حبال من حرير

الحلقة الثانية عشر

صلوا على خير البشر
اللهم صل على محمد وآل محمد

#نسرين_الأسدي
#حبال_من_حرير

جميع من حولي أتحدث معهم بعقلي
بنُضجي بِحذري " إلا أنتَ "
كُنت دائمًا اتحدث معك بقلبي
بعاطفتي وبكامل رَغبتي .

_________

ريحانه ::-

راحوا الناس واحنه ضلينه مصفنين مانعرف شنسوي ...منين اجتني هالبلوه ياربي
.. النسوان يباوعن ويتبسبن ويخوزرن
كبر حتى كبر شنو دازه عليجن انه همزين ابنهم مدري اخوهن شايب..

بعدنه صافنين ودخل حسن مقاطعنه
: بوية من رخصتك اريد احجي وياك بموضوع

كام عمو وراحوا للاستقبال واحنه ضلينه بالصاله

بارق : احجي بويه شنو

حسن : بوية اني ماحب الف وادور ولا مستحي من طلبي
اني سمعت اليوم اجوا ناس على ريحانه والرجال كلش جبير
ماعجبني هالشي لهلسبب...

قاطعني : ولا يهمك باباتي كلنه ماعجبتنه الفكرة وماراح نخليها تزوجه

: بس هذا مو حل بوية هم راح يجون غيرهم وساعتها لازم تزوج لأن ابوها قابل

التفتلي مستفسر : لعد شنو الحل برأيك حسن ؟؟

: اني اريد انهي عليها حتى بعد محد يجرأ ويخطبها

انصدم من ردي وجاوبني بسرعه : مستحيل اسمحلك بهالشي حسن
هذا حرام
تريدها ازوجها بس مو تكلي انهي عليها وهاي السوالف الي ماانزل الله بها من سلطان

زفرت ضايج : بويه اني بعدني ممستعد للزواج ولا مجهز نفسي
لهلسبب كلت انهي عليها بس حتى نمنع ابوها يزوجها بالغصب..

: اني اكدر ازوجكم واتكفل بكلشي وين المشكلة اذا انت ممكون نفسك ؟

: لا يابه اني اريد ازوج واني معتمد على نفسي اعتماد كامل

نهض متقدم ع الباب : هذا هو لعد اخطبها على الاقل خطيبتك لحد ما تكون نفسك
وتزوجها بس مو مخليها معلكه بسبب عادات وتقاليد ماالهن اي صحه

طلع واني بديت افكر بجدية ..يلا حسن هذا زواج مو لعبة انت مستعد لهلشي ؟؟

ريحانه:- طلع عمو مسح على راسي: لا تشيلين هم عمو كلشي يصير نفس ما تردين

ابتسمتله وراح طلع حسن واجه يمنه:- ها الملحه شبيج الخطابه جاييج لو جايين لفراش..  لريحانه

روان:- شبيه مابيه شي وبعدين مو خطابه وماياخذون ريحاااانه ابد وانااا مو ملحه شگرررره

حسن:- ضحكي على روحج حتى جدي الاعمى كال انتِ صابغه شعفتج ملحه..

ريحانه:- لا حسن ما اسمحلك تخبل رونه منو بجمالها

اجه يجاوبني ودك موبايله طلع جاوب بسرعه وضل يغلط وصعد لبيتهم مدري شبي..