« عزّ الله إنّي في ظبي نجد مغروم .. راعي العيون الّلي مع الزّين خجّله »

«5»

«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
‏«اللهم لاتجعل روايتي تُلهي عبدك عن عبادتك»

وطلعت ، رمت راسها على الطاوله بحلطمه
ضحك بتال:شفيك
ألونَا تكت بدقنها على الطاوله:مالي خلق احد!
وليد ضحك:اجلسي هنا واسحبي عليهم
ألونَا:فكره! بس توته مابتخليني اعررفها!-وقفت-مامنكم فايده اروح اجهز اصرف لي
ودخلت وهم يضحكون ، ابتسمت وطلعت فُستانها الأحمر وبدت تكويه
دخل سلطان بابتسامه :وين لولو يقولون صحت؟
إلياس بابتسامه :اي إيناس قالت لها في عزيمه وراحت تجهز
أبتسم:اجل يالله حتى انتم
استغرب بتال:ماهي لـ فِراس؟
سلطان بابتسامه :وبنفس الوقت العقد
وليد بصدمه:عقد قِرانهم! صاحين أنتم يده مايقدر يجلس واجد!
سلطان بابتسامه:الشكوى لله أبوي يقول عشان وقت المحكمه هي بتكون على ذمه فِراس مابيجلس القاضي يقولهم الصلح
وليد:بس مو كل قاضي نفس خويكم!
بتال:بعد اقول افضل تشاورون ألونَا
طلعت الكوايه:الي يبيني احرق شماغه يجيبه! علمتكم
طالعها سلطان بابتسامه:لولو عقد قِرانك أنتِ وفِراس اليله
لفت وطالعته بصدمه:والله مااالي خلقق العزيمه بكبرها تحطون العقد برضو اليووومم ياربي تصبرني عليهم هم وشطحاتهم!!
ودخلت قفلت الباب،انهارو ضحك وبدو يجهزون
ابتسمت ألونَا وبدت تتجهز بحُب وكان فُستانها أحمر كاشف ظهرها من فوق ثابت عليها بحبل رفيع محاوط نحرها وكاشف عن صدرها شوي وشعرها ويفي فيه فوليم رفعته فالمُكر فوق واتصلت على إيناس
جهزو اخوانها وابوها بس ينتظرونها كالعاده عشان يصورون انطق الباب وفتح إلياس وبلع رقيه وصد:ألونَا بالغرفه
هزت راسها بالايجاب بتوتر وشدت على عبايتها ودخلت ،استغرب سلطان وسأل الياس:غريبه جايه
إياس بهمس:عشان الآثر الي بظهر لولو تخفيه إيناس بالمكياج
هز راسه بالايجاب وتفهم ، دخلت وابتسمت من شكلها قبلت خدها بهمس:يااحظ اخووي!
همست:بدقك انت واخوك موتررني بس يرسل!!
ضحكت:معليه كم ساعه ودقيه يالله لفي
ولفت وبدت تدمج،خلصت وفكت لها المِكر وفككت الويفي حقها:برينسس تهبليين
ابتسمت ووقفت تحط المسك وعطرها الانثوي ، لبست اكسسوارتها ذهب نااااعم جدًا ولبست كعبها وطلعت ، ابتسمو اخوانها وأبوها وبدو يحصنونها ويذكرون الله، وقف إلياس بابتسامه:يالله نصور
ووقفو يصورون بابتسامه ، ابتسمت إيناس وطلعت بهدوء ، خذت ألونَا المبخره بابتسامه وبدت تبخر اخوانها وابوها بابتسامه ،اخذت وحطت لهم مسك على مكان النبض باليد ابتسم سلطان وفرك يدينه ببعض ومسحهم على رقبتها بابتسامه ،ابتسما وخذت شالها وحاوطت اكتافها وظهرها فيه،وطلعو كلهم سوا ، علقت شالها على المعلاق عند قسم الحريم ودخلت بابتسامه وسلمت وجلست جنب وعد،ابتسمو الحضور وبدو يذكرون الله ، مسكت وعد يد ألونَا بابتسامه وطالعتها بهمس:قريتي اذكارك ؟
ابتسمت وهزت راسها بالايجاب ، وحصنتها وعد بعد ، حطت نجرس شيله ووقفت ألونَا بابتسامه ترقص وتتمايل بنعومه وجمال على كلماتها
'' هي تربيه شايبٍ بين الرجال معروف
فوق المشاريف سمعتها على حلها
اسمه يحل الصعاب ومعضلات الضروف
ينوب عنه بحضوره لاكبرت على حلها
بنت نزيهه ومصيونه وغنجا عيوف
ماتخسر ألا الذي ماهو بكفوً لها
مجالس اخوانها مدهال لكل الضيوف
اهل التراحيب واهل المرجله كلها"
وكانت ترقص وتلفح بشعرها بجمال وابداع ورقه والبنات يصفقون ، ومن انتهت ابتسمت وجلست جنب وعد بمكانها لفت للي تناديها:هلا ياخاله
العجوز بابتسامه كانت جالسه جنب وعد وطالعت وعد:عاد دسو هالمزيونه لنا
ابتسمت وعد: زوجه ولدي ياعمه
ابتسمت العجوز :عز الله انه حظيظ دامه كسب عنقاء مزيونه لايلاه الا الله
وعد بابتسامه مسك يد ألونَا المُبتسمه بخجل:انشهد انه محظوظ فيها
ابتسمت العجوز ولفت تسولف للعجز الثانيات ، ابتسمت وعد وطالعت ألونَا:عز الله انه محظوظ
ابتسمت ألونَا بخجل وبانت غمزتها:التشوكلت والتجهيز يجنن
ابتسمت وعد وهي تشوف الاستقبال المجهزينه:عساس بعد بكرا بس اشوا ان مشاعل والبنات خلصو التشوكلت اليوم
ابتسمت بخجل ، جلست جنبها سُندس بهمس:بترقصين معنى على ذي وكل شيله واغنيه!
ألونَا بابتسامه همس:احمدو ربكم مروقه وفيني طاقه لو مافيني سحبت
سُندس:قومي يالله
لفت لجوالها الي يدق ولفته لها بابتسامه:بروح لابوي وانتو ارقصو لحالكم
وضحكت سُندس ، وقفت ومشت بكُل هيبه ورزه وثقه وانوثه ودلع ولفت راحت للحمامات ترد:ايو بابا
سلطان بابتسامه:تعالي المقلط
ألونَا بابتسامه:تمام
وقفلت وراحت للمقلط ، إلياس بابتسامه رفع الدفتر:ها تبين ولانكرشه؟؟
أنس :احس هونت انا صامله للحين؟
ابتسمت:ليه هونت ؟
ضحك بتال:كرشه فِراس لقاه تقل جربوع بالمجلس الثاني يبلع
ضحكت ووقعت:احسن تستاهل وانت فرق حط وقت للاكل!
