حبال من حرير

الحلقة التاسعة والعشرون

صلوا على خير البشر
اللهم صل على محمد وآل محمد

#نسرين_الأسدي
#حبال_من_حرير

لا تنسوا التصويت والتعليق ع الفقرات فراشاتي 🦋
_______

ريحانه

سديت الاتصال من امي، ابوي ميخليها تجي عود من يروح تمرلي شوي وترجع، بلعت ريگي ونزلت دموعي سوده عليه يايمه تكول ايدها متعوره واكعه بس اعرف ابوي السبب وزوجته الله ينتقم منهم، ياربي عينك عليها بس هيه عندي.

كمت ارجع الملابس بالكنتور واني صفنه تاخذني وصفنه ترجعني، حسيت ايدين انمدن على خصري حظني بقوه مخلي راسه برگبتي..

شمني بلهفه:- شكد مشتاقلج فراشتي مايهون علي زعلج

:- لا هان عليك وكسرت فرحتي اجيت وبشرتك وانت شسويت ضوجتني.

خله جف ايده على بطني يتحسسها:- ولك ابن الكلب بعدك ماجيت وخربت بيناتنا.. دارني عليه وابتسم:- وشلون نراضي فراشتنه؟

ريحانه:- مترضى زعلت بعد خربت فرحتها

حسن:- يلا شوفي طلعي هذا الشريط مدري شسمه وانا عود ستوني جاي وفاجأيني خلي نعيد

ريحانه:- بس حس..
:- اش ولا كلمة يلا رح اجي وفاجأيني بسرعة..

صدك طلع من الغرفه وسد الباب، ضحكت ولزمت التحليل بأيدي، وهو دخل اجه حضني وبوسني نفس عادته بكل يوم يرجع بي
باوع بعيوني:- فراشتي شعدها احس ضامه شي

ريحانه:- اي عندي مفاجأة الك.. غمض عيونك

حسن:- مفاجأة ومنج الله يلا متحمس
غمض عيونه واني رفعت ايدي الي بيها التحليل، فتح عيونه على وسعهن وضل ينقل عيونه بين التحليل وبيني
حسن:- فراشتي حااامل؟

هزيت راسي مبتسمه وهو لوتي يمثل لو ما اعرفه اصدك هاي ردت فعله الحقيقية.. گبل حضني وشالني يفتر بيه:- الله فرحتي مانطيها لآحد رح يصير عندي فراشات هواي الله شنو هاي المفاجأة الحلووووه

ضحكت خايفه:- هههههه نزلني لا اوگع

نزلني وكعدني على طرف السرير، خله ايده على بطني وقرب وجهه وطبع بوسات:- ريحانه جيبيلي بنيه

مسحت على شعره:- طلعت تعرف تمثل

باوعلي وغمز:- لخاطرج كلشي اصير ممثل شاعر مطرب

ريحانه'-يعني تمثل عليه مافرحان بحملي؟؟

حسن:- بكيفي مافرح افرح وانا الممنون شوفي حتى ضليت ادخل بكوكل كيف التعامل مع الزوجة الحامل ولج انا شعندي غيرج احبل اجيب

ريحانه:- احبك اني

حسن:- اموت عليج فراشتي، جيبيلي بنيه احب البنات الصغار

ريحانه:- تشبه عمو بهاي الصفه هو هم يحب البنات

حسن:- وينه عمج بعد يعرف بنات يعرف ولد مايشوف بس الحربايه الصفره گدام عيونه، ميهمنه كومي بدلي خل نطلع