အရင်ဘဝက ပုန်ကန်ခဲ့တဲ့ စစ်သူကြီးရဲ့ ကိုယ်ဝန်ရသွားပြီ။

Part 68

အခန်း ၆၈

ကျဉ်းမြောင်းသော လျှို့ဝှက်လမ်းကို ဖြတ်ကျော်ပြီးနောက် အနုစိတ် ခမ်းနားသော အခန်းတစ်ခန်းက သူ့ရှေ့တွင် ပေါ်လာသည်။ ခမ်းနားသော အခန်းသည် အလွန်ကျယ်ဝန်းပြီး လုံးဝကျဉ်းကျုပ်မှုမရှိပါ။ မြေနဂါး(တရုတ်မီးဖို)သည် တစ်နေ့လုံး လောင်ကျွမ်းနေသောကြောင့် ဒီလိုအေးသောရာသီမှာပင် ဒီလျှို့ဝှက်အခန်းသည် သင့်လျော်သောအပူချိန်ကို ထိန်းထားဆဲဖြစ်သည်။

ခမ်းနားသော အခန်းတွင်းရှိ ကုတင်ကြီးတစ်ခုပေါ်တွင် သွယ်လျလှပသော လူတစ်ယောက်သည် မလှုပ်မယှက် လှဲလျောင်းနေသည်။ သူ့ကျောပေါ်ရှိ လိပ်ပြာအရိုးပါးပါးလေးသည် အနည်းငယ် ထောက်ကန်ပေးထားပြီး နှင်းဖြူရောင် မျက်နှာလေးသည် ပြန့်ကျဲနေသော အနက်ရောင်ဆံနွယ်များကြားမှ သနားစဖွယ် ပေါ်နေသည်။ နူးညံ့သော နှင်းဖဲအရောင်ဖြင့် နူးညံ့သောမွေ့ရာသည် သူ့ခါးကို ဖုံးထားသည်။ ဖြူစွတ်နူးညံ့သည်ဟု နာမည်ကြီးသော အဖိုးတန်အထည်သည် သူ့ခန္ဓာကိုယ်၏ အိစက်သော နှင်းအသားအရေထက် နိမ့်ကျပုံပေါ်နေသည်၊ သူ​၏ သွယ်လျသော ခြေထောက်များက အနည်းငယ်ကွေးနေသည်။ သူ၏ခြေကျင်းဝတ်များကို ငွေရောင် အနုစိတ်သံကြိုးနှစ်ချောင်းနှင့် ချည်ထားပြီး၊ နှင်းဖြူရောင်ခြေဖဝါးတစ်စုံသည် အနည်းငယ် ကြက်သွေးရောင်သ​န်းနေပြီး ထိုနေရာတွင် တိတ်ဆိတ်စွာ တွဲလောင်းကျနေသည်။

လွန်ကဲသော အလှတရားတစ်ခုကို သူပိုင်ဆိုင်ထားသည်။

အ....

နီလျဲ့သည် သူ့စိတ်ထဲက ဗရမ်းဗတာဖြစ်နေသော ခံစားချက်များကို ဘေးဖယ်လိုက်ပြီး သူ့ကို အချိန်အတော်ကြာ ငြိမ်သက်စွာ ကြည့်နေခဲ့သည်။ တစ်ဖက်လူသည် အိပ်ပျော်နေပြီး မလှုပ်မယှက်ဖြစ်နေပုံရသည်။

နီလျဲ့သည် ဖမ်းစားခြင်း ခံနေရပြန်သည်။

သူ့နားတွင် ချက်ခနဲမြည်သံပျပျကို ကြားလိုက်ရပြီး နီလျဲ့သည် အသိဝင်သွားသည်။ လက်လှမ်းကာ ကုတင်ဘေးက ကြိုးကို အကြိမ်အနည်းငယ် ဆွဲလိုက်ပြီး မကြာမီ အစေခံမိန်းမသည် အငွေ့ထောင်းထောင်းထနေသော ကောက်ညှင်းလုံးနှစ်ပန်းကန်နှင့်အတူ ဝင်လာသည်။