ابتسم سلطان:ماعنده وقت-قبل راسه بابتسامه-الف مبروك والله يهنيكم
ابتسمت بخفوت:يبارك فيك
إلياس وهو يطالعها بابتسامه وحنيه تقدم وحضنها بقوه وهمس:ماعرف أعبر فرحتي كبييره فيك !
ابتسمت وحضنته بهمس:اعرفك مايحتااج
وجلسو يباركون لها عمامها وأخوانها الباقين ، دخلت بابتسامه وزغرطو وعد وإيلاف وليلاس ونرجس
ابتسمت بخجل وبدو يباركون لها وجلست جنب وعد ، العجوز بابتسامه طالعت وعد:هماتس تقولين زوجه ولدتس على وش تزغرطن؟
وعد بابتسامه:عقد قِرانهم اليله ياخاله
العجوز:وتقولين زوجه ولدتس وراتس ماعلمتيني غديني اخطبها لولدي!
وعد بابتسامه:بس هي خطيبه ولدي والحين زوجته يعني مامن فرق ياخاله
لفت العجوز بنقد العجز ، لفت وعد بهمس لـ ألونَا بابتسامه:رحتي لـ فِراس؟
هزت راسها بنفي :لا ليه؟
ابتسمت بهمس:بيعطيك شي روحي قسم الضيوف
استغربت وراحت بابتسامه ، دخلت باستغراب:فِراس؟
وطلع بابتسامه وجمد مكانه يشوفها بكامل زينتها وجمالها تنهد براحه ، توترت:وعد تقول تبي...
تقدم وحضنها بفرحه:مبررروك علييي مبرووك ياعيووني
ابتسمت بخجل وحضنته:يبارك فيك
ابتسم وشد عليها:هالحضن دايم لك تمام؟؟
فهمت مقصده وابتسمت:تمام
مسك يدها وجلسو عطاها البوكيه وكيس بابتسامه:اذا تبين تشوفينه بعدين براحتك بس عطيني يدك
مدتها بابتسامه ، وفتح علبه من كارتير ولبسها الخاتم بابتسامه وقبل يدها:رضيت بكِ طول عُمري ، وسُررِت بكِ مدىّ حياتي ، مُنى عُمري وجودِك بقُربي
أبتسمت ووقفت، فِراس: وين!
ألونَا بابتسامه:دقايق وجايه
وراحت قسمهم ودخلت وخذت كيس ورجعت جلست جنبه بابتسامه واعطته:كُنت مجهزته من مشيت عشان أعطيك هوا فملكتنا
ابتسم وخذاه وكانت ساعه جميله جدًا مدها لها بابتسامه:لبسيني اياها
ابتسمت وخذتها لبسته ، طلع ورقه وقراها بابتسامه
محتواها
'
" مشيئة في ضمير الغيب أوحت إلينا
          يا أنتما كونوا معًا "
        نـــــعــــم قــــبــــلــــت
قبلت بك أمانًا بعد أبي .. وسندًا بعد أخوتي
قبلت بك سندًا وكتفًا لايميل ولايخون
        قبلت ورضيت بك
عونًا وأنسًا وحب لايشيب حتى المشيب
قبلت بك قبوًلا مطلقًا إلى يوم يبعثون . .
انعقد عقد الوعد بين قلبي وقلبك ، لايحله ريب العنون
ادعوا الله أن تمتد بيننا الأيام السعيدة
وأن يبقيك لي عمرًا وحبًا ، وقُربًا لايعرف البُعد
جعلك الله لي كما أحُب وجعلني لك كما تُحب
واجعلنا له كما يُحب ويرضى '
ابتسم بحُب وحضنها :يااكُبر حظي
ابتسمت وحضنته ، بعدت بإبتسامه:بنادي نوني نب نتصور عادي؟
ابتسم:كل شي لعيونك عادي ولالك لواء
ابتسمت ووقفت نادتها وجابت لوح الاكرلك لـ كلمه ' قبلت ' وجت حطته فوق البوكيه بابتسامه وكانت جالسه والبوكيه واقف على الارض بينهم وجلست تصورهم بابتسامه وصورت الرساله والخاتم ، وقف بابتسامه من شاف رساله ابوه:بروح ياعين للرجال
هزت راسها بالايجاب بابتسامه ، وراح ، ابتسمت إيناس:تجننوووون!
ابتسمت ألونَا وهي تشوف الصور معها:بنزل ذي
إيناس بابتسامه:تجنن!
نزلتها ألونَا بكُل مواقع التواصل الاجتماعي ، صورت هي و إيناس بلوكيت وستريك ورجعو ، خذت ألونَا البوكيه والكيس ولوح الاكرلك وحطتهم على طاوله بقسمهم وقفلت الباب ورجعت جلست جنبهم ، وقت العشاء قامو كُل الضيوف يتعشون ، جابت إيناس الفطاير وجلسو ياكلون هي وألونَا ، صبت ألونَا شاي وعطت إيناس وجلست:تعبت جوع!
إيناس ضحكت:الله لنا نطقطق على انس وحنا العن!
ضحكت ألونَا:يوم رحت اوقع يقول انا هونت لقاني اكل وكرشني
وضحكو بخفه ، ليلاس وهي تاكل حلى:ألونَا وش العجوز الي كل شوي ناغزه وعد وتكلمكم تعرفونها
ضحكت وحكتهم ، نرجس وهي تضحك:شتبي ذي شدخلها!
ألونَا رفعه اكتافها بعدم معرفه :شدراني
وتعدلو من سمعو صوت مشي ، دخلت العجوز وجلست جنب ألونَا وهي تمسك يدها وشعرها وتمسح علّى ظهرها ، استغربت ألونَا والباقين ماسكين ضحكتهم ، ألونَا لفت لها باستغراب:سميّ ياخاله
العجوز بابتسامه:كنت بخطبتس لولدي بس افلحتي
ألونَا ابتسمت بكلافه:الله يرزقه بنت الحلال
العجوز بابتسامه:ميدي كنت ناويتن اخطبتس له بس ماش
ابتسمت ألونَا:الله يرزقه بنت الحلال الي تصونه
إيناس بابتسامه لعانه :ألونَا حبيبي متى تبون الزواج أنتِ وفِراس؟
شمقت العجوز بنقد وخذت شنطتها وطلعت، انهارو ضحك بخفه وسُرعان ماتعدلو من سمعو صوت جايهم ، لفت ألونَا لجوالها وردت:هلا؟
إلياس بابتسامه نزل الأكياس:جبت لك اكل
ابتسمت:شُكرًا ياروحيي
ابتسم:فالمطبخ حقنا اذا تبينه
ابتسمت:اذا مشيو بجي
ابتسم:الي تبينه فمان الله
وقفلت ، إيناس :وش
ألونَا بابتسامه:إلياس جايب لي اكل
ابتسمت إيناس:مانسي انك ماتكلين الدسم والحم
ابتسمت:إي
ليلاس وهي تاكل تشوكلت:متى ناوين تزوجوه
استغربت ألونَا:نزوج مين؟
نرجس:إلياس
بلعت ريقها إيناس بصمت وكملت تاكل ولابينت شي ، ألونَا :اها توه هو مايبغى الفتره ذي اذا بغى يتزوج بيقول لنا اكيد
ليلاس:زووجوه!
