« عزّ الله إنّي في ظبي نجد مغروم .. راعي العيون الّلي مع الزّين خجّله »

«37»

«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
‏«اللهم لاتجعل روايتي تُلهي عبدك عن عبادتك»

دخلت ايلاف الساعه11:30 وصحتهم ، صحى بتال وجلس بابتسامة:لاحرمنا ربي حسك
ابتسمت وقاست حرارته:الحمدلله نزلت
استغرب بتال:وش؟
ابتسمت ايلاف واشرت على الادويه والكمادات:جتك حراره وتو نزلت يالله قوم توتي عبال ماتكلون وتبدلون جت12
وقف بابتسامة وقبل راسها ويدها:آبشري
ربتت على كتفه برضى وطلعت قفلت الباب ، تنهد بحُب وهو يطالعها نايمه ببراءه ولُطف :ااخ ياتوتي وش سويتي بقلبي ااخ-جلس جنبها بابتسامة وهو يبعد شعرها عن عيونها-توته توتي حبيبي تمارا يالله حبيبتي قومي
تمارا تغطت:شوي شوي
ابتسم بحُب:يالله يابوي انتِ قومي على ماتكلين وتبدلين جت12
اعتدلت وجلست بخجل وقاست حرارته وتنهدت براحه:الحمدلله
ابتسم وحاوط خدودها بين كفوفه:متى نمتي؟
ابتسمت وهي تشوف الوقت بالرساله الي ارسلتها لامها:10
تنهد بحُب وحضنها:ليه حبيبي مانمتي قبل!
ابتسمت بخجل:عشان كانت عليك حراره وخفت ترتفع-قبلت خده ووقفت-يالله روح بدل واجهز
ابتسم وحضنها بحُب:احبك
ابتسمت بخجل وحضنته:وانا احبك
ابتسم وبعد قبل خدها:يالله ياُمي بدلي وكلي وبنتظرك
ابتسمت:اكيد لوفه مسويه سندويشات ببدل واجيب لي ولك
ابتسم:تمام بنتظرك اذا خلصتي تعالي
وطلع وقفل الباب ، تنهدت بحُب وطالعت شكلها عضت شفتها بخجل:يمه شكلي مره لا!
دخلت ايلاف بابتسامة تاخذ الادويه وطشت المويا:والله عسل عسل عسل
تمارا بخجل وفشله:وش عسل شعر بزر بالروضه!
ضحكت وقبلت خدها:مايهم اهم شي بتال يحبك يالله جهزت لكم بالمق قهوه وحطيت لكم بتوت باق ساندوشات
ابتسمت وقبلت خدها :احلى ام وربييي
ابتسمت وقفلت الباب ، دخلت وضت وصلت لها ركعتين وبدلت لبست السكراب وحطت الابكوت على السرير عشان مايتعفط حطت مسك خفيييييفه ريحته عند اماكن النبض عشان اذا سلمت على الممرضات وعدلت شعرها ولفت حجابها لفه حلوه وتجنن وبس من فوق مبين شعرها عشان النظام الجديد لبست البالطو والبوت وخذت شنطتها تبع لاكوست سوداء ومن جوا بينك تو فيس حطت أيبادها وشواحنها وجوالها الثاني وعلك وطلعت بابتسامة:لوفي اي؟
ابتسمت ايلاف الي جالسه تتابع فلم مع سهم بالصاله:البيج ماما شوفي المق تبعك قهوتك والمق الاسود بُن كولمبي تبع بتال زين؟
ابتسمت وقبلت خدها:ثانكيييو سيو
ابتسم سهم:مفتاحك؟
ابتسمت ورفعته:معي
وطلعت قفلت الباب ، تنهدت ايلاف بابتسامة:استودعتكم ربي
ابتسم سهم:امين يارب
ودخلت قسم سلطان وقبلت راس سلطان الي جالس بابتسامة:كيفك خالو؟
ابتسم سلطان :بخير ياروحيّ بتال بالغرفه
على طلعته وابتسم قبل راس ابوه:تامرني على شي؟
ابتسم سلطان:انتبهو لانفسكم
رمت تمارا له بوسه بالهواء وطلعو وتنهد بابتسامة سلطان:الله يحفظكم
وراح ينام ، وركبو السياره وطلعت تمارا السندوشات:بتااليي كم باقي وقت؟
ابتسم وخذا الساندوش من يدها:على التوقيع نص ساعه
ابتسمت وهي تاكل ساندوش:اوه تمام
عقد حواجبه:ليه حبيبي؟
ابتسمت:كان وديّ نمر كوفي^^ بخاطري حلاهم
ابتسم ولف لطريقه:ولايبقى بخاطر حبيبتي
ابتسمت بلُطف ودلع:بتالي لا بنتاخر كذا
ابتسم وسفط:يالله حُبي
تمارا ضحكت:لو خالفونا؟
ضحك ونزل:عادي امشي ماظني في واجد
ابتسمت وحاوطت يده ودخلو وراحو يطلبون ، همست تمارا:يوتر يطالعونا ليه
ضحك واخذ الطلب:ولايهمك
ابتسم الموظف:الله يجزاكم خير عملكم وجهدكم
ابتسم بتال:اجمعيًا يارب
وطلعو وهم متجهين يركبون السياره ، تمارا:كيووت احب الدعاوي الي كذا
وركبو ابتسم بتال:صدق تثلج الصدر
ولفو للموظف الي لحقهم وتقدم لشباك بتال:سم ياخوي طاح منكم
مده لتمارا:دبلتك!
