حبال من حرير

الحلقة السادسة والعشرون

(صورة البارت تمثل كل الرجال بالرواية 👌🏻)

صلوا على خير البشر
اللهم صل على محمد وآل محمد

#نسرين_الأسدي
#حبال_من_حرير

_______

صبرية:- اي حبوبه شكد عمرج؟
مهره:- بعدني مداخله 26
:- نسمه شكد عمر مأمون؟
نسمه:- 26

صبرية:- امدا المالحك ربعه جا الحجي ياخذ كد بزره شبي تهرفل

جبريه:- عوفج منه هيه شبيها قبلت بحجي ولده بكدها

بلعت ريگي يمه شنو من نسوان هذول حشريين بشكل.. تنهدت وجاوبت:- لا خالة...

صبريه:- خلاله لتخلخل عضامج شنو بكدج احنا كولي حجيه

يا الله مهره شكله رح ينفذ صبرج من وقت هذا اليوم.. ابتسمت مجاملة:- تمام حجية وبالنسبة لسؤال الحجية هنا، ليش استحي بعدين بارق مو جبير كُلش

:- اي مو جبير تموتن على لكبار لشباب محد يگلبهم هل الايام

:- اكلج انتِ وين عرفج الحجي؟

مهره'- جيران نفوتلهم ويفوتولنه ام روان والبنات يعرفوني..

صبرية:- طبقتي مقولة اخاويج اخاويج واخذ رجلج واخليج

مهره:- شبيج حجية أبداً لا اصلا ام روان هيه اجت وطلبتني بلسانها ولو ماجنت رح اوافق والحجي عنده علم

:- دنجبي غير سحرتي الزلمة بسوالفج وحركاتج وخليتي يتخبل اول وتالي رح يكلها ترحين تخطبينها الي تكدر تمانع هيه لو تكله لا

مهره:- استغفر الله، ترا اني مو ساحره ولا أني مو زينه شبيكم وياي

:- واضح من شعرج نصه طالع من لحجاب جنه ط** طالع من لباس

متحملت خليت وگمت من يمهم واني شايطه من العصبية غبيات ينرفزون..

_روان
دخلت يمامه للمطبخ تطك صبع وتغني:- العب بيها يابو سميره.

روان:- شكو شبيج

يمامه:- عماتي أستلمن مهره أكس مربع حيل تستاهل

نسمه:- يبوووه رح يفضحنه وانتِ مكيفه وضحكين غير تكليلي

يمامه:- تولي تستاهل

نسمه:- اوف منج انتِ ومن سوالفج
طلعت امي وهاي متخبله كلساع تطك صبع وتغني وتهز رگبه.

اخذت الصينية انطيت لنجمة العصير ورحت للصالة شفت امي ومهره يحجون بره.. دخلت للصالة وزعت العصير على عماتي وهنه يحجن على مهره..

ردت اطلع عاطت عمتي:- ولج شحيمه وين العرسان ادري نايمين رح تغورب الدنيا

روان:- عمه الساعة ب4 منين غروب.
صبرية:- وينهم خل ينزلون لا اصعدلهم
روان:- خوش خوش..
_________