ألونَا ضحكت:نزوجه ميين هو مايبغى يتزوج الحين والزواج مو غصب ومو حلو الاجبار!
ضحكت:انا اقنعه وعندي وحده!
غمزت ألونَا:عشااان كذاا مين؟
ليلاس:تعرفين اليوم
مر الوقت وهم يضحكون ويسولفون ، دخل خالد بابتسامه:ماشاءالله تبارك الرحمن! وعد سلطان بيدخل
تغطت بابتسامه وجلس جنبها ، دخل سلطان بابتسامه:ياحلو بناتنا ماشاءالله!
وجلس جنب ألونَا:ترا العيال بيجون بعد شوي
وقفت إيناس عشان بتبدل، ألونَا:نوني اعطيني الشال حقي متعيجزه اقوم
وراحت للعلاق وجابت الشال مُتجاهله إلياس الواقف خذته وعطته ألونَا ودخلت قسمهم بسرع ، بلع ريقه إلياس وتقدم:ندخل؟
سلطان:تعالو
ودخلو ، ليلاس نطت وجلست عند إلياس ، ضحكت نرجس:مثل صملتها ماشفت
ألونَا ضحكت:حقيقي
ليلاس رفعه اصبعها بتهديد مزيف لوجه إلياس:بتتزوج ولابصفقك!!
إلياس طالعها:اما من متى الصغار يتكلمون؟؟
ليلاس بقهر:كلزق سنتين بسسس!!!!
إلياس ضحك:اكبر منك فلذالك احترميني
ليلاس تكتفت:وع كريه سلطان زوجه!
ضحك:مايبي
ليلاس:مو على كيفه زوجه
غمزت ألونَا لها وهي تفصفص:مين الي ببالك؟ اذا تعجبني باتحد مع بابا
ليلاس:اصبرييييي-طالعت إلياس ووقفت-بتتزوج ولا بكسر الاب حقك! ترا عندي!
إلياس تنهد:وَأنتِ شتبين من مسلطك علي اليله ؟ مابي اتزوج مب غصب!!
أنس وهو ياكل من الفطاير:الى تزوج غصب ابي مفطح!
إلياس بصدمه:والي ماكله تو ووش!!!
ميلا وهي تاكل حلى:ذا مايشبع لو تحط له ثلاث مفاطيح بياكلها لحاله ويقول جوعان ماشاءالله
شهق أنس:قووولي ماشاءالله !!!
لفت له وهي تاكل حلى:شكلك كليت اذنك بعد! وانا شقايله!
وضحكو الموجودين ، أنس شمق لها:شف من يتكلم وهاذا أنتِ تبلعيين وراتس حاطه عينك على عيشتي!!
رفعه حاجب وهي تاشر بالشوكه:اولًا ذا سويت واكله عشان اقفل احتياجي اليومي للسُكريات ثانيًا ماني زيك اكل الخضر واليابس دوبي كلت حتى عشاء ماتعشيت ثالثًا ابلع محنا ماسكييينك!
عقد حواجبه وهو ياكل فطاير ويقلدها:احتياجي اليومي للسُكريات-ورجع لصوته-والله من التسذب وش ذا بعد!
ألونَا وهي تصب شاهي وتعطي ابوها وعمها:كل انسان عنده حد للغذاء فجسمه ليش في مرض اسمه سُكر؟ فانت تتابع مع كوتش او اخصائي تغذيه او منفسك يعني توزن بين اكلك ، كميه الدهون الي تاكلها فاليوم ، كميه السُكريات الي تاكلها فاليوم ، كميه النشويات الي تاكلها فاليوم ، كميه البروتين الي تاكله فاليوم ، كل ذا توزن فيه ولا بتصير دب وتكون مُعرض لامراض بعيد الشر
هتَان:والله تحبون تطولونها وهي قصيره سوو رياضه وخلصنا
جلست وهي تشرب شاهي:ولو سويت رياضه مابيساعدك انك تخسر وزن مُمكن يساعدك انك تبني عضل او تنزل وزنك صحيح ولا لا؟
هتَان:صحيح
ألونَا نزلت الصحن وحطت البياله وسطه على الطاوله:طيب أنت حاليًا تروح الجم عشان تبني عضل صح؟
هتَان:صح
ألونَا وهي تشرح والكُل مُستمع لها بإنصات:تمام أنت بتبني عضل وميمي بتنزل وزن لنفرض انكم كلكم تاكلون نفس الوجبه لأكن بيكون في فرق بسيط اذا انت بتبني عضل تضيف بروتين اكثر عكس ميمي بتضيف فيتامين اكثر عشان وقت ماتخسر وزن تكون موازنه بين كميه الفيتامين بجسمها عكسك أنت تبي تبني عضل
سهم بفهاوه:برضو مايمنع انك تتركين كل هالفوضه وتسوين رياضه وبس ترا تنحف الرياضه فخلاص!
ألونَا تنهدت:لاطبعًا مو خلاص لنفرض انك الحين وزنك ميه وسويت رياضه بدون شد وموازنه بين كميه الدهون والبروتين والفايتمن والنشويات والسُكريات بجسمك فابيترهل جلدك تقلك واحد عمره 90 بيموت اواذا سويت رياضه بدون اعتمادًا على جدول واعتمادًا على نظام غذائي صحيح فانت مابتكسب شي ولابتوصل للنتيجه الي انت تبيها
فِراس:ذولي دبوش تذكرون الي طقطقتو عليه بالنادي ايه تصيرون زيه
غص أنس:وشش!!! ذاك شفط واضح!
ألونَا هزت راسها بنفي:الشفط يختلف تمامًا عن ذا كله الشفط بيخلف وراه اثار لدرجه انك تميز الشخص الي مسوي عمليه شفط والشخص الي مُعتمد على الرياضه والنظام الغذائي
ليلاس وهي تفصفص:والله لو تشرحين من اليوم لبكرا مابيفهمون اغبياء
هتَان:والله انتم الي ماعندكم سالفه!
ميلا:تكفين يالولو سوي نظامك اول لهم !
نجرس:خليييييييهم يشووفون ويفمهون عملي!
ضحكت:بيفطسون على طول!
