« عزّ الله إنّي في ظبي نجد مغروم .. راعي العيون الّلي مع الزّين خجّله »

«18»

«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
‏«اللهم لاتجعل روايتي تُلهي عبدك عن عبادتك»

اللهُم لا تجعل القدرات عائق بيني وبين حُلمي ووفقني وأرزقني سرعة الحفظ والفهم، وبشرني برؤيه حلمي وقبولي بأحسن الجامعات ، ربيّ إن كان هناك ذنبًا يحول بيني وبين توفيقي وتيسير أموري وإستجابة دُعائي فأغفره ليّ وطهرني من كل الذنوب ، اللهُم لاتدع لنا ذنبًا إلا غفرته يارب إني مُقبله على مُستقبل لا أعلم خفاياه ولكني أعلم إنك خير مُدبر ، ربيّ استودعتك مستقبلي وحلم بات يكبر في قلبي ، اللهُم لاتحرمني من طموح أسعى إليه ، دعواتكم ليّ تجيب100بالقدرات❤️❤️

قفلت ليلاس الباب وهي متوتره على اعصابها جالسه بالحديقه تنتظر اي خبر منه ، خلص العشاء ودخلت من مشو الضيوف وجو العيال كلهم داخل ، تُقى باستغراب:وين نرجس ؟ مشت؟
هتَان :مدري عزوز مشى قبل العشاء المركز طالبينه
الونَا ضيقت عيونها:ليلاس شفيك
ليلاس بتوتر:ولاشي
وعد بتذكر:الى صح ليلاس شفت وحده من العاملات ركضت لك يوم الضيوف فيه
ميلا:تم القبض اعترفي وش صاير ؟
ليلاس بتوتر:طيب هدو مافي شي بس هدو
تُقى بخوف:شفيتس انطقي !
ليلاس بتوتر:لقيت نرجس طايحه ودقيت على عبدالعزيز وخذها المستشفى ومايرد
انصدمو كلهم ، سهم بصدمه:كيف ماحسينا!!!!!
تُقى بخوف:بنتي بنتي شفيها!
ليلاس بتوتر دمعت:مدري مايرد
حاوط اكتافها خالد بخوف:معليه بخير باذن الله ليه البكيي؟؟
ليلاس بخوف:مايرد وهي يوم نصحييها ماتتحرك خلود
انقبضت قلوبهم ، رفع ابراهيم جواله ودق لعبدالعزيز وهو يخفي خوفه:عبدالعزيز
عبدالعزيز بتوتر:سم
أبراهيم:وينك؟
عبدالعزيز بتوتر:بالمركز
ابراهيم بحده:عزيز ! انطق ؟ شوقع نرجس ؟
عبدالعزيز حس انهم درو :للحينها ماصحت
ابراهيم:أي مستشفى؟
عبدالعزيز:^^^^
قفل ابراهيم ووقف ووقفو اغلبهم ، طق بعصاه بحده:ألونَا وفِراس إيناس الياس ولا اشوف خامسهم !!!
ومشو معه والباقين متوترين ويهدون بعض ويهدون تُقى ، وصلو المستشفى ونزلو ، فِراس بهمس لـ ألونَا:تعبانه نجلس ؟ اقول لجدي والله عادي
ألونَا استندت عليه بهمس:انت معاي ماتعب وبشوف نرجس
ابتسم وحاوط اكتافها وهي مستنده عليه ويمشون خلف الجد وايناس والياس ، وصلو وشافو عبدالعزيز ، فز وقبل راس الجد:اعذرني ماحبيت اوتر....
ابراهيم بحنيه ربت على كتفه:بتطلع بخير معليك ، قالو شين؟
هز راسه بنفي:من اربع ساعات محد طلع
وصدمتهم إيناس الي نزلت الماسك وضحكت:هلا انتو اهل نرجس ؟
وضحكت ألونَا:جيبي لنا العلم !
ضحك ابراهيم:عشتي
وكانت لابسه سكراب ولابكوت ابتسمت وغطت وجهها ودخلت لقت نرجس متمدده ونايمه او بالاصح مغمى عليها للان وفتحت ملفها قرت وطلعت ولاكنها سوت شي:ماكتبو شي بلمفها للحينها مغمى عليها ومسوين لها تحاليل بس وللحين ماطلعت النتيجه
عبدالعزيز بانفعال:اربع ساعات عشان تطلع نتيييجه!!!
الياس بهمس مسك كتفه:هد
وجلسو ينتظرون ، بعد ربع ساعه طلعت لهم دكتوره:دنتو اهل نرجس؟
ألونَا وقفت:هند شفيها نرجس ؟
دكتوره هند باستغراب:هيّا بتصير لك ؟
الونَا بتوتر:اي عمتي شفيها؟
دكتوره هند بابتسامة:زي الفُل مافيهاش حاقه حد علمي مابتعرفوش ؟
عبدالعزيز بتوتر:وش نعرف ؟ شفيها نرجس !
دكتوره هند بابتسامة:دا البت نرجس حامل بالشهر التاني معقوله محدش حس عليها ابدً!!
عم الصمت واعتلت وجهيههم الابتسامات والأحضان، ابراهيم بفرحه:كيفها ؟ كيف الجنين ؟
هند بابتسامة:باتم صحه وعافيه ولله الحمد وفيكو تدخلو ليها لانهم بيصحونها دلوئتي
ودخلو بابتسامة، كانت نرجس تسال الممرضه
نرجس بصداع:ويني ؟
الممرضه وهي تسوي الابر:مستشفى ^^
نرجس باستغراب:طيب ابي جوال بتصل على اهلي شجابني اساسا؟
الممرضه وقفت:جابك واحد وينتظرك برا ببلغه
وعلى طلعتها صادفت عبدالعزيز ،الممرضه:نرجس صحت
ومشت ، دخلو بفرحه وباركو وطلعو وهي مو عارفه شالسالفه ، حضنها عبدالعزيز بفرحه:نرجس انتِ حامل
نرجس بصدمه:ااايش!
عبدالعزيز مسك يدها:شفيك؟
نرجس بعصبيه:عبدالعزيز صاحيي!! مستحيل انا !
عبدالعزيز عقد حواجبه:وليه مستحيل؟
نرجس بانفعال:مابغى عبدالعزيز ماااابغى مابييي اطفااال!!!!!
عبدالعزيز برفعه حاجب:صاحيه انتِ؟ اجل تجهضيين !
