« عزّ الله إنّي في ظبي نجد مغروم .. راعي العيون الّلي مع الزّين خجّله »

«33»

«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
‏«اللهم لاتجعل روايتي تُلهي عبدك عن عبادتك»

كانت أنهَار متوتره ماتعرف سبب توترها بس ساكنها قلل كبير ماقدرت ولبست شالها وطلعت راحت قسم ايلاف طقت الباب ، ابتسمت ايلاف:هلا بعيوني
ابتسمت انهَار بتوتر:اقدر اتكلم معك؟
ابتسمت وبعدت:حياك
ودخلت وجلسو ، أنهَار تنهدت بتوتر واضح:احس بيصير شي
استغربت ايلاف ومسحت على ظهرها بحنيه:مثل ايش ؟
أنهَار بتوتر:مدري متوتره حيل قلبي ناغزني بقوه ماني عارفه وش السبب
ايلاف ابتسمت:يمكن توتر عشان الخُطبه بس ؟ ماعليك بيكون اول شي كلام بيننا حنا الحريم وتستخيرين واذا ارتحتي نكلم ام سيّاف يجون الرجال ويتفقون وتصير الشوفه وتحددون الي تبونه ماعليك معك وقت طويل ولابيصير شي اليوم شوفيه كانه عزيمه عاديه
انهَار ابتسمت وحضنتها:ماندمت اني جيتك
ابتسمت ايلاف وقرصت خدها:يالله حبيبي بدلي
وراحت لقسمهم ، قسم ابطالي ، ابتسمت الونَا وطلت على شكلها وكانت لابسه فستان ناعم اسود مو ماسك عليها شوي واسع عشان العيال لو جو وثابت عليها بحبال محاوطه رقبتها ابتسمت وهي تشوف شعرها الي صار طوله تحتّ خصرها بسبب حُب فِراس له وتعطرت وطلعت لمكتب فِراس وحضنته من ورا بدلع وانوثه ورقه:بيبي ؟
ابتسم ولف وهو يتاملها:ويااااجماااال محبوبتيي!
ابتسمت بدلع ولفت بانوثه:كيف شكلي ؟ حلو ؟ ضابط
ابتسم بحُب ووقف حاوط خصرها:مُبهره مُبهره مُبهره سبحان من خلقك وجملك من بد بنات حواء كلهم
حاوطت رقبته بدلع:أكيد يابيبي ولا ؟ ليه تبغى تشوف غيري ؟
ابتسم وقبلها بخفه وهي تجي كثيره عليه:سكنتِ بين ضلوع صدريّ وتهقين تخوني عيووني ؟ ابدً يفز قلبيّ للقياك مليون فزه ويتوسع مبسمي لاجا طاريك ويخفق قلبي لامن أقبلتي عليّ-سند جبينه على جبينها بحُب-كثيره على قلبي ارفقي بي
ابتسمت بدلع وخجل:أحُبّك وأحُبّ كلامك عسليّ والله !
ابتسم بحُب:تقول لي عسليّ وبيبي واحوبك اااخ ياعرب اشهدو على حبها الي تفجر بشرايييني !!!
ابتسمت بدلع وخجل وقبلت دقنه:بسم الله عليك
دخلت جِوان ببراءه وهي اول مره تمشي وشهقت وبكت من شافت فِراس حاضنها ، فِراس بفرحه:جوجو تمشي !
لفت ألونَا بفرحه:جد !
وتقدم حضنها:ليه تبكين يابابا؟
جِوان بدموع وبراءه ولهجت الاطفال:انت حقي انا ! ليه تدم ماما دعلللت علييييك!!
ضحك بعلو صوته وقبل خدها:تغارين ؟
عقدت حواجبها باستغراب وعدم فهم بوسط دموعها:وسو ؟
ضحك وقبل خدها:حبيبتي جوجو وعمري وروحيّ انتِ وقلبيّ
ابتسمت جِوان برضى وغيره الاطفال ببراءه:احبت
ضحك وقبل خدها ونزلها:روحي سريع خلي ميتا تعطيك اكل عشان بنطلع
وركضت ببراءه وهم يضحكون بفرحه ، واغلق الباب فِراس ورجع حاوط خصر الونَا بهيام:ايوا وين كنا ؟
ضحكت بدلع:شف الغيوره طالعه عليك!
ضحك وقبل ارنبت انفها:يعني عليّ ؟ وانتِ ؟ مب عليك ؟
ضحكت ألونَا بدلع:والله كلننا غيووريين وبعديين حقي!
ضحك وقبل خدها قريب لمبسمها:ويحق لك مو لغيرك
ابتسمت بدلع وخجل:تعال اجهز بياذن المغرب ويجون الحين
ابتسم:سميّ
ألونَا عبست من شافت بكت دخان وفيب على الطاوله وبعدت من حضنه وطلعت ، لف للمكان الي كانت تناظره وتنهد ومسح على وجهه طلع يدورها وطالع ميتا:وين ألونَا ؟
ميتا وهي تاكل جِوان:طلعت
تنهد لانها تضايقت وتنهد لانه يخلف بوعوده لها ووعد نفسه مره اخرى مايطب فمه ورماه بالزباله وراح تروش ولبس وتعطر وتبخر مسك يد جِوان وكانت لابسه فُستان اسود عليه فيونكه بيضاء فوق شبيه لفستان شانيل وتشبثت باصبعه الصغير الي يالله قفلت على كفها إبتسم ومشى للصاله ، ابتسم سلطان بفرحه:مشت ؟
فِراس بتفليم:وبقسمك بعد !