هتَان:وش نظامك؟
ألونَا:اعتمادي الكُلي على الوزن بين الاكل مثلًا انا الحين شربت بياله شاهي الشاهي فيه سُكر خلاص معد اشرب ولا اكل شي فيه سُكر طول اليوم وحتى الرز والمكرونة برضو والخبز ماكلهم لانهم كلهم عباره عن سُكر فلذالك كذا ، تشوكلت ماكل ، حلويات ماكل ، غازيات نهائيًا ماشرب ، مطاعم نادرًاااا ، ووصلت للنتيجه الي ابيها
سهم:اقول محنا هنود تو إلياس جايب لك ماك!
ألونَا:بقر ، نظامي سااااابقًاااا ياغبيااااء! خلاص ووصلت النتيجه الي ابيها الحين اعتمادي على المشي وبس وصلت النتيجه الي ابيها وامشي عشان الوقايه من السُكر واحرق واثبت على وزني!
بتال طالعهم:وزنها من سنتين ماتغير ولا قرااام ماشاءالله
هتَان بصدمه:كم استمر ؟
وضحكو الموجودين ، بتال وراه السكس باق بابتسامه:امشو على نظامها نصيحه
سهم بصدمه:كذاااب نظامها يطلع السكس باق!
ألونَا:اجل؟ ويبني عضل بعد
هتَان :احس اعجبني نظامك
سهم:اي معقول جدًا!
وضحكو الموجودين ، سهم:جد جد سوي لي جدول
ألونَا:بتال عطهم جدولك القديم متعيجزه
ضحك:ذاك وزني اكثر من وزنهم الحين
ألونَا:معليه عشان مرا وحده يايفطسون يابسرع افتك منهم
ضحك:تمم
وليد بابتسامه:توني اركز انك أنتِ الي مسويه جداولنا كلنا!
سُندس بابتسامه:جد لو تصيرين كوتش !
نرجس بابتسامه:كيف تعرفين كل ذا المعلومات ماشاءالله!
ألونَا بابتسامه:اول ماعرفت عن قلبي قال لي دكتور سيف عن كم دوره عن الصحه والغذاء وانها بتساعدني حيل ودخلتها ماني خسرانه شي وبعدين دخلت اكثر من عشر دورات احسها جلست سوالف والله مو كلاسات بس صدق صدق اكتسبت معلومات كثير تجننن وتخوف بنفس الوقت!
سلطان بابتسامه:ماشاءالله عليك كيف وزنتي بوقتك؟
ابتسمت:كنت اطفش من المسلسلات بالبريك وادخل فالكلاس لانه عباره عن قناه تلقرام مُحمله فيها الفديوهات والشرح وتبقى عندك دايم
ابتسم خالد:والله زينه ذي وعن السكر بعد يبعدكم عنه
سلطان بابتسامه:اي بالله
تمارا ضحكت:لا لولو بتغتر علينا وبقوووووووه
إيناس ضحكت:شفتتي!
وضحكو الموجودين ، تُقى بابتسامه:الي بسالكن ام لافي وراه مشت بدري؟
نرجس باستغراب:من ذي؟
وعد لفت لـ ألونَا:الي كانت جنبي تذكرينها؟
ضحكت ألونَا:ايي ذي والله ياتوتو عجوز حساسه تحسست وخذت شنطتها وطلعت مالنا دخل!
وانهارو الموجودين ضحك ، سُندس وهي تضحك:مو الله يسلمتس ياتوتو
وحكتها كل شي ، ضحكت تُقى:الله يلعن بليستس زعلت!
نرجس بصدمه:شسوينا!!
إيناس بصدمه وهي تفصفص:والله بس تنغز وعدي طول الوقت وتتشره !
سُندس شمقت:بتزعل خل تزعل !
إيلاف بابتسامه:تلقونها فهمت بمقصد ثاني مثل قول تراس دبلتي تسبودنا
ألونَا وهي تفصفص:اي حنا كنا بنقول كذا بس ماعرفنا كيف نقولها بدون لاتزعل
سُندس وهي تفصفص:اي وقمت سالت لولو بس ترا ماسوينا شي!
ضحك خالد:ماشاءالله
سلطان وهو يضحك:لا ماشاءالله بسم الله عليكم ماسويتو شي
ضحك إلياس:جتني عجوز لقتني بالحوش وتقول انت ولد من؟ حسيت شوي وتقوم تطقني قلت ولد سلطان الراشد قالت عذّه دامك اخوها قطع ومشت !
وانهارو الموجودين ضحك ، إيناس وهي تضحك:تكفين لولو واااضح حقدت
سُندس وهي منهاره ضحك:ياعزتي لك يالولو انا اسبب المشكله ويحقدون عليك أنتِ
وضحكو الموجودين ، بعد مرور ساعه من السوالف والضحك وقفت ألونَا ، ابتسم سلطان:بتنامين؟
هزت راسها بالايجاب ، إلياس:والله يالولو اذا ماكلتي!
ابتسمت:لالا معليك
أنس:وش في اكل؟
إلياس:لا مافييه اربض!
وضحكو الموجودين ، وابتسمت وراحت وهي تمشي بثقه ، إيلاف طالعت وعد:من الي قالت عنها عنقاء؟
وعد ضحكت بخفه:العجوز معرف اسمها الي نشبت
ضحكت إيلاف:بس صدق صدقق لولو العنقااء مثل ماقالو
بتال باستغراب:وش العنقاء؟
إلياس بابتسامه: يعني رقبتها طويله
بتال:اما ذي مدحه الحين؟
ضحكه إيلاف:الاغلب يشوفها كذا
سُندس:لا لولو اذا مشت بالكعب كذا تلقائيًا ترفع راسها وتباان رقبتها طويله ولاهي نو بس اذا لبست كعب تتحول الشخصيه
تمارا وهي تفصفص:الي كانت جالسه فمكانك سوسو سمعتها تقول عيون الغزال عيونها
بتال لف لـ إلياس :ووشي ذي بعد
وضحكو الموجودين
ضحك إلياس:يعني وساع زي عيون الغزال واي يشوفونها مدحه
وضحكو الموجودين ، بتال وهو يضحك:كلتبن تقولون مصطلحات اول مره اسمع بها
ليلاس وهي تضحك:مصطلحات؟ الجامعه لاعبه فيك
ضحك:اي بالله عندي فاينل ولاني فاهم شي
تمارا وهي تفصفص بحكم انهم بنفس الجامعه:لمين انا خلصت امس فاينل
بتال:عسّاف
تمارا وسعه عيونها بذهول وهي تفصفص:اختباره يجلددددد انا لو بجيب د بسجد شكر لله
ضحكو الموجودين ، بتال بصدمه:لاعاد شجاك؟
ضحكت وهي تفصفص:مادري بس يروع ناسيه قبل اسبوع اختبرته
استغربت إيلاف:يختبرون السنه الثانيه والثالثه مع بعض؟؟
تمارا وهي تفصفص:حسب المواد لولو انا ماخذه مواد زياده وصيفي بعد عشان سنه التخرج تكون التطبيق يعني بتخرج مع ذا
ضحك بتال:والله خليني على خطه الجامعه ماشي افضل ولا اضغط نفسي
تمارا وهي تفصفص:عادي اضغط نفسي واتخرج بدري وافتك وضمنت المنصب
طالعوها بصدمه ، شهق بتال:كذاااابه كييف!
