حبال من حرير

الحلقة الثالثة

صلو على خير البشر
اللهم صلِ على محمد وآل محمد

#حبال_من_حرير
#نسرين_الاسدي

قراءة ممتعة..

___

عيوني من شافت عيونج..
تعلمت معنىٰ الحنين..
وبسمة شفافج يروحي عيشت گلبي الحزين...
صرتي أهلي وناسي انتِ وياما عرفوني وحيد..

اتحسرت نفضت دخان جكارتي اخ يايابه ماجاي تروح من بالي هوا لحب هيج يسوي.

الله يغفرلج يا يمه غير ترضين واتوكل اخطبها مو والله تعبت ومليت..
زين بله رفضوني..
اني جاي اعيش قصة حب صعبة ومتعبه..
باوعت للسماء يارب لا تكسر گلب عبدك وسهلي طريقي وياها..

فزيت من صفنتي على شخص كعد يمي.. باوعتله "حـسن".. طفيت الأغنيه وهوا سحب باكيت الجكاير وورثله جكاره صافن..

ياسين
_ شبيك حَبيب شمضوجك؟.

_مأمون.. تعاركت وياه.

_ليش اخوك الجبير غير تحترمه.

_خانگني ياسين مايصير هيج كل ما اريد اسويلي شي يتدخل بيه خل يروح يشوف حياته شعلي بيه.

ياسين
_حبيبي هوا يريد مصلحتك لا أكثر ومن يبعدك عن اشياء خلي بالك هاي الاشياء مابيها الأ مضره الك.

_انعل ابو المصلحة هيج مايصير، حته اصدقائي مايخليني امشي وياهم.

_لأن همه مو زينين بعدهم عنك.

باوعلي بأستهزاء_حتى انت بعد شكم يوم يبعدني عنك.

_هههه لا مستحيل لأن يعرفني زين.

_ لو يدري بيك علمتني على الجكاير والأغاني يطردك بالجلاليق

_اتبرى منك اكله حسن علمني انا من الجامع للبيت للشغل

ضحك وشمر الجكاره مطلع علج.

_حبيبي لازم تصالح اخوك مايصير هيج تثكل وجهك عليه.. هوا يحبكم ويخاف عليكم.

_ان شاء الله.

***

ريحانه
لحت علي روان اجي الهم وكلت لابوي من وره خشمه قبل.. واني جني طالعه من سجن.. لبست عبايتي ودرتلهم.. قبل لا ادخل التفتت للأسطبل.

شفت حسن ابن عمي والعامل.. ثنينهم واكفين.. بأيده يمشيها على شعر الخيل ومندمجين يسولفون.. حلوه صداقتهم وما يستكنفون ابد يصادقون عامل يشتغل عدهم..

ابتسمت وانا اراقب تحركاته وكلامه.. ابتسامته.. استغفر الله ريحانه شبيج اتخبلتي.. اجيت ادخل ومن ثولي عفت الباب دخلت بالحايط انرگعت واحس كصتي عنجرت..

سمعت صوت من وراي: الله الله

التفتت وانا عيوني مدمعه

حسن بالكوه لازم ضحكته: شبيج.. ماكدر وانفجر يضحك.. هههههه خرب وج كصتج صارت حمره.. ادري مستعجله على روان شبيج