انهار ضحك الياس:مافيه مشايه لاتحاول
ضحك:مره ؟
وضحكو الموجودين، فتحت يدينها وركضت حضنت انس:نوس
ابتسم انس وشالها ينقزها:اويلي اشتقت لك !!!!
عبست بغيره:توح دادا وميمي وتخليني دعللت!!
انس قبل خدها:ابوك فِراس وامك ألونَا اكيد بتكونين اكبر غيوره
وانهارو كلهم ضحك ، ضحك خالد:شف سحبت علينا عشانه
جِوان بعبوس:ندلنيي!!
ونزلها بابتسامة وتكتفت بزعل عند ألونَا وهي تطالعها:دعلانه منت ومن نوس مو حوين
ألونَا برفعت حاجب:شسويت!
جِوان بغيره:بابا حقي!
ألونَا:لا حقي
جِوان بغيره وقفت:حقييي مو حقققك !!!
ومسكت يد فِراس سحبته معها لبرا والباقين منهارين ضحك ، ضحك انس:قلتها اكبر غيوره حتى من بنتها
الونَا:البخ!
ضحك انس:سميّ
وضحكو الموجودين ، تكتفت وصدت بنظرها عن فِراس وجِوان الي جو وجلسو ، ضحك خالد وفتح يدينه لـ ألونَا:تعالي تعالي
وراحت وجلست جنبه وهي صاده عن فِراس وجِوان ، ضحك وحاوط اكتافها:ادقه؟
ألونَا:وكسره بعد
فِراس تنهد:آبوك يالوهقه
وانهارو ضحك ، ضحك بتال:لوله بنتك !
وقفت واشرت على جِوان:مو حلوه
ومشت ، شهقت جِوان بدراما:انا مو حوه؟
فِراس:الى حلوه !
وقفت واشرت عليه:انت مو حوو!
ومشت وهي متكتفه فِراس:اراضي مين بالضبط ؟؟
وانهاروا كلهم ضحك ، ضحكت ليلاس:ااخ تكفون ابوك يالغيوررين
فِراس بوهقه:والله صدق ذا وضعنا كل يوم !
ضحك سلطان بانهيار:انهبلو والله
ضحكت وعد:شبيهت امها
ضحك خالد وطالعها:لاتسوين طالعه منها-طالع فِراس وهو يضحك-امك وإيناس بس مناقر وذيك ماسكه شعر ذيك وذيك تقول فكي وافك لدرجه تاقلمت مع الوضع صارت ايناس خمس سنين تطور الوضع وصارت تكسّر الاغراض
وانهارو ضحك ، ضحكت ايناس:لانك تقهر خير خلاص المفروض تدلعني انا وبس !
فِراس بصدمه:الوضع بيستمر طول العمر يعني !
وانهارو ضحك وطاحو على بعضهم ، وتمت العزيمه بخيرها وشرها وكانو انهَار واصايل جالسين بالقسم حقهم ودق موج وردو وكانو يكملون
لين ماقال نَواف،نَواف بتعب:انهَار ابوي كيف رضى؟ كيف درو؟
وحكته ، أصايل:ترا قال ناديهم يخطبونك واسامح ابوك
انهَار نغزتها:لا...
نَواف بضيق:الاان عطوه الجوال الاان !!
ووقفت انهَار بضيق تخفيه وراحت لقته بالمجلس وعطته الجوال وضلت واقفه ، نَواف بتعب واضح وعتّب وضيق:قالو رضيت عليّ وصارت هالدنيّا ماهي واسعتني لاكن تروح وتجبر بنتي على شي هي ماتبيه عشان ترضى عليّ !! لا والف لا وانا الي اوقف بوجهك وطريقك تجبر بنتي على شي هي ماتبغاه بس الله يسامحك ! انهَار ارجعو البيت
وخذت جوالها ومشت ، وليد:ترا معه حق
حس ابراهيم الكلمه زي الكف الي جاه ووعاه وكيف فكر كذا ويجبرها وهي ماتبي ! ، وقف وليد وخالد وسلطان وراح لهم على طلعتهم من القسم وطلعو بصمت ولاكلموهم ، خالد مسك يد اصايل بحنيه:وين بتروحون بهاليل اجلسو ولاتروحون!
اصايل سحبت الشنطه:عشان يروح ابوك ويجبر اختي بمسمى انه بيرضى على ابوي ؟ كلمت ابوي ماتنثنى ولاتنرد
جا تركي:سيّاف وفيصل جو
ومشو سحبو شناطهم ركبهم سيّاف بصمت وركب تركي قدام عنده وركبو وراه وحرك ، سلطان ابتسم:يحبها حيل!
