« عزّ الله إنّي في ظبي نجد مغروم .. راعي العيون الّلي مع الزّين خجّله »

«36»

«اللَّهُمَّ صَلِّ وَسَلِّم عَلى نَبِيِّنا مُحَمَّدٍ»
‏«اللهم لاتجعل روايتي تُلهي عبدك عن عبادتك»

العصر طلعو جلسو بالحديقه الاماميه كلهم والتفتو للحارس الي تقدم ، الحارس:بنت سعد برا
نرجس وقفت:اصاييل!
شمرت عن اكمامها:ابشررري بي!
تركي:بعلم تيّم مايطلعك
وانهاارو كلهم ضحك على كلمته وعلى شكل نرجس واصايل المتكتفت يكلمونها ، نرجس تكتفت:خير؟
جِنان وهي تدمع:نرجس سامحيني تكفين!
طالعتها من فوق لتحت:مين انتِ اساسا؟
جِنان وهي تدمع:امس ابوي توفى
صُعقت نرجس وواعتدلت:كيف ومتى وشلون؟
جِنان وهي تدمع:مدري المستشفى يقولون اكسجينه قل واختنق ومات
نرجس طالعتها ببرود:فكينا من شرك
جِنان مسكت يدها:نرجس حنا اهل..
نرجس ضحكت باستهزاء:اهل؟ بالله عليك ؟ اهل يومنك طعنتي بشرف بنت عمك ؟ اهل يوم انك ساعدتي ابوك يقلب على اخوانه ؟ اهل يومنك قمتي تسبين وتسفلين باهلك؟ ماقول الا الله ينتقم منك ولاعد اشوفك جايه هنا !!
وقفلت الباب ورجعت جلست طبيعي واصايل مستنكره الموقف شوي ، ابراهيم عقد حواجبه:وش جايبها؟
نرجس ببرود وهي تشرب شاهي:تبكبك تبينا نسامحها
اصايل طالعت ابراهيم:سعد توفى
انصدمو كلهم والتفتو يطالعون ابراهيم ، تُقى طالعته:بتروح العزاء؟
ابراهيم ببرود:عزاء من؟؟
تُقى:اخو..
وقف ابراهيم وطق بعصاه:اخوي حمد وبحماية الله!
ودخل ، نرجس ضحكت باستهزاء وطالعت امها:منجدك؟
تُقى بصدمه:نرجس ترا عم...
نرجس ببرود:مب عمي زين؟ اذا تبون عمي عندي واحد واسمه حمد
تُقى طالعتها بصدمه:نرجس! عمك واخو ابوك واهلنا!
ضحكت نرجس:الله يسعدك يا يمه اهل ؟ بالعقل تشوفينهم اهل ؟ عني اطب بالنار ولا أطب بيتهم واعزي عدوي ولا اعزيهم والله لايسامحه
وقفت دخلت ولحقها عبدالعزيز ، مسك عبدالعزيز يدها بحنيه:نرجس
لفت:عيوني؟
ابتسم:وين بتروحين؟
نرجس مسكت يده ودخلته معها غرفتها قفلت الباب وحضنته ، حاوطها بحنيه:من مضايق نرجسي؟
نرجس تنهدت بتعب:تعبت عزوز تعبت والله
ابتسم وقبلها بخفه:بسم الله عليك يأُمي
نرجس ابتسمت:بكلمك بموضوع
ابتسم:سميّ
بعدت وطلعت كيس من التسريحه مدته له ، فتحه وطالعها بابتسامة:جد!
ابتسمت:من رحت شاكه بس قلت اذا جيت اسوي التحليل
ابتسم وطلع تحليل الحمل عطاها:يالله سريع سريع!
ضحكت:عزوز!
ضحك:يالله نرجسيي!
وخذته وطلعت بعد دقيقتين وحطته على التسريحه ، طالعه عبدالعزيز:مافيه شي؟
نرجس توترت:مدري اصبر مابان شي
حضنها بحُب:والله راضي سوا فيّ ولا مافيّ
ابتسمت وحضنته:احبّك مره!
ابتسم وقبلها:اعشقككككككك
ابتسمت:تشوف؟
ولف عبدالعزيز وطالعها بابتسامة ومحاجر مُمتلئه دموع:حامل
ابتسمت بفرحه وتوسعت ابتسامته ثغرها:قل والله!!!!
حضنها ودار فيها بفرحه بصوت متحشرج:والله!
طالعته بصدمه وهو يدمع وقبلت عيونه:لا عزوززي لاتبكي تكفى ! لازم نتاكد ترا مايكون اكيد مرات!
ابتسم وقبلها:عيون عزوز سميّ تمام نروح المستشفى؟
نرجس:لايحسون زين؟
ابتسم:ابشري بقول نروح لابوي وكذا
ابتسمت:تمام ياروحي
وفعلًا طلعو وراحو ومحد شك وكانو جالسين بالسياره بمواقف المستشفى ينتظرون ، ابتسم عبدالعزيز وهو يقبل وليد:الله والعلم
نرجس بوهقه:بنجيب لك حلاوه زين؟
ضحك عبدالعزيز بصدمه:حتى هو؟
نرجس بابتسامة:اذا طلع ايجابي بخليه هو يعلمهم
ابتسم وقبل يدها:الي تبينه يابوي
وشافت اشعار جاها وتوترت:اصبر افتح الكام بصور ردت فعلنا وشف النتيجه انت
ابتسم وركى جواله على القزاز الأمامي شغال التصوير وخذا جوال نرجس وابتسم بفرحه ، دمعت بفرحه من فهمت:حامل
ابتسم عبدالعزيز بواسع ثغره:حامل يالدنيّا حامل يابعدي
وحضنها وبعد مُده بعد بكي واحضان ، ابتسم عبدالعزيز وحط يده على بطن نرجس وطالع وليد:بابا لودي تدري بيصير عندك زي جوجو اخت؟
ابتسم وليد ببراءه:والله؟
آبتسم عبدالعزيز:والله ببطن ماما في بيبي لاتخليها تشيلك زين ؟ ولا تخليها تشيل شي قوي تمام؟
نقز وحضن نرجس بفرحه اطفال:يس يس يس بيصيييير عنديي اححتت!