انصدمت وطالعت اصبعها:ماحسيت شكرًا!
لف بتال للموظف بابتسامة:ماتقصر ياخوي مشكور
ابتسم الموظف:ولو ياخوي واجبي استئذنكم
ورجع للمحل ، ضحكت وطالعت بتال:مال الحلال مايضيع
ضحك:صدق وراه طاح؟
عبست وميلت شفايفها بحزن:انكسر بتال
ابتسم وقبل يدها:ولايهمك يابوي نوديه يضبطونه واجيب لك جديده
ميلت شفايفها بضيق:بس ذي الاولى! عادي تخليهم يحطونها بعقد ذهب؟ اتحسس من العادي
ابتسم واشر على عيونه:ولايهمك ياكليّ انتِ بس لاتتضايقين الصبح عندهم باذن الله
ابتسمت بحُب وسندت راسها على كتفه:احُبّك مره
ابتسم:اهوااك
بعدت بابتسامة وفتحت المق:يالله للمسافه
ابتسم وبدا يحلي معها ويتقهوى وهم يسولفون ونزلو اتجهو يوقعون ، عمار:لاتتكر
بتال وهو يوقع:ان شاءالله
عمار طالع تمارا:مناوبتك بكرا!
تمارا بصدمه؛اما! جيت!
عمار:خلاص خذي حقت عايد وعايد ياخذ حقتك بكرا
هزت راسها بالايجاب:وين القاه ذا؟
عمار:وقع وطلع نص ساعه
تنهد بتال:لحول معك رقمه طيب؟
عطاه وراحو جلسو ، دق بتال:هلا دكتور عايد؟
عايد باستغراب وهو يتقهوى:ياهلا سم من معي؟
بتال:دكتور الجراحه العامه بتال بن سلطان
غص بلقمته وتناولها بسرع:ياهلا امرني ؟
كان الي جنبه ياشر له بمعنى"ايش"
بتال ابتسم:مايمر عليك عدو زوجتي جايه على اساس ان المناوبه لها اليله طب الاطفال تستلم مناوبتك وتاخذ مناوبتها بكرا؟
عايد بتفهم:اي ابد عادي -وضحك-شلت هم الصدق مواصل
ضحك بتال:وحنا تثاقلنا الطريق
ضحك عايد:يالله يمكنها خيره ابشرو الحين ارجع وواوقع تبديل شفتات
بتال ابتسم:ابد بنتظارك
وقفل ، اخ عايد:وراك بترجع!
عايد ضحك وحكاه ، اخو عايد ضحك'رعد':فاهي صدق تو جو اثنين لايكون هم؟
ضحك عايد:اشوف ورن
وطلع له الكميرات ، ضحك عايد:الا هو اثريها زوجته!
رعد استغرب:ماتعرفهم
عايد وقف:الا هي معي بطب الاطفال اما هو جراحه عامه بقسم ثاني ولقاتنا قليل بس تقريبًا الممرضه تمارا اكثر عشان غالبيه المرضى مع بعضنا جو بلبس الدوام
رعد:ايه حتى طاح خاتمها ولحقتهم عطيته زوجها وكانهم رايحين دوام
عايد:خلاص بعود ترا لاتقفل
رعد جلس:زين
وراح عايد حرك ودخل ووقع تبديل ، تقدم بتال بأبتسامه وصافحه:اعذرنا مخلينك تطق درب
ابتسم عايد:ابد عادي-ولف لعمار-منهي سيارته البورش؟
استغرب بتال:بورش^^
عايد:اي
بتال:حقتي ليه
عايد مد المفتاح:لقيتها مفتوحه والاضاءه مشغله
انصدم بتال وخذاه:ماقصرت مشكور ياخوي وش هاليوم كل شوي مضيعين شي
ضحك عايد:بورش مره وحده!
ضحك عمار:بجلس بالكميرات عشان ماتضيعون شي!
ضحك بتال:يراجال على بركه الله
جت تمارا:بتال اليارس محترقه
ضحك عايد:معد فيها كميرات!
طالعها بتال بصدمه:منجدك!
تمارا:اي والله شف سهم مصورها بالحوش ويقول لو مالحقنا راحت سيارتنا كلنا
عمار شهق:سيارتنا! ابك تحمستو اهجدو شوي شوي تعدمون السيارات هلون!