وليد:ثقه؟
خالد ابتسم:اكيد دام نَواف ماقال له شي امشو الصبح ربح
ودخلو وتوزعو بضيق ونامو ، بالسياره ، سيّاف وهو يسوق:كلمت موج وعطيته خبر بجلس عندكم بالملحق لين يرجع وعشان محد يجيكم
كانت انهَار صاده تطالع القمر بصمت وهواجيس ، اصايل ابتسمت:لاجد سيّاف شغلك ودوامك عادي واذا بغينا شي بنبلغك
ابتسم:معليك وأكون اقرب ومحد يجيكم واونس الشيخ
وبعثر شعر تركي بلُطف وابتسمو على حنيته معهم وكان يطالع من المرايا أنهَار وضاق صدره انها ضايقه ، ونزلو ونزل الشنط ، وقف عند الباب:أنهَار
لفت ، سيّاف:بكلمك عادي ؟
وراحت جلست على الكراسي البسيطه بحديقتهم البسيطه وكان بيتهم دورين على قدهم ، اصايل:برتب الغرف تروك تعال
ودخلو ، سيّاف بضيق:ليه متضايقه صار شي؟ضايقكم احد ؟
أنهَار:لا مافيه شي
سيّاف:انهَار؟
أنهَار طلعته بمحاجر مُمتلئه دموع :انكسر قلب ابوي للمره الثانيه وبسبتي قال لي جدي يوم درا انك خاطبني ورافضه وقال اذا تبيني ارضى على ابوك كلميه يجون يخطبون فرحت سيّاف حسيت براحه حسيت مافي شي ثقيل على اكتافي اول مره أرتاح كذا اول مره!! بس كنت حاسه بيصير شي واصايل قالت لابوي انه رضى عليه عشاني وافقت عليك وضاق ابوي وانكسر خاطره وقلبه وقال ارجعو بيتكم سيّاف شفت الضيق والحزن والكسره بعيون ابوي من جديد انا اول مره اشوف ابوي يضحك ويبتسم براحه اليوم ! اول مره سيّاف
ضاق عليها وانها تدمع وتتكلم والعبره خانقتها:مابيصير شي وبيرضى باذن ربي معليك لاتتضايقيين وانا معكم ماني مخليكم ولو يتاجل زواجنا لعشرين سنه قدام راضي
أنهَار مسحت دموعها:بجيب لك فراش
سيّاف:أنهَار لاتبكين وتتضايقين طالبك!
ابتسمت بخفوت:تمام
ابتسم سيّاف:أنهَار والله وبالله وتالله مستعد انتظرك عُمري كله مستعد انتظر جدك يرضى على ابوك عُمري كله بس لاتتركيني انتِ
طالعته بابتسامة خجل ودخلت ، ابتسم بحُب وهو عارف طبعها خجوله وجدًا ، جابت له فراش ونزلت له محول وشاحن وعلب مويا ابتسمت:اذا تبغى شي بلغني
ابتسم:ماتقصرين تصبحين على خير
ابتسمت بخجل:وانت من اهله
وطلعت قفلت الباب وراحت جلست بمكتب ابوها ترسم ، وكل مابغت ترسم جلست فيه وهي ماتحس براحه الا فيه ، جت أصايل بابتسامة ونزلت كوب قهوه لها:بابا بيكلمك
ابتسمت ونزلت الالوان خذت الجوال:هلا عيوني
نَواف بتعب:لاتفهميني غلط يابابا مو قصد مابي سيّاف ولاقصد ابعدكم عن....
ابتسمت أنهَار:خلصت المُنتجع وبيجي صاحبه بكرا يشوف الرسم عشان نبدا تنفيذ
ابتسم نَواف بتعب وهو عارف بنته:مازعلتي؟
ابتسمت أنهَار:والي بحياته نَواف يزعل؟
ابتسم نَواف بتعب:قفلو الابواب والشبابيك زين واذا صار شي اتصلو على سيّاف
أصايل طلت بالجوال:رفض يروح ونام بالملحق يقول ارجع اذا رجع موج بخير
ابتسم نَواف على حُب سيّاف المفوضح لبنته مواقفه الي لاتُعد ولاتُحصى:دامه عندكم بخير باذن الله يالله يابوي نامو تاخر الوقت
ابتسمت اصايل:تصبح على خير
نَواف بتعب:وانتم من اهله
وقفل ، تنهد نَواف وطالع موج:لمتى؟
موج جلس :وش
نَواف وهو يطالع السقف:بوقف نصيبكم عشان اهلي لمتى يعني ؟؟ -طالع موج-بكرا ذكرني اكلم ابو سيّاف وتروح انت خلصو الملكه وكل شي
موج:ماظني ترضى انهَار بدونك انت وامي
سَلاف بحزن:عادي بترضى انشاءالله ولا لمتى بنسكت ونجلس
موج:طيب احس جدي يبي يسامحك يبه بس مايبي يبين انه رضى عليك بسرع ولف من طريق انهَار
نَواف بتعب:الي يبي يسامحني يسامحني على طول ولايضغط على عيالي وش درانا حنا ؟ انهَار للحين موافقه ولا لا ؟ تبيه للحين ولا لا ؟ الزواج ببالها ولا لا ؟؟ عشان كذا محد له حق يجبر بنتي على شي وانا اعرف انهَار زين انهَار لو قالو لها ارمي نفسك بالنار ونسامح ابوك رمت نفسها بدون تردد تضحي بكل شي عشاننا حنا
موج ابتسم:والله لو يقولونها لنا كلنا رمينا أنفسنا عشانك
ابتسم نَواف بتعب:وانا ولاوديّ بذا كله
الصبح ، اتجهو خالد ووليد وسلطان لبيت نَواف الي طلعوه من موقع انهَار بسناب ، وطقو الباب ، استغرب سيّاف الباب ينطق وطالع تركي:خلك هنا زين ؟
تركي:ابشر !
