« عزّ الله إنّي في ظبي نجد مغروم .. راعي العيون الّلي مع الزّين خجّله »

«29»

«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
‏«اللهم لاتجعل روايتي تُلهي عبدك عن عبادتك»

كِناز:ميلا فاهيه من الحمل ولا شنو؟
ضحكو وطالعو ميلا الي تطالع المدى بتفكير ، ضحك فِراس وحاوط اكتافها:وين وصلتي
ميلا بعدم فهم:وش وين وصلت
ضحك فِراس:مو معنى تفكرين
رمت راسها على كتفه بحلطمه:بخاطري ستيك فرنسا
خالد ضحك بصدمه:الله يهديك يابابا شطحتتتي!! شلون ندبره ذا
ضحك سلطان بوهقه:لو معنا الوصفه ازين بس ماش مب معنى
ايناس بصدمه:اح ميمي السفره قبل سنتين وشوي تتذكرينه للحين!!!
انهارو ضحك على ايناس ، ميلا عبست:مدري جا ببالي فجاءه
انس بوهقه طالع سلطان وخالد وإبراهيم وحمد:ارجو الافاده بحل بما انكم خُبراء!
انهارو ضحك عليه وهو متوهق ، ضحك حمد:والله يابوك قفلت خبرتنا الشكوى لله
ضحك ابراهيم:خبرتنا حليب نياق مب ستيك فرنسي
انهارو ضحك اكثر واكثر ، انس طالع ميلا بوهقه:لازم ستيك فرنسي؟؟
ميلا عبست:شدخلني!
وليد ضحك:مافي منا مناك؟
كِناز ضحكت:يعني اوصفي الي ببالك وشو؟؟
ميلا بوصف:طعم ببريكا بارده وستيك لحم غنم عاد دبروها مالي دخل مع صوص ايطالي
انس تنهد بوهقه:دخلو ايطاليا بخيالك؟
ميلا:مالي دددخلللل!!!
وانهارو ضحك ، ابراهيم وهو يضحك:امشو نعود ونفكر
وفعلًا شالو الاغراض بالسياره لانهم اوريدي مجهزينها وحركو ، بالبيت ، دخل انس الاغراض:ميمي شوفي وش الصوصات الي ببالك من الثلاجه وطلعيها
ميلا:عرفت؟
انس:تقريبًا
ودخل الاغراض وهي تختار الصوصات وسلطان وبتال مازارهم النوم جالسين ، انس جا وفتح الفريزر ولا لقاء لحم:بجيب لحم واجي تبون شي ؟
بتال:جب شاهي توت
هز راسه بالايجاب وطلع ، ونص ساعه جا ونزل الاكياس وطلع اكليل الجبل والريحان والنعناع المُجفف ، وطلع من الادراج بابريكا بارده وبهارت وملح ، جو فِراس والونَا وجِوان وجلسو ، وقفت الونَا:صبر بسوي الصوص ببالي شي حلو
وطلع خردل ومايونيز وصوص الرانش وليمون :ميمي عطيني الخلاط
وعطتها وكان خلاط يدوي ، حطت الونَا ريحان و ليمون وخردل ومايونيز وطلعت الصويا وحطت برضو:في شاي اخضر؟
بتال وهو عند الكورنر يسوي شاهي توت لهم شيك:لولو في اظرف
الونَا وهي تخلط:اعطيني
وعطاها ظرف وحطته على جنب ، انس:خلص الستيك
ووزعه بصحون وجنبه رُز ابيض شوي ، حطت ألونَا الصوص فوق الستيك والرز وكثرته على الستيك وحطت شاهي شووووي فوق للزينه مع ريحان ورشت فلفل اسود وببريكا بارده ، حطو الصحون على طاوله الطعام ووزعت ميلا الكولا والسفن ، جلسو على الطاوله وسمو وكلو ، ميلا وهي تتلذذ:فايده انك متزوجه شيف!
ضحكت الونَا وهي تتلذذ:الصوص هبد بهبد بس ضبططط
فِراس وهو متلذذ:انا أقول الافضل تفتح مطعم
وايناس والياس الي جو ، ايناس وهي تتلذذ:فتحت ولامافتحت برسبن عندك اربع وعشرين ساعه تسوي
الياس وهو يتلذذ:يالبييه ميلا توحمي دايم ولولو اهبدي دايم انس لا اوصيك عاد اطبخ دايم!
ضحك سلطان:عز الله بالراس طعمه
ابتسم انس :عافيه-طالع ميلا بوهقه-مثل الي ببالك ولا لا؟
ميلا وهي تتلذذ:الا نفسه بالضبطط حتى الصوص
ضحكت الونَا:تذكرت يوم كنا بالمطعم ونخمن من الطعم ولقيت بالنوت كاتبه الصوص
وضحكو الموجودين، ابتسم سلطان وهو يتامل جمال عياله وبناته واسرته الجميله،ورتبو الصحون وجلسو ياكلون مُكسرات وفصفص وشاهي وقفت ميلا،الونَا:تعاالي لاتناميين بفتح وياك تحقيق!
ضحكت ميلا:بنزل الحديقه شوي واجي بكلم صحبتي
الونَا ضيقت عيونها:لاتهربين لالعنك!
ضحكت:ابشر!
