حبال من حرير

الحلقة الثامنة عشر

صلوا على خير البشر
اللهم صل على محمد وآل محمد

#نسرين_الأسدي
#حبال_من_حرير

____

دخل صفوان للمضيف وهو متأمل يحقق لشي الي جاي علموده..

بارق:- يلا تفضل كول العندك ومنو انتَ

صفوان:- اني والد الولد الي اخذتو من حظني

ضحك يامن مصفك بيده:- عرفتك عار الزلم صفوان بعد هل سنين كلها جاي تكول ابني والده لك ماتنجب

صفوان:- حجي انه كلامي وياك اتمنى جهظم ميتدخل وميتجاوز علي

يامن:- يامن اسمي يامن بعدين اتدخل واطيح حظك متستحي على نفسك

بارق:- يامن اسكت لخاطر الله، تفضل خويه احجي لعندك

صفوان:- حجي اني اعرف شنو جان دورك بحياة ابني آدم وشلون اعتنيتوا بي انتَ وزوجتك وماخليتوا يحتاج اي شيء
ربي يجعله بميزان حسناتك.. بس كمل احسانك وخليني اشوفه وعرفه علي

ضحك يامن بستهزاء:- تشوفه؟!
وابنك آدم.. هيج بهاي السهولة.. لا هاي قوية

صفوان:- استغفر الله انت ليش تدخل يا اخي اني اعرف بحقدك علي وشكد تمنيت موتي.. بس ربك كتبلي اعيش حته ارجع لأبني

بارق:- وشنو الي ذكرك بي بعد كل هاي السنوات؟!

:- لأن ماجنت موجود.. اني صح تركته بعمر سنتين.. بس مجرد رحت سافرت انسجنت ظلم
وضاع من عمري ١٥ سنة بالسجن.. ومن طلعت ماكدرت اجي لأن اصلآ مادري بيكم وين

يامن:- لا تبرر لنفسك صفوان.. لك انتَ واحد حقير
جان طفل حاله حال اي طفل اول ما يتعلم الكلام يكول بابا
وجنت تصرخ بي.. لا تكلي بابا اني مو ابوك وانتَ مو ابني.. انتَ كلب وما تستاهل تصير اب اله، لك الله يحبه لآدم وبعدك عن طريقه

:- اختك السبب.. خلي نفسك بمكاني.. وزوجتك تروح تشوف عشيقها من وراك شراح تسوي؟!!
راح تصدك من تصير حامل.. هذا الطفل منك؟!!

تعصب وراد ينهض.. لزم بارق كفه بسرعه وكعده:- اهدئ يامن.. خلي يكمل خل نسمع العنده.. عوف الماضي وركز على آدم

صفوان:- انتم ليش تلوموني.. اني من تركته جنت مجبور ومن ما سألت عنه هم مجبور بسبب السجن، ومن طلعت بغير محافظه وحته الربع دينار حسره علي..
ووراها ماخليت احد ما سألته ما حصلتكم
وبهذا الوقت قررت اشتغل على نفسي واكون روحي
حته ماارجع اله وعبالكم طمعان بيكم وبفلوسكم
ما سألتوا نفسكم ليش اني مامزوج لحد الآن وعمري بالأربعينات؟!
ليش ماخلفت غيره ونسيته.. لأن ردت اعوضه

بارق:- وليش تأخرت كل هاي السنين يلا قررت هذا القرار؟!

:- لأن عرفت ذاك الكلب عقيم.. ندمت وكلت اكيد آدم ابني اني.. ولازم ارجعله.. بس انتم السبب
اخذتوا وبعدتوا عني هواي.. وأول مارجعت للمحافظة وعرفت مكان جهظم واخته كلت اكيد آدم وياهم، وعرفت اخت جهظم زوجة حظرتك.