« عزّ الله إنّي في ظبي نجد مغروم .. راعي العيون الّلي مع الزّين خجّله »

«6»

«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
‏«اللهم لاتجعل روايتي تُلهي عبدك عن عبادتك»

رجعو البيت ومر الوقت واليوم كله ألونَا نايمه ، الفجر صحت وصلت كل الي فاتها وهي تغصب نفسها ولاتحب تفوت صلاه بس ماتعرف كيف فوتت هالصلوات كلها ، صلت الفجر وراحت لجدتها ومالقت البنات تمددت على رجل جدتها:جده
تُقى بحنيه:هلا ياعيون جده
ألونَا وهي توصف تعبها لها:جده من امس وانا مو بخير
تُقى بخوف:شفيك يامي
جلست ألونَا تشرح بغصه:جده ذي مو أنا نمت امس كله وكنت اصد عنهم كلهم مابي آحد وحتى نمت كل اليوم وماصحيت بولا منبه ولاصليت ولاصلاه كلها اجلتها! وانا ماحب جده ااخر الصلاه ، جده يوم اصلي في شي يمنعني اصلي بالقوه جده حتى مافيني طاقه وقوه ادعي واحصن اخواني وابوي زي كل دايم والله تعبت جده الشعور يعور والشي ذا اقوا مني تعبت ياجده تعبت!
الجده تُقى بخوف وهي شبه عرفت:خلاص يامي كولي بندول ونامي وانا بسوي لك اعشاب اذا خلصت بصحيك
هزت راسها بالايجاب وطلعت ، دخلت إيناس باستغراب:وين راحت؟
الجده تُقى بخوف:مافيها شي
ومر الوقت وراحو البنات ينامون وجو العيال من الصلاه ، تُقى بخوف :سلطان فِراس أنس بتال إلياس امس ماحسيتو على ألونَا شي؟
فِراس:الصراحه آلا مو ألونَا الي تنام كل اليوم!
بتال:ولا ألونَا الي تفوت الصلاوات
انس:ولا ألونَا الي ماتحصنا بعد كل صلاه وتسولف معنى
تنهد سلطان:تعبانه منهد حيلها من الحراره
تُقى بخوف:جتني تو وقلت روحي نامي ويخف ماهي حراره ياسلطان تقول لي في شيي يصعب علي الصلاه شيي يمنعني أصلي أصلي بالقوه لدرجه مايكون معي قوه ادعي ولا احصن اخواني وابوي زي قبل وتقول مو انا الي افوت صلاتي ولا انام كل اليوم ولا اني ماصحى على ولا منبه
إبراهيم بخوف:لاانشاءالله لاتفاولين على البنت مابه الى كل خير
سلطان بخوف:وش يعني
تُقى بخوف:جب شيخ ياسلطان لاتتدهور وتتعب زود!
انصدمو كلهم ، فِراس بصدمه وخوف:لاجده شهالكلام!
إلياس بصدمه وخوف:اي تلقينها تعب انها نامت كل اليوم
هزت راسها بنفي وبخوف على حفيدتها:بتجيبون ولا اجيب انا!! ماني مستعده اشوف بنتي تروح من يديني !!! مانتم خسرانين شي جيبو شيخ!
ووقف وليد بخوف بجيب الامام الي يصلي دايم فيهم وجا بعد نص ساعه ، راح إلياس وصحى ألونَا بالقوه واستندت عليه بتعب:مو قادره رجولي ثقيله إلياس
إلياس:اشيلك؟
ألونَا:في احد؟
إلياس شالها:عمامي وحنا وفِراس
وشالها وجلسها على الكنب جلس جنبها بحنيه؛تبين شي؟
هزت راسها بنفي ، وجلس جنب ابوه وكلهم خايفين عليها، طالعتهم بضعف وكانها مُغيبه عن العالم استغربت قال لها فِراس فيه بس هي مو قاعده تشوفه وجت بتفتح عيونها بالقوه وكنها لمحته طاحت مغمي عليها ، فزو لها كلهم بخوف وجا الشيخ اشر على فِراس:وش يصير لها؟؟
سلطان بخوف:زوجها
الشيخ:ثبتوها
وثبتوها بخوف وبدا يقرا آيات عامه ، وصل لـ ايات عن السحر وبدت ترجف ، الشيخ :ثبتووهاا!!!!
ومسكوها بقوه وقوتها اقوى منهم كلهم وجالسين يقاومون رفسها وماسكينها والشيخ كل ماله يزود بصوته وحدته وهو يقرا كل الراشد اجتمعو بالصاله بخوف وهو يشوفونها تعاني قلوبهم منقبضه ، كمل الشيخ يقرا وبحده:وش جاايبك للبنت!!
بحده:لاتقرا وقفففف!
الشيخ بحده:بوقف لاقلت لي وش جايبك ومن مسوي السحر!
