« عزّ الله إنّي في ظبي نجد مغروم .. راعي العيون الّلي مع الزّين خجّله »

«34»

ومن وصلو راحت ايناس لقسم ابوها وطالعت ابوها جالس بالصاله وابتسمت قبلت خده:وين وعديّ؟
ابتسم وهو عارف انها بتكلمها:بالغرفه ياروحيّ
ابتسمت وراحت ، جلست جنبها ، ابتسمت وعد وتكت:اسمعك ياماما بس-مسكت يدها بحنيه-لاتخجلين من اي شي قولي اي شي وكل شي واساعددك ماخليك ياروحيّ
تنهدت ايناس بضيق واضح وسندت راسها على صدر امها:ماما الياس مره مضايقني مره ماكان كذا قبل
كانت وعد عارفه بعلاقتهم السابقه لان ايناس بلغتها يوم قطعت التواصل معه ومسحت على راسها بحنيه:كيف ياماما؟
جلست وطالعتها:مادري ماكني زوجته ابدًا تعرفين علاقت الموظف والمدير؟ نفسها جامد وبارد بكل شي ولايتكلم معاي ولايسمع لي نهائيًا مايبدي ردات فعل على اي شي اسويه نهائيًا تغير حيل
وعد بحنيه:موضوع الوصل قصدك؟
ايناس بخجل:بكل شي كل شي
وعد:يعني ماقرب منك؟
ايناس بخجل:مره وقبل سنه حتى اذكر قبل السفره قلت له ماني مسافره مع شخص مايحبني وجلس يقول كلام كثير وكيف انه يحبني ومدري شنو بس ماشفت الحب منه لا كلام ولا افعال بس قدام الكُل يبتسم ويضحك ويحضني حتى يعني قلت يمكن مسويه شي غلط راجعت نفسي مليون مره غيرت ستايلي مليون مره بتقولين لاتضغطين مدري ماتستقبلينه زين اقول لك الا وكل ماجا من الدوام ابتسم واحضنه واقول يعطيك العافيه بس رده جدًا بارد ومرات مايحضنيي نهائيًا مره تعبت ياخي خلاص ماتبغاني طلقني مابغا اعيش مع شخص جلف وجاف
ابتسمت وعد بحنيه ومسكت يدها:اسمعيني يابنتي  ، الرجال زي الطفل كلمه توديه وكلمه تجيبه صحيح بيصير بارد وجاف بمشاعره بعد فتره او مُمكن يمل لاكن اذا جا استقبليه بابتسامة وكلام حلو مثل كيفك حياتي عسى ماتعبت اليوم او احضنيه وامسحي على ظهره بشويش بابتسامة ودلع قولي جهزت لك الشاور وملابسك خذ لك شاور ترتاح فيه بعد هالتعب والغداء والحلى جاهزين متى مابغيتهم ، خلي بخورك دايم شغال عطرك لاتغيرينه عشان يصير يمزيه يميزك بعدين من ريحتك بالمكان وريحه عطرك تعطري بانواع ثانيه عادي بس خليها اوقات عزايم مناسبات كذا يعني بس خلي لك عطر مُميز دايم تعطري فيه بوجوده وخلي بيتك ريحته هالعطر وبخور مُميز واذا شفتيه يشتغل اشغال دوامه بالبيت امسحي على كتفه تدلعي له قولي يعطيك العافيه ياروحيّ ، ماتقصر ، مانحرم منك يارب ، جيبي له قهوه حلى وضحي اهتمامك وحُبك له الرجال يحب الاهتمام ويحب النظافه ويحب يسمع كلمه حلوه تحسسه انه فوق الغيم حسسيه انك ماتقدرين بدونه مو ماتقدرين مره لا بس قولي لاعدمتك ، ماخلا منك يارب ، لاحرمني ربي حسك ، وكل شي يسويه حسسيه بانك فخوره فيه بكل إنجازته حسسيه انك وراه وساندته دايم اهتمي دايم فيه وغيري شوي ، يعني يوم اطلعي له بفستان ، يوم بتنوره وهاكذا وتدلعي وتغنجي عليه زوجك ويُستحق ، خلي طلتك هاديه عطرك لاتغيرينه شاوريه استشيريه باشياء مثلا ملابس لك ؟ قولي حبيبي شرايك بذا تحس يلوق علي ، او ياروحيّ شرايك بهالبدله ، او طلعي بدله مُميزه قولي حبيبي شرايك حلوه ؟ واذا عاتبك مثلا انها كاشفه او قصيره تدلعي وقولي بلبسها لك مايصير وخليك هاديه كلامك بصوتك ماقول صيري رسميه لا بالعكس زوجك صديقك سندك حبيبك مثلا خلي يجي يوم ورتبي وسوي اجوا حلوه رومنسيه او مثلًا رتّبي القعده ونقي فلم رومنسي وسناكت وقولي حبيت اغير لك جوك شوي وترتاح شوي منّ الشغل لاحرمني ربي حسك وتدلعي عليه
إبتسمت إيناس :احبك ياحلى أُم
ابتسمت وعد:يالله روحيّ اكيد بيجي الحين من الدوام !
ابتسمت وقبلت خدها وطلعت ، ابستم خالد ودخل عند وعد من طلعت:مبتسمه ايناس يوم طلعت
ابتسمت وعد بدلع:يارب دوم
أبتسم خالد وتمدد وسند راسه على صدرها بتعب ، ابتسمت بدلع وهي تلعب بشعره:بسم الله عليّك ياعيوني تعبان؟
ابتسم:دلعك جايبني من اقصاي
ابتسمت بخجل ودلع:لك مو لغيرك
ابتسم وقبل نحرها بهيّام:شسويتي فيني؟
ابتسمت بدلع:امم سحرتك
تنهد بحُب:راضي والله دام هاذا السحر............
دخلت ايناس وشافت باقي ثلاث ساعات على رجعته المُعتاده وابتسمت:معي وقت اشوا
وفعلًا سوت البشاميل الي يحبها والسلطات الي يحبها ونظفت المطبخ وشغلت البخور بخرت كل البيت وخلته على الطاوله الي بين المطبخ والصاله ، دخلت خذت شاور على السريع وطلعت لبست فُستان أبيض ناعم ريفي يوصل رُكبتها وفيه كسرات ونص كُم والكُم من فوق فيه زي الزبركشه والخزف والنفشه الحلوه استشورت شعرها وخلته ستريت وكان يوصل لنص ظهرها وجلست تتعطر بعطر ومسك مُعينين ، بالشركه دخل الياس مكتب ابوه:يصير اكلمك؟
ابتسم سلطان:اكيد مويضيع بيننا تعال
ابتسم وجلس وتنهد بحيره:يبه حيره حيره!
سلطان بابتسامه:بوش؟
الياس:ياخي يبه ايناس غريبه غريبه جدًا يوم تضحك ويوم زعلانه ومكشره يوم تتدلع يوم مطنقره تعببت والله ماتهتتم فيييني ابدًا ماتخليني اتكلم معها واذا تكلمت زعلت وطنقرت عجزت يبه عجززت!