وضحكو ، وطلعت بابتسامة ونزلت جلست بالحوش الأمامي ، وتكلم صحبتها ، ميلا:اي كملت شهرين ياعيوونــ...
وصرخت ميلا من كان احد يحاول يسحبها:انــــــــــسسس انـــــــــس
ولاحد سمع عدا عبدالعزيز الي كان جالس بمشب الرجال وفز على الصراخ وشافهم فعلًا ركبو ميلا بسياره فان وحركو بسرعه ولحقهم بالسياره وهو يدق على انس ، رد انس:هلا عزوز
عبدالعزيز باستعجال:انننس خذو ميلا بللللغ بسرررررعه لوحه^^^^^
انس بصدمه:عزوزز لاتخليييهم!!!
وفز وعلّمهم باستعجال وطلع يركض بخوف وهو يسابق الزمان فعلًا ، ولحقوه ، ولقو الحراس مغمى عليهم عند البوابات ، دقت الونَا بخوف وهي تعض اصابيعها ، مساعد استغراب اتصالها وهالوقت ورد:هلا ألونَا امريني؟
استغربت بيان وخافت لايكون في شي ، الونَا باستعجال:مسااعد الان طلع دورييات وبلغ المرورر تكفىى خطفو ميلا!
مساعد بصدمه:حَرم انس؟ زين زين
وقفل وهو يرسل بقروبهم ، بيان بخوف:شفيه
مساعد وقف باستعجال:خطفو حرم اخوها وهي حامل وسبق وكانوا مهددين يوم انس نازل مهمه انتبهي لنفسك!
خافت وقفلت الباب وراحت تنام عند ولدها'زياد' ، ايناس دمعت بخوف:لولو شبيصير
حضنتها تهديها:مدري امشيي سرييع بلغي عمو بروح ابلغ وليد
وركضو تفرقو بخوف وصار شتان بالبيت وخوف كبيييييير والعيال كلهم طلعو عشان يكون بحث مُكثف
دق سهم بتوتر على عبدالعزيز:لحقتهم؟
عبدالعزيز الي سوا حادث:لا مامداني صدمو السياره
سهم بخوف:جاك شي؟؟؟!!!
عبدالعزيز:لالا معلييك بس بلغو بالوحه
هاشم بخوف:شفيه؟
سهم قفل:صدموه ولاجاه شين وضيعهم
ارتعبو كلهم اكثر واكثر ، ومرت يومين شنيعه على الكل وعلى انس الي ماذقت عينه النوم لاهو ولا فِراس والباقين يطيحون غصبً عنهم نوم والبنات الي عيونهم ماجفت من الدمع ، المركز ، سلطان ربت على كتف انس بحنيه:رح لو تاخذ لك غفوه لك يومين مانمت
انس بخوف حضن ابوه ودمع كالطفل،سلطان بخوف ربت على ظهرها:لا يابوك اذكر ربك مابيجيهم شي
انس بصوت محشرج ودمع:ماقدرت انتبه لهم وهم عندي يبه !
سلطان كان عارف ويحلف انه مايقدر يوصل ربع خوفه والمه:اذكر ربك وباذن ربيّ بنلقاهم لاتخاف يابوي لاتخافـ....
لفو لخلف الي رفع السماعه:مركز^^^ من معي؟
ميلا وهي ترجف خوف:انااا ميلا ميلا خالد الراشد
فز خلف وطالعهم:ميلا!!!
خذاه فِراس بخوف:ميلا وينك!
ميلا وهي ترجف خوف:مدري فِراس مدري حددو الموقع تلفون عام
فِراس بخوف:زيين بنجيك!-وطالع خلف-الااان حدد لي موقع الجوال
مساعد طلع الساحه بصوت:فريقيييين الاان اجهزو وصلتنا اشاره لمحل بنت الراشد اجهزوو!!
وكلهم فزو يجهزون ، وسُرعان مالقاه خلف وحدده ارسله للسواقين الفرق ورقم فِراس وانس:المكان بعيد ولاهو حولل الرياض بكبرها
فِراس وهو يشوف المسافه:مامن بعد بنص ساعه نوصله!
خلف بصدمه:بيين محلنا ومحلها خمس ساااعات!
وانطلقو كلهم بخوف وانس ركب مع فِراس بخوف وطول طريقه يدعي بداخله ان ربي يحفظهم له
ورجعت ميلا دقت على رقم المركز
ورد خلف:مر...
ميلا بتوتر:آدري تكفون سريع بيلقوني والله!
خلف بتوتر:مافي اي بيت حولك شي؟؟؟؟
ميلا بتوتر وهي تطالع:لا مالقيت ابدًا عدا ذا البقاله وفاضيه مافيها احد وفي انوار بعيده
خلف بتوتر:ميلا ركزي معي لازم الاان تروحيين لها اي منطقه فيها اضااءه بس انتبهي زين!
ميلا بتوتر:بروح من عند الاشجار
خلف:انتبهييي بطرييقك ميلا!
ميلا بتوتر:زين!
