حبال من حرير

الحلقة الثامنة

صلو على خير البشر
اللهم صل على محمد وآل محمد

#نسرين_الاسدي
#حبال من حرير

__________

روان

طلعنه من الامتحان جاي نمتحن امتحانات اخير السنة ان شاء الله نخلصهن على خير وبنجاح
ريحانه نفسيتها شوي متحسنة وهيه وحسن صايرين اصدقاء هوا يحجيلها عن يومه وهيه تحجيله عن يومها، شوي مخفف عنها سم ابوها ومرته..

ولأن امتحانات ابو الخط ماضل يجيبنه لأن البنات لويانه واحنه مانطلع بوقت واحد، ضل بابا يوصلنا ويرجعنه..

طلعنه وكفنه منتظرين بابا، ابتسمت من شفت السيارة اجت بصفنه نزل الجامه ونزل نضارته
::- ها يحلو تريد توصيله

::- لا يا ولد منتظره ابويه
::- بلاش والله ماخذ كروه

ضحكت::- جنها الشغلة عاديه عندك شو متعود على هل حجي
ادم::- اي شعبالج مو اول مره اوصل بنات حلوات
روان::- بطل سوالفك هذن
ادم::- مو بيدي كلبي مايتحمل

اجيت احجي وهوا بسرعة سبقني::- يلا صعدن ميت جوع

صعدنه انا وريحانه وره وهوا شغل السياره، شوي ووكف يم اسواق ونزل
::- يلا شتردن اجيبلجن؟

ريحانه::- سلامتك خويه
روان::- ولج ما تتعوض هاي الفرصه قطي شوف جيبلي علاكه وانت شكلي، وها ماريد نساتل بالككو ماحبهن جيبلي بالحليب
ادم::- هاي هيه تأمر شحم

نزل وريحانه تباوعلي::- شبيج
ريحانه::- ماتردين تعترفين
روان::- لا حبيبتي لبالج غلط انا وادم اخوه واصدقاء لا اكثر لا يروح بالج بعيد اصلا هوا يحب بنية مدري منيه
ريحانه::- مادري بعد

التفتت للجامة واشوف ضهر بنيه لابسه تنوره وتيشريت مفصلات جسمها وشالها على نص واهل التكاسي كلها تدك هورنات.. التفتت تريد توكف تكسي.. وشفتها، عزاا هاي مهره!! شتسوي هنا بهيج وقت ووحدها..

روان::-مهره؟

مهره::- التفتت ليوره شفتها روان بنت الحجي لابسه عبايه وحجاب ابيض مبينه راجعه من المدرسة بس شسالفه عباه هيه صغيره!!

مشيت باتجاهه::- ها روان هلو هاي انتِ
روان::- اي بس انتِ شسوين هنا وحدج؟ وبهيج وقت

قبل لا اجاوبها اجه ولد شاب يطلع بعمر مأمون وكف بصف السيارة الجارجر البيضه اول مره اشوفه بس شيسون لبنات وياه؟

روان::- ها ادم هاي صديقتنه مهره خلي نوصلها بطريقنه
ادم::- اي صار يلا صعدن

فتحتلي الباب صعدت وهيه صعدت بالصدر وشغل السياره عبرت علاكه النا
والتفتت للولد::- هاي مهره بنت الحجية ام اركان المؤجرين الجدد
ادم::- اهلا وسهلا خوية

مهره::- تعبتكم وياي والله لو مخليني اخذ تكسي وامشي
ادم::- لا خويه شسالفه

روان::-مهره هذا ادم اخويه
التفتلها ماراضي استغربت شبيهم هذول
مهره::- اخو مأمون؟