حبال من حرير

الحلقة الثانية والعشرون

صلوا على خير البشر
اللهم صل على محمد وآل محمد

#نسرين_الأسدي
#حبال_من_حرير

_____

ادم

:- احم مافهمت شقصدك مأمون شنو ماجي شنو ماشوفها

باوعلي وهوا متعصب وعيونه حمر ونطق واحس ابواب الدنيا انسدت بوجهي:- رواااااان
ماتجي النا علمود لا تشوووف روان

:- اسكت يمعود شتحجي شعلي بروان انا.

:- اعرف كلش زين لبنيه لتحبها ولتحجي عنها هيه اختي ولا تنكر هل شي، انا جنت شاااك من اول بس ماردت شكي يطلع حقيقي ومن خطبت كلت الحمدلله شكي مجرد شك بس اتاكدت من شفت حالتك وحالتها هيه هم.

نزلت راسي ماعرف شحجي وهوا كام من مكانه منتفض لزمني من قميصي وعاط بيه
:- ولككك اسبووووع هيه مريضه ماصحت ولا لحظه وكل ماشوفها عيونها مورمه وتبجي وماعرفنه السبب شنو بعدييين شيطلع يطلعع انتتتت لمعتبرينك اخونا انت السبب.

وخرت ايديه عني:- مأمون لا تفهم غلط تره صحيح جنت احبها بس مجانت تدري قبل فتره عرفت ورفضتني كالت اعتبرك نفس اخوي

مأمون:- انجب تجذب علي شنووو المن تمرضت وبجت المن وانت ستوك كلت من كالتلك موافقه انت خطبتتتتتت

مسحت وجهي متنهد:- مأمون انا حيل مستحي منك صدكني ماكدر اباوع بوجهك وانا اشوفك تشوفني بنظرة واحد مستغل وجوده بيناتكم وهو.. غريب.. في سبيل يتقرب لأختكم

بس والله انا كل لبالي تكمل دراسه واكول الكم واتقدم بس هيه جانت رافضه وبس أبداً  ماسويت شي غلط وياها ولا باوعتلها نضره مو زينه والله.

مأمون:- اسكت اسكت لا تحجي ولا حرف

ادم:- نفس ماتريد بس الله يخليك لا تحاجي روان...

مأمون:- اسكتتتت لا تجيب طاريهاااااا

ادم:- تمام سكتت، بس اهدء لا تتعصب

عض على اصبعه وهوا فاير متعصب مايدري شيسوي ولو لزمني يموتني بين ايديه.. أشرلي بأتجاه الباب:- كوم اطلع بره ماريد اشوفك بعد

ادم:- تطردني مأمون؟ مو انت لعلمتني بوقت الغضب مانسوي اي شي لأن الغضب مسيطر علينه؟

لزمني ودفعني لباب البيت :- ولييي اطلع بره ماريد اشوفك اددددم الشياطين تفتر فوك راسي لا تخلينيييي اسووووي شي اندم عليهه روححح

ادم:- خوش رايح..
نزلت شفت حسن بوجهي ردت اعبره وكفني كايل:- ها انطردت أندومي حتى مأمون لتحبه ويحبك ويدافعلك اكثر مني طردك ههههههههه

ادم: - اي ارتاح واتشمت براحتك طردني مأمون وكال ماريد اشوفك

حسن:- هسه لازم تتاكد انت بيناتنا مجرد شخص غريب ورح تضل هاي الحقيقه ملاحقتك حبيبي مراح يتغير شي اذا جاملوك ابوي ومأمون بشكم حجايه.