« عزّ الله إنّي في ظبي نجد مغروم .. راعي العيون الّلي مع الزّين خجّله »

«38»

«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
‏«اللهم لاتجعل روايتي تُلهي عبدك عن عبادتك»

الدكتور:هدي بئ هيا بخير وصحه والبيبي برضو بخير وصحه بس حصل عندها زي التضيق بشرايين القلب وحصل ضُعف بضخ الدم للبيبي بنديها ادويه تلتزم بيها لشهر السابع بعديها بنقرر بعد الولاده اذا بتحتاج عمليه قلب مفتوح ام لا
صعقو كلهم ولاتوقعو ولا واحد بالميه تكون كذا المشكله كبيره وجدًا ، جلس ابراهيم من اجتاحته دوخه وخوف على بنته وضناها ، عبدالعزيز بخوف وتلعثم:طيب طيب الحين شبيصير بيصير شي لنرجس؟
الدكتور:لاء بس لازم تتلزم بالادويه الي بنديها ليها وكل اسبوع اسبوعين بتيقي عشان الاشعه واذا حصل اي الم مهما كان بسيط بتجيبونها للاحتياط فقط
خالد:الاثار الجانبيه للادويه مُستقبلًا بعد الولاده البيبي بيتضرر ؟؟ نرجس بتضرر؟؟ بتلتزم بهالادويه طول عمرها؟؟
الدكتور:لا مافيش اثار جانبيه طالما هيا بتتبع الوصفه الصحيحه مابتكثر ولابتغلط بمواعيد الادويه والادويه بتساعد بضخ الدم للجنين ومثل ماقلت بعد الولاده بنحدد تساوي عمليه او لاء لان الي مبين لنا دي اول مره بيصير معها موقف زي دا هي كانت بتشتكي من اقلبها ؟ نغزات؟
كلهم لفو لعبدالعزيز،عبدالعزيز بتذكر:لا ولا مره
الدكتور:دا بئ ان شاءالله بغضون هالشهور مابتحتاج العمليه والوصفه كتبتها تفضلو
وخذها خالد :مشكور دكتور ماقصرت ، نقدر ندخل؟
الدكتور:العفو اءه بماكنكم تدخلو بستئذن
ومشي ، سلطان لف لعبدالعزيز:عبدالعزيز يرحم والدينك تذكر قد مره شكت من قلبها ؟؟؟
عبدالعزيز بتذكر:ولامرره ماعمرها جابت طاري!
نَواف:معليه باذن ربي ماتحتاج هالعمليه
ودخلو كلهم عندها كانت مُمده بهدوء وملامح وجّهها ذبلانه ونايمه بلُطف واسلاك مُمتده من قلبها لاجهزه كثيره ومن رحمها ايضًا بس مغطين جسدها مُمتده لاجهزه كثيره ، اوجعتهم قلوبهم على شكلها وكلها ابر ويدينها جميعًا ابر عند اماكن النبض وجلسو بصمت ينتظرونها تصحي ، مرت ساعه تقريبًا ، فتحت عيونها وقلبها ينغزها بقوه ماقدرت تركز وتشوف مين عندها ، وليد فز لها:نرجس
نرجس بالم:قلبي ولييد قلبي يعورررني
وقفو بخوف كلهم ونَواف ضغط زر الاستدعاء وجو كلهم ومن جو ، بدا جهاز العلامات الحيويه الي يخص نرجس بالانذار والتصفير وتساوى الخط مُعلن توقف قلبها ، كلهم انقبضت قلوبهم وهم يشوفون الاطباء يصعقونها ويحاولون قد مايقدرون مايذون الجنين لاكن ماقدرو وبعد قُرابه النصف ساعه ، وهم مُستمرين بصعقها ، وواقفين اخوانها وابوها وزوجها وعيال اخوانها يدعون ويرتجفون بخوف كبير ، بدا نبضها يرتفع وينزل وصار غير مُستقر ، تنهد الدكتور براحه:رجّع النبض
تنهدو براحه وسجدو شكر لله بس مامداهم ، الدكتوره:مين ابو الولد فيكم؟
عبدالعزيز بخوف:انا
الدكتوره مدت له اوراق:حالت نرجس ماتسمح لها تكمل بهالحمل طفلك ولا زوجتك؟
ارتعشت خلايهم بصدمه وخوف ومتوترين من قرار عبدالعزيز ، لاكن عبدالعزيز مافكر ووقع اوراق الاجهاض ، الدكتوره:متاكد ؟
عبدالعزيز بانفعال:اي
لفت للممرضات:جهزو غرفت العمليات ببلغ الدكتور واجيكم
وطلعت ، ربت خالد على كتفه بضيق:الله يعوضكم
عبدالعزيز:امين
واتجهو كلهم جلسو عند غرفه العمليات ينتظرون ، دقت الونَا على فِراس بخوف ، وحكاهم ، انهارو بكي وتُقى هبط معها الضغط وانفال ارتفع سكرها ، مر الوقت وطلعت نرجس من غرفت العمليات وودها الغرفه ، وراحو كلهم ينتظرونها ومن صحت فزو يتحمدون لها بالسلامه ويدعون الله يعوضهم ، لفت لابوها بتعب:روحو!