عايد :عسى مب غاليه؟
بتال وهو يشوف الفديو:معرض بيتنا ههههه اوتش سلمت سيارت انس ولا ماسلمنا
ضحكت تمارا بخفه:صدق شهاليوم خاتمي بعدها اليارس
ضحك بتال وطالعها:وناسين البورش بالمفتاح وشغاله بعد
تمارا:اقول وش السالفه؟
ضحك عايد:حظ مافيه الظاهر
ضحك بتال:لا الحمدلله اوله موظف الكوفي لحقنا بالخاتم والحين انت لحقتنا بالتوقيع والسياره وبالبيت العيال لحقو السيارات
ضحك عمار:شغلو رقيه
تمارا:اخر حل
وضحكو كلهم وراحو جلسو تمارا وبتال على الكراسي يشوفون الاضرار ويكلمون سهم فديو ، بتال بضيق:لحول ولا قوه الا بالله ياولد المغرب مطفيها مابها شين
سهم وهو يوريه السياره:ماطلع صوت ولاشي فجاه دق الباب تركي مخروع مو بابنا مفتوح وكان هو يلعب بالحوش يقول في سياره فيها نار والي مهولني ماهو بفعل فاعل المكاين وذي كلها محترقه مفحمه على الاخررر
تمارا لاحظت ضيق بتال:معليك بتال بالحديد ولافيك والله بيعوضك باذنه
سهم:صدق لاتتضايق بتال والحمدلله على السلامه
وقفلو وتقدم عايد :بتال سيارتك ياولد!
وقف:وش العلم!!
عايد:اقول يالله طفيناها امش
شهقت تمارا:شالسالفه اول اليااارس والحين البورش!!
وطلعو وكانت معدومه من قدام ، ضرب رجله بالارض بقهر:راحت
تمارا مسكت يده:خلاص بتال هد الله بيعوضك بالي احسن منهم ويمكن خيره
بتال بقهر:تمارا تجميع سنين ياتمارا البورش حلم واليارس هديت ابوي
عايد ربت على كتفه:والله ادري يقهر الوضع بس ما بليد حيله ياخوك بالحديد ولافيك والله يعوضك
تنهد عمار:الله يعين شف رح بوقع استئذان لك
دق بتال على سهم؛تعال بنرجع البيت
سهم:اقول اهجد وتخلي تمارا وشغلك!
بتال بقهر:البورش احترقت ياسهم احتررقت تعال رجعنا ولابحرق المستشفى بالي فيه!
انصدم ووقف:اذكر الله جاي جاي
جابت تمارا الاغراض وعطت بتال مويا:اشرب هدي
شرب وهو يطالع البورش ومد العلبه لها وراح يطلع كل الأغراض المهمه، وقف سهم جنبهم:لا اله الا الله وش العلم ياوولد حرق اليارس زيها!
بتال بقهر:الكميرات؟
سهم:مكسوره
تمارا بصدمه:يعني احد متعمد؟
سهم:ظني انس يقول بيجيب فريق ادله جنائيه اذا في بصمات واثر عندكم دوام؟
تمارا:استئذان
اخذ منها الشنطه:اركبي يالله
وركبت وركب بتال بعد ماخذ اغراضه وطالع عمار:للصبح هنا؟
عمار:أي بالله
بتال:بكلم سطحه ان جت وانا مو فيه دلهم
ابتسم عمار:ابشر ماعليك ريح انت
وركب وحركو ، تمارا تكت على المركى الي بينهم:بتال خلاص لاتتضايق الحمدلله ماتضررت ولاجاك شي
سهم:صادقه بالحديد ولافيك ياولد ومعوضه وتبشر بالعوض
مدت مفتاحها له:استعملها لين نجيب غيرها انا ماطلع كثير اساسا
ابتسم وقبل يدها:لا..
حطت المفتاح بجيبه ورجعت تكت ، ونزلو وكانو الرجال كلهم جالسين ينتظرونه ، وراح يشوف اليارس وجلست تمارا وتنهدت طالعتهم:البورش احترقت
انصدمو وطالعوها ، سلطان بصدمه:منجدك؟
تمارا:والله جانا واحد دكتور يقول سيارتك تحترق يالله طفيناها
انصدم الياس:وش السالفه ياخي!
تمارا باستغراب:مدري
وجا جلس ، ابتسم خالد:ابشر بالعوض ولايتكدر خاطرك
ابتسم سلطان:بالحديد ولافيك يابوك
ابتسم نَواف:انشهد الحمدلله على سلامتك
ابتسم بخفوت:الله يسلمك
سهم تربع:الحين انت محد لاحقك بينك وبين احد عداوه؟
بتال باستغراب:لا وذا الي مجنني كيف وشلون
تمارا طالعت اصبعها وطالعت بتال ورفعت يدها:الخاتم!-وطلعت نفس الي بيدها من جيبها بصدمه-عمد؟
استغربو ، بتال:الحين ماكان مكسور!
نَواف بصدمه:شصاير؟
تمارا:مرينا كوفي^^وطلبنا طبيعي ورجعنا لحقنا الموظف عطانا ذا يقول طاح منكم واساسا خاتمي باصبعي!
انصعق خالد:يعني تقولين احد يتعمد يخليكم تطولون بالسياره!