وقفلت وركضت بسُرعه وهي تلم عبايتها لجسمها بخوف وتوتر وتدعي ركضت وهي تحس بالالم بس ركضت ركضت باقسى ماعندها من طاقه وقوه تحمل تحملت ضربهم وبتتحمل كم ساعه عشان ترجع لحبيبها وزوجها واهلها بخير هي وضناها ، ركضت ودخلت بوسط المزارع وهي تسمع كلاب حوالينها وحيوانات لاكن ماوقفت ومشت بتوتر وهي تكرر الحوقله وسوره الكرسي ودخلت استراحه شباب ، فز واحد وصد:اخوو نورره من انتِ شجايبتس بهاليل!!
ميلا بتوتر:انا وضناااي فيّ وجهك وشنببك!!!طالبببتك!
مايقدر يتكرها وهي احتمت فيه وتعزوت فيه وهو صاد:والله انتس بوجهي وشنبي ولايمستس شين لانتِ ولا ضنتاس بس ووش علمتسس!!
ميلا بتوتر وخوف:انا بنت الراشد خالد ابراهيم متعب الراشد اذا تعرفهم خطفوني ناس عشان ينتقمون من زوجي تكفى وانا اختك لييين يوصلووون لي يوميين!
انصدم خويه:ولانتي الى بمكانتس ومحلتس وهالله هالله نعرف اهلتس وربعتس وجماعتس يدرون؟
ميلا بتوتر:لقيت جوال قريب ببقاله هنا وراكم وبلغتهم عن مكاني وبيجون بس مقدر اجلس برا اكثثر قدرت اهرب من الي خاطفييني بس يدورونيي ومعهم اسلحه! تكفون لايجي ضناي شي!
كلهم وقفو وكانو 7رجال ، وتكلم واحد وهو صاد:وهاذا محلتس ومكانتس لين يجون اهلتس وانتِ بالحفظ والصون
تكلم ثاني وهو صاد:ولاحدٍ بيقربتس ويجيتس لانتِ ولاضناتس وجلسي بذا وحنا حولتس ماحنا بمبعدين
تكلم ثاني وهو صاد:نوديك؟
ميلا بخوف:لالالا بيضرونكم معاي مقدر اطلع لين يجون اهلي والمباحث
وتكلم شخص ثاني وهو صاد:ابد وهذا محلتس وخذي راحتس
وكلهم طلعو وجلست بالغرفه بتوتر وخوف ، طق واحد الباب ، لمت عبايتها بخوف وتوتر وتاتاءه:ميين
مشعل:انا مشعل جايب لك اكل
عرفته من صوته وانه هو الي قبل شوي قال'اخو نورره ، انتِ في وجهي وشنبي' وقفت بتوتر وفتحت:يعطيك العافيه ماقصرت
ومد لها الاكل والقهوه والشاهي ومويا وهو صاد:واذا بغيتي شي بلغيني
ميلا وهي تحس بامان:ابي اتصل أبلغ اهلي
وعطاها جواله ، ودقت:الو خللف
خلف بتوتر:شصار ؟
ميلا بتوتر:هربت ماقدرو يجوني
خلف:وينك الحين؟
ميلا بتوتر:عند شباب مدري مين
خلف:عطيهم الجوال
ومدته ميلا:بيكلمك عسكري
وخذاه وهو صاد:البنت بخير ولابيمسها شين وهي بين اخوانها وربعها
خلف تنهد براحه:جازك الله خير ياخوي ماتقصر عز الله انك رجال من ظهر رجال
ابتسم مشعل:ولايحتاج ياخوي بنتكم بحسبه اختي وسم برسل لكم الموقع لانها يوم كلمتكم مكلمتكم ببقاله بعدها كيلوين عن استراحتي
خلف براحه:الله يطمنك وانتظرك
وارسله له ، ارسله خلف للي طالعين وكتب(ميلا عند مجموعه شباب متغبيه عن الي خاطفينها ذا رقمه وذا موقعهم)
رد فِراس براحه(زيين)
وانطلقوا على الموقع الجديد ، مشعل وهو صاد:ان كان ودتس بشين علميني
ميلا حست براحه واطمانان عندهم:مشكور ماتقصر وأعذرني جيتكم وخرعتكم
مشعل وهو صاد:ولا هو بينا هالحكي وانتِ اختي وهاذا محلتس وبين ربعتس وجماعتس
ميلا ابتسمت بخفوت واستحياء:اي بالله
انصرف مشعل وقفلت الباب وكلت وهي جوعانه وجدًا تبي اي شيي عشان تغذي طفلها الي فعلًا تاكل وهي تدمع من الالم الي تحسه ، وصلو فِراس وهذولي للاستراحه ،مشعل بصوت خافت لاخوياه:لاتجيبون طاري البنت لين نتوكد انهم اهلها
:زين
تقدم انس برجىء:السلام عليكم
وقف مشعل وسلم:وعليكم السلام امرني ياخوي شبغيتو؟
انس بخوف من انه موقع غلط وخوف برضو انهم مو هم:ادور لي واحدٍ اسمه مشعل؟
مشعل:هالله هالله انا مشعل
دق فِراس على الرقم ورن جوال مشعل وهنا كل الاطراف تاكدو ، مشعل افسح طريق:داخل الغرفه الي يمين
وركض انس هو وفِراس بخوف ، لفت بخوف للباب الي انفتح فجاءه ودمعت ولاقدرت تتحرك وتكلمت بتاتاءه:انس
فز وحضنها بخوف:الحمدلله يارب الحمدلله يارب
فِراس ارتاح من شافها وطلع يشكرهم ، ميلا بكت وتشبثت بثوبه:خفت انس خفففت
انس دمع وقبل كتفها وطالعها وشاف اثار الضرب بوجهها:مين سوا كذا؟؟؟!! يعورك شي؟ اذوك؟
ميلا بدمع:الي خطفوني مره انوس بطني يعورني
وسندها وطلعو ومن شافت ابوها ركضت وحضنته وهي تبكي ،خالد براحه وهو حاضنها ويمسح على شعرها وظهرها:الحمدلله يارب ليه يابابا الدموع ليه
ميلا ببكي:خفت
خالد بحنيه حاوط خدودها بين كفوفه:يعورك شي؟البيبي؟
ميلا هزت راسها بالايجاب بتعب:يعورني بطني حيل
وسندوها بخوف وركبت ، خالد بامتنان وهو مصافح مشعل:جزاك الله خير وحلفت ونذر ان تعشون بكرا عندنا
مشعل:ولا لك لواء ياعم بس...