نرجس بانفعال:مالك دخل سامع! مالك دخل
وجلس على الكرسي بعصبيه:نشوف شلون مالي دخل صبرك عليّ
نرجس بعصبيه:عبدالعزيز لاتجنننييييي!!!!!
عبدالعزيز مسك يدها:انتِ الي لاتجنيني! اقول لك حامل تقولين مبغى ؟ عطايا رربي غيييرك ملاااين ينتظرون هالنعمه!! والله يانرجس ان صار لضناي شي لاتلومين الى نفسك ماتبينه انا ابيه وبربيه ! والله يانرجس لو يجيه ادنى ضرر لاتلومييين الى نفسسسك سااامعه!!!!!
ارتعشت خلايها من حده صوته وعصبيته وسكتت وهي ماتبي هالطفل وصدت تكتفت ، وجلس على الكرسي ينتظر المغذي يخلص
طقو الباب ودخلو ، استغربو من شكلهم ، ابراهيم الي سمع شوي وجلس :نرجس شفيك ؟
نرجس بانفعال:وش وش فييينيي مابغى ياخي مااااابغى!!!!!!!!
ابراهيم بحده:اقطعي الصوت!! وعطايا الله محدٍ رادها! والله يانرجس لو يصير به شين ان اغيب شمستس واوريتس نجوم الظهر اعقلي!!!!!
وتكتفت بصمت وزعل وهي ماتبغى ، استغربو الونَا وايناس ليه ماتبي وكان واضح على عبدالعزيز يوم عرف انه مستانس ويبغى الطفل ولاكن نرجس العكس والياس وفِراس سكتو ، دق خالد على فِراس وطلع يرد :سم
خالد:طمنا ؟
فِراس تنهد:لاتبين شين لحد يبه ، سو لها تحاليل وطلعت حامل ومعصبه وتقول مبي الطفل بس جدي وعبدالعزيز واصله معهم وكل ماتكلمت سكتوها
خالد مابين شي:زين اذا صار شي بلغني
وقفل ، تُقى بخوف:وش!
خالد:يقول للحين مندري عن شي
داخل فكت الممرضه الابر وكانت تقول لنرجس مواعيد تجيها ، وقفت نرجس ولبست العبايه:اي اذا شفتو وجهي مره ثانيه
ومسك يدها عبدالعزيز بصمت وسحبها معه وركبها وقفل الباب وحرك ، ماعترض ابراهيم ولا قال شي ورجعو البيت ، وعلموهم وفرحو وبعدين انصدمو طبعًا ، الكل انسحب لغرفته وقسمه ينام ،عند عبدالعزيز ونرجس
دخلو الغرفه ومسك معصمها بقوه ولفها له بعصبيه:والله والذي نفسي بيده ان فكرتي تسوين شي للجنين والله ثم والله ان يجيتس اضعااافه ولو اغيييب شمستس عن هالدنيييااااا ساااامعه!!!
نرجس بالم من يدها:فك!
عبدالعزيز بحده:ماخلصت كلامي ومواعيدك والله اذا مانتظمتي فيها بوجودي ولا غيابي والله يانرجس ان اربط يدينك بسلاسل بالمستشفى واحلمي تطلعين برا وتشوفين شي اسمه جوااااال
نرجس دمعت من يدها:فكننني!!!!!
عبدالعزيز بحده قربها اكثر:ماخصلت كلامي!!!!!! والله لعيفتس عيشتس واكرهتس اياها والله لخليتس تندمين على جيتس لهالبيت والله يانرجس لو يصير لضناي شي ان انهيتس من هالدنياااااا سااااامعه
نرجس بدموع والم:عزوز فُك!
فك يدها بعصبيه وطاحت على الارض تبكي من قوه مسكه لمعصمها ، لف وطلع صبخ الباب بعصبيه:اميييينه!!!!
وجت تركض:هلا
عبدالعزيز بحده:اي علاج اي شي حاد بالغرفه طلعيه الاااان واكل نرجس يجيها بالغرفه سامعه! ولا اشوفها طالعه ولا اشوف الي صار طالعن برا !
هزت راسها بالايجاب بخوف:ابشر
ونزل للنادي وفصخ ثوبه وبلوزته وبدا يتمرن بعصبيه وهو يفرغ عصبيته بناديه ، دخلت امينه وقلبها يوجعها على نرجس شالت كل الادويه والاشياء الحاده بجميع انواعها وخرجت ، انهارت نرجس بكى من سمعت صوت المفتاح تقفل من برا وعرفت خلاص عبدالعزيز مستحيل يخليها تعتب باب الغرفه ابداً الى معه كانت مصدومه وتبكي وهي ماتبي الجنين وتبكي من عصبيه عبدالعزيز الي فجاه طلعت وكيف صار مُرعب بالنسبه لها وينه الي كان يبتسم وبشوش ويحضنها ويسوي لها فطور ولا يصحيها تغير ميه وثمانين درجه نامت وهي تبكي على السرير بشكل فوضوي نامت ، دق ابراهيم الي مازاره النوم على عبدالعزيز:عبدالعزيز
عبدالعزيز وصوته شوي بعيد:امرني
ابراهيم باستغراب:ورا صوتك يالله ينسمع؟
نزل الحديد ونزل السماعه:لابس السماعات بالنادي توني فكيتها
ابتسم:اخبارك ؟اخبار نرجس ؟
عبدالعزيز جلس وهو يرفع شعره:بخير الحمدلله
ابراهيم:عبدالعزيز!
عبدالعزيز ابتسم من فهم:افا تهقاني هلّون؟
ابتسم ابراهيم:بنتي ياعبدالعزيز بنتي تراها
ابتسم عبدالعزيز:وبنتك بين الرمش والعين
ابتسم أبراهيم:فمان الله
وقفل ، تنهد عبدالعزيز ووقف بتعب ورقى فوق تنهد بضيق وهو يجهل رفضها للطفل فتح الباب ودخل وقفله وشاله وهو فعليًا مايظمنها ماتذاي نفسها ، اخذ له شاور وتمدد جنبها ونام وهو جالس يتاملها ، قُرابه الصبح صحى عبدالعزيز من صوت احد يبكي ، وقف استغرب عدم وجودها ولقاها عند المغسله تبكي وتستفرغ ، وقف بخوف عليها ورفع شعرها:شش هدي شفيك؟
بعد ربع ساعه جلست بالارض تبكي بدون كلام ، سكت عبدالعزيز وتوقعه وحام ومسك يدها ، دفته ببكي وصراخ:بعد عني لاتقرب!!!