وهي تفصفص: رشحني عميد الجامعه مع مجموعه لمستشفى ^^^ ووقعت العقد الوظيفي امس
ابتسمو وبدو يباركون لها ، ليلاس ضحكت:شفت تضغط على نفسها عشان تشري سنه من عمرها براحه
بتال بوهقه:والله لو وش تاخذ ثلاث مواد معي غير موادها شوفي الوهقه صدق وتجلس للعصر فالجامعه !
تمارا وهي تفصفص:على قوله ليسو اشري سنه من عمري براحه وعلى قولتهم تعب العشرين وراحه الاربعين ولا تعب الاربعين وراحه العشرين
نرجس:واو في تطور صايره تقول حكم وامثال!
وضحكو الموجودين ، سلطان بابتسامه :لاصدق ماشاءالله عليك وأفضل لك والله ترتاحين
خالد بابتسامه:عجبتني تعب العشرين ولاتعب الاربعين
بتال:اي وش معنها؟
ضحكت تمارا وهي تفصفص لفت له:سوال كيف دخلت تمريض؟
وضحكو الموجودين ، تمارا وهي تفصفص:يعني اتعب واسعى من العشرين عشان وقت ماصير عجوزه عندي منصب ومال وبكون مرتاحه عكس لوني بجلس اسافر واروح واجي واهمل الدراسه فوقت العشرين وقت الاربعين بامشي واتسلف عشان اعيش واموت وانا مديونه
بتال:بس ماله دخل الدين حتى لونك بالعشرين
تمارا وهي تفصفص:وقت العشرين معي مكافاءه مبلع بسيط يقدر انه يعيشني فرضًا عندي فلوس وملايين بخمس سنين سنه بتطير كل هالفلوس بالسفرات والوناسه وبجلس احط يد على يد راح عُمري ولاكسبت منه شي وتكه واموت رجل بالارض ورجل بالقبر ابي شي يعيشني لين ما اموت بدون دين ولخمه ، واذا درست وكديت وانكرفت بالعشرين بشري راحه بالي وعمري كله هالمكافاءه ذي معيشتني وظمنت وضيفتي اول ما اتخرج وبيكون معاي راتب مرور الوقت بيصير عندي منصب ولاتقاعدت راتبي قادر انه يعيش قبيله ولا احتاج شي اسمه دين !
إلياس:الصراحه صادقه
بتال:برضو ماقتنعت
تمارا وهي تفصفص:ليه قلت اقتنع؟ انا جالسه اوضح منظوري ماجلست اقنعك!
ضحك:جاملي!
هزت راسها بنفي وهي تفصفص:ماش ماعندي مجاملات تقبل الواقع المُر والحقيقه بانك غبي تصبحون على خير
وراحت ، ضحك سهم:اييي وراك سكت؟
وضحكو الموجودين ، وقفت إيناس وطلعت، سلطان بابتسامه ؛ماشاءالله تبارك الرحمن عليها
ليلاس وهي تفصفص:اساسا مادري مين فينا الخاله انا اسوي مصايب وهي تهزئني وتطلعني منها
ضحكو الموجودين ، ابتسم خالد:ثلاثه عندي فوق كل شي ألونَا تمارا إيناس يارجُل مُثقفات ويفهمن اكثر مننا يالكبار!
إيلاف بابتسامه:ماشاءالله عليهم الصدق مرات يبهروني بعلقيتهم وفكرهم
سُندس وهي تشرب شاهي:الحق ينقال مُثقفات لابعد درجه ماشاءالله كل شي يعرفونه تبين احد يواسيك يواسونك تبين احد يضحكك يضحكونك تبين احد يساعدك يساعدونك مُبدعات ومُجدات بشُغلهم بشغف ماشاءالله!
الجده تُقى بابتسامه : بسم الله عليهم الله لايضرهم يارب ويزيدهم علمًا ، ياكثر مايجني ويتكلمن ويوم يدخلون بنِقاشات مرات يقولون اشياء ومعلومات انا اول مره اسمع بها واعرفها
فِراس بابتسامه :اول مجت ألونَا المركز حلت قضيه بسُرع انصدمو يعني كيف حلتها ويوم وقفت وشرحت الادله وحللت كل شي لف علي مساعد قال بنت عمك بس الله خلق وفرق ههههههههه
انهارو الموجودين ضحك ، بتال تربع على الكنب بابتسامه: اليوم قلت لـ ألونَا كيف تحملتي كل الي مريتي فيه بدوننا بدون لحد يساعدك ويسندك قالت مُر الحياه بتجيك فتره فحياتك مُره وبتعرف تفرق بين مُر وحلو الحياه ياخي كانها عطتني كف !
الجده تُقى بابتسامه: بهم بعلم بهم ثقافه بهم وعي لا اله آلا الله ، فجر اليوم جالسه بذا لحيلي واقرا قران يمار كلهن عندي فرشن سجادتهم وجلسو باجلتهم يقرون من كُتب مدري وش ويوم سالتهم تمارا كانت تقرا عن عهد الصاحبه والانبياء إيناس كانت تقرا عن احاديث النبي محمد صلى الله عليه وسلم ألونَا كانت تقرا كتابين ادعيه مأثوره عن الانبياء والورد ويوم قرت وردها مسحت علينا كلنا وضمتنا بدعاءها
ابتسم إلياس:عادتها ألونَا ولاتتركها الحمدالله
أنس بابتسامه تربع على الكرسي:دايم احس فيها باليل يوم تجي تصلي الوتر وتدعي وتجي تدعي وتمسح على راسي وتغطيني وتطلع تقفل الباب
ابتسم سلطان:وبعد كل صلاه تسويها تدعي وتمسح على روسنا كلنا
بتال بابتسامه : وقت اختبارتي كانت تهتم فيني بشكلل ترتب حوستي تسوي لي اكل تسوي لي سنكات ومرات انصدم تجيب لابتوبها القاها داخله دورات فالتمريض وكذا وتقول لي امسك وزيد فعلمك وانتفع به وانفع به غيرك مُستحيل أنسى كلامها
ضحك أنس:لا انا تجلدني بعد مره منزل ستوري انستا اغنيه لابو نوره جوها حزن وكذا وانا اتمرقص بس عجبتني جت وجلدتني جلد وعطتني محااضره كااامله
ابتسم الجد إبراهيم:تونا نحس بقيمتهم، الله يخليهن ويحفظهن لنا يارب
:امين
وبدو شوي شوي يستئذنون ، ألونَا خذت لها شاور ولبست بجامه كاروهات وشعرها تاركته براحته دخلو وابتسمو من شافوها لابسه شرشف الصلاه وعلى السجاده تصلي ، جلسو كلهم ، سلمت وخلصت وخذت وقت وهي تدعي ووقفت بالشرشف ومسحت على روسهم واحد واحد واذا مسحت على راس الواحد تقبله وابتسمت بصمت وخذت القران وراحت جلست على السجاده ، ابتسمو بحُب وراحه كبيره وطمأنيه تتنشر فصدورهم ، وقف إلياس بابتسامه وسخن لها الآكل راح بتال بابتسامه وجاب لابتوبها وايبادها والباور بانك ، اما أنس ضبط لها الجلسه الي تحبها بالبلكونه ، كان سلطان جالس ويطالعهم أبتسم بحُب وراحه ابتسم على تربيته الجميله ابتسم وهو يشُكر الله ويدعي لعياله ويدعي ان الله يغفر للي اسست اب ناجح ، ابتسمت من انتهت من القران ورفعته فوق الرف سفطت السجاده ورفعتها وسفطت الشرشف ورفعته بابتسامه وراحت قبلت خد ابوها:ياكُبر حظي فيك وإنك ابوي!