خالد:ولابس ولا اعذااار وقفتم معي ومع بنتي وقفت رجال ووقفتكم ذي عمري مابنساها وعشاكم عندنا بكرااا
مشعل:ولاقدر اردك واثني كلمتك وسم
ابتسم فِراس:اجل برسل لك الموقع وننتظركم بكرا
ابتسمو ومابين كلام حركو ، كان انس جالس بالخلف وميلا متمدده وحاطه راسها بحضنه وهي متكوره على نفسها بسبب الالم وركبو فِراس وخالد وحركو ، خالد بحنيه لف عليها:اذوك؟
ميلا بدمع:لا بس يوم هربت كانو بيقتلوني
فِراس براحه:الحمدلله يارب بفضل الله ثم هم
ميلا بدمع:بس مره يخوفون فروس معاتيه والله حتى يوم اتصلت اول شي عليكم ببقاله فاضيه مافيها احد بس لقيت تلفون كانوا يدوروني بسياراتهم وشافوني يوم هربت للمزرعه وكانو يرمون رصاص بشكل مجنون لو مالقيت الاستراحه كان مت
خالد بخوف مسح على وجهها:لابسم الله عليك استودعتك ربي
انس بحنيه:يعورك شي؟
ميلا تكورت على بطنها بدمه والم:بطني مرّه يعورني
واسرع فِراس عشان يوصل للمستشفى ووصل للمستشفى بغضون ساعه ، نزل انس وشال ميلا بخوف ودخل الطوارىء وطلعوهم الممرضات طبعًا ، بعد ساعه ونص تقريبًا طلع دكتور،فز انس:ميلا؟كيفها؟
الدكتور الي بلغوه بالحادثه:الحمدلله بخير هي والجنين ولاتاذو لاكن بسبب الركض وايضًا قله الاكل والشُرب لازم نعطيها مُسيلات تلتزم عليها لين الشهر السابع وتوقفهم والحركه بعد الكثيره ممنوعه منها سوا بالحمل او بعد الولاده الركض جدًا اثر على رحمها ولو ركضت اكثر كان مُمكن الان نسوي لها عمليه ربط او تكون عندها المشيمه نازله وذي بحد ذاتها عاذب بس الحمدلله ماصار شي
كانو مو فاهمين عدا انها بخطر وتعب ، خالد بخوف:متى تطلع؟
الدكتور:الان بس يفكون المغذي
ودخلو عندها ، قبل خالد راسها بحنيه:كيفك الحين؟
ميلا بتعب:تعبانه ابي انام وارتاح بس
انس بحنيه:الحين ياُمي الحين
ومن فكو المغذي جاب انس كرسي وجلست عليه وهي دايخه ومن ركبو تمددت بتعب وراسها بحضن انس ونامت وهي لها يومين مانامت نامت وهي تحس براحه وامان ، ومن قربو صحو ميلا واعتدلت بتعب واضح ومن وصلو ركضت وعد لها ودموعها تسبقها وحضنتها وهي تردد:الحمدلله الحمدلله-وحاوطت خدود ميلا بين كفوفها وهي تدمع-كيفك ياماما؟
ميلا ابتسمت بخفوت عشان امها:بخير
وعد وهي تشوف اثار الضرب عند حاجبها وعينها حضنتها:حسبي الله ونعم الوكيل فيهم حسبي الله ونعم آلوكيل
وحضنوها الباقين وهم يدمعون بفرح وراحه ، استندت على انس ودخلو ينامون وهم مُرهقين تعب
راحت ميلا تاخذ شور وهي قرفانه من نفسها وانس كل ماشاف اثار الضرب عقد حواجبه بالم وهو يتوعد فيهم ، طلع للباب الغرفه الي يدق وفتح نص بس:هلا لولو
الونَا بحزن مدت مجموعه كريمات:حطهم لميلا عشان تخفّف عليها الوجع وتخفي الاثار
ابتسم وقبل راسها:ابشري ياُمي
ابتسمت:بخليهم يشيلون لكم اكل نامو وارتاحو
ابتسم:ماتقصرين ياروحي
وطلعت وقفل الباب بصوت:ميلا بحط لك كريم يخفف عليك
ميلا بالم من المويا الي تلامس جسّدها:يعورني المويا مو قااادره
وساعدها تطلع وتبدل براحه وحط لها ، دمعت وهو كان يدهن على ظهرها :خفت انوس حيل خفت كانو يتعمدون يضربوني عشان اطيح كانو يبون يضربون بطني بس كنت أدفهم