سلطان ابتسم:يمكن ماعرفت لك انت ؟ يمكنك ماتسمع لها عشان كذا ماتسمع لك ، يابوك الحريم كلهم يحبون يتكلمون ويرتاحون يحبون احد يسمع لهم بانصات ويساعدهم يحبون يحسون ان الي معهم رجال ولا استنقصك يعني تقدر تتكل عليك وتعتمد عليك تقدر تفضفض لك تبكي بحضنك يحبون من يهتم بتفاصيلهم وادقها يعني مثل العطر ابسط شي قل مثلًا مغيره عطرك؟ او الشعر قل لها مسويه تسريحه جدديده ، بتطير من الفرحه البنت تحب من يهتم لتفاصيلها وادقها تحب من يشاركها كل كبيره وصغيره تحب يكون عندها رجال ولا استنقصك تحب رجال يعطيها اهتمام رجال يدلعها الحين وش تبي تخسر مثلًا لو تغيبت عن عملك يوم عشان تجلس معها تقول بخاطري أجلس معك دلعها لاتناديها باسمها كثير حبيبتي حياتي عمري أي لقب ترتاح له وتحبه هيّ ناديها فيه دلعها اهتم بتفاصيلها ترا البنت تحبب احد يهتم بكل شي يخصها ويلاحظها واذا جت وشاورتك عطها رايك بكل صدق وامدحها امدحها على كل شي اذا ذقت طبخها ماتدري يمكن بعز تعبها واقفه وطابخه لك عشان اذا رجعت تلقى لك اكل احضنها قل جعلني ماخلك منك ، يمنى ماتمسها النار يارب ، سلمت يدينك ياروحيّ وامدح طبخها امدح شكلها امدحها هيّ وش بيظرك لو جبت لها هديه بسيطه والله لو تجيب لها بسكوت من البقاله على طريقك ان تطير فرحه انك فكرت فيها وجبت لها ليه ماتجيب لها اكسسوارات ذهب ؟ قطعت ملابس ؟ خاتم ؟ اي شي تحبه وقل شفته وتذكرت حبيبتي وقلت هي الي تحليه يزاهك ياعيوني ، دلعها ودللها احتويها احتويها ، البنت تحب من يحتويها ويدلعها وخص بهاك الموضوع وانت ادرى وش اقصد انت تشوف الونَا الحين كيف اذا اهتميت فيها ودلعتها يومها كله تكون مبسوطه وكل شوي تذكرنا وش سويت لها ، فضفض لها بس تكلم لها وهي بتتكلم لك وتفضفض لك حسسها انها اغلى شي بحياتك وهي اغلى شي بحياتك صدق بس بين لها وضح لها خلها اذا تكلمت معك تكون مرتاحه وواثقه فيك انك بتساعدها خلها واثقه انك مابتستهزء فيها او تطلع مشكلتها وتعلم فيها فلان وعلان ابدًا مثلًا شفتها ضايقه ولاقلت لك شي وانت بتطلع دق على خويك واعتذر وقلها بالصريح بجلس مع زوجتي اليوم خلها تحس انك ملاحظها ومهتم فيها زين يابوي ؟
ابتسم الياس وقبل راسه:ابشر
ابتسم سلطان:والحين ارجع يالله
الياس:شغ...
سلطان:اعتذر عشان زوجتك!
الياس بوهقه:سم
ضحك سلطان:وذا واقع لازم تقوله لاتحجج بشين وتتركها
ابتسم الياس:لو شي ضروري؟
سلطان بابتسامه:مافي شي اهم من زوجتك ولاشوفك مزعلها يا الياس خذتها من بيت ابوها معززه مكرمه مدللة غرقها ترف ودلال زايد
ابتسم الياس ووقف:فمان الله
ابتسم سلطان براحه ودعى لهم من كل قلبه وكمل شغل ، راح الياس وجاب عقد هديه لها معه ورجع البيت ، استغرب عدم وجودها ، ابتسمت وطلعت من سمعت صوت الباب وحضنته:لاحرمني ربي حسك كيفك حبيبي عسى ماتعبت كثير اليوم
ابتسم وهو توه يلاحظها فعلًا ومد الكيس لها:هديه بسيطه لك
ابتسمت بدلع وحضنته:ياحبيبي انا الله لايحرمني منك
ابتسم وحضنها:احبك
ابتسمت بخجل ودلع:وانا
ابتسم الياس وهو يطالع جمالها وطلتها الهاديه ، ابتسمت بدلع:حبيبي جهزت لك الشاور روح وارتاح وطلعت ملابسك وبخرتهم وتعال عشان العشاء جهِز
ابتسم وحاوط خصرها:مابي غيرك
ابتسمت بخجل ودلع:مافهمت؟
الياس شالها بحضنه بابتسامة:أحبّك
ابتسمت بدلع وخجل ودفنت راسها بصدره تعبيرًا عن خجلها ، ابتسم وتنهد بحُب وقفل الباب وراه..........
قُرابه الساعه2 اليل ، صحى وليد على اتصالات ورد بخوف:هلا
أنهَار ببكي وهي تشوف سيّاف طايح بدمه وتاتاءه:سيّاف سيّاف
وليد بخوف وقف ولبس ثوبه:شفيه سيّاف!!
أنهَار بدموع وتاتاءه:رموه وليد تكفى تعاال بسرعه
وركض وصادفه سلطان ، سلطان بخوف:شفيك مخترع!
وليد بخوف:اعجلو تعالو رامين سيّاف
سلطان بصدمه:خطيب أنهَار!!
وليد وهو يركض:صح العيال وبلغ بسرعه!!!!
وحرك بسرعه لهم وسلطان راح يصحيهم ، اصايل وهي تهدي انهَار بخوف:انهَار هدي بيصير بخير معليك طبقيي الاسعاف الاولي على مايجي الاسعاف سريع
أنهَار وهي منهاره بكي بتاتاءه:سيّاف
سيّاف كح بتعب وتاتاءه:والله بخير هدي
اخذت اصايل السلاح من سمعت صوت سياره واشرت على الباب وفتحته نزلته من شافته وليد ،وليد بتوتر:وش صاير !
وراح عند سيّاف :تسمعني؟
سيّاف كح دم وتاتاءه:بخير أنهَار اهدي
أنهَار كانت ترجف وتدمع بصمت ، كانت جوالتهم تدق من نَواف وموج الي قلقو لانهم ماردو ، جا الاسعاف وقت وصول سلطان والباقين وكانو منفجعين من شكل الدم والاسعاف من جا وشال سيّاف صرخ المُسعف:اطلبو وحداات دم زيااده وخلهم يجهزون العمليااات!
انقبض قلب أنهَار اكثر وطالعت اصايل بدموع وتاتاءه:عمليات!
اصايل وقفتها:خلاص! مابيصير شي !
دفتها وركضت ركبت مع الاسعاف ، جا تركي الي كانو مقفلين عليه البنات فوق ودوره خالد وفتح عنه ، تركي وهو يبكي ركض وحضن أصايل:وش صاير
اصايل بحنيه:ولاشيء معليك
سلطان بخوف:وش صاير اصاايل!
