40»

«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
‏«اللهم لاتجعل روايتي تُلهي عبدك عن عبادتك»

وصلت المركز وقدمت بطاقتها ، احد افراد الشرطه:مين زياره؟
الونَا وهي واقفه اخذت بطاقتها:اي اخوي بتال سلطان بن ابراهيم الراشد
وقف الشرطي لها:حياك نضيفك
الونَا بحده:ماجيت اتقهوى هنا بتكلم مع اخوي واطلع!
وفعلًا ودوها غرفه ودخل بتال ، شهقت بخوف ووقفت تمسك حاجبه:بتال ينزف!
بتاال:كيف تمارا؟
طالعت الشرطي:ودوه الطوارى!
الشرطي:رافض وعجزنا عنه
كان يتكلم بدون رسميه بسبب صحبته لبتال ، الونَا:بتروح وولا كلمه
بتال:بس..
الونَا بحده خذت شنطتها:انتظركم الحقكم
تنهد وطالعه:يالله
ضحك مازن:اخيرًا لو دراين جبنها من زمان
ضحك بتال:اختي وامي الثانيه مايهون عليّ اردها
وفعلًا اتجهو للمستشفى، ودخلت الونَا عند تمارا:الحمدلله على سلامتك
تمارا بحزن:الله يسلمك
ابتسمت الونَا:يالله تعالي معي
تمارا :وين؟
ألونَا بأبتسامه:بتال تحت بالطوارى جايبينه عشان يخطيون حاجبه
وقفت بسرعه؛وين!
وقف سهم وسندها:بشويش هدي!
لبستها الونَا العبايه الي جابتها وسندها سهم ونزلت تحت معهم ، فتحت الونَا الستار ، طالعها وابتسم براحه:ليه نزلتي!
وجت بتحضنه ، مازن مد يده:ممنوع
بتال بعد يده وحضنها ، بكت بخوف:ليه بتال !
بتال ابتسم:كيفك؟
سهم تنهد وهو يشوف حُبهم:ماقدرت تبكي تنام وتصحي تبكي وتنام تبكي
بتال طالعها ومسح دموعها:ليه ياكليّ؟ والله بخير مابيصير شي كم يوم واطلع
تمارا هدت من الشهقات:اكيد؟
بتال ابتسم:اي والله كمٍ يوم ومعليك بخير عندي مازن ولولو مُحاميتي وفي تصوير الكميرات وشهادات الممرضات والممرضين الي شافوه هدي يابوي
مسكت حاجبه واقشعر جسمها وكشرت:يعورك؟
دُرر وهي ماسكه الابره والخيط:اذا سمحتي يعني بنقفله عشان مايعوره
وضحكت بخجل وبعدت ، الونَا طالعت مازن:ماتكلم ماقال شي؟
مازن اشر على سرير:شوفيه هاذك هو نايم للحين
الونَا وهي تطالعه:اعرف اصحيه
مسك يدها بتال:بنت!
فكت يده وحطت شنتطها بحضن سهم وخذت علبه مويا ومشت كبتها على وجهه ، الشرطي:وش تسووين!
صحى مفجوع: وش -وتالم-وش صاير؟!!
عايد جا ومد تقارير للشرطي:جا مو بوعيه يتعاطى وذي تحاليل دمه
الونَا تكتفت وهي حاطه عينها بعين الشرطي:يعني كامل الحق مع بتال بن سلطان لانه دافع عن نفسه وعن زوجته ولاسوى شي غلط!
الشرطي:وقت المحكمه قولي هالكلام لانهم بيحيلونه للمحكمه
تنهدت بغضب:لحول
ورجعت:متى للمحكمة؟
مازن:بعد بكرا
تمارا شهقت:محكمه!
حاوطت الونَا خدودها بحنيه وابتسامه:الحق مع بتال معليك ومن اول جلسه بيطلع صدقيني بس لاتقلقين ذا داخل عندكم وهو مو بوعيه دخل وهو متعاطي وتحاليل دمه موضحه هالشيء معليك هدي ياعيوني
مر الوقت ومرت اليومين وطلعت تمارا على مسؤوليتها تبي تحضر محكمة بتال ، وقفت الونَا ولبست عبايتها:يالله
وقفو كل عيال الراشد وايلاف وسُندس الي حضرت مع تمارا ودخلو ، ومشت الونَا وقفت جنب بتال ودخل القاضي وجلسو كلهم واستفتح الجلسه وبدا يسال :ليه تهجمت عليه وضربته؟
بتال الي كان واقف:داخل بنص اليل ويبي يتهجم على زوجتي وش تبيني اسوي؟؟
نغزته الونَا ، وقف محامي هلال:حضرتك شايف اسلوبه وكيف مُنفعل ومتهجم!
وقفت الونَا وهي حاطه عينها بعين محامي هلال:حضرت القاضي الادله كامله عندك وايضًا تحاليل انه بكامل عقله نشوف التُهم الي عليه ؟ تهجم على مريضه بمستشفى عام وايضًا ضرب دكتور موظف دوله ويكفي الضرر الي سببه للمريضه تمارا عبدالله الي مو قادره تنام من رعبها من ذاك الموقف وكما قال موكلي حضرت القاضي بيتهجم على زوجته ومن الطبيعي وتصرف مُوكلي طبيعي جدًا بيدافع عن زوجته عرضه وشرفه وتحاليل دم المُدعى عليه هلال موضحه ايضًا أنه يتعاطى ومُحاميه ايضًا يتهجم ويكذب الادله والتقارير امامك
مُحامي هلال:كلها ادله مزيفه!