ابتسم سيّاف ووقف فتح:هلابكم
سلطان باستغراب:سيّاف ؟؟ ماهو بيت نَواف
افسح مجال:الا حياكم الله
ومن شافهم تركي فز بفرحه وحضنهم:جيتو عشان انهَار صح ؟
ابتسم وليد:جينا عشانكم كلكم بس ليه تقول عشان انهَار؟
تركي تذكر كلام انهَار له:ها ؟ لا ولاشيء
سلطان ابتسم:تنادي لنا انهَار واصايل ؟
تركي:الحيين
ودخل يركض :انهَار انهَار انهَار انهَار انهَار
طلعت بخوف من صوته:شفيك وش
تركي وهو فحمان:عمامي برا يبونك أنتِ واصايل
تنهدت براحه:أرعبتني احسب فيك شي
ابتسم بوهقه:اسف
ومشو وسلمت على عمامها وقلطو بالمجلس واستئذن سيّاف وطلع عشان ياخذون راحتهم وجلس بسيارته برا ، خالد خذا الفنجان من يد انهَار:ليه سيّاف بذا
جلست:بيجلس هنا لين يجي موج
سلطان باستغراب:ببيتكم عادي وش له يجلس !
وليد:شتبون !-وطالع انهَار-ليه بيجلس؟
وانهارو ضحك الباقين ، جت اصايل وهي لابسه عبايتها ومعها ملفات سلمت وطالعت انهَار:ساعه وبجي
انهَار:وين؟
أصايل رفعت الملفات:التصاميم بوديها واجي
انهَار:انتبهي لنفسك لاتتاخرين
قبلت خدها وطلعت لبرا ركبت مع تيّم وليان ، خالد باستغراب:من يوديها
تركي جا :انهَار بروح مع تيّم
أنهَار مدت البطاقه له ، جلس يعدد تركي :اذا ابغا شي ادفع من ذيّ مابعد عن تيّم واقرا الاذكار-قبل خدها-بااي
وركض برا وضحكو من لطافته ، وليد بتذكر:تيّم الي خطب اصايل؟
أنهَار:اي فيه شغل له هو وموج وابوي سوا
خالد بحنيه:مايصير طيب ؟
انهَار فهمته:معهم ليان اخته
سلطان بحنيه:وبتجلسون هنا لين يرجعون؟
أنهَار وهي تمد لهم حلى:ايه
خالد بحنيه:تجون معنا؟
أنهَار ابتسمت :معليش اعذرونا
وليد بحنيه مسك يدها:ابوي مايقصد يجبرك على شي ولايقصد انه يستغلك
ابتسمت:وأبوي مايرضى احد يلف ويدور من عندنا عشان يجيه اعتذر بس رجعه لبيتكم مابرجع لا انا ولا اخواني واي صح قولو لرجالكم يبعدون عنّ بيتنا ولاتنسون عمكم
استغربو ، وليد باستغراب:اي رجال
سلطان باستغراب:اي عم؟
خالد باستغراب:ماقلنا لحد شين وش صاير؟
انهَار باستغراب:يعني ماتدرون عن سعد؟
خالد بخوف:جاااكم!
انهَار باستغراب:من سنين يهدد اجل ليه سيّاف وتيّم عندنا ؟؟
سلطان بخوف:وش يهدد فيه!
انهَار بعدم فهم لهم:بكل شي
وليد مسك يدها:اي احد يجيكم من طرف سعد لاتعطونه وجه وبلغونا على طول زين سعد من زمان قاطعين العلاقه معه انتبهو انهَار منه انتبهو
سلطان بتحذير:اي احد يجيكم ويكذب ويجيب طارينا وطاري سعد سويه لاتسمعون له من زمان متهاوشين وقاطعينها واكيد يبي يضركم
خالد:انهَار تعالو عندنا اامن واريح !
انهَار بصدمه:لحظه يعني سعد مو معكم اجل وش الصلح الي يقوله والورث ايش
سلطان بعدم فهم:وش السالفه
لفت لجوالها الي يدق برقم مُسمى'تيّم' وردت:هلا؟
تيّم وهو يسوق:رجال سعد ورانا
طالعت عمامها بخوف:رجال سعد ورا اصايل وتيّم!