طالعت تركي:تروح تجيب عبايتي ؟
ودخل يجيبها ، اصايل طالعته:جا واحد ويهدد ورمى سيّاف وهرب
خالد بخوف:ايه منهوو!
أصايل:شعرفني انا!
وعطاها تركي ، وليد:امشي اوديك انا بس ترا بيصير تحقيق وشرطه
اصايل بسخريه لبست عبايتها:انهَار كبرت بين بجدران المستشفى وانا كبرت بين جدران الحبس تركي تعال
وحضنته بخوف ولين ماركبته وجلست طالعت تركي:تمدد
وتمدد وحط راسه بحضنها:ليه كل ماركبت سياره خليتني اتمدد ؟ ابي اجلس
جلست تلعب بشعره بصمت وتطالع الشباك وحركو وهم مصدومين واوجعتهم قلوبهم من فهمو ليه تخليه يتمدد مايجلس ، وصلو المستشفى وكانت أنهَار بحال مُزري وتبكي ومحد قدر يهديها ، جو تيّم وليان مرعوبين ، حضنت ليان أنهَار الي تبكي:ششش هدي شصاير ؟
أنهَار ببكي وتاتاءه وشرح:حط سلاح براسي بس رمى سيّاف بسببي!!!!! سببيي!!! سبببييي!!!!
خالد تنهد:مكتوب يابوي خلاص هدي
جا ابراهيم المرعوب وطالع اصايل:قلت لك ولا ماقلت لك!
وقفت وضحكت بسخريه:يعني السبب انا؟
ابراهيم بخوف :شصار؟
اصايل بعصبيه:مالك دخل سامع مالك دخل ولعلمك كل هالي حنا فيه بسببك وانت المسؤول الاول والمؤلام الاول ساكته عشان ابوي وبس لولا ابوي مبطي بالسجن مبطي!!!مرض ابوي مكتوب وزاده انت التهديييد الي من عشريين سنه يوجع قلب ابوي يوميًا بسبببتك اااانت!!! انهَار ماكملت جاااامعه بسببببتك انت!!! كبرت أنهَار بين جدران المستشفيات لدرجة كل الدكاااااتره يعرفوننها ويعرفوووونااا !!!! كبببررت بين جدران الحبوس والسجن بسببببتك انت واخوااانك الي كل يوم متبلين علينا بشيء ولا معترضيييين اخواااني !!!!!! موج اهمل دراااسته ولاتزوووج بسبببك اااااانتتت !!!!!!! ابوي كل يوووم ينام ويده على قللببببه ماهو ظامن بكراااا وينتظرك تساااامحه !!!! يانساااااان!!!!! يااااادمي !!!! يا اااااب !!!!ذااا وهو وولدك وعياااله!كيف لو غرررب ؟!!؟!!! كيييف وشفنا اساسا سيّاف تصااااااوووب بسببببببتك ااااانت مو غييييرك انت الشخص المسؤول الاووووول عن كل ذااا!!!! كل الي حنا فيه ومرينا فيه انت المسؤوووول عنننننه!!!!! وتجي بكل وساعه وجهه وتقول بسبتي ؟؟؟
مسكت ليان يدها:تعالي معي
وسحبتها غصب وهي معصبه وكانت اساسا ماتهدى الى اذا احد طلعها برا، تركي بكى وطالع انهَار:يعني بابا تعبان بسبب جدي وسيّاف تعبان بسبب جدي وموج متضايق بسبب جدي وانتِ تبكين بسبب جدي ؟
مسحت دموعها بابتسامة مُزيفه وحضنته:اذا رجعنا بلعب معك سوني اوكيه؟
تركي وهو يبكي:قولي الحقيقه
ابتسمت ابتسامه مُزيفه ومسحت دموعه :ولا تبي تروح مع تيّم للحصان؟
تيّم بتلطيف للجو:لا باخذه معي ونلعب واجيب فيصل بعد
راح ببراءه وحضنه:احبك مره مره
ابتسم تيّم:تعال معي
طالعه وهو يمشي:وين بنروح ؟
تيّم:في العاب تحت تبي نلعب؟
تركي بفرحه:تمام بس مانطول عشان مانخلي أنهَار وحدها
ونزلو ، وكانت تدمع بصمت ، حضنها سلطان:خلاص ارحمي نفسك مابيصير شي باذن الله من الي صاوبه؟
أنهَار بدمع:ماعرفه
فِراس:ماقد جا البيت؟ماقال شي؟
هزت راسها بنفي ودمع:ولاشي حتى سيّاف مايعرفه اول ماجا سئله ولا رد كان مُصر يكلمني وحسبناه للشركه وطلعت بس سيّاف كان معيّ ماشفنا السلاح مدري كيف مدري
مد هتَان جوالتهم:تدق من اليوم
شافتها ونزلتها بدون لاتقفل شي ، سلطان بحنيه:قلقانين عليكم ردي
هزت رأسها بنفي:اذا طلع سيّاف
اول ماتكلمت طلع الدكتور:اهل سيّاف؟
وقفو كلهم ، الدكتور:الحمدلله الاصابه جت تحت الكتف تقريبًا ولاتاذا القلب وانسجته والرئه ماتضررت نهائيًا لحسن الحظ بمكان فارغ تحت الكتف
بكت براحه ، حضنها خالد بحنيه:شفتي قلت لك
فِراس:متى بيطلع وهل يقدر يحرك يده زي اول ولا لا؟
الدكتور:اي اي بس لازم تكون مربوطه فتره ولايحركها عشان الجرح الي سببته الرصاصه يلتأم ولازم يجي كل يومين هنا نغير له الشاش
جت اصايل:كيفه؟
وحكوها ، طالعت انهَار:قلت لك بس عنيييده!
أنهَار بصوت واضح فيه البكي:ردي على موج قولي نايمين
خذت الجوال وبعدت ، وقصرت صوتها:هلا موج؟
تنهدو براحه ، موج بخوف:وينكم ماتردون من اليوم!
أصايل بصوت خافت:كنت ارتب غرفتي ونزلت لقيت تركي وأنهَار نايمين عشان كذا ماردو
نَواف بقلق:صوريهم لي
أصايل بوهقه:ليه افا ماتثق فيني ؟
نَواف بتعب:امنتك بالله يا اصايل تقولين وش صاير!
تنهدت:طيب ترانا بخير لاتتوترون جا واحد وطق الباب وفتح سيّاف وكان مُصر بيتكلم مع أنهَار ونحسبه موضوع يخص الشركه نزلت ماعرفته حتى هيّ فجاءه طلع سلاح وثبت أنهَار وبطريقه مدري كيف بسرعه سحبها سيّاف حطها ورا ظهره وذاك رمى سيّاف تحت كتفه فوق قلبه انهَار من الخريعه دقت على وليد اخوك بابا وجو وجا الاسعاف وشالو سيّاف الحين بخير طلع الدكتور وقال ماتضرر القلب وانسجته والرئه ماتضررت وجت الرصاصه بمكان فارغ تحت عظمه الكتف والحمدلله سليم ويده يقدر يحركها زي قبل وافضل
نَواف انقبض قلبه بتعب:موج تر...