وضحكو على نُطقه ولف عبدالعزيز وكان الجوال يصور وابتسم قفله ومشو مُتجهين لاهل نرجس وكانت كِناز مبلغتهم انهم راحو لأهل نرجس ، وقفو وابتسمت نرجس تتكلم مع وليد:شوف ماما روح اجلس عند جدو ابراهيم وجدو حمد وقول بتجيني اخت زين ؟
وليد بفرحه:الحين
ونزلو وركض بابتسامة وكانو مُبتسمين عبدالعزيز ونرجس وجلسو بابتسامة صمت بعد ماسلمو على اهل حمد ، وليد ببراءه وفرحت اطفال ركض وحضن حمد:تدري جدو بتجينيي اااحت!-طالع ابراهيم بفرحه اطفال-زي جوجو وتودينا بعدين البقاله!
لفت تُقى بفرحه لـ نرجس:صدز!!
هزت راسها بالإيجاب بأبتسامه صمت ، وصرخو البنات بفرحه وقامو يحضنونها ويباركون لها بفرحه كبيره اتجحت صدورهم وبعدها اتجهوا الرجال جلسو بالمشب ، ليلاس جلست عند نرجس وهي تطالع بطنها:اسمعيي انا اول وحده تقولين اسمها تراه سهل ليلاس او ليلو زين ؟ وتبوسيني وتحضنيييني اول وحده
نرجس حطت يدها على جبهت ليلاس:عليك حراره؟
وانهارو ضحك ، ابتسمت انفال بفرحه:كم عمره؟
ابتسمت نرجس:ماكنت موجوده الدكتوره وحجزنا بكرا بروح للي رحت لها بوليد
ألونَا:شسمها؟
نرجس وهي تتقهوى:دُرر
الونَا حطت يدها على قلبها:اويلي مُزه هي تفحصني وانا اتغزل فيها عمايل البنج
وانهارو كلهم ضحك ، شرقت نرجس بالقهوه وضحكت:نفسسسيي شوفي!
وورتها الفديو وكلهم انهارو ضحك ، ضحكت كِناز:يانذله عزوز!
ضحكت نرجس:لا انا قلت له صورني بشيك على فضايحي
وانهارو كلهم ضحك ، انهَار ضحكت:مُتعايشه معها يعني؟
ضحكت نرجس:اووه وبقوه ياشيخه انا افضح نفسي
ضحكت اصايل:مررره !
ابتسمت تُقى وطالعت سَلاف:متى الملكه؟
ابتسمت سَلاف:لاتساليني
ابتسمت تُقى وطالعت أنهَار:ها يامي؟
انهَار ابتسمت بلُطف:للحين ماقررنا
طالعت تُقى اصايل:وانتِ يامك؟
اصايل بغضب:اي اي لاحجت البقر
وانهارو ضحك من عصبيتها ، ضحكت سَلاف:ليه؟
أصايل وقفت:رجاءً باستفرد بنفسي الي بتجي بتكون ضحيه!
ودخلت وهم منهارين ضحك ، انهَار وهي تضحك:اصبرو نقال علومنا! تروووك!
وجا يركض:يالبيه سميّ
أنهَار مسكت قلبها:اويلي!
ركض بخوف:شفيتس !
انهَار:اح اللهجه حلوه عليه ولا يهيئ ليّ؟
الونَا وهي تفصفص:البنت لولد عمها وبنتي لولد عمها
وانهارو كلهم ضحك ، ابتسمت انهَار وهي تطالعه:أصايل ليه معصبه؟
تركي تربع عندها وهو يلعب بالجوال:مدري
انهَار:محفظتك؟
تركي وهو يلعب ببراءه:ايه
انهَار ضحكت:معليك ترا بنساعدها وش فيها معصبه؟
تركي طالعها:بس لاتقولين اني قلت؟
ضحكت ليلاس وتربعت جنبه:لا معليك مانقول بس قول
تركي ببراءه:رحنا الاسطبل مع تيّم وكان يقول لها ارجعي ادرسي ومدري كلام كثير وبعدين غمز لي وعرفت انه يبيني اكذب معه وقال اني بتزوج وحده معها شهاده جامعه ومرضيه ابوها وبعدين قلت اي اصايل ماتسمع كلام بابا وماتدرس تزوج وحده ثانيه لاني اعرف يبيني اكذب معه وسحبت علينا وبس كنا نحاول نكلمها وماترد علينا
أنهَار:اوتش لو ماقال مرضيه ابوها كان مازعلت
ليلاس ضحكت:يعني ماهمها الزواج
انهَار وهي تفصفص مع ألونَا:ياشيخه اصايل اكبر همها رضى امي وابوي والباقي مو ملقيه له بال بس جد مره تيّم بعص الوضع
سَلاف:طيب ترا طبيعي بيقولها بعفويه لانها ماقد علمته وهو مايعرف هالشي وعباله طبيعي يومين ويتصالحون
نرجس وقفت:سوالف المشاكل جوي
ودخلت وهم يضحكون وراحت دخلت قسم نَواف تنادي:أصايل !
اصايل بعصبيه:نرجس اطلعي
نرجس وقفت:ماني طالعه!
اصايل بعصبيه وقفت وعصبيتها طاغيه عليها كانت بتضربها ووقف نَواف بصدمه بينهن:اصاااايل!
وجمدت محلها من وعت انها بتضرب نرجس ونرجس حامل وتكلمت بندم وتاتاءه:اسفه نرجس
ابتسمت نرجس وحضنتها:هديتي؟ يصير نتكلم؟
اصايل بعد مابعدت نرجس:مابي اتكلم مع احد
نَواف مازال مُستغرب:شصاااير!
مسكت يده انهَار:تعال معيّ
وطلعو برا للسيب ، انهَار تنهدت:تيّم يوم وداها هي وتركي للاسطبل كان يحاول يقنعها ترجع للجامعه بعدين غمز لتركي يكمل الكذبه معه وقال بتزوج وحده مكمله جامعه ومعها شهاده الجامعه ومرضيه ابوها وتضايقت
نَواف عقد حواجبه:بخصوص اي موضوع تضايقت؟
انهَار:تركي يقول ماكنت مهتمه ويوم قال مرضيه ابوها عقدت حواجبها فاعتقد عشان هالموضوع
تنهد:زين معليه انا اكلمها
انهَار:تو تيّم متصل ويعتذر ويبرر قلت فاهمينك وعارفينك معليك وقلت انت اعرف بنفسك الموضوع الي مضاايقها وش يقول بجي بتكلم معها قلت حياك
ابتسم نَواف :وانتِ ؟ متى ترضين على سيّاف وتكلمينه تحددون الملكه؟
أنهَار بضيق اخفته ومثلت لعدم المُبلاءه:موضوع تافه بعدين اشوفه
نَواف مسك يدها بابتسامة:وليه تتضايقين ؟ انا طالب منه يقنعك ترجعين تدرسين
انهَار:وانا مابغا ياناس وقفو تجبروني على شي مابغاااه!!