حضنها ودمع:الحمدلله يامي بخير وحفظككم ربي لي والله وبالله وتالله ماخليهم وان اغيب شمسهم عن هالدنيّا ذيّ بس ارتاحي
وتمددت على جنبها ودفنت راسها بصدره وهي تبكي من بشاعه الي صار لها باليومين الماضيه وكان انس يدمع بحرقه وخوّف عليها لين ماغفت عيونهم هالاثنين سوا ونامو وهم يواسون بعضهم البعض
مر قُرابه الاسبوع وميلا متخوفه من كل شي يصير وبس ويا انس ومعاه بكل مكان وانس اخذ اجازه شهر عشان يجلس وياها لين ماترتاح ، وتم تمايم 'وليد ، جِوان' بهالاسبوع بجمال وشكل مُبهر دعاء الجميع بالحديث عنه ، كانو كلهم جالسين بالحوش الأمامي وفجاءه وبدون مُقدمات جت ميتا تركض وهي فحمانه بتاتاءه:فِراس مغمي عليه
وفزو كلهم لفوق ولقو الونَا تحاول تصحيه وهي ترجف،خالد بخوف:شفيه؟
الونَا برجفه وخوف:مدري فجاءه طاح
وشالوه بتال والياس بسبب بُنيه جسمهم الكبيره ويقدرون على فِراس وبُنيه جسمه الضخمه وركبوه السياره ومشو ، الونَا بخوف خذت عبايتها وجوالها:ميتا انتبهي لجِوان
وركضت بدون لاتتكلم مع احد بخوف كبير وحركت بِـ اسراع وجنون كلهم كانو خايفين وخافو على الونَا ايضًا من سُرعتها وخوفها ، ابراهيم بتوتر:باذن الله مابه الا الخير عينو خير
وعد وهي خايفه:ياارب
بالمستشفى نزلوه بسرعه ودخل الطوارى ، الونَا بخوف:وينه!
حضنها سلطان وهو ملاحظ رجفتها وخوفها:داخل هدي
وجلست وهي ترجف وتهز رجلها وجالسه على أعصابها ، طلع دكتور نواف:مانقدر نطلعه يجلس هنا
خالد بخوف وصدمه:بشكل داائم!!!!
نواف:هد ياعم هاذا اخر حل مانقدر نطلعه ابد
الونَا بخوف وتاتاءه:شفيه
نواف:بنسوي له فحوصات للكلى عشان وحده منهم تضررت من ابر الكيماوي والادويه وبنعطيه كل يومين جرعه عشان كذا لازم يجلس لصحته افضل بكثير
دمعت الونَا بخوف وحضنها بتال:معليه فتره وتعدي هدي
الونَا بدمع:ياخي يالله يتحمل الابر والحيين كلى!!
ايقنو حجم المُعانه الي كان يعيشها وبيعيشها وشافو خوف الونَا الكبير وطاغي عليها ولايدرون شيسوون ، ونقلوه لغرفه وانسحبو الباقين بعد مانذرت الونَا نذر انها هيّ الي ترافق ولايقدرون يتكلمون زود ومشو بعد مانتهى وقت الزياره وخبرو الي بالبيت وانهارو بكي وخوف ، وقفت ايناس وهي ترجف وراحت عشان تجهز اغراض لهم ، ولحقها الياس وحضنها على الدرج ، بكت وتشبثت فيه:مابيروح صح
الياس وهو يهديها:لاتتفاولين ايناس! استهدي بالله واذكري ربك وباذن الله كل خير بيحصل
ايناس مسحت دموعها:بجهز اغراض لهم ووديها
هز راسه بالايجاب:وخلي جِوان معنى بعد نهتم فيها
ايناس:اكيد
وراحت جهزت الاغراض وبلغت ميتا تودي كم غرض لها ولجِوان لقسمها عشانهم بيجلسون هناك لين يرجعون الونَا وفِراس ، وبالمستشفى كان يُصرع الالم والونَا تقرا قُران وهي تدمع وتستودعه الله ، بعد يومين ، جا سيف بابتسامة ضيق:فِراس لقينا لك مُتبرع
فِراس بتعب وصوت مبحوح وملبسينه لي الاُكسجين الي مع الانف:مين؟
سيف بضيق:يقول ماوديّ تعلمونه ولا ابي منه الا الدعوات
فِراس شك باخوانه:امنتك بالله اخواني؟ابوي؟عيال عمامي؟؟
سيف بضيق:لا والله ماهو منهم ابدًا فاعل خير ويدور الاجر
فِراس ولاجا بباله ولا 0.1٪ باحد غيرهم:تمام والله يسعده يارب بس ها ابي اشوفه بعد العمليه!!