انصدمو كلهم وصوتها الي تغير عليهم
بحده:تررجع لطليييقهااا وتتبهذل حيااتها وتنحرم من الضنى ووووقففف
انصدمو كلهم صدمه كبيره ، الشيخ بحده:من مسوي السحر!!!!
بحده:صاالح صااالح
وكمل يقرا عليها وطلع، الشيخ براحه وضيق:طلع والشكر لله دامو القرايه عليها وخلوها تنتبه لاحد ياخذ من أثرها
سلطان بخوف:بنتي مافي احرص منها على الصلاه والادعيه والاذكار!
الشيخ بضيق:مقدر ومكتوب واقرو عليها وشربوها من الماء المقري فيه
هز راسه وليد بخوف:مشكور ياشيخ
شالها فِراس يوديها لسريرها بخوف ، إلياس بغضب طلع وحرك ، راحو اخوانها وجلسو عندها بالغرفه ومعهم فِراس جالس قريب لها ومشغلين قران ، إيناس بخوف:يمه ياروحي هي !
تُقى بخوف:مااقلت لكم وتقووولون لي موسوسه لو ماحست هي شصاير؟
إبراهيم بحده:وذا صالح انا الي بنهيه من على هالدنيا!!!!!
وطلعو خالد والجد ، ليلاس بخوف طالعت امها:يعني مابتصير ام !!
تُقى بخوف:لا باذن الله بيرزقها الله طلع السحر
عندها ، صحت ركضت للمغسله تستفرغ وفزو معها ، رفع شعرها فِراس وهو يمسح على ظهرها بحنيه ، وجلست بالارض تبكي ، حضنها وبكت طلعو بتال وانس ، فِراس وهو حاضنها ويمسح على شعرها:شش هدي هدي ياروحي هديي
ألونَا ببكي والم :حسسسيت سمعت فِراس سمعت وحسسيت يعور! فِراس يعووور!
فِراس بخوف وهو يمسح عليها:بسم الله عليك وش الي يوجعك ياعيوني وش؟
مسكت قلبها ببكي:يعورني مرا
حط يده مكان قلبها وبدا يقرا :أمشي تقدرين ولا اشيلك
هزت راسها بنفي وهي تبكي:مقدر رجولي تعورني
شالها وحطها بسريرها وهو متمدد على الطرف ساند راسه وظهره على بدايه السرير ، تكورت بحضنه وسندت راسها على صدره وغطاها وهو يمسح على شعرها ويقرا قران ، دخل سلطان بخوف وشافها بحضنه وهو يقرا ابتسم بخفوت واشر بعيونه لـ فِراس بمعنى'ماتقصر ' هز فِراس راسه وهو يقرا ، طلع سلطان وقفل الباب ، شافوها اخوانها وضاق صدرهم عليها وراحو جلسو بالصاله وهم متطمنين ان فِراس معها وخبرو الباقين ، تشبثت بثوبه وهي تحس بطمأنينة:لاتخليني
شد عليها وقبل راسها بحنيه:ماخليك مُستحيل نامي وإنا معك والله ماخلييك لو أيش
وتكورت بحضنه ونامت بتعب ، سند راسه على راسها وهو يقرا عليها لين ماغفاه النوم معها ، الساعه12:47 تقريبًا ، راح سلطان وهو يطق الباب ، ودخل ابتسم من شافهم نايمين وارتاح يوم شاف ملامح ألونَا مرتاحه ولونها مو شاحب نفس الفجر : فِراس فِراس ألونَا فِراس ألونَا
صحى فِراس واعتدل :هلا عميّ أعذرني....
سلطان بابتسامه :مابه الى بيتك ، الغداء بينزل الحين قلت اصحيكم
ابتسم على عمه وتفهمه وتسامحه لوضعهم:ابشر بصحيها ماطلبت شي
ابتسم وربت على كتفه وطلع ، ابتسم فِراس وطالع ألونَا وقبل راسها:متى يجي اليوم الي اصبح وامسي فيه عليك؟ ألونَا حبيبي ألونَا
طالعته بنوم؛هلا
ابتسم:تبين تتغدين؟
هزت راسها بالايجاب ، ابتسم:يالله قومي وصلي الظهر له ربع ساعه مأذن
ابتسمت وقامت وهي تحس نفسها خفيفه ودخلت توضي واستوعبت انها كانت بحضنه نايمه عضت شفتها بخجل ووضت وطلعت تصلي ولقته جالس ينتظرها،ابتسم:صليت وانتظرك
ابتسمت وهزت راسها بالايجاب ، وصلت براحه وسلمت وجلست تدعي ووقفت ومسحت بيدها على راس فِراس وتجرأت وقبلت خده وراحت نزلت الشرشف تضيع الي صار، أبتسم بحُب وحاوط اكتافها وطلعو ، جلسو بالصاله وراحت جلست جنب ابوها وسندت راسها عليه،ابتسم ومسح على شعرها:كيفك؟
ابتسمت براحه وخذت الفناجن من هتَان الي مده لها:احسني خفيفه حتى صليت براحه
ابتسمو الموجودين براحه ، ابتسم خالد:دوم يارب الراحه
ابتسمت:أمين ، احسني نمت عن سنه قداام! احس فاتني اشياء كثير؟
ضحكت ليلاس:ترا 17 ساعه نمتي عادي
انصدمت:كذابه!17ساااعه؟
سهم ضحك:ليه بالعاده كم؟؟
ألونَا:8ساعات مُتقطعه
انصدمو، سهم بصدمه:8ساعات غفوه بالنسبه لي!!