ابتسمت:عادي دقوو الادله ومشاهد الكميرات واقول الشُهاد
مُحامي هلال:بتال كان متواجد كامرافق بذاك الوقت
ابتسمت الونَا ابتسامه واسعه على مُحياها:كان الدكتور المُناوب بذاك الوقت وتمارا ماكن عندها مُرافق
مُحامي هلال بحده:اطالب بالتدقيق بالادله
ابتسمت الونَا وطالعت القاضي:في شهود كانو مارين بذاك الوقت وبيشهدون
القاضي:خليهم يجون
وفعلًا جو خمس اشخاص ، وقفت العجوز:لولا الدكتوره تمارا والدكتور بتال ولدي ماكان حيّ وسمعت انها مسويه عمليه ورايحه بتحمد لها بالسلامه ولقيته يمشي رايح جاي قدام الغرفه وبيده شين ابيض مالمحته زين
القاضي وهو يقرا الادله:باي وقت رحتي؟
العجوز:بحدود الساعه10 11
القاضي:طيب اجلسي
وجلست ووقف عايد ، عايد :كنت رايح لاني دكتور تمارا المناوب وبشيك على العلامات الحيويه الي تخصها والملف وكل شي متواجد عندك بالملف بحدود الساعه1 12:30 تقريبًا ولقيته جالس على كرسي امام باب الغرفه
القاضي:اجلس
وتقدم شاب:كنت رايح للاستقبال وكان امام طاولت الاستقبال غرفه الدكتوره تمارا وشفته دخل بهمجيه وهو يصقع الباب وبانت سلسله حديد ورحت انادي الامن على جيتي كان الدكتور بتال يضربه دفاعًا عن النفس وهو يحاول يربط السلسه برقبه الدكتور بتال
القاضي:اجلس
وقفت الممرضه:كنت مستلمه المناوبه عن تمارا بذاك الوقت لانها مسويه العمليه ومعها اجازه طبيه من تحت اذن الدكتور المُشرف عايد وكنت واقفه عند الاستقبال وراح هالشخص ينادي الامن وانا دخلت من سمعت صوت ضرب وفعلًا كان هالشخص مُتجهه لتمارا بيخنقها وهي مفجوعه وراح دكتور بتال رماه بالارض وكان يضربه وقال لنا هو ودكتوره تمارا نتصل على الشرطه
القاضي:اجلسي
وقفت دُرر:معي ملفات لمرضى بوديها للغرفه دكتور سيف لانها تخص مرضاه واعترض طريقي يسال عن غرفتها بالاسم
القاضي:اجلسي
وجلسو وزادت حيرتهم ليه يسال بالاسم وكانت تمارا تمنع نفسها ماتدمع بطلب من بتال ماتبكي وتضغط على يدها ، لاحظها جدها ونَواف مسك ابراهيم يدها وهو يمسح ويقرا عليها بداخله ، ابتسمت بخفوت وعضت شفتها تمنع دموعها ، كانو يتشاورون القُضاءه ، القاضي:محاميه المُدعى عليه عندك ادله؟
وقفت الونَا:تسجيلات كميرات المستشفى باكمله بعد التدقيق وصحيحه المشاهد مع تسجيلات الاستقبال بعد التدقيق وصحيحه صوت وصوره
واتجهت قدمتهم ورجعت وقفت ، مُحامي هلال وقف وطق الطاوله بغضب:المحاميه اخت بتال انحياز!
ابتسمت وكانت واقفه ولفت:قبل امسك هالمنصب اديت قسم وامانه وقبل افكر انه اخوي فكرت انه مواطن مُظلوم
ورجعت وقفت بمكانها ، المحامي بحده:تحيز
ابتسمت الونَا:بتقول إني أتحيز عشان المُدعى عليه اخوي؟ قل مايهمني
المحامي ابتسم بلعانه وطالع القاضي:تعترف امامك بانحيازها
ابتسمت بثقه ولفت للقاضي:كلنا قبل نمسك هالمناصب ادينا قسم وامانه واذا بتحكم بحكم احكم بذمه وضمير اذا بتقول اني اتحيز عشانه اخوي قول مايهمني انا الي يهمني الان ادلتي كلها صحيحه وموثقه من التحقيق الجنائي وادلتهم موجوده عندكم
وجلست بابتسامه وشربت مويا ، القاضي:هلال بن مسعود
وقف هلال ، القاضي التفت له:ليه سالت عن غرفتها هي بالذات؟
هلال بتبرير وهقه:ماكنت بوعيي
وقفت الونَا بابتسامة :ويعترف بنفسه انه يتعاطى
وهو اب لثلاث اطفال حضرت القاضي برائيك اذا هو بغا يغتال انسانه غريبه فمابالك باهل بيته
المُحامي وقف بحده:ماندخل المواضيع الشخصيه!