ابتسم بحُب ومسح على راسها:الله يرضى عليك ويخليك
ابتسمت:وياك
راحت تفتح الورد وهي سبق وصورته وجلست تقصص اطارفها وهي تحب الورد ، ابتسمو اخوانها وجلسو ، بتال بابتسامه:ماااش جا من ياخذ دوري!
ابتسمت وهي تصب مويا فالفازاه:انت سبشل
ابتسم بحُب:زرعت جوري فالبلكونه
ابتسمت وحطت الفازه على الطاوله وقبلت خده:ثانكييو
ابتسم:عيوووني لك
ابتسمت من شافتهم ضبطو جلستها الي تحبها لأكن هالمره راحت وجابت كتاب وجلست فالبلكونه بهدوء وصمت والهواء الطيف يداعب شعرها تقراء ، تمددو على الكنب الي يسولف والي على جواله ، وقف سلطان بابتسامه وراح للبلكونه:اعتذر قطعت وقتك بس مو برد عليك؟
ابتسمت:كليي لك ، لا شعري ناشف والهواء حلو خفيف
ابتسم:اذا بردتي ادخلي زين يابابا؟
هزت راسها بالايجاب:من عيوني
ابتسم:تصبحين على خير تامريني فشي؟
ابتسمت:وانت من اهله ياعيني سلامتك ياحبيبي
ابتسم ودخل طالع فعياله:تامروني بشي؟
الياس بابتسامه:سلامتك يالغالي
بتال بابتسامه :راحتك يالقائد
ابتسم انس:دعوه منك وسلامتك
ابتسم:الله يرضى عليكم ويحفظكم ويدوم لمتكم يارب ويالف بقلوبكم ويمدكم بالعمر المديد
ابتسم:ويااك يارب
ابتسم سلطان:تصبحون على خير
وراح يدخل، انس بابتسامه ؛وانت من اهله
وقفل الباب بابتسامه ، تنهد انس:ياعيال
إلياس بابتسامه طالع ألونَا الي تقرا وتاكل بهدوء:أدري والله مابنتحمل بدونها
بتال طالعها بابتسامه:كيف بنقدر بدونها وهي نور وحياه البيت؟
انس:مقدر مقدر يجي فِراس يسكن هنا! ولايشري فله كلنا فيها!
ضحك إلياس وتنهد:كلنا نبيها حولنا دايم بس خلاص لازم تشوف حياتها وتاخذ راحتها
ابتسم بتال وطالعهم:واكيد بيسكنون بقسم هنا وبتكون جنبنا وحولنا دايم ولو سكنو برا فِراس مابيمنعها منا وبيجيبها لنا دايم ولاحنا نجيبها ونروح لها لاتنسون انه ولد عمنا واخوانا وزوج أختنا ونعرفه زين
ابتسم أنس:عاد يجننون مع بعضهم !
ابتسم الياس:كل منهم يكمل الثاني
شافو ألونَا وقفت ودخلت الاغراض وقفلت البلكونه زين ، جت بابتسامه وجلست بالكنب:ليه مانمتو؟
أنس بابتسامه تمدد على رجلها:أحبّك تدرين؟
ابتسمت وهي تلعب بشعره:وانا اموت فيك!
ابتسم أنس وهو يطالع عيونها:ألونَا تدرين ان مابعمري حسيت باليُتم؟
سكتو بغصه ، ابتسم أنس وكمل وقبل يدها:لانك أُمي الثانيه آنا من الان احسد عيالك وبغار منهم انهم بياخذونك مني! على انو بيننا اربع سنين إلى إنك أنتِ الي ربيتيني واهتميتي فيني
تمدد بتال على رجلها الثانيه بابتسامه:وعلى انو بيننا سنتين الى اني دايم احسك امي ولاقد حسيت بفقد ألام صحيح مرات لأكن دايم اتذكرك وابتسم وأقول انتِ نعمه من الله وهبها لنا
قبل راسها إلياس بابتسامه وجلس امامها:وعلى انه بينا سنه وانا اكبر منك إلى إنك دايم تهتمين فيني وتراعيني اكثر مني اني اراعيك تحصنيني وتدعين لي وتخافين علي وتهتمين فيني كاني ولدك ولو الله رزقك بعيال بيكون رابع ولد لك تدرين أننا اليوم شوي ونضرب فِراس؟ تدرين انه محظوظ فيك ! محظوظ انك بتكونين زوجته وام عياله!
ونزلت دمعتها وهي مُبتسمه ، فزو يمسحونها لها ويحضنونها ، ألونَا بابتسامه حُب لهم طالعتهم كلهم:ماقد غبيت عليكم شي ولأ أقدر بس دامكم جبتو السيره انا ماراح اقدر احمل اذا سويت العِلاج الطبيعي لظهري والعمليه بتصعب حياتي كامله
انصدمو ، إلياس بصدمه خوف:ليه!
ألونَا براحه:لأني بواجهة صعوبه ويا انا يالجنين
انصدمو ، حضنها بتال :لا باذن الله انك بتجيبين عيال وتحملييين! لاتقولين كذا وبدال الدكتوره والدكتور نوديك مستشفيات العالم كلها اذا تبين!
أنس بخوف مسك يدها:ولو نظطرر نخترع شي يريحك ويعالج ظهرك عشان مايكون يا انتِ او الجنين!