اخذ وليد الجوال:لاتوقف امش لاي مركز شرطه ولا لبيت ابراهيم الراشد تدله؟
تيّم توتر من نبرتهم وهالصوت الي اول مره يسمعه:زين
وليد بتحذير:لاتوقف ابدااااا!!!
وقفل وليد ووقف:انهَار الان امشي معنى
وقفت بتوتر معهم:شصاير !
سلطان بخوف:سريع انهَار جيبي عبايتك سررييع
وراحت بخوف جابتها وطلعت معهم وقفل سيّاف الباب ولحقهم بطلب منهم ، وصلو هم وتيّم بنفس الوقت ودخلو وخالد كان يكلم ابراهيم ويعلهم ودخلت سيارت هاشم وعبدالعزيز وحمد معهم وقفلو الحراس البوابات وجلسو كلهم بالجلسه ، اصايل وقفت بحده:تفسير؟ شقاعد يصير ؟ شيبي اخوكم مننا ؟
حمد بخوف:جوكم!
انهَار:فتره وفتره
ابراهيم اخفا خوفه وتوتره وتكلم بجمود:وش يقولون؟
تكتفت اصايل بحده:مراسيلك أستاذ ابراهيم
ابراهيم وهو يخفي الي داخله ببروده:وشهي مراسيلي ؟؟
أصايل:تبي اقولها؟ عادي ماهمني ! تبي ابوي يتنازل عن وصيه جده الي هو ابوك ، وتبي ابوي يوقع اوراق غير قانونيه لصالحك
وقف ابراهيم بصدمه وحده:احترمي نفستس واقصري حـ...
اصايل تقدمت بحده وصوت اعلى:محترمه نفسي قبل لا اعرفك وصوتي ماينقصر عشانك ذا اولًا ثانيًا وصيه وبتتنفذ والارث وبيتوزع نفس ماهو كاتبه متعب رحمه الله عليه -وتكفت بسخريه-ها واذا تقول محد بينفذ هالوصيه وتجلس تحلف-وقفت بحده وهيبه-انا انفذها ولو على جثتي سمعت!
لفت بتمشي ، ومسك يدها بحده:اعدلي حتيتس!! وش هالوصيه الي اول مره اسمع به ؟ ووش قايل سعد لكم ؟ وش دخل الارث وش دخل ابوي !!!
مسكت انهَار يد اصايل وهي تطالع عيون ابراهيم:وصيت جدي متعب الله يرحمه مع ابوي لانه قايل تكون معه وان هالوصيه ماتنفتح ولا تتنفذ الا اذا انت رضيت على ابوي واساسا كان دايم يجينا ومحد يدري
انصدم كلهم بطاري اول مره يسمعونه ، الونَا تذكرت:لحظه التهديييد!
ايناس طالعتهم:لاتنفذونها الحين
وحكوهم بكل شي ، اصايل ببرود:ماهمني ولو اموت -حطت عيونها بعيون ابراهيم-شي قاله جدي متعب الله يرحمه يصير ويتنفذ ماتبون قلعتكم ماهميتوني
وقف حمد:لايابنتي مايصيير دامه قايل رضى ابراهيم على ابوك همن الوصيه ! وغيره لاتفتحونها وتخاطرون اصبرو لين مايعودون نَواف وموج بخير وتنفذونها
تركي بهمس لتيّم:تيّم وش يصير خايف مره
تيّم بهمس له:لا عادي مايصير شي لاتتوتر اوكيه ؟ وانت معي مابيجيك شي والله
ولفو للحارس الي ركض:سعد برا ومعه واحد اسمه صالح
وقفو كل الرجال قدام البوابه وانفتحت ، وجه سعد السلاح على اصايل الواقفه جنب تيّم ، تقدمت اصايل بقوه وثبَات وهيبه لين ماقربت شوي:ارمي شفيك خايف ؟ لاكن يحرام مابتشم الوصيه ولا بتلمح طرفها
سعد بعصبيه:عطيني الوصيه لا افرغه عليك!
اصايل ابتسمت بسُخريه وتكتفت:فرغه طقاق بس حبيت اعطيك خبر ان هالوصيه ماهي بارضي السعوديه واي ها تقول بالمانيا لا اطمنك بعد مو موجوده فيها حتى ابوي مايدري وينها ولو تعاونت انت والجن والانس مانتم بلاقينها
جِنان بحده:الزمي حدك
اصايل طالعتها من فوق لتحت:شوفو من يتكلم
تيّم وقف امام اصايل بحده:الله عطاك نص ساعه!
سعد بعصبيه:ولا وش بتسوي
طلع تيّم سلاحه واشره على جِنان:تصلي على بنتك اليوم شرايك؟
انصدمو كلهم من وين جا السلاح ، شهقت انهَار:تيّم!