ضحك ابراهيم بتلطيف للجو:تطردينا؟
ابتسمت ابتسامه صفراء دليل تعبها:ملكت اصايل ولا نسيتو بعد؟
نَواف ابتسم:تت..
نرجس بابتسامة تعب:وربي العنك!حلت السالفه لك؟
ابراهيم بحنيه:وانتِ؟
ابتسمت بتعب:ماني طايره روحو
قبل رأسهآ ابراهيم بحنيه:سميّ يابوك واذا بغيتي شي بلغينا
هزت راسها بالايجاب بابتسامة تعب ، ومسكت يد فِراس وطلعو وبقى فِراس وعبدالعزيز ، طالعته:جيب سُندس ترافق معي
فِراس:عبد
نرجس بحده:تجلس ولا تجيب وحده من البنات؟
عبدالعزيز بضيق:نرجس اسمعيني؟
فِراس:فرصه؟
نرجس فكت يد فِراس:جيب سُندس
وطلع وتنهد بقل حيله منه
عبدالعزيز بكى بخوف وهو حاضنها:الحمدلله على سلامتك
ماتخفي انها انصدمت من دموعه بس سكتت مابدت رد فعل ، بعد بدمع وحاوط خدودها بين كفوفه:ادري تعبانه وزعلانه بس الله بيعوضنا باذن الله
نرجس بحده:وليد وبس
عبدالعزيز دفن وجهه بصدرها وبكى كالطفل:انسحبت من المهمه نرجس خليني ابقى معكم تكفين وربي خايف عليكم خايف عليكم
نرجس ودها تحضنه وتمسح دموعه بس عزت نفسها ماتسمح لها:عبدالعزيز اطلع
عبدالعزيز:نرجس!
رمت المخاد وهي تضرب كتفه بعصبيه:عبدالعزيز اطلع!اطلع!اطلع!اطلع!مابغااااك ! اطلع خلاااص عااافتك نفسي!! اطلع مابيييييك مابييييك اطلع
حضنها يهديها وكان ضايق:ابشري بس تكفين اهدي مو زين لك اهدي تكفييين نرجس طالبك!
ودق الجرس وجت الممرضه تركض وهي سمعت صراخ وانفعال نرجس وحقنتها بمُهدى وطلعت ، دخلت سُندس ، عبدالعزيز بضيق:سُندس تكفين انتبهي لها
سُندس وهي تطالعهم اوجعها قلبها على حالهم الي متبهذل:ابشر
وطلع شاف فِراس برا طاحت يدين عبدالعزيز بقل حيله:فِراس!
احضنه فِراس بصدمه من دموعه:اذكر الله عزوز! هد
جلس عبدالعزيز على الكراسي لان هبط معه ضغط الدم ونقلوه الطوارىء ، عبدالعزيز بانهيار:ماتبييني فِراس كرهتني! تقول مابيك فِراس!
ضاق صدره:هونها وتهون ياخوك وفتره ترضى باذن الله وانت انسحبت من المهمه خلاص
عبدالعزيز بضيق:لو انسحبت!عبالك بيخلونهم ! خايف عليهم فِراس بس
فِراس:كلم جداني؟
عبدالعزيز بضيق:ذا ابوي جاي
وجا حمد يعدي بخوف:عزيز!
وقف فِراس جلسه:هد يبه بس هبط معه ضغط الدم. شوي
هاشم بخوف:وش العلم!
فِراس:هاشم امش معي
وطلعو ، عبدالعزيز بضيق دمع كالطفل بحضن ابوه:يبه معد تبييني وانا سوييت كل شي عشان محد ياذيها يبه! خايف عليها وتقول لي مابيك اطلع!
