حبال من حرير

الحلقة الواحدة والعشرون

صلوا على خير البشر
اللهم صل على محمد وآل محمد

#نسرين_الأسدي
#حبال_من_حرير

__________

قطوف:-

التفتت الها جانت تباوعلي بأستحقار وكره عمتي ونور تفاجأن وماعرفن شنو قصدها

تقدمت علينه وابتسمت بستفزاز:- هاي عائلتج الحلوه؟!

ام راكان:- هلا يمه منهو انتي؟!

:- نورسين، زوجة خال روان.. يامن.. الي بنتج خربت بيتها.. واخذته من اطفاله

:- انتي شجاي تكولين يمه.. يابنتي وخذتمن؟!

:- خطية انتِ حجية.. نايمة ورجليج بالشمس ماتعرفين بمصايب بناتج المحترمات والي مربايات.. والشريفات

رفعت ايدي بسرعه وصحت:- كافييي.. زوجج هو الغلطان ليش ماترحين تحاسبينه بدل ما تحاسبيني ورغم انتِ جنتي تعرفين طبعه كلش زين

ضحكت مصفكه بأيدها:- تعالوا يلا الكل خل يجي والي ماسامع خل يسمع هسه.. اني اليوم اريد البيت كله يعرف بسوالفج وهاي الملاك البريء الكدامهم اريدها تطلع على حقيقتها

ام راكان:- يمه شنهي هالحجي الله يخليج قطوف شمسويه حته هيج تحجين عنها البنية ما طالعه من باب البيت

نورسين:- اي حجيه صدك ماطالعه.. بس مايحتاج تطلع.. هي بحجة الشغل سوت اسوء بهواي من الي يطلعن.. بنتج ممثله من الدرجة الأولى
تكدر تكذب علي وتخليني اصدك هي بنية مؤدبة وشريفه وبيتي وجهالي يمها بآمان بس الي صار عكس هالشيء.. طلعت وحده حرامية

نور:- لا.. بهاي مستحيل نصدكج قطوف ماتمد ايدها على اي شيء مو الها.. قطوف عمرها ماسوت شيء غلط

نورسين:- هههه.. اي صحيح.. لأن ماشاء الله بنية تعرف الحرام والحلال.. بس ماتعرف الزنى حرررام.. وعقابهااا الموووت

عطت بيها:- احنه تزووجنههه.. اني وياه جنه مزوجين.. اني عمري ماسويت شيء حرام ولا راح اسوي.. بس هو ازوجنيي

نورسين:- والله وطلعتي مو سهله.. الي قبلج جانوا يبوكون فلوس، ذهب، موبايلات، غراض غالية، حته مواعين البيت
بس انتِ لااا جنتي مختلفة.. انتِ طمعتي بشيء اكبر
وكل ضنج اني ماراح اكشفج.. كلتي ليش اخذ شيء بسيط واني اكدر اخذ كلشي منها
عفية والله.. شاطرة.. ماشايفه هيج شطارة قطوف.. اني اهنيج
كدرتي تلفين عليه وتخلينه يعقد عليج ويسفرج.. واني جنت مثل العمية..

التفتت على عمه ونور رادفه:- لابد تذكرون قبل شهرين او اكثر من كالت الكم احنه مسافرين واني محتاجتها حتى تهتم بالجهال صح؟!
لا ماجانت سفرة عائلية ولا جنت اني والجهال موجودين اصلآ
زوجي العزيز والي حاليآ طليقي ماخذها شهر عسل
او خلينه نكول اسبوع عسل.. هههه واني ماجنت اعرف