اصايل:لالالا والله مايحتاااج يبه مايحتااج خليه عندك افضل ونتطمن افضل وبعدين مايخلي ماما وحدها بعد
موج بخوف:انهَار؟سيّاف؟كيفهم؟
اصايل:انهَار مثل اسمها منهاره بكي وتلوم نفسها والحين عمي خالد وسلطان ووليد يهدونها
سَلاف بخوف:تركي؟تركي وينه!
اصايل ابتسمت تشوفهم جاينها:خذاه تيّم يلعبه تحت يبعده عن ذا الاجواء وهاذا هم جو
ركض تركي بفرحه:تكلمين بابا!
ابتسمت:اي تبي تكلمه؟
وخذا الجوال بفرحه بريئه وهو يقول له وش سوو عمامه ووش جابو وكل شي بعدين عطى الجوال اصايل ، نَواف بتعب:اصايل
ردت:هلا
نَواف بتعب:ابوي قال لكم اجلسو؟
اصايل:أي ورفضت
لفت لصوت ابراهيم وراها،ابراهيم بحنيه:اقدر اكلمك؟
اصايل طالعته:بخصوص؟
ابراهيم بحنيه:تكلمين نَواف؟
اصايل:اي
ابراهيم بحنيه:عطيني
استغربو وعطته ، أبراهيم بحنيه:اخبارك يابوي؟
انهمرت دموع نَواف بتعب وشوق لهالكلمه:بخير بخير دامك بخير
ابراهيم جلس على الكراسي من جته دوخته ودمع بحسره:طمني عنك شوقعك شوقع ام تركي وموج؟
نَواف ابتسم وسط دموعه ومسك خد سَلاف الي تدمع بصمت:بخير
ابراهيم ابتسمت ومسح دمعته:راضي عليك من جيتك الاوله من قلت بتخطب
وقال له الحكايه كامله ، ابراهيم بحنيه:ابي عيالي يجون عندي اامن واريح لهم ويكونون عندي اتطمن عليهم
نَواف مسح دمعته بابتسامة:عياالك يبه ولاتشاورني
ابتسم ابراهيم وطالع اصايل:قول أصايل ثاني ماتثني كلمه ابوها ولاترجع برائيه كيف ربيتها يابوي؟انشهد انها عن الف رجال
اخفت ابتسامتها وهي من داخلها مبتسمه ومرتاحه وهي تسمع صوت ابوها مرتاح ومبسوط ، نَواف ابتسم:بنت ابوها جعلني مابكيها اي بالله انا أقنعها ماعليك
ابراهيم قصر صوته:مويضيع خطبتهم؟
نَواف بتعب:مايبنه يبه مايبنه معيات لين اجي
ابراهيم:باذن الله يالله يابوك فمان الكريم بنروح نتطمن على سيّاف وننكس البيت
نَواف ابتسم براحه اتجحت داخله:فمان الله
وقفل عطاه اصايل الجوال بابتسامة ومشى ، ودخلو سوا من نقلوه الغرفه بعد الافاقه بعد ماصحى من البنج ، تركي راح وحضنه بشويش وهو يدمع:انت بخير؟
ابتسم سيّاف وبعثر شعره:افا ليه تبكي؟
تركي بخوف:لاني سمعت
ابتسم سيّاف بتعب يخفيه:معليك شوف مافيني شي وعادي
كانت انهَار معطيته ظهرها ودافنه وجهها بصدر وليد وتبكي بصمت ، مسح وليد على ظهرها بحنيه:شوفيه بخير مافيه شي هدي يابوي
وسلمو عليه ، ابراهيم ابتسم وجلس جنبه:مشكور كيف نوفيك حقكك؟
سيّاف جا بيقوم وجلسه ابراهيم:ولاهو بينا هالكلام ياعم وانهَار لو تبي عمري كله فداها ولو رجع بي الزمن انصاب عشانها
ابتسم سلطان:اهلك؟
سيّاف:بلغتهم
وكلام كثير ، فضلو ابراهيم وعياله يطلعون شوي يخلون انهَار تتكلم معه براحتها ومن طلعو ، جلست جنبه على السرير وهي تدمع:ليه سيّاف ليه عورت قلبي مره
سيّاف بضعف لدموعها:طالبك لاتبكين راعي اني ماقدر أحضنك
أنهَار مسحت دموعها:يعورك؟
ابتسم بحُب:أحبّك
ابتسمت بخجل:جدي مسامح بابا تدري؟
ابتسم بواسع ثغره:في ذمتك!
ابتسمت:والله تو كان يكلمه وانه يبينا نرجع معه
ابتسم:يعني مابكون عندكم
ابتسمت بخجل:سيّاف دق علي كل يوم زين
ابتسم وهو يشوف خجلها:وانا ماصبر بدونك اكيد بدق عليك كل يوم واكلمك حُب حياتي كيف اصبر بدونك
ابتسمت بخجل:أحّبك سيّاف مره أحبّك محظوظه فيك!
تنهد بحُب:الله يكتب النصيب بيننا باسرع وقت ماعد اتحمل
ابتسمت بخجل ووقفت من سمعت طق ودخلو اهل سيّاف ويحضنونها ويتحمدون لها بالسلامه وتعتذر منهم ويهزئونها ، دخلت اصايل:انهَار بنمشي تركي نام
ابتسمت وقبلت راس ام سيّاف:استئذن
مسحت على كتفها ام سيّاف برضى:الله يحفظك وين مارحتي
ابتسمت وطلعت وسيّاف يطالعها بابتسامة ، طالع ابوه:يبه كلم عمي نَواف خل نخطبها!
ابو سيّاف:سالفتهم انحلت؟
سيّاف:ايه
ام سيّاف بخوف:لايجلسن لحالهن
سيّاف:لا جدهم وعمامهم بياخذونهم
ام سيّاف باستغراب:اي صح هم شدراهم؟
سيّاف:انهَار من الخريعه دقت على وليد يصير اصغر عمامها وجو كلهم
بالسياره ، اصايل سندت راسها على كتف أنهَار بهدوء:بتملكون؟
أنهَار وهي تطالع الشبك:لا
سلطان الي يسوق:ليه يابوي؟
أنهَار وهي تطالع القمر:بدون ابوي وامي لا
وصلو البيت وكانت الساعه4وجلسو بالصاله وطمنو الباقين ، ابراهيم طالع انهَار:اذا افطرتو وريحتو روحو مع واحد من العيال وجيبو اغراضكم
اصايل طالعته بجمود:شهالثقه الي عندك؟
ابراهيم ابتسم بهدوء:دايم ترعدين ماعمرنا شفنا مطرك
اصايل ابتسمت بجمود:عزه ضما ولا سحابه مذله
غمضت عيونها انهَار وايقنت ان اصايل بتدخل بحرب شعر حاليًا ولاتقدر تسكتها ، ضحك وليد:من تنهيده انهَار واضح اصايل وصلت معها مشكله
ابتسم ابراهيم وهو يطالع اصايل:الدرب خليّه سمح لاتزرعين الشوك يمكن يجيك يومً وتمرًٍ فيه حافيه
اصايل ابتسمت بجمود:درب مايعز ممشاك اقصر خطاك عنه
وليد:احس بتصير هوشه
ليلاس بابتسامة:واه شعر! غششيني!
