حبال من حرير

الحلقة الرابعة والثلاثون

صلوا على خير البشر
اللهم صل على محمد وآل محمد

#نسرين_الأسدي
#حبال_من_حرير

_______

:-لا توافقين، اصلااااً مو بكيفج توافقين على هذا الزواج

روان:- لا بكيفك مو.. انت شدخلك يا اخي مو تزوجت وشفت حياتك ليش تدخل بحياتي

مسح وجهه متعصب وايده ترجف نتر بوجهي:- انا احبج وانتِ تحبيني ليش ليششش تخربين كل شي بموافقتجج

حيل خايفه بس حاولت اقوي نفسي:- لا انا ماحبك ولا فد يوم حبيتك ولا انت تحبني ولا فديوم حبيتني، حب زوجتك ام بنتك أفضل

ادم:- ماحبها والله ماحبها ولا رح احبها انتِ وبس ساكنه كلبي وعقلي والله

روان:- شنووو الفايده ادددم شنو الفايده متكلي انت هسه متزوج وطفلتك بأي شهر تجي، شنووو متحبها

ادم:- شوفي والله جنت مجبور اتزوجها واصلاً احنا متفقين بس تولد ننفصل كلمن بطريق وبس انفصل لو اعرف اخوتج يعدموني ماانزاح من يم بابكم الا ينطونج الي والله

روان:- مجبور؟

بلع ريگه ونزل عيونه يتهرب من عيوني:- حامل جانت..

افتحت عيوني على وسعهن وضليت صافنه شجاي يحجي شجاي يكول هذا شنو حاامل..
فزيت من صفنتي عليه متقرب مني يريد يلزم ايدي، دفعته وعطت ودموعي تنزل..

:- لك وخرررر وخررر لا تلمسنيييي لا تلمسني شنو حامل انت متستحي لتحجي وياي وخر وخر عنيييي

ادم:- والله احبج بس انتِ ومن جنتي عمرج ايام سكنتي كلبي وماطلعتي منه ابد، ساكنه فكري وكلبي واحلامي ابد متفاركيني لحظه ورواء رواء مجرد هيج تضياع وقت والله بس انتِ حبيتج ورح اضل احبج

روان:- تضياااع وقتتتت لك لو انت صدك تحبني متروح تقيم علاقات الله ليعلم محرمه مدري لا، وخر لا تلزمني ابد حيل حيل قرفانه ادم وخر عني

ادم:- روان مراح تفهميني ابد ومراح تتفهمين وضعي، رحمي بحالي الله يخليج والله عايش بالدنيا لخاطر عيونج الله يخليج لا تزوجين، ضلي فتره فتره وفكري عدل زعلي شكد متردين بس لا تزوجين فدوه

باوعتله واحس روحي تريد تطلع كلش كارهته وماريد اسمع حتى صوته..
:- وخر اريد اطلع

ابتسم وعيونه تلمع:-مراح توافقين مو؟

عطت بي:- اوواااافق وهسه طالعه اكول لامي اني موافقه على شُبر وانت رح تحظر الزواج وتحظر كلشي ويلا ضوگ الكاس الضگت منه عيش لعشته اني بزواجك، يمكن مراح تتأثر بس صدكني رح اضل ندبه بداخلك العمر كله وخلي بالك شغلة انو انتَ خسرت روان خسرتها..

عض شفته ونزلت دموعه ومختنك كوه يحجي:- والله احبج انطيني فرصه

روان:- جاان فكرت بيه قبل لا تروح بهاي سوالف، لك انيييي حتى خجلانه من نفسي حبيت واحد مثلك..