سلطان بصدمه:يعني الي صار ذا كله مسوينه عشان تتضررون انتم!
وقف بتال زي المجنون وركب سيارت سهم نقز سهم ولحقه وحرك بتال بسرعه وطلع
تمارا بخوف عليه طالعت سلطان:خالي!
وقف حاوط اكتافها:معليك بيجي بخير سهم معه روحي نامي
هزت راسها بالايجاب بخوف وخذت شنطتها دخلت وحضنتها ايلاف بخوف ، جلست تمارا عند امها وسندت راسها على صدرها ، وشغلت ايلاف فلم تبي تغير جوها وتنسيها شوي بس كانت تهوجس وخايفه على بتال،راح بتال وقدم البلاغات كامله وزياده وطلب تحقيق جنائي يشيكون على البصمات وكل ذا ورجّع السآعه تقريبًا 2 وكانو ولازالو رجال الراشد ينتظرون عودته على احر من الجمر وارتاحو من شافو سيارت سهم داخله وبتال نازل وحاط الابكوت على كتفه ، سلطان وقف:طوووولت!
بتال:بيانات التحقيق خذت وقت
انس:طيب قلنا بنجيب ليه تروح هالحيين خرعتنا كلنا حتى تمارا!
عقد حواجبه بعدم فهم:شفيها
سلطان جلس واشر بيده بتهديد:والله يابتال اذا خافت وتضااايقت محد بيفكك منني!
ودخل وهو ضايق انه ضايقها وطق باب قسم ايلاف ، وفتحت ايلاف بابتسامة وسندت راسها على الباب:الحمدلله على سلامتك فالحديد ولافيك ولاتقلق تبشر بالعوض
ابتسم وقبل راسها:الله يسلمك ويخلييك ، تمارا نايمه؟
ايلاف ابتسمت:دوبني قومتها غضب تنام مانامت
طلعت تمارا وشعرها مبلل ولابسه بجامه شورت من سمعت صوته وارتخت ملامحها براحه من شافته بخير:بتال
ابتسمت ايلاف بهدوء وانسحبت دخلت غرفتها ، ركضت تمارا وسبقتها دموعها وحضنته ، حضنها ودخل غرفتها وقفل الباب برجله:ليه يامي ليه ياكليّ
تمارا بدموع سندت جبينها على جبينه وهي محاوطه خدوده:تاذيت؟ متضايق؟اعرفك متضايق؟لاتتضايق بتالي والله بتجيب غيرها وبسااااعدك تجيب اكثر منهنن وسيارتي حلااك..
قبلها وابتسم بهدوء:يصير اتكلم؟
هدت من خجلها ، ابتسم ومددها بشويش وحضن راسها لصدره:مو متضايق السياره بدالها الف بس حبيبتي وحده ولايهون عليّ تتضايق بسبتي ومتضايق عشانك خايفه ومتوتره عشاني ومرهقه نفسك مانمتي من قلقلك
تمارا توسطت حضنه ودفنت راسها بصدره وهي تحس بامان وتحس بحنيته:ماقدر بتال خُفت عليك مرا أحُبّك ولا ابغاك تتاذا بتتاااالي
ابتسم بحُب وقبل عيونها:سميّ وآمري بس لأعد تخافين
ابتسمت بحُب وقبلت دقنه:انت معي كيف اخاف؟ جد يمكن ماقد قُلت لك بس مرا بتال ارتاح معك وبحضنك احس بطمأنينة كبيررا مره بتال أحُبّك وأحُبّ حنانك وأحُبّ طيبك وأحُبّ قلبك وأحُبّك عسووولي
ضحك بخفوت وحضنها بقوه:ااخ تعترف ليّ وتغزل فيني وتقول لي عسوليّ اويلي علييك اويليي بس ياحظي ياخي انشهد اني ملكت حظوظ الدنيّا كلها
ضحكت بدلع:شدعوا؟
ابتسم بخُبث وسند جبينه على جبينها:انا وانتِ؟ والباب مقفل؟ شرايك نجيب بيبي كيوت
ضربته على كتفه بخجل:ايا الكلب انقلع انقلع خايفه عليك وذي اخرتها؟ طس بس !
ووقفت لبست روبها بخجل وطلعته برا وركضت لبست بجامتها الكاروهات بسرعه،ضحك بتال وتكتفت عند الباب :لاوالله؟
تمارا بخجل:اقول انقلع بيتكم
مسك يدها بخفه:بيتي وبيتك بيتنا؟ جاهز يالله؟
سهم ضحك ودخل:شفيه ذا خفيف مره
تمارا بخجل اشرت بحواجبها على الباب:يالله
بتال تكى على الباب بخفه:ماش مبي
سحبته مع يده وطلعته بخجل:عادي انا ابي!
ضحك سلطان الي كان جايها وحاوط اكتافها:مزعلك؟
تمارا تكتفت بخجل وصدت:اووووه ماتنعد على الاصابع من كثرها
سلطان نزل عقاله:كله ولا بس كتفه؟
تمارا بتفكير:وكسرين
ضحك سلطان وجلده ، دخل هرب ورا ظهر ايلاف الي تضحك:اويلي ياعمه عانيني في وجهك!