ومشت جلست بالحديقه الخلفيه تنهد نَواف بضيق من انه مايعرف بناته زين كثر ما سيّاف وتيّم يعرفونهم
نرجس ابتسمت لنَواف:انا اكلمها لاتقلق
ابتسم:تمام تيّم بيجي بعد شوي ترا حاولي تقنعينها
ابتسمت ومشى ، جلسو بالصاله ، اصايل :مابغا اتكلم نرجس !
نرجس بحنيه:تيّم متصل يعتذر ويبرر وجاي يبي يكلمك حابه اقول لك اصايل اذا تحبينه اسمعيه وافهمي منه وش كان مقصده ولو انه مايحبك كان مالقى لك بال ولا حاول يراضيك ويكلمك تيّم يحبك حيل وواضح عليه حُبه لك كل ماجا ياخذك انتِ وتركي وابتسامته واسئلته عنك كلنا ملاحظين
دخل موج:اصايل تعالي المجلس تيّم يبغى يتكلم معك
ابتسمت نرجس ووقفتها ترتب شعرها :دامك تحبينه اسمعيه واسمعي منه مو من غيره اسمعي لتبريره
ابتسم موج وتقدم:صحيح ماعرف وش الموضوع لاكني اعرف حُبكم لبعض حُبك له وحُبه لك اعرفه زين أصايل من جا وهو يعتذر ويبرر لابوي ولاني فاهم بس تيّم يحبك ومزعلك ولونه مايحبك ماجا يعتذر ويبرر على طول اسمعيه
طلعت وتنهدت بضيق ودخلت المجلس ببرود ماتوضح ضيقها وجلست بصمت ، تيّم طالعها:أصايل افهميني تكفين طالبك شارييك وشاري حُببك احبّك واهواك والله وبالله وتالله انتظر اليوم الي تتصلين علي فيه تقولين تعال نملك ووديّ فيه الحين قبل بكره السالفه مزح وحتى اسالي تركي غمزت له عشان يكمل معي لعل وعسى تتقتنعين انا ماني يم الزواج ولا ابيه الا معك وابوك مرضيييته ومريحته عن كل شي ولاعمره شكى منك داااايم اسمك على لسانه انا اعرفك....
اصايل طالعته باستهزاء:تعرفني تيّم؟ تعرفني وانت ادرى ابغض ماعندي احد يقول اني مقصره مع امي وابوي وانت قلتها بلسانك! انا ابيع عمري عشانهم انا بعت لحظااات احلم فيها عشااانهم كرهت اليله الي سلموني فيها وثيقه التخرج ولاحضرت حفللهم تدري ولا لا ؟؟ جلست بكوفي لين مانتهى ورجعت البيت بعباتي عساس حضرته تدري ليه ؟ لان اُمي مو فيه وابوي مو متواجد برا عشاه يستقبلني ويهنييني !! اجلت لحظااات احلم فيها طول عمري اجلت خطبتي وملكتي وزواجي لانهم ماكنو متواجدين !!! اشتغلت بعمر صغيير تيّم ! ضغطت على نفسي واشتغلت بكذا شغله وهم عبالهم دخلي الوحيد ارباح شركت ابوي الي موقفينها وانا اشتغل شغل ثاني عشان اامن فلوس زياده احتياط لوقت الزنقه الي كان كل وقتنا مزنوقييين !!! تدري كانت تجييني اياام من التعب والسهر استفرغ بالشغل استفرغ من قو تعببييي !!! استفرغ من ضعف حيلي تدري ولا لا ؟؟ تدري جتني نوبات هلع من خوفي عليهم !!! تدري ان صُداعي مُزمن حتى الادويه ماتمحيه بس سبحان خالقنا اذا شفتهم مبتسمين ومرتاحين كل تعبي يختفي كل شقى عشته يختفي !!! انت عبالك همني موضوع تتزوج علي؟ لاتقول غريبه بنت وما تغار اغار بس انا اعرفك زين واعرف قلبك زين ليه اغار؟ وعيونك كلها لي وعليّ ؟ تدري اني كنت بالشغل اقطر بعيوني والبس نظارات عشان اكمل الشغل على اكمل وجهه وعيوني تحرقني الم سهر وتركيز وصُداعي مايفك تدري مرات مارد على مُكالماتك لان صداعي زايد وراسي يعورني ولا اقدر اسمع زين واكتب واطول بالكتابه مو عشان عندي ضعف كتابه لا عشاني يالله افتح عيوني واركز على الحروف واكتب كتابه سليمه ! تدري رفضت احلامي كلها وقررت من كان عمري 15 سنه ماحلم اي حلم تدري ليه؟ لاني مابنفذهم وابوي وامي مو معي تدري متى بديت احلم واخطط يوم كان عمري17 من كنت تتوسط لي وكثرت لقائتنا الصدفه ! تدري حاليًا وش اتمنى من ذا الحياه ؟ ترحمني وتخف عليّ صدمات ومشاكل وضغوطات لان ماعد احتمل والله ماعد احتمل شي اكثر من كذا راضيه بالي عشته والي بعيشه بس طاقتي انتهت خلاص -وقفت بابتسامة لُطف-لاتتضايق وتزعل مو زعلانه منك والله وماقدر ازعل منك يكفي اني من صديت وأنت تحاول تكلمني مو زعلانه عليك والله بس مصدعه شوي وبنام استئذنك بكلمك اذا صحيت
طلعت وكانت صدمتها ان سَلاف ونَواف وموج كلهم واقفين برا مصدومين ومنزلين روؤسهم من هول الصدمه الي سمعوها وطالعوها بصدمه ، تنهدت وقبلت روسهم بلُطف:تصبحون على خير
ومشت وهي حاسه بوجع حاسه بقلبها يتقطع وثقل مشّيها مامداها الا وهي طايحه مغشي عليها ، سَلاف شهقت دمعت بخوف وتاتاءه:بنتي اصايل!
فز تيّم بخوف وشاف موج شايل اصايل ركض يسوق فيهم وانفجعو الباقين ولحقوهم ، ودخلوها الطوارىء وانعشوها بعد خمس ساعات تقريبًا صحت بصداع:ويني فيه؟
فز نَواف بخوف ودق الجرس الاحمر:ابوي اصايل تسمعيني؟
اصايل بصداع:وينك
نَواف بخوف حاوط خدودها بين كفوفه الراجفه:أصايل بابا
سَلاف دمعت بصدمه وطاحت على ركبها ماقوت رجولها تشيلها ، انهَار بدموع وتاتاءه:اصايل تشوفينا
اصايل بتوتر وصدرها بدا يعلو ويهبط وهي تفرك عيونها:ليه ظلام؟ شغلو الاضاءه ليه مقفلين اليتااات بطلوهاااااا!!!!