وضحكو الموجودين وقامو يتغدون ، وهم على طاوله الغداء وكل منهم يتغدا ، وليد وهو ياكل طالعهم كلهم:تصيرون شهود؟؟؟
خالد باستغراب:شهود وش؟
وليد نزل الملعقه وبدا يشرح بيده:شهود لصالح ألونَا ضد المختل
فِراس وهو يصب مويا بالكوب:تُضاف الى عقُوباته عُقوبة السا^حر لاتنسون
إلياس وهو ياخذ كوب المويا منه: وتوصل عقوابَته للقت^ل لعلمكم
سكتت ألونَا وهي تطالعهم واحد واحد يقول شي يساعدها ، إيناس نزلت شوكتها وطالعت إلياس:على حد علمي لاتُخذ شهاده الاقارب
انصدمو ، إيناس وهي تشرح:لأجل مافيه من صلاحيات لـ ألمُدعي ألي هي ألونَا ضد المُدعى عليه الي هو الحقير
ضحكو الموجودين من اسمه، خالد بابتسامه لف عليها:طيب شرايك تصيرين محاميه ألونَا؟؟ لان محاميها من المحكمه نفسها وماظن ينفعنا بشي
سلطان بابتسامه :ومنها تبدين تشتغلين بمجالك وتنفتح لك ابواب كثيره
إيناس بتوتر:اخاف ماكسبها
إلياس بابتسامه وهو ياكل:مابتعرفين الى اذا جربتي
فِراس بابتسامه وهو ياخذ جواله ويرسل لمساعد وشاف رسالته تكلم بابتسامه وكمل اكل:وظمنتي مكانك الوظيفي بعد القضيه
ابتسمو الموجودين ، ابتسمت:هو خل الوظيفه ماهمتني بس جد ترا اخاف ماكسبها لولو
ألونَا وهي تاكل بابتسامه تبعد توترها :عادي الحياه تجارب
ابتسمو بحنيه لها ، بعد الغداء وبعد ماخلص بقسم سلطان ، فتح إلياس الباب،ابتسمت إيناس بتوتر:وين ألونَا
بعد لها بابتسامه:بغرفتها حياك
ودخلت وهي لابسه عبايتها الرسميه وتانك وجِنز مُريح طويل وكعب لويفي تون الاحمر واسود  ومسويه شعرها ويفي خفيف طقت باب ألونَا:لولو
فتحت ألونَا بابتسامه:الحين؟
هزت راسها بالايجاب ، كانت ألونَا لابسه عبايتها الرسميه السودا ورافعه اكمامها شوي وباينه اسوارتها الذهب الناعمه وشعرها ويفي ناعم على ذيل حصان مرخي وميكبها ناعم ولبسها كان جنز اسود واسع ناعم مع قميص مدخله الجُزء الي تحت جوا الجنز ومبينته فضفاض وكعب سان لوران وخذت شنطتها برادا ولبست نطارت برادا ، وطلعو سوا ، ابتسم إلياس:فالكم التوفيق واذا بغيتو شي خبروني
ابتسمو ، وتقدمت ألونَا قبلت خده وهي تمسح الروج:مااش ذا الدقن مادري وش لعد تحلقه شف روجي طبع روح حط من مُزيل الميكب ويروح
ضحك:كلي فداك ابشري
وطلعو على دخلت بتال،ابتسم بتال وقبل خد ألونَا وهو محاوط خدودها بيده بابتسامه:بتكسبينها وبالتوفيق وكلنا معك وحولك لاتشيلين هم
ابتسمت وهز راسه بالايجاب وقبلت يده وطلعت ، صادفهم أنس ، حضن ألونَا بابتسامه:كلنا ثقه فيك وبخبراتك أنتِ وإيناس فالكم التوفيق
ابتسمت وقبلت خده وبعثرت شعره:في نقتس بالمطبخ
ابتسم:ياحبي للك!
ابتسمت وطلعو ، وقف سلطان وحضنها بابتسامه:الله يوفقك وينصرك عليه
ابتسمت:امين
ابتعد بابتسامه:روحو واعصفو فيهم
إيناس بثقه:مو جديده علينا بنات الراشد نجيب الي نبي ونهد الي مانبي!
هتَان شاش:ياعياال ششت وانا مالي دخل!