تمارا طلعت لسانها:اننن خالو تجلده صح؟
ضحك ومسك العقال:يابوك بوجه امك يصير؟
سحبت امها:الحين يصير عاده فوجه سهم بس
ضحك سهم بصدمه:ووجهي
ضربهم الاثنين وطالع تمارا:غيره يابوي؟
ابتسمت برضى وحضنته بدلع وانوثه:والله انك احلى خاال فالدنيا
ضحك وقرص خدها:احلى توته بالدنياا
تكتف بتال:قل والله انت وياها؟
تكى سهم على كتف بتال:لابلاه؟يعني انجلد ولا لي دخل!
سحب بتال تمارا وحاوط اكتافها وطالع ابوها:تراك فقط خالها اما انا زوجــــــــهـــــــا
وانهارو ضحك على غيرته ومطه للكلمه ، ضحك سلطان:الله يعين بس
ضحكت ايلاف:اي والله اقول خلنا ننام ياخوي وهم ماهم غادين يدلون الدرب جننونا
ضحك وقبل راسها:اي بالله شورن طيب
وضحكو وتفرقو للغرف ، ابتسم بتال وطالع تمارا:متضايقه؟
تمارا بتعب تافتت:لا يابتاال لا
استغرب:منو مكدر خاطرك؟
تمارا بتعب:محد
لاحظ مزاجها الي يتقلب ومودها الي كل شوي مود تو تضحك وبعدها تبكي وبعدها معصبه وقرب حاوط خدودها بين كفوفه بهمس:عليك
تمارا بتعب:ايش؟
بتال بهمس وحنيه الارض كلها:الدوره؟
تمارا بهمس:بتجي هاليومين
ابتسم بحنيه الارض كلها وصوت خافت:زين يأُمي تدرين انه لازم تتدفين عدل وتاكلين عدل عشان ماتعورك بقوه؟
فاضت عيونها بالدمع على حنيته بهمس:احبك مره
ابتسم وقبل كتفها:يالله حبيبي روحيّ نامي وارتاحي وتدفي
ابتسمت بحُب:تمام
وراحت وابتسم ومن شافها قفلت الباب تنهد بحُب وبداخله(اللهم خفف عليها المها واجعلها بردًا وسلامًا) وطلع وقفل الباب بابتسامة واتجه لغرفته ونام ، الصبح حوالي الساعه9 كلهم جالسين بالمجلس ، جت تمارا بابتسامة تعب خفيفه:صباح الخير
:صباح النور
ابتسمت تُقى:فقدتك اليوم
ابتسمت وسندت رأسهآ على كتف ايلاف:نمت بعد الصلاه صليت ونمت صارت احداث صدعت فيني
ضحكت سُندس:اي صح وش ذا الحظ الي عندكم انتم ماش!
ضحكت تمارا بشويش:اندري؟
ضحكت سُندس:خاتمك
ضحكت تمارا:سويت دراما ولا انتبهت اساسا انه باصبعي نسيته
وانهارو كلهم ضحك على فهاوتها ، همست ايلاف:اصب لك كمون؟
تمارا بتعب:اي
وسندت ظهرها على الكنبه وجلست تشرب بشويش فهم بتال وعرف انها جتها من حركتها بالكوب الي تقربه لرجولها شوي وبطنها شوي بدون محد يحس بس هو حس ، وقت صلاه الظهر طلعو الرجال المسجد والبنات وقفو يصلون وبقو الي عليهم اعذار شرعيه فقط ، ابتسمت تُقى وسلمت وطالعتهم:الله يهون عليكن تعالن هنيا عند محلي عن وجه المكيف-ونادت مشاعل وجت-سوي دفايه كمون ودفايه مرمريه ودفايه قشر كلهن حطي سكر نبات زين؟ ولايتعدا العشر حبات بالدفايه
ابتسمت مشاعل:ابشري
وراحت ، ابتسمو البنات على حنيت جدتهم عليهم الطاغيه خصوصًا بهالوقت وتفهمها وكيف تنقذهم من مواقف محرجه ،وجلست تمارا جنبها سندت راسها على كتفها ولادرت انها نامت ، ابتسمت تُقى من جا بتال:بتال
وتقدم عندها:سميّ
وطالع تمارا وجا بيشيلها ، حطت تُقى البطانيه عليها بابتسامة بشويش وهمست له:قصر التكيف وغطيها زين وحط لها الكماده
ابتسم من تفهم جدته الدائم وحتى خفضها لصوتها عشان ماتحرج احد :سميّ
وطلع ودّاها لسريرها وجاب كماده الكترونيه وحطها تحت ظهرها ولفها بشويش عليها ، ابتسمت من حست براحه وفتحت عيونها وزي ماتوقعته بصوت فيه تعب:احبك مره
ابتسم وقبل خدها:اي شي ودك فيه قولي لي زين ؟ بشيل لك غدا نامي وريحي ولاعليك
ابتسمت وضمت مخدتها لها ونامت وهي تحس براحه افضل من اول ورجع جلس ، ميلا ميلت شفايفها بابتسامة خفه:ياخي باكلها!