اصايل ابتسمت ووقفت جنب تيّم:كذا ولاكذا بتفترق انت وبنتك مع كامل الاسف مابيكون عندي جدول وفعاليات لاكن نصحيه ضف وجهك انت والي معك
صالح بخبث تكى:من متى الحلوين يتكلمون؟
تيّم وعيونه وسط عيون سعد اشر بسلاحه على صالح ورماه بدون لايلتفت له ورجع اشره على جِنان:في رصاص زياده معليك!
انصدمو كيف ر ماه بدون لايطالعه ! كيف جاب سلاح اساسا ! كيف يتكلم بثقه هو واصايل وليش اساسا ! ، ليان بخوف:تيّم!
صالح مسك يده الي تنزف وضحك بخبث:والله البيت كله حلوين
سيّاف رماه:قلنا نكمل الناقص
ورماه فوق قلبه وطاح صالح بدمانه ، ابراهيم بحده:وشوله واقفيييين خذو هالاسلاحه!!
تيّم ابتسم وهو يطالع سعد:ابن امه يفكر يمد يده!
سيّاف تقدم ووقف جنب سعد:ابو الغباء
ونطحه براسه وطاح سعد مغمى عليه اثر الضربه ، وقفت اصايل قدام جِنان بابتسامه:ايوا؟ سمعيني صوتك؟ وين اختفى فجاءه؟
وركضت ركبت السياره ومشت ، ضحكت اصايل بسخريه ، انهَار بصدمه:صاحين!!
مد سيّاف الورقه لها وقرتها وطالعته:بس قتلللت!
سيّاف:جن بسبع ارواح ما مات
وطالعو مكان صالح وطلع فاضي لانه هرب ، ابتسم تيّم:ولايقدرون يبلغون لان اساسا المباحث تدورهم
ضحك فِراس:عطيني تدريب كيف رميته وماطلعت؟
ضحك تيّم:ماهمني الصدق اشرت ورميت
وضحكو الرجال بصدمه ، ابراهيم طالع اصايل:اظنتس شفتي ان مالي علم بان سعد حولكم؟
اصايل طالعته برفعت حاجب:طيب ؟ شسوي لك؟
حمد:الوصيه
اصايل ابتسمت:اي حتى انتم احلمو تلمحون طرفها
وجلست وهي تهدي تركي الخايف ، ضحك وليد وطالعها:ترا حقهم يعني ؟
اصايل طالعته بلُطف:قلتها واعيدها كلام جدي متعب الله يرحمه يتنفذ
خالد عقد حواجبه بتفكير:يعني الي افهمه جدي رحمه الله عليه معطيك وقت معين تفتحينها فيه؟
وقفت وهي حاضنه تركي:برافو عليك
ليان وهي ترجف:عايله مجانين
وانهارو ضحك من كلمتها وركبو سيارت تيّم وجت أنهَار بتركب بسياره سيّاف بالخلف مسك يدها خالد:بيتك
طالعته بلُطف:اعذرني بيتي الي باسم نَواف غيره لا
وركبت ومشت ، تمارا وهي تدمع وترجف بخوف:الحين وش الي صار بالضبط؟
ايناس بصدمه:مخي قفل
بتال بصدمه:ذاك مو ممرض ؟ كيف معه سلا^ح؟
وليد المصدوم:خلك من كل ذا كيف مادرينا ان معهم اساسا؟ وايش الوصيه وليه جدي ملزم محد يدري بها وبس اصايل الي تدري بها وتدل محلها !!!
ابراهيم جلس:دق على نَواف !
دق خالد وعطاه الجوال وحطه على اذنه :متى ترجع؟
ضاق صدر نَواف انه ماسال عن حاله وكح بتعب:العلم عند الله
ابراهيم:قل لبنتك تجيب الوصيه!!
نَواف كح بعتب:اعذرني يبه جدي الله يرحمه ملزم محد يدري وفي اشياء انا مادري بها بس اصايل تدري بها
ابراهيم عقد حواجبه:شلون؟
نَواف بصوت تعبان:مدري والله والذي نفسي بيده ماعندي علم عن شي
ابراهيم:متى تعود!
نَواف بتعب:ماعندي علم والله
موج بصوت:مو هالشهرين بعدها يمكن
ابراهيم رجع الجوال لـ خالد ووقف ، قفل خالد ، ابراهيم وهو يمشي:الان تجيبون لي اصايل والي معها
وراح لمكتبه تنهد وليد وراح يجيبهم ، وبغضون نص ساعه جو باصرار من وليد ، اصايل نزلت وهي مو طايقه شي:وينه؟
خالد:بالمكتب ينتظركم
اصايل:اي مكتب شعرفني انا!