ضاق حمد وجلسه:خلاص هد!لاتنزل دمعتك وتلقاها مع التعب جيتك غلط عليها!اهجد شوين وحاول تراضيها بس اصبر نفسيتها يمكن تعبانه الي صار لها ماهو بهين ترا!
عبدالعزيز بضيق اشر على قلبه:يوم قالو ضيق بالشرايين يببه كن قلبيي انفج نصين مستعدد اطلع واعطيه ايااها بس ماتقول لي مابييك!
حمد تنهد بضيق على حالهم وهم اعز اثنين على قلبه:نم ويحلها ربك نم وريح انت
عبدالعزيز وهو يطالع القمر:
وين يهنا لي النوم
وانا مدري عن حالها
كان حمد يفكر ويطالع ولده وكان مصدوم لانه اول مره يشهد دموع ولده اول مره يشوف ولده يبكي بحضنه اول مره يشوف واحد من عياله بهالحاله وايقن انه وصل مرحله عاليه وجدًا من الحُب الي مُستعد يعطي قلبه بالكامل للي يحبها بس انها ماتقول له مابيك! مستعد يبيع عمره عشان ماترد حضنه! وجلس يدعي لهم لين ماغفت عينه بدون علمه وعبدالعزيز مازال يطالع القمر ويهوجس ، فوق ، حضنت سُندس نرجس الي ترجف وتبكي :شش نرجس هدي!
نرجس انهارت بكي وتاتاءه:اخ سُندس قلبي يعورني حيل يعورني بقوه احسه يتقطع من جوا احس في احد يغرز سكاكييين فيني سُندس حييل تعباااااانه ابيه! والله ابييه ولاعفته !!!!ابيييه بس مايهوون عليّ قلبيي معوورني وعزة نفسيي ماتسمح لي ارضخ واسامح من اول شي!!! سُندس العمليييه صعبه ! صعبه والله صعبه! وتعور قوووه احسني بموت بآي لحظه!! ليييته عندي وحاول اكثر يمكن احن بسرع واساامح
سُندس بعدت ومسحت دموعها:طيب هدي تكفين ماتحمل يصير فيك شي بعد هدي ! اذا تحبينه سامحيه نرجس! ماسوى هالشي من فراغ ابد ماسواه من فراغ كان مُجبر حياتك وحيات عياله على المحك اكيد بيضحي بنفسك
نرجس ضحكت:عياله؟-وبكت مره ثانيه-وين الثاني؟ وينه؟!!!
سُندس ايقنت انها مكتئبه ومتضايقه حيل:طيب هدي يأُمي
انطق الباب ودخل فِراس:كيفك نرجس؟
نرجس ضحكت بأستهزاء وسط دموعها:برائيك؟ كيف وحده توها فاقده ضناها؟
فِراس تنهد بضيق وجلس جنبها:ربي بيعوضك ، عبدالعزيز بالطوارئ
نرجس:فِراس مابي اسمع اي شي عنه
فِراس اصر:طلع من عندك وانهار يبكي كنه طفل
نرجس بحده ودموعها تنزل:فِراس مابي اسمع اي شي عنه!!!
فِراس مُصر:خذوه الطوارئ هبط معه ضغط الدم ومن طلع من عندك يبكي كنه طفل
رمت نرجس المخده بحده وهي تدمع:مابي اسمع اي شي مابييييي فِرااااس مااااابي اسمع شييي عنه !!!
فِراس مُصر:دق على يبه حمد ومن جا انصدم من شكل ولده وبكى عبدالعزيز عنده يترجاه يقنعك تسامحينه بس وموجعه قلبه لانك ماتبينه كلنا ندري تبينه نرجس سامحيه! لو ماسوى هالشي كان صار لكم شي وشوفيه انسحب من المهمه وانتو بخطر!
نرجس وهي تضرب صدر فِراس الي حاضنها وتبكي:بعد مابي اسمع اي شي عنه مابييه فكوني مابييه مابي اسمع اي شي مبي اسمع شي عننننننه اتركووني بحاااالي اتركووووني كفاااايه!
طلع فِراس بضيق وجلس جنب هاشم ، حضنتها سُندس وجلست تقرا ايات لين ماهدت ونامت وطلعت لفِراس وهاشم:كلمو دكتوره نفسيه؟
فِراس بخوف:شفيه!
