حبال من حرير

الحلقة السادسة والثلاثون

صلوا على خير البشر
اللهم صل على محمد وآل محمد

#نسرين_الأسدي
#حبال_من_حرير

_______

كمت من مكاني مفزوعه وانا اشوف محتوى الرسالة لكاتبه:- جان يمج؟ وفرحانه

قبضت على كف ايدي اهدي نفسي، عرفته هو ماكو شخص غيره يحجي بهاي طريقة رجعت كتبتله:- زوجي وبالحلال ليش ما افرح، لازم استأذن من حضرتك؟

ضل دقايق رجع دز:- شنو لكيتي بي وملكيتي بيه؟

:- رجال كد كلمته تقدملي وطلبني من اهلي وكدام لكل

:- وانا كو** مووو كتلج رح اتقدم بس انتِ قبلتي بي ليش ليشش تحبي شنوووو

روان:- احبه ماحبه اعشقه انت هذا الشي ميخصك ويلا لتراسل بعد خطيبي ميقبل..

ادم:- تره اكدر اخرب كلشي واكوله كلشي هم

روان:- هههههههه شتكله؟

ادم:- انا وانت نحب بعض

روان:- يا هاي شوكت شو انا مادري، لك بابا هاي الدروب متفيد..

ادم:- والله العظيم احبج

روان:- روح قدم حبك لزوجتك وبنتك، وانا ماخون خطيبي واحجي وي احد من وراه..

ادم:- انتظري الي رح تشوفي شحمه

قبل لا اجاوب كبل انطيته حظر واحس ارجف ومتوتره، وما انكر عندي خوف من ادم ليروح يسويله شي..

لكيت شُبر مراسلني من ربع ساعة، داز السلام عليكم، نمتي.. اخر شي داز، تصبح عيناكِ الجملية على صباح يشبههما..

ابتسمت ورديت وانت تصبح على خير..
سديت الجهاز ونمت وانا مبتسمة..

ثاني يوم الصبح، قررنا نروح للمحكمة نعقد جهزت نفسي وطلعت لشُبر بالأستقبال جان يحجي وي ماما..جان لابس دشداشه بيضه يخبل طالع بيها.

شُبر:- ماعرف والله عمه التايرات كلها مبنجره

نسمه:- ان شاء الله ماكو شي يمه لو مأجلها

شُبر:- مو اني اخذت أجازة من شغلي اليوم

نسمه:- الله يسهللكم يمه.. يلا شحمه ماما

وكفت وسلمت وهو ابتسم مجاوبني.. امي طلعت وهو اجه باوع يمنه ويسره وتقدم بسرعه بايسني بخدي..

ابتسمتله وخليت ايدي على صدره:- شبيك امي لتجي

غمز:- هيه فتحت النا مجال

التفتت للباب واختفت أبتسامتي من شفت ادم واكف ويباوعلنا وعيونه كلها شر..

ابتعدت بسرعة وهو تقدم وعيونه عليه، نزلت راسي وحيل توترت، سلم على شُبر وضل يحجي ويا..

أشر شُبر:- يلا ورانا طريق

ادم:- معبالي موجود مشفت سيارتك؟