عبدالعزيز باستغراب:نرجس شفيك؟؟!
نرجس ببكي وقفت ومسحت دموعها:مالك دخل ! مالك دخل ! مالك دخل !
وتمددت بطرف السرير وعطته ظهرها وغطت وجهها بالبطانيه وهي تبكي بصمت ، تمدد جنبها وهو يطالعها بصمت ، توقعت انه نام وضاق صدرها اكثر مسحت عيونها ولفت:عبد..-انصدمت وهي تحسبه نام-مانمت؟
هز راسه بالإيجاب بصمت ، جلست وهي صاده بنظرها عنه:افتح الباب
عبدالعزيز:ليه
نرجس:مالك دخل افتحه !!
وفتحه وطلعت وطلع وراها ، نزلت المطبخ لقت امينه صاحيه وجلست على الكرسي وسندت راسها على الطاوله وهي تطالع الشروق من الشباك:امينه سوي لي شاي
امينه بحنيه مسحت على شعرها:تعبانه ؟
جاهله وجود عبدالعزيز وتكلمت بنبره حزن وتعب:مره
امينه شافت تاشير عبدالعزيز الي يقول لاتبينين اني في تكلمت بحنيه:بسوي لك شاي اخضر بدون سُكر بيساعدك
هزت راسها بالايجاب وهي سانده راسها على الطاوله وتطالع الشباك ومعطيه عبدالعزيز ظهرها ، جابت لها الابريق والصفايه والكوب وجلست جنبها تشرب وتسولف معها:وش تحسين فيه ؟
كانت نرجس تحرك الكوب رفعه اكتافها بعدم معرفه:شي غريب معرف
امينه شافت رساله عبدالعزيز وتكلمت بحنيه مسكت يدها:عادي تقولين لي ليه رافضه ؟
نرجس بهدوء:مو قد المسؤوليه والامومه ليش اظلم معاي طفل ؟ معرف اربي ولابعرف معرف اتعامل مع الاطفال مابي ياخي مابي بعدين طفلي يتعالج عند اطباء نفسيين بسبت مين بسببي انا او سوء تربيتي او سوء تعاملي لاني بختصار معرف للاطفال ولا افقه فيهم شي
حطت يدها امينه على كتف نرجس بحنيه:طيب وتدرين ان عبدالعزيز موجود؟ وتدرين اني بكون معك دايم ؟ وتدرين ان اهلك حوالينك دايم؟وتدرين ان اهل عبدالعزيز حوالينك دايم؟ ليش تفكرين بالاشياء السلبيه ولافكرتي بالاشياء الايجابيه ؟ مثلًا ؟ الجنه بتُصبح تحت أقدامك اذا احسنتي تربيتك وتعاملك ! بيكون عندك طفل يحبك ولايبدلك بحد ! بيكون عندك كائن صغير بينور حياتك ويسعدك ومابتحسين بمرور الوقت والسنين الى وانتي تزفينه صح!!! الدنيا فانيه يانرجس عيشيها بخيرها ومرها والله سبحانه وتعالى مسخر لنا اشياء كثيره ومسهل دخولنا للجنه بس حنا مانفهم بختصار نتحلطم ونتذمر مثل ؟ مثلًا وقت الولاده تدرين ان الدُعاء مُستجاب ؟؟ تدرين ان كل الم تحسين فيه وكل الم يجيك وكل ليله ماتنامين فيها وكل مره تتعبين كل ذا تدرين انك ماجوره عليه ولك اجر كبير ؟
سندت نرجس راسها على كتف امينه ودمعت:بس مابغى والله مو قد هالمسؤوليه ولاني قد الامومه والله. مابقدر
حاوطت امينه اكتاف نرجس بحنيه:عبدالعزيز موجود دايم حوالينك
نرجس وقفت:سوري ازعجتك
ابتسمت:كل ماحتجتيني بتلقيني
ابتسمت ولفت من شافته اخفت ابتسامتها ورقت فوق ، تنهد بضيق وابتسم لامينه ورقى معها لقاها تغطت وتمثل النوم،تربع عندها وتكلم بهدوء:نرجس بتكلم معك اعرف انك مانمتي
وماردت ، تنهد عبدالعزيز:والله مو هاين عليّ وضعنا ولاهو بعاجبني لاكن نرجس حنا مابيدنا شي وربي حرم قتل النفس بغير حق انا معك واذا مابغيتيه مابغاه بس خلاص مابيدنا شي نرجس !! الله كاتب لك تحملين وبعدين بكون معك بكل شي اوكيه معرفتي تربين عادي خلي التربيه علي ماعرفتي تتعاملين خلي التعامل علي وبرشدك انا بمسك يدك معي ونربي سوا نخطي مره عادي الانسان مو معصوم عن الخطاء نرجس وربي الفرحه مو سايعتني فكره بس اني بكون اب وبيكون عندي طفل من محبوبتي لحالها كفيله بانها تخليني سنين مستانس ومرتاح لاكن برضو فكره انك انتِ ومحبوبتي وزوجتي ماتبي ورافضه هالفكره توجع والله !!! انا موجود دايم نرجس حوالينك بكل وقت -انتبه لرساله وقبل راسها وهو مغطى-استودعتك الله انتِ والجنين بنزل مهمه قُرابه الشهرين فمان الله وانتبهي لنفسك كليّ ثقه فيك نرجس وانك مابتسوين شي يغضب ربي وين ماتبين روحيّ براحتك وكيفك ومزاجك بس طلبتك يانرجس
كانت تدمع بصمت وبدون لاتبين حست بثقله قام من على السرير ،دخل وخذا شاور سريع ولبس بدلته ، وقف عند باب الغرفه بضيق:استودعتكم الله الذي لاتضيع ودائعه
وطلع بحزن ووده انها ودعته زي كُل مره ، وقفت ونزلت تبي تحضنه ، تودعه ، تدعي له ، اول مانزل على تحريكه للسياره وجلست تبكي وآمينه تهديها ، بعد نص ساعه استوعبت وخذت جوالها تتصل عليه ، ووقت ماسلم جواله لـ زميل له اعلى منه رتبه ومشى ، رد زميله:هلا؟
نرجس ببكي:عبدالعزيز وين؟
زميله:مين؟
نرجس ببكي:زوجته وينه بقول له شي ضروري!!