إلياس مسح على شعرها بحنيه:والله قادر على كل شي ولاتدرين
بتال بتررد:فِراس يدري؟؟
هزت راسها بالايجاب ، إلياس بتردد:شقال؟
ألونَا: اذا الله رزقنا هالنعمه فالحمدلله واذا لا فالخيره فيما اختاره الله لنا والحمدالله
ابتسم بتال ومسح على شعرها بحنيه:شفتي؟ خلاص لاتقلقي وتشيلين هم وحطي ببالك علاج لظهرك عشان ترتاحين واذا الله رزقك الحمدالله مارزقك برضو الحمدالله
تكت بظهرها بتعب وهزت راسها بالايجاب ، أنس بحنيه:يوجعك ؟
ابتسمت:عادي خفيف
وقف إلياس بابتسامه:قومي نامي وارتاحي واذا المك قولي لنا لو تبين ندلكه لك بعد تبشرين
ابتسمت ومشت وهي حاضنته تمددت وطفى الاضاءه ورد الباب بابتسامه ، تمددت على جنبها وهي تفكر وتنهدت ونزلت دمعتها همست بضعف:ياارب تبدل حالي الى حال أفضل تُريحني به وتُرزقني ما أتمنى!
ومرت بداومه هواجيس ، سمع همسها إلياس بضيق واشر لهم يجون غرفته دخلو وقفلو الباب بصوت خافت:تقول يارب تبدل حالي الى حال افضل تريحني به وترزقني ما اتمنى!
تمدد بتال على السرير هو يطالع السقف بصوت خافت:احس زودناها شوي مين مايبي يصير اب او ام فهالدنيا
أنس بصوت خافت بضيق:ياعيال لازم نلقى حل لها يرحيها يعجبكم وضعها كذا تعبانه وضايقه الدنيَا فيها وتبتسم قدامها ولحالها تناجي ربها!
إلياس بضيق:طبعًا مو معجبني بس مابيدي شي وش اقدر اسوي ولا سويته؟
بتال وهو يطالع السقف:في بباالي فكره إختراع لعلاج بتكلم مع اداره الجامعه وبلتحق لمسابقه فجامعتنا واتكلم عن ذا الاختراع واسجل البراءه بإسمي واذا اعجب وزاره الصحه يتبنون المشروع ويطورون فيه وبخليه يتمحور عن وضع ألونَا عشان يساعدها فظهرها وموضوع الحمل
ابتسم إلياس:ليه ماتكلمت من اول؟
بتال وهو يطالع المدى:ماجتني الجرءه اني اشترك واقدم وللان ماجتني بس عشان ألونَا اسوي اي شي
أنس بابتسامه امل:وبجلس انا ادور على مُستشفيات ولو برأ واقول لهم وضع ألونَا لين القى حل
ابتسم إلياس:الباقي خلوه علي
ابتسمو براحه وهم يبون يساعدونها ويساندونها ولو بشي بسيط وطلع كل واحد لغرفته ، شافها بتال تشرب مويا وتطالع القمر من الشُباك وحاوط اكتافها:شفيك ؟
ابتسمت:ولاشي القمر معجبني
ابتسم وقبل خدها:بغرفتي اذا بغيتي شي
هزت راسها بالايجاب بصمت وراح ، مر وقت ألونَا كله وهي تشوف الشُباك وجا وقت صلاه الفجر استغفرت ربها ووقفت وضت وصلت ، تمددت علّى السجاده ونامت وهي تطالع الشروق ، صحو اخوانها وابوها ، استغربو وجودها ، من شاف بتال الكوب على الطاوله للان وهي طبعها تحب الترتيب همس:شكلها سهرانه امس لقيتها باليل تشرب مويا وتطالع القمر قلت شفيك قالت القمر عاجبني مافيني شي
جلس سلطان بهدوء وبحنيه عندها:ألونَا بابا ألونَا
قامت:هلا
سلطان بحنيه:ليه نمتي هنا يعورك ظهرك الحين
وقفت:صليت وغفيت
سلطان بابتسامه:مانمتي صح؟
هزت راسها بالايجاب:ماجني نوم ، بروح لجده
وخذت كتاب وطلعت ، ابتسمو بهدوء وهم بادخلهم يدعون لها وان الله يريح بالها، راحت وكالعاده هي وإيناس و تمارا جلسو جنبها ، بعد انتهاء صلاه الفجر رجعو الاباء والعيال والجد من المسجد ، وراحو بيجلسون عند تُقى فالمجلس ابتسمو من شافو الثُلاثي نايم بحُضنها ، ابتسمت بحُب وهي تمسح عليهم ، جو اخوانهم بيشيلونهم ، الجده تُقى بابتسامه:خلوهن بيغفن شوي
هزو روسهم بالايجاب وجلسو بابتسامه ، سلطان بابتسامه طالع بامه:مانمت
الجده تُقى بابتسامه وهي تمسح عليهم:كلهن مايجيهن النوم باليل
استغربو وكيف محد حس ، فِراس باستغراب:دايم يروحون وينامون وإيناس بنفسي اغطيها
إلياس:كيف كل يوم انا كل يوم اغطيها ومرات بنفسي اوديها سريرها معدا اليله الي شافها بتال سهرانه
سهم باستغراب:مستحيل جده توتو تنام قبلنا كلنا
تنهدت تُقى وطالعتهم بابتسامه حزن:اسالكم بالله ماكنتو تدرون؟
:اي بالله
الجده تُقى مسحت على روسهم بحنيه وحزن:مايذقن نوم اليل ولايتهنن بالراحة
استغرب الجد إبراهيم:ليه؟ يوجسن شي؟
الجده تُقى هزت راسها بالايجاب ، خالد بتوتر:وش
الجده تُقى بابتسامه حزن طالعته:شايلات همومٍ بقلوبهم الرهيفه ولاعلمني وش الي مزعلهم ومكدر خاطرهم لهدرجه؟
آنس وهو يصب قهوه:جده متاكده بناتنا ذول ولا؟؟
هتَان:الصدق اشك !
سهم؛وربي كل ليله يروحون قبلنا الساعه 10 ،11 ينامون! جده مستحيل ماينامون وحنا نغطيهم بانفسنا!
تنهدت تُقى وطالعتهم بحزن:عمرك أنت وياه بينتو ضيقكم لاهلكم؟ لا ، عمركم جيتو وشكيتو؟ لا ، تنامون بعد تفكير ياخذكم ويبحر بكم ، وهالي بصدورهن مايخليهن ينمن ليلهن من ثلاث سنين وهاذا وضعهم من بدو يجلسون عندي لاحظتهم
سلطان بصدمه:يمه ألونَا تضحك وتسولف معنى وتروح تنام ونغطيها حنا ولا بانفسنا نوديها لسريرها ونقفل الباب عليها ناييمه!
سهم بصدمه:وحنا كذا مع تمارا!
خالد بصدمه:إيناس طول عمرها تضحك وبشوشه ولاقد زعلت وبكت! مافيها شي يهيئ لك
ابتسمت بضيق وهي تطالعهم:يبتسمن لكم مايبون يشوفون الضيق على وجيهكم يبتسمن قدامكم وبغرفهم يمسكون دموعهم لجل مايجي احد ويشوفها
إلياس بحزن:امس سمعت لولو وانا اقفل الباب تقول يارب صوتها فيه غصه!