سُندس بضيق جلست:واضح اكتئاب مو متقبله فكره الاجهاض وتلوم نفسها لصحتها نصحيه وانتم هاشم لاتخلون عزوز لحاله عشان مايضر نفسه اعرفهم اثنيناتهم زين
هزو روسهم بالايجاب بضيق ، بهالاثناء تمت ملكة اصايل محفوفه بطلب منها لاجل عدم تواجد نرجس ، بعد يومين خرجو نرجس واتجهت على طول بصمت دخلت غرفتها بدون لا تسلم ولاشي ، عبس وليد:ليه ماما ماتبغاني!
انحنى له وليد الكبير بحنيه:لا تبغاك بس ماما شوي تعبانه ومانتبهت لك تجي معي البقاله؟
ومسك يده بحزن اطفال وطلع معه ، اتجهو البنات وتُقى كلهم لفوق ، جلست تُقى بحنيه عندها على السرير:نرجس يمه مايصير قومي كولي لكِ لقمتين ترم عظمك وتريحك
نرجس وهي تقلب بالكتاب:مبي
سَلاف بحنيه:طيب مايصير تعب عليك الدرج
وعد بحنيه:اي جهزنا لك كل شي تحت واريح واسرع لك
ايلاف بحنيه:يالله ياروحيّ
غمضت عيونها بغضب ورصت على اسنانها بحده:قلت مابغا منين تفهمون انتم
ايناس جت بابتسامه جلست جنبها:طيب ودّك بماتشا؟ وش ودّك فيه ونسويه لك
نرجس رمت الكتاب وهي ترفع شعرها لفوق اثر غضبها:مابي احد اطلعو برا
تُقى بخوف عليها:يمه نرجس...
رمت نرجس الفازه بصراخ وعصبيه:اطلعو برا مابي احدٍ اطلعو فكووووني مابي احد!
ركضت سُندس حضنتها:شش نرجس هدي هدي بيطلعون بس هدي انتِ
دفتها بعصبيه وهي تكسر كل شي تشوفه عينها ، فزو الرجال على صوت تكسير وراح الياس شالها لانها ماتسمع لهم ونادو العاملات يكنسون كل شي بسرعه ، الياس بحنيه وهو حاضنها:نرجس هدي خلاص بتتعييين بعدين!
نرجس انهارت بكي وغطت وجهها وهي بحضن الياس:مابي احد طلعهم مابييهم الياس مابي احد
خالد اشر لهم ونزلو كلهم ضايقين عليها ، الياس بحنيه بعد وحاوط خدودها بين كفوفه:هدي طالعيني هدي لاتبكين بيضر قلبك
نرجس وهي تبكي بالم ومغمضه عيونها تشرح المه:كنه يتقطع يعورني بقوه
جاب بتال مُسكن وعطاها بحنيه:كليه ويخفف عليك باذن الله بس لاتعصبين يانرجس مو زين لك
ابراهيم ضاق صدره زود واوجعه وهو يشوف بنته تعبانه ، طالعت ابوها وعيونها مُحمره ولازالت تدمع وقفت وحضنته وهي تبكي ، رمى معكازه بحنيه الارض كلها وهو يسمح عليها:لا يابوي هدي هدّي عشاني عشان ولّدك يبكي خايف عليك هدي طالعيني قولي لي وش الي يعورك وش مضايقك؟؟
نزلو اخوانها وعيالهم من اشر لهم ابراهيم ودخل الغرفه وتمددت وحطت راسها بحضنه وهي تدمع وتاتاءه وغصه:ياخي ليه يصير كل ذا ليه يبه والله يعور شعور فقد الضنى يعور بكبرها والعمليه تعور اكثر كل هالدنيّا تضغظ عليّ تعبت والله تعبت قلبي يوجعني كنه يتقطع احس احس بسكاكين داخله تقطعه يبه ابي عبدالعزيز بس مابيييه مابيييه لانه هو السبب
عرف وش الي مضايقها وتكلم بحنيه الارض كلها وهو يمسح على شعرها:شفيع لكم باذن الله وذا يابوك قدر مكتب ومقدور انه يصير لاتلومين عزوز وانتِ ماتدرين عن الي بداخله حتى هو فقد ضناه يابوي حتى هو لاتلومينه تدرين له ثلاث ايام مرقد بالطوارى عشان ضغط الدم مرتفع عنده ومره هابط عنده تدرين انه يبكي عند حمد يقول ابيها تسامحني ؟ تدرين ولا! الرجال ماتنزل دمعته لو باشين حال! وهو من ثلاث ايام يبكي ولاينام الى بمنوم!!! يابوي الانسان مو معصوم عن الخطا واذا هو قدم على هالشي بيسويه عشان يبي يحميك ولايمسك وذى يابوك ولو انه ماهو صادق ماوقف معه اعز اخوانتس لقلبتس ماوقف معه وليد لو هو مو صادق يمكن هالسكاكين يابوك عشانه قال بتزوج وانتِ تحبينه وتعزينه؟ يمكن ماكنتي متوقعه بيوم يتزوج ثانيه وجا وقالها لك ولنا كلنا عشان هلون تحسين قلبك يتقطع لانه اخلف وعوده؟ تدرين انه انسحب من المهمه على طول من قلنا نرجس بالمستشفى لف لوليد ولو ماجا الدكتور كان متذابحين ! خفي يابوك عليك وعليه وعلى قليبك تراه مايتحمل فراقه وبعده ولايتحمل بكيك يابوي قلبك تعبان وحيل انتِ تبينه بس عزة نفسك ماتسمح لك وكرامتك ماتسمح لك والله يابوك لونه ناويه زواج عايدي كان انا الي قضبته الباب وطلقتك منه تدرين ليه؟ لان بنتي ماتهون عليّ ولايرضيني تنزل كرامتها ولا تنذل مايرضيني ، بخلي العاملات يجيبون لك اكل يابوي كليه كليه يرم عظمك ويمدك بالطاقه والصحه مو شرط تنزلين بس كلي الي يجيبونه لك كولي كل مامسكتيه كوليه زين يابوي عشان خاطري وعشان خاطر ولدك الي يبكي يحسبك ماتبينه لانك ماحضنتيه-رد على جواله الي يدق وكان حمد-هلا...الحمدلله على سلامته...لا عادي خله يجي ويرقى فوق غرفت نرجس...زين
وقفل:يابوي عبدالعزيز توه طلع من المستشفى غصب لانك طلعتي ولاحالته ماتسمح له كلميه؟ ناظريه؟ بس هالمره عطيه فرصه؟
نرجس جلست بصمت ومسحت دموعها ، ابتسم وهو يعرف بنته وحنيتها وقبل راسها:الله يهدي مابينكم ويردكم لبعضكم
ونزل:تُقى ارسلي العاملات يودن اكل لنرجس ولاتروحون الا اذا نادتكم خلوها لحالها تريح
وجا عبدالعزيز وراح فوق ، دخل غرفتها وهو متشفق نظره منها دخل وهو منهد حيله بدونها:نرجس
حاولت تمسك نفسها وماتبكي بس ماقدرت وانهمرت دموعها على طول ، قفل الباب وفز حضنها :لانرجس تكفين لاتبكين طالبك لاتبكين لاترديني عنتس مالي غناةً عنتس ولالي غيرتس نرجس تكفيين يعلم الله من قالو طلعت من المستشفى رف قلبي ولاهان عليّ اجلس بمكان دقيقه وحده وانتِ مو فيه نرجس بس قولي راضيه عليك مسامحتك تكفييني لو ماترجعين للبيت الا بعد النفاس رااضي وربك رااااضي يانرجس
انهزمت امام مشاعرها وخوفها واشتياقها تشبثت بثوبه وبكت بتاتاءه:تعبانه عزوز تعبانه احس قلبي يتقطع
شد على حضنها ودمع براحه:الله بيعوضنا ياُمي الله بيعوضنا باذن الله وبعدين وليد في عندنا وليد الحمدلله وراضين بكتبت الله راضيين فيها وشفيع لي ولك باذن الله بس لاتتضايقين أنتِ وتزعلين عشاني وعشان وليد وعشانك وعشان قلبك ياُمي مايوجعك
سمع طق باب ولا اهتم:ادخل
ودخلت تُقى وابتسمت براحه:ياُمي نرجس كلّي عشاني عشان خاطري وعشان وليد الي جايب لك هالاغراض
بعدت من صدر عبدالعزيز وشافته واقف بصمت عند الباب وابتسمت وسط دموعها وفتحت يدينها:تعال
وركض حضنها وبكى:ليه تبكين ؟ تعبانه ؟ نوديك المستشفى
مسحت على ظهره بحُب وحضنته لها:لا ياماما مابي مستشفى
بعد ومسح دموعها وقبل عيونها:طيب لاتبكين
ابتسمت بضعف ومسحتهم:تمام
وليد مد الكيس:جبت ذولي عشان تحبينهم وعشان ماتبكين
ابتسمو اخوانها الواقفين عند الباب وابوها وامها ، ابتسمت ورجعت شعرها ورا اذنها:تاكل معي باكل
ابتسم:تمام
وقربو العاملات طاولات جنب السرير وحطو عليها مالذ وطاب من الاكل والمشروبات المُشبعه وجلست توكل وليد ، ابراهيم ابتسم:نرجس كولي انتِ
ابتسمت بوهقه لانه صادها:اي شوي شوي
ضحك خالد ووكلها:هالترصيف معد يمشي تاكلين غصب
وكلت بس لان لها ثلاث ايام ترفض الاكل وبس على المُغذي فزت للحمام تستفرغ ورجعت بتعب:مبي اكل
الونَا حطت وافل نفس الي تحبه:اشوفك ماتكلينه والله يانرجس معد اسويه لك مره ثانيه حتى شوفي حرقت اصبعي !