زميله:اعتذر منك لاكنه نزل الان مع البقيه وحركو من ربع ساعه
قفلت وهي تبكي بندم وامينه تهديها ، قالت لـ امينه انها بتنام وتصحيها العصر ورقت فوق نامت وهي تبكي ، العصر تقريبًا وعلى استيقاظ نرجس ، رقت امينه ودقت الباب ، نرجس بتعب:ادخلي يامينه ادخلي
ودخلت:اخوانك تحت ودخلتهم
هزت راسها بالإيجاب:بجي الحين نزلي لهم قهوه وحلى
هزت راسها بالايجاب وطلعت ، راحت وضت وصلت الي فاتها ونزلت بلبسها بجامه كاروهات ، وسلمت وباركو لها وردت ببرود وجلست ، خالد حاوط اكتافها بحنيه:ليه يابوي ؟
سندت راسها على كتفه وبررت لهم ، واكملت:ياخي مابي ماني قد ذا المسؤوليه مابببي!!!
مسك يدها سلطان بحنيه:والله يابوي لو بيدنا شي سويناه بس مايرضي ربي ، وبعدين ماتدرين يمكن بعدين اذا ولدتي بيتغير كل شي ؟؟
وليد بحنيه:او ممكن يرف قلبك اذا شفتيه؟
نرجس بدموع:بس مابغى!
سلطان بحنيه قبل يدها:من وش خايفه ؟
نرجس وهي سانده راسها على كتف خالد:كلشي
خالد:الولاده؟؟ ربي بيسهل كل شي عليك ولابتحسين بشي واساسا كذا ولاكذا بتكونين مخدره وغيره صدقييييني اذا شفتي ضناك وربي ان يرف قلبك ويحن عليه وتتشفقين شوفته تتعلقين فيه سبحان الله ولك اساسا اجر كل شي تمرين فيه واذا احسنتي ترتبيتك ومعاملتك زي ما امرنا ربي الجنه بتكون تحت اقدامك باذن الله
نرجس ببكي:طيب انا عارفه نفسي اساسا مابعرف اربي مابعرف اهتم مابعرف اتعامل اعرف نفسي ياخي!
سلطان بحنيه قبل يدها:بقول لك شي ، تدرين وقت حمل نُهاد رحمه الله عليها بـ انس قالو بتواجه مشاكل على طول انا تخليت واستسلمت وقلت سوو العمليه الان نُهاد رفضت وتحملت كلشي مرت فيه وصبرت وقتها مانساها الساعه 2:45باليل تعبت ووديتها المستشفى وجلست انتظر وادعي بعد مرور ساعه كذا جوني وخيروني بين ضناي وزوجتي ، قلت زوجتي بدون اي مُقدِمات الضنى يتعوض ، ووقعت الاوراق ورحت المصلى وصليت وكلت امري لله وكنت ادعي للاثنين كان عندي امل ويقين بالله سُبحانه وتعالى سلمت ورقيت على طلعتهم وبشروني بجيت انس وسلامه نُهاد ، لاتياسين وكلي امرك لله ومعك فتره طويييييله تتعلمين الي تحتاجين تتعلمينه معك فتره طويله تصلين وتدعين بان ربي يحنن قلبك له معك فتره طويله كلها وكل هالتسع شهور بتمر اذا حطو ضناك بحضنك
خالد بابتسامة وهو يمسح على شعرها:اظن تعرفين وش صار مع وعد وقت حملها بـ ميلا؟
نرجس بدت تهدى:وش
خالد بحنيه وهو يمسح على شعرها:قالو وعد مستحيل تحمل مره ثانيه بعدها وقالو مُمكن الجنين يكون مشوّه وبرضو تكون عنده إعاقات وقالو لنا نقدر نختار ياتجهض ياتكمل ونتحمل بعدين وقتها كنا فعلًا محتارين بين اختيارين وكلها لنا كامل الاحقيه نختارهم رحنا خذينا عُمره لان خلاص الحيره ذبحتنا رحنا خذينا عُمره وصلينا استخاره بعدها كلنا حسينا ليش نختار اجهاض؟ ليش ماتكمل وعد الحمل وبعدين نتحمل كل شي وكان سُبحان الله ربي شال هالهم الي على صدورنا وخلانا مانقرر الاجهاض صلينا ركعتين قبل الفجر والفجر بالحرم وجلسنا ثلاث ايام بمكه ونصلي الفروض ونوافل بالحرم وبعدين رجعنا وفعلًا بلغنا المستشفى مانبغى الاجهاض وكملت وعد ، وقت الولاده وعد ماكنت مخدره فك البنج بنصّ العمليه وسمعت صوت ميلا وبكاها ونطق الدكتور سبحان الله لا اله الا الله ، لا اله الا الله ، الحمدلله،الحمدلله، ثلاث من الطاقم الطبي من صدمتهم سجددو شُكر لله لانهم كانو ملازمين وعد حملها كله ، السونار الاشعات التحاليل كلها مبينا لنا ان ميلا من مُتلازمه الداون واعاقات ثانيه برضو ، ليش انصدمو وعجت الغرفه بذِكر الله ، ميلا طلعت على هالدنيا بخير بدون اي اعاقه ميلا طلعت على هالدنيا بصوت بُكاء خافت ومن مسكتها وعد ميلا ابتسمت وسكتت ، محد كان متوقع هالشي ولاحد كان متوقع انها بتكون مُعافه ياربي لك الحمد لاكن كان عندنا يقين بالله سبحانه وتعالى بانه قادر على كل شي وقادر يغير اقدارنا ، وقتها ذبحنا اكثر من 20 شاه وناقتين وزعناهم بجميع الخيريات وزعناهم بكل مكان والفين علبه مويا توزعت بالحرم ونص الحم برضو توزع بساحات الحرم ، نرجس يابوي انتِ ماتدرين وش يصير بعدين ؟ لاتسمعين للشيطان لاتسمعين لـ وسوسته ابدًا خليّ يقينك بالله كبير
وليد بابتسامة:واذا ودّك نروح نعتمر انا وياك ؟
ابتسمت بصمت وطالعتهم:ياخي -وبكت-ياخي أحبُكم!!!