انس وهو يداعب ميّس الي بحضنه:والله وديّ حتى انا!
سُندس:لاهدو بريكات زوجناكم عشان هوشات المطبخ ولاتهاوشتو بتتهاوشون من ياكل بنتكم! وصلتو مرحله خطره!
وانهارو كلهم ضحك،ميلا ضحكت:شسويي احس يدها قابله للاكل عادي؟ قولو عادي ياخي تددددن!!
انس رمى راسه على كتفها وحط يده على قلبه بتمثيل:ذبحتني بالاحمر
ميلا:دتدنننن
اخذ الياس ميّس وجلس وهو يضحك:مهبل وبيهبلون بها
انس طالع عيون ميلا لان راسه على كتفها:حتى بنتي تنسحب مني عجيب والله
وانفجرو الرجال ضحك ، ميّس جلست تلعب بدقن الياس وتضحك لانه يتككها ، ضحك الياس وهو يطالع نرجس:شوفي ذي الكفو مو ولدك يصرفني بكف
انهارو الرجال ضحك بصدمه ، سلطان وهو يضحك :نزل البنت اوجعتها!
ضحك:والله ماهي يمكم ياشييخ
ضحك انس:كذا امس نمت بالغلط وهي بحضني وصحتني تشد دقني
وانهارو ضحك كلهم ، ضحك خالد:بنت ميلاا نسخ لصق
ميلا:اما شسويت ؟
وعد ضحكت:خليتي ابوك يحلق صفر
انهارو ضحك بصدمه ، ميلا وهي تضحك:ليه!
ضحك خالد:لقيتي المكينه وانا نايم صحيت دقني نصه فيه نصه مو فيه اشكال هندسيه سويتي بوجهي يابوك
ضحك سلطان:ياحنا مسكناه طقطقه بوقتها كان عنده شنبه بس ويقول شعرفكم بعلوم الرياجيل
غمزت ميلا:احلى رجال
غمز هتَان بنذاله:يعني انس مب رجال؟
طالعته برفعة حاجب:منو قال رجال
انس:اي كفو كفو!
هتَان بنذاله:وابوي؟
فهمت وغمزت له:سيّد الرجال ياهطف
وانهارو الرجال ضحك ، خالد وهو يضحك:انت الي جبته لعمرك
هتَان تكتف:لابلاه؟ الحين خواتي بالاسم كل وحده تدافع عن رجلّها والثانيه ماش وجودها وعدمها واحد وانا؟ من يوقف بصفي؟
اصايل ابتسمت بخفوت:فاهم بس مش حافظ انت الي توقف بصفهم صدق هطف
وانهارو كلهم ضحك على شكل هتَان،ضحك بصدمه:اح توجع والله!
ضحكت اصايل:شنسوي فيك فديغه
ضحك موج:طلع العرق
تركي ببراءه:وش معنى فديغه؟
اصايل:يعني غبي
تركي طالع هتَان:صدق فديغه
وانهاروا ضحك كلهم ، هتَان ضحك:حتى انت!
اصايل:ماعندك غير الخثاريدز انت!
ضحكت ليلاس:اصبري بريكات وش تعني؟
وانهارو كلهم ضحك بصدمه ، ضحكت الونَا بصدمه:منجدك ماتعرفين وش تعني؟
ضحكت بوهقه:لاوالله!
ضحكت ايناس بصدمه:يعني سواليف مالها معنى كذا بختصار هبد بهبد
ليلاس:اما! الكلمه طويله واختصارها صعنون
ضحكت أصايل:الحين منجدك لحظه اكبر صدمه منجدك ماعرفتيها!!
ضحكت انهَار:أعرّفكم أصايل العنزي ابً عن جد ماتعترف بحرف الكاف والكلام العامي
اصايل:والله ياعوينتي وش زيّن حتسينا وشوله اروح واحتسي نفس هالعالم شدخلني بهم؟
إيناس ضحكت:حيي عينك ياشيييخه
الونَا ضحكت:اخيرًا حسيت بالانتماء
وانهارو كلهم ضحك ، ضحكت تمارا :اصايل بتنجلطين من ليلاس واجد يعني تقبلي من الان باديه اشك انها جداويه مب انا
ضحكت ليلاس:وربي صدق كلامنا غريب احسه
اصايل:اويطي وش زيّن حتسينا
ضحكت تُقى:اي بالله ردت ليّ روحيّ
ضحكت ايناس:آبشري لو تبين نقلبهم كلهم ونخليهم يحتسون زينا تم!