طالعتها بلُطف:ماعرف له
ابتسم ابراهيم:هاك تعرفين الجمتي شاعر قبايل قدمي تنازلت شوي
طالعته بابتسامة تسليك:كثر العطاء يورث الحسايف ولا يولد متعب؟
ضحك بلعو صوته وابتسمو من سمعوها ودرو انه سامحهم:الا يابنت نَواف
ابتسمت بفخر:والنعم بنَواف وبنته
أبراهيم بأبتسامه:ولاقلنا شين والنعم فيهم
طالعت جوالها يدق وميلته لانهَار ، اشرت لها انهَار بمعنى عادي ووقفت طلعت برا ، كان الكُل ملاحظ احترامهم لـ انهَار ولايطلعون عن شورها ويسمعون كلامها ، ليلاس جلست جنبها:كُلي اذان صاغيه غششيني كيف اخلي هالدبج يحترموني !
وليد:اكبر منك!
ليلاس بقهر:كلزق!-طالعت انهَار بتهديد زائف-غششيني ولا بعلن الحرب
رفعت يدينها بمزح:استسلم
ليلاس بخفه حطت يدها على قلبها:اويل حالي والله انا الي استسلم ااخ قلبي يحب البنت
وانهارو ضحك ، ضحكت انهَار:وش أغششك فيه
ليلاس اشرت على اخوانها:كيف اخليهم يقدرون الاخت الصغيره ويسمعون كلامها؟؟؟؟؟؟
انهَار:مدري اذا تعرفين غششيني
ليلاس بصدمه:وش تبين زود ماشاءالله مايطلعون عن شورك ورأيك وكلمتك
ابتسم تركي وحضن أنهَار من ورا:عشان انهَار أُمنا الثانيه
ابتسمو بحُب ، ابتسمت ليلاس وحطته بحضنها:كيف أُمكم الثانيه؟
تركي ببراءه:عندنا أُمين اُمي سَلاف وماما أنهَار اذا بابا تعب تروح أُمي سَلاف المستشفى معه ويطول كثيييييير وماما أنهَار تهتمّ فينا كلنا وتودينا وتطلعنا وتوكلنا حتى تروح معي المدرسه وتهزء المُدرسين الي يهاوشوني وتصحي موج للدوام وتسوي شغل بابا كله وتسوي لنا اكل وترتب البيت وتونسنا وتلعب معنا واصلا أنا ادري انها بتتزوج سيّاف وبعدين تروح بس هيّ ماتبي عشان ماتخلينا تدرين ليه
ابتسمو كلهم وهم يستمعون ويتاملون أنهَار المُبتسمه وتطالع تركي ، ليلاس بابتسامة:ليه؟
تركي ببراءه:عشان تخاف أصايل تتعب وهيّ مو فيّ وتخاف اني ماروح المدرسه ولا اكل زين وهيّ مو فيّ وتخاف تخلي شغل بابا ولا تسويه صح بدون المكتب وهيّ مو فيّ حتى موج يوم سوا حادث كانت تسوي شغل موج وتقول لمديره انه موج إليّ مسويه عشان كذا هيّ اُمنا الثانيه ونحبها حيل حيل واساسا سيّاف جدًا محظوظ اذا ماما أنهَار تزوجته تدرين ليه؟ لانها ماما أنهَار وحده محد زيها ابدًا
ابتسمو كلهم ابتسامه كبيره على مُحياهم ، وقف بابتسامة وحضن انهَار:انا احبك مره مره مره
ابتسمت وهي تخفي غصتها ودموعها:وانا احبك مره مره مره ياحلى تروك!
ابتسم:عادي اقول طلب؟
ابتسمت وطالعته:شنو؟
ابتسم ببراءه:ابي وقت زياده بالسوني
أنهَار بابتسامه:لا
ابتسم تركي وفهمها: I want extra time to play Sony.
ابتسمت :تمام
وليد:ياخفيفه اثبتي على كلمه!
ضحك تركي:هي خفيفه مره بس اذا قلنا شي بالانقلش توافق
انهَار:انا خفيفه ها؟
ضحك وهرب وضحكو الموجودين ، ليلاس ضحكت:مره ماتغيرين كلمتك واضح!
ضحكت أنهَار:عشان يمتلك لُغه من بدري اساسًا بمدرسته عنده كلاسات انقلش وبرا المدرسه كلاسات الماني وانقلش
هتَان وهو يفصفص:اح الله يعينه!
ابتسمت:يشوفنا نتكلم الماني وزعلان يبغى الُغه ودخلته كلاسات مع كلاسات آنقلش لان مدرسته متشدده مره
سلطان باستغراب:اي يقول هزئتي مدريه مدري ايش؟
انهَار:ماسكينه مجموعه بالصف ويتنمرون ويطقطقون والمُدرس ضاربه لانه يتكلم انقلش بـ اكسنت ايطالي افضل منه
ايناس بصدمه:خير وسيع وجه ذا!!!
جت اصايل:من هوشه؟
انهَار:بربطك والله!
وانهارو ضحك وحكتها ، اصايل:ايه يحول فقعت عينه
وانهارو ضحك بصدمه ، فِراس بصدمه:عينه عينه!
ضحكت انهَار:مبدوله والله بغت تضرر قرنيه عينه وهي طايحه فيه تصفيق
أصايل:والله بخاطري للحين اصفقه بس ماش
ليلاس تحمست وجلست تفصفص:اي وش صار بعدها!
اصايل:كالعاده خذوني الحبس وجا تيّم الواسطه
فِراس:اي ظامنه الطلعه!