سهم بحماس:حسيت بحماااس!
وضحكو الموجودين ، ابراهيم بابتسامه :الله يوفقكن
ابتسمو وركبو سياره فِراس التشارجر ، ابتسم ونزل جواله:ها ياحلواتي؟
ابتسمت ألونَا بخجل لانها بالامام ، إيناس بابتسامه :قُد بِنا ايه السائق!
وسع عيونه ولف عليها:ترا عشان لولي جنبي ولا خليتك تسوقين!
وضحكو وحركو ، الجده تُقى بابتسامه :اللهم اني استودعتك اياهم
:الله يوقفهم
بالسياره ، وقف عند درايثرو لـ دانكن ، ابتسم ولف للموظف:ثلاث بلاك
ولف عليهم بابتسامه:عاجبكم ولابتغيرون؟
ابتسمت ألونَا:لاحلو
إيناس بابتسامه :لاكويس يعطينا طاقه
لف فِراس على ألونَا:طاري الطاقه شربتي قهوه اليوم؟
هزت راسها بنفي ، ابتسم:كنت بكنسل البلاك لاتشربينه كله دُفعه وحده عشان قلبك
ابتسمت بخجل وهزت راسها بالايجاب ، ابتسمت إيناس:فروس إبي دونتس تشوكلت
ابتسم :ابشري لولي تبين غيره؟
هزت راسها بنفي:القهوه تكفي توتر الف عاد بعدين نشوف
ابتسمت إيناس:اييوا عجبتيييني!
وطلب بابتسامه وأعطاهم وحرك ، فِراس وهو يسوق:ألونَا حبيبي إي شي عندك واي شي تعرفينه قوليه تذكري ابسط شي مُمكت يوديه فداهيه
إيناس مسكت كتفها بابتسامه:ومعليك الملف بيكون معي ومع فِراس وبس
ابتسمت براحه وهي تطالع الغيوم ابتسمو من ابتسامتها ، وصلو ونزلو ، شابك يده بيدها ومشو بثقه وهيبه وإيناس تمشي جنب فِراس بابتسامه وهيبه وثقه ، ابتسم مساعد ووقف:نقول باذن الله كسبناها
ابتسمت بتوتر وسكتت شدت على يد فِراس ، ابتسم فِراس:باذن الله ، أختي إيناس المحاميه الي قلت لك عنها
مساعد وهو صاد بابتسامه:نورتينا وباذن الله بتبدين من اليوم معنى
ابتسمت برزه وثقه:باذن الله
خلف افسح مجال:حياكم داخل نتكلم
فِراس باستفسار:وين المحامي الاول؟
خلف مد ملف:ترك هالملف وطلع
فِراس خذاه:يصير ألونَا وإيناس بس؟
مساعد:طبعًا حياكم
ودخلو وجلسو العيال برا ، دخل فِراس معهم وجلسو ،مسك يد ألونَا بحنيه:خليني اشوف هيبه عمي سلطان وقوه إلياس وثقه بتال وهياط أنس فيك الآن وفكل وقت
إيناس بصدمه وهي تقرا الاوراق طالعت فالونَا:ألونَا!قولي لي كل شي والله مايطلع شي برا هالغرفه والقضية قولي واوعدك بالمؤبد!
ألونَا شابكت يدينها بخوف من الماضي : كان يضربني بدون أي سبب ويجبرني على كل شي مره كان جاي من برا وهو مو صاحي واخوه واخته عندي ينتظرونه وقت ماقلت لهم عنه وضربه اخوه وهزئه قال ياتتعدل يانا الي بطلق البنت منك واريحها وانجن وقام يضرب باخوه ويقذفه ويقذفني اختهم بالغصب فكتهم وخذت اخوها وطلعت برا بسرعه وخنقني برقبتي وكان يقذفني اغماء علي ومدري صحيت وانا طايحه بالصاله بعدين كل يوم وكل ماشافني يضربني بعدين يوم عرفت اني حامل صح بكيت لإني مابي بس مابيدي شي كُنت طالعه حالي حال نفسي بروح لابوي وكان جاي كالعاده وجلس يضربني نزفت وصحيت وانا فالمستشفى وكان يهدد ان اذا علمت المحققين شي لانهم بيفتحون معي تحقيق بسبب الاجهاض لانه بفعل فاعل وباقي الااحداث تعرفينها-دمعت وغطت يدها فوجها-تعبت وربي تعبت ابي ارتاح مو قادره حتى فمانمي يطلع لي ويخنقني مو قادره اتحمل
حضنها فِراس يهديها بهقر وغضب :هدي ياروحي هدي والله والذي نفسي بيده اني لاخذ لك حقك كله وانصرك علييه والله
حزنت إيناس عليها وحضنتها تهديها:خلاص هدي ياروحي هدي لولو صورت مين الي بالملف
ألونَا رفعت اكتافها بعدم معرفه وهي تمسح دموعها:لقيتها بالبيت واتصلت على الشرطه قضيه تح^رش
انصدم فِراس:مين!
