حبال من حرير

الحلقة التاسعة عشر

صلوا على خير البشر
اللهم صل على محمد وآل محمد

#نسرين_الأسدي
#حبال_من_حرير

- لقد شعرت معڪ أن ڪل شيء حقيقي ، وهذا سبباً ڪافياً ڪي أُحبڪ لهذا الحد ✨  🌸

___

مهرة::-

دخلت لقطوف وشغلت الاضوية وسحبت الغطى
:- قطووف.. يلا كومي.. كافي ترا دللتج هواي جنت ملتهية ويه الدكتور بس هسه بعد ماعندي شيء فرغتلج

كومي كافي نحيب وكآبة.. مللتيني حابسه نفسج بالبيت صارلج شهر وساكنة الغرفة علمود واحد مايسوا.. كومييي

رجعت سحبت الغطا وغطت راسها:- اوو مهره عوفيني..

:- كتلج كومي لج.. شنو اعوفج.. كومي لا والله اجيلج بالصوندة هسه.. كومي خل نروح للطبيب دكتور اسعد خوش دكتور كومييي

:- ماريد مهره والله ماريد لا دكتور ولا شيء عوفيني.. مابيه شيء بس مالي خلك اطلع جبر هو

:- اي جبر ويلا هسه دكومين گدامي.. دقايق الگاج كامله.. لا وروح ابوي اجيلج بعكازت امي

سحبتها من ايدها.. يلا كومي للحمام.. جهزي نفسج بسرعه.. بسرعه.. ماريد تتآخرين ولا دقيقة
هسه دقايق وراجعه اذا ما داخله اني ادخلج فهمتي

رحت بسرعه جهزت نفسي وغيرت ملابسي لفيت شالي ولبست الجبه وعطت عليها
:- ها قطوووف.. اجييي

رحت ورا دقايق لكيتها بالحمام

:- اي نقذتي نفسج والله لو متأخرة جان اخذتج سحل
راح انتظرج بالصاله استعجلي.. والله عايشة دور الأرمله العدها عشر جهال من ورا ذكر خ** عليهم كلهم

تقدم أمير علي مستفسر:- عمه وين تردين ترحين؟!

:- والله مثل ماتشوف بعد عمتك اريد اروح للدكتور

:- خل اروح وياجن عمه.. يمكن تحتاجن شيء او تحتاجن احد وياجن.. شلون ترحن بس نسوان

ضحكت مربته على ظهره:- اي ابن اخوي شب وصار زلمة ويريد يروح وياي هههه
لا عمه مشكور.. اني مو صغيرونه مايحتاج يروح وياي رجال
ولا تخاف على عمتك الي يمس طرفي ادوس عليه

:- عمه اني اعرف انتي ماينخاف عليج بس مابيها شيء اذا رحت وياجن.. مايحتاج ابقى بالبيت

خليت ايدي على خده وحجيت وعيوني بعيونه:- أمير.. اذا حاب ترجع امجاد ابوك وتتحكم بينه
ف احب اكلك اني مو مهره القديمه واخر شيء رجال يتحكم بيه.. اني اتحكم بنفسي تريد تبرز رجوليتك
ذيج امك واختك.. بس مو اني.. فاهم حبيبي
ربتت على خده

واخذت قطوف وطلعنه..

ماناقصني غيرك أمير.. بس لا مستحيل ارجع تحت رحمة اي احد... مستحيل

خذينه تكسي ورحنه لنفس الدكتور الي اخذني مأمون اله.. ماعرف ليش بس يمكن لأن حسيته طبيب نفسي اكثر من طبيب ادمان وهاي الغبية محتاجة دكتور نفسي
حته تطلع ذاك الكلب من بالها.. حقير شكد اتمنى لو الزمه