ضحكت:اي الصدق
وانهارو ضحك ، هتَان وهو يفصفص:وش صار؟
انهَار:ولاشي يُذكر
اصايل:كذابه رايحه هيّ وتيّم يهدوون ذاك المُعلم
انهَار:نتعلم منك أستاذه اصايل
وضحكو الموجودين،خالد:عن المزح المعلم ماصار له شي؟
انهَار:لا فصلته ونقلت تروك مدرسه خاصه
نرجس وهي تشرب شاهي:يعني سوري على التدخل بس شغل نَواف ايش بالضبط وكم دخله وكيف انتو تكملونه عنه مافهمت شي ؟
أنهَار:تصميم وبناء داخلي عقار وكِذا
أصايل:يعني تعطيني الحين ارض والمساحه كم وارسم لك حسب المساحه الي ودّك مجمع بيت فله الي تبيّنه انتِ
أنهَار:او مثلًا تسلمينا مكان بيت عماره فله مجمع وتقولين التصميم كله عليكم طبعًا تكونين سبق وشايفه التصميم الي نفذناها او الكاتلوج وتختارين الي ودّك او تشرحين لنا وش ببالك وحنا نرسم رسم اولي ونوريك اياه
اصايل:اذا الدخل مو ثابت
سلطان بعدم فهم:شلون مو ثابت؟
انهَار:على حسب الشي الي نشتغل عليه وعلى حسب المساحه وعلى حسب المبلغ المصروف فيه
نرجس:طيب مثلًا بيت دورين مساحته اكثر من5
انهَار بتفكير:المساحه بشكل كُليّ 20 تقريبًا
اصايل:لان البويا الاثاث كل ذا والاساسيات المؤهله للسكن بهالمكان كلها علينا فا عشرين رخيص
نرجس :والله حلو
ايناس:حلو حلو بس ماتوقع دايم؟
انهَار:بالضبط عشان كذا كل شي يروح للشركه ومن الاحصاء والفرز والاسعار ونشوف المساحه كل ذا له مبلغ وشغل اليد له مبلغ والتصميم له مبلغ والتنفيذ له مبلغ
هتَان وهو يفصفص:والله لوني داري درسته اسرع من العسكريه
خالد بابتسامه اعجاب:حلو والله وانتم وش تسوون بالضبط خلي نَواف انتم وموج؟
أصايل:انهَار الاداره العامه والرسم انا التنفيذ بشكل تقريبي احسب المساحه وكل شي يخص التنفيذ موج اشراف عام ومساعد الادارة العامة
ابراهيم باعجاب:والله حلوه ماشاءالله
سلطان:وش شركتكم؟
اصايل:^^^^
شرقت ألونَا:خير غش خذو الصفقه منييي!!!!!
وانهارو ضحك ، اصايل ابتسمت:اييه حياتي لازم تحسبين الف حساب لعيال نَواف
الونَا غمزت:اقعد يالنرجسيييه
انهَار:بتغتر الحين
رجعت شعرها على ورا بغرور:اصايل نَواف يحق ليّ ولايحق لغيري
جا تركي وجلس عند أنهَار بابتسامه:مُمكن طلب
اصايل ضحكت:يالله ركزو وشوفو الخفيفه بتوافق على طول وعذرها قلبها مايقوى ترده
انهَار طالعته بابتسامة:شنو؟
تركي ببراءه ووجه شبيه لـ[🥺] : يصير اروح عند سيّاف وفيصل ؟
أنهَار عقدت حواجبها:ليه؟
تركي ببراءه:يعني يمكن فيصل متحديني؟
ضحك وليد:على ايش؟
تركي بغبنه:الحيوان فاز عليي بفيفا وبروح وامسك يده طافيه وسيّاف يلعب بدالي بس بدون لايدري
وانهاروا كلهم ضحك ، ضحك ابراهيم:واثريكم تخططون ها؟
أنهَار ضحكت:طيب انت تعرف تلعب
تركي طالعها:ياخي اهزمك بسهوله ماتعرفين
ضحكت بصدمه:يجي منك اكثر
وضحكو الموجودين ، تركي بترجي:تكفين انهَار وعد انام بعد صلاه الفجر واصحي الظهر واجي والله
انهَار غمزت:من بيوديك؟
ضحك بوهقه:فيصل برا مع ابوه
أنهَار طالعته بصدمه:وتوك تجي تستاذن!!
ضحك سلطان :الولد مخطط وخالص جاك عشان الضمير
وضحكو الموجودين وطلعت انهَار معه ، ضحكت اصايل:وهاذي هي دايم يتحايل عليها وتوافق
ضحك وليد:وانتِ مثله ماتقصرين
أصايل بنُكران:من قال ؟ جب دليل !
ضحك خالد:كلامك هاك اليوم وعويناتك تكفي يابوي
اصايل ابتسمت بوهقه:عادي عادي
وضحكو الموجودين ، جت وجلست:وكالعاده تحايل علي يجلس يوم كامل
وانهارو ضحك عليها وراحو الرجال للمسجد يصلون ، تُقى بحنيه مسكت يد اصايل:ماني جابرتك بس جدك غلط وفهم غلطه سامحيه
اصايل طالعتها بلُطف:مُستحيل-ووقفت-عن اذنكم
وطلعت ، انهَار تنهدت:أصايل صعبه صعبه صعبه ماترضى بسهوله ولا تسامح بسهوله ابدًااا الله يهدي النفوس
:امين
بعد مرور شهرين كانو عند ابراهيم مارجعو بيتهم ويكملون ابوهم يوميًا ، بعد شهرين ، الجمعه ، العصر ، أنهَار بتوتر لفت لـ اصايل بصوت خافت:امي ردت؟
اصايل بدت تتوتر معها بصوت خافت:لا حتى جوال ابوي الثاني محد رد عليه
وليد لاحظهم:اصايل انهَار فيكم شي ؟
أنهَار بتوتر:ها ؟ لا
خالد لاحظهم:واضح ترا شفيكم؟ نَواف فيه شي؟
أنهَار بتوتر وضح:مايردون من امس
سلطان حاوط اكتافها بحنيه:يمكن ما انتبهو
انهَار بتوتر:لا مُستحيل اساسا اذا دقينا حتى لو نايمين يردون علينا
تركي جا يركض بفرحه:أنهَار سريع سريع
طالعته بتوتر:شفيك!
سحب يدها وركض وهي معه ولايرد عليها توترت اصايل ولحقتهم وطلعو وراهم ، جمدت اصايل مكانها وشهقت ، طالعو الي تطالعه وابتسمو ، أنهَار نزلت دموعها بشوق:بابا
ابتسم نَواف:عيون ابوك
وفتح يدينه وركضت حضنته وهي تدمع:خوفتني خوفتني ليه ماقلتو ليّ
نزل ابراهيم من السياره بابتسامة:انا قلت لهم
نَواف ابتسم وهو يمسح على شعر أنهَار:هدي يابوي هاذاني-وطالع أصايل وهو فاهم بنته-اصايل؟
تقدمت بخطوات ثقيله جدًا مثبته رجلها وركضت على طول حضنته ودموعها سبقتها ، عرفوا حجم حُب اصايل لابوها من شافو دموعها الي اول مره يشوفونها ، حضنت انهَار امها:الحين اعتبك ولا احضنك؟
ضحكت سَلاف:كيفك ياماما؟
ابتسمت وقبلت خدها:بخيير ياعسلل!
موج تكتف:لي الله؟
انهَار تخصرت:يصير ادقكك؟
حضنها ودار فيها وهو يضحك:ياشيخه كلي فداك
ضحكت وحضنته:كيفكك
ابتسم وقبل خدها:بخير الحمدالله
تركي:اصايل نشبت بابوي
انهارو كلهم ضحك ، اصايل بصوت الغصه واضحه فيه بعدت مسكت يده:كيفك؟ يعورك شي؟ ليه ماقلت ليّ؟
ابتسم ومسح دمعتها:بخير يابوي ولا فيني إلا العافيه قلت اشوف مشتاقين لي ولا لا
ودخلو جلسو بالمجلس ، ابراهيم ابتسم براحه:بكرا العشاء زهبو اعماركم
نَواف ابتسم وهو يستعشر الايام :يـ...