رفعه اكتافها بعدم معرفه :ماعرفها راجعه منكم ولقيتها طايحه بالبيت والحين مدري عنها
إيناس :معليك انا اجيب لك حقكك كااامل!
فِراس :طيب يشر^ب يتعاط^ى هو؟؟
هزت راسها بالايجاب:حبوب وغيره هو مريض نفسي يجلس بالاسبيع بالمستشفى النفسي وقتها ارتاح منه شوي واقدر اروح واجي
إيناس:اهله؟
ألونَا:معرف عنهم شي ولاقد رحت لهم وهو كان يمنعني منهم وخذت رقم اخوه من جواله واتصلت عليه فذاك الموقف
فِراس حضنها :معليه الحمدالله الي نجاك وفكك منه
تنهدت براحه:بس ماني قادره انسى الي صار
فِراس قبل كتفها وبعد بابتسامه مسك يدها: اوعددك انسسيك كل الي فاات واعيشك احلى سنين عمرك بس شوي اعطيني وقت
ابتسمت وهزت راسها بالايجاب ، إيناس بابتسامه:طيب احط الي صار اليوم؟ وظهرك؟
هزت راسها بالايجاب ، إيناس طالعتها:وموضوع الحمل؟
هزت راسها بالايجاب،فِراس بحنيه طالعها ومسك يدها:سوي العِلاج الطبيعي لظهرك عشان ترتاحين ولاعد تشيلين هم!
هزت راسها بنفي ، وقفت إيناس:بسالهم عن كيفيه الشغل هِنا واجي
وطلعت ، حضنها:والله رااااضي رااضي انا أبيك انتِ الضنى رزق من الله ان رزقنا فالحمدلله واذا مارزقنا فالخيره فيما اختاره الله لنا والحمدالله تكفين مو قادر اشوفك تعانين وتعبانه اكثر من كذا عشااني!
ألونَا بدمعه مسحتها:اخاف
فِراس بحنيه تكى بظهره وحط راسها على صدره وحاضنها:من وش؟
ألونَا:من كل شي من العلاج من آني ماصير ام واظلمك معاي مابي
فِراس وهو يمسح على شعرها:ألونَا بتسوينه وبكون معك اول باول ولابتركك ثانيه وبكلم الدكتوره بعد شوي عشان نجيها المغرب
بعدت وهزت راسها بنفي وهي تطالعه:مابي...
قبلها بحُب ، أول قُبله ، قُبله مليئه بكمِ من المشاعّر ، نشوه الحُب ألاول ، فِراس سند جبينه على جبينها وهو مُبتسم:الخمر الحلال لذيذ!!
خجلت ودفنت وجهها بصدره وخدوها توردو من خجلها:كريه انقلع وع ما أحبك
حضنها وهو يمسح على راسها بابتسامه حُب:وآنا أحبّك
خجلت وبعدت تكتفت ، طقت إيناس ودخلت ابتسمت وغمزت :معك بلشر وانا مادري؟؟؟
ألونَا وقفت:كريهين أنتِ وأخوك اوريكم ببلغ عمي!
غمز فِراس:وش بالضبط؟
خذت شنطتها وطلعت:كرييهين وع اوريكم!
ضحك مساعد:شفيك؟
طالعته:صفقهم!
ومشت ركبت السياره، طلعو وهم منهارين ضحك ، إيناس وهي تضحك:آآخ فِراس المُشكله عندها ثلاث أخوان!
انهارو الموجودين ضحك ، حاوط فِراس أكتافها وهو يضحك وياشر على السياره؛اشوا احسبها مشت وخلتنا!
ضحكت إيناس:توقعت الصراحه هههههه
خلف ضحك:معصببه تقول صفقهم
ضحكت إيناس:والله شكلنا بنتصفق يافروسي؟
فِراس ضحك:الله والعليم كسرين؟
انهارت ضحك:وطرده مُحترمه
ضحك:امشي الحين يعيدون علينا عيال سلطان
إيناس بابتسامه:والله الظاهر تُقى وإبراهيم ووعد وخالد بعد بيقومون علينا
ضحك:تصدقين احس نجلس؟؟
جلست وهي تضحك:عندي برستيج وكبرياء!
ضحك وجلس:بتنجلط وننجلط حنا بعدين
دقت على إيناس:مابتجون؟ ارجعو كعابي
وضحكت إيناس:بنرجع كعابي!!
وانهارو ضحك ، لفو الى وهي فعلًا حركت، إيناس ضحكت:توهقنا؟
ضحك مترك:مثل برودكم ماشفت
ضحك فِراس وطالع إيناس:الظاهر ياكعابي يانقط اوبر
إيناس هزت راسها بنفي وتكتفت:اجلس هِنا لين يجي احد وياخذنا ولا اقط وش اقط بنص الشهر ابعد عني بس!