وضحكو الموجودين وانسحبو وبقى عبدالعزيز ووليد الصغير وتُقى ، عبدالعزيز مد لها شوربه فطر :اشربي ياُمي
شربت معلقه وهي تعبانه:خلاص مبي مقدر
عطتها تُقى بحنيه كاسه:ذي مرمريه غديه تهدي وجعتس وتفتح شهيتك
شربت نصها ونزلتها ، مسك عبدالعزيز يدها بحنيه:وش مشتهيه وش ودّك فيه اجيبه لك
هزت راسها بنفي:مابي-وفجاءه خطر على بالها شي-ابي قمبري وشاورما!
تُقى تنهدت:ماهي نافعه بس اهم شي تاكلين
عبدالعزيز ابتسم:سميّ وش بعد؟
نرجس:لا بس ذولي وزين اكلهم
قبل عبدالعزيز خد وليد بابتسامة:وش اجيب لك؟
وليد بتفكير:ابي سوشي
ضحك عبدالعزيز:لاتكثر صويا
وضحكو من فهموه ، ابتسم عبدالعزيز ووقف:مسافه الطريق بس
تُقى بحنيه:يامك توك جاي من المستشفى ريح
ابتسم:كل شي لعيون ام وليد ووليد
ابتسمت بخفوت وطلع ، تُقى ابتسمت:لو دريت جبته من اول غديك تاكلين
تنهد نرجس وهي تاكل وليد:بس عشان وليد اكل
تُقى بحنيه:وعزوز؟
ابتسمت بخفوت:برضو
ابتسمت تُقى بحنيه :سامحتيه؟
نرجس بهدوء وهي تطالع اظافرها:على الاقل جا وبلغني وكلمني واعطاني خبر ماسوى شي من وراي ويمكن خوفه حكمه بهذيك اللحظه وماكان عنده خيار ثالث يعني متخيله هبط معه ضغط الدم عشاني ماكلمه وكان يترجى يبه حمد يكلمني اسامحه مدري عورني قلبي صدق مقدرت
ابتسمت تُقى على حُب بنتها ونقاوت قلبها:الله يديمكم لبعض يارب
ابتسمت بخفوت:آمين
ومر الوقت وجا عبدالعزيز وجاب لكل البيت وكلت وكلموها كذا وحده يتحمدون لها بالسلامه وياخذون منها موعد ، تاففت ونزلت الجوال ، عبدالعزيز بحنيه:وشو
نرجس بتعب:مالي خلق احد وبيجون اف
ابتسم وقبل يدها بحنيه:عادي مو لازم تنزلين لهم
نرجس:يصير؟
ابتسم بحنيه:كل شي تبينه يصير ليه مايصير ياُمي؟
ابتسمو اخوانها وكانو بيدخلون بس رجعو وابتسمو على حنيته معها وحُبهم الي جدًا وااضح ، عبدالعزيز بابتسامة:بكون تحت بالدوانيه اي شي تبينه والي ودّك فيه بس ارسلي لي وسميّ
ابتسمت:مابتروح؟
ابتسم عبدالعزيز:مايقوى قلبي اخليكم ولايقوى قلبي اجبرك على شي
ابتسمت:تمام
ابتسم وقبل راسها:يالله ياُمي نامي وارتاحي واي شي تبغينه بلغيني
ابتسمت:تصبح على خير
ابتسم وقبل خدها:وانتِ من اهل الخير ياكليّ
وساعدها تمددت بشويش وغطاها وراح غطا وليد زين وقفل الاضاءات والباب وطلع بشويش عشان مايزعج النايمين كان بينزل ، ابتسم ابراهيم من وراه:ابو وليد
لف بابتسامة:سمّ
ابراهيم بابتسامه:وين رايح؟
ابتسم:الدوانيه
ابراهيم:بتنام بذا؟
عبدالعزيز بابتسامة:بعد اذنك اكي..