صعقو كل الراشد وكل من متواجد بالغرفه والعيال الي برا مصدومين من صراخها وهم عرفو الموضوع من صراخها وركضو الأطباء والممرضين طلعوهم برا ، سَلاف وهي تبكي:بنتي بنتي!!!
تُقى مسكتها بخوف:سَلاف امي اذكري الله!
سَلاف بدموع:لا اله الا الله الا اله الا الله!
أوجعتهم قلوبهم بصدمه ، نَواف وهو يبعد خالد بخوف:بعددد بشووف بنتي بعددددد!!!!
خالد بخوف:نَواف هد اذكر الله!!
نَواف بخوف:سامع شتقول خااالد ببببنتيي ذي بننننتيي انا متاااكد تشوفنا بس تمقلبنا بعدد
على كلامه طلع سيّاف بحزن مسك نَواف:اذكر الله
نَواف بخوف:الف من ذكره سيّاف انطق شفيها!!
سيّاف بضيق:القرنيه عندها متضرره حيل عمى
موج بصدمه:يعمي العددووو سامع سيّاف شتقووول بعدها بتدرررس وتعيش حيااتها سيّاف صااحي!!!!
سيّاف بضيق وهو يهديه وكلهم مصدومين وتيّم الي دخل ودمع:بكون عيونك الي تشوف لك وبكون يدك الي تمسكين فيها وبكون رجل لك الي تمشين وتحسسين الحياه فيها وبكون لك السند والعون بس لاتبكيين
اصايل بصدمه ودمع:تيّم تسمع شتقول تيّم ماشووووف ماشوووووفك تيّم ماشووف احدد تييّم الظلاام يخوف تيّم يخوف حيييلل
حضنها نَواف ودمع بخوف:كلنا معك وكلنا نظر وعيون لك بس لاتبكيين
اصايل بصدمه وهي تدمع ضغطت على عيونها:لا بابا لاااا بابا الظلللاام يخوف يخووووف حيل يخووف!!
بعد سيّاف يدها عن عيونها:اصايل بتاذين نفسك اكثررر كذا
جلست تضرب كتف نَواف الي حاضنها وهي تددمع:مااااطلبت شي من هالحياااه ابي ارتاااح بس ارتاااح
كلهم كانو يبكون وموجعتهم قلوبهم عليها وجلست يومين بالمستشفى وطلعت ، وقت ماوصلو مسكت يد انهَار بتوتر وهمس:انهَار حاوطي اكتافي وهمسي لي
انهَار اوجعها قلبها اكثر:ابشري ابشري لاتخافين معك والله معك
ونزلت انهَار واتجهت لباب اصايل حاوطت اكتافها ضمتها لها وهمست:في اربع عتبات مدي رجلك لاخر شي بالتعبه وارفعيها قدميها بالهواء شوي ونزليها
وكانت تطبق كلام انهَار بتوتر وخوف وهي شاده على عبايت انهَار ودخلو ، اصايل بهمس لانهَار:بتروش تساعديني؟
انهَار ابتسمت:عيوني عيونك ياكليّ!
وفعلًا دخلت وساعدتها وكانت اصايل مابيدها شي غير انها تبكي ولسانها يردد يارب يارب يارب ، وطلعتها وساعدتها تلبس وسوت شعرها وتمددت اصايل وتمددت جنبها انهَار ، مسكت انهَار راس اصايل وسندته على صدرها بحنيه:بقرا لك روايتك نزلت خمس بارتات وبقرا لك ستوريات الكاتبات
اصايل ابتسمت وهي تحس بامان وحنان انهَار الطاغي تكلمت بهدوء:اقري بس ستوريات إيان ونَوره ولينَا
ابتسمت:ابشري
وبدت تقرا واصايل بدت. تتاقلم على وضعها وتضحك مع انهَار وطريقت سردها ومن انتهت ، أصايل بهدوء:عادي روحي انا بنام
ابتسمت انهَار وحطت جهاز سمع الاطفال عندها:شوفي انتِ ناديني زين حطيت عندك ذا الجهاز معليك ناديني وبسمعك اجيك تمام حياتي؟
ابتسمت اصايل:احبك مره انهار مره احبك
ابتسمت:صح تيّم يقول بتملكون بس والعرس اذا استرديتي بصرك باذن الله
اصايل كان عندها آمل يرجع نظرها:عادي
ابتسمت انهَار وقبلت خدها وعدّلت بطانيتها وطلعت جلست بالمجلس عندهم ، خالد بضيق:اصايل وين؟
تنهدت انهَار وسندت راسها على كتف موج:نامت
سَلاف بخوف وقفت:بجلس عندها لو نادتنا ومسامعنا
انهَار:اجلسي! جبت هالجهاز وقلت لها تناديني واجيها اسمعها ماعليك
واصرو عليها وجلست ،ابراهيم طالع نَواف:متى بيملكون؟
نَواف تنهد بضيق:بكرا
سَلاف بخوف:مابي بنتي تروح اكيد بيلهى بدوامه او
مسكت وعد يدها بحزن على حالها:سَلاف هدي ! مابيصير الى الي كاتبه ربي تعالي ساعديني بسوي كيك
وسحبتها معها بالاجبار عشان شوي ترتاح وكلهم ضاقو اكثر على وضع سَلاف الي من الخرشيه اصبحت بفاقده للعقل ، طالع نَواف أنهَار:اصايل وش كانت تشتغل؟
انهَار:ماخذه جزء تنفيذ الشغل بشركتك ليه؟
نَواف بضيق خلخل انامل يده بين شعره يحركه:تشتغل شغل ثاني
انهَار باستغراب:مقد جابت طاري
موج:كانت تكلم تيّم-طالع انهَار-ماحضرت حفل تخرجها
اعتدلت انهَار بضحكه:يهيئ لكم لاني انا الي مجهزتها حتى انا الي جبتها!!
موج تنهد بضيق:يوم رحتي راحت وجلست بكوفي لين مانتهاء الحفل وجابت الوثيقه وطلعت لك
أنهَار كانت مصدومه ، ليلاس بصدمه:انتم ماتعرفون شي عن اصايل نهائيًا!!!!
انهَار طالعتها:اعرف عكس الي تقوله !
موج بضيق:عيونها من اول توجعها انهَار من اول وتضعف الرؤيه عندها مرات وماتشوف زين ويصك معها صداع حتى السمع مايخليها تسمع
انهَار بصدمه طالعت موج وابوها:صاحين انتو؟ مُستحيل يهيئ لكم مقد شكتتتتت!!!!