ضحك فِراس:اعترفي
ضحكت بوهقه:دفعت تابي وتمارا اليوم وطفرت!
وانهارو الموجودين ضحك ، ضحك مساعد؛امشو اوصلكم
هز راسه بنفي فِراس بابتسامه:ماتقصر بس يجي اخوي الحين ماعليك
مساعد وقفه:اقول امش مابقى الاهي تخليه يطق مشوار دربي ودربكم واحد
فِراس بابتسامه:ماقول لا يالله إيناس
ابتسمت ووقفت تمشي ورا فِراس، وركبو ومشو ، وصلت ألونَا وجلست، هتَان بدراما:اخواااني ضااعو!
وانهارو ضحك ، سلطان بابتسامه:وينهم؟
تكتفت وهي تكبح ابتسماتها:شدراني
خالد باستغراب:كيف يعني راحو وخلوك؟
ضحكت وقامت تصب قهوه:لا انا رحت وخليتهم
ضحكو الموجودين ، وعد غمزت :ابشري ادقهم؟؟
جلست ومعها فناجنها:ياريت
أنس بتمثيل:ولدددددكم وبنتكم مزعلييين اختييي!!!
بتال بتمثيل:لاصارت ولابتصيييير!!!
شمر إلياس اكمامه بتمثيل:وينهم؟؟؟
وضحكو الموجودين ، سهم وهو منهار ضحك:اذا تزوجت الوحيده وعندها اخوان!
وانهارو الموجودين ضحك ، ودخلو إيناس وفِراس ، ضحكو وجلسو، إيناس:خلتنا نرجع كعابي!
شمقت:كذابه ذيك سياره مساعد
إيناس ضحكت بوهقه:انكمشت ؟
وضحكو الموجودين ، فِراس :إيناس الوضع مُريب
إيناس بتوتر:اسمع شرايك نهرب؟
فِراس:لابسه كعب تقدرين؟
إيناس طالعته:نعم؟؟ بلبس السبورت حقك وانت اركض حافي!
ضحك بوهقه:اما جحفله!
وانهارو الموجودين ضحك ، وقفت بتدخل ، إيناس تنهدت:لحول زعلانه؟
طالعتها وشمقت ومشت ، ضحكت إيناس وراح فِراس ورا ألونَا وجلست إيناس ، داخل دخلت وجت بتقفل الباب ، فِراس بابتسامه:لولي
ابتعدت:شنو؟
ابتسم ودخل قفل الباب حاوط خدوها بكفوفه:زعلانه؟
هزت راسها بنفي بابتسامه ، فِراس بابتسامه:صدق؟
ابتسمت:والله مو زعلانه شفيك!
ابتسم وحاوط اكتافها:طيب ليش زعلتي وحركتي ومشيتي وهنا ماتكلميني؟
طالعته بابتسامه تعب:تعبانه بس
فِراس بخوف:بسم الله عليك فيك شي اوديك المستشفى ؟؟
هزت راسها بنفي بابتسامه:مافيني شي عادي تعب عادي
فِراس بخوف حاوط خدوها:لولي!!
هزت راسها بالايجاب بخجل واضح على خدودها:مافيني شي جد!
فِراس:تقولين تعبانه!
طالعته وجهها كذا[🥺] :شفيك طيب تعب عادي
فهم وحضنها:طيب اسف حقك علي
تاففت وبعدته:اذا فهمت آني مو زعلانه تعال وكلمني!
ضحك وهو فاهم مَزاجهِا المُتقلب مسك يدها :لا الاسف لحنتي تو عليك
ابتسمت:عادي مافيه شي-سمعت الاذان-يالله روح بيسبقونك المسجد
ابتسم :طيب شبتسوين بتنامين؟
هزت راسها بنفي:بروح الصالون بسوي اظافري وبعدين يمكن انام
أبتسم وقبل خدها:آآخ لذيذه
ضربته على كتفه بخجل وضحك وطلع مُسرع يلحقهم ، ابتسمت وبدلت عبايتها وطلعت ركبت سيارتها ومشت للصالون ، رجعو واستغربو سلطان وعياله وين ألونَا ، ارسل سلطان لها'بابا لولي وينك؟ بينزل العشاء'
ردت بصوره'عيوني اسوي اظافري ومو مشتهيه عليكم بالعافيه'
سلطان فهم 'لازم تاكلين لك شي مايصير!'