وليد:تعالي
وراح ولحقوه وجلس تركي بالسياره مع سيّاف لان تيّم راح يقدم تقارير لمدرائه بالي حصل وهو نقيب ، دخلو المكتب ، ابراهيم:وليد لحد يجي
وطلع وقفل الباب ، ابراهيم طالعهم واقفات:اجلسن
وجلسن بصمت ، شابك يدينه على المكتب وطالعهم بهدوء:وش الي حاصل ؟ وش يقول لكم سعد ؟ ومن متى يجيكم ؟ ابوي من متى يجيكم ؟ وش قايل لكم ابوي ؟
اصايل طالعته باستخفاف:قول تبي تقرير مُفصل بعد
ابراهيم بهدوء طالعها:ماقلت ابي تقرير قلت ابي اعرف عشان محد يتعرضكم مرةً ثانيه
ابتسمت اصايل بتسليك:اوه شُكرًا مانحتاج معنا سيّاف وتيّم وابوي وموج مو بحاجه احد
انهَار طالعتها:خلاص اصايل -طالعت جدها-لايش بتعرف ؟ تبي تريح فضولك ولا تبي تذل ابوي مره ثانيه ولا ايش بالضبط؟ ولا تشتكي على سيّاف وتيّم عشان مره وحده تسهل الطريق لاخوك لنا
ابراهيم ابتسم بهدوء وحنيته المُعتاده:قبل20سنه وازود ظني جالسين عند شبّك الحلال وقلت لابوكم يتزوج قبل السالفه الي تعرفنها وعيّا يقول ماني وجه زواج ومسؤوليه ولاني قدها عمره15سنه ذاك الوقت وعندنا يتزوجون منهم 13سنه اوله اقترحت بس بشوف وش يقول وجلس يقول لي عن احلامه ومخططاته ودراسته الي بيدرسها برا مع الي يحبها كنت اقول له منهي ويقول لي لو تعرفونها ماتخلوني امرح اليله ونستغرب تدرون ليه يقول هالحكي ؟ جدكم يعني ابو امكم اول تعرفون انه من التعبانين ذوي الاحتياجات الخاصة وانا ابدًا ماعندي مانع يعرس على امكم لاكن تدرون ليه عارضت اوله ؟ عارضت لان اخوي سعد كان قامعن رايئي بكل شين وجلس يهدد بولدي ! ظناي ! لحمي ودمي ! اصريت على ابوكم وهرب وتزوج امكم وجانا وانصدمت وانفعلت وابليس سوا فعلته وطردته جانا بعد سنه ومعه موج وأنهَار انتِ ويجي سعد ويتعدا شوري ويهدد ابوك اذا ماطلق فيكم انه بيفعل ويترك امكم مالها احد وبعد ماتزوجت ابوكم ابوها توفى بسبب تعبه وامها متوفيه من سنين وهي وحيدتهم ابوكم عيّا ولاهو براضي يترك امكم لحالها ويترك عياله زوجته وعياله كيف يتركهم عشان احد قال اتركهم ؟ هرب فيكم لـ ايطاليا ودرس هو وامكم هناك كانو يدرسون ويشتغلون كنت ادري وينهم فيه وتوصلني اخبارهم وكنت اكلم مدرائهم واعطيهم فلوس زياده يزودونها على رواتب امكم وابوكم وقتها العيشه هناك صعبه والمويا وهو المويا غالي فكيف يبون يصرفون عليكم ويعيشون وصلني خبر بعد سنين تخرج ابوكم وامكم وكان وديّ احضر بس عيون سعد علي وين مارحت وقتها رحت لابوي وشكيت له الحال ومنها وابوي رجل عندكم ورجل عندي لين ماتوفى رحمه الله عليه وكان قايلن ليّ لاجك الوقت تدل بنت اخوك اصايل كل علمً عندها لايوصل شي لسعد ولاتوصلها لين ماتامن حياتها لين مايرتبط اسمها باسم رجال كفو ويصونها ويحفظها ويحمها وداري انه قايل ماتنفتح الوصيه الا اذا لعبنا بعرس انهَار ونَواف يلعب به بخير وصحته ادري ولاقلت اتكلم تحت وانا ادري ان تيّم خطيبك وقلت لو درت بيعجل بكل شي عشان كلن ياخذ نصيبه بس الي ماتدرون عنه اني ماقطعت ابوكم كل هالسنين ويعلم الله اني اذكر اسمه بسجودي قبلي وقبل اي احد من الي ساكنن عندي
كانو مصدومات اول مره يسمعون بهالاشياء ويدرون بها ، أنهَار بصدمه:ليه ماوقفت ضد اخوك عشان ولدك لييه!
أصايل ببرود لانها تعرف كل ذا:اختصر؟
ابتسم ابراهيم وطالعها:ادري تدرين بكل ذا وازود منه ، ابيكم تعودون هنيا لين مايجون اهلكم بالسلامه وقتها لكل حادثً حديث
وقفت اصايل ببرود:انهَار امشي
وقفت أنهَار ، وقف ابراهيم:تجن؟
أصايل طالعته ببرود:مارد ابوي ولا اثني كلمته بنجلس ببيتنا محنا بحاجه بعيد وقريب
ونزلو ولحقهم ، طالع ابراهيم تركي واتجه عنده بابتسامة:تبي تجلس عندنا؟
تركي بفرحه وبراءه طالع أنهَار:نقدر؟ نجلس عند جدي؟
سكتت انهَار بحيره ، اصايل:لا
تركي عبس:ليه!
اصايل:بلا كلام بعد كلام ابوي!