ابتسمو براحه من اقتنعت، حضنها خالد وضحك:حددي هرمونات ولا مشاعَر ؟؟
ضحكت وسط دموعها:شدراني -وابتسمت بضيق-بس عزوز راح متضايق مني
سلطان بحنيه:متى يجي ؟
نرجس بضيق:شهرين
وليد:معليك ان شاءالله نصها وصدقيني عزوز مايتضايق منك ويعرفك زين
خالد بأبتسامه ربت على كتفها:يالله ياحلوه لبيتنا جيبي اغراضك
ابتسم سلطان:ماتجلسين لحالك هنا
ابتسمت:تمام
ورقت فوق واتبعتها امينه ، دخلت معها:نرجس
لفت:سميّ
امينه:بجي معك
نرجس:لايعيوني مايحتاج تتعبين
امينه بابتسامة:مقدر والله عبدالعزيز محلفني
((امينه تتكلم معهم باسلوب مو رسمي لانها مُربيه عبدالعزيز في صِغره وايضًا بطلب منهم ))
نرجس بابتسامة:الي يريحك ياعيوني ، جيبي اغراضك
هز راسها بالايجاب:بس ها ياويلك تشيلين شي ثقيل!
ضحكت:سميّ
وطلعت ، تنهدت نرجس من الشعور الي داهمها ، وشالت لها كذا قطعه وكذا شي بشنطه كبيره وحده تكفيها بنظرها ، وجت امينه سحبت الشنطه مع شنطتها ، نزلت نرجس وقف وليد اخذ الشنط من امينه من على الدرج قبل تنزلهم ، وراحت امينه تشيلهم معه ، نرجس:امينه بتجي معاي
خالد بابتسامه:الي يريحيك
ابتسمت:بروح يبه حمد واجيكم
سلطان وقف بابتسامه:زين ياعيوني سبقناك وسلمنا بنتتظرك
وطلعو كلهم وقفل خالد الباب وركبو ينتظرونها ، دخلت وسلمت وجلست ، ابتسمت وتنهدت:يبه حمد يمه انفال
لفو ، ابتسمت:انا حامل
توسعت الابتسامه ثَغرِهم وفرحو وبدو يباركون لها بفرحه كبيره جدًاااا ، بعد نص ساعه وقفت وسلمت عليهم ، انفال بابتسامة:لايمي ماتجلسين لحيلتس دام عبدالعزيز ماشين من الفجر عندنا ولا بيت اهلتس لاتجلسين لحالتس
ابتسمت:ادري ياعيوني وبروح اخواني برا ،تامروني شي؟
ابتسم حمد:ابد يابوي سلامتس وسلامت حفيدي انتبهي لتس وله والي تبينه ابشري
هاشم بابتسامه:كلنا موجودين وحاضرين بالي تبينه
ابتسمت:ماتقصرون ، استئذن
كِناز نطت:اذااااا عندك موعد خذيني زين؟
ابتسمت:ابشررري بس لسا مطول
ابتسمت وودعتهم وطلعت ، نزل وليد وجلست بالنص بينه وبين امينه وسندت راسها على كتفه:لودّي عادي نعتمر؟
ابتسم:تم بكرا وحنا بالحرم
ابتسمت براحه ، ارسل سلطان للقروب ان محد يفتح هالموضوع والسيره معها ابدٍ واتفقو وقررو محد يتكلم ، نزلت وباركو لها وحست بشعور غريب وحلو وسلمت وجلست ، تُقى بحنيه:عاملتك؟
هزت راسها بالايجاب ، ليلاس:جوجو بتطولين ؟
هزت راسها بالايجاب:شهرين تقريبًا محب أجلس لحالي
ايلاف:نو مانخليك تجلسين لحالك لو صار لك شي لاسمح الله؟
تربعت وبدت تفصفص:اذا ربي كاتب يصير شي بيصصير ، سنيدس اقربي
ونطت عندها وهي تفصفص:لبيه
نرجس وهي تفصفص:هليّ لي العلوم شصار وش ماصار امس ؟
سُندس وهي تفصفص:مدري زبنت فوق سمعت عجوزه وحده تتلقف وتسال وش فيك تعبانه وبرضو وحده تلاسنت هي وميمي والحياه حلوه انجلدنا كلنا بدون استثناء من وعوده وخلودها وابد ياطوليت العمر مواصله وبروح اخمد ركزي بكل كبيره وصغيره واذا صحيت تهلين لي علوم شصار وانا نايمه
نرجس تكت بظهرها وهي تفصفص:مافيه ماجبتي علوم مابجيب لك علوم
صرخت ايناس ونطت عند الونَا:شوفي !
ألونَا غصت بالوز:ها!!
إيناس وهي تضحك بصدمه: صح؟!!
ألونَا بصدمه:الي خبري خبرك!!!
وبدو يهمهمون مع بعض :الهم هم هاااام هم ولا؟
وصرخو بنفس الوقت:الى والله!!!!!!
هتَان :وراهم قلبو طائر البوم ؟
انس :ليه صراصير  اليل  وحنا ماندري ؟
سهم:وراكم تهمهمون ؟
وانهارو الموجودين ضحك ، وقفو بيدخلون ، ايناس :اخلصي سُلحفاه!!
الونَا:كلزق رجلي شدت!
ولين مدخلو والباقين منهارين ضحك ، وسعو عيونهم سُندس ونرجس وهم يفصفصون وصرخو:الى!!!!!
ونقزو ، تُقى بصوت:لاتركضضيييين!!!!
وانهارو الموجودين ضحك اكثر واكثر ، ميلا لفت لتمارا:احس السالفه عن الي خبري خبرك ولا؟
تمارا وهي تفصفص وسعه عيونها بذهول:لحظه لايكون زيرو ؟؟؟؟؟؟
ليلاس صرخت:كذاااباااات!!
وركضو لداخل ، انس بلقافه:رجلي تحكني ابي اركض بعرف
سهم بلقافه:ياولد رجلي متردده
هتَان بلقافه:احس لازم نروح صح ؟
وانهارو الموجودين ضحك على شفايتهم،ضحك وليد :والله ودّي اعرف هالسالفه وشهي
وجو ايناس وسُندس وهم يركضون وسحبو وليد معهم ، انس ضحك بتمثيل:والله ودّي اعرف هالسالفه وشهي؟؟
-ولف وجلس-ماش محد سحبني عاد غريبه قلت نفسه؟
وانهارو ضحك الموجودين ، داخل ، جلس وليد باستغراب:وش العلم ؟
ألونَا وهي ماده رجولها تسوي لها ميلا مساج لانهم انتفخو:يآخي ذي جنان مسويه مصيبه بعد
وليد بكره :وش ؟
ايناس مدت الجوال وخذاه يقرا ، انصدم:خير!