ابراهيم طالعه:ماهب لك لام تركي!
سَلاف ابتسمت بخجل وحياء:ماتقصر وخيرك سابق بس...
ابراهيم:ماعندي بس مابس!
سَلاف ابتسمت بخجل:الي تبيه
تركي جلس بفرحه بريئه عند ابوه:بترجع مره ثانيه هناك؟
ابتسم نَواف وبعثر شعره:لا
اصايل طالعته بفرحه:جد!
ابتسم موج وعطاهم الاوراق وقرئوهم ودمعو بفرحه وحضنه ، ليلاس مسكت الاوراق:طيب ابي اصيح واحضنه ترجمو ليّ!
وانهارو ضحك وسط دموعهم ، خذا فِراس الاوراق وابتسم بفرحه:المختصر عمي تعافى من السرطان
كلهم فرحو وتحمدو له بالسلامه حتى سيّاف واهله دقو عليه وتحمدو له وتيّم واهله ايضًا ، تركي جلس بحضن ابوه:وش تبي اقول لك؟
ضحك هتَان:هلابي اثريك نقال علوم!
وانهارو ضحك ، ضحك نَواف:قل لي وش سويت بمدرستك
تربع قدامه وشمر عن اكمامه وبدا يشرح ، تنهدت أنهَار:غلطتي مخليتك مع فيصل وسيّاف
وانهارو كلهم ضحك ، ضحك موج:والله قلب درباوي الولد
ضحك نَواف وبعثر شعره:مالكم دخل بولدي كيفه
شمقت اصايل:ماش عود وارجع نَواف الي اعرفه
ضحك وحاوط اكتافها بحنيه:اعقب اتغير عليه
ابتسمت:غيرك يابعديّ
ابتسم وهو يطالع عيونها:اي وش سويتي مع الجامعه؟
بلعت ريقها بوهقه وطالعته كذا[🥺]: ايش معنى جامعه؟ اشرح لي ماعرف مُصطلح جديد!
نَواف عقد حواجبه وطالع انهَار:كملت ولا لا؟
انهَار بوهقه:لا وساحبه ملفها من سنتيين
طالعها بصدمه وعصبيه خفيفه:ليه!
اصايل بلعت ريقها بتوتر من عصبيته الي اول مره تشهدها وعقدت عيونه وحواجبه:مابي اكملها
وراحت ، وكان شايف الدموع الي تجمعت بمحاجرها ، موج تنهد:سجلتها بنوره مرتين وتروح وتسحب ملفها ولا ادري
انهَار:ترا عجزنا حتى تيّم وليان حاولو فيها ورااافضه
طالع انهَار:وين راحت؟
اوجعها قلبها انه مايدل ببيت ابوه:قسمنا
تركي وقف:اوريك ؟
وقف نَواف بتعب وضح بس مشى وهو ماسك يد تركي لين مادله ودخل:وين غرفتها؟
سمعت صوته ووقفت وجلست على التسريح تفرك عيونها بقطنه مُزيله للمكياج عساس تمسح مكياجها،اشر تركي:ذيك
وراح نَواف طق الباب ودخل ، طالعته بتمثيل:هلا سم
نَواف يعرف بنته واتجه وحضنها بحنيه:اعتذر عصبت عليك بس ليه يابابا ماكملتي ليه؟ وانتِ كنتي تسعيين تدخلين جراحه ليه؟ جبتي النسب والمعدل وليومك ذا مانسى فرحتك يوم انقبلتي تروحين تسحبينها ليه تهدمين حلمك وتهدمين حلمي بشوفتك خريجه ليه
بكت وحضنته وهي من زمان ماحضنته وفضفضت:تعبت بابا والله تعبت
جلس على السرير وجلست بحضنه وهي تبكي وكملت:تعبت اشوفك تتعب واشوف ماما تبكي كل يوم على سجادتها تعبت اشوف موج يدرس ويشتغل بنفس الوقت تعبت اشوف أنهَار تبكي وهي ترسم التصاميم تعبت اشوف تركي يكبر بين عايله مضغوطه ومشتته بكل جهه تعبت اشوف تيّم يحاول فيني اكمل واضحك وانبسط وانا مابي تعبت اشوف أنهَار كل يوم تتعلق بسيّاف وتحبه اكثر من اليوم الي قبله ولاهي قادره تجتمع معه تعبت اشوفك تعبان وطايح مهلوك تعببت من كل شي بهالحياه بابا والله تعبت معد لي خلق ونفس وشغف لشي نهائيًا
كان ضايق ان بنته كاتمه بقلبها وضاغطه على نفسها وحارمه نفسها حلمها وجلس يمسح على شعرها بحنيه:وهاذاني وقفت على حيلي وانهَار بتجتمع بسيّاف قريب وموج بيدرس بس وانهَار بتكمل وامك بتنام قريره العين مرتاحه البال وتركي بيكبر بين عايله صح واب ساندهم وبتجتمعين مع تيّم قريب وتكملين دراستك ومُستقبلك
بكت:مابي شي تعبت والله تعببت ابغا ارتاح بس ابغا ارتاح
ابتسم نَواف بحنيه:عندي لك شور
جلست ومسحت دموعها وبدت تهدا:شنو
ابتسم ومسك يدها بحنيه الارض كلها:تملكين انتِ وتيّم وتشوفون حياتكم بعد سنه قدمي على الجامعه وعيشي الحياه الي تبينها مع تيّم ووعد منيّ لك ولعايلتنا بنرجع اقوا من قبل وافضل من قبل وبنزف انهَار عروس لسيّاف ونزفك عروس لتيّم ونساعد موج ياسس نفسه ويقدم يخطب الي يبيها
هزت راسها بنفي:مابغا اتزوج الحين
ابتسم بحنيه وحاوط خدودها بين كفوفه:ملكه بس؟ عشان تقدرين تروحين وتجين وتطلعين وتنبسطين بالحلال؟ لاني مارضى احد يتكلم عن بنتي شرايك؟ كلمي تيّم واتفقو متى ماتبون حياهم الله
ابتسمت بخجل:من عيوني
ابتسم بحنيه:وبكلم سيّاف بالعشاء متى يبي الملكه ويملكون ويجهزون لزواجهم وانهَار تكمل جامعه بعد
ابتسمت:توعدني ماتتعب مره ثانيه
ابتسم:دامكم حواليني ماتعب يابوك
ابتسمت وحضنته:تعال نروح عشان بعد العشاء اوريك البيت
ابتسم ووقف وكانت محاوطه يده بابتسامة، شافهم وليد الي جاي من برا ومعه بنت:اصايل تيّم برا
وراحت هي ونَواف وسلم تيّم عليه وتحمد له بالسلامه ، نَواف لف لاصايل بحنيه وهو عارف خجلها:روحيّ يابابا بتكلم مع تيّم بموضوع
ابتسمت بخجل وراحت وهي عارفه وش بيتكلم معه ودخل المجلس هو وياه ، ابتسم نَواف وحط يده على كتف تيّم:وقفتك مع بناتي واخصهم اصايل عمري مابنساها واكثره انتظارك لرجعتي ورضى ابوي عشان تتزوجون وصبرك وتحملك كل هالمواقف اثبتت لي فعلًا انك بتكون خير زوج وخير صديق وخير سند لبنتي واقدر انام مرتاح البال وهيّ معك اسمع يابوك متى ماتبي الملكه حاضرين وتعالو بالوقت الي تبونه بس شور امك وابوك اوله
ابتسم تيّم وقبل راس نَواف وجلس:كل هالي سويته واجبي اصايل بيجي يوم وتكون على ذمتي وانهَار وتركي اخواني وابشر وسم وباذن الله اكون عند حسن ظنك اعذرني ياعم جيت اتحمد لك بالسلامه واسلم عليك وبمشي عندي استلام
ابتسم ووقف ربت على كتفه وهو يشوف حبه لاصايل الواضح:طلب اخير ياتيّم اصايل معيه تسمع لنا اقنعها تكمل جامعه اقنعها ولو خاصه انا ادفعها بس اقنعها
ابتسم تيّم:ابدًا هالموضوع خله عليّ وباذن الله الترم الجاي تداومه
ومشى بابتسامة، تنهد نَواف بابتسامة على حُبه الواضح ومشى دخل داخل ، ابراهيم شافه جلس:مشى ؟
نَواف اخذ فنجان القهوه من ليلاس:اي بالله
ابراهيم:ليه مالزمت!