سيف بضيق:ابشر ابلغ اهلك؟
هز راسه بنفي وطالع الونَا الصامته:اذا طلعت تكلمينهم وتقولين لهم لاتقولين شي قبل اطلع
هزت راسها بابتسامة:من عيوني
وخذاه سيف يجهزونه ويجهزون المُتبرع ، بعد مرور ساعتين ونصف تقريبًا خرج من العمليه وصحى من البنج بصوت متشرج:وين ألونَا
دخل سيف وهو يدف كرسي متحرك وكانت الونَا جالسه فيه ولابسه لبس العمليات ابتسمت بخفوت:عيوني
وسع عيونه بذهول بس ماقدر يقوم بصوت متحشرج:انتِ الي تبرعتي؟
ابتسمت وهزت راسها بالايجاب وهي تدمع وحضنته ، فِراس بضيق وعتَاب:الونَا لييييه!! ليه الونَا!!!
سيف وهو يشوف علامته الحيويه:اصرت وحلفتني ولاقدرت بلغت بتال واهلكم جايين بس مايدرون من المتبرع
ومن انهى كلامه على دخولهم وانقبضت قلوبهم من شكل الونَا بلبس المستشفى وجهاز علامت حيويه واسلاك وابر ، خالد بتمني انها مو هي:لاتقولين أنتِ المتبرع
نواف تكتف:ماقدرنا نقنعها
حضنتها وعد وهي تبكي:ليه ياعيووني بتتعبييين والله!
الونَا حضنتها وهي تدمع:ماقدر اشوفه تعبان اكثر من كِذا!
كان فِراس يطالعها بصمت والباقيين ادركو فعليًا حجم الحُب الي تكنّه له ، عاتبوها خالد ووعد وفِراس وهي مو مهتمه ولاتسمع لعتابهم وتسلك لهم عشان يوقفون ، قبل خدها بتال بابتسامه:وليه ماقلتي لنا؟
الونَا:اعرفكم مايحتاج
ضحك سيف:حلفني انه مو احدٍ منكم يالعيال وحلفت له عشان يوقع وطلعت بسرع قلت الحين يحلفني هي الونَا ولا لا واتورط!
ضحكو ، قبل خالد راسها بامتنان وحُب وحنيه:ربي لايحرمنا حسك
ابتسمت:ولاحسك -طالعت ايناس الي شايله جِوان باشتياق لبنتها-اعطيني اياها
ايناس:مافيه! أنقلعي حيوانه وتبنه وخاينه!
الونَا بتعب تخفيه:شسويت!
ايناس:كلييتبن ليه ماعلمتييني!
الونَا:كذا كيفي جيبي بنتيي!
ايناس:انقلعيي تحبني اكثر منك
الونَا طالعت ابوها:مساعده شي؟
سلطان ضحك:والله ماوديّ اتدخل
وضحكو وكل هالوقت فِراس صامت يتامل الونَا ولاهو قادر يعبر ولاهو قادر يتكلم ،جلست وعد وحضنته بهمس:بجيب لها هدايا ولا اشوف اعتراض
فِراس همس لامه:خذي بطاقتي وجيبي اغلى واثمن شي!!
وعد ابتسمت بهمس:ليه؟
فِراس بهمس:يمه والله معورني قلبيّ حييل ولاهو هاين عليّ اشوفها تعبانه ااخ بس لوني داري
وعد ابتسمت وبعدت ، الونَا خذت جِوان وهي تقبلها وطالعت ايناس:شتوكليينها طالعه لها خددود ابيي اكلهم!!!!
ضحكت سُندس:اخ يالولو عضضوها وبس تبكي منهم
الونَا:خيير بنتي شتبون!
ايناس:وجبتي !
الياس:نص لي ونص لها يعني مُقابل اننا ماسكينها ونوكلها
الونَا:دزها انت وهيّ
خذها خالد بحنيه:بتتعبك يابوي
الونَا ميلت شفايفها باسى:وحشتني
قبل راسها خالد:بس بتتعبك؟
ابتسمت تخفي تعبها:الي ودّك
طالع سلطان سيف:اي تقدم؟
سيف :ننتظر التحليل يطلع
نواف وهو يراسل بالجوال:بيجيبونه الحين
وفعلًا بخمس دقايق جابوه ، جلسو يتناقشون الاطباء ومنهم نواف وسيف، ابتسم سيف براحه وفرحه:ولله الحمد دم فِراس مافيه اي خلايا سرطانيه!
صارخو بفرحه وفرحو فرحه كبيــــــــره ، والي سجد شُكر لله والي حضن فِراس وهو يبكي والي يهدي الونَا المبتسمه وتدمع ، ابراهيم بفرحه كبيره:متى يطلع هو والونَا؟
نواف بفرحه وراحه:ثلاث أيام بالكثير
ابتسمو بفرحه ، حضن بتال الونَا الي تبكي:الحمدلله يارب ليه يابوي
ابتسمت وهي تمسحهم:فرحانه!
