صلو على خير البشر
اللهم صل على محمد وآل محمد
#نسرين_الاسدي
#حبال من حرير
_______________
ادم:- اي انا ادم انتَ منو؟
تحمحم مرتبك ولبس نضارته مبتسم:- اني اعرف خالك معرفة قديمة، احم اعتذر على طلعتي كدامكم بهيج طريقة جداً اعتذر بس جان عندي اتصال يخص احد عزيز عليه
مأمون:- ماصار شي انتبه مره ثانيه.
صعد سيارته ومشه وانا بعدني مستغرب الموقف دخلت السياره بالگراج وصعدت وره مأمون الي شايط يريد يلزم حسن، مالكاه فوك
صاح:- كررريم كررريم حسن وينكم
طلعو يوسف وكريم من الغرفة مستغربين من عصبية مأمون وصياحه
كريم:- خير خويه شصاير
مأمون:- حسن وين؟؟؟
يوسف:- جوه يم روان وريحانه
نزل مأمون بسرعه متجه ليجوه، نزلت وراه لأن مأمون حيل متعصب ويمكن حته يضرب حسن
دخلنه لكيناه بالمطبخ.
روان تركض وراه وبيدها الجفجير وشعرها كله طحين وهوا يتحامه منها بـ ريحانه.
روان:- شسويت بشعرييي
حسن:- مو جدي يكلج املح ردت اغيرلج اللون
ريحانه:- خليت بيها املح خطيه هسه يصير عجين بشعرها
حسن:- خلي يفيد سامعه عن فوايده انتِ؟
روان:- شنو هوا طحين منيله فوايد
حسن:- شبيج يموت الگمل
ركضت وراه وهوا لازم ريحانه
انتبهت لنفسي صافن على روان وهيه بدون حجاب رجعت ليورا
وصاح مأمون :- حسسسن!
التفتوله وسحبت روان شالها.
أشرله:- تعال احجي وياك
حسن:- شتريد حبيبي خلي يتعده يوم بدون ما نتعارك الله يخليك
مأمون:-مانتعارك اريد احاجيك
تأفّف ومشه طالع للحديقة
طلعت وراهم
مأمون:- شنو مصعد بنت الناس وراك بالدراجه وتفترون للضهر!! شيكولون علينه الناس
حسن:- ليردونه خلي يكولو مايهموني همه ونعالي
مأمون:- عدل ألفاظك حسسن
حسن:- يابه حيرتني والله شتريد مني مهره صديقتي وطلعنه سوه اخذتها لمكان اذا عجبها تشتغل بي مو نفس شغلك طردتها من ثاني اسبوع
مأمون:- ماطردتها
حسن:- اي بس تدخلت بيها وخنكتها حالي حالها اني ليش ما اشتغل وياك؟ هاا ليش لأن اذا اتنفس تحاسبني وهيه نفسي تحب الحرية ماتحب القيود.
مأمون:- ولك انت شتحجي وين عرفت عنها كلشي وبعدين شنو صديقتك ماصديقتك منين اكو صداقة بين شاب وبنيه حرررام!
حسن:- تفكيرك الحرام مأمون شبيك يا اخي عوفني بحالي وحق ربك رح تشوفني شلون اتوفق واصير شي ما متوقعه بس لا تخنكني.
عافنه وراح دخل
ادم:- خلي واحنه عيونه وراه
باوعلي وعيونه حمر من العصبية:- هوا وياها رح يجيبولي مصيبة.
________
ريحانه
صبينه الغده ورحت للمطبخ اجيب دولكة اللبن
شفت روان واكفه على سنك وادم وراها وصافن عليها جنه بغير عالم.
أنت تقرأ
حبال من حرير
Roman d'amourقصة حقيقية فتاة يتيمة الأب من عائلة فقيرة تجد نفسها بين مجموعة من الذئاب البشرية التي تريد افتراسها..يقيدونها بحبالهم الحريريه كي تضل تحت رحمتهم تخسر سمعتها وعائلتها وتتبدد احلامها لـــــــكــــن تعود للأنتقام من كل من آذاها.. ترا هل ستحصل على ان...