الونَا ضحكت:يالبيييه
ضحك فِراس:لقت جوها
وانهارو ضحك ، جو وليد وعبدالعزيز بوهقه ووقفو بالنص،وليد تحمحم:احم اسمعونا شوي؟
ايناس:صح مهمتكم شسويتو بها؟
نرجس نغزها قلبها بس مابينت ، عبدالعزيز بوهقه:وهقونا كلنا ومساعد معنى
ابراهيم باستغراب:بوش ؟
وليد بوهقه وهو يطالع ردت فعل نرجس وابوه:يبونا نتزوج
غص انس:دزوها!
انصدموا الباقين وسكتو يترقبون ردت فعل نرجس ، عبدالعزيز:عشان المهمه
وليد:اي من تخلص بنفركش كل شيٍ واساسا بس خطبه
ليلاس بحده:مع نفسك انت وياه بتتزوجون انت تطلق نرجس وانت تطلق ارين
عبدالعزيز بوهقه:مالنا شغل بشي!!
وليد بوهقه:عرفو اننا وليد وعبدالعزيز وهددونا بنرجس وارين
عبدالعزيز بوهقه:واذا نثبت اننا معهم لازم نتزوج عشان يدخلونا معهم
خالد :غيره مافيه؟
وليد:لاوالله دايركت جيناكم نسحب ولا نكمل؟
إيناس شمقت:اسحبو
هتان:هم يكلمون نرجس وجدي اسكتو!
ابراهيم طق بعصاه بتهديد:والله لو ادري ان به شين ثاني لاتلومون الا انفسكم!!
عبدالعزيز قبّل راسه:ولافيه شي غيره
وليد قبل يده:شورك؟
ابراهيم:مالي دخل بشين كل واحد يشوف حرمه شتقول
راحو وليد وعبدالعزيز سحبو نرجس وطلعو برا للمجلس ،وجلسو قفلو الباب ، عبدالعزيز مسك يدها قبلها:والله نرجس مافي شي ثاني غير الي قلناه تو وبس عشان المهمه ملكه ولا خطبه بسس والله
وليد :صدق نرجس ولو في شي ثاني انا الي بلعنه تراك أختي بالنهايه
نرجس ببرود وهي تكبح مشاعرها:المطلوب ؟
غمضو عيونهم بوهقه وعرفو فعلًا مستحيل ترضى عليهم ، عبدالعزيز بوهقه حضنها:يالدنيا والله مابي غييرررك وهالي بنسويه عشان المهمه ولافي شي غيره والله
مارفعت يدينها ولابادلته الحضن نهائيًا ولارف لها جفن ، وليد مسك يدها:نرجس كلنا عارفين عبدالعزيز يحبك ومستحييل يطالع غيرك وهالي بيصير عشان المهمه وبس ومن تنتهي بنكنسل كلشيي ماني مستعد اخسر أرين وعبدالعزيز مو مستعد يخسرك والله!
ووقف طلع متجه لارين ، عبدالعزيز سند جبينه على جبينها:والله وبالله وتالله احبّك واهواك ولا افكر بغيرك نهائيًا
ضحكت باستهزاء :واضح وانت من قالو لك جيت تركض تقول لي
عبدالعزيز:والله نرجس مايهون عليّ زعلك والله بس عشان المهمه وهددوني فيك...
ضحكت باستهزاء ووقفت:واضح ولاكنك رجال وتقدر تمحيهم باتصاال واحد بس واضح فرصه وجتك وتبي تستغلها
وقف ومسك يدها :نرجس على ورق بس ماني جايها ولابدخل عليها!
نرجس نفضت يدها منه:مالي دخل فيك بس اعرف شي واحد ولو اسمي مرتبط بأسمك من ذا اليوم ياعبدالعزيز اسقط كل حقوقي من عليك ولابي منك لأحق ولاباطل لاتقرب مني ولا اقرب منك ببقى لين ماعياالي يكبرون وبس
انصعق :لا نرجس شتقولين مقدر بدووونك والله وبالله وتالله كل هالي بسويه عشان مايقربونك ويجوووونك!
نرجس ضحكت باستهزاء:تقدر تخليهم مايقربوني ولايجوني بدون زواج بس انت ودك فيه وواضح عمومًا قلت الي عندي
ومشت ببرود راحت وسوت لها ماتشا تحت نضرات الصمت والفضول وخذت وليد النايم ودته غرفتها وقفلت الباب ولبست سماعه وشغلت بودكسات ماتبي تفكر بس حست ببمقبض الباب احدٍ يحاول يفتح ونزلت السماعه:مين؟
خالد:اخوانك يصير ندخل؟
وقفت فتحت الباب :حياكم
ودخلوا وجلسو وقفلت الباب جلست:هلا؟
خالد مسك يدها:نرجس كلنا نعرف عبدالعزيز
سلطان:ونعرف كيف يحبك ويقدّرك ويخاف عليك
نَواف:صح مالي فتره بس واضح وبشكل كبير كيف يحبك ويخاف عليك ويداريك
سلطان:لاتهدمين بيتك عشان مهمه تافهه بتنتهي بعد مده وينتهي كل شي معها
خالد:وسمعتيهم يهددونهم فيك وبزوجه وليد سمعتيهم وتهقين وليد وعبدالعزيز بيصيرون زي الاطرش بالزفه ينفذون بصمت طبعًا لا ترا عبدالعزيز تحت شوي وينجلط خايف تنفصلون بعيد الشر
سلطان:واكيد بينفذون مهمتهم بسرعه عشان كل شي ينتهي بسرعه وكلشي على ورق خطبه مدري ملكه وبس
نرجس ببرود:المطلوب؟
نَواف بحنيه :فكري زين نرجس
سلطان بحنيه:صدق عبدالعزيز محتاجك ويبيك
خالد بحنيه:لاتخربين حياتك وتشتتين عيالك عشان مهمه تافهه بتنتهي بعد فتره
ابتسمت بتسليك واضح:عيالك واو جدًا واو ولو ببقى للعلمكم بس لين مايكبرون شوي وخلاص ولو ببقى عشانهم وبس قال ايش قال تهديد
سلطان بحنيه:طيب خايف عليكم نرجس خايف عليك!