ابتسمت على ابوها واخوانها الي يفهمونها على طول ولايخجلونها''بمر لي كوفي بجيب لي سويت مو مشتهيه اكل بس بحلي'
ابتسم'الي تشوفينه بس كلي لك شي لو ساندوش زين؟'
ابتسمت'من عيوني '
ارسل بالقروب حقه هو وعياله وألونَا'بسوي ماسلا'
ابتسم إلياس ورد'الترتيب علي '
بتال بابتسامه 'خلو الرز علي'
أنس بابتسامه 'والمشروبات عليّ ولولتي تدللي وآمري بس وينك؟'
صورت يدها الي تشتغل فيها الموظفه'اسوي اظافري'
جميعًا فهمو وضع ألونَا الحالي ، ابتسم إلياس'تم اجل تجين تلقين الاكل جاهز'
ألونَا بابتسامه على حنيتهم سجلت فويس:يعني يابابا اقول مو مشتهيه اتعشى تروحو تتفقون !!
ضحك سلطان وكتب'لانك ماكليتي شي وبتتعبين'
ابتسمت'يعني اكنسل السويت؟'
صور بتال هو وابوه لابسين المريله بالمطبخ'طبعًا'
وارسلت بابتسامه 'نو السويت علي ونسولف من زمان ماسولفنا '
ابتسم أنس'ايبااه والقهوه علي تم'
ضحك الياس 'ياخذ اسهل شي عشان مايطول هههههه'
ألونَا بابتسامه 'قفلو عليه بالغرفه ولابيحوسكم يالله سيو'
ضحك بتال'طاردينه برا البيت ههههههه'
وقفلو جوالتهم بدو يشتغلون ، صورت ألونَا ستوري وكتبت عليه' 💆🏼‍♀️ My time ' ونزلته ستوري انستا وسناب وصورت لوكيت ونزلت جوالها بابتسامه تفكر بحُب ابوها واخوانها وزوجها! كيف يراعونها ويدارونها من كل النواحي وكيف قالت مو مشتهيه سحبو على العشاء الكبير وراحو يشتغلون عشانها ، خلصت ودفعت وطلعت واتجهت لـ احدى الكوفيهات وجابت بودينق ومرت على وحده تبيع عنب وشرت منها وحركت وصلت ودخلت ، ابتسمت وهي تشم الريحه ونزلت كعبها ولبست سليبر ودخلت بابتسامه نزلت الاكياس على طاوله المطبخ :الله!
سلطان بابتسامه وهو يحطهم بصحون التقديم:وخلصنا
ابتسم الياس وقبل خدها:طولتي
ابتسمت:اي عبال مامريت الكوفي وبعدها لـ 'حنين'
أنس بابتسامه نزل العصاير:الله ورق عنب حنين عاد لذيذذذذذذ ناطع!
ابتسمت:مرا يجنن! اديني اساعدك
بتال مشى:اقول مناك بس نبي ندلعك
ابتسمت ونزلت عبايتها وجلست:اجل بغتر من الحين
غمز لها سلطان بابتسامه وهو ينزل الصحن:يحق لك
ابتسمت بحُب لهم وبدو ياكلون ويسولوفن ، انتهو وتساعدو كلهم بالمواعين ورفضو ألونَا تسوي شي ، فتحت الحلى والورق عنب وحطتهم على الطاوله وجابت دافيه القهوه ونزلتها وصورت وكتبت
' 💘i love my family ' وكانت تنزل شبه يومي عشان المُتابعين عندها قُرابه النص مليون ولاتبي توقف وهي تحب الطريق ذا ونزلت ستوري سناب وانستا وراحت تبدل ، ابتسمو وجلسو يتقهون ينتظرونها ، لبست بجامتها الكاروهات وطلعت وهي تحس براحه رمت ظهرها على الكنب:اليوم طويل!
ضحك بتال:مدري احس قصير
ضحك انس:تتعازمون انتم! انت للجامعه ورجعت ولولي؟
ألونَا خذت صحن حلاها وحطته على الطاوله وهي تعدد: اول شي احداث الصبح مُستحيل انساها ثانيًا المركز وصدعت من القضايا وبعدها هِنا بعدها الصالون والكوفي ولحنين وجيت يومي زحمه وع محب اروح هِنا وهناك! بس طق براسي بودنق
أبتسم سلطان وهو يمسح على شعرها:الحمدالله الي حفظك لنا
:الحمدالله
أنس وهو ياكل بودنق:كيف عرفتي لولو؟
وهي تشرب قهوه:مدري اساسا من امس في شي كذا يخليني غصب ابعد عنكم وعن فِراس وماتقبلكم وبعدها نمت نومه وع كرهت نفسي على هالنومه الطويله ويوم صحيت ابي اصلي ياخي رجولي ثقيييله وكذا معرف شي يحاول يثبت رجولي على الارض انو ماصلي بس صليت غصب وبعدها طحت خلاص انهد حيلي وحتى مادعيت ولاقريت قران ورحت لجده مستنكره نفسي معرف مين آنا ابي اجيكم بس مو قادره واخر حل جا فبالي جده ورحت لها ويوم جاني إلياس اساسا كُنت أحسب حلم يعني وبنص الطريق ثقلت رجولي معد اقدر احركها وشفتوني يوم اطالعكم كانكم سراااااب وفِراس نهائيًا ماكنت اشوفه اسمع صوته بس هو مو فيه وانتو تغبش نظري اذا اشوفكم وبعدها يوم طحت عاد سمعت الي صار
وتربعت وسندت ظهرها على الكنب، أنس بقشعريرة :يمه اليوم صدق صدق انمصع قلبي عليك!!
