حبال من حرير

الحلقة الثامنة والثلاثون

صلوا على خير البشر
اللهم صل على محمد وآل محمد

#نسرين_الأسدي
#حبال_من_حرير

_______
نور

مرت الاسابيع وآدم تحسنت حالته ويه العلاج والراحه وراح جلسات علاج طبيعي حته تتحرك عضلاته
وخلال هاي الفترة صفوان ماتركه ولا لحظه بالنهار والليل وياه ليكول طفل وجاي يداري حسيته يريد يعوضه عن طفولته وبعده عنه ذيج السنوات

صفوان:- يلا حبيبي آدم جهزت نفسك؟!

آدم:- اي يابه جاهز اني.. بس ماكتلي وين راح نروح

ابتسم:- خليها مفاجئة حبيبي

التفت الي:- يلا نور حياتي ديربالكم على نفسكم احنه ان شاء الله ما نتآخر عليكم

نور:- بالسلامة حبيبي، تونسوا

طلعوا ورجعت گعدت بصف زنوبه اجت خلت راسها على رجلي وردفت:- ماما هو وجود الأب هيج حلو لو حسب الأب نفسه

ابتسمت الها ومسحت على شعرها:- صح حبيبتي حسب الأب نفسه، اكو يخلي كلمة اب والعلاقة الأبويه احلى شيء عند اولاده وبناته ومرات لا يصير العكس ويخليهم يكرهون وجوده ويتمنون لو عايشين بدون اب يتمنون اليتم ولا اب مثله

زينب:- واذا زوج ماما هم نفس الشيء؟!

التفتت لأمير جان گاعد على جهة ولازم كتابه بس باله يمنه وعيونه علينه
تنهدت وردفت:- الزوج بعد اسوء ماما، لأن الأب
مو انتِ الي اختاريتي ورغم كلشي تبقين بنته او ابنه وهو مجبور يتحمل واصلآ گلبه ماينطي يأذي جهاله حته لو طبعه قاسي بس اله حد يوكف عنده

واذا زوج هنا انتِ مو مجبورة بس احتمال تجبرج الظروف، المجتمع والاسوء عندج حل تبعدين عنه وتغيرينه
وماراح تگدرين بسبب وجود الاطفال او الاهل
واغلب النسوان بهاي الحالة يعيشن جسد بلا روح
لأن الزوج يضرب، ويهين، ويهمل، ويخون وهي لازم تتحمله لخاطر جهالها ولأن المجتمع يريد هيج
ويا ويلي عليها اذا الجهال كبروا وجانوا اسوء من ابوهم
هنا الأم راح تحس ضيعت عمرها لخاطر ولا شيء
راح تخلص باقي عمرها بالحسرة والآلم وتموت وهي مامرتاحه، اتمنى مااجرب هذا الشعور

استعدلت زنوبه بگعدتها وخلت راسها على صدري حاظنتني
:- ماراح اخليج تعيشينه ماما.. احنه وياج دايمآ ومستحيل نعوفج.

نهض امير واجه متقدم علينه گعد بصفي خله راسه على كتفي وردف:- اني هواي احبج يمه وحته صفوان مااكرها علمودج ولأن هو طلع خوش اب
مررت اديه حاظنتهم وردفت:- الله يحفظكم الي ياروحي انتم

خلصت ايام التجبيس وراح آدم شالوا عنه الجبس بس صفوان ماخلاه يروح لبيته وكله يبقى وياه اكثر
جنه گاعدين بليل بعد العشى واندگ الباب فتحه أمير
وشفنه قطوف دخلت نهضنه اني وزنوبه بسرعه
وأمير سلم عليها وحظنته مردد:- مشتاقتلك