إيناس: هيّ-وخذت الجوال منه-مع
وليد بقهر:مييين انطقي!!!!!!!!!
ألونَا وهي تشوف اظافرها:الحقير
انصدموا كلهم ، وليد بقهر وصدمه:خير صادقين انتم ! بقول لابوي مقدر اسكت!
وطلعو كلهم ، انس :اشوا استجاب كلامي وجو لعندي
ميلا بهمس وهي قريبه منه:والله مو وقتك مصيبه !
وتعدل بتوتر يسمعهم ، إبراهيم. طالعهم جالسين :وش الحاصل ؟
إيناس بتررد:تذكر يوم جبت معلومات لـ جِنان؟
ابراهيم وجوفه يحترق للحين من هالسالفه:شصاير بعد ؟
ألونَا مددت رجولها لجهها محد جالس فيها:مالنا صلاح اذا حلفت انك مابتسوي شي بنقول
ابراهيم:لولو! انطقوا مالي فييهم انا لي فيكم وبس
ليلاس:طالعه مع واحد
انصدموا ، تمارا:ومصوره ومنزله انستا
انصدمو اكثر واكثر ، ايناس وهي تشوف وجيههم تكلمت بتردد:طلعت مع الحقير
وليد بقهر:يبه بتوقفها عند حدها ولا وش ذي جالسه تضرنا حنا وتكتب اسمها كامل لييييه !!!! يعني الاعمي بيدري انها مناا وماهي كاتبه اسم سعد
انصدمو كلهم ، ابراهيم بصدمه:صاحيه هي ؟؟؟؟؟؟؟!!! وش تبي توصل له قلعتن تقلعها لاكنها تكتب الاسم !!
سُندس:والله جدو ورايحه المديل
ميلا عضت شفتها بهمس:جابت العيد اكثر
انس بهمس:مجنونه ذي!
ميلا بهمس:وش عرفك ببنات الناس ها؟!
انس تكى قريب لها بشوي بهمس:غرتي؟
دقرته مع كتفه بغيره وسكتت سحبت عليه وهو وهمسه
ابراهيم عقد حواجبه:وشنهو ذا؟
توهقو ، ايناس بوهقه:زي البار
انصدمو ابراهيم وتُقى لانهم مايفهمون بهالاشياء ، إبرآهيم بصدمه:اشوف وريني !
ورته ايناس الفديو وجِنان تتمايل بين مجموعه شباب وتتدلع وبدون عبايه ولبس خادش للحياء ومُخالف للدين وكاتبه الي مصوره
"عاشت عاشت جِنان بنت متعب الراشد ايوا ولعيها 😋🫦"
كسر ابراهيم الجوال بعصبيه وطلع وطلعو عياله وراه ، ايناس بصدمه مسكت الجوال:جوالي!
هتَان:تبرشين بالعوض معليك إيناس
ايناس بغصه:وش معلي كل شي فيه هتَان!!!
ودخلت داخل بقهر لبست عبايتها وحركت ، تنهد انس بهدوء:وش بتستفيد سوال؟
سهم بهدوء:بتدمر كل شي !
ميلا بهدوء:باعه اخرتها وشرت دنياها
الونَا وهي تشوف اظافرها:صبر بتشوفونها تجي وتبكبك هي وابوها
ايلاف:خلاص ! الله لايبلانا ويهداها
وعد بتوتر:هتَان راح الحق اختك!
هتَان:امدها وصلت نص الرياض بعد
عند ايناس كانت مقهوره لاكنها مظطره تجيب جهاز جديد الاان تطلع منه الدلايل عليها بس راحت المركز اسرع ونزلت ركضت وخلت السياره راحت لمكتبها ، استغربو مساعد وخلف ومترك ،راح خلف وطفى سيارتها وسحب المفتاح وقفلها ودخلو عندها ، كانت تاكيه على يدها وتعض اصبعها بقهر واضح وهي تشتغل على الابتوب، مساعد :ايناس؟ عسى ماشر؟
ايناس بتوتر:الشر جاي لجرولي ابيييي لابتوب واحد منكم بلاه!
جاب مساعد لابتوبه الشخصي وفتحه لها ، لفت لمساعد بعد ساعتين وكانو عندها مُلتزمين الصمت:ابي جوالك بصور كم شي وارسله لولو
فتح المحادثه واعطاها ، وبدت تصور كل شي لين ماجا فديو طاحت عليه صدفه مكالمه مع الحقير محتواها
جِنان بغنج:معليك بس وش بيصير بعدين ؟
الحقير بخبث:معليك من بعدين ياحلوه
جِنان ضحكت بغنج:آبي الونَا تاخذ قسمها ولاتنسى نرجس
ضحك بخبث:لايكون تحبين عبدالعزيز؟؟؟
جِنان بغنج:لفلوسه ياعيونييي اما قلبيي لك !
وانتهت المكالمه وصورتها إيناس وهي قرفانه من الي سمعته ، اختصرت مُختصر مُفيد لهم وطلعت مُسرعه ، مترك بصدمه:ياعندهم احداث!
مساعد بصدمه مافكر يشوف الفديوهات:عبدالعزيز الواء!!!! عبدالعزيز حمد زوج نرجس عمتهم !
خلف بتوتر:الله يستر جاني علم انه بمهمه
بالبيت ، نزلت ،الونَا بصدمه:مساعد؟
هزت راسها بالايجاب بقرف:اي وع انا طلعت من الابتوب وصورت بجواله وع قرف!
ألونَا طالعتها بلعانه ونطقو مع بعض:اللي ببالي بالك؟
وضحكو:تم!
وانهارو الموجودين ضحك ، الياس وهو يلعب بشعر ألونَا المتكئه عليه:لولو وش ناويه عليه؟
رفع فِراس رجولها وجلس حطهم بحضنه وهو يدلكها بشويش:ألونَا نحتاج نحبسك ولا الوضع أمان؟؟
ألونَا بدت ترتاح من رجولها عشان فِراس يدلكها:وش تقصد!
ضحك الياس:ابد سلامتك
وضحكو الموجودين ، سُندس وهي تفصفص:فروس جنتل مان
ميلا وهي تفصفص:ذا الوحيد الي يستحق كلمه الامهات الشهيره،الف بنت تتمناك!
إيناس وهي تفصفص:كامل والكامل الله!