إلياس برعب من تذكر:يوم قلتِ مقدر امشي شفتي يوم شلتك يمين بالله ماكني شايلك كاني شايل معك عشر
بتال بقشعريرة:يوم قال الشيخ ثبتوها عجزنا الصدق نمسكك وتثبتين كنتي كل شوي ترفسينا وكان معك عشر يعاونوك
مسك يدها سلطان الي على الكنب وقبلها بخوف وراحه:الحمدالله لك يارب الي حفظك لنا من كل شر
وقبلت يده بابتسامه ، وتكت براسها على كتفه بابتسامه تتامل سواليفهم وضحكهم ومزحهم ، أنس غمز لـ بتال:اااي صح شفت فِراس!!
بتال بتمثيل:ااااي صدمه!!
إلياس فهمهم وكبح ضحكته، عقدت حواجبها باستغراب وطالعتهم:شفيه فِراس؟
وانهارو ضحك ، بتال وهو يضحك:ااي مو معطتنا وجه ولاهي معنا
أنس وهو منهار ضحك:حبيببب القلب سمعته وعلى طووول أيي
بتال وهو منهار ضحك:وع سوالف متزوجين!
وانهارو كلهم ضحك، وقفت وهي تبتسم:انقلعو الشرهه على الي يقعد معكم!
وقف سلطان وهو يضحك:ماينعطون وجه
تكفت وهي مبتسمه:تضحك استاذه سلطان ها؟
وقف إلياس وهو يضحك وحاوط اكتافها:مايستحون
شمقت له بابتسامه:اي تضحك نشوفك بعدييين مع حبيبه القلب
أنس انهار ضحك بصدمه:العبببب!!!
بتال وهو منهار ضحك:هجمه مُرتده!
سلطان بابتسامه غمز:منهي؟
تربعت وسط بتال وأنس وهي تلعب بشعرها وتطالع إلياس وتضحك تحمحمت:كلي فدااك
آنس انهار ضحك:اوووه بعددد؟؟؟
بتال وهو يضحك:وين الي يقول مالي فالحب وخرابيططه؟
ضحك سلطان وطالع ألونَا:منهي؟؟
طالعته وهي مُبتسمه وغمزت:اقووول؟؟؟
تكتف بتمثيل:منهي ؟ بتحببوني غصب وتزوجوني غصب؟؟
ألونَا:اااي وهيّا والله ماتزوج الى اذا عقدتو قِراانكم!!
بتال:والقم
وانهارو ضحك ، ألونَا وهي تلعب بشعرها وتطالعهم بابتسامه:وقت العقد والضيوف يتعشون فصلت ليلاس وقالت ورا ماتزوجونه قلت مايبي واشرت لييي بعيوونها على وحده الله يستر عليها يارب ويزوجها اليأس وقالت عندي وحده وغمزت هالوحده سبحااان الله قلبها يرقع لواحد اسمه الياس الله يزوجهم ونفتك
انهارو الموجودين ضحك على كلامها ، سلطان وهو يضحك:اقعد حتى هالوحده منهيي؟؟؟
ألونَا وقفت:لا معليش اعرفكم ماتستكون لافكرررت أُستاااااااذ إلياس تتزوجها وقتها بقول اسمها
تنهد ولف دخل غرفته ، نقزت وهي تضحك:اقعد والله طلعت هي!!!
انهارو ضحك ، لف الياس وهو يضحك:يعني تسوقينها علي؟
انهارت ضحك:كنت شاكه وتاكدددت
انهار بتال ضحك:ترووووعيييين
سلطان انهار ضحك:لعبتها صح
ابتسمت وراحت همست بأذنه:اذا تبي تخطبها بلغنا ومابقول لحد عنها وعنك لين ماتقولون انتو
إلياس بهمس:ابيك بعد شوي لانامو
صرخ انس:عيني عينك يتهامسووون قدااامنا!!!
ضحكت ولوحت له:تشاااو بيبي
ودخلت غرفتها بابتسامه وضحك إلياس ودخل غرفته ، ضحكو الموجودين وكملو سوالف واكل ورتبو ونامو ، ارسلت ألونَا لـ إلياس يجي البلكون وطلع وجلس بابتسامه وقفل الباب ،ابتسمت وتربعت:ايوا من متى ؟ تعرف؟
أبتسم:اول شي خليني اتاكد من ببالك؟
__________________________
هالبارت حنوون ومُرعب برضو بس خوفهم عليها🥺🥺، أعتذر على التاخير بِـ التنزيل ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل
والاقتباس ماحلل القراءه بدون تفاعل🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