ألونَا بهدوء وهي تطالع المدى بهواجيس:
بلاك من الي مايشكي وجعه
تكتم بصدرها شين الايام ومرها
وتبين لك حلوها وفرحتها
لونها لحظات
انهَار ضحكت بصدمه:مستحيل ياهو تقلونها قايله لليان وتيّم ولو قالت بيجون يقولون لي اقنعها مستحيل مستحيل
موج:تيّم توه يدري اساسًا
انهَار جلست وهي تحاول تستوعب صدمتها ولفت للجهاز الي بحضنها ونزلته ووقفت سمعت مُناداها وقفت بصدمه راحت لها ، اصايل:انهَار؟
قفلت الباب بلعثمه:اي انهَار-جلست جنبها-اصايل بتكلم معك
اصايل وهي متمدده:بايش
انهَار بعدم تصديق:حضرتي حفل تخرجك ؟ كانت عيونك تعورك من اول وتضعف الرؤيه وصداعك يغلبك حتى السمع ماتسمعين ؟ كان عندك شغل ثاني
اصايل تنهدت:ايه
انهَار انصدمت:ليه ماقلتي لي!
اصايل بضيق:لانك بتحاولين احضر او اوقف شغل ثاني وتقولين لتيّم وليان ولا تعلمين بابا وانا مابغا كل ذا يصير تدرين ليه ؟ لانك بتحسبيني ابغا فلوس زياده وبتضغطين على نفسك أكثر واكثر وتاخذيني وتوديني مستشفيات وتصجين راسك زود بتخفين تعبك عني وتكتميين بقلبك وبس تشتغلين ليلك ونهارك وانا مابغا كل ذا الي ابغاه من هالدنيّا نرتاح وبس بس ماظني شوفي اول ماطلبت الراحه جازتني بعمى تدرين ؟ مرات اقول ليه بعدني عايشه ! او كيف بعدني عايشه ؟ لاني تأقلمت مع فكره بيجي يوم ولا اقوم
انهَار كانت مصدومه بحزن وحضنتها:شش لاسمعك تقوليين كذا وعتبانه عليك بالحيل اصايل ليه مابلغتيني من اول ليه!
اصايل:خليني اشيل هميّ لحالي شوفي هاذاني انعميت وتضايقتو تراه عمى عادي شفيها حسستوني مت وطلعت روحيّ مو لازم اشوف وجيهكم عشان اعرف متضايقين او لا اعرفكم من أصواتكم ونبرتها
لفت انهَار لجوالها الي يدق وردت:هلا؟
خالد بضيق:جيبيها معك نغير جوها
انهَار:زين
وادركت انها نست الجهاز قفلت الجهاز الي عندها :قومي اساعدك تبدلين عمامي يبونك
اصايل:مابي اطلع لاحد
انهَار:قومي بكون جنبك واهمس لك بالي تبينه
تنهدت بعد محاولات ووقفت وساعدتها لبست شي ساتر وحاوطت اكتافها ومشت معها جلسو بالمجلس ، كانت اصايل جالسه جسد بِلا روح تفكر وتهوجس ولاهي معهم نهائيًا ، تنهد وليد بضيق من انها ماكنت تجاوبهم بشي:اصايل ؟
انهَار طالعتها:يكلمونك اصايل
وعت من افكارها:ها؟ هلا
نرجس ابتسمت بضيق:شرايك نطلع نتمشى ولا نسافر نروح للبحر؟
اصايل بهدوء وهي تتحس بياله الشاهي تحاول تحفظ معالمها زين عشان ماتكب:روحو
ليلاس:نبغاك معنا!
أصايل بهدوء ارتشفت شاهي:لا مابي روحو انبسطوا
تمارا بضيق:افا ليييه! اول مره نسافر سوا يالله؟
أصايل وهي تحاول تتحكم بتعابير وجهها :تمارا مابغا والله مالي خلق طريق وسفر
ليلاس:طيب ناخذ شاليه او مُنتجع وتجين معنى؟
اصايل:مو بالمود والله مالي خلق
ابتسمت ألونَا:في جهاز قراءه حق المكفوفين وطلبته لك اعرفك تحبين القراءه بالنـ..
اصايل بهدوء:اعرفها من سبع نقاط تتكون لسبع احرف لمعجم كامل للغه العربيه ولغات ثانيه
ابتسمت الونَا:تعرفينها؟
اصايل بهدوء:اي
جابت ايناس ماتشا وعطته أصايل بابتسامة:ادمنتت طريقتك!
ابتسمت بلُطف:بالعافيه
ايناس:عليييك ياروحيّ انا
ارتشفت منها شوي وكانت تحس بدفء وحنان معهم كانت تحسهم شايلينها بعيونهم تحس براحه وظلت تشكر الله بداخلها ، راح تركي يركض عند انهَار بترجي:انهَار بروح البقاله هنا قريب تكفين وافقي!
ضحك هتَان:والله ياتركي مسكب على خالتي سَلاف وعم نَواف
ضحك نَواف بتغيير للجو:اساسا ولد انهَار مب ولدنا
حضنها وهو يضحك:مقدر اطلع وانا ما ستأذنت منها
ضحك نَواف:وحنا؟
تركي غطا عيونه:لا اسمع لا اراء
اصايل ابتسمت تحاول تغير جوها:يتحايل على انهَار وانهَار خفيفه تقتنع بسرعه
وضحكو الموجودين وابتسمو بحنيه من محاولتها لتغير جوها ، فِراس:شرايكم نشوي؟
الونَا:ااخ نوسي سو الصوص حقكك ذاك الي فيه شبت أظن اسمه؟
ضحك انس:اي اي سميّ
ابتسمت برضى:كفو
هتَان:اصايل والونَا بطينيه قولي اسوي لك الاكله الفلانيه ياشيخه لو تبين مليون عطتك
رمت عليه المخده وهي تضحك:وجع الا وجع!!
وانهارو كلهم ضحك ، دخل سهم وشنطته على كتفه بابتسامة:اشوفكم تعودتو بدوني؟
سُندس صرخت بحماس:يالبيييه رهان وبصير غنيه!
وانهارو الموجودين ضحك بصدمه ووقفو يسلمون ، يوم جلس ضحك وطالع سُندس:اعترفي غشيتي وانا مب فيه!
سُندس وهي تفصفص:راحت علينا فلوس كله منك غبي ومحد يتراهن معي!