نرجس وهي تشرب شاهي:شعرفك انهم خواته؟
ليلاس تكت:قامو يعززون
وضحكو الموجودين ، ألونَا مو معهم وبفهاوه:وع شفيها رجولي سمنت فجاءه؟؟!!!!
وانهارو ضحك عليها ، إيلاف بابتسامة:طبيعي بعدين ترجع زي قبل
طالعت ألونَا وعد وايلاف وجدتها:انتو كيف تنحفون بعد ماتولدون مالي خلق !
وضحكو الموجودين ، وعد بابتسامة:معليك سهل سهل حزام تربطينه ولاتفكينه الى اذا جيتي تنامين
إيلاف بابتسامة:وحده بوحده ياشيخه ماصدقت قلت تلعبون عليّ وش حزام كل يومي صح بيعورك شوي بالبدايه لانو لازم شد قوي بعدين بتتعودين عليه اساسا انا كملت عليه لين ماصر سهم خمس شهور كذا ياخي عجزت اتعود بدونه حلو
تُقى بابتسامة:اهم شين الاربعين يوم تلبسينه بعدين كيفتس تبينه ولاماتبينه بس يرجع بطنتس الاولي
ايناس:غش كنت ابي اطقطق !!!!!
ألونَا:ياشيخه ودّي اختفي سنتين وارجع وورعي كبير احمي نفسيته من تنمرك
وانهارو ضحك ،ألونَا:وشو ذا الحزام
وعد:عندي اربع طبي وتخيري لان مدري ينلقى الحين ولا لا
ليلاس:طلعت كذا خطتكم؟
وضحكو الموجودين،بتال ضحك:عادي لولو اسوي لك نظام غذائي
ألونَا:اقول مناك بس كيف اموت بسرعه
سهم ضحك:نظامك احلى من حق ذا ذا بغيت افطسس
الونَا ضحكت:هو نظامي الي يمشي عليه بتال!
انس:تذكرين يوم كسر باب الملحق !!
ألونَا:بسم الله عليّ نظامي حلو قدًا قدًا قدًا بس انصدمت
ضحكو الموجودين ، ألونَا وهي تطالع فِراس كِذا[🥺]،ابتسم:شنو؟
ألونَا بوهقه:اشتهيت حديد
طالعوها كلهم بصدمه ، فِراس ضحك بصدمه:لولو ياعيوني وش تبين بالضبط ؟
بتال انهار ضحك:توهقق
وانهارو ضحك الموجودين ، ألونَا بوهقه:مدري ابي حديد
نرجس بوحام:ومصدي!اوف
وعد:يارب خفف مصيبتنا!
ايلاف بصدمه:الحين كلكم توحتمو حديد!!!
ليلاس بوهقه:وش وكيف وشلون نجييب لكم !
آنس بفطانه:لولو نرجس تبون تاكلونه ولاشنو؟
نرجس والونَا:مدري اهم شي حديد
ألونَا بوهقه:والله اني صرت قطو صدق اشم ريحه حديد ابي حديددد!!!!!!!!!!!!!
وراح انس داخل ، الياس :انس صاير ذكي ولايهيئ لي ؟ يعرف يدبر وحامهم الغريب!
وانهارو ضحك ، راح وفتح المخزن وطلع معلقتين حديد مصديات وراح وجاب جلي فراوله هو مسويه وغسل الملاعق عن البكتيريا وحطهم فالجلي وطلع اعطاهم ، نرجس بحلطمه:نقول حديد يجيب جلي
اكلت الونَا :الله طعم حديد !!!!
الياس:اقرا على نفسك !
وانهارو ضحك ، نرجس وهي تتلذذ:لذيذ!
فِراس طالعه بصدمه:والله لو يصير بزوجتي وولدي شي انهييك!!! وش سوييت!
ضحك انس:خير ترا اختي وولد اختي يامعتوه!! ابد والله نبشت بالمخزن ولقيت ملاعق مصديه غسلتها زين وجبتها ياكلون فيها
ألونَا انقرفت ونزلتها:وع خير ياورع!
اتس ضحك بصدمه:شفيك!!!
نرجس بقرف نزلتها:مقرف!
ألونَا اقشعر جسمها:اييو يع تخيلت الحشرات تمشي عليها وع وع وع ياوررع
وفزت نرجس جوا تستفرغ ، انس تكى:بجيحات اقول لكم غسلتها زززززيييين -وهمس لميلا ومحد ينتبه-متى تبين نتزوج ؟
ميلا بهمس:شالطاري؟
انس بهمس:لا بس عشان البي طلبات وحامك !
ميلا بصدمه مابيننها بهمس حاد:انس ابلع العافيه احسن لك لافركش كل شي!!!!!!
ضحك بهمس:سميّ الى اقول
ميلا بهمس:شتبي؟
انس بهمس:نطلب ؟
ميلا بهمس:تدفع؟
انس بهمس:تم تم بس اطلبي كرسبي وفرايز وكذا
سُندس وهي تفصفص:طيور الحب الي رافضين يتزوجون وراكم تتهامسون؟
ألونَا:اساسا قلت لكم يحبون بعض بس يكابرون متأكده
وضحكو الموجودين، ميلا وهي تطلب سفهتهم:جب !
طلع الصرافه وعطاها وحطتها بالابل باي ، سهم بصدمه:وانا اقول لللك علبه مويه ياازفت!!!
هتَان وهو يفصفص:لا والبلاتينيه معها بعد وحطت ذي ابل باي اكملت
ميلا بنذاله:اي شفتو ريال مايعطيكم احسن وبعدين اسمها مويا مويا !
ألونَا:تطلبون صح! اطلبو لي ذك البرقر الي طلبتيه ميمي مره من صرافه ذا الورع!
ميلا:الي ماكن يدري؟
الونَا:ايوا وبرضو كولا وسلطه وفرايز
ميلا:ابشري تبين زود؟
هتَان:العب صارت كريمه الحين
سُندس:اي على حس غيرها
وانهارو ضحك ، ميلًا بلقافه تكت:نوسه كم بصرافاتك؟؟
انس غص:الله يصلحك يالولو!
الياس:ياشيخ نكبتنا كلنا
وانهارو ضحك ، انس غمز:كم تبين بس ؟
ميلا:كم صفر بالضبط ؟
سُندس:العب يالزرفه !