ابتسم ابراهيم:ماصيدي هلون خلك عند نرجس مانت غريب
جا بيتكلم ، ابراهيم:خلص ولاكلمه وحرفً زايد!
ابتسم وقبل راسه:ولا لي حق اثني كلمتك
ابتسم ابراهيم وانسحب ارسل ليلاس صوتيه:ابوي ليلاس عبدالعزيز بينام عند نرجس لاترحن زين؟ واذا بغيتنها ارسلن لها قبله
ابتسمت ليلاس على حنيته وتفهمه :ابشر يافضل اب
ونزل جواله ونام ، ارسلت بقروب البنات"بنوتات عزوز عند نرجس لاتروحون الا اذا ارسلتو لها زين؟"
سُندس"اشوا قلتي قبل اروح زين"
وجلسو يسولفون لين مانامو ، استغربت ولفت للباب الي انفتح ، ابتسم عبدالعزيز:يوسعن معك؟
ابتسمت وبعدت:اكيد
وتمدد جنبها بحنيه وسند راسها على صدره،ابتسمت وهي تحس براحه:غريبه غيرت رائيك؟
ابتسم:الصدق كان وديّ ماخليك بس استحيت من عميّ بيته وفشله وصعبه كذا
ابتسمت:كان وديّ اقول لك اجلس وكذا بس قلت يمكن مات..
قبل عيونها بابتسامة:اخسي مابيك نامي ياكليّ وارتاحي
ابتسمت:برسل للبنات لحظه
ودخلت القروب وابتسمت:يدرون
ابتسم:الظاهر عمي سبقكك
وطفت جوالها وتوسطت صدره ونامت وهي تحس براحه كبيره ، الصبح كانو في حرمتين جايين لنرجس ، ليلاس بهمس:والله ماتنزل ماتعرفينها!
تُقى بهمس:روحيّ لها وشوفي
ليلاس بهمس:يمه! عزوز عندها!
تُقى:زين بدخل واقول وينهي وقولي تعتذر منكم ومدري وشو اخلصي
ودخلت تُقى جلست وجت ليلاس بعدها بنص ساعه ، تُقى ابتسمت بتمثيل:يمه ليلاس وين نرجس مانزلت معتس؟
ليلاس ابتسمت بتمثيل:والله تعبانه حيل ولاتقدر وتعتذر منكم
حرمه1بتفهم:الله يلوم الي يلومها شينه عمليه الاجهاض
حرمه2بتفهم:لا ابد ياعيوني معذوره والف الحمدلله على سلامتها
واستئذنو طلعو ، ليلاس براحه:اف بغيت اجيب العيد
دخلو العيال ، انس:اول مره ضيوف يجلسون نص ساعه تسجل بالتاريخ
الياس:صحيح ذولي يعرفون الزياره نص ساعه ويالله!
وضحكو البنات ، ضحك هتَان:شفيك انتِ؟
ليلاس ضحكت:مارحت لنرجس وكذبت عليهم انها تعبانه
انس وهو ياكل:اخ يالبيه عركيه على الصبح
ضحكت وعد:جنوبيات؟
ضحكت سُندس:والله عليها شطحه حتى الجنوبيات ماخلتهن
وضحكو الموجودين ، ابتسمت سَلاف:حسيتهم جيزانيات
سُندس:العلم عند نريجس
وكملو سواليف وضحك ، فوق صحى عبدالعزيز ونرجس بس مانزلو ، نرجس بتعب:خلاص عزوز عادي روح مره مالي خلق
عبدالعزيز بحنيه:مايصير ياُمي لازم تاكلين
نرجس:مره نفسيتي سيئه مالي خلق اشوف احد عزوز
ابتسم بحنيه ومسك يدها:طيب ياكليّ عندي لك شور؟
نرجس بتعب:وش
عبدالعزيز بحنيه:تتكلمين مع اخصائيه نفسيه وتساعدك بدون ادويه بالجوال؟
نرجس بتعب:اقول لك مالي خلق احد!