ورجع بأحباط وجلس، ابراهيم بحنيه طالعه:تعال يابوي تعال
تركي هز راسه بنفي:أنهَار قالت لا اختي لازم احترمها واسمع كلامها
ابتسمو كلهم على برائته وحُبه لخواته ، سيّاف طالع أنهَار:لازم نروح مركز تيّم
خالد بخوف وقف عندهم:مركز؟ ليه ؟ شصاير!
سلطان بخوف:انهَار واصايل بيجيهم شي!
سيّاف ابتسم:لا باذن الله بس إجراءات عاديه
وليد:تيّم الي تو؟ شرطي؟
سيّاف:نقيب
ابتسم وليد:ماشآءالله زين اذا احتجتو شي بلغونا
طالع ابراهيم أصايل:اصايل اتركي العناد شوي فكري بتركي؟
اصايل ببرود طالعته:مايحتاج احد يذكرني افكر بمين وأخلي مين كلن يلزم حده
خالد بحنيه وقف ومسك يدينها:ليه طيب؟عادي شفتي لمتنا هاك اليوم شحلوها!  اجلسوا وننبسط وتنبسطون وتكونون بأمان وحتى اذا ودّكم سيّاف وتيّم يجلسون يجلسون
اصايل ابتسمت بلُطف:مكان مو. مكاني
سلطان اتجه عندها بحنيه:افا يابوي افا! الا المكان مكانك وراعتيه
ابتسمت بلُطف:اعتذر بس مكان انهانت امي فيه وانطرد ابوي منه ماطبه أنهَار!
وركبت وركبتها معها غصب وركب سيّاف وحركو ، طالع ابراهيم ألونَا وايناس ووليد واشر لهم:تعالو معي
ولحقوه باستغراب للمشب وجلسو ، طلع صرافه ابراهيم وحطها بيد الونَا:جيبي كل شي تحتاجونه انتم يالبنات وحركاتكم -وعطى صرافه ايناس-جيبي اغراض للرسم وجيبي العاب اطفال-وعطى وليد صرافه-قض كل شي ينوكل ضروري ولا مو ضروري وبطاطسات وعصيرات والي تحبونها باعماركم
استغربت الونَا:لايش؟
طالعها:واذا خلصتي جيبي اغراض مكياجكن وهالشغلات وبعدين روحو بيت نَواف واضغطو عليهم وعطوهم سامعيين!
ابتسم وليد من فهمه وقبل راسه:جيبي وجيبك واحد وسم وابشر
ايناس:لو رفضو؟
ابتسمت الونَا:اقنعهم ماعليك يالله
وراحو وارسلت الونَا لفِراس ، ابتسم وكتب'زين حبيبي جوجو عندي ' ، وارسلت ايناس لالياس تبلغه انها بتتاخر بدون زياده وكانت علاقتهم بارده ولاقرب منها نهائيًا الا اخر مره الي قبل سفرتهم يمكن قبل سنه وشوي ، وكان رده ايضًا بارد'زين' وتاففت ايناس من شافت رده وهي تلبس عبايتها بقسمها وتعدل شعره بهمس لها هيّ وبس:اي اي شفنا الحب والاهتمام-ميلت شفايفها-مانكر اهتمامه بالفتره ذيك لي بس بعدها يصير بارد
وارسلت لامها'وعديّ احتاج مساعدتك بشي لاجيت وابيه بيننا اذا يصير'
ابتسمت وعد من كانت فاهمه بنتها تمام الفُهم وتنتظرها تجي لها وتدلها'سميّ ياعيون ماما زين اذا جيتي تعالي غرفتي'
مشت بابتسامة من شافت ردها ، وفعلًا راحو ونذر وليد ، تنهدت اصايل وقبلت يده بلُطف:ماتقصرون والله ولايحتاج البيت مليان وفيه كل شي
انهَار ابتسمت:صدق ماله داعي تكلفون
ابتسم وليد وهو يشوف تركي فرحان بالالعاب الجديده:كله لعيون فرحتكم وراحتكم واي شي قولو لي تراي مو غرييب صديقكم وعمكم
الونَا ابتسمت:ترا بزر لاتقولون له اخر كلمه!
ايناس:صحيح سفلو فيه دقوه عادي عادي فداكم
ضحك بصدمه:اما عاد بعتوني وينك يارورتي
الونَا طالعتهم:وايضًا خفيف درجه اولى اذا ماجا ندري انه لازق ببيت زوجته
ضحكت انهَار:زوجته؟
ايناس؛اي ملكه بس وصجنا كنه اول واحد يعرس
وانهارو ضحك وبعد ساعتين طلعو من عندهم
__________________________
احداث لذيذه جدًا ادعو لي اجيب بالقدرات100😔❤️❤️ ، الاحداث مؤلمة جدًا اعتذر عِنها ، أعتذارً لـ غيابيّ فسرته بالانستا❤️🌷 وصلو التعليقات40+،أعتذر على التاخير بِـ التنزيل لاكني تعبانه وجدًا مضغوطه هالفتره اعذروني اذا تاخرت ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل
والاقتباس ماحلل القراءه بدون تفاعل🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