ضحك هتَان:تروع الصدق اذا قالت شي صار
سهم وهو يتقهوى:ماتشوفني طفرت اتحمس واراهن وبوم تطير فلوسي
ضحك بتال:تبي تراهني قلت ماني بسهم
وانهارو كلهم ضحك ، سُندس بلعنه:لي الفين اممم ووشو اذا اصايل تزوجت بكرا!
غص سهم بالتمر:من اصايل من بيتزوج وش الابديت الغريب الي سويتوه ولا انا ناسي الاوادم؟
سُندس بلعانه؛اعتبرك قلت تمم يعني لي الفين والقم هيااا اذا ماجتني الاان بكسر البيسي حقك!!
ضحكت اصايل بصدمه:يمه تروعين صدق !
وانهارو كلهم ضحك واختصر بتال السالفه بالجوال لسهم واجل التفاصيل بعدين ، ايلاف براحه وهي تشوفه امامها:كيفك؟
ابتسم سهم:والله فقدت هواشك الصدق! احلى من هواش الضباط
وانهارو كلهم ضحك ، خالد وهو يضحك:لابارك الله بالكتمان
سهم كشر:واسمه مبارك
وانهارو الرجال ضحك ، تمارا وهي تفصفص:ورع ليه تحلق!
سُندس وهي تفصفص:صار بطاطسه
ضحك فِراس:الخيشه بخمسه
وانهارو الرجال ضحك من تذكرو الونَا ، ضحكت الونَا:غش
تمارا وهي تفصفص تكت على سُندس:احس احس في شي غريب متغير فيه شي يعطيني فايب غريب!س
سُندس وهي تفصفص طالعتها:لابس. صكته الشمس تقله مسوي تان ومحترق زي عيال عمامك
ضحكت تمارا:ويع امحق اقارب بس عجبني التشبيه
وانهارو كلهم ضحك،ضحك سهم بصدمه:هم استلموني ولا يهيئ ليّ؟
تمارا مكمله تفصفص:بس وش الفايب؟
سُندس وهي تفصفص:زي العمال الي عند البل ظني فايب بدوي طاقته الشمس ولا؟
تمارا وهي تفصفص؛عجبني التشبيه جداوي بدوي وااو تهقين يقول اشبو دا ولا وشنوحه؟
وانهارو كلهم ضحك ، سهم وهو منهار ضحك ويدمع:حسبي الله على بليسكم !
بتال وهو متمدد وراسه بحضن تمارا ومنهار ضحك:آخ فصلتوا فصله!
ضحكت انهَار:لا أحسه يقول انا جده انا فيب يابويا
ضحكت تمارا بصدمه:انهبل علينا جته فتره بس يقولها
وانهارو كلهم ضحك ، ضحك ابراهيم:حسبي الله على بليسكم بس عاد
سُندس وهي تفصفص وتضحك:مقدر ياجد شكله كله رياكشنات اخاف ناكله بدال الشوي
وطاحو على بعضهم من الضحك ، سهم وقف وهو يضحك:حسبي الله على بليسك اصبري الأيام بيننا
ودخل عساس يبدل ويتسبح وطلع وثوبه بيده وقف عند الباب وهو يضحك:غرفتي حضانت اطفال!
سُندس صرخت؛خير ماكملت رسمتيي!!
تمارا صرخت:والله لو خربت رسمتي بلعنك!
سهم ضحك بصدمه:وراكم مستحلين ملابسي شتبون بها!!!!
ضحك هتَان بصدمه:وصلو مرحله خطره لازم رقابه
ضحكت سُندس وهي تفصفص:تعجزنا نشاري كانفس ولقينا ثيابه طويلع عريضه تقوم بالواجب وشو له الخساير وعندنا ذا النتفه!
سهم بغبنه:كليييتبن مب نتفه انتِ الي شطحتيي!!
وقفت قريب له وضحكت:والقمم صرت170!
طالعها بصدمه:حشا ممداني اوصله!
وانهارو الرجال كلهم ضحك ، ضحكت انهَار بصدمه:اما 170!
ضحكت اصايل:معكم وحده طولها 176
بتال انهار ضحك بصدمه:طووووول انس !!!!
انس بصدمه:لا عاد جحفله!
وانهارو كلهم ضحك لين ماطلعو برا ، سهم وهو ياكل حلى:والله غبنه توني اوصل هالطول وذي تدعس زي طولي!
سُندس وهي تاكل حلى:انت نشبه!بكل شي ناشب لي لابيوم ميلادي لا بطولي شتبي انت!
ضحك بصدمه:اماا عاد بنفس اليوم!
انهارت ضحك تمارا:جلسنا نسوي جوله بغرفتك ولقينا الجواز مابقيت مكان الا ورحت له وشافت ميلادك ومسكنانك طقطقه
ضحك خالد بصدمه:ناشبين ناشبين
وانهارو ضحك الباقين وكان سهم وفِراس وبتال يشوون ، وقفت سُندس بين فِراس وسهم ورجعت شعرها لورا:ااخ الرييحه لذيذذذذه!!
فِراس:امسكي شوي ذا بروح اجيب الباقي
وجلست تقلب الاصياخ وسهت تطالع شكل سهم لابس ثوب ومشمر اكمامه ومسوي عمامه بالشماغ الاحمر وعروق يده بارزه مع لونه البورنزي ، بتال ابتسم من لاحظ :سُندس قلبيه
دعست رجله:كلتبن!
وضحك بتال بعلو صوته ، سهم ماكان ملاحظ سُندس وكان مُبتسم من وقوفها جنبه وطالع بتال الي يضحك:شعندك تضحك انت؟
سُندس وهي تلقب تخفي خجلها:مدري عنه حيوان حرقت الشوي بسبته الحيوان!
سهم ابتسم:بيكون الذ شوي صدقيني
تركت الاصياخ بخجل:بجيب الصوص
وكانت مُسرعه بخطاها ولحقتها تمارا الي غمز بتال وضحكت من فهمته ، ضحك بتال بهمس وقرب يحرك كل الاصياخ:طايحه تامل فيك وانت طايح تتغزل فيها اقول احمد ربك ماشفكم فِراس
سهم بهمس:كذاب تطالعني؟
ضحك بتال بهمس:اجل ضحكت عليها وقلت احترق حركيه ودعست رجلي التبن
وضحك سهم بهمس:حي عينها اخ يابتال متى ؟
بتال همس:اخطب!