ابتسم بحنيه وتكى:اسندي راسك علي وبقرا لك قُران وان شاءالله يريحك
سندت راسها عليه وهي بحاجه تسمع لقران ، وبدا يقرا لها سوره مريم بترتيل جميل وصوت عذب وحلو ، كانو اخوانها جايين وسمعو صوت قرائته ووقرو يجلسون لين مايخلص قراءه وفعلًا من انتهى دقو الباب، ابتسمت نرجس وهي تحس براحه ، عبدالعزيز وقف وجلس على الكنبه ، نرجس:ادخل
ودخلو بابتسامة ، نَواف جلس جنبها بحنيه:كيف حبيبه قلبي؟
ابتسمت:يعني
سلطان بحنيه جلس جنبها:ايوا ليه مانزلتي تاكلين؟
خالد بابتسامة:جوك ضيوف
ضحك وليد:وساقتها ليلاس عليهم وطلعو
عقدت حواجبها:مين؟
دخلت سُندس:مدري شقر وحمر
وانهارو ضحك ، ضحكت سُندس:وحده الما ووحده أريام ماعرفتهم كنهم من جيزان مدري الجنوب
ابتسمت من تذكرت:من فيفاء متى جو؟
سُندس حطت صينيه الاكل جنبها:تو مالهم ربع ساعه طلعو امسكي قدرت انقذ نص من ميلا وانس انجنو يوم شافو العريكه
ضحكو الموجودين ، ابتسم عبدالعزيز وقبل يد نرجس:بروح المركز ويمكن اطول اذا بغيتي شي بلغيني
هزت راسها بالايجاب وطلع ، جلست سُندس:ايوا سولفي
نرجس:مالي خلق
سُندس:والله ان تسولفين!
وضحكو الرجال ، سُندس جلست جنبها توريها بالجوال:شفتي ذي تقول بتجيك
نرجس بتعب:منهي بعد
سُندس وهي تاكل تشوكلت:مدري فجاءه جتني اضافه وتقول تعرفك وانك ماتردين عليها ومدري وشو وبتجيك اسمها دلع
نرجس بتذكر وهي تشوف جوالها:معرف وحده اسمها دلع حتى شوفي مافي رسايل كلهم رديت عليهم
خالد باستغراب:ضافتك سناب؟
سُندس:اي مستغربه منها بس تسال عنك وتقول تعرفك زين ومدري وش ومن زمان معك وانك ماتردين عليها
نرجس باستغراب:اشوف عطيني يوزرها
وكتبته ، نرجس:لا مو ضايفتها
استغربو كلهم ، سلطان:عطيه ايناس تشوفه لك
سُندس:تم ، الحين تعالي شوفي
ضحك نَواف:حلفت الى تسولفين وغصب تسولفين
ضحكت نرجس بتعب:نشبه
سُندس وهي تاكل تشوكلت:عادي شوفي هالحساب مدخلتني كلوز ولا اعرفها
ضحك وليد:اتمنى تعرفون احد بس وحده من الي عندكم
نرجس بقرف وهي تشوف:ويع عندك نوعيات
ضحكت سُندس:تشوفين
وضحكو الموجودين،نَواف ضحك:سكبو عليك
نرجس خذت الجوال:شوفي الهايلايت
وجلسو يشوفون وهم متقرفات واضح ، وليد:اشوف؟
شمقت نرجس:بسجلها واعلم ارين
وليد بوهقه:اساسا صحكتني بلوك بقول انسحبت من المهمه ماترد علي
وانهارو ضحك كلهم
__________________________
احداث لذيذه جدًا ادعو لي اجيب بالقدرات100😔❤️❤️ ، الاحداث القادمه مؤلمة جدًا اعتذر عِنها ، أعتذارً لـ غيابيّ فسرته بالانستا❤️🌷 وصلو التعليقات40+،أعتذر على التاخير بِـ التنزيل لاكني تعبانه وجدًا مضغوطه هالفتره اعذروني اذا تاخرت ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل
والاقتباس ماحلل القراءه بدون تفاعل🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