سلطان لف عليه:ليه ماسالتها؟ ليه مارجعت لها؟
إلياس:يمكن تبي تجلس مع نفسها ولاتبي آحد عشان كذا رجعت
اشر له إنس بمعنى بعدين نقولك مو هنا وفهم وسكت ، تُقى بحنيه وهي تصحيهم:إيناس ألونَا تمار يمه قومو يالله قومو افطرو ونامو بفرشكم
قامو ، ووقفو وطلعو لفت ألونَا لـ فِراس:متى نروح؟
فِراس:العصر روحي نامي
هزت راسها بالايجاب وراحت ، خالد باستغراب لف عليه؛ماكان الصبح ؟
هز راسه بالايجاب وهو يتقهوى:الى بس بكلمهم ياجلون للعصر عشان تنام
ابتسمو على حنيته ولا عارضو ، الجده تُقى طالعتهم:بناتكم وصيه الرسول صلى الله عليه وسلم لاتكسرون بخاطرهم وتكدرون مزاجهم راعوهم اهتمو فيهم شوفو طلباتهم دللوهم بناتكم ذولي مالهم غناتن عنكم!
سلطان وهو يحرك فنجان قهوته وساهي فيه:ألونَا كتومه ونادرًا ماتبين إلي بداخلها لدرجه شوفي لها ثلاث سنين ماتنام باليل وتونا نعرف!
تنهدت الجده تُقى بضيق:الله يهديكم يارب ويريح صدورهم ويفرج همومهم
:امين
تكى ظهره سهم على الكنب بضيق وطالع جدته:ليه ماقلتي لنا من بدري يعني اول ملاحظتي؟
ابتسمت بضيق:قلت يمكن تنتبهون ولاحدٍ أنتبه
سكتو بضيق وبدو يحاولون يغيرون المود والموضوع ، عند ألونَا حست بصُداع ينتشل راسها قاست حرارتها وكانت مُرتفعه حطت المقياس على الطاوله عشان ينتبهون لها لانها ماتدري يصير لها شي ولا لا راحت وقعدت تحت الشاور ببجامتها وشغلت المويا وكما توقعت أُغمى عليها فالبانيو ، دخل إلياس واستغرب شاف جهاز الحراره وكانت 40 دور على ألونَا ولالقاها رجع الصاله:ألونَا هنا؟؟
بتال:لا بغرفتها اظن
رفع الجهاز:لكم ولا لها؟
سلطان بخوف:مادخلنا داخل وينها؟؟
إلياس:مالقيتها
وفز سلطان وعياله وفِراس لقسمهم وبحكم انه كبير انتشرو يدورون فيه ، فِراس دور فالبلكونه وسمع أحد يناديه وراح لغرفتها ، إلياس بتوتر:صوت الشاور شغال ومحد يرد ادخل شف في ولا لا!!
ونادها بحُكم انه زوجها وتحل له ، دخل فِراس بخوف وركض طفى المويا طلعها من الشاور وهو ياحاول يصحيها ، إلياس بخوف:ادخل!!؟؟
فِراس بتوتر طلعها وحطها على السرير ياحاول يصحيها :ألونَا ألونَا حبيبي تسمعيييني ألونَا!
وجو سلطان واخوانها، سلطان بخوف :شفيييها!!
إلياس بتوتر:مُغمى عليها بالحمام
وقف فِراس وشالها وحط بتال عليها بطانيه خفيفه عشان لايلفحها الهوى وطلعو فيها بسُرعه ، فزو الباقين بخوف من شافو فِراس شايلها ويركض برا ، وركبو وحركو سلطان وعياله وفِراس ، دقت إيناس بخوف على إلياس لأنه الوحيد الي متوقعه انه يرد :شفيها ألونَا!
إلياس وهو يغطيها عن الهوى:مُغمى عليها وعليها حراره معليه
إيناس بخوف:بلغنا شيصير!
وقفلت:عليها حراره ولقيوها مُغمى عليها بالحمام
الجده تُقى بخوف:اللهم اني استودعتك اياها
وجلسو بتوتر ، بالطوارئ حطو لها خافض حراره ومُغذي ولازال مُغمى عليها ، وجلسو تقريبًا للظهر مُغمى عليها ، صحيت قُرابه الساعه11:35 وفتحت عيونها بصعوبه:ويني
فزو عندها ، سلطان بخوف:ابوي ألونَا كيفك؟؟
ألونَا بصداع:صُداع وبرد شوي
غطاها فِراس عشان تدفى:عشان لبسك بلل
إلياس بخوف:يعورك شي؟؟
ألونَا مسكت راسها:احس بينفجر صُدااع!
وجا دكتور سيف؛ها ألونَا صحيتي؟ كيفك؟
ألونَا وهي ماسكه راسها:ايي شي يهدي الصُداع!
سيف وهو يملي على الممرضات يحطون لها مُسكن:الحمدالله نزلت حرارتك والصُداع باذن الله شوي ويخف
بتال مسك يدها بحنيه:فيك حيل تبدلين؟ عشان مايخشك برد
هزت راسها بالايجاب وخذت الكيس ودخلت الحمام وهي تقاوم الصُداع وكانو كُلهم ينتظرونها وخايفين عليها، طلعت واستندت على فِراس وتمددت بالسرير بصدُاع ، بعد نص ساعه، سلطان بحنيه:ها يابوي كيفك؟
ألونَا:باقي صُداع بس اخف من تو
جت الممرضه تفك الابر:وذي الوصفه خذي المُسكنات من الصيدلية
خذها انس وراح يجيب الادويه وقفت وساعدها إلياس تلبس عبايتها وهي مُستنده على فِراس واستندت عليه وأصرت تمشي ماتجلس بعربيه وركبو السياره ورجعو ، فزو لها بخوف وجلسو يطمنونهم ، تغدو وجا وقت صلاه الظهر وراحى يصلون ، راحت ألونَا وهي تلبس الشرشف وفي شعور فيها قوي يبيها تنسدح صلت بصعوبه ومن خلصت تمددت بالسرير بتعب، استغربو ابوه واخواهها ماجتهم بس عذروها عشان تعبها ، العصر ، صحت وهي معرقه وبدلت ومشت مع فِراس وهي مكتومه ، استجوبوها وخذو اقوالها والادله ، طلعو ، سلطان:شصار؟
ألونَا بصداع:بيتاكدوا من الاقوال والادله وبعدين يرفعونها للمحكمه
هز راسه بالايجاب ومشت وكان بيسالها بس مشت كلهم عاذرين مزاجها المُتقلب وصُداعها بسبب تعبها
__________________________
هالبارت حنوون ومُرعب برضو بس خوفهم عليها🥺🥺، أعتذر على التاخير بِـ التنزيل ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل
والاقتباس ماحلل القراءه بدون تفاعل🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