ميلا ميلت شفايفها بابتسامة وحضنتها من بعد بتال:احبّك ياخيي
وليد ابتسم:كلنا نحبها والله
طالعه فِراس تعب وصوت مبحوح:قل والله؟
وانهارو ضحك ، هتَان وهو يضحك:من اليوم ساكت وتوه ينطق
سهم ضحك:الرجل القيور
وانهارو كلهم ضحك وانتهت الزياره ومشو ، وقفت الونَا على حيلها وجلست جنب فِراس وحضنته وهي تبكي ، غطى ظهرها بالكمبل لو احد دخل لانه باين بسبب لبس المستشفى وهو يقبل نحرها ويدمع:احبّك احبّك احبّك والله والذي نفسي بيده لو طلبتي روحي آنها ماتغلى عليك
شدت عليه وهي تبكي بابتسامة فرحه:فروس خلاص مابتتعب! تغلبت وانتصرت علييه فروسي! الحمدلله يارب الحمدلله الحمدلله يارب
بعدها وهو يدمع وقبلها بحُب وسند جبينه على جبينها ولازالو يدمعون الاثنين:ليه ياكليّ ليه ياراحتي وبُهجتي بهالدنيّا ليه يادنييتي انتِ ليه تتبرعتي وبتتالمين وبتضلين على ادويه وتمتنعين عن اشياء
الونَا قبلته بجُراءه:والله لو تبي قلبي مايغلى عليّك ياكليّ انت محببببوبي وحبيبي وزوجي وابو بنتتتي ماقدرت والله ماقدرت اشوفك تتعب وتعبان اكثر من كِذا ماقدرت
حضنها بحبّ، بعد مُده وهم حاضنين بعض بصمت انطق الباب وبعدت ، دخلت الممرضه:الونَا بنوديك الغرفه
الونَا:ابغى هنا مابغى غرفه
الممرضه:مانقدر
فِراس:في جناح؟
الممرضه:ببلغهم ينقلونكم له وتعبون الاوراق بس لازم مُرافق
فِراس:لا مانحتاج مو تعبانين حيل
هزت راسها بالايجاب وراحت وقفت الونَا وجلست عشان ينقلونهم واذا جو جسمها واضح من ورا ، وفعلًا نقلوهم وراحت الونَا جابت قميص اسود مُشجر باورد التوليب يصل لنص الساق وجلست بمُعانه وكان فِراس فعلًا يساعدها عشان ماتتعب اكثر ولبست وانتهت وبرضو ساعدت فِراس عشان مايتعب اكثر ولبس لبس مُريح ، وفعلًا مرُ يومين وطلعو ، وصلو البيت وسفطو واستقبلوهم باحتفال صغير وبسيط تمهيد للمفاجئة الكُبرى ، وجلسو ، جابت ايناس جِوان بابتسامة:توفووووو!!!!
الونَا مسكت قلبها بتمثيل:اويييل حاالي!! وسو داا !
وشالتها وميلت شفايفها بابتسامة وطالعت ايناس:احسني بصيح !
وانهارو ضحك ، قبل خدها فِراس بابتسامة:وعيوون بابا
انس تنهد:ياعياااال
هتَان تنهد وتكى:ماش كلنا طحنا عند بزر؟
وانهارو كلهم ضحك ، الونَا:حددك معلش معلش بنتِ مب بزر عمرها ست شهور انت الببزر
بتال:ودلبوسي هالنتفه ست شهور!بسم الله ماشاءالله
انس بمحارش:اي قلت لكم بتطلع نتيفه زي لولو واقصر بعد
الونَا رجدته بالفاين بقهر:نووووسه كلتبببن زييين احلى من طولك حشى عامود كهرب ماشاءالله!!!!
وانهارو ضحك ، ضحك انس بصدمه:انا عامود كهرب! شفتي قلت لك بتتغيرين عليّ عشان نتفه توك تشوفينها
قبلتها بخفه:والله احلى منننك!!!
إبتسمت إيناس:تخييلي لولو في خصل شقرا وخصل بنيه كانو هايلايت!
ابتسمت وهي تشوف:أكيد حيااتي ذي بنت الونَا الراشد شعبااالك اكيد بتكون غير!!!
انهارو ضحك ، وليد ضحك:قامت ترفع ترا اخواني وابوي ناوين يحلقونها ويتصدقون بوزنه
ضمتها لها:اقول امشو بس عادي في شي اسمه فلوس تصدقو فلوس وقفت على شعرها والله ماتحلقووونه!
ضحك سلطان:عادي حلقنا شعرك ورجع
الونَا:والله ماتحلقونه وش يظمني يطلع شعرها كذا بعدين ولا لا؟
ضحك خالد:ذا همك؟
ضحكت:والله حلو معليش ابعدو عنها عندكم وليدوه عادي مو شرط وزن شعرها وزن جسمها نوزنها وخلاص نتصدق فيه
ضحك هتَان:قفلتها عليكم خلااص
ضحك ابراهين:عز الله
نرجس ضمت ولدها من طالعوها:يع ماتخيله اقرع ابعدو بس!
وانهارو ضحك ، ضحك خالد:عادي بيطول
نرجس:لالا خلو كذا شعره كيوت حلو
سلطان:اي عينا خير دامه كيوت
سهم:بكرا يتدلع
نرجس باستهزاء:اي ويلبس شورت ويحط على شعره جل وعنده النترا
سهم ضحك بصدمه:سفلي دايركت ليه تلفينها؟
وانهارو ضحك ، ضحكت نرجس وهي تلاعب وليد:والله يكبر ويربيك اصبر بس
ضحك بتال:رباه من الحين امس مزاوع عليه
انهارت نرجس ضحك:حيي عينك ولدي!
وانهارو ضحك الباقين ، وعد طالعتهم بحنيه:سوييت سليق وشيش برك والله اذا نمتو اثور فيكم!!
