حبال من حرير

الحلقة التاسعة

صلو على خير البشر
اللهم صل على محمد وآل محمد

#نسرين_الاسدي
#حبال_من_ حرير

_________

ادم

دخلت يم مأمون وهوا ضايج ومتنرفز
::- لا تكلي تعاركت وي لبنيه؟
مأمون:- طردتها
ادم:- ليش؟
مأمون:- هيج ابتلاء على هيئة بشر ماشايف تعاند يابه امشي يمين تمشي يسار عناد بيه

ادم:- يمكن بعدها جديدة مو تكول قطع الاعناق ولا قطع الارزاق؟
مأمون:- انا مو ما افتهم ومن اول شغلة طردتها.. انسه جاي من وكت اليوم

ادم:- اي من وكت طلعت ماعدي شغل.
مأمون:- يلا امشي
تحركنه ومشينه وبطريقنه قبل لا نوصل لبيت الحجي شفنه دراجة حسن صافه يم بيت ام اركان وهوا ولبنيه واكفين يحجون، هزت راسها تمام ودخلت وهوا لبس نضارته وشغل دراجته رايح للبيت..

باوعنه واحد للثاني مستغربين
مأمون:- استغفر الله العلي العظيم رح يجيبلي بلوه وحق الله يبجبلي بلوه نوب ويامن وي كتلة الابتلاء هاي
ادم:- ان شاء الله ماكو شي

صعدنه فوك دخل مأمون يغير ملابسه وانا كعدت بالصالة افكر وعقلي مشوش،
سمعت صوت حسن صاعد ليفوك من الدرج الداخلي للبيت بس مو وحده وياه صوت بنيه اكيد "فراشته"

حسن::- ولعباس شبيج ماتصدكين
ريحانه::- صدكت والله بس يعني اكول ماتنعقل
حسن::- ولج هذا العراق العظيم كلشي بي
ريحانه::- اي صح

صعدو بيديهم اكل ولبنيه استحت مني
حسن::- هم شفتك بجهرتي
ادم::- بكل مكان انا
حسن::- نفس البصل بكل أكله موجود
ادم::- حسك الفكاهي ناصي ماتضحك

خلو الاكل على الطاولة ونزلت لبنيه وهوا راح غسل، اجه مأمون وكعدنه بالكاع فرشنا السفره
مأمون::- كريم.. كريم تعال اكل بابا

طلع كريم راسه من الباب:- اكلو بالعافيه اكلت وي خالة جوه انا ورح العب بلي خاف ما اسمعكم
مأمون:- بالعافيه طلع ملابسك المحتاجه غسل خليهن بالغسالة
كريم:- نزلتهن خالة كلهن
هز راسه مأمون مامجاوب

طلع حسن وگابلنه وكعد ياكل
مأمون:- احم حسن؟ شفتك واكف وي لبنية بت ام اركان شعدك وياها

حسن:- مأمون الله يخليك خل اكمل اكل ميت جوع نوب استلمني تحقيق
مأمون:- تمام اكل بالعافيه

خلصنه اكل وحسن راح سبح وطلع من لحمام لابس برموده ووكف يمشط شعره ويدندن..
" تريد تروح بيباي ماحجي كلشي ماكول "
"انت تحبني ههاي انت تحبني مو معقول"

طلع مأمون من المطبخ وباوعله متفاجأ
::- شنو هاي بزندك حسن وين متعور

وهوا جنه انتبه كبل غطاه بالمنشفه::- لا ولاشي هيج
راد يمشي لزمه:- وشم؟؟؟؟
حسن:- اي وشم شتريد تسوي، شوفه حلو عجبك؟؟