حبال من حرير

الحلقة الخامسة عشر

ـصلو على خير البشر
اللهم صل على محمد وآل محمد

#نسرين_الاسدي
#حبال من حرير

‏جربت شعور إنك تتباهي بشخص قدام الكل و محدش يكسرك غيره .."

______
حسن ::-امشي خل نشوف شسوت هاي الحيوانه بعد

بدر:- شغلت دراجتي وهوا اجه يركب ما حس الا صوت مأمون وراي وهو يعيط بعصبيه

مأمون : حسنننن ...منو البنية وانته وين رايح

حسن : بعدين تحقيقاتك مأمون خل اروح هسه
:لا ماراح اخليك تروح لأي مكان قبل لا تحجيلي

:كتلك بعدين هسه لازم اروح واشوف شنو صار من ارجع احجيلك

: ماراح اعوفك قبل لا تحجيلي مهرة مو ؟؟
مو كتلك ابعد عنها مو كتلك عوف البنية بحالها انته ليش تحب تعبني ليش ما تسمع الحجي ؟؟

:اني شعليه هي حيوانه وماكو عقل براسها ..
كلت خطيه خل اشغلها وياي وتعتمد على نفسها
بس هي طلعت وحده ما تستاهل ....تتصرف بدون وعي

: هذا الحجي كله مايهمني اريد اعرف هي وين وشبيها

حسن:-قبل لا ارد اجه بدر لازم موبايله وحجه مبتسم
:خلص انتهى الموضوع ماصار شي والبنية رجعت لبيتهم

اتنفست براحه : بعد احسن ..يلا خل نروح

مأمون : حسن ماراح تروح لأي مكان قبل لا اعرف شنو الشغل الي علمتها علي
ذاك اليوم من شفتها ماعجبني وضعها
اني متأكد شغلك شغل راح يوگعنه كلنه بمصيبه
بس ماراح اخليك تستمر وياها راح ابعدها عنك بأي شكل من الاشكال
لأن ما مستعد اتحمل ذنبها

وثق بالله يا حسن اذا عرفت شغلك هو الشي الي ابالي راح ادمرك
واني الي اطردك من البيت هالمرة وريحانه بعد تحلم تشوفها

التفتت لبدر بسرعه : روح انتظرني بره
عطت بي : مأمون ..ليش تجيب اسمها كدام بدر ؟؟!

:مثل ما اخذتك الغيرة على بنت عمك الي المفروض تصير زوحتك
هاي البنية هم جان لازم تاخذك الغيرة عليها وماتخليها تمشي بهيج
دروب
هسه عرفت ليش رادت الفلوس من ابوي مو بسبب الشغل بس حته
تصرف على دربك الي علمتها عليه

حسن : ومنو كل لأبوك ينطيها لو ما صدك حضرت الاستاذ بابا بنية تطلب منه

مأمون : حسسسن ...لا تحجي كلمة وحدة ضد ابوي لا عبالك اسكتلك
اني هسه راح اروح اتأكد مهرة شمصخمة واتلاحك الموضوع قبل لا يكبر
لأن راح اتحمل الذنب اني الي طردتها وخليتها تمشي وياك

بس تذكر كلامي كلش زين ..اذا عرفت اي ثغره عندك احرمك من كلشي
ولا تكول ما حذرتك

حسن:- روح وانت تورط وي هل زبايل.. بس انت هم خلي بالك رح تدخل بشي ما منه طلعه..