سهم بهمس:من يخطب ليّ ماشفت البيت منحاس تجهيزات امي وتمارا مابي اقروشهم معي بعد وماظني توافق امي وانا مامسكت وظيفه
جا فِراس وحط اصياخ جديده:وظيفه وش؟
سهم حس بوهقه وهمس:لاتجيب طاري لاحد
استغرب وهمس:وراه؟
سهم بهمس وهو يقلب:ابي اخطب بس للحين مامسكت وظيفه
ابتسم فِراس وهو يقلب:الله يتمم لك على خير نعرفها؟
سهم حس بوهقه:بعدين مب الحين
ضحك فِراس:طيب بشوف لك وارد عليك
ابتسم سهم:حي عينك والله!
ابتسم بتال وهو يقلب:يالله خلصنا قلب الشوي لايحترق بتعرس بس قلب
وجلسو يطقطقون عليه ، ونزلو الشوي ووزعوه على الطاولات ، سُندس وهي متلذذه:شفتو عشاني شويته طلع لذيذ!
بتال وهو ياكل:هدي هدي ترا بس قلبتي ماشويتي!ماسويتي الصوصات ماسويتي شي
سُندس بقهر:كلتبن مالك دخل ! واحمدو ربكم قلبته ولا احترق رميتوه للقطاوه الحين
ضحك نَواف وحاوط اكتافها:مالكم دخل تقول هي شوت يعني هي شوت
سُندس وهي تاكل:الله يجبر بخاطرك يانوافي تسلك لي بس افضل من انك تجلس وتضحك زي بعض الناس
وانهارو كلهم ضحك لفت سَلاف ساندوش بحنيه وعطته اصايل وكانت تاكل بشويش مُبتسمه رغم الي مرت فيه وبتمر فيه وتعيشه مُبتسمه وتحمد الله وتشكره على النعم الي منعم عليها به ،ليلاس تعدلت بحماس:بنات خل نسافر تكفون ابها والطايف يهبلوون!
فِراس وهو ياكل جِوان:غريبه تنازلتي عن النرويج واذربيجان؟
ضحكت:ياشيخ روح شموس
ضحكت الونَا وهي تاكل:التلفيرك الي بطريق الهدى اظن اسمه صح؟ امطار وضباب وطالع خيااال المنظر يجنن كأنو اذربيجان وسويسرا وقت الامطار ومنهبله من امس صجتنا عندك سياره وفلوس روحيّ!!
ليلاس:لا تعالو معي بطقطق عليكم تكفون!
نرجس:اي كذا؟ دزي اجل كنت بخليك تصيفين وافتح لك بيت الصيفيه بس اربضي
نقزت بحماس عندها:اما عندك! يالله نرجسيي السفره ماتحلى الا معك اساسا!
نرجس:ابو المصلحه!
ضحك عبدالعزيز:شفتي ! مافيه دام السالفه مصلحه
ليلاس رجعت:اذلفوا عادي اعرف مكانه وادق على هندي يجي يكسر القفل ويغيره وخلصنا
ضحكا كِناز:مدبره وضعك
اصايل ابتسمت وودها تغير مودها:صدق نروح؟
ابتسموا كلهم ، نرجس:تم الان اذا تبيييين!!!
شهقت ليلاس:سلقه!
وانهاروا كلهم ضحك ، ضحكت نرجس:والله تم لو تبييين افر فيك السعوديه واوربا كلها تم ثم تم
خالد:مافيه اربضي وولدك؟؟؟
نرجس:ليه الي يشوفك يقول بالشارع وبعدين انتم خفاف بتشوفونه وترحمونه فاعادي ايزي الوضع
وانهارو ضحك بصدمه ، هتَان:لا ممنوع نرجس والونَا وميلا يسافرون!
الونَا برفت حاجب:الي يسمعك يقول ولينا؟
ميلا شمقت:د ز ا م ه ا
نرجس :ولاكلمه وانت الي بتبلش بهم بعد ورعان اخر زمن!
غص وهو يضحك بصدمه:اح ابتلشت!
وانهارو كلهم ضحك ، وعد:لا مافيه ميلا تروح
ميلا بقهر:والله لروح تبيني افوت الامطار!
وعد:مافي اربضي
ميلا بقهر طالعت ابوها:خاااالدد خذ زوجتك عننني!!!!
وكانو بحاله انهيار مو طبيعيه وضحك على اصرار ميلا ، ميلا بوعيد:هيا والله لاروح وتجين تدوريني هنا ماتقلينيي صبرك عليّ يا وعد
ضحكت وعد:اتحدااك
ميلا:اصبري انتِ اصبري عليّ
ضحكت ألونَا:وعد بتوقف خفاره فوق راس ميلا
وعد:اذا ماكلبشتها بعد
وانهارو ضحك ، ودخلو الرجال المشب والبنات جلسو يكملون قعده بالجلسه ، جِوان جت وهي تبكي وحضنت الونَا وهي تشاهق وتبكي ببراءه:لودي لـ..لودي مايبيني يقول يقـ..يقول بتجيه اخت ويخليني
وتبكي وتشاهق ببراءه ، انهارو البنات ضحك يوم فهمو ضحكت الونَا وهي تقبل عيونها:طيب عادي وتصير صحبتك
طالعتها بعيون مُحمره وبراءه:يعني مايخليني صح؟
انهارت الونَا ضحك:يمه خفيفه بنتي! لا مايخليك
سُندس وهي منهاره ضحك:امها الونَا وابوها فِراس وش متوقعه!
وانهارو كلهم ضحك وجا تركي خذها وراحو يكملون لعب ، تُقى بنغزه لانفال:الا الونَا يمتس بنشدتس؟
لفت:سميّ وش
انفال فهمتها :مامن شين منا مناك؟
عقدت حواجبها وهي تشرب قهوه:مثل ايش؟
وعد ضحكت من فهمتهم:حمل يعني
وشرقت بالقهوه طلعت من خشمها وانهاروا كلهم ضحك ، ليلاس وهي تضحك وتطق ظهرها:صحه صحه
ألونَا طالعتهن بصدمه؛ناويني اموت ولا ايش!!!!
ضحكت انفال:لا مامن شين شوفي تُقى سبع وانا ثلاث
الونَا:مناك بس ابعدو عني انا ماتخطيت جوجو للحيني!
انهارت ضحك نرجس:ياعزتي لتس مانسى يوم كرشتي فِراس
وحكو انهار ، انهار برعب طالعتها وطالعت بطنها:سبعه! يمه كيف تحملتي ؟ لحظه اساسا كيف جلسو يخيطون طبقه طبقه
الونَا اقشعر جسدها:يحمدون ربهم صحيت بعد ماخلصو ولا فدعت بهم
ضحكت نرجس:وتهاوشت مع فِراس ضربت الهرمونات عندها
ضحكت سَلاف:ماتنلام انا جبت تركي قيصري وشفت الموت
الونَا:ها واخيرًا احد صاحي ! وبعدين وش هالثقه الي عندكم مافي مكتفيه بجوجو وبس
تُقى ضحكت:كيفتس
ليلاس بصدمه:لاعاد كنت منتظره تجبرونها وتهاوشونها!
