حبال من حرير

الحلقة السابعة والثلاثين

صلوا على خير البشر
اللهم صل على محمد وآل محمد

#نسرين_الأسدي
#حبال_من_حرير

_______
روان

شفته رجع وجاي يخلي مسواك بالمطبخ، رحت يمه وهو باوعلي ودار وجهه، اخذت نفس احاول اقوي نفسي..

:- ممكن تكعد ونحجي؟

غسل ايده:- اي نحجي بس ماريد تخلصينها ماعندي شي ماعندي شي وتبجين

روان:- ما ابجي

طلع كعد بالصالة ورحت كعدت شوي عنه
:- يلا اسأل لتريده وانا اجاوبك

شُبر:- منو الشخص الي جان عندج تواصل وياه

روان:-مجان عندي تواصل وي احد ليش متصدكني

شُبر:- والله عاد شلون ترديني اصدكج من قبل زواجنا بأسبوع واني توصلني رسائل من ارقام وحسابات مجهولة، لا تزوج حبيبتي واتركها وصدكني متتهنه بيها وهيه تحبني ومن هذا لحجي، واني اتجاهل واحظر اي حساب يجي..

وبعدين ما اكتفى حظرته راح دزلي صورج

روان:- مبين اغلب الصور انا مادري بيهن من ماخوذات

شُبر:- اي وهذا لمخبلني منووو ليكدررر ياخذلج صور بأكثر من يوم وانتِ بدون شال وانتِ كاعده منوووو

نزلت دموعي وبلعت غصتي:- ليشش تصيح عليهه

شُبر:- استغفر الله بويه ما اصيح، بس احجي يلا مو كلتي نريد نحجي احجي اني اسمع.

سحبت نفس قوي وباوعتله:- انا محد جان بحياتي بس.. بس.. ادم ابن خالتي هو الوحيد الي جان ولد غريب بحياتي، بس شوف والله انا جنت معتبرته اخو وصديق لا اكثر، ومأمون جان دائماً يخلي حدود بيناتنا ميقبل ميانتنا تزيد ابد، وهو الي اجه بالي لأن..

شُبر:- لأن؟

روان:- شوف انا جنت معتبرته اخوي والله والله، بس هو واحد غبي مجان معتبرني اخته هيج

شُبر:- كملي

روان:- رح احجي كلشي بس لا تخزرني هيج عيونك الحلوة تخوف

دومي اجفض وما انتبه لشي الآحجي وهو حاول يخفي أبتسامته..

شُبر:- يلا كملي..

روان:- اي ف فد يوم هو اعترفلي كالي احبج وانا انفعلت وضجت ضربته راشدي وخفت وحتى ضليت مريضه مدري شكم يوم لأن عرفت هو يفكر بيه هيج، بعدين كلت هو ابن خالتي وامي مربيته اخواني وابويه يعرفو وهو يحبني ليش ما انطي فرصة وانطي نفسي همين..

جنت مدنكه راسي مستحيه اخلي عيوني بعيونه واحجي هيج شي بس مجبوره لازم احجي كل شي :- وبالوقت الي كلت اخطي هيج خطوه هو خطى خطوه اكبر وكال لابويه يروح يخطب اله جان توقعي اني، بس طلعت زميلته بالشغل..