فِراس:دام فيها شيش برك لوتبين اوصل ثلاث ايام
الونَا:الله السليق حققك اوف
سُندس بتمثيل للعصبيه:الواحد يقول شكرا يعطيك العافيه كبر الحمير وتتعبون امييي!!!
الونَا طالعت فِراس :المفروض نقول كِذا؟
فِراس:مشي مشي
انهارو ضحك على فصلتهم،أبراهيم لف لـ تمارا:ماجهزتي؟
تمارا باستغراب وهي تفصفص:لوش؟
ابراهيم ابتسم:لعرس امتس
غصت:اقتنعت!
ضحك سلطان:عمي حلف
تمارا طالعتها:والله اني داريه الحبّ الي براستس للحينه مانطحن بس كفو عليييه يبه حمد
انهارو ضحك ، تمارا لفت لجدها:متى؟
ابراهيم:ظني قال شهر ونص ؟
تمارا بتفكير :يعني بشهر9؟ تاريخ؟
أبراهيم:ماعندي علم
نرجس:اتوقع 9 مدري10
تمارا لفت لـ ايلاف:شفتي قلت لك بتسوين يعني بتسوين !
وضحكو الموجودين ودخلو البنات داخل الصالة ، وعد بحنيه مسكت يد الونَا وجلستها بشويش:يعورك لولو؟
ابتسمت وجلست:لاياعيوني
ابتسمت سُندس وقبلت خدها وحضنتها:احبك احبك احبك
ابتسمت وحضنتها:اعششششقك
وبكت جِوان ، سُندس بعدت:افوه يالغيوره نسينا ان امها وابوها اكبر غيوريين
وانهارو ضحك ، جت سُندس ببتكلم ودخل سهم:سُندس العجوز رجعت!
سُندس وقفت:بخنقها لين ماتقول شتبييي!!
وركضو برا هي وسهم والباقين منهارين ضحك ، وليد وهو يشوف اشكالهم ركضو عند البوابه ضحك ولف لاخوانه:لقافه مثل لقافتهم ماشفت
وضحكو وسكتو يشوفون ، فتح عدنان الباب ، سُندس:هلا ياخاله
العجوز بصوت مُختلف وهيئه مُختلفه:هوا دا بيت الونَا؟
استغربو اكثر واكثر نفس السوال بس الهيئه والصوت مختلفين ، سهم:سمي شبغيتي ؟
العجوز:ابغا اكلمها ممكن تندهو عليها؟
سُندس بلعانه:ادخلي ادخلي
ودقرت يد سهم وفهمها وبعدو ودخلت وقفل عدنان البوابات كلها من همس له سهم ، العجوز لفت لسُندس:وين؟
سُندس تكتفت امامها:خلصيني شتبين؟
العجوز بتمثيل: اش اش ابغا؟
سُندس تقدمت والعجوز ترجع ورا لين مالصق ظهرها بالجدار ، سُندس تكلمت بشكل مُرعب وهي مفتحه عيونها بشكل مُخيف:اذا بتطلعين من هِنا ياجثه ياللشرطه واذا تبين تطلعين بخير قولي مين انتِ او انت ووش تبين بالونَا؟
العجوز بوهقه وتوتر سكتت ، ابتسم سهم وحط يدينه بجيبها:حلوين تكلمي عشان تطلعين غيره مافيه
سلطان من بعيد:شصاير؟
سهم ابتسم ولف:يبون يلعبونها علينا
سُندس ابتسمت بسُخريه وهي تطالع العجوز بشكل مُخيف:بس نسو اننا الراشد
طلعت إيناس بأبتسامة:اوه مستضفين العجوز الي كل ماحلت لها الجلسه جت؟
العجوز بتمثيل ووهقه:ماعم بعرف عن شو عم تحكو
ضحك سهم وطالعها:اوله حساويه وبعده نجديه جنوبيه
ضحكت سُندس:وبعده جداويه والحين قلبت سوريه
ايناس تكتفت امامها:شوفي معك ربع ساعه ماتكلمتي بتلك للسجن وانتِ ادرى اكيد مين انا؟
العجوز حاولت تهرب لاكن وقف لها بالمرصاد سهم:سريع المهله بتخلص!
العجوز بحده:ابعد!
سهم ضحك وطالع سُندس:المستجدات رجال
وطرحه بالارض:انت الي جبته لعمرك اجل
وفك الغطوه عنه ، ضحك وليد:عجيب والله اشباه الرجال ياسهم اشبااه
ضحك سهم:وين الله يسعدك عجوزه ذا
وربطوه ، دخلو الدوريه وخذوه وراحت ايناس بسيارتها وراهم وجلسو الباقين ، سُندس بلقافه:مين طيب!
ضحك سهم:مدري
ضحك هتَان:جننتو انفسكم عشان تعرفون وبالنهايه ماعرفتو
__________________________
احداث لذيذه جدًا ادعو لي اجيب بالقدرات100😔❤️❤️ ، شرايكم بس بالسوبرايز الكبير باقي سوبرايز اكثر واكثر انتظرو بس مُفاجاءت حلوه وتجننن وصلو التعليقات40+،أعتذر على التاخير بِـ التنزيل ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل
والاقتباس ماحلل القراءه بدون تفاعل🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