تمارا بصدمه:وربي حركه غير متوقعه الصدق كنت انتظر اكشن
غمزت الونَا بخبث:شرايك بنادي بتال؟
جدعت عليها علبه المويا تخفي خجلها:ماتنعطيييين وجهه سلقققه!!!
ضحكت سُندس وتكت عند الونَا بخبث:لا شوفي جاز لها الموضوع لو ماجاز لها قامت كفختك!
ووقفت رمت الشبشب عليهم ودخلت ، وانهارو كلهم ضحك ، ليلاس وهي تضحك:اخ تذكرون بودره الحكه يوم تحسست منها قلت لبتال والله اني خبيثه قلت ساعدها داخل حراام وخليت ضميره يأنبه وهربت ويوم شافتني يابنات الضرب علم اسبوع بظهري
وانهارو كلهم ضحك ، ضحكت ايلاف:اشوا انا انطردت من الغرفه بس
وانهارو كلهم ضحك ، ضحكت نرجس:حيوانات تجمعتو عليها فكوها من شركم
ضحكت اصايل بتغيير لجوها:وربي ابليس
جا بتال:وين تمارا؟
الونَا كبحت ضحكتها:مدري دخلت داخل
ودخل وجلسو يضحكون ويسولفون، دخل ولا لقاها وتوقع يلقاها بالسطح وابتسم من لقاها حضنها من الخلف:شتسوي حبيبتي؟
ابتسمت من حركته الي يسويها دايم لين ماتعودت وسندت راسها على كتفه وخدها على خده:ولاشيء
ابتسم ولفها له:مخجلينك واضح خجلانه من شي
هزت راسها بنفي وخجل:لا منو قال!
ضحك:وشو قولي توته!
وقالت له بختصار مو كله ، وضحك وسند جبينه على جبينها:ها شرايك؟ فاضين يالله؟
ضربته على كتفه بخجل:قليللل ادددب!
همس عند اذنها:اوريك قلت الادب الصح بعد اسبوعين
وقبل فكها بابتسامة:حُبي جيت اقول لك بنام بروح الساعه 12المستشفى عنديّ مناوبه
ابتسمت:اي حتى انا
ابتسم وقبل خدها:اجل تروحين معيّ وبنتظرك صحيني زين؟
ابتسمت وقبلت دقنه وذي عادتها:زين
وحاوط أكتافها بابتسامة:يالله شرايك تنامين عندي؟
وسعت عيونها بخجل:بتاااالوه!
ضحك:تمام تمام بنام عندك انا
طالعته بخجل:بتاااال!!
ضحك بترجي؛يالله بس مره ابي انام بحضنك بس مره تكفيين توتر تكفييين
طالعته بخجل:لالا مايصير ولو جو سهم وماما منظرنا غلط بتال
ابتسم:قلت لسهم بسرق اختك اليله قال مالي دخل فيكم يعني خالصين يالله تكفين بس هاليله -ومثل ميل شفايفه بتعب-تعبان وابي انام بحضنك ابي ارتاح شوفي علي حراره بعد
مسكت جبينه بخوف:لا ماعليك
بتال:الا الا توها نزلت لو رجعت وماعندي احد ؟ لو صار فيني شي!
شهقت بخوف:بتاليي بس!! فال الله ولا فاالك بس اليوم!
ابتسمت برضى:اي اي
ونزلو دخلو قسم ايلاف ودخلت الغرفه بخجل وتمددت ، دفن وجهه بنحرها:اجمل حُضن والله واحن حُضن واريح حُضن
ابتسمت بخجل وخلخلت اناملها بشعره تلعب فيه ، وشدها له حاوطها كلها ، بس فعلًا حست انه حار وقاسته وهو نايم وطلعع حرارته مرتفعه حطت كمادات عليه بشويش ، صحى من برودتها ولم الباطنيه له:تمارا برد قصري المكيف
مسكت قطن بارد وهي تمسحه على رقبته بشويش:لا حبيبي عليك حراره ذي كماده
اقشعر جسده من البروده وقام يهلوس هلاويس الحراره وبصوت ثقيل:أُمي؟
تنهدت بضيق وحاوطت خده بين كفها:حبيبي بتال انا تمارا
بتال بهلاوس بصوت ثقيل:أُمي تدرين تزوجت تمارا احبها حيل وهي تحبني تدرين
دمعت بضيق على دخلت ايلاف ، طلعت ايلاف وقفلت الباب ، وقفت تمارا وراحت وحضنتها بدموع،ايلاف بخوف:شفيك ياماما!
تمارا بعدت وهي تدمع:عليه حراره ويحسبني امه يمه عورني قلبي مره واضح مشتاق لها بقوه
ابتسمت على حنيت وطيبت بنتها وقبلت خدها:طبيعي ياماما وعشان الحراره يتكلم كلام مو مفهوم خليك وياه واذا مانزلت بلغي سهم وانس يودونه المستشفى
مسحت دمعتها ودخلت قفلت الباب ، استغرب سهم:بتال؟
ايلاف بضيق جلست:عليه حراره ويحسب تمارا نَهاد الله يرحمها
تنهد بضيق:الله يرحمها اوديه المستشفى؟
ايلاف:اذا مانزلت بتقول لنا تمارا خليهم براحتهم
وفعلًا بنص ساعه نزلت وارتاحت تمددت وتوسطت حضنه بتعب ونوم وارسلت لامها"لوفي اذا جت12ولسا نايمين بليز صحينا عندنا مُناوبه"
ايلاف"ابشري ياماما"
ونزلت جوالها ونامت بتعب
__________________________
احداث لذيذه جدًا ادعو لي اجيب بالقدرات100😔❤️❤️ ، الاحداث مؤلمة جدًا اعتذر عِنها ، أعتذارً لـ غيابيّ فسرته بالانستا❤️🌷 وصلو التعليقات40+،أعتذر على التاخير بِـ التنزيل لاكني تعبانه وجدًا مضغوطه هالفتره اعذروني اذا تاخرت ، انتظر ارئكم بِـ حسابي انستا
{len.1o1} سيُصبح التنزيل هُنا فقط ، لاستبيح النقل
والاقتباس ماحلل القراءه بدون تفاعل🌷
قِراءه مُمتعه ، اعتذر اذا وجدتم خطاءً أملائي
الإ لقاءً أخر 🩶🌷