نَواف وهو يتقهوى:عنده استلام
ابراهيم طالعه:اعزم ابوه واهله للعشاء بكرا واهل سيّاف بعد يعدون اهلنا من هاذا وورا
كانت انهَار مسويه نفسها على الجوال عشان تتحكم بخجلها اما أصايل ملامحها الحاده مساعدتها انها تخفي خجلها وكانت تتقهوى وتتحلى ، تركي عبس:يعني انهَار بتتزوج؟
موج؛واصايل
تركي:عادي بس ابي انهَار!!
غصت اصايل بالحلى وطالعته:وش !
ضحك تركي وهرب ورا ظهر ابراهيم:اي مابيك روحيّ طفشتينا كل شوي هوشه ومصيبه مدري مين الولد انتِ ولا انا الله يعين تيّم
وقفت:تركييوه!
ضحك وهرب ورا ظهر خالد:وربي كل شوي بهالتوقيف كلهم حفظو وجهه تيّم ترا عشان تيّم يطلعونك ولا انتِ ماهميتيهم
وكانت تلحقه تبي تمسكه ، ضحك وهرب ورا ظهر انهَار:والله اذا تزوجتي بسوي حفله اسبوع قداام وكل يوم برقص وادعي لتيّم الله يوفقه ويسعده بيريحنا منك انتِ ومصايبك
وكانو الباقين منهارين ضحك على اشكالهم وشكل اصايل الي تحاول تمسكه ، ضحك ونط بحضن تُقى:اخ يا اصايل تضحكين شكل كل يوم هوشه تيّم مابيتحمل وبيرجعك صدقيني
اصايل:وماشاءالله لسانك اطول منك تعال ابيك بموضوع صغير؟
ضحك وطلع لسانه زي حركت الاطفال:انا بوجه جده تُقى اليوم كله ياويلك تجيني
وكانو منهارين ضحك ، ضحكت تُقى:خلاص بوجهي
ورجع وهو يضحك وجلس ياكل حلى ، انهَار وهي منهاره ضحك:لابارك الله بالكتمان ياتروك
موج وهو منهار ضحك:عز الله صدق بموضوع الهوشه
اصايل:كلو تبن زيين وبعدين يحمد ربه المفروض يشكر ربه ليل نهار اني وافقت عليه!
نَواف وهو يضحك فتح يده :تعالي تعالي
وجلست بحضنه:شف عيالك كريهيين!
نَواف وهو يضحك:معليك منهم
تركي هز باكتافه:شوفي كذا برقص بعرسك وبدبك وبدح وبلعب سامري وعارضه بعد وبلعب بالسيف
هتَان وهو يهز كتفه:لا شف كذا اول شي كتف يمين وبعدين كتف يسار
تركي وهو يطبق:ايوا كذا شفتي
اصايل طالعت هتَان:انت انس ولاجن! والله لاقول لكِناز ماتوفق
شرق بالقهوه،ضحكت سُندس:حي عينك كيف عرفتي
اصايل:ولدكم خفيف
الونَا:والله كلهم
وانهارو ضحك على أشكال العيال ، وقفت ايناس ودخلت قسمها ونزلت الشال وكانت لابسه فستان احمر ريفي طويل ساتر وشعرها كيرلي وشغلت هيفا وهبي وجلست تهز وهي تسوي ماتشا ، ابتسم الياس وتكى على رُخام المطبخ
حست بوجوده وسوت نفسها مادرت رُغم خجلها وكملت تهز بجراءه ولفت ومثلت الشهقه وخجلها باين بتاتاءه:الياس
قرب وحاوط خصرها:كملي ليه وقفتي ؟
ايناس بخجل وتاتاءه:تبي ماتشا؟
ضحك بعلو صوته وقبل نحرها:كملي رقص
ايناس بخجل طفت الجوال وسفهته كملت تسوي الماتشا ، الياس حاوطها من الخلف بهيام:بتكلم وياك يصير
لفت:تع..
وشالها جلسها على الرُخام:كذا جايز لي
ابتسمت بخجل وهي تشرب ماتشا:شنو
ابتسم وهو يبعد خصل الكيرلي عن عيونها:
كان شعرها الاسود القصير مكوما إلى جانب رأسها
وقد غطت بعضِ خُصلاته خدِها ألايمن
كأنه يحرس-ملاكي-الحارس
وكانت عيناها تبترني بِـ مُجرد النظرِ إليها
فكانت عيناك الحقيقة الوحيدة
والباقي ، أوهاام!!!
تشبهين كُل تلكِ الأشياء الجميلة عيناك؟
بالاساس كُل تلكٍ الاشياء
الجميله!
يا كام الأوصاف والحُسنٍ
والدلال
قولي ماذا فعلتي بي!
__________________________
احداث لذيذه جدًا ادعو لي اجيب بالقدرات100😔❤️❤️ ، قُلت أعتذارً عن اختفائي بارتين وبُكرا اليوم الوطني ترقبو بغرقكم باذن ربيّ ، الاحداث هالبارت مُنعِشه الحمدلله كفايه حوادث وعواصف بس ماكفيت ومُستمره عواصف هائله ، وصلو التعليقات40+،أعتذر على التاخير بِـ التنزيل لاكني تعبانه وجدًا مضغوطه هالفتره اعذروني اذا تاخرت ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل
والاقتباس ماحلل القراءه بدون تفاعل🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