ضحكت نرجس وجلست:ايوا كذا صح برافو عليك
ايلاف ضحكت وطالعت وعد:ياعزتي لي ولتس بس
ضحكت وعد:اي بالله جليهم الي عاش صح
وضحكو الموجودين، فتح انس حساباته وهو يوريها
ميلا بابتسامة:بستخير مره ثانيه وموافقه!!!!!
وانهارو ضحك الموجودين اكثر واكثر ، وعد وهي تضحك:الي يشوفها يقول مجوعينها
ميلا:يالبيه الحين ادفع بدون لايأنبني ضميري على بابا
ضحك هتَان:اشوا صفا لي؟
سُندس ضحكت:لا لي قصدك؟
وانهارو ضحك والباقين يضحكون ومو فاهمين ، تمارا طالعت سُندس وهي تضحك وتفصفص:والله تذكرين الي ببالي بالك ايييي
سُندس رجدتها بالمخده:البخي وتحلميييين انقلعي عني !
فِراس:كلمتي!
ألونَا :خير ؟ حقوق فروس وين؟
وضحكو الموجودين ، ابراهيم وعياله الي طلعو وراحو لسعد وسفلوه وهزئوه هم وحمد ولو ماسحبهم هاشم كان سوو مصيبه ، مسك ابراهيم وليد على جنب بصوت خافت:الحين تروح وتجيب لي اخر جوال نازل وتغلفه معه هديه؟
وليد باستغراب:لوش؟
ابراهيم تنهد:كسرت جوال إيناس يوم عصبت وسمعتها تقول جوالي وكانها زعلت جبه وجب معه كم هديه تعرف ذوقهم انت وعلمني كم بعدين
ابتسم وليد:جيبي وجيبك واحد يابوي ولاعليك تبشر بالي يرضيك ويرضيها
ابتسم ابراهيم وربت على كتف ولده ومشى ووليد اتجه للمول ، شرا فعلًا جوال 15 وردي وعقد من كارتير كان بخاطر ايناس من فتره وحطه وسط بوكيه ناعم درجات الوردي والسُكري ومشى ، وصلو وبلغوهم شسوو ، إيناس تكلمت:ايوا وبرضو عرفت ولقيت شي جديد
خالد ضحك:بسم الله عليك
سلطان ضحك:وشنهو؟
إيناس عطت ابراهيم دوا الضغط ، وضحكوا الموجودين ، ضحك وكلاه لانه وقته:غردي يابوي ؟
ضحكت بوهقه:لقيت تسجيل مكالمه بين الحقيره والحقير إيوا اساميهم كذا ضابطه
وانهارو ضحك الموجودين،ابراهيم:وش به ؟
ايناس بوهقه:ماقالو شي بالصريح بس الي عرفته ناوين نيه لـ لولو ونرجس ومساعد وخلف ومترك كانو في وسمعوا معي فاهم ذكرو اسم عبدالعزيز وانهم بينتقمون من نرجس لوش معرف فقال مساعد انو ماتطلع لاهي ولالولو يعني لانو مو عارفين شناوينهم لين مايجي عبدالعزيز على الاقل ونعرف شيبغون
انصدمو كلهم ، ألونَا تعدلت بجلستها:احس السالفه لها دخل بالتهديد الاول ؟
خالد:يعني؟
ألونَا وهي تشرح بيدينها:يعني هي جنان ماهددت نرجس عبث ابدًا وانها ترفض عبدالعزيز الى لانها تحبه او براسها شي
ايناس:الى قال الحقير تحبينه قالت مو لعيونه لفلوسه
سلطان بأستغراب:الي واضح لنا للان نرجس ماتطلع من هنا لين يجي عبدالعزيز او معها احد والونَا كذالك؟
إيناس بتكفير تربعت:بس ماحس كذا ؟
الونَا بتفكير تكت:احس بيصير شي حتى لو ماطلعنا ؟
سهم:اصبرو اشتغل كونان؟
وضحكو الموجودين ، ابراهيم بفخر فيهم:تقولون الاذيه بتوصلكم لهنا؟
ألونَا بتفكير:مُمكن عبرهم او مُمكن عبر احد او مرسال؟
إيناس وهي تتقهوى:بختصار يا شي يتاكل ياشي ينشرب يادامي اكتفو بانكم ماتكلون شي من برا ولامن احد غريب فالبيت مثل الخدم ولو لهم سنين هنا الشيطان موجود ولا ؟؟
خالد:سهله ذي معليك
سلطان:لامعليه مابيصير شي باذن الله وربي يكشفهم قريب
ابراهيم من جا وليد اشر لـ ايناس تجلس جنبه ، واعطها وليد وجلس ، ابتسم ابراهيم ومسح على شعرها:اسف يابوي يومني كسرت لتس جوالتس من شوين ولاهو بقصدٍ وعمدً مني
ابتسمت وقبلت راسه ويده:شدعوه جدو! عادي ماصار شي
الونَا شمقت لجدها وتكتفت،ضحك واشر لها تجلس بالجنب الثاني،وقفت وهي متكتفه وصاده وجلست والباقين يضحكون ، ضحك ابراهيم وقبل خدها وحاوط اكتافها:افاا وش مزعل الولو؟
صدت:واحد اسمه ابراهيم بن متعب
انهارو ضحك من زعلها ، ضحك ابراهيم:ابدٍ لتس الي يرضيتس سميّ وامري؟
لفت:صدق؟
هز راسه بالايجاب وهو مبتسم والباقين يضحكون ، الونَا بلعانه همست له:يصير عقد ايناس والياس وميلا وانس بكره وبدون لايدرون!
ضحك بعلو صوته:يابوي ابليس يخاف منتس!
تكتفت بزعل:شفت وين سميّ وامري؟
ضحك:ابدً بس باخذ لي كم كلمه واعلمتس
ضحكت وهي فاهمه وحضنته:يالبيه يابرهومي
وتنهدت ، ضحك:وشبتس؟
اشرت لبطنها:ياخي خير خاش عرض ؟ بحضنك طيب زين!!!!!!
وانهارو الموجودين ضحك اكثر واكثر ، وراحو يتعشون
__________________________
احداث لذيذه جدًا ادعو لي اجيب بالقدرات100😔❤️❤️ ، اذا تبون بارت زياده بلغوني بالتعليقات😉🫦، تخمينكم وش بيصير البارت الجاي😋 ،أعتذر على التاخير بِـ التنزيل ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل
والاقتباس ماحلل القراءه بدون تفاعل🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