الونَا ابتسمت:بس توك تقول ان بتال اخوي وانحياز ليه الحين ؟ عمومًا حضرت القاضي زوجه هلال اوه سوري طليقته رفضت الحضور لاسباب شخصيه لاكن أقوالها متواجده عندك
وسع عيونه بذوهل ، ابتسمت الونَا:اوه ماتدري انها خلعتك؟ -ابتسمت ورفعت حواجبها-اوبس ماكنا ندخل المواضيع الشخصيه سوري
وجلست بابتسامة، كانو الراشد ماسكين ضحكتهم لايضحكون ، لبس القاضي نظارته ومسك اقوالها وقراءها وبعد مُده ومشاوره مع القُضاء ، طق طاولته:الحكم
ووقفو ، القاضي:براءة بتال بن سلطان الراشد وفعلته كانت دفاعًا عن الشرف والنفس بالإثبات والادله واحالات هلال بن مسعود لقضيه عُنف تُاجل الا اشعارًا اخر ومحاكمته وهو معتقل ، انتهت الجلسه
ابتسمت الونَا ووقفت خذت ايبادها وشنطتها:انقلبت الادوار سيو للمحكمه الي تاجلت تشاو
وضحكو الراشد من طلعو ، ضحك هتان:اخ يالولو الله يسعدك مقد ضحكت ضحك زي كذا
حضنها بتال بابتسامه:سلمت يمناتس
ابتسم خالد:بس كيف وصلتي لزوجته؟
ضحك سهم:اوبس طلقيته
موج ضحك:اوه ماكنت تدري انها خلعتك سوري ماندخل الامور الشخصيه
وانهارو كلهم ضحك ، مُحامي هلال:محاميه الونَا
لفت وطالعته من فوق لتحت:هلا؟
مد يده وابتسم:شرف ليّ تقابلنا بنفس القاعه
ابتسم فِراس وصافحه بدالها ، الونَا أبتسمت:اتمنى انك اخذت درس
ابتسم:محد يوقف ضدك عمومًا مبروك ربحك القضيه
ومشى ، شمقت ولفت:شايب اخر زمن
وانهارو كلهم ضحك ، ضحك نَواف:لاصدق يالولو كيف؟
الونَا:زوجته من اول رافعه عندي طلب اصير محاميتها ويوم كنت اشوف الموكلين والقضايا لقيت اسمها وتحت اسامي عيالها ورحت فتحت ملف ذاك هلال ومن الاسم عرفت انه ابوهم وعاد صحت شياطيني وخلعته امس بس هو ماجا لانه يسكر ويتعاطى ماشفتوه تو ترا متعاطي واضح
سلطان بأبتسامه:ماميزت!
الونَا:الا مره واضح اساساً المهم ورجعت المهر وكل شي وحجزت لها ولعيالها وراحت لاهلها وبس ذا مايدري عن شي قلت اوفيه بالاخبار
وضحكو الموجودين وطلعو ، كانت تمارا تطالع بتال بصمت ومن طلعو حضنته وهي مُبتسمه:الحمدلله
ابتسم وهو يمسح على شعرها من بعدت:كيفك حبيبي؟ ان شاءالله افضل؟ ليه طلعتي يابوي المفروض بعد خمس ايام تطلعين
ابتسمت:ماقدرت بتال ماقدرت وماقدر اخليك بيوم كذا وجيت مره وحشتني
ابتسم:الشوق الف يابوي
جت الونَا بابتسامة وعطت بتال شنطته الصغيره الي فيها مفاتيح وجوالته وفلوسه وكل شي وعطته مفتاحها:برجع مع فروسي
ابتسم وخذاهم:اصبري راجع لك
ابتسمت ومشت ، شابك يده بيد تمارا بابتسامة:تعبانه؟
هزت راسها بنفي:لا الحمدلله
ابتسم:اجل بنتمشى
وحاوطت يده بحُب وطلعو ، وصلو البيت ، تُقى بقلق:بشرو؟
سهم:افا عليك سفلت فيه بعد
هتَان ضحك:اوبس ماندخل الموضيع الشخصيه سوري انا للحين ميت ضحك على اشكالهم وشكلك يوم قلتيها
وحكوهم وانهارو ضحك كلهم ، الونَا وهي تطالع اصايل:كيف عيونك؟
اصايل وهي لابسه النظرات الشمسيه ومعطيه الشمس ظهرها:للحين يعني تحت الشمس ماشوف زين
سُندس نطت بوجهها:ذا كم؟
وانهارو ضحك ، ضحكت اصايل:هبله
ضحكت وجلست:شفتو حسو فيني اذا لبّست العدسات
فِراس ضحك:لاتلبسينها طيب
ضحك هتَان:اي والله تحب تعقد الامور
طالعتهم بصدمه:اص انتم وانتم الحين انا ليه البس عدسات؟
هتان:شدراني
فِراس :فضاوه
انصدمت ورمتهم بالفاين:اح توجع صدق نظري اربعه
هتان:اح وش يعني!
الونَا:يعني يافاهي انت وياه ماتشوف الى اذا لبست نظارتها او عدسات طبيه حقت نظر
فِراس ضحك بصدمه:اما ؟ وش يدريني انا ماتقولين
كشرت وتكتفت:انلقعو كريهين كريهين كريهين
ضحك خالد وحاوط اكتافها وعين وحده على سهم:انا عندتس سميّ وامري
شمقت له:اي واضح حتى انت انصدمت اني البس نظارات
ضحك هتان:اي شفتي حتى هو مايدري محد يحبك لانس ولاجن
عبست بزعل وجلست تصور ماتشتها ، هتَان بوهقه:اح زعلتي؟
وخذت ماتشتها وراحت غُرفه الورد تصور فيها ، رجدته ميلا بعلبه مويا:انقلع راضيييها!
رجدته نرجس بفاين:قم خلصنييي!!!
هتَان:ياخي مزح!
الونَا:انن قال وش مزح محد يمزح كذا
هتان:شدخلني مزح وهي حساسه مو ذنبي!!
أصايل بتهديد:والله يهتان ان مارحت اوريك نجوم الظظهر!
وفز راح ، اصايل:اما اخوف؟
وانهارو كلهم ضحك بصدمه ، دخل وحضنها:وش تسوين؟
سُندس بهدوء:اصور
ابتسم:في اغنيه جسمها فيها زهره وكذا
سُندس شغلتها:نقيلي احلى زهره؟
ابتسم:اي بصور معك عليها
وصورو وكانت تبتسم بالتصوير وابتسامه بارده
مسك يدها بابتسامة:سوسو زعلتي ادري بس مزح والله
سُندس تكتفت وماحجرها مُمتلئه دموع:اي وش بعد؟
انصدم من عيونها الي تعبت دموع ، جلست عشان ماتبان من الاشجار الطويله وجلس جنبها بندم:ابكي عادي بس ااسف والله سُندس ماقصدت قلتها مزح
سُندس مسحت دمعتها :مو زعلانه
لف وجهها له:الا مو عليّ سُندس
سُندس بضيق:والله مو زعلانه بس مصدعه شوي من امس مانمت عند تمارا
هتَان شبه صدق:اكيد؟
ابتسمت:اي والله
ابتسم وقبل خدها:تبين شي؟
ابتسمت:سلامتك
وطلع وجلست بحيّره ، جلس ، خالد ضيق انظاره عليه:هتَان؟
تنهد:والله لونه انا محد فكر فيني هلّون مو زعلانه!
جت وجلست بعد ماحسمت قرارها ، نرجس:الا زعلانه ششششف!!
هتَان:اعتقيني!
جلست تاكل كاجو: ماعرف امثل كان وديّ اسوقها عليكم
اصايل:سقتيها سقتيها
ضحك تركي:ياويلك اصايل اذا كررت الكلمه مرتين تقلب وحش
اصايل بصدمه:انا وحش!
ضحك وهرب:اييي وحش جني
وقفت:تعال!
ضحك وجاها:خلاص خلاص جيتك
ضحكت وقبلت خده:ياحلوك بس
وليد بكى بحضن نرجس:محد يحبني
نرجس:افوه يالغييره رح رح تحبك !
طالعها ببراءه:صدق؟
بكت جِوان:لودي وع!
ضحك سهم:والله كل عيالكم مبدولين
وليد الصغير:انت المبدول!
وانهارو ضحك بصدمه ، عند تمارا وبتال دخل كارتير بابتسامه وشرا لها دبله ثانيه ودخلو محل الذهب ،ابتسمت:بتاال مابغا والله
ابتسم ومسك خاتمها الاول خذاه وحطه عند البائع:حطه لي بسلسله ذهب ماتنقطع
طلع له الانواع:في انواع كثيره
ابتسم وسحب تمارا:اياتهم معجبتك؟
ابتسمت بحُب:ماحتاج والله..
ابتسم ومسك سلسله:احس ذي شرايك حلوه وماتنقطع يعني اذا شلتي جوجو ولا اي احد وتنفع -طالع صاحب المحل-زين ابي ذي وحط هالدبله فيها ولمعها بالله وابي اشوف وش الجديد عندكم
ابتسم واخذ السلسله عطاها الثاني يضبطها وتقدم طلع اشكال:هاذي هي وفي تعديل
ابتسم ومسك اسوار:ابي ذي واذا لها طقم ياريت
الرجال:سمّ
ابتسم بتال وبدا ينقي كذا سنسال واسواره وخاتم واطقم ناعمه وفخمه وخذا قُرابه الخمسة عشر قطعه ، ميلت شفايفها بحُب وابتسامه دلع:بتالي!
ابتسم وحاوط اكتافها:بنمر سوارفسكي اذا ماتتحسسسين منه ؟
ابتسمت:احبك بتال مره بس جد كثير كذا!
ابتسم:تدللي وامري بالي تبينه مابه الا حلالك
كانو اصحاب المحل مبتسمين على حُبهم الواضح ، ابتسم واخذ الأكياس وطلعوا لسوارفسكي ، واشر على عقد جميل جدًا شبيه للتشوكر بس الاحجار اشكال مُختلفه دمعه وحجر وبيضاوي وقدمه حطه على عُنق تمارا وهو واقف خلفها امام المرايه:شرايك احس جدًا حلو وانتِ الي محليته
ابتسمت باعجاب:يجنن!
طالع الموظف:ابيه غلفه
طالعته بصدمه:بتال غالي!
ابتسم؛يزهاك
ابتسمت وهي تحس نفسها فوق الغيم معه مُمتنه لوجوده وجدًا تحمد ربي وتشكره عليه وتدعي يدوم لها ، طلعو تقهوو ورجعو البيت وطبعًا تمارا كانت مصوره امام مراءه وهي محاوطه يد بتال وهو واقف خلفها محاوط اكتافها ومبُتسمين غبشت على وجهه وجوالها على وجهها وكَتبت:
أنظرُ أليك فـ يرعُبني حجمُ
العاطفةِ التي أحملها لك !
يرعبُني التفكيرُ فيما قد
أفعلهُ مِن أجلك
أحُبّك-B- ❤️
ونزلتها ستوري سناب وانستا لانها ايضاء مشهوره تقريبًا عندها مايُقارب الـ مئتان الف مُتابع وبالتيك نصف مليون ، وصورت الاكياس ويد بتال وهو يلبسها الاسواره والخاتم ونزلت عشوائيات بالتيك على صوت'انتَا عُمري' ، ابتسمت من وصلو وخذا الاكياس وودها لغرفتها ، جلست ، غمزت نرجس:حركات حركات
رجعت شعرها لورا بغرور تحت انظار بتال الي ابتسم ودخل المشب عند الرجال:انا تمارا بنت ايلاف ياعيوني!
ميلا:مقاطعه صيري زي وعد سحبت عليهم وصارت تقول وعد حَرم خالد
رجعت شعرها لغرور:وانا تمارا حَرم بتال
وانهارو ضحك على مزحهم ، ابتسمت ليلاس وهي تشوف سنابتها ولوكيت:بس ماشاءالله العقود والاطقم الي صورتيها تاخذ العقل خذتيهم؟
ارتشفت من القهوه:ايوا
ليلاس بصدمه:كلهم!
الونَا حاوطت اكتافها:بسم الله عليها
وانهارو ضحك ، ضحكت تمارا:اي مو قلت اتحسس من الاكسسوار العادي الله وكيلك لو ما البنك دق ووقف الحد اليومي كان للحين
وضحكو الموجودين ، ميلا وهي تاكل فواكه:امم حلوه الفكره عجبتني بزرفها
ضحكت نرجس:صدق كيف فكرتي فيها!
تمارا:لا صدق اتحسس من العادي واساسا مالبسه
انهَار:علينا؟ والفضه؟
تمارا تربعت:حياتي ذهب ابيض وكل فتره وفتره المعه عشانه يتغير مدري بس سبحان الله اتحسس من كل الاكسسوارات عدا الفضه الاصلي والذهب
ايلاف:مثلي
نرجس بصدمه:كذابات!
ايلاف:اي والله ماقدر رقبتي كلها تفر حساسيه وتصير حمرا ماقدر ارتاح الى اذا حقنت ابرة حساسيه عاد هي خمس مرات والسادسه تاكدت ان عندي حساسيه
ليلاس:واو لو دريت ان الي تلبسونه ذهب زرفته!
وضحكو الموجودين ، ابتسمت سُندس:الله حطيتيه بعقد!
طالعت دبلتها بابتسامة الي حطتها بعقد:اي عشان ماصير فاهيه زي المره الي فاتت وشريت جديده
ابتسمت سُندس:لا جد دبل كارتير حلوه! ذي لحظه اخمن سوارفسكي
ضحكت:كيف عرفتي؟
سُندس:حياتي اكثر ثنتين مهووسات بسوافرسكي انتِ ولولو
ضحكت الونَا:عاد يجننو اكسسوارتهم حلوه
تمارا:فعلًا حلوه ياخي تجنن شريت عقد تشوكر من عندهم اخ خيااال تذكرينه الي مت عليه؟
ضحكت سُندس بصدمه:والله حي عينه ولد العم
وانهارو ضحك ، ضحكت سُندس:والله بغى يوقف قلبها يوم شافتهم اطلقو الكولكشن
الونَا:بس ماش الون الاصفر بعص
تمارا وهي تتقهوى:لالا تخيلي عبالي فااقع طلع مره كيوت هااادي مايبان اساسا كنه سُكري كذا
ايناس:بس جد ضابط على بشرتك مره حلوه بيرفكتو
تمارا حطت رجل على رجل بدلع وسوت يدها زي يد ليلى سلمان:انا تمارا بنت ايلاف وحَرم بتال مو جديده عليّ كل شي بيرفكت عليّ
قبل يدها بتال وغمز:الغرور والثقه الي بمحلهم
قبل سهم يدها الثانيه وغمز:الرقم؟
كشرت وسحبت يدها:ماش مو تايبي
وانهارو ضحك الرجال والبنات اوريدي منهارات ضحك
جت ايناس وهي لابسه قبوع بابتسامه وهقه وجلست ، سُندس رفعت يدها:يارب ياكريم مو الي ببالي
الونَا:جاني هبوط!
وانهارو ضحك ، ايناس ابتسمت بخبث:وش
سُندس غمضت عين وفتحت عين:نزلي القبوع
ميلا:لا لحظه وين دوا القلب والضغط؟
ضحك فِراس بعدم فهم:وش فيكم؟
شالت القبوع وضحكت وهي تحرك شعرها القصير:تررارارا والله يجنن مقدر شفت المقص!
وانهارو ضحك بصدمه ، ضحك خالد بصدمه ومسكه:وش ذا؟
ضحكت بوهقه:والله حلو!
ضحكت نرجس:حاليًا ايناس بمرحله ماقبل الانهيار
ضحكت ليلاس:تحاول تقنع نفسها
هتَان ضحك:لفي؟
لفت وضحكت بوهقه:حلو حلو
ابراهيم ضحك:وشو ذا يابوك!
وانهارو ضحك ، تنهدت:كولو تبن والله حلو!
ضحكت الونَا:هو حلو بس مو عليك
ايناس ميلت شفايفها:رجعو الوقت واسحبو المقص مب قادره اتقبل شكلي
ضحكت تمارا:تسوي المصيبه وتدور التوبه
ضحكت انهَار:لا معليك حلو بس احس قصيه مدرج
فِراس:وش تقص بعد مابقى شي!
ايناس جلست تصور بابتسامة:لا يعجبكم مب مهمين اهم شي معجبني
وضحكو على حركاتها ، وعد بهدوء:ايناس
ضحكت ميلا وهي تاكل تشوكلت:هدوء ماقبل العاصفه
وانهارو ضحك ، ايناس بلعت ريقها :شنو ؟
وعد:ايناس!
وهربت:مالي دخل انتم حاطين عندي مقص
وعد:ايناس!
وقف هتَان:ابشرييبيي
وصار يلحق ايناس وايناس تهرب ، صرخت وطاحت بالارض:انقلع انقلع كلب
صار يمشي وهو يضحك:شفتيي ياويلك بتجلدك جلددد
تكورت على نفسها بالم ، هتَان استغرب وقرب:ايناس؟
ايناس بالم بكت:انقلع
ركض  الياس من شاف دموعها:شفيك!
ايناس بالم تكورت على نفسها:مدري يعورر
خافو مايدرون وش السالفه وشالها وراح هتَان يسوق فيهم ، ودخلت الطوارى وهي تبكي وتون من اللم وتكورت على نفسها:مقدر الياس يعور يعور مره
الياس بخوف مسك يدها:ثواني يجون
وجو وعطوها مُسكن وسو تحاليل وقالو بعد يومين تطلع ، ورجعو وتعشو ومشى يومهم طبيعي بدون احداث فقط ابراهيم الي حلف يسوي عشاء بكرا لسلامه بتال وتمارا واصايل ، قسم ايناس والياس اعتدلت بتوتر:اسمع
الياس نزل جواله:سميّ
ايناس وقفت بتوتر:لحظه
وجابت كيس وعطته ، استغرب وخذاه وابتسم بواسع ثغره من فهم وطالعها:ايناسي؟
ابتسمت بتوتر:مدري شك بس ويوم قلت مرو الصيدلية بجيب بندول جبته
ابتسم ووقف بحماس:يالله سرييع
ابتسمت:طيب سويت تحليل بالمستشفى
ابتسم:مابي سوي الحين سريع
ابتسمت بتوتر وخذته وانتظرو خمس دقايق بتوتر رفعته وطالعت الياس وارتخت ملامحها:حامل
ابتسم بفرحه:في ذمتس!
دمعت بفرحه:والله!
ابتسم وحضنها بفرحه كبيره وغصبً عنه نزلت دموعه:ياكبر فرحتي شفتي ياكليّ قلت لك -بعد وسند جيينه على جبينها وعيونه مُحمره وتدمع بفرحه-قلت لك ياكليّ مافيك شي ومافيك الا العافيه بس كتبت الله شفتي
دمعت بفرحه وابتسامه:يعني جد الياس؟
ابتسم وقبلها:باذن ربيّ وننتظر تحليلك يطلع اذا بين بين مابين نسوي ثاني ونتاكد زين ياُمي وعادي لو مو حامل والتحليل خطا راضي وربي بيرزقنا بالوقت الي يشوفه مُناسب لنا
ابتسمت وحضنته:تمام
ابتسم:تبين تنامين؟
ابتسمت وبعدت بدلع:لا تعال محتاره ماعرف شنو البس بكرا
ابتسم وشالها بحضنه واتجهو لغرفه الملابس وطلعت فُستان احمر وفُستان اسود وفُستان ابيض ، مسكت الاحمر:ها؟
ابتسم وهو يتخيل شكلها:اويلي تجذبين فيه ممنوع بس عندي!
مسكت الاسود بدلع وكان لفوق الركبه ، صفر:اويلي عليك بس! مافيه البسيه الحين ليّ برا لا ! مره قصير نوني!
خذت الابيض وكان فيه كسرات بدون اكمام ماسك عليها بحبال رفيعه محاوطه رقبتها والفستان بيجي تقريبًا بس كاعتمادًا ابيض فيه كسرات وماسك وفيه ثلاث فُتحات يمين ويسار وورا ومن قدام برضو:اصبر بلبسه يبان شكله
ودخلت سريع بالحمام قبل يتكلم وبدلت طلعت وقفت قدام المرايا:شوف ناقصه كعب وميكب وشعر....
حاوط خصرها من ورا ودفن وجهه بنحرها:أحبّك
ابتسمت وسندت راسها على كتفه:فيه نفخه تتوقع نفخت هرمونات ولا بيبي؟
ابتسم ولفها:الي كاتبه ربيّ
ابتسمت وقبلت دقنه بدلع:دور الكعب
ابتسم وتكى ، طلعت كعب سان لوران:شرايك؟
ابتسم:حلو ضابط بس احسه مو مريح
ضحكت بدلع:الكُل يتفق ايوا مو مريح بس شكله حلو دُن تحس تهورت بشعري؟
شعرها ماكن بوي بوي بس تقريبًا عدلت عليه وصار مدرج قصير فوق اكتافها بشوي
ابتسم وقبلها:جميله جميله جميله! بكُل حالاتك جميله ! صح احبّك واحبّ الطويل عليك بس حبيبتي جميله وعسل بكل حالاتها
ابتسمت بدلع:ببدل يابيبي عشان نتابع موفي وننام يصير؟
ابتسم وقبل ارنبت انفها:يصير وبروح ادور موفي
ابتسمت وراحت تطلع بجامه وهو راح يضبط القعده
قسم ايلاف دخلت وشافت غرفت تمارا وابتسمت:ماقصر
ابتسمت وهي تطالع كميه الاكياس:جد! تخيلي اقول له مره غالي يقول مابه الا حلالك ااخ حلو الحيوان!
ضحكت ايلاف على فصلات بنتها:الله يهنيكم يارب
ابتسمت ومدت كيسين:ذوقنا الاثنين هديت زواجك ياعسل
ابتسمت وحضنتها:وااه عيوني انتو ليه تكلفون على انفسكم
غمزت لها:مابه الا حلالك
ضحكت ايلاف بعلو صوتها:هبله
ضحك سهم وجا:بضحك؟
ضحكت ايلاف وقالت له ، ضحك وهو يطالع الاكياس بذهول:اي والله ماقصر النسيب كله ذهب!
ابتسمت:ايوا
ابتسم:تتهنين ياعيوني  أنتِ
بدون مقدمات ، ثاني يوم العصر ، خالد لف لابوه :ابو عازم مكلمني يبي يمر
سهم استغرب بس مابين ليه يبون يجون ، فِراس باستغراب:ليه؟
خالد وهو يطالع سهم بعين:ماقال شين
ابراهيم:مايخالف خله يمر
خالد:عزمته للعشاء يقول موضوع خاص بجيكم بعد صلاه العصر
وقف ابراهيم:اجل قومو الحين يجون
وطلعو وبتال سحب سهم الي كان جالس وكلهم لاحظو ، سُندس بداخلها(اوريك ياكلب) ، جا ابو عازم ودخلو وضيفوهم وصور عازم سهم لسُندس(اذا ماوفقتي تعرفين وش بيصير فيه)
وسكبت على رسالته ودرت انهم فيه وسوت الي براسها وخذت الرشا^ش حق ابراهيم وطلعت ، شهقت وعد:سُندس!
ارتعبو كلهم ، رفست باب مجلس الرجال بهيبتها وقوتها ورفعت السلاح وعشقته قدامهم كلهم الي انصدمو وعازم الي بلع العافيه ، خالد بصدمه وقف:سُندس!
سُندس وهي موجهه السلاح بوجه عازم:تهدد انت وجهك ماعرففت سُندس بنت خالد هتَان فتش سيارته واذا لقيت جوال جبه
استغربو كلهم والخوف راكبهم ، راح هتَان بحيره ، وقف سيف قدام ولده:استهدي بالله ونزلي السلاح
سُندس وهي حاطه عينها بعين عازم:ارميك معه مايهم
هتَان جا:ذا؟
خذته ورمته بالارض ورمت رصاص عليه وطالعه عزام:الثاني!
عازم بلع ريقه بوهقه ، سُندس بحده:الثاني قلت!
وطلعه ، رمت عليه رصاص وهو بيد عازم ، وصرخ ابراهيم:سُندس وش الي صاير!
سُندس نزلت السلاح وطالعت سيف:اراضي الراشد ماتستقبلكم!
سيف طالع خالد:هاذي ضيافتك وترحيبك؟
ضحكت سُندس:اي مانرحب ولا نضيف الا الكفو والحين خذ ولدك الزلابه واذلفو!
مشو ، خالد باستغراب:تبرير؟
سُندس تكتفت:لاوالله استاذ خالد اشوفك مهمل ملف من ملفاتك مره ثانيه ارمي جوالك!
ضحك خالد:يابنت جننتينا وش السالفه؟
سُندس رفعت اكتافها بعدم معرفه:شدراني ذا الزلابه مرسل ملفات فيها اسمك انت وسهم وهتان ويهدد اذا ماوقفت عليه بس ماش الزلابه زلابه
وانهاروا كلهم ضحك بصدمه ، ضحك نَواف وحاوط اكتافها:اثرك مب هينه رشا^ش
تنهدت:ماش اخوك مزبن فرده عني
وانهارو ضحك اكثر واكثر ، ضحك ابراهيم وجلس:ايه اجل سلمت يمناك وانت افصخ شراكتك معهم
سُندس غمزت:تفوتني؟ هلابي وشهرت فيهم بعد اتحدى يكون لهم وجه بس يطلعون قدام الناس
ضحك خالد بفخر:خفي شوي افتخر بوش ولا وش؟
سُندس رجعت شعرها على ورا بغرور:عشان تعرف سُندس بنت خالد مين ووش تسوي!
ضحك:عز اي بالله
ضحك هتَان ودق تحيه:حي عينك!
ضحك سهم:اي والله
سكت خالد بابتسامه وهو ملاحظ سهم من اول مادخل ، جت نرجس:في ضحايا؟
ضحكت سُندس:ماش فيران ماقدرت اصيدهم
وانهارو كلهم ضحك ، جت وعد ومسكت اذنها:طيحتي قلبي ببطني شسوي فيك ها!
سُندس بالم:إح ماتفقنا كذا!
وعد بحده:من وين جبتي هالسلاح؟
سُندس بالم:سطوت على مكتب بروهمي اذا خلصتي تحقيق فكي اذني
وعد بحده:ليه ماخذته!
سُندس بالم:بتعلم الرمي
وعد بحده:سبيكه عندك انا؟
وكانو الكل منهار ضحك ، سُندس بالم:لاا بتعلمه على الاوادم بس هربو شسوي انا!
وعد بصدمه:صاحيه!
سُندس ابتسمت:ولله آلحمد
وانهارو كلهم ضحك ، ضحكت سُندس وقبلت خدها وهربت ورا خالد:ياخي صيري كيوت زي زوجك واسمعي
خالد ضحك بصدمه:هالحيه ماملت عينتس؟
هربت ورا هتَان:لحول طفشتوني شوفي ذا منظر اطلع فيه قدام الناس اذن طويله واذن قصيره!
وعد:اطول الثانيه تعالي بس!
وراحت هربت:تشاو
وانهارو ضحك اكثر واكثر وعلمو وعد وش صار ، ابتسمت:والله ويجي منها
طلت مع الشباك:كل ذا وتقولين يجي مني لازم اقتل اوادم يعني بس ابشري وديّ الصدق
وعد رمت الشبشب:تعالي بس يجيبك الليل
وليد ضحك:ذا التهديد الوحيد الي كل الامهات يتفقون عليه
وانهارو ضحكو وراحو البنات يجهزون ، سُندس جت:ها من يبيني مهووسين فيني والله
هتَان بتمثيل:بموت جيبو سُندس بموت!
بتال بتمثيل وهو ينعشه:وين سُندس جيبوها الولد بيموت!
سُندس رجعت شعرها لورا بغرور:المفروض تشكرون الله ليل نهار إني بحياتكم عادي افطس
هتَان ضحك بصدمه:نعطيتس على جوتس بس ماش
وانهارو ضحك الرجال ، ضحك ابراهيم:انا تعالي تعالي
تربعت عنده وشعرها فيه مكر وهي تاكل كاجو:لبيه
ابراهيم طالع شعرها:وش هالكفر الي براسك؟
سُندس غصت وضحكت بصدمه:كفر!
وانهارو ضحك الرجال ، ضحكت سُندس:حرام عليك يابرهومي اسمها مكر او لفافات ذي احطها عشان الويفي يثبت مده اطول ولايتفكك لان ماشاءالله جينات ولدك بعصت شعري حتى الويفي مايثبت يطيح على طول يصير حرير ماشاءالله
ضحك ابراهيم:اسمعي
غمزت وهي تاكل:ضحيه جديده؟
ضحك فِراس:لحول وذي ادمنت
ابراهيم:وش الاوراق الي مرسلها؟
سُندس فتحت جوالها وهي تاكل كاجو بيدها الثانيه وتقرا:شف ابوي موقع على مُناقصه وخاسرها وعليه مليون وشوي سهم مدري وش بس حقت عسكر مدري شرطه عليها ختم دوله ومدري وشو هتَان فالت اوراق الحسابات تبع شركتك وواضح فيها زي غسيل اموال مدري وشهي-ونزلت الجوال وطالعته-الحين غسيل الأموال والمليون وش سالفتهم؟ بنموت اذا فلسنا؟ لا ليه غسيل اموال؟
ضحك سلطان:بدت تهاوش اصبري وشو غسيل الامواال ذا بعد؟
خالد باستغراب:اشوف وريني
ورته، خالد:بس ذي قبل سبع سنين مدري ثمن؟
سلطان شاف وانصدم:ذي الي كانت عند صالح يبه!
انصدم ابراهيم:اشوف؟
ووراه ، ابراهيم:اي بالله وذي الاموال الي وهقنا سعد بها واخرو احصاء الورث!
سُندس بتفكير:يعني ذاك النشبه للحين ناشب بس شعرفه بذاك ووش دخلني؟
نَواف بدا يتوتر:اقول راجعو حسابات الشركه قبل ينقلب كل شي ضدنا وانت سهم شف الورقه وشي
وطلعت ودخلت الصوره وعطته ، سهم انصدم:لحظه ذي اساسا لمركز عزوز ووليد وليد تعال
ووقف وانصدم:هاذي حقت مُهمتنا!
فِراس بربط:يعني اساسا ماكنت النيه سُندس كانت نرجس
اليأس بصدمه:التهديد هذاااك تذكرونه!
ابراهيم؛نادو الونَا ونرجس وايناس
وفعلًا جو ، وحكوهم ، نرجس وهي تشوف الورقه:الا ذي اذكر شفتها باوراق عزوز بس ودها المركز يعني مو بالبيت ومايحتفظ بنسخ
الونَا باستغراب:لحظه اصبرو تعالو شوي شوي
__________________________
احداث لذيذه جدًا ادعو لي اجيب بالقدرات100😔❤️❤️ ، الاحداث القادمه مؤلمة جدًا اعتذر عِنها ، أعتذارً لـ غيابيّ فسرته بالانستا❤️🌷 وصلو التعليقات40+،أعتذر على التاخير بِـ التنزيل لاكني تعبانه وجدًا مضغوطه هالفتره اعذروني اذا تاخرت ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل
والاقتباس ماحلل القراءه بدون تفاعل🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