نرجس:حسستوني مدري وش وهو لو يبي باتصال واحد مسكهم كلهم ومحاهم بس واضح وجدًا
سكتو بصمت ولايدرون شيقولون وقفت نرجس تنوم وليد الي صحى يبكي وطلعو بهدوء وصمت من عندها ، لفت مالقت احد وقفلت الباب وتنهدت تنهيده كبيره وجلست على كرسي مريح قدام الشباك تطالع الغيوم وتفكر ، بعد ساعه صحى وليد وراح قبل خدها ببراءه:ماما بابا جا؟
نرجس لفت بابتسامه :ماعرف ياروحيّ تبي تنزل لهم؟
ابتسم ببراءه:ايوا
وفتحت الباب بابتسامة:انا بنام روح وذا جا الغداء قل ل ليلاس تاكلك معها
ابتسم وقبل خدها:ماتجين؟
هزت راسها بنفي وابتسامه:لا ياماما بنام شوي
ابتسم ببراءه ونزل طالعته لين مانزل من الدرج ورجعت قفلت الباب وراحت دخلت تحت الشاور ، ابتسمت ليلاس من جلس وليد بحضنها:هلاا بحبيببيي
ابتسم ببراءه:احلى خاله
ابتسمت وقبلت خده:اوييلي عليك اويلي عليييك
ضحكو الموجودين ، تُقى ابتسمت:وين نرجس؟
وليد ببراءه خذا فراوله:تبغا تنام
عرفو انها بتتهرب بس سكتو ، وكانو يسولفون وتباطتها تُقى ورقت فوق ، نرجس الي كانت ميته الم وتنادي محدٍ سمعها ، طقت تُقى الباب:نرجس يمه؟
نرجس بالم تأوهت من زاد:اااخ
تُقى خافت وطقت:نرجس تسمعييني!!-ونادت-خااالد ياخااالد!
وفزو كلهم ، خالد بخوف:شفيتس يمه
تُقى بخوف:افتح الباب اخلص نرجس طايحه!
الياس بخوف:لا بعدو
وتعاون هو وفِراس من اول دفه انكسر القفل وانفتح الباب ، ركض خالد لنرجس الي طايحه:نرجس نرجسس
ارتحت ان احد سمعها بصوت خافت اثر الدوخه والالم وكلام مقطع:بطني
مافهمو شي الى ان المها من بطنها وعلى طول شالوها ونزلو ركض ودوها المستشفى ، شهق وليد بخوف:ماما ماما تعبانه!!
ضمه هتَان بتلطيف للجو:لا مو تعبانه نروح نلعب سوني؟
وليد ببراءه اطفال نسى:يالله!
وراح دخله يلعبون ، الونَا بخوف:شفيها نرجس!
جلست تُقى بدوخه:مدري لقيناها طايحه عطوني دواي
وعطتها ليلاس بسرعه ، انهَار بخوف:ماقلت لكم شي؟
انس بخوف:مدري تشكي من بطنها واغمى عليها
بالمستشفى عبدالعزيز الي على طول بلغه سلطان راح لهم بتوتر:شفيها نرجس !
خالد جلسه:اذكر ربك! للحين ماقالو شين
جلس يلوم نفسه ومن جا وليد، وقف عبدالعزيز بحده وقف:الان توقع انسحاابي من ذا المهمه سامع!
وليد بصدمه:صاحي عبدالعزيز ؟سمعت شقالو؟
عبدالعزيز بعصبيه:قلعتهم!
ولفو للدكتور الي طلع ، الدكتور:دنتو اهل البت نرجس؟
عبدالعزيز بخوف:شفيها؟
__________________________
احداث لذيذه جدًا ادعو لي اجيب بالقدرات100😔❤️❤️ ، الاحداث القادمه مؤلمة جدًا اعتذر عِنها ، أعتذارً لـ غيابيّ فسرته بالانستا❤️🌷 وصلو التعليقات40+،أعتذر على التاخير بِـ التنزيل لاكني تعبانه وجدًا مضغوطه هالفتره اعذروني اذا تاخرت ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل
والاقتباس ماحلل القراءه